الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: غايتو يا بنات حواء تجننو الجن ذاتو (Re: صبري طه)
|
طبعاً في رواية كدة حكوها لي ... لكن أظنها خيالية ... وهي عن تمنّع المرأة ... والحاجات القاطعاها من رأسها ... (ويتمنّعن وهن الراغبات)
القصة بخصوص آدم وحواء ... بتقول أول ما نزلوا الأرض .. أي واحد نزل في مكان .. وفضلوا يبحثوا على بعض ...
والمثير في القصة إنو حواء كانت مجتهدة أكثر في البحث عن آدم وساطت وجاطت الدنيا كلها عشان تلقى آدم ... أها أوّل ما شافت آدم ... قامت طوالي رقدت في الأرض وعملت فيها نايمة ...
قام آدم صحّاها وسألها: يا حواء وين انتي أنا لفيت الأرض كلها بفتّش عليك ...
فردّت حواء بتمتمة متراخية: أنا كُنت نايمة هنا وما صحيت إلاّ بعد صحيتني ...
ــــــــــ المافي شنو ؟
| |
|
|
|
|
|
|
Re: غايتو يا بنات حواء تجننو الجن ذاتو (Re: صبري طه)
|
ومن هُنا يخرج سؤال مُهم وهو:- لماذا لا تبحث حواء عن الزوج الذي يُناسبها ... ولا تنتظر حتى يأتيها الخُطّاب (وتقعد تعزّل فيهم زي الطماطم*) ...
ـــــــــــ * دي نافعة .. دي ما نافعة دي حمراء .. ودي ضاربة ودي ما فيها موية
| |
|
|
|
|
|
|
Re: غايتو يا بنات حواء تجننو الجن ذاتو (Re: صبري طه)
|
Quote: لماذا لا تبحث حواء عن الزوج الذي يُناسبها |
سلامات.. فكرة جميلة. ولكن حواء السودان مهما بلغت من العلم والاستقلالية الكاملة لا يمكنها ان تكسر قيود الزواج. وتختار من تشاء..سلطة الاب والاخوان والاعمام والاخوال ومباركتهم لأى بعل - ارجو الا يضع احدهم نقطة فى وسط هذه الكلمة- قادم هى الفيصل
| |
|
|
|
|
|
|
Re: غايتو يا بنات حواء تجننو الجن ذاتو (Re: مُحَمَّدٍ عِوَضٌ احْمَدُ)
|
وعليكم السلام أخي محمد ...
Quote: مُحَمَّدٍ عِوَضٌ احْمَدُ كتب: فكرة جميلة. ولكن حواء السودان مهما بلغت من العلم والاستقلالية الكاملة لا يمكنها ان تكسر قيود الزواج. وتختار من تشاء..سلطة الاب والاخوان والاعمام والاخوال ومباركتهم لأى بعل - ارجو الا يضع احدهم نقطة فى وسط هذه الكلمة- قادم هى الفيصل |
وكذلك آدم السودان لا يمكنه أن يكسر قيود الزواج .. فكما هو يحدّد من يُريد أن يتزوجها ... كذلك حواء تُوافق على من يُريد الزواج منها .. وقد يتدخل الإرغام لكليهما ..
وموافقة الأهل متساوية في الحالتين .. مهما كانت درجة الخلاف حول النقطة
| |
|
|
|
|
|
|
Re: غايتو يا بنات حواء تجننو الجن ذاتو (Re: سلمى تاور)
|
وكيف تكون الأنثى أنثى في كامل استوائها على عرش القلب إن هي ابتذلت نفسها .. يا صديقي الأنثى تكتمل تفاصيل أنوثتها في تمنعها ودلالها وإن كانت راغبة في أحد ما
الأنثى تقتلع عنوة .. ولا تَُمنح ..ولا تستجدي نفسها
| |
|
|
|
|
|
|
Re: غايتو يا بنات حواء تجننو الجن ذاتو (Re: رانيه محمد الشيخ)
|
اعتقد الحديث هنا عن حواء السودانية انا من المقتنعين قناعة تامة بان مقولة " الرجل هو الذي يسعى للإختيار " دي مقولة فشنك سايي والحقيقة عكس ذلك تماماً ... يخيل لي الأنثى هي التى تبدأ الخطوة الأولى ... بس مشكلتها خطوة غير معلنة (يعني مجرد تلميح لكن تلميح عميق وقوي وممكن تزوغ منها) ... يقوم أبو عرام (الرجل) يقوم بالخطوة عملياً ويتقدم للأنثى معتقداً بانه قام بالخطوة الأولى فيما ان الواقع غير ذلك يبقى حواء فعلاً بتجنن الجن ذاتو
| |
|
|
|
|
|
|
Re: غايتو يا بنات حواء تجننو الجن ذاتو (Re: فايزودالقاضي)
|
السنة الفاتت لما عرفنا في رجال بايرين هنا قلنا نقوم نساعدهم يلقواعروسات واشتركوا ناس من برة لكن للاسف كل الرجال شردو من الموضوع بقى ضحك وهظار ساي
المراة ما بتكون مبادرة لانه الرجل السوداني اتربى انه يكون هو المبادر اذكر زمان كان عندي زميل وصديق عزيز عامل متفتح ومستنير
اها الزول دا كان بحب واحدة لكن مشكلته كلها انها هي الصارحتو بحبها الاول قبل يقوليها وشاف الموضوع دا خطير ولا يمكن يتبلع بسهولة ..وكنابنتناقش في الموضوع دا بالايام والساعات في النهاية بس انسحب من هذه العلاقة كل المشكلة البت ما صبرت ولعبت دور الحس المكوة اول.. عشان كدا احسن اي بت تقعد وتعاين بعيونها بس..
| |
|
|
|
|
|
|
Re: غايتو يا بنات حواء تجننو الجن ذاتو (Re: فايزودالقاضي)
|
بوست عاشقين سااااااااكت ...
انا ماشي بوست المُغفلين فأنا منهم ...
أقعدوا أعزلو دي ، وخلو دي
ليه ما تعمل، وليه ما يعمل ...
في النهاية ( تلقوا فُُقاعه صابون وطارت )
أحلى حاجه في الزواج حكايات الغرام الفاشله قبلو ) ( حكمه مُغفلين - متزوجين )
إنت يا مجدي شايف البوست دا ريحك مبدئياً كدا
| |
|
|
|
|
|
|
Re: غايتو يا بنات حواء تجننو الجن ذاتو (Re: سلمى تاور)
|
Quote: سلمى تاور كتبت: بإختصار شديد لأنو المجتمع ما بسمح ليها أنها تعمل كدة . |
لم أفهم قصدك بالضبط يا سلمى ... هل تقصدين أنّ المجتمع لا يسمح للفتاة بأن تُخبر من تُريد الزواج منه برغبتها في ذلك ؟ أم تقصدين أنّ المجتمع لا يسمح أن تتقدم الفتاة لخطبة الشاب من أهله ؟
أم ماذا بالتحديد ؟ أرجو التوضيح بالتفصيل ...
| |
|
|
|
|
|
|
Re: غايتو يا بنات حواء تجننو الجن ذاتو (Re: صبري طه)
|
تحياتي وسلامات عزيزي صبريQuote: القصة بخصوص آدم وحواء ... بتقول أول ما نزلوا الأرض .. أي واحد نزل في مكان .. وفضلوا يبحثوا على بعض ... والمثير في القصة إنو حواء كانت مجتهدة أكثر في البحث عن آدم وساطت وجاطت الدنيا كلها عشان تلقى آدم ... أها أوّل ما شافت آدم ... قامت طوالي رقدت في الأرض وعملت فيها نايمة ... قام آدم صحّاها وسألها: يا حواء وين انتي أنا لفيت الأرض كلها بفتّش عليك ... فردّت حواء بتمتمة متراخية: أنا كُنت نايمة هنا وما صحيت إلاّ بعد صحيتني ... |
ههههههههههههه عارف يا صبري القصة دي حكت لى الوالدة من زمان باكر وأذكر أنني علقت عليها بقولي " هو عليك الله منو الكان موجود مع أمنا حواء وشافا عملت عملتا دي عشان يجي يحكيها ، وكان أمنا حواء ساااااى كدا عاوزة تفشر / تقشر تلقا ليها زول/ة تكلمو وييييين ؟"Quote: ومن هُنا يخرج سؤال مُهم وهو:- لماذا لا تبحث حواء عن الزوج الذي يُناسبها ... ولا تنتظر حتى يأتيها الخُطّاب (وتقعد تعزّل فيهم زي الطماطم*) ...
|
عارف يا صبري الموضوع دا بيذكرني بجملة يرددها أصدقاؤنا الجمهوريون " وهم الحواس " في ظني أن ( أجدعها ) رجل لا يستطيع أن يخطو ( أى خطوة ) تجاه أى إمرأة مالم يجد منها ضوءاً أخضر البنت ( الشاطرة ) هى من تنسج خيوطها بمهارة وحذق وتجعل الشاب يلهث خلفها ويعيش ( وهم حواسه ) أنه هو من أوقعها في ( حبال حبه ). وأنه ( أبو عرام ) زمانه
| |
|
|
|
|
|
|
Re: غايتو يا بنات حواء تجننو الجن ذاتو (Re: محمد حيدر المشرف)
|
Quote: لم أفهم قصدك بالضبط يا سلمى ... هل تقصدين أنّ المجتمع لا يسمح للفتاة بأن تُخبر من تُريد الزواج منه برغبتها في ذلك ؟ أم تقصدين أنّ المجتمع لا يسمح أن تتقدم الفتاة لخطبة الشاب من أهله ؟ |
يعني مخلي الناس البدورو فيك ديل كلهم _ ودالقاضي ومن لف لفه _ و ما سمعت إلا كشكشة إبري أنا
يا زول خير ، مقبولة منك
و نعم يا سيدي الفاضل ، لا يسمح لها المجتمع بذلك و دي حاجة ما بختلفو عليها إتنين عايشين في مجتمعنا دة ياخي خليك من تبادر هي ، إذا بادرت إنت زاتك و هي وافقت عليك كدة طوالي من اول مرة و ببساطة و من غير امش و تعال و شاورو ناس فلان و قومة و قعدة ، ناس الحلّة بشيلو حالها الشفقانة ، الماصدقت لقت ليها عريس ، أجي يا يمة عاد خفة العدو عليها
و دة يا عزيزي صبري ما كلام انا قاعدة اقولو ليك ساكت ، دة واقع نحن عايشنه بشكل مستمر عشان كدة في مجتمعنا دة الوحدة بتفكر مية مرة قبل ما تبادر مبادرة زي دي و دة لا يمنع أنو في فتيات اتجرؤ و عملوها .
مشكلتنا كلها يا عزيزي صبري أننا مدين الموضوع كله حجم اكبر من حجمه في حين انو الزواج دة ابسط من كدة بكتير ، نشاط بشري زيو زي أي نشاط تاني يا يتعمل يا مايتعمل ، حاجة كدة زيها زي القراية او الشغل او الهجرة او اي قرار من القرارات البتخذوها الناس بحسب رغبة الزول ، ظروفه ، أمكانياته النفسية و العاطفية قبل المادية . يلا الناس لو اتعاملت مع الموضوع ببساطته دي بعد دة ما حتفرق ، بادرت هي بادر هو في النهاية النتيجة واحدة .
| |
|
|
|
|
|
|
Re: غايتو يا بنات حواء تجننو الجن ذاتو (Re: سلمى تاور)
|
Quote: Quote: البوست دة نقلتو للربع الجايي وجاييهو بمزاج ... |
Quote: ونحن معاك يا صبري ثلاث ورباع |
|
يا صـبري شــوف جابت ليها ثلاث و رباع , مثنى ذاتها فاتوها زمان
البوســت دا أحســن تنقــلوا الربع الخالي و تقعـد تتأمل
| |
|
|
|
|
|
|
Re: غايتو يا بنات حواء تجننو الجن ذاتو (Re: هويدا شرف الدين)
|
Quote: اعتقد الحديث هنا عن حواء السودانية انا من المقتنعين قناعة تامة بان مقولة " الرجل هو الذي يسعى للإختيار " دي مقولة فشنك سايي والحقيقة عكس ذلك تماماً ... يخيل لي الأنثى هي التى تبدأ الخطوة الأولى ... بس مشكلتها خطوة غير معلنة (يعني مجرد تلميح لكن تلميح عميق وقوي وممكن تزوغ منها) ... يقوم أبو عرام (الرجل) يقوم بالخطوة عملياً ويتقدم للأنثى معتقداً بانه قام بالخطوة الأولى فيما ان الواقع غير ذلك يبقى حواء فعلاً بتجنن الجن ذاتو |
ينصر دينك يالفاتح انا زاتي اتدقستا كدا
| |
|
|
|
|
|
|
Re: غايتو يا بنات حواء تجننو الجن ذاتو (Re: محمد المهدي)
|
Quote: أين الابتذال يا عزيزي ؟ إذا بحثت الأنثى عمّن يُناسبها من الذكور .. فهل ترى في ذلك ابتذالاً لنفسها أم مساعدة لنفسها ؟! |
سلامات يا صبري وكيف أخبارك ..
تعرف أقول ليك حاجة .. زمان يعني لمن كنا عزابة زيكم كدا .. وعايشين دور الدونجوانات أي بت كانت بتبادر هي طوالي بسقطا من حساباتي .. والمبادرة القاصدا هنا هي مبادرة نقل العلاقة من معرفة - صداقة - زمالة .. لمرحلة علاقة عاطفية .. طوالي بتسقط من حساباتي لأني بشك في سبب مبادرتها دي .. حتى لو كانت مقطعة السماحة وأخلاقة ممتازة جدا
فيا صديقي تمام الانوثة هو التمنع وإن كانت راغبة تمام الأنوثة أن تكون ثقتها في نفسها عالية ولا تبادر بأي شي
| |
|
|
|
|
|
|
|