Post: #1 Title: .................. وحلـــــــــــوووووه ................... Author: أبي بكر سيد احمد Date: 12-28-2011, 07:01 PM Parent: #0
وتاني نقول يا منسينا الجميل ..ويا ود شيقوق .. ويافيسل هليل ..وصديق الموج ..وابو صلاح ورغم انف كل شيئ ...حلوه... .... وماليه الدنيا سماحه ومافي اتنين بختلفو عليها انا بتحدى الدنيا عشانا وكل الدنيا حدوود عينيها
******************* بت بتضوي خرائط العالم وهي البتلونو بي إيديها كل ورود الكون اجتمعت شان ما يشوفو ورود خديها
*****************
عارف ذوقه وخفت روحه زوله وديعه ورافعه الكلفه مهما اصور ومهما ابين تبقى البت بالجد مختلفه من الحور البت ظنيتها زايره الدنيا إعاره وسلفه آخر القول انا بيها متيم وزول الحب ما بيعدم صرفه
Post: #2 Title: Re: .................. وحلـــــــــــوووووه ................... Author: فدياس نجم الدين Date: 12-28-2011, 07:34 PM Parent: #1
الفنان ابو بكر هذا تعبير جميل ( زياره الدنيا اعاره وسلفه )
انشاء الله تكون لحنتها ونسمعها قريب وكل سنه وانت فينا
سنجك ويكون راكب ليهو جمل وفي كردفان؟؟؟؟؟ مبااااااااالغة
Post: #6 Title: Re: .................. وحلـــــــــــوووووه ................... Author: أبي بكر سيد احمد Date: 12-28-2011, 08:08 PM Parent: #4
ايا صاحب الأزميل (فدياس) شكراً على المرور اللطيف. .. وإن شاء الله تسمعها قريييب جداً لأنها الآن بالأستديو ضمن باقه كاسيت جديد اسمه( ورده ) وبيطلع السوق قريب إن شاء الله
محبتي
Post: #7 Title: Re: .................. وحلـــــــــــوووووه ................... Author: محمد علي شقدي Date: 12-28-2011, 08:17 PM Parent: #6
يا صاحبـي غنــــــــــى ليهــا أكان تجف عيونا من البكى ننوم نطرد أسباب هواجسنا تشبع ملامح الغبش سماح ونمرق بيها من ها الوحل تحياتي يا غالي ليك وللحلوين الحواليك
Post: #8 Title: Re: .................. وحلـــــــــــوووووه ................... Author: أبي بكر سيد احمد Date: 12-28-2011, 08:26 PM Parent: #6
يا شيقا ..والله الشوق الشوق الشوق زمان منك ومن (لخبطاتك ) وتسلم يا غالي على كونك متابع التسجيلات (الجديده والقديمه) وهذا بالتأكيد مما يسرني ويسعدني ومؤكد انك زوول فنان ..عشان كده رأيك عندو وقع خاص ...
Quote: يا شيقا ..والله الشوق الشوق الشوق زمان منك ومن (لخبطاتك ) وتسلم يا غالي على كونك متابع التسجيلات (الجديده والقديمه) وهذا بالتأكيد مما يسرني ويسعدني ومؤكد انك زوول فنان ..عشان كده رأيك عندو وقع خاص ...
ما عندي ولا راي - لكن عندي حس بيعرف الغناء السمح والصوت السمح والكلمات السمحييي .
Post: #10 Title: Re: .................. وحلـــــــــــوووووه ................... Author: أبي بكر سيد احمد Date: 12-28-2011, 09:01 PM Parent: #9
تسلم يا فيصل خليل يا (هندسه) على الإسعاف التكنولوجي السرييييع
مشتاقين ليك ...
اقعد عافيه ...
Post: #11 Title: Re: .................. وحلـــــــــــوووووه ................... Author: أبي بكر سيد احمد Date: 12-29-2011, 04:20 PM Parent: #10
شقاده العزيييز .. لك التحيه يا اخي .. لك التحيه وانت تضرب بكل رفاهيه الغربه عرض الحائط ...و تتحول الى (مونيتور ) صادق تنعكس من خلاله كافه آلآم وآهات البلد ... لك المحبه ... وقد عرفناك مناضلاً منذ يفاعتك ...وقد فشلت المنافي واعلنت استسلامها تجاه تبديل ما تحويه من رواسخ راسيه و.. تسلم يا صديقي
Post: #12 Title: Re: .................. وحلـــــــــــوووووه ................... Author: خالد علي محجوب المنسي Date: 12-29-2011, 07:55 PM Parent: #11
برجع ليك يا جميل
Post: #13 Title: Re: .................. وحلـــــــــــوووووه ................... Author: أبي بكر سيد احمد Date: 12-29-2011, 09:37 PM Parent: #12
يا شيقا المميز
وإنت قايل الفنان شنو بخلاف الحس والإحساس القلتو دا ..والتمييز ما هو عصب الفكره كلها
بعدين انا ما اتعودت عليك (هادئ) بالشكل دا ...
الحاصلى شنو يا خالد المنسي ..الزول تم (تدجينو)؟؟؟ ولا الحاصل شنو؟؟
محبتي يا شيقااااااااا
Post: #14 Title: Re: .................. وحلـــــــــــوووووه ................... Author: فيصل محمد خليل Date: 12-29-2011, 10:02 PM Parent: #13
فوق من اجل المزيد من الحلاوه والجمال
Post: #15 Title: Re: .................. وحلـــــــــــوووووه ................... Author: خالد علي محجوب المنسي Date: 12-29-2011, 10:23 PM Parent: #12
Quote: من الحور البت ظنيتها زايره الدنيا إعاره وسلفه
إنسان ولا من الحور ؟ جيت من الجنان فلته
على قدر ما أقيس أشواقي ليك ما بلقى البنضرع بو مقاس لك في النفس ايقاع جماله خلقك وحسن معشرك دمت أخ كريم يا كريم نطرب لصوتك وحسن أدائك في الغناء عندما أسمعك تشدو أحلق في مكان بعيد حيث لا منيات ولا كائنات تمر
Post: #16 Title: Re: .................. وحلـــــــــــوووووه ................... Author: أبي بكر سيد احمد Date: 12-30-2011, 08:44 PM Parent: #15
تسلم يا منسينا
بس ما قاعدين نشبع منك ... وكلما تجي تقضيها لينا كلها شندي ...
صديقي اللدود الحبيب أبو بكر سيد احمد ياخ حلوة الصدفة البيك جمعتنا وخلت عينا تلاقي صباحها ,,, بالجد مشتاااااقين يا راجل عاش من شافك ووين ايامك يا حبيب ،،، ومن بعد فرقتنا ديك مين كان بيفتكرك تعود مين كان بيفتكرك تعود ،،،، ما زلت اذكر ليالي منتدي الخرطوم جنوب الثقافي ومنتدى مجمع طلعت فريد وتلك الايام الجميلة التي كنت دائماما تشنف آذاننا بصوتك الطروب على الرغم من إنو الواحد كان برضو بيحاول إنو يقدم شي يقدر بيهو ينافسك ولكن يشهد الله انه كان تنافس شريف وجميل وكم كانت تلك الايام جميلة ولا تنسى وما زلنا نحتفظ بها في غياهب الذاكرة الخربة لدواعي الغربة اللعينه ،، على العموم الكلام بتاع الاغنية جميل جدا وبيشبهك بصراحة ويا ريت نسمعها قريب ،،، وانا اثق في انك ستخرجها بصورة جميلة ورائعة .. وتقبل سلامي وإحترامي ،،، أخوك : ياسر العيلفون - الرياض
Post: #21 Title: Re: .................. وحلـــــــــــوووووه ................... Author: خالد علي محجوب المنسي Date: 12-31-2011, 12:07 PM
ابوبكر الحلووووووووووو.....سلام كنت قد كتبت مداخله فى البوست الاسبق وقد ضاعت بين ارشفة بكرى وشحتفة هذا الزمن الجهجاه سريع الاستدارة شكراً لك وانت تبذر ورده بين الاشواك نتمنى ان نسمعها قريباً بتطريبك العالى وترطيبة صوتك الفارهـ.. سلمت،،،
Post: #29 Title: Re: .................. وحلـــــــــــوووووه ................... Author: أبي بكر سيد احمد Date: 01-02-2012, 01:46 PM Parent: #28
قال محمدالحسن حسن سالم حميد
تعالوا تعالوا وتعالوا ..........تعالوا
تعالوا الدم ماهو مويه ولاها ترايي المسام خباري بحمِّر في اخوي وطراوة الخوه ابتسام تعالوا نحانن بعضنا نخل قلبو على التُمام نبضنا يشهل ارضنا ارضنا تجم العضام تعالوا بدل نبني ساتر نخيب ظن الصدام ونطيب للعازه خاطر ونقوم للاطفاله سام