Quote: حاضرين يا كستاوى والاستقلال كيف ؟ يدك معانا فى الاسرة لنحتفل بالاستقلال لما تبقى من سودان ما بعد الانفصال
ياتو إستقلال? جنوب الوادي ولا شمال الوادي
Post: #11 Title: Re: حفل ليلة الكريسماس بفرجينيا Author: محاسن أحمد محمد Date: 12-10-2011, 03:19 PM Parent: #10
يا سلام على الابداع يعنى موعودون بامسية جميلة اخيرا يا كستاوى حنسمع المدسوس البفش الغبن من كلمات نادر وعبد المنعم الجزولي مبروك والله
وياريت نسمع من نادر الصديق وعضو البورد المفاجئات
Post: #12 Title: Re: حفل ليلة الكريسماس بفرجينيا Author: سلمى الشيخ سلامة Date: 12-10-2011, 03:47 PM Parent: #11
يا كوستاوى مبروكة عليكم الحفلة وتحيات نديات لنادر السودانى زمان كان عنده فرقة اسمها السودانى يا سلام يا سلام لمن السودان كان قطعة واحدة كنا نهاجر للحفلات فى الكريسماس نباريها نادى نادى ونشرب عصير ريدتنا من الغنا ناس الدرديرى احمد الشيخ وسمؤال والفاتح ونادر وفرقة البلوستارز وناس شرحبيل وناس وناس عالم كان وردى وجميل لامظالم لامظاليم الحفلة تنتهى الساعة ستة صباحا ولا فى زول بسال لانه النوايا كانت صافية البوليس بوصل "السكارى للبيوت "وبياخد نمرة التكسى ياخ حزينة لانه الحرية الكانت عندنا حتى ايام النميرى ما حصلت هسى بقينا وطنين والف قطعة تنتظر الخروج من رقعة الشطرنج يا زمن خلينى انسى تحية لفايز مليجى ومنعم الجزولى وكل من سيشدو فى هذه الليلة البهيجة
لا يفوتني ان اهني اخوانا المسيحيين بهذة المناسبة عيد ميلاد سعيد واتمني ان تتحقق الامنيات
واخص بالشكر الخردة صحبي نصر الدين الذي قدمة في هذة المكان العديد من اعمالي الخاصة ماعدمناك يا اصيل
محاسن صحبتي اتمني ان نكون قدر القول الجيد سوف تكون امسية لها طعم خاص جدا وسوف اقدم ثلاث وصلات غنائية كل وصلة بها ثمانية اعمال فنية من كلماتي وكلمات الشاعر الجميل الثائر عبد المنعم الجزولي ولاول مرة سوف اقدم اغنية كجبار كاملة وبالمناسبة اتمني ان ينال كل ما ساقدم رضاكم
1/ كجبار [ بالمناسبة نسبة لطول هذة العمل سوفة اقدمة في وصلة منفصلة ]
1 / الخيول 2 / دار فور 3 / كم يا تري 4 / جور الزمان 5 / خطواتي الفترانة 6 / قلب السنط 7 / امدر يابلد 8 / يا شعب يا ثائر هيا ………………………….دي كدة كل الوصلات الغنائية اتمني ان تنال رضاكم
يا سلمي الجميلة اللة علي ذلك الزمان لازلنا نعيش بما تتنفسة داوخلنا من جمال يا حليلك وحليل تلك الايام الخوالي اتمني ان تكوني معنا ليزداد بك المكان جمالا تسلمي يا غالية
نادر السودانى الفنان النادر والملتزم بالغناء العالى كانت امنيتى ان اكون معكم وانت تغنى لشباب كجبار الذين سقطوا على حافة النهر واختلطت دماؤهم بسليل الفراديس .. لنغنى سويا لوطن يفترسه ذئاب الجبهة.. غناؤك للخيول التنجمح ولباب السنط أناشيد للأجيال القادمة التى ستعيد الى السودان وجهه الجميل والمعافى من بثور الإنقاذ.. لنغنى للصباح القادم حيث لا بيوت اشباح.. لا مظاليم لا مظالم.. هذه مناسبة احث فيها اخوتى النوبيين للمشاركة فى هذه الليلةالتاريخية التى سيصدح فيها الفنان الكبير نادر السودانى لأول مرة برائعة الشاعر عبدالمنعم الجزولى عن شهداء كجبار... كونوا هناك جميعا لتغنوا معه نشيد النهر... نشيد كجبار والشهداء ... ملحمة الصمود ... شكرا كوستاوى على نشر الفرح ولنادر القومة والإنحناءة الطويلة ولشهداء كجبار الأغنيات المقاتلة..
نورالدين منان
Post: #18 Title: Re: حفل ليلة الكريسماس بفرجينيا Author: نادر السوداني Date: 12-11-2011, 06:49 AM Parent: #17
الشاعر المرهف والدبلماسي المحنك نور الدين وجودكم معنا يسبت اقدامنا علي خشبة المسرح الزي قد تهتز اركانة حزنا علي شهداء بلدي الاحرار/ لقد حاولت الاتصال ولم اتمكن من الوصول / حتي اخي محمد محمود حاول معي / اتمني ان تحاول فحضورك مهم للقاية صديقي العزيز واتمني لك عاجل الشفاء فالقيس اولة نقطة واخرة سيل جارف انشاء رب المظاليم …………….يلا سلام نادر السوداني
صباح الخير خراب الدار وتمن السد هلاك اودار وبين دوبيت وكم مسدار مساء الموت وليل محتار اقيف محتار صباح النسمة راجي التار وليل العسرة في الاخبار تموت الفرحة في كجبار ❊❊❊❊❊❊❊❊ دلاليكو ومزازيكوا عرايقو ونشاف ريقو طواقيهو وبواقيهو وختان انجالوا شيخ الدين سرح مابين اساهو الحي وبين هملت بيوت الحي اذا تمن الكلام الني صراخا حي ووب واحي وبقت نار وبين الطلقة والمسمار وليل العسرة في الاخبار تموت الفرحة في كجبار ❊❊❊❊❊❊❊❊ فرد عبد المعز جنحاتو داير يلحق حلم فاتوا ورا النيل الجرح زاتوا بنياتو ووليداتو وقبور الهملو وفاتو ولقي الايام اتاريها المسافة من التراب للتراب عشقا مضا وفي معرضا الدنيا بتريك بعد القراب يا ايها الوطن الخراب يا ايها الوطن المجرتك بالسراب عبد المعز لملم جراحاتوا وهجر هموا عشان خاتر عمولة تخش بنوك الشوم وتجار الوهم بالكوم وبين الضحكة والمرحوم ورصاص الاسي المكتوم تبق النار وبين الطلقة والمسمار وليل العسرة في الاخبار تموت الفرحة في كجبار ❊❊❊❊❊❊❊❊ لا صورتك مع الزينين رسمناها ايا الصادق عشا البايتات ولاسيرتك قلبناها ولا الفاتحة القريناها ولا يسن ولا طة ولا وسط التمر لمينا اكياسك ربطناها ايالصادق عشا البايتات عتاميرك مطاميرك عقاب جيرك اذا الناس اتلهت عنك بيوت الحلة بتجيرك ايا الصادق عشا البايتات بنات النوبة غننك بنات الفور بعزنك بنات كل البلد جنك زغاريدن كما انك وسام حرية في صدر البلد لامع كنايس كرمة فتحت بابها في الجامع وينعلوا سيرة الباع البلد طامع بيوت الحسرة جوة النار وبين الطلقة والمسمار وليل العسر في الاخبار تموت الفرحة في كجبار ❊❊❊❊❊❊❊❊❊ محمد يا ملاك البيت وكم تاتيت وكم امك قلدت بكيت مرقت مشيت لعبت مع العيال شديت كم كراس وكم محفوظة جوة الراس وحق الباص وبين الحصة والدراس وبين الطلقة والترباس تبق النار وبين الطلقة والمسمار وليل العسرة في الاخبار تموت الفرحة في كجبار ❊❊❊❊❊❊❊ ايا بلدا تنوم مهزوم تقوم مازوم تعافر من علامة ولي ضلامة وتقع وتقوم وتقع وتقوم وتقع وتقوم مستني في طرف الرهاب تاكل بشيش تشرب بشيش ادمنت عيشتك في بنايات الصفيح والخيش تمص دمك بنوك العيش تقبل وين تروح شقيش وقدامك ضلام الدنية لا تملك سوي الهبيش وراك الديش اذا خلاك تفتش للهلاك فتيش وذا كتلك خلاص معليش ايا بلدا وقف محتار لافي الجنة ولا في النار وبين الطلقة والمسمار تموت الفرحة في كجبار
كلمات عبد المنعم الجزولي
Post: #26 Title: Re: حفل ليلة الكريسماس بفرجينيا Author: Deng Date: 12-16-2011, 01:41 AM Parent: #25
فووق
Post: #27 Title: Re: حفل ليلة الكريسماس بفرجينيا Author: ABDALLAH ABDALLAH Date: 12-16-2011, 02:33 AM Parent: #26
يا سلام على الفن الأصيل التابع من داخل الجدان نادر عبدالمنعم الجزولى
شكراً كوستاوى كل عام وأنتم جميعاً بألف خير....
Post: #28 Title: Re: حفل ليلة الكريسماس بفرجينيا Author: محاسن أحمد محمد Date: 12-16-2011, 12:58 PM Parent: #27
وإلتقى الفن من جميع جوانبه أختنا الفنانه التشكيليه الرائعه محاسن إن شاء الله تكونى جبت لينا معاك جزء ولو قليل من المعرض فى الخرظوم. ومرحب بسلامة العوده من الوطن الحبيب.
Post: #30 Title: Re: حفل ليلة الكريسماس بفرجينيا Author: Deng Date: 12-17-2011, 00:17 AM Parent: #29
>
Post: #31 Title: Re: حفل ليلة الكريسماس بفرجينيا Author: فقيرى جاويش طه Date: 12-17-2011, 01:15 AM Parent: #30
احييك استاذنا المناضل نادر انت فى وجدان كل النوبيين لروائعك فى كجبار وشهداء الارض النوبيه والى سهرة الكرسماس ونستمتع بفنك واباعاتك الغنائيه والموسيقيه ياجميل .
Post: #32 Title: Re: حفل ليلة الكريسماس بفرجينيا Author: محاسن أحمد محمد Date: 12-17-2011, 01:45 AM Parent: #31
ستاذنا العذيذ مولانا عبداللة الف الف على سلامنك ولعلك بى خير وعافية الان تحياتى للاسرة
واكيد يا استاذا تجربة معرضى فى السودان تجربة تستحق ان اكتب عنها وفى اليومين الجايين ديل حافتح بوست وحتشوف المعرض كل ومشكور
اما كجبار وشهداء كجبار حيظلوا جوانا فهم شهداء الوطن
Post: #45 Title: Re: حفل ليلة الكريسماس بفرجينيا Author: willeim andrea Date: 12-19-2011, 07:32 PM Parent: #44
Quote: يا كوستاوى مبروكة عليكم الحفلة وتحيات نديات لنادر السودانى زمان كان عنده فرقة اسمها السودانى يا سلام يا سلام لمن السودان كان قطعة واحدة كنا نهاجر للحفلات فى الكريسماس نباريها نادى نادى ونشرب عصير ريدتنا من الغنا ناس الدرديرى احمد الشيخ وسمؤال والفاتح ونادر وفرقة البلوستارز وناس شرحبيل وناس وناس عالم كان وردى وجميل لامظالم لامظاليم الحفلة تنتهى الساعة ستة صباحا ولا فى زول بسال لانه النوايا كانت صافية البوليس بوصل "السكارى للبيوت "وبياخد نمرة التكسى ياخ حزينة لانه الحرية الكانت عندنا حتى ايام النميرى ما حصلت هسى بقينا وطنين والف قطعة تنتظر الخروج من رقعة الشطرنج يا زمن خلينى انسى تحية لفايز مليجى ومنعم الجزولى وكل من سيشدو فى هذه الليلة البهيجة
يا سلام عليكي يا استاذه سلمي .... وصف ذاك الزمان الضاع منا....
Post: #59 Title: Re: حفل ليلة الكريسماس بفرجينيا Author: محاسن أحمد محمد Date: 12-22-2011, 10:15 PM Parent: #58
شكرا للدبلوماسي والشاعر المرهف نورالدين منان والاخت اسماء عبد الحفيظ على أبداء الرغبة لحضور حفل (نادر السوداني) في ليلة الكرسمس والوقوف معنا لنتذكر شهدائنا في كجبار وكل أنحاء الوطن . سعدت كثيرا بخبر حضورك المميز بعد غيابك بسبب ظروفك الصحية . وألف حمداً على سلامتك ولكم التحية والتقدير
Post: #60 Title: Re: حفل ليلة الكريسماس بفرجينيا Author: Deng Date: 12-23-2011, 03:09 AM Parent: #59
فوووق
Post: #61 Title: Re: حفل ليلة الكريسماس بفرجينيا Author: Kostawi Date: 12-23-2011, 06:59 AM Parent: #60
Post: #63 Title: Re: حفل ليلة الكريسماس بفرجينيا Author: Deng Date: 12-23-2011, 11:17 PM Parent: #62
غدا ليلة السبت
Post: #64 Title: Re: حفل ليلة الكريسماس بفرجينيا Author: Kostawi Date: 12-24-2011, 03:54 AM Parent: #63
فكرة باب السنط هى فكرة اننا شعب يهدر مافى يده ويتطلع لما فى ايادى الغير. كنا والله شعبا منتجا، ونعيش بعضا من الاكتفاء بما عندنا ( وهو كثير جدا) من الجبنة البيضاء والسمن البلدى، الى الدمورية والدبلان والبوبلين!! ومن موية الليمون والكركدى، الى حلويات ريا وكريكاب وسعد!! ومن حيط الزبالة وابواب السنط وقطاطى القش، الى اقلام الرصاص والكراسات والحبر بلونيه الاسود والازرق فتخيلى!! لم نكن شرهين الى ماهو مستورد كما حالنا الان. لهذا فان الجنيه السودانى كانت له شنّة ورنّة، وكان يساوى اكثر من ثلاثة دولارات. لم نكن نهدر حصيلتنا من العملة الحرة فى استيراد مالايفيد الغالبية. انظرى الان. تدخلى اصغر كنتين فتجدين عدة انواع من الجبنه الدنماركية والفرنسية وحتى المصرية، ولاتجدين جبنة الدويم الممتازة. بل من سفهنا تركنا التمتع بزهورنا الجميلة واصبحنا نستورد زهور البلاستيك من تايوان فتأملى. عندما انهار باب السنط انهار اقتصادنا. وهى بالمناسبة كانت فى تقديرى جريمة مدبرة بعناية حتى نهدر اكبرقدر من عملتنا الحرة لنقع فى براثن البنك الدولى والصندوق الدولى و...والنظام الدولى ..الجديد. تلك كانت الفكرة خلف اغنية قلب السنط. وهى فكرة بسيطة كما ترين. ارجو ان تكون قد ( وقعت ليك)
منعم الجزولى
Post: #65 Title: Re: حفل ليلة الكريسماس بفرجينيا Author: Kostawi Date: 12-24-2011, 04:02 AM Parent: #64
Post: #66 Title: Re: حفل ليلة الكريسماس بفرجينيا Author: Deng Date: 12-24-2011, 06:42 PM Parent: #65
