Post: #1 Title: وزير الاعلام يعين زوجته مديرا لمكتبه!!!!!! Author: فدياس نجم الدين Date: 12-15-2011, 08:20 AM Parent: #0
والخبر من شبكه السوداني والتعليق مننا يقول الخبر ادهشت الاستاذه فاطمه حسن زوجه وزير الاعلام عبد الله علي مسار العاملين بالوزاره الذين وجدوها داخل مكاتبهم بصحبه مجموعه من الرجال والنساء حضروا معها وظلوا يطوفون الوزاره ..... فاطمه تم تعيينها مديره لمكتب الوزير الجديد) انتهي الخبر
طبعا استغرشت جدا واستغرشت دي ناتجه من الاندهاش والاستغراب يعني عادي الوزير ممكن يعين اخوه او مرته او صاحبه مدير لمكتبه طيب مدير المكتب القديم بيكون مشي وين لو قلت بينتقل مع الوزير السابق اها في حالتنا دي الوزير السابق مشي الشارع حاجه تانيه الجيش الجرار المكون من رجال ونساء والكان بيتفقد الوزاره مع السيده فاطمه ديل يا ربي بيكونوا السواق الجديد والمراسله الجديد وبتاع الكمببوتر الجديد واللبيس الجديد والطباخ الجديد طيب القديمين راح يمشوا وين كده نحاول نعاين للنص المليان من الكوب احتمال الوزير ما داير يكلف خزينه الدوله قروش عشان كده جاب زوجته لتعمل تطوعا واحتمال تكون اصلا شغاله في الوزاره ولمن زوجها بقي وزير جابها جنبه بعدين وجودها معاه راح يقلل كثره ذهابه للبيت اثناء ساعات العمل الرسميه
غايتو تعيش كتير تشوف كتير
Post: #2 Title: Re: وزير الاعلام يعين زوجته مديرا لمكتبه!!!!!! Author: صلاح الدين نزلاوى Date: 12-15-2011, 08:40 AM Parent: #1
Quote: كده نحاول نعاين للنص المليان من الكوب احتمال الوزير ما داير يكلف خزينه الدوله قروش عشان كده جاب زوجته لتعمل تطوعا واحتمال تكون اصلا شغاله في الوزاره ولمن زوجها بقي وزير جابها جنبه بعدين وجودها معاه راح يقلل كثره ذهابه للبيت اثناء ساعات العمل الرسميه
غايتو تعيش كتير تشوف كتير
اذا صح الخبر
يمكن تكون هى خايفة يزوج مديرة المكتب ولا السكرتيرة عشان كده أصّرت تكون بالقرب منه لأغراض المراقبة
والله اعلم
Post: #3 Title: Re: وزير الاعلام يعين زوجته مديرا لمكتبه!!!!!! Author: MOHAMMED ELSHEIKH Date: 12-15-2011, 08:52 AM Parent: #2
مش احسن من يعين واحدة حلوة ويقوم يكمل بيها ربع دينه ونبقى في عمارة وعربية وسفرات تسوق للسوق الأوروبية المشتركة وسوق مطرح ومابعرف شنو داك
اهو لقى مديرة جاهزة
Post: #5 Title: Re: وزير الاعلام يعين زوجته مديرا لمكتبه!!!!!! Author: فدياس نجم الدين Date: 12-15-2011, 09:18 AM Parent: #3
الاخوان صلاح ومحمد الشيخ طبعا اخوكم فكر في قصه المراقبه دي وكيف انها ممكن تكون سبب لكن استبعد الفكره باعتبار ان اغلب هؤلاء الوزراء من ذوي الدفع الثنائي ومرات الثلاثي والرباعي زاتو ونحن لينا الله وعيشه السوق
Post: #4 Title: Re: وزير الاعلام يعين زوجته مديرا لمكتبه!!!!!! Author: أيمن الطيب Date: 12-15-2011, 09:15 AM Parent: #2
سلام يا فدياس,,
زوجتو الكماوية؟؟ (خليك حايم فى المنطقة دى)
No buisiness Ethics Means no Conflict of interst<<
and the whole thing is Etics Free....
يعنى على كرتا كان أرجل منو !!!
تحياتى..
Post: #6 Title: Re: وزير الاعلام يعين زوجته مديرا لمكتبه!!!!!! Author: محمد جلال عبدالله Date: 12-15-2011, 09:23 AM Parent: #4
يا فدياس ياخي زيتنا في بيتنا انت مالك ياخ حاسد انتا وللا بغران؟؟
Quote: حاجه تانيه الجيش الجرار المكون من رجال ونساء والكان بيتفقد الوزاره مع السيده فاطمه ديل يا ربي بيكونوا السواق الجديد والمراسله الجديد وبتاع الكمببوتر الجديد واللبيس الجديد والطباخ الجديد طيب القديمين راح يمشوا وين
ديل بكونوا جايين يتفقدوا العفش يعني زي نظام لمن الزول يرحل في بيت جديد بجوا الناس يباركوا ويتفرجوا فالوزارة بقت زي البيت الجديد
Post: #7 Title: Re: وزير الاعلام يعين زوجته مديرا لمكتبه!!!!!! Author: صلاح الدين نزلاوى Date: 12-15-2011, 09:48 AM Parent: #6
Quote: طبعا اخوكم فكر في قصه المراقبه دي وكيف انها ممكن تكون سبب لكن استبعد الفكره باعتبار ان اغلب هؤلاء الوزراء من ذوي الدفع الثنائي ومرات الثلاثي والرباعي زاتو
ديل وزراء ولا بلدوزرات ثم ثانيا المفروض الوزراء يشيلو هم المواطنين ، حسع ديل يشيلوا هم الاربعة وعيالهم ولا همنا
مع ملاحظة اننى مصّر على موضوع المراقبة بالذات لو كان من ذوى الدفع الرباعى لان ذلك يعنى الاستغناء عن واحدة لاستقبال الجديدة
Post: #8 Title: Re: وزير الاعلام يعين زوجته مديرا لمكتبه!!!!!! Author: هشام المجمر Date: 12-15-2011, 09:48 AM Parent: #6
لأ ....كده القصة واضحة
طبعا الوزير معاهو حق....خوفا من الفتنة وقد افتتن من قبله كثيرون.
اما زوجته اعتقد انها صاحبة القرار و ليس الوزير
الراجل قطعا مضغوط
Post: #9 Title: Re: وزير الاعلام يعين زوجته مديرا لمكتبه!!!!!! Author: ABUHUSSEIN Date: 12-15-2011, 09:52 AM Parent: #8
و الأولاد عملوا ليهم شنو .....
Post: #11 Title: Re: وزير الاعلام يعين زوجته مديرا لمكتبه!!!!!! Author: SAMIR IBRAHIM Date: 12-15-2011, 10:08 AM Parent: #9
لا حول ولا قوة الا بالله والله مسكين يا وزير الاعلام .... ده غضب الله علي ناس الانقاذ انو زوجتك تشتغل معاك في مكتب واحد .
بالله في انتقام رباني اكثر من كده ؟؟؟؟
نصيحتي ليك يا سعادة الوزير ... سردب مافي احسن من السردبه !!!!
تخريمه: تسعه وتسعين في المائة من الحكام والوزراء العرب بيحكموا الشعوب بتعليمات من الزوجه !!
Post: #10 Title: Re: وزير الاعلام يعين زوجته مديرا لمكتبه!!!!!! Author: مُحَمَّدٍ عِوَضٌ احْمَدُ Date: 12-15-2011, 10:05 AM Parent: #6
اهم مافى الخبر انو تانى اى زول ممكن يخش على مكتب الوزير تووش وما ح يتفاجأ
Post: #12 Title: Re: وزير الاعلام يعين زوجته مديرا لمكتبه!!!!!! Author: Al-Shaygi Date: 12-15-2011, 10:08 AM Parent: #10
Post: #13 Title: Re: وزير الاعلام يعين زوجته مديرا لمكتبه!!!!!! Author: صبري طه Date: 12-15-2011, 10:09 AM Parent: #10
غايتو كويسة من ناحية وهي:- لو العين زاغت كدة ولاّ كدة ... تكون زاغت في حلالو ...
ـــــــــ وزيتنا في بيتنا
Post: #14 Title: Re: وزير الاعلام يعين زوجته مديرا لمكتبه!!!!!! Author: Alshafea Ibrahim Date: 12-15-2011, 10:46 AM Parent: #13
ياجماعة خليكم واقعيين وكده ... الزول ده عاوز يحافظ على سرية العمل وكده ... وبعدين زوجتو بتقوم تشوت كل طاقم المكتب وتجيب طقم بما يتوافق مع وضعها الجديد ... يالله دي بشائر الجمهورية الجديدة ... تحياتي يا صاحب البوست وضيوفكم. الشفيع
Post: #15 Title: Re: وزير الاعلام يعين زوجته مديرا لمكتبه!!!!!! Author: Kabar Date: 12-15-2011, 10:54 AM Parent: #14
فدياس..حبابك يا صديقي
بتبالغ ياخي.. يتخيل لي الموضوع عندو علاقة بقصة الوفاء للجماهير و كده.. هو الوزير ده عندو قاعدة جماهيرية غير زوجتو؟..
كلام يا عوض دكام..
كبر
Post: #16 Title: Re: وزير الاعلام يعين زوجته مديرا لمكتبه!!!!!! Author: فدياس نجم الدين Date: 12-15-2011, 11:01 AM Parent: #13
شباب واصحاب خلونا نسال هنا ولو اني متاكد اننا ما راح نلقي اجابه ما الحكمه من ان كل وزير ينقل يقوم يشيل معاهو مدير مكتبه و السواق وحرسه الشخصي كمان عشان سعادتو يعني بيرتاح ليهم نفسيا
بعدين ليه كل وزير او مسعول اول حاجه يعملها يغير العفش والعرببه ويمكن عفش البيت زاتو وين التقشف هنا يا وزير الماليه ولا بس فلاحتك في زياده اسعار البنزين
Post: #17 Title: Re: وزير الاعلام يعين زوجته مديرا لمكتبه!!!!!! Author: james Date: 12-15-2011, 11:05 AM Parent: #16
هذا يسمى " التمكين في الارض "
Post: #18 Title: Re: وزير الاعلام يعين زوجته مديرا لمكتبه!!!!!! Author: فتحي الصديق Date: 12-15-2011, 12:21 PM Parent: #17
يا فدياس لو ظللت متابعا لغرائب المؤتمرجية حتملأ كل هذا الفضاء بالبوستات .. أنسى المعارضة واخفاقاتها .. وركز جهدك في من يقوم بتسبيب الأذى للشعب .. خليك في الفاعل وأنسى الاسماء والحروف والافعال كلها .. ---------------------------------------- كويس يا فدياس يا ولدي ؟؟
Post: #19 Title: Re: وزير الاعلام يعين زوجته مديرا لمكتبه!!!!!! Author: tasneem Date: 12-15-2011, 03:07 PM Parent: #18
قبل كم سنة في مدينة الابيض في الحكومة دي شالوا الوزير وعينو زوجتو وزيرة الاتنين من كيزان الابيض
نحي ونشوف
Post: #20 Title: Re: وزير الاعلام يعين زوجته مديرا لمكتبه!!!!!! Author: تبارك شيخ الدين جبريل Date: 12-15-2011, 03:23 PM Parent: #19
طيب المكنة بتاعة "ماشي اتونس مع اصحابي" ... بتمشي فيها؟
يا اخوي في وزراء بيديروهم من البيت بالتلفون ... كتّر خير البتجي تداوم دي ...
(انا هسى داير اعيّن ليّ وزير في البيت ... يجي يأدي القسم ... ويكضب على ناس البيت ويضرب الغدا كل يوم ... وفي الآخر يسرق التلفزيون ويتخارج!)
... المهم ....
Post: #21 Title: Re: وزير الاعلام يعين زوجته مديرا لمكتبه!!!!!! Author: nadus2000 Date: 12-15-2011, 03:53 PM Parent: #20
الانا (مستدهش) ليهو يا فدياس ، ما تعيين الزوجة مدير مكتب وانما مستغرب ومندهش لقصة مدير المكتب الذي يتفقد اقسام الوزارة وكمان معاها وفد!!!!
Post: #22 Title: Re: وزير الاعلام يعين زوجته مديرا لمكتبه!!!!!! Author: Kostawi Date: 12-15-2011, 04:01 PM Parent: #21
أوعى يقوم يكيسا
Post: #23 Title: Re: وزير الاعلام يعين زوجته مديرا لمكتبه!!!!!! Author: أمير فتحي Date: 12-15-2011, 04:08 PM Parent: #21
Quote: ومندهش لقصة مدير المكتب الذي يتفقد اقسام الوزارة وكمان معاها وفد!!!!
ماتندهش مرة اللواء فريق ياعمك
Post: #24 Title: Re: وزير الاعلام يعين زوجته مديرا لمكتبه!!!!!! Author: أمير فتحي Date: 12-15-2011, 04:10 PM Parent: #23
Quote: أوعى يقوم يكيسا
تاااااااااني
Post: #25 Title: Re: وزير الاعلام يعين زوجته مديرا لمكتبه!!!!!! Author: jini Date: 12-15-2011, 04:13 PM Parent: #23
مديرة المكتب البسيطة دى أخونا كرتي عينها سفيرة فى روما! الوزيرات ديل ما يعينن رجا لن كمان ويريحونا جني
Post: #26 Title: Re: وزير الاعلام يعين زوجته مديرا لمكتبه!!!!!! Author: فدياس نجم الدين Date: 12-15-2011, 04:31 PM Parent: #20
استاذ فتحي صديق احسب ان الفساد لم يعد محصورا في اهل المؤتمر الوطني بل من الواضح كما ورد ان كل النخب السودانيه قد ادمنت الفشل والفساد من اكبر مراتب الفشل عليه ستجدني انشاء الله اشير للخلل اينما وجد ولن تتغيير قناعتي في ان المعارضين لا يريدون بنا خيرا انما يبحثون عن نصيبهم من الكعكه
بالمناسبه ولفائده القارئ غير المتابع ورد اعلاه ان هذا الوزير افضل من وزير الخارجيه علي كرتي في اشاره لتعيين كرتي لزوجته اميره قرناص سفيرا للسودان بايطاليا وهنا لا استطيع ان افتي لاني لا اعلم بالفعل سلطات الوزير في تعيين السفراء وهل يتم تعيينهم من رئاسه الجهوريه بتوصيه من الوزير ولا كيف عموما موضوع اميره قرناص ربما نعود له بشئ من التفصيل في موضع اخر
Post: #27 Title: Re: وزير الاعلام يعين زوجته مديرا لمكتبه!!!!!! Author: Dr Salah Al Bander Date: 12-15-2011, 05:54 PM Parent: #26
مديرة المكتب البسيطة دى أخونا كرتي عينها سفيرة فى روما! الوزيرات ديل ما يعينن رجالن كمان ويريحونا
الموضوع بسيط يا جني ... كان أول قرار لدكتور التجاني السيسي هو تعيين زوج أختو مديرا لمكتبه ... وأعرف واحد قريبنا بدرجة أعلى شوية من وزير أصرت زوجته الثانية أن تكون مديرة مكتبه الجديد أو يطلقها ... السبب إنها هي كانت سكرتيرته عندما تزوجها على زوجته الاولى ... وكان تبريره لأهل زوجته الاولى موضوع "الخلوة بالاجنبية" وأنو سكرتيرته زي "الباسطة" مغرية ولذيذة ... ولا يمكن حل الموضوع إلا بالزواج منها ... وعندما اقترح عليه أخو زوجته تغييرها بواحدة "شينة وطعمها مر" كان تبريره بأنها "كفاءاتها عالية وتحافظ على أسرار المكتب بصورة ممتازة" !
Post: #28 Title: Re: وزير الاعلام يعين زوجته مديرا لمكتبه!!!!!! Author: jini Date: 12-15-2011, 06:07 PM Parent: #27
Quote: مديرة المكتب البسيطة دى أخونا كرتي عينها سفيرة فى روما! الوزيرات ديل ما يعينن رجالن كمان ويريحونا
الموضوع بسيط يا جني ... كان أول قرار لدكتور التجاني السيسي هو تعيين زوج أختو مديرا لمكتبه ... وأعرف واحد قريبنا بدرجة أعلى شوية من وزير أصرت زوجته الثانية أن تكون مديرة مكتبه الجديد أو يطلقها ... السبب إنها هي كانت سكرتيرته عندما تزوجها على زوجته الاولى ... وكان تبريره لأهل زوجته الاولى موضوع "الخلوة بالاجنبية" وأنو سكرتيرته زي "الباسطة" مغرية ولذيذة ... ولا يمكن حل الموضوع إلا بالزواج منها ... وعندما اقترح عليه أخو زوجته تغييرها بواحدة "شينة وطعمها مر" كان تبريره بأنها "كفاءاتها عالية وتحافظ على أسرار المكتب بصورة ممتازة" !
عفيت منها خائفة تشرب من نفس الكأس لو انا منو المأمور يأت كلها باللوري. ستة ماموريات يعملها غضروف جني
Post: #29 Title: Re: وزير الاعلام يعين زوجته مديرا لمكتبه!!!!!! Author: علاء الدين صلاح محمد Date: 12-15-2011, 06:11 PM Parent: #27
عين الرضا لا ترى فساد كرتي واخوان نسيبة وهل انحصر الفساد الانقاذي على مسار الانقاذ مليانة بالفسادين والمفسدين الفساد ينخر في هيكل الانقاذ واكسير حياة للاقناذ ولو لا الفساد لما كانت حكومة الوحدة الوطنية
Post: #30 Title: Re: وزير الاعلام يعين زوجته مديرا لمكتبه!!!!!! Author: الصادق الزين Date: 12-15-2011, 07:24 PM Parent: #29
يعنى الوزير الحقيقى للاعلام هى السيدة الفضلى فاطمة حرم السيد عبدالله مسار مش احسن كان من البداية يجونا من الاخر! على بالايمان الوزارة كلها تديرها الشمارات ويا ويل الذين تغضب عنهم السيدة الوزيرة زوجة الوزير بلا صلاحيات!
اين الشفافية يا مؤمنيين؟
Post: #31 Title: Re: وزير الاعلام يعين زوجته مديرا لمكتبه!!!!!! Author: فتحي الصديق Date: 12-15-2011, 07:28 PM Parent: #29
Quote: احسب ان الفساد لم يعد محصورا في اهل المؤتمر الوطني بل من الواضح كما ورد ان كل النخب السودانيه قد ادمنت الفشل والفساد من اكبر مراتب الفشل عليه ستجدني انشاء الله اشير للخلل اينما وجد ولن تتغيير قناعتي في ان المعارضين لا يريدون بنا خيرا انما يبحثون عن نصيبهم من الكعكه
مع كل التقدير لرأيك يا فدياس ..فأنا أعني أن المؤتمر الوطني هو الممسك بزمام السلطة الان . ومظاهر الفساد الذي قام به منسوبوه أكبر من أن تعد وتحصى ..وبصفتك متابعا لأخباره أتمنى لو أنك وجهت قلمك (السنين) لتعرية هذا النظام ..لأنه وبأفعال منسوبيه يسبب الضرر البالغ لكل سوداني ... أما عن فساد المعارضين فذلك موضوع اخر لا أود الخوض فيه الان ..ولعلك توافقني أن هؤلاء كانوا تحت بصر الصحافة الحرة والبرلمان الحر والقضاء المستققل في أيام توليهم للحكم .. -------------------------------- كل السهام تجاه صدر النظام الذي فسد وأفسد وقنن للفساد ... فدياس ...هل أتاك حديث زوجة المعتصم عبدالرحيم ..رئيس تحرير الصحيفة التي تصدر من الوزارة التي يتولاها زوجها ؟؟
Post: #32 Title: Re: وزير الاعلام يعين زوجته مديرا لمكتبه!!!!!! Author: Mohamed Yassin Khalifa Date: 12-15-2011, 08:04 PM Parent: #31
يا أخوانا ما فوكاها أيتوها حاجة! الراجل ده كان ما كان عارف مقدراتها كان عرسا؟
المثل قال: وراء كل عظيم إمرأة.. كان في البيت كان في المكتب وأجملهن من كانت دايماً وراااك في البيت وفي المكتب!
ده توفير ما بعده توفير.. للنساء
Post: #35 Title: Re: وزير الاعلام يعين زوجته مديرا لمكتبه!!!!!! Author: محمد حسن العمدة Date: 12-15-2011, 08:41 PM Parent: #32
في حكومة الفساد كل شي عادي
المعتصم عبد الرحيم معين مرتو مديرة تحرير مجلة الوزارة وزي ما قال ليك علي كرتي معين مرتو سفير وعمر البشير معين اختو مديرة اعلام سوداتل
Post: #33 Title: Re: وزير الاعلام يعين زوجته مديرا لمكتبه!!!!!! Author: Ahmed musa Date: 12-15-2011, 08:08 PM Parent: #31
الاخ فدياس والمتداخلين حسب علمي ان السيّدة فاطمة هي مدير مكتب الوزير من القصر حين كان مستشاراً للرئيس و(أعتقد) انه تزوجها وهي موظفة والقصة مافيها فساد كل القصة تنقلات عادية من القصر إلى وزارة الإعلام ومدير مكتب الوزير السابق ينتقل لإدارة تانية للعلم المهندس عبدالله علي مسار من أنزه المسئولين وإن كنت إختلفت معه سابقاً فقد عرفته شجاعاً ونزيهاً
Post: #38 Title: Re: وزير الاعلام يعين زوجته مديرا لمكتبه!!!!!! Author: فدياس نجم الدين Date: 12-15-2011, 11:20 PM Parent: #33
Quote: كل القصة تنقلات عادية من القصر إلى وزارة الإعلام ومدير مكتب الوزير السابق ينتقل لإدارة تانية للعلم المهندس عبدالله علي مسار من أنزه المسئولين
أحمد موسي
شخصياً مستنكر قصه نقل الطاقم كله مع أي وزير
المفروض يكون في لوائح وقوانيين خدمه مدنيه
بغض النظر عن نزاهه الوزير مسار
الموضوع كله غلط في غلط
شاكر توضيحك
Post: #34 Title: Re: وزير الاعلام يعين زوجته مديرا لمكتبه!!!!!! Author: Adam Omer Date: 12-15-2011, 08:15 PM Parent: #31
¨
ألاخ فدياس نجم تحية و سلام.
يا أخ صلاح الدين بزلاوى الوزلة دى ما تفتيحة كان أحسن ليها تقعد مع أولادة فة البيت
و تفيكو مشفر. بعدين تفك الشفرة لما يرجع
Post: #45 Title: Re: وزير الاعلام يعين زوجته مديرا لمكتبه!!!!!! Author: فدياس نجم الدين Date: 12-17-2011, 01:29 PM Parent: #29
قريمان ادانه السلوك ايا كان فاعله هو ما اقصده هنا سواء بدر من مسار او كرتي او المعتصم عبدالرحيم المحسوبيه لا يجب ان تصل لدرجه تعيين الزوجه والاخوان والاخوات في هكذا وظائف شاكر عبورك الكريم
Post: #36 Title: Re: وزير الاعلام يعين زوجته مديرا لمكتبه!!!!!! Author: فدياس نجم الدين Date: 12-15-2011, 10:52 PM Parent: #27
Quote: وأعرف واحد قريبنا بدرجة أعلى شوية من وزير
الدكتور بندر
أعلى من وزير دي إلا يبقي مساعد رئيس أو نائب رئيس أو الرئيس نفسه
أوضح............ أبن................... أفصح
Post: #37 Title: Re: وزير الاعلام يعين زوجته مديرا لمكتبه!!!!!! Author: خالد العبيد Date: 12-15-2011, 11:10 PM Parent: #36
والمكنة بتاعت ماشي التلاوة تمشي وين !
كوز اتوفى زوجتو فرشت عليهو ثلاثة ايام بلياليها اليوم الرابع جات واحدة سايقه معاها اربعة شفع وقعدت تبكي المرحوم زوجة المرحوم قال ليها: ماعرفتك والله ... انتي منو ؟ فردت : انا زوجة المرحوم فقالت الزوجة مندهشة : كيف زوجتو وعندك اربعة اطفال وانا ماعارفة ؟ زوجي الله يرحمو من الشغل للبيت للجامع القريب وابعد مشوار بمشيهو للتلاوه فردت عليها : بسسسسس شفتي التلاوة دي .. دي انا زااااتي !!!
Post: #39 Title: Re: وزير الاعلام يعين زوجته مديرا لمكتبه!!!!!! Author: Mahjob Abdalla Date: 12-16-2011, 01:07 AM Parent: #37
غربابة جوكم
Post: #40 Title: Re: وزير الاعلام يعين زوجته مديرا لمكتبه!!!!!! Author: فدياس نجم الدين Date: 12-16-2011, 09:03 AM Parent: #39
Quote: غربابة جوكم
محجوب
جمعه مباركه والله يرضي عليك أبعدنا من السكه دي
Post: #41 Title: Re: وزير الاعلام يعين زوجته مديرا لمكتبه!!!!!! Author: د. ياسر عبد القادر Date: 12-16-2011, 11:53 AM Parent: #40
Quote: بسسسسس شفتي التلاوة دي .. دي انا زااااتي !!!
ههههههههههههههههههه
اعرف واحد كان بيمشي التلاوة بعد صلاة الصبح طوالي.....دا ممكن يكون عندو كم طفل لحدي هسي؟؟؟
Post: #42 Title: Re: وزير الاعلام يعين زوجته مديرا لمكتبه!!!!!! Author: محمد مختار جعفر Date: 12-16-2011, 12:12 PM Parent: #41
طيب .. وين رأى النساء هنا ، فى الدراما دى ..!!!؟؟؟
Post: #43 Title: Re: وزير الاعلام يعين زوجته مديرا لمكتبه!!!!!! Author: فدياس نجم الدين Date: 12-16-2011, 12:42 PM Parent: #42
Quote: طيب .. وين رأى النساء هنا ، فى الدراما دى ..!!!؟؟؟
محمد مختار
ده بوست عزابه بس!!!
Post: #44 Title: Re: وزير الاعلام يعين زوجته مديرا لمكتبه!!!!!! Author: الطيب رحمه قريمان Date: 12-17-2011, 11:26 AM Parent: #43
الاستاذ فدياس و ضيوفه الكرام
لكم التحية الطيبة
ليكم على .. مش مسار ده
دخل زوجته الى مكتبه لتطمئن فقط ..
و سرعان ما يشوف ليها شغلة تانية و يخارجها و بعد ذلك يمقلبها..!!
مسار ده ثعلب كبير لمن لا يعرفه .. !!
Post: #46 Title: Re: وزير الاعلام يعين زوجته مديرا لمكتبه!!!!!! Author: فدياس نجم الدين Date: 12-22-2011, 09:33 AM Parent: #44
يبدو ان زميلنا عمر عثمان كان محقا عندما كتب بوست بعنوان وزير الاعلام ما براهو فاليوم وفي شبكه السوداني طلعنا تحت عنوان ( انا واخوي على الغريب ) بمكتب وزيره التعاون الدولي اشراقه سيد محمود نحت على لافته بنيه اللون اسم مجدي سيد محمود ( الشبكه ) قالت ربما حدث خطا فني في قلب اسم الوزيره ولكن المصادر اكدت ان الاسم على اللافته لشقيق الوزيره اشراقه الذي عين مديرا للمكتب . انتهى الخبر وبدورنا نعتزر للوزير مسار على شيل الحال ويبدو انها ########ه هايصه ومولد وصاحبه غايب اللهم الا اذا كان مرتبات ومخصصات هؤلاء المدراء يتحملها الساده الوزراء من حر مالهم لكن ان بقت من قروشنا انا شخصيا ما عافي ليكم حقي كلو كلو
