Post: #1
Title: أخطاء لغوية شائعة في البورد
Author: النذير حجازي
Date: 11-21-2011, 03:39 PM
Parent: #0
(1)
البعض يكتب:
بالرفاه والبنين
فهذا خطأ
والصحيح هو أن تُكتب:
بالرفاء والبنين
فكلمة رفاه لا معنى لها، أما كلمة
رفاء فتعني الإلتئام وحسن الإجتماع
|
Post: #2
Title: Re: أخطاء لغوية شائعة في البورد
Author: النذير حجازي
Date: 11-21-2011, 03:45 PM
Parent: #1
(2)
البعض يكتب:
والهم آلها وذويها الصبر والسلوان
فهذا خطأ
والصحيح هو أن تُكتب:
والهم أهلها وذويها الصبر والسلوان
فكلمة "آل" تخص الرجل فقط، وللمرأة تُبدل كلمة "آل" إلى أهل
|
Post: #3
Title: Re: أخطاء لغوية شائعة في البورد
Author: كمال عكود
Date: 11-21-2011, 03:59 PM
Parent: #2
Quote: البعض يكتب:
بالرفاه والبنين
فهذا خطأ
والصحيح هو أن تُكتب:
بالرفاء والبنين
فكلمة رفاه تعني بقايا جثة الميت، أما كلمة
رفاء فتعني الإلتئام وحسن الإجتماع |
شكرا جزيلا لك على التنبيهات اللغوية وما أكثرها
وأضيف خطأ آخر في كلمة بالرفاء والبنين وهو خطأ شرعي في التهنئة
قال الإمام النووي في كتاب الأذكار : فصل : ويُكره أن يُقال له بالرَّفاء والبنين
وقال أيضا في الأذكار : فصل : يُكره أن يُقال للمتزوّج : بالرِّفاءِ والبنينَ ، وإنما يُقال له: باركَ اللّه لك وباركَ عليك .
فما العلة في النهي عن هذه التهنئة التي هي تهنئة أهل الجاهلية ؟
ذكر الحافظ ابن حجر في فتح الباري علة النهي فقال : واختلف في علة النهي عن ذلك ؛
فقيل : لأنه لا حمد فيه ولا ثناء ولا ذكر لله .
وقيل لما فيه من الإشارة إلى بغض البنات لتخصيص البنين بالذكر .
ولا مانع أن تكون العلة للأمرين معا .
فقول : بالرفاء والبنين ليس فيه دعاء . وأيضا هو من أعمال الجاهلية .
والمتتبع لأحوال الجاهلية من خلال نصوص الكتاب والسنة يعلم مدى كراهية أهل الجاهلية للبنات ومن نصوص القرآن ما يلي :
قال تعالى :" وَإِذَا بُشِّرَ أَحَدُهُمْ بِالْأُنْثَى ظَلَّ وَجْهُهُ مُسْوَدًّا وَهُوَ كَظِيمٌ "
بل من شدة بغضهم للبنات أنهم جعلوا الملائكة بنات الله قال تعالى : " أَفَأَصْفَاكُمْ رَبُّكُمْ بِالْبَنِينَ وَاتَّخَذَ مِنَ الْمَلَائِكَةِ إِنَاثًا إِنَّكُمْ لَتَقُولُونَ قَوْلًا عَظِيمًا "
قال ابن كثير في التفسير :" واتخذ من الملائكة إناثا " أي واختار لنفسه على زعمكم البنات ثم شدد الإنكار عليهم فقال :" إنكم لتقولون قولا عظيما " أي في زعمكم أن لله ولدا ثم جعلكم ولده الإناث التي تأنفون أن يكن لكم وربما قتلتموهن بالوأد فتلك إذا قسمة ضيزى.
وقال المناوي في فيض القدير : وكانت عادة العرب إذا تزوج أحدهم قالوا له بالرفاء والبنين فنهى عن ذلك وأبدله بالدعاء المذكور .
|
Post: #4
Title: Re: أخطاء لغوية شائعة في البورد
Author: النذير حجازي
Date: 11-21-2011, 04:04 PM
Parent: #3
العزيز عكود، شكراً لك يا عزيزي على إثراء
البوست، وفعلاً في هذا الدعاء تمييز ضد الأنثى
والأصح أن نقول: بالرفاء والبنين والبنات
أما النهي الديني فهو ضعيف ولا أتفق معه
فمثلاً هل يؤثم المرء إذا ما قال لأخيه: عمت صباحاً؟
لا أظن ذلك
تحياتي وتقديري
|
Post: #6
Title: Re: أخطاء لغوية شائعة في البورد
Author: النذير حجازي
Date: 11-21-2011, 04:14 PM
Parent: #4
وصلتني هذه المداخلة من صديق عزيز، ويقول فيها:
البعض يكتب:
لا حولا أو لا حولة
والصحيح هو أن تُكتب:
لا حول ولا قوة إلا بالله
|
Post: #7
Title: Re: أخطاء لغوية شائعة في البورد
Author: عماد حسين
Date: 11-21-2011, 04:36 PM
Parent: #4
مشكور يا النذير
دعني أشكر الأخ كمال عكود على تعقيبه الذي يتناول القضية من ناحية شرعية
واسمح لي "أشاغبك" قليلاً فيما كتبته
لدي ملاحظتين
Quote: البعض يكتب:
بالرفاه والبنين
فهذا خطأ
والصحيح هو أن تُكتب:
بالرفاء والبنين
فكلمة رفاه تعني بقايا جثة الميت، أما كلمة
رفاء فتعني الإلتئام وحسن الإجتماع |
الأولى: أراك قد انتقدت الكلمة، وقلت إن "الرفاه" تعني بقايا الميت
ولاحظ يا النذير أنك كتبت الكلمة بـ(الهاء) هكذا: الرفاه، في حين أن بقايا
الميت هي: رفات (بالتاء).. وأظنها كدة...
احتمال انك داير تكتبها كدة: رفاة.. ودي أظنها برضو غير صحيحة
المهم: الرفاه (بالهاء) قد تعني (الرفاهية) وهي من المعاني الحسنة
ولذلك يذكر محمد بن عبد الملك بن مالك الطائي الجياني في كتابه: الألفاظ المختلفة .
في المعاني المؤتلفة، ص 135 بعض مرادفات هذه الكلمة فيقول:
"باب الرخاء
الرخاء والنضارة والرفاهية والبلهنية والسلوة والدعة والخفض والغضارة والنعيم
والرغد والرفاعة والخصب والراحة والريف". أ. هـ
لكني دعني أصدقك القول: بحثت عن استعمال كلمة: الرفاه في بعض معاجم اللغة، لكني
لم أعثر حتى الساعة على اللفظ نفسه.. لكن وجدت أن مادته تدل على ذلك، وهي مادة "ر، ف، هـ"
يقول ابن فارس في كتابه مقاييس اللغة 2/ 346:
(رفه) الراء والفاء والهاء أصلٌ واحدٌ يدلُّ على نَعمةٍ وسَعة مَطْلَبٍ. من ذلك الرِّفْهُ، وهو
أن تَرِدَ الإِبلُ كلَّ يومٍ متى شاءت... ومن ذلك الرَّفاهَةُ في العَيش والرّفاهِية.
ويقال: بينَنَا وبين فلانٍ ليلةٌ رافهة، أي ليِّنة السّيرِ لا تُعيِي. ومن ذلك الإرفاه: كثرة التدَهُّن،
وهو من الرِّفْه الذي ذكرناه. ورُفِّه عنه: إذا نُفِّس عنه الكَربُ". أ. هـ
الملاحظة الثانية: أنا قرأت في بعض الكتب أن العرب كانو يقولون بـ بالرفاه
وهي الكلمة التي ذكرت انها خطأ.. ووجه قولهم هذا مشتق من (الرفاهية) كما تقدم
الغريبة وجدت اللفظة التالية في أحد القواميس (عربي انكليزي):
عِلْمُ الرّفَاهَةِ أو الرّفَاهِيَة euthenics
تحياتي،،،، ومعذرة لكثرة التعقيب
|
Post: #106
Title: Re: أخطاء لغوية شائعة في البورد
Author: Magdi Ahmed Elsheikh
Date: 02-05-2012, 08:42 PM
Parent: #4
شكرا النذير......!!
|
Post: #5
Title: Re: أخطاء لغوية شائعة في البورد
Author: قيقراوي
Date: 11-21-2011, 04:11 PM
Parent: #1
Quote:
فكلمة رفاه تعني بقايا جثة الميت، أما كلمة
رفاء فتعني الإلتئام وحسن الإجتماع
|
الرفاه - بالهاء- من الرفاهية يا نذير ياخ
اظنك تقصد (رُفات) - بالتاء فاااتحة، و ضم الراء - فمعناها :
Quote:
رُفات هي بمعنى حُطام، وهي كل شيء تكسر أو بلي...
وكما أن الحُطام والحنان والنُُثار والجمال لا تجمع فإننا لا نجمع الرفات
. قال تعالى:"أءذا كنا عظامًا ورفاتًا..."
لاحظ أن اللفظة رفاتا وردت على صيغة الجمع ولفظة (الرفات) هي مذكرة
لذلك كلمة رفات ليس لها جمع
http://ejabat.google.com/ejabat/thread?tid=1da4d58817edb5be
|
-------
بالمناسبة العزيز محسن خالد عندو فتوى حول خطا تهنئة العرسان بـ(بالرفاء) دي ذاااتا!
و الله صحي!
|
Post: #8
Title: Re: أخطاء لغوية شائعة في البورد
Author: عماد حسين
Date: 11-21-2011, 04:46 PM
Parent: #5
Quote: العزيز عكود، شكراً لك يا عزيزي على إثراء
البوست، وفعلاً في هذا الدعاء تمييز ضد الأنثى
والأصح أن نقول: بالرفاء والبنين والبنات
أما النهي الديني فهو ضعيف ولا أتفق معه
فمثلاً هل يؤثم المرء إذا ما قال لأخيه: عمت صباحاً؟
لا أظن ذلك
تحياتي وتقديري |
النذير
معليش.. أكثرنا عليك من التعقيبات
النهي صحيح وثابت.. وقد ورد في عدة نصوص صحيحة، ومنها
سنن النسائي وابن ماجة:
عن الحسن قال: تزوج عقيل بن أبي طالب امرأة من بني جثم فقيل له
بالرفاء والبنين. قال قولوا كما قال رسول الله صلى الله عليه و سلم بارك
الله فيكم وبارك لكم
مسند أحمد:
عن عبد الله بن محمد بن عقيل، قال: تزوج عقيل بن أبي طالب، فخرج
علينا، فقلنا بالرفاء والبنين، فقال: مه ، لا تقولوا ذلك، فإن النبي صلى الله
عليه وسلم قد نهانا عن ذلك، وقال: " قولوا: بارك الله فيك، وبارك لك فيها "
تحياتي
|
Post: #9
Title: Re: أخطاء لغوية شائعة في البورد
Author: معاوية المدير
Date: 11-21-2011, 04:53 PM
Parent: #8
سلآمات يا النذير وباقي الصحاب.
عليك الله شوف لينا حكاية كتابة إن شاء الله، والجماعة
البيكتبوها إنشاء الله ديل، والصِق معاهم البيكتبوا إسم
الجلآلة بالتاء المربوطة (اللة) ديل أنا بيلوو مصراني
عديل كده.
والله صحي...
|
Post: #10
Title: Re: أخطاء لغوية شائعة في البورد
Author: المكاشفي الخضر الطاهر
Date: 11-21-2011, 05:20 PM
Parent: #9
النزير
لزوم اليش
ممذوج بماء الرورد
نمازج للستهبال
اذدحام
ا لمذاح المباح
الذين محمد احمد قارئ القرأن
الزين ءامنوا
|
Post: #11
Title: Re: أخطاء لغوية شائعة في البورد
Author: فايزودالقاضي
Date: 11-21-2011, 05:26 PM
Parent: #9
صفحة 499 من ( لسان اللسان تهذيب لسان العرب )
صفحة 503 (من لسان اللسان تهذيب لسان العرب )
ــــــــــــــــــــــ
ملحوظة : انا حفيد عيزانا معفي من الاخطاء يعني مافي زول يصلحني لكن انا مابخلي زول ..
|
Post: #12
Title: Re: أخطاء لغوية شائعة في البورد
Author: معاوية المدير
Date: 11-21-2011, 05:37 PM
Parent: #11
| Quote: ملحوظة : انا حفيد عيزانا معفي من الاخطاء يعني مافي زول يصلحني لكن انا مابخلي زول .. |
ما تقرُص لي أقعد جنّبك، كان نضوق الإعفى للزمان.
يا كافي البلاء لا في الجمارك، لا هنا!!!
التعديل عملتو سريع قبل الجماعة يفكروا
لغلطتي...
|
Post: #13
Title: Re: أخطاء لغوية شائعة في البورد
Author: Elawad
Date: 11-21-2011, 06:53 PM
Parent: #12
سلام يا النذير
بوست ظريف والله. بتفق مع ود المدير في إنه أكتر غلط متعب هو كتابة بعضهم لاسم الجلالة بالتاء المربوطة أو بالهمزة في أوله.
برضه من الأخطاء الشائعة كتابة سياغ أو صياغ عندما يراد كتابة سياق كقولهم في سياق كلامه. و كمان كتابة إطلاق صراحه بدلا عن إطلاق سراحه.
|
Post: #14
Title: Re: أخطاء لغوية شائعة في البورد
Author: محمد البشرى الخضر
Date: 11-21-2011, 07:02 PM
Parent: #13
هههههههههه جيت تتفولح يا النذير لموّا فيك الشباب خلّوك تتلولح
اكبر خطأ شائع في البورد دا بفوّر دمّي حكاية كتابة البشرى بالياء بدلا عن الألف المقصورة
|
Post: #15
Title: Re: أخطاء لغوية شائعة في البورد
Author: عوض محمد احمد
Date: 11-21-2011, 07:48 PM
Parent: #14
النذير
سلام
من الاخطاء الشايعة
1. شيوعيين البورد
و الصحيح: شيوعيو البورد
2. استعمال كلمة تقريظ بمعنى الاساءة فيما هى تعنى مدح الشئ (و يبدو ان قربها من كلمة (تقريص) الدارجية يوقع الناس فى هذا الخطا
3. نطق و الاستعمال الخاطئ لكلمة ثم بفتح الثاء و تشدييد الميم و خلطها ب ثم الاخرى المعتادة
ثم الاولى هى ظرف مكان و زمان و احيانا اسم اشارة فى نفس الوقت و هذه امثلة لاستعمالها الصحيح
ا. سوف اسافر الى مصر و من ثم الى اليابان
ب. ثمة جثث على ارض المعركة
4. تمييز العدد
5. الخلط بين مقدمة الكتاب و تقديمه
6. حتى فى الدارجية هناك اخطاء مثلا تستعمل كلمة: قرض على كدا و الصحيح : قرط على كدا (يسستعملها المكانيكية
خين يريدون تثبيت صامولة
و البعض هنا يستعمل كلمة: يزك فلان فيما يريد: يسك فلان
و البعض يقول: ما فوكا حاجة فيما هو يريد ما فوقا حاجة
|
Post: #16
Title: Re: أخطاء لغوية شائعة في البورد
Author: المكاشفي الخضر الطاهر
Date: 11-21-2011, 08:22 PM
Parent: #15
| Quote: . استعمال كلمة تقريظ بمعنى الاساءة فيما هى تعنى مدح الشئ (و يبدو ان قربها من كلمة (تقريص) الدارجية يوقع الناس فى هذا الخطا |
الصواب الشيء وليس الشيئ او الشئ
|
Post: #18
Title: Re: أخطاء لغوية شائعة في البورد
Author: Mahmoud Mustafa Mahmoud
Date: 11-21-2011, 08:38 PM
Parent: #16
مذيد
مذيد ود عيسى؟؟
والصحيح مزيد طبعاً
أخطاء لغوية...
طبعاً في ناس بينطقوها لَغَوية...بفتح اللام والغين...
والصحيح لُغَوِية...بضم اللام ..ثم فتح الغين قدر الريال...ثم كسر الويو حتى لو كان واو ضكر زاتو...
قلت لي رفاه الميت؟؟؟
ما مشكلة واصل يا زول..
بوست موفق...(مذيد من التوفيغ)...
|
Post: #17
Title: Re: أخطاء لغوية شائعة في البورد
Author: محمد البشرى الخضر
Date: 11-21-2011, 08:25 PM
Parent: #15
"يتسنّى" لا تحلو كتابتها في البورد إلاّ بالثاء هكذا "يتثنّى " فيتغيّر المعنى تماما و يتثنّى فعلا
|
Post: #19
Title: Re: أخطاء لغوية شائعة في البورد
Author: عوض محمد احمد
Date: 11-21-2011, 08:42 PM
Parent: #17
الصواب هو الشيء
|
Post: #20
Title: Re: أخطاء لغوية شائعة في البورد
Author: Mahmoud Mustafa Mahmoud
Date: 11-21-2011, 08:46 PM
Parent: #17
واحد من (أبشع) الأخطاء السمعتها في حياتي....
هسي في عطلة العيد دي...
إيمان لندن...
قالت في معرض (حديسها) عن فوائد العودة للوطن..
ما معناه:
بقت عندي (أقانيني) الخاصة...
وطواااااااااالي قامت خشت ليها في (قنية) من (أقانينها) الخاصة...
فااااااااشنو...اللحمة بقت لي طعمها زي مناديل الورق
بل تفوح منها مرات مرات كدا...ريحة بامبرز ...
(أسبتا لي نظري أقل من ستة)
وهو المطلوب إسباتو....
أحححححححححححححححححح...
استغفر الله بس
....
|
Post: #21
Title: Re: أخطاء لغوية شائعة في البورد
Author: Mohamed Yassin Khalifa
Date: 11-21-2011, 09:56 PM
Parent: #20
النذير.. سلامــات
إنتا هنا بتتكلم عن اللغة العربية الفصحى ولا عن اللغة العربية السودانية؟
لأنو في فرق كبير جداً بين اللغتين.. فنحنا درسنا الفصحى والتي لها ميزان لغوي صارم.
بس خلوني أسعل أي زول أو زولة منكم.. نحنا إتعلمنا اللغة "العربية السودانية" وين؟
وهل ليها ميزان محدد؟ يعني الزول العاوز يتعلمها يتعلمها كيف؟
طبعاً دي اسئلة أرقتني لسنوات.. ولغاية حسع بحاول أجد ليها إجابات
أنا درستا سبعة لغات وأصعب واحدة فيهم لقيتا العربية السودانية!
وه لأننا لم نعطيها حقها من البحث أو التوثيق الاكاديمي
والله يرحم الدكتور عون الشريف قاسم!
|
Post: #22
Title: Re: أخطاء لغوية شائعة في البورد
Author: النذير حجازي
Date: 11-22-2011, 04:54 AM
Parent: #21
الأعزاء جميعاً:
عماد حسين
قيقراوي
معاوية المدير
المكاشفي الخضر الطاهر
فايز ود القاضي
معاوية المدير
العوض
ود البشرى
البروف عوض محمد أحمد
محمود مصطفى محمود
محمد يس خليفة
شكراً لكم جميعاً على إثراء البوست، ويا عماد حسين وقيقراوي سأقوم بالتعديل اللازم، فكلمة
رفاه إذن ليس لها معني فهي أيضاً لا تعني رفاهية وإن كانوا يقصدون الرفاهية، وأرجو
يا قيقراوي أن تجلب رابط بوست العزيز محسن خالد بلا شك فهو سيكون مفيد جداً
فأنا قد سمعت عنه سمع ولم أطالعه.
تحياتي للجميع
|
Post: #23
Title: Re: أخطاء لغوية شائعة في البورد
Author: النذير حجازي
Date: 11-22-2011, 05:05 AM
Parent: #22
عفواً
|
Post: #24
Title: Re: أخطاء لغوية شائعة في البورد
Author: النذير حجازي
Date: 11-22-2011, 05:14 AM
Parent: #23
(3)
البعض يكتب:
ترك الحبل على القارب
فهذا خطأ
والصحيح أن تُكتب:
ترك الحبل على الغارب
والغارب هو المنطقة ما بين ظهر الدابة ورقبتها
أي بالسوداني كدا مطلوقة
|
Post: #26
Title: Re: أخطاء لغوية شائعة في البورد
Author: Elawad
Date: 11-22-2011, 05:18 AM
Parent: #24
مالك يا النذير مسخن كدا. ما أظن قيقراوي قصد حاجة و هو ما علق على كلامك حول خطأ البعض بكتابة الرفاه بدلا عن الرفاء لكن قال الرفاء ذاتها محسن عنده فيها كلام. ما تبقى حساس يا راجل.
|
Post: #27
Title: Re: أخطاء لغوية شائعة في البورد
Author: النذير حجازي
Date: 11-22-2011, 05:19 AM
Parent: #24
(4)
البعض يكتب:
دكتور عوض محمد أحمد
فهذا خطأ
والصحيح أن تُكتب:
الدكتور عوض محمد أحمد
معرفة بالألف واللام، لأنه في الأولى
يُفهم أن المتحدث يتكلم عن الدكتور المعالج
للمريض عوض محمد أحمد وليس عوض محمد أحمد هو
نفسه الدكتور المعني.
|
Post: #25
Title: Re: أخطاء لغوية شائعة في البورد
Author: بدر الدين احمد موسى
Date: 11-22-2011, 05:16 AM
Parent: #22
النذير حجازي
بوست ممتع
عارف اكثر حاجة بتتعبني في البوست-على الرغم من اني عجمي-الناس البتكتب;
اكتب بدل يكتب
اقوم بدل يقوم
اعمل بدل يعمل
----
المشكلة في حكاية الاخطاء الهجائية هي; عدم وجود معجم عربي اولاين, كما في اغلب اللغات على الرغم من ثراء العرب!
ليه ما يوفروا لسان العرب اونلاين?
|
Post: #28
Title: Re: أخطاء لغوية شائعة في البورد
Author: النذير حجازي
Date: 11-22-2011, 05:26 AM
Parent: #25
| Quote: مالك يا النذير مسخن كدا. ما أظن قيقراوي قصد حاجة و هو ما علق على كلامك حول خطأ البعض بكتابة الرفاه بدلا عن الرفاء لكن قال الرفاء ذاتها محسن عنده فيها كلام. ما تبقى حساس يا راجل. |
حبيبنا العوض،
سلامات
والله ما مسخن ولا حاجة، بس بصراحة بلاحظ إنو
قيقراوي بكتب كتابات خبيثة وبحاول يطعمها
بالوجوه الضاحكة، وكدي ننتظر لمن يجيء
يوضح لينا هو قاصد شنو، وليك علي إني أمسح
مداخلتي أعلاه إن كنت مخطئاً- وأتمنى ذلك.
تحياتي ليك يا ملك
|
Post: #29
Title: Re: أخطاء لغوية شائعة في البورد
Author: النذير حجازي
Date: 11-22-2011, 05:33 AM
Parent: #28
Quote: النذير حجازي
بوست ممتع
عارف اكثر حاجة بتتعبني في البوست-على الرغم من اني عجمي-الناس البتكتب;
اكتب بدل يكتب
اقوم بدل يقوم
اعمل بدل يعمل
----
المشكلة في حكاية الاخطاء الهجائية هي; عدم وجود معجم عربي اولاين, كما في اغلب اللغات على الرغم من ثراء العرب!
ليه ما يوفروا لسان العرب اونلاين? |
حبيبنا أبو البدور
تحايا وأشواق
شكراً على الثناء على البوست، وفعلاً كما ذكر
البروف عوض إنو كتابة العامية السوادنية ذاتها
فيها أخطاء، وأتفق معك مائة المائة في خطأ من
يبدلون الياء بالهمزة، ومن ملاحظتي في هذا البورد
معظم كتاب المنبر المنحدرين من منطقة النيل الأبيض
يكتبون ذلك.
أما بخصوص لسان العرب يا أبو البدور بالمناسبة في
موقع فور شيرد توجد نسخة من لسان العرب مطبوعة
على المايكروسوف وورد يعني من السهولة تبحث عن
أي كلمة فيه عن طريق كنترول أف.
تحياتي وتقديري
|
Post: #30
Title: Re: أخطاء لغوية شائعة في البورد
Author: النذير حجازي
Date: 11-22-2011, 05:55 AM
Parent: #29
(5)
البعض يكتب:
تُقام الندوة الساعة السادسة مساءاً
فهذا خطأ
والصحيح أن تُكتب:
تُقام الندوة الساعة السادسة مساءً
لأن في حالة التنوين على الهمزة على سطر بألا نضيف إليها
ألفاً إذا ما سبقتها ألف كحالة مساء فإن الهمزة على سطر سبقتها
ألف وعليه يُوضع التنوين على الهمزة نفسها ولا داعي لإضافة
ألف زائدة للتنوين، أما إذا لم تسبقها ألفاً ككلمة "جزء" فنضيف
إليها ألفاً بعد الهمزة على سطر في حالة التنوين فتصير:
"جزءاً"
|
Post: #31
Title: Re: أخطاء لغوية شائعة في البورد
Author: عوض محمد احمد
Date: 11-22-2011, 06:20 AM
Parent: #30
من الاخطاء الشائعة هنا استعمال كلمة كهل للدلالة على التقدم فى السن. هذا خطا بين فالكهولة مشتقة من اكتهال الزرع اذا بلغ اشد خضرته. الكهولة عند الانسان هى المرحلة التى تلى الشباب الاول فى الاربعينات و الخمسينات و فيها يكون الانسان فى قوة و عافية بدنيا و عقليا و مهنياو جنسيا ايضا
اذا اردت الدلالة على تقدم السن المفضى الى العجز فقل: انسان هرم و ليس كهلا
و من الاخطاء الشائعة ايضا قولك ان فلان فى العقد الثانى من عمره و يكون فلانا هذا فى العشرينات من عمره
فالعقد الاول من (عمر يوم) الى نهاية السنة التاسعة
العقد الثانى من 10 الى اخر يوم فى 19 سنة
العقد الثالث من 20 الى 29 سنة
و هكذا دواليك
|
Post: #32
Title: Re: أخطاء لغوية شائعة في البورد
Author: محمد أبوالعزائم أبوالريش
Date: 11-22-2011, 06:42 AM
Parent: #31
سلام يا أهلنا ....
الله يخليكم شوفوا لينا برضو حكاية:
في حوجة لهذا الأمر ...
بينما الصحيح (في حاجة لهذا الأمر).
|
Post: #33
Title: Re: أخطاء لغوية شائعة في البورد
Author: معاوية المدير
Date: 11-22-2011, 06:49 AM
Parent: #31
ما تزعل يا عوض، وخليك فرايحي،
وأنت كذلك يا النذير...
|
Post: #34
Title: Re: أخطاء لغوية شائعة في البورد
Author: قلقو
Date: 11-22-2011, 07:24 AM
Parent: #33
الأخ النذير وضيوفه (الكرام ,الأكارم , المكرمين) أختاروا البتعجبكم وما فى واحد يجى يقول لى خطأ لغوى . فاهمين ؟
الأخطاء الثلاثة ادناه وردت فى بيان لأسرة المرحوم الخاتم عدلان ولا تعليق لدى لأن الأخطاء اللغوية التى صاحبت هذا البيان كفيلة بالأستاذ الخاتم عدلان ان يتململ فى قبره رحمه الله .
كان حتى الامس ملء السمع والبصر واصبح اثر بعد عين؟ تساءل فيها عن هل حقق الحزب الشيوعي الاهداف التي انشئا من اجلها؟
وهو الذى يملك من اسرار الحزب ما هو جدير بهدمه اوعرقلت مسيرته عشرات السنين ان تثرب الى اعدائه
(ولكن للأسف اكتشفنا ان الواقف على عتبة بابنا سعبان يحمل سم زعاف )..
انتهى الأقتباس .
وشكرن جزيلن .
|
Post: #35
Title: Re: أخطاء لغوية شائعة في البورد
Author: منال
Date: 11-22-2011, 07:27 AM
Parent: #33
فى ناس بكتبو المراءة
والصحيح هى المرأة ياقيقراوى
|
Post: #36
Title: Re: أخطاء لغوية شائعة في البورد
Author: قلقو
Date: 11-22-2011, 08:31 AM
Parent: #35
|
Post: #37
Title: Re: أخطاء لغوية شائعة في البورد
Author: فتحي الصديق
Date: 11-22-2011, 08:51 AM
Parent: #36
فالنعمل
والصحيح فلنعمل .
|
Post: #38
Title: Re: أخطاء لغوية شائعة في البورد
Author: محمد أبوالعزائم أبوالريش
Date: 11-22-2011, 09:08 AM
Parent: #37
شخصياً، لا أهتم كثيراً لضبط اللغة، إذا كان الكتابة بالدارجة، أما إذا كانت بالعربية الفصحى، فيجب ضبطها ما أمكن.
أتمنى أن يكون التركيز على الأخطاء في العربية الفصحى وليس الدارجية.
كده بتكون مخارجة لمن يخاف الخطأ، ويقوم يدخل على الدارجية ... مهما عاس، مافي زول يسألو.
|
Post: #40
Title: Re: أخطاء لغوية شائعة في البورد
Author: حبيب نورة
Date: 11-22-2011, 09:32 AM
Parent: #38
جيد جداً
|
Post: #39
Title: Re: أخطاء لغوية شائعة في البورد
Author: قيقراوي
Date: 11-22-2011, 09:30 AM
Parent: #36
Quote:
ما تقرُص لي أقعد جنّبك، كان نضوق الإعفى للزمان.
يا كافي البلاء لا في الجمارك، لا هنا!!!
التعديل عملتو سريع قبل الجماعة يفكروا
لغلطتي...
(عدل بواسطة معاوية المدير on 21-11-2011, 10:56 PM)
|
أعد يا مدير
--------
دا نموذج للخبث يا نذير!؟
و الله ما عندي اضافة على كلام العوض وهو كالآتي
- انت قلت الناس ما تستخدم (بالرفاه) لانو معناها كيت و كيت (خطأ حسب وجهة نظري الطرحتها هنا دا ؤ باسنادها)
- قلت استخدموا بدلاً عن (بالرفاه) عبارة (بالرفاء و البنين) .. انا علقت على (البديل المقترح منك) بانها برضو منهي عنها- حسبما قرأته انا لأول مرة بفتوى للعزيز محسن خالد - يبقى وين اتهامي ليك بانك سرقت أي حاجة!؟
هل تقصد اني قلت انك سرقت (خطأ) و لّ كيف!؟
ما فهمتها دي و الله
و شكراً لحسن الظن
ام مسألة (الخبث) فتقديرية و لو عاوزني اقتنع بيها اثبتها من فضلك و اهديني عيوبي
و يا منال يا ريت توريني وين كتبت انا مرأة كـ(مراءة)؟
و لّ خلاص قيقراوي بقى حيطتكم القصيرة هو!؟
هاك الوش الخبيث دا
التعديل لتعديل مفردة (الرفاء) كتبتها (بالرفاه) برضو
و بالمناسبة يا النذير (الرفاه) كلمة عندها معنى و مصطلح مستخدم في كتب الاقتصاد!
|
Post: #41
Title: Re: أخطاء لغوية شائعة في البورد
Author: قيقراوي
Date: 11-22-2011, 10:38 AM
Parent: #39
Quote:
فى ناس بكتبو المراءة
والصحيح هى المرأة ياقيقراوى
|
!!!!؟؟
بعرف .. بعرف اختيييييي
من زماااااان (الحبشي) -رد الله اغترابه عن البورد- ورانا الكلام دا:
Quote:
إن لم يكن لسودانيز أون لاين عليك سوى أنها علمتك وصل همزة (امرأة)
لكان ذلك حسبها ( فائدة "حاسمة" معاصرة ).
|
يا محسن :سودانيز أون لاين ليست صالة نساء لكنها منحتك آلاف الأغبياء
كنتي وين انت!؟
التوقيع:
قيقراوي الخبيث
(من شدة خبثي لمن عدلت (لك) بـ(لم))
المافي شنو هو مع الخباثة!؟
------
شكراً يا العوض ياخي .. لا عدمناك و لا شلت يداك
و ماذا نفعل مع أخطاء القراية!؟
اعتقد انو الـ[أخطاء لغوية] دي بتشمل قراية/كتابة، و لّ شنو!؟
نتعوض الله .. منو العوض و ليه العوض !
و الجاتك في خباثتك سامحتك غايتو
(مزيداً من الوشوش الخبيثة)
|
Post: #42
Title: Re: أخطاء لغوية شائعة في البورد
Author: معاوية المدير
Date: 11-22-2011, 10:54 AM
Parent: #41
دي نقشتها كيف يا خبيث؟؟؟!!!
الوش بتاعي ده، وربما تكون (دا)، ما خبيث
إنما فرايحي.
والله صحي.
يا جماعة عليكم الله ما تزعلوا.
الإعفاء.
أوّع أكون عكيتها تاني...
|
Post: #43
Title: Re: أخطاء لغوية شائعة في البورد
Author: قيقراوي
Date: 11-22-2011, 11:27 AM
Parent: #42
Quote:
دي نقشتها كيف يا خبيث؟؟؟!!!
|
دا سؤال دا يا مدير!؟
نشوف ابليس و نرد ليك طيب
الغريبة انو تهمة (الخباثة) دي ما اول مرة ..
حبيبنا وهبة - ربنا يواليه بالعافية*- اول مرة اضرب ليو تلفون كان تعليقو :
الغريبة انو صوتك ما (خبيث) زي ما توقعتا!
و الله صحي
-------
* بالمناسبة ما عارف معنى العبارة ..
لكن شف ساي!
لكن نجرتي بخصوص الحبشي (رد الله اغترابه) احسبها صحيحة مية المية ..
المتواتر عن (رد الله غربته) انها تقال للمجنون عديييل!
و الله اعلم
اما ما دار محور سؤالكم عنه :
Quote:
الإعفاء.
أوّع أكون عكيتها تاني...
|
ترفع للحبشي للنظر حول (الهمزة) الاولى .. هل هي همرة قطع ام وصل؟
اما الاخيرة -على السطر- فهي صحيحة ..
الزي دي انا بفتي فيها
المافي شنو!؟
|
Post: #44
Title: Re: أخطاء لغوية شائعة في البورد
Author: معاوية المدير
Date: 11-22-2011, 11:38 AM
Parent: #43
| Quote: اما الاخيرة -على السطر- فهي صحيحة .. |
بس خلآس، دي وكت بقت صحيحة التانية هادي طرفي
منها. داير اعوس مع أبو الريش في الدارجية...
|
Post: #45
Title: Re: أخطاء لغوية شائعة في البورد
Author: بريمة محمد
Date: 11-22-2011, 01:59 PM
Parent: #44
أولاد عرب زنين .. ولسانهم عربى فصيح
تشكر يالحبيب النذير .. أستفدت كثيراً
بريمة
|
Post: #46
Title: Re: أخطاء لغوية شائعة في البورد
Author: النذير حجازي
Date: 11-22-2011, 03:07 PM
Parent: #45
الأعزاء:
البروف عوض محمد أحمد
محمد أبو العزائم أبو الريش
معاوية المدير
قلقو
نجمة البورد منال
فتحي الصديق
حبيب نورة
قيقراوي
فردتي الجديد بريمة (والله منور البوست)
شكراً لكم جميعاً على إثراء البوست
يا قيقراوي شكراً على التوضيح ولك العتبى، فقط قد فهمتُ من
كلامك أنك تشير إلى بوست محسن خالد عن تحسين الكتابة في البورد
وأظنه البوست الأشهر لمحسن خالد، وقد سمعتُ عنه كثيراً في هذا
المنبر ولكن للأسف لم أطالعه، وقد إفتكرت إنك قصدت أن محسن خالد
قد قال لا تقولوا بالرفاه بل قولوا بالرفاء وهذا هو بيت القصيد، أما
عن معنى كلمة رفاه فهو من نافلة القول وغير مهم إطلاقاً، فكما ترى فإن
معظم الشباب يتكلمون عن التصويب ولا يتكلمون عن المفردة الخطأ
ومحاولة فهم معناها، شوفت كيف؟! مع احترامي لك المسألة ما مسألة
قراءة صحيحة وقراءة خاطئة فالمسألة مسألة أن لكلٍ منا منظور
مختلف للأمور فأنا أركز على زبدة القول وأنت تتمسك بسفاسف
الأمور.
|
Post: #47
Title: Re: أخطاء لغوية شائعة في البورد
Author: النذير حجازي
Date: 11-22-2011, 03:15 PM
Parent: #46
البروف عوض، شكراً جزيلاً لك ياعزيزي بمداخلتك الضافية
لموضوع العقد، وبالمناسبة البعض أيضاً يكتب كلمة جيل
بدون وعي، فيقول فلان دا من الجيل اللي قبلينا والفرق بكون
أقل من 33 سنة بينهما، في حين أن الجيل يساوي 33 عاماً
تحياتي وتقديري
|
Post: #48
Title: Re: أخطاء لغوية شائعة في البورد
Author: قيقراوي
Date: 11-22-2011, 04:38 PM
Parent: #47
Quote:
يا قيقراوي شكراً على التوضيح ولك العتبى، فقط قد فهمتُ من
كلامك أنك تشير إلى بوست محسن خالد عن تحسين الكتابة في البورد
وأظنه البوست الأشهر لمحسن خالد، وقد سمعتُ عنه كثيراً في هذا
المنبر ولكن للأسف لم أطالعه، وقد إفتكرت إنك قصدت أن محسن خالد
قد قال لا تقولوا بالرفاه بل قولوا بالرفاء وهذا هو بيت القصيد، أما
عن معنى كلمة رفاه فهو من نافلة القول وغير مهم إطلاقاً، فكما ترى فإن
معظم الشباب يتكلمون عن التصويب ولا يتكلمون عن المفردة الخطأ
ومحاولة فهم معناها، شوفت كيف؟! مع احترامي لك المسألة ما مسألة
قراءة صحيحة وقراءة خاطئة فالمسألة مسألة أن لكلٍ منا منظور
مختلف للأمور فأنا أركز على زبدة القول وأنت تتمسك بسفاسف
الأمور.
|
يا عزيزي انا اركز على ما اراه ضروري ايضاً
وذكرت انو " بالرفاء و البنين" في من خطأها ( وذكرت مثال)
يعني في موضوع البوست .. واحد
انت ذكرت انو كلمة (رفاه) لا معنى لها .. و دا خطأ حسب معلوماتي
بعدين الاهم خالص اني ابداً ما ذكرت انو بوست محسن خالد البتكلم عنو هنا في سودانيز اون لاين!!
اتمنى تصحيحي لو غلطت و قلت كدا!
البوست حديث جداً (ما اكتر من 6 شهور) و في مناسبة زواج زميلنا شهاب كرار، فذكر فتواه المذكورة ( النهي عن التمباركة بـ"بالرفاء و البنين" - وهي عكس دعوتك تماماً لو بتلاحظ!- عن الامام النووي كما اذكر .. و كل دا في سودانيات ..ايوة "سودانيات"!!
شفت انو المسألة بالنسبة لي - و من منظوري- ما سفاسف ساي
و كلها في نظري خطا قراية بس.
ما بحق لي التساءل عن جدوى تجويد الكتابة اذاً!؟
--------
ما عارف ليه حاسي بحدة في مداخلاتك! مع اني خاشي ودي جداً!؟
و لّ انا غلطان المرة دي!؟
|
Post: #49
Title: Re: أخطاء لغوية شائعة في البورد
Author: النذير حجازي
Date: 11-23-2011, 05:17 AM
Parent: #48
Quote: شفت انو المسألة بالنسبة لي - و من منظوري- ما سفاسف ساي
و كلها في نظري خطا قراية بس.
ما بحق لي التساءل عن جدوى تجويد الكتابة اذاً!؟
--------
ما عارف ليه حاسي بحدة في مداخلاتك! مع اني خاشي ودي جداً!؟
و لّ انا غلطان المرة دي!؟ |
سلام يا قيقراوي،
يا قيقراوي ليه إنت دائماً بتطلع القارىء هو المخطيء؟!
ليه ما تكون المشكلة هي مشكلة كتابتك غير مفهومة ومبهمة؟!
وبعدين لمن تذكر بوست لمحسن خالد هنا في سودانيز أون لاين
من البديهي بأننا نفهم بأن البوست المعني هو هنا وهل
هذا هو خطأ القارىء أم خطأك أنت؟!
وبعدين يا قيقراوي بالمناسبة أنا احترم جداً الرأي المخالف
واحترم حرية التعبير، ولكن لا اسامح أو أجامل في الإساءة
الشخصية لي من قريب أو من بعيد، وعلى ما أعتقد بأن
الحدة منتوج طبيعي للرد على كلامك الآخير بجعل القارىء
لكلامك المبتور بأن لديه مشكلة فهم، فهل لا ترى في ذلك
إساءة وسوء آدآب الحوار؟!
وعلى العموم يا زول العفو والعافية والمهم إنك ما طلعت
زول خبيث دي الحسنة الوحيدة
من نقاشنا هنا، وعلى الرغم من أنك طلعت منها براءة
إلا أنني إكتشفتُ لك خصلة أخرى، وهي:"إنك فاكيها في روحك
حبتين، وشايف كلامك المكعوج اللي بتكتبوا كلام مُنزل من
السماء ومن لا يفهمه فهو قليل الفهم، شوفت كيف يا قيقراوي؟!
مع مودتي الصادقة
|
Post: #50
Title: Re: أخطاء لغوية شائعة في البورد
Author: قيقراوي
Date: 11-23-2011, 09:07 AM
Parent: #49
سلامات يا نذير
و ممكن تضيف لفاكيها في روحو دي، لايوق كمان .. و دي ح تكتشف اسي دي
Quote:
يا قيقراوي ليه إنت دائماً بتطلع القارىء هو المخطيء؟!
ليه ما تكون المشكلة هي مشكلة كتابتك غير مفهومة ومبهمة؟!
وبعدين لمن تذكر بوست لمحسن خالد هنا في سودانيز أون لاين
من البديهي بأننا نفهم بأن البوست المعني هو هنا وهل
هذا هو خطأ القارىء أم خطأك أنت؟!
|
يا عزيزي وين انا ذكرت مفردتي (بوست) او (سودانيز اون لاين)!؟
و افتكر انهن كلمتين مفتاحيات
كلامي ياهو دا:
Quote:
-------
بالمناسبة العزيز محسن خالد عندو فتوى حول خطا تهنئة العرسان بـ(بالرفاء) دي ذاااتا!
و الله صحي!
|
بتلاحظ ذكرت بالنص كلمة (فتوى)* .. و (عندو)
الفتوى ممكن تكون في منبر جامع او منصة ندوة او اي مكان مش؟
و (عندو) دي ما بالضرورة هنا، محسن يكتب في عديد المنابر، و له موقع خاص به.
و زي ما ذكرت في المداخلة الفاتت، الكلام دا كان في (سودانيات)** و في مناسبة زواج العزيز شهاب كرار قبل شهرين تلاتة كدا (يعني ما عندو اي علاقة ببوست تصحيح اخطاء الكتابة بسودانيز ***).
هذا ما لزم توضيحه
و ليس نكران لتهمة الفكة، لكن هي مطالبة بمحاكمتي بما (كتبت) فقط لا غير..
و ما افتكر في الامر مغالاة!
-------
* فتوى قريتا هنا كتير (فتوة)
قلنا نساهم في البوست ؤ كدا
بالمناسبة لو قلت لي موضوع خطأ (بالرفاء و البنين) ما لغوي، و نحن هنا موضوعنا الاخطاء اللغوية لبهت الذي فاكيها في روحو -سعادتي- و عاوز يطلع في الكفر!!
** ح اتبرع بمعلومة انو (سودانيات) ما عندي اكسس ليهو من المكتب، عشان كدا ما جبت الرابط و لا الاقتباس .. ودا السبب اني ما صّرحت في المداخلة، و الله على ما اقول شهيد.
و هنا دا تقصيري اكيد!
*** بوست تصحيح الاخطاء، لا ادعي اني قريتو .. برضو
للامانة اطلعت على بعض مقتطفات بس، اكوات في خضم صراع الحبشي-محسن خالد
الخوة في محلها
و المودة كيمان كيمان
سلام و سلام
|
Post: #51
Title: Re: أخطاء لغوية شائعة في البورد
Author: دينا خالد
Date: 11-23-2011, 09:59 AM
Parent: #50
Quote: البعض يكتب:
دكتور عوض محمد أحمد
فهذا خطأ
والصحيح أن تُكتب:
الدكتور عوض محمد أحمد
. |
النزير امنع الفوضى !
اها دكتور دى عربية ؟؟ مالك مشعلق ليها الف ولام
سوت شنو المسكينة ؟
دوكتا هو دوكتا بدون اى زوائد .. وفى بعض الروايات
دوك ..
|
Post: #52
Title: Re: أخطاء لغوية شائعة في البورد
Author: بريمة محمد
Date: 11-23-2011, 10:01 AM
Parent: #50
النذير
سلامات ..
| Quote: وعلى العموم يا زول العفو والعافية |
أحسنت يا النذير .. واصلوا لينا كما فى بداية البوست .. عن المفردات ..الخطأ
اها كملة خطأ كيف تكتب .. هل خطء أم خطأ.
كلمة يقرأ .. بالنسبة للمؤنث هل هى إقرئى .. أم إقرأي !
كلمة رأى حينما يتحدث عن رأيه: هل يقول هذا هو رأيى أم رائى
ومنتظرين نسمع الأجابة ..
بريمة
|
Post: #53
Title: Re: أخطاء لغوية شائعة في البورد
Author: بريمة محمد
Date: 11-23-2011, 10:11 AM
Parent: #52
Quote: عرفت أن ماسورة رئيسة تتسرب منها المياه لأيام عدة في هذه المساحة الموازية لأشهر شارع بالمهندسين،
وكنت سمعت في محاضرة أن (كوز) صلصة به ماء راكد في سقف أحد المنازل ربما يتسبب في نشر الملاريا
بدائرة قطرها كيلومتر.. عليه نحذركم من ترك الكيزان والعلب الفارغة فوق أسطح المباني .. فإذا كان كوز
صلصة يتسبب في هذا الدمار النووي فما بالك بمساحة تزيد على 1500 متر مربع من المياه الراكدة؟؟ |
Re: صور من أحد الأحياء (الراقية) في العاصمة ..
كلمة رئيسة لماذا لا تكتب رئيسية.
بريمة
|
Post: #54
Title: Re: أخطاء لغوية شائعة في البورد
Author: معاوية المدير
Date: 11-23-2011, 10:17 AM
Parent: #52
ملآحظة:
ملآحظ الجميع هنا يكتبوا: كلآمك (صاح)!!!؟؟؟
صاح الغراب، واللآ شنو؟؟؟
إفتكر الصح: كلآمك صحيح.
واللآ رايكم شنو؟؟؟
غايتو نجرتها زي قيقراوي.
والله صحي...
|
Post: #55
Title: Re: أخطاء لغوية شائعة في البورد
Author: قيقراوي
Date: 11-23-2011, 10:33 AM
Parent: #54
Quote:
كلمة رئيسة لماذا لا تكتب رئيسية
|
سمعت فيما يسمع الصاحي :
انو رئيس لا تؤنث حتى لو تبعت باسم مؤنث!
اعتقد انها كان مفروض تكتب (رئيس) في النص الاصلي!
و الله ثم اللغويين اعلم
--------
* برضو هنا (الصحيح) - سامعني يا مدير!؟- استخدام (ثم) بدلاً عن (و) للعطف على اسم الجلالة..
لانها (عاطفة) تفيد الترتيب
|
Post: #56
Title: Re: أخطاء لغوية شائعة في البورد
Author: النذير حجازي
Date: 11-23-2011, 11:43 AM
Parent: #55
Quote: الخوة في محلها
و المودة كيمان كيمان
سلام و سلام |
تسلم يا قيقراوي يا زول يا أصيل
أما بخصوص لياقتك دي ما أظن يتناطح عليها
عنزان في هذا البورد
ويا ريت لو كانت لياقة اللايوقين في هذا
البورد زي لياقتك دي، إنت ما شوفت لياقة
محمد إي سليمان؟! غايتو الله لا وراها لعدوك
تحياتي وتقديري
|
Post: #57
Title: Re: أخطاء لغوية شائعة في البورد
Author: قيقراوي
Date: 11-23-2011, 11:57 AM
Parent: #56
Quote:
ويا ريت لو كانت لياقة اللايوقين في هذا
البورد زي لياقتك دي، إنت ما شوفت لياقة
محمد إي سليمان؟! غايتو الله لا وراها لعدوك
|
لياقة الحبشي - ملك اللولوة المتوج في مطعم الباشا- ما شفتها كيف!؟
الظاهر الرابط الجبتو -بوست الحبشي عن محسن- دا ما عفصتو انت!؟
شوف ليك جنس لياقة حبشية قيقراوية عليك الله .. محسن ما هببو ذاتو للبوست!
يا زولعلي بالحلال البوست دا يغني دولة السودان (الشغيغ) عن زراعة الويكة ذاتو!
ويكة سارا لاقت خدرة
شوف و استمتع!
-------
لكن كان زمااان
ما عتقني الا بعد اخوي مات
و الله صحي
يعني كلو ما ننفتن مع بعض انتظر واحد من اخواني ينقرض عشان اتفك من الحبشي و لّ كيف؟
اسي بقينا اصحاب الحيطة بالحيطة
و فاقدو شديد اليومين ديل و الله
|
Post: #58
Title: Re: أخطاء لغوية شائعة في البورد
Author: النذير حجازي
Date: 11-23-2011, 11:58 AM
Parent: #56
Quote: النزير امنع الفوضى !
اها دكتور دى عربية ؟؟ مالك مشعلق ليها الف ولام
سوت شنو المسكينة ؟
دوكتا هو دوكتا بدون اى زوائد .. وفى بعض الروايات
دوك .. |
العزيزة دينا خالد
سلامات
يا دينا كلمة "دكتور" و "أستاذ" و "بروفيسور" دي
كلها أصلها غير عربي ولكنها تعربت وأصبحت من
صميم اللغة العربية، هسا مثلاً لو قلت ليك ترجمي
لي كلمة "دكتور" دي ح ترجميها كيف؟! بس أوع
تترجميها لي "طبيب" أنا قاصد بيها "طبيب" قاصد
حامل ال"بي أتش دي"
وبالمناسبة بروضو ماممكن تقول:
أستاذة دينا خالد
والصحيح:
الأستاذة دينا خالد
وبرضو ماممكن نقول:
بروفيسور عوض محمد أحمد
والصحيح نقول:
البروفيسور عوض محمد أحمد
بإختصار معظم الألقاب يفضل إضافة حرف التعريف "ال" إليها
لمنع اللبس.
مودتي
|
Post: #60
Title: Re: أخطاء لغوية شائعة في البورد
Author: النذير حجازي
Date: 11-23-2011, 12:10 PM
Parent: #58
Quote: لياقة الحبشي - ملك اللولوة المتوج في مطعم الباشا- ما شفتها كيف!؟
الظاهر الرابط الجبتو -بوست الحبشي عن محسن- دا ما عفصتو انت!؟
شوف ليك جنس لياقة حبشية قيقراوية عليك الله .. محسن ما هببو ذاتو للبوست!
يا زولعلي بالحلال البوست دا يغني دولة السودان (الشغيغ) عن زراعة الويكة ذاتو!
ويكة سارا لاقت خدرة
شوف و استمتع!
-------
لكن كان زمااان
ما عتقني الا بعد اخوي مات
و الله صحي
يعني كلو ما ننفتن مع بعض انتظر واحد من اخواني ينقرض عشان اتفك من الحبشي و لّ كيف؟
اسي بقينا اصحاب الحيطة بالحيطة
و فاقدو شديد اليومين ديل و الله |
والله يا قيقا إشتقنا للزول المسخوط دا
هاهاها
وبالمناسبة يا قيقا الحبشي دا كان بفتح في
اليوم الواحد عشرة بوستات عن محسن خالد،
وكان عايز يغتال شخصية محسن خالد، لكن
لأنو زول فارة، طلع أكتر زول بعمل دعاية
لمحسن خالد، وبالجد أنا عرفت محسن خالد
عن طريق الحبشي، وأنا زيك كدا بوست محسن
خالد لمن قلت ليك سمعت بيهو سمع السبب
من الحبشي بي مناسبة وبدون مناسبة بجيب
رابط محسن خالد وحَفَّظ عنوانو للناس كلها
|
Post: #59
Title: Re: أخطاء لغوية شائعة في البورد
Author: هاشم محمد الحسن عبدالله
Date: 11-23-2011, 12:09 PM
Parent: #56
الاخ حجازى ، تحياتى، وشكرا جزيلا على هذا البوست المفيد والقيم، مودتى .
|
Post: #61
Title: Re: أخطاء لغوية شائعة في البورد
Author: النذير حجازي
Date: 11-23-2011, 12:16 PM
Parent: #59
Quote: النذير
سلامات ..
Quote: وعلى العموم يا زول العفو والعافية
أحسنت يا النذير .. واصلوا لينا كما فى بداية البوست .. عن المفردات ..الخطأ
اها كملة خطأ كيف تكتب .. هل خطء أم خطأ.
كلمة يقرأ .. بالنسبة للمؤنث هل هى إقرئى .. أم إقرأي !
كلمة رأى حينما يتحدث عن رأيه: هل يقول هذا هو رأيى أم رائى
ومنتظرين نسمع الأجابة ..
بريمة |
حبيبنا بريمة سلامات
على الترتيب الإجابات الصحيحة:
1) خطأ
2)اقرئي
3) رأيي
مودتي
|
Post: #62
Title: Re: أخطاء لغوية شائعة في البورد
Author: النذير حجازي
Date: 11-23-2011, 12:21 PM
Parent: #61
شاعرنا معاوية ود المدير، شكراً لك يا عزيزي على إثراء البوست
العزيز هاشم محمد الحسن، شكراً لك يا عزيزي على الثناء على البوست
تحياتي وتقديري لكما
|
Post: #63
Title: Re: أخطاء لغوية شائعة في البورد
Author: النذير حجازي
Date: 11-24-2011, 05:02 AM
Parent: #62
للذين يواجهون مشكلة بعدم التفريق بين التاء المربوطة
والهاء:
أبسط طريقة هي وضع التنوين على الكلمة المراد الكشف عنها
وأدوات التنوين هي: الفتحة والفتحتان، والضمة والضمتان،
والكسرة والكسرتان، وبعدها ستظهر إن كانت هاء أو تاء مربوطة
فمثلاً للكشف عن اسم الجلالة "الله"
فما عليك إلا وضع التنوين عليها
مثلاً الضمة:
الله، بوضع الضمة عليها تصبح اللهُ وتُقرأ اللهو
فنلاحظ قد ظهرت هاء
مثلاً الكشف عن كلمة جميلة
بوضع الضمتين عليها فتصبح جميلةٌ
وتُقرأ جميلتون، فنلاحظ قد ظهرت التاء فيها
وكهذا دواليك
|
Post: #64
Title: Re: أخطاء لغوية شائعة في البورد
Author: النذير حجازي
Date: 11-24-2011, 05:29 AM
Parent: #63
سلام يا دينا خالد، المقتبس -أدناه- من معجم الاخطاء
الشائعة لمحمد العدناني:
|
Post: #65
Title: Re: أخطاء لغوية شائعة في البورد
Author: النذير حجازي
Date: 11-24-2011, 06:42 AM
Parent: #64
للذين يواجهون مشكلة بعدم التفريق ما بين همزتي
القطع والوصل:
لعل هذه من أم المشكلات فلا نجد الخطأ هنا في المنبر
فقط، بل في الصحف والكتب والمجلات، وبما أنه باب طويل
عريض في كُتب الإملاء، وتعتمد كلياً على الحفظ، إلا أنني سأعطيكم
الطريقة التجارية والسريعة لتبسطهما في ختام هذا الباب.
في البدء يجب معرفة ما الفرق بين كتابة همزة القطع
وهمزة الوصل. همزة الوصل تُكتب هكذا "ا" أما همزة القطع
تُكتب هكذا "أ أو إ" وتُكتبان في أول الكلمة.
أولاً الحروف:
وهي:
"ال" فهي همزة وصل وما عداها همزة قطع
ثانيا الأسماء:
(1) "امرأة"، "اسم"، "ابن"، "ابنة"، "اثنين" و "امرؤ"
كلها همزة وصل.
(2) مصدر الفعل الماضي الخماسي مثل: "افتراء" (افترى يفتري افتراءً) فهي
همزة وصل.
(3) مصدر الفعل الماضي السداسي أو بكل بساطة
كل الأسماء المبتدئة بـ"استـ" فهي همزة وصل، مثل، استعلاء
استجداء، ... وهكذا.
(4) وما خلاف ما ذُكر أعلاه من الأسماء فهمزتها همزة قطع
ثالثاً الأفعال:
في الأفعال سنسلك العكس نوضح مواضع همزة القطع فقط وما دونها
فهي همزة وصل:
(1) كل الأفعال المضارعة همزتها همزة قطع، مثل "أنا أعمل كل يوم"، "أستغفر ربي صباحاً ومساءً"
(2) فعل أمر الماضي الرباعي همزته همزة قطع، مثل: "أجب بلا أو نعم"، "أحسن"، "أنزل"، "أكرم"
ملاحظة لمعرفة فعل الأمر الرباعي ارجعه إلى ماضيه مثل "أجب" ماضيه هو "أجاب"
(3) فعل الماضي الثلاثي والرباعي فهمزتهما قطع مثل: "أكل" و "أخفق"
(4) وما خلاف ما ذُكر أعلاه من الأفعال فهمزته همزة وصل.
القاعدة التجارية للتفريق ما بين همزتي الوصل والقطع:
أبسط طريقة هي وضع في أول الكلمة "فاء" أو "باء" لأي كلمة مبدؤة بالهمزة
للكشف عن هويتها، فمثلاً:
"استعلاء" نضع عليها الباء فتصبح "باستعلاء" وتُنطق "بستعلاء"
فنرى في النطق أن الهمزة قد اختفت، إذن همزتها همزة وصل.
|
Post: #66
Title: Re: أخطاء لغوية شائعة في البورد
Author: عوض محمد احمد
Date: 11-24-2011, 07:00 PM
Parent: #65
قل نفق الحصان (و غيره من العجماوات) و لا تقل مات
قل توفى بالبناء للمجهول و لا تقل توفى بالبناء للمعلوم لان من يتوفى الارواح هو الله
قل جثمان للادميين و لا تقل جثة
|
Post: #67
Title: Re: أخطاء لغوية شائعة في البورد
Author: النذير حجازي
Date: 11-25-2011, 05:53 AM
Parent: #66
Quote: قل نفق الحصان (و غيره من العجماوات) و لا تقل مات
قل توفى بالبناء للمجهول و لا تقل توفى بالبناء للمعلوم لان من يتوفى الارواح هو الله
قل جثمان للادميين و لا تقل جثة |
حبيبنا البروف عوض، شكراً جزيلاً
لك لإثراء البوست وبالجد استفدتُ
من هذه الأخطاء جيداً.
تعرف يا بروف، اليومين دي بقرأ
في كتاب "عشر سنوات من الأسر في
معسكر المهدي" للأب النمساوي
جوزيف أورفالدر ترجمة سعادة السفير
عوض أحمد الضو، فهو رجل متمكن
من اللغتين العربية والإنكليزية
فكانت ترجمته رائعة جداً وقد كان
يستخدم كلمة نفق أو نفقت للأنعام
وقد أعجبتني الكلمة جداً ووددتُ
أن أستخدمها على الرغم من أني
ما كنت عارف إنها تُطلق فقط على
الأنعام كما تكرمت، ولك الشكر أجزله
وسعيد جداً بمداخلاتك الضافية، فنحنُ
منكم نستفيد
|
Post: #108
Title: Re: أخطاء لغوية شائعة في البورد
Author: الصادق اسماعيل
Date: 02-08-2012, 09:09 PM
Parent: #22
كلمة (دحض)
البعض يكتبها (ضحد)
|
Post: #68
Title: Re: أخطاء لغوية شائعة في البورد
Author: عبدالله الشقليني
Date: 11-25-2011, 06:28 AM
Parent: #1
الشكر للأكرم : النذير حجازي على استعادة الاهتمام بأمر الإملاء والقواعد في اللغة العربية الفصيحة وقد كثُرت الأخطاء ،
ولن ننسى أنفسنا من الغفلة . يتعين أن يكون مثل هذا الملف دائماً يقف في صدر الصفحة الأولى مُثبتاً .
الشكر لكل أضياف الملف وضيفاته الفضليات
*
|
Post: #69
Title: Re: أخطاء لغوية شائعة في البورد
Author: عوض محمد احمد
Date: 11-25-2011, 07:57 AM
Parent: #68
Quote: سعادة السفير
عوض أحمد الضو، |
النذير
سلام جاك
تعرف يا النذير من الامور اللافتة للنظر فى بلادنا ان السفراء هم الاجود فى الكتابة باللغتين العربية و الانجليزية حتى و لو لم تكن دراستهم الجامعية فى اللغات
انظر: ود المكى, منصور خالد, جمال محمد احمد, جمال محمد ابراهيم, صلاح احمد ابراهيم....الخ
|
Post: #70
Title: Re: أخطاء لغوية شائعة في البورد
Author: Gaafar Ismail
Date: 11-25-2011, 07:57 AM
Parent: #68
الأستاذ النذير حجازي
شكرا جزيلا على هذا البوست المفيد جدا
------
في الصفحة الأولى عنوان يقول ( السودان لم يكون دولة مهاجرين)
الصحيح ( السودان لم يكن دولة مهاجرين )
تحياتي ومودتي
|
Post: #71
Title: Re: أخطاء لغوية شائعة في البورد
Author: معاوية المدير
Date: 11-25-2011, 10:58 AM
Parent: #70
| Quote: كان عايز يغتال شخصية محسن خالد، |
ده شنو يا النذير!!!؟
شرطت عينا.
أظنك قاصد (يقتال).
من الأخطاء الشائعة عند المذيعين والمذيعات كلمة (خِدمات).
دائماً ينطقوها بفتح الخا، والصحيح بكسر الخا.
خَدمات بالفتح جمع خَدمة وهي القُرط، يعني الحلق.
خِدمات بالكسر جمع خِدمة وهي معروفة،
والله أعلم...
|
Post: #72
Title: Re: أخطاء لغوية شائعة في البورد
Author: النذير حجازي
Date: 11-25-2011, 05:31 PM
Parent: #71
Quote: الشكر للأكرم : النذير حجازي على استعادة الاهتمام بأمر الإملاء والقواعد في اللغة العربية الفصيحة وقد كثُرت الأخطاء ،
ولن ننسى أنفسنا من الغفلة . يتعين أن يكون مثل هذا الملف دائماً يقف في صدر الصفحة الأولى مُثبتاً .
الشكر لكل أضياف الملف وضيفاته الفضليات
* |
عزيزنا عبد الله بيكاسو، شكراً لك يا عزيزي
على الثناء على البوست، وقد أسعدني مرورك
الكريم
تحياتي
|
Post: #73
Title: Re: أخطاء لغوية شائعة في البورد
Author: النذير حجازي
Date: 11-25-2011, 05:54 PM
Parent: #72
Quote: النذير
سلام جاك
تعرف يا النذير من الامور اللافتة للنظر فى بلادنا ان السفراء هم الاجود فى الكتابة باللغتين العربية و الانجليزية حتى و لو لم تكن دراستهم الجامعية فى اللغات
انظر: ود المكى, منصور خالد, جمال محمد احمد, جمال محمد ابراهيم, صلاح احمد ابراهيم....الخ |
حبيبنا البروف عوض،
تحياتي مجدداً
أتفق معك 100% واضف إليها بأنهم دقيقون جداً
وفي نفس الكاتب السابق الذي ذكرته لك قد صحح
سعادة السفير عوض أحمد الضو الخطأ الشائع الكبير
الذي وقع فيه المؤرخون السودانيون وهو النطق الخاطيء
للأسماء الألمانية فمثلاً جميع الكُتاب السودانيين يكتبون
Ohrwalder بـ "أهرولدر" أي ينطقونه بالإنجليزية وهذا
خطأ لانه ليس اسم إنجليزي بل ألماني (نمساوي) وقد ذكر بأنه في
اللغة الألمانية لا يُنطق حرف الأتش وكذلك حرف الدبليو
يُنطق مثل حرف الفي فيصبح الاسم الصحيح له "أورفالدر"
وقد تحقق بنفسه من نطق الاسم من السفارتين الألمانية والنمساوية
بالخرطوم، ولكن معظم كُتاب تأريخ السودان وعلى رأسهم الدكتور
أحمد إبراهيم أبو شوك قد وقعوا في خطأ الاسم ولم يتحروا الدقة.
ملحوظة: بس أوع تجيء عزيزتنا دينا خالد وتقول لينا اسمٌ
أعجميٌ فالعب به هاهاها.
تحياتي واحتراماتي
|
Post: #74
Title: Re: أخطاء لغوية شائعة في البورد
Author: النذير حجازي
Date: 11-25-2011, 06:02 PM
Parent: #73
Quote: الأستاذ النذير حجازي
شكرا جزيلا على هذا البوست المفيد جدا
------
في الصفحة الأولى عنوان يقول ( السودان لم يكون دولة مهاجرين)
الصحيح ( السودان لم يكن دولة مهاجرين )
تحياتي ومودتي |
عمنا العزيز جعفر إسماعيل، شكراً لك يا عزيزي على الثناء على
البوست، وشكراً لك مرة أخرى لتصحيح الزملاء بالانتباه لحروف
الجزم، وإن شاء الله عندما أجد متسعاً من الوقت سأورد قواعد
حروف الجزم.
وشكراً لك يا عزيزي على المرور والمشاركة وقد أسعدني مرورك
تحياتي واحتراماتي
|
Post: #75
Title: Re: أخطاء لغوية شائعة في البورد
Author: النذير حجازي
Date: 11-25-2011, 06:09 PM
Parent: #74
Quote: ده شنو يا النذير!!!؟
شرطت عينا.
أظنك قاصد (يقتال).
|
شاعرنا العزيز ود المدير
تحياتي مجدداً
يا ود المدير أقصد بها "يغتال"
من "اغتيال" وسيب الفوضى
وشكراً لك يا عزيزي على تصويب كلمة "خدِمات"
فقد استفدتُ منها جداً، وأشكرك مرة أخرى على
إثراء البوست.
تحياتي واحتراماتي
|
Post: #76
Title: Re: أخطاء لغوية شائعة في البورد
Author: عوض محمد احمد
Date: 11-28-2011, 08:00 PM
Parent: #75
غلطات حاسوبية و السبب فيها تدهور مستوى اللغة الانجليزية
كى بورت و الصحيح كى بورد
سكنر و الصحيح سكانر
ويب سايد و الصحيح ويب سايت
|
Post: #77
Title: Re: أخطاء لغوية شائعة في البورد
Author: النذير حجازي
Date: 11-29-2011, 06:53 AM
Parent: #76
Quote: غلطات حاسوبية و السبب فيها تدهور مستوى اللغة الانجليزية
كى بورت و الصحيح كى بورد
سكنر و الصحيح سكانر
ويب سايد و الصحيح ويب سايت |
شكراً يا بروف على إثراء البوست بالأخطاء الحاسوبية
وتدهور مستوى اللغة الإنجليزية في عهد الإنقاذ وأظن
أن السبب الرئيسي هو تعريب التعليم العالي في السودان
وبرضو هذه النقطة تقودنا إلى أن معظم السودانيين
يكتبون أسمائهم باللغة الإنجليزية بالآكسنت السوداني
مثل اسم عثمان يُكتب هكذا:Osman
والصحيح أن يُكتب Othman
تحياتي وتقديري
|
Post: #78
Title: Re: أخطاء لغوية شائعة في البورد
Author: النذير حجازي
Date: 11-29-2011, 07:13 AM
Parent: #77
من الأخطاء العامية الشائعة في قول بعض
الناس: عليك الله من غير سغلة أو سغالة أو ثقالة أو ثقلة
أفعل لي كذا وكذا.
هذا خطأ والصحيح:
من غير صغارة أو صغرة
أي من غير أن أصغرك أو استصغرك لأننا في السودان
عند المراسيل دائماً نرسل صغار العمر وأصبحت
المراسيل مربوطة بالصغار
|
Post: #80
Title: Re: أخطاء لغوية شائعة في البورد
Author: محمد أبوالعزائم أبوالريش
Date: 11-29-2011, 07:42 AM
Parent: #78
| Quote: قل جثمان للادميين و لا تقل جثة |
نسمع في الأخبار هذه الأيام جمع لكلمة (جثمان) ويقولوا (جثامين).
لا أعرف إن كانت الكلمة صحيحة، لكنها بصراحة لا تريحني ولا أحس أنها صحيحة.
إن كانت غير صحيحة (وهذا ما أرجحه)، فهل يجب أن نجمعها (جثث) أم أن جثث هي فقط جمع لكلمة (جثة)؟
سؤال تاني:
هل صيغة الجمع (مدراء) لمفرد (مدير) صحيحة، أم أن الصحيح (مديرين).
سؤالي لأن كلمة (مذيع) تأتي على نفس الوزن وجمعها (مذيعين) .... فلا يجوز أن نقول (مذعاء).
|
Post: #79
Title: Re: أخطاء لغوية شائعة في البورد
Author: ALZOLZATOO
Date: 11-29-2011, 07:26 AM
Parent: #77
بوست جميل والله
اعتقد من الاخطاء كتابة الله ارحمو واعتقد الصحيح رحمه الله او يرحمه الله
تحياتي
زاتوووو ( ماتغالطوني في اسمي يجي واحد يقول لي ذاتووو)
|
Post: #81
Title: Re: أخطاء لغوية شائعة في البورد
Author: مازن فيصل هلال
Date: 11-29-2011, 07:49 AM
Parent: #79
Quote: ترك الحبل على القارب
فهذا خطأ
والصحيح أن تُكتب:
ترك الحبل على الغارب
والغارب هو المنطقة ما بين ظهر الدابة ورقبتها
أي بالسوداني كدا مطلوقة |
البعض شنو يا النذير ... دي بتكون فاتت علي اغلبية الشعب السوداني و انا اولهم .. ما عدا القلة من امثال المرحوم الدكتور عبدالله الطيب و كدة !
------------------
بوست جميل و مفيد ...
تحياتي
|
Post: #82
Title: Re: أخطاء لغوية شائعة في البورد
Author: Tayseer Elmobarak
Date: 11-29-2011, 10:49 AM
Parent: #81
تحياتي للجميع ...
حتى إعلانات الموقع فيها أخطاء !!!
في إعلان حافظ للصرافه يتحدث عن تخفيض للتذاكر من "امريكيا للسودان"...
مستمتعة جداَ بالبوست، جميل و مفيد ...
قيقراوي انت مشاغب :))))
|
Post: #83
Title: Re: أخطاء لغوية شائعة في البورد
Author: معاوية المدير
Date: 11-29-2011, 11:18 AM
Parent: #82
Quote:
قيقراوي انت مشاغب :)))) |
لا خبيث. ما تخربي علينا البوست.
سائركلّ شئ باقيه، وليس جميعه كما يغلط به.
نبّه به الحريري في دُرّة الغواص، والله أعلم...
|
Post: #84
Title: Re: أخطاء لغوية شائعة في البورد
Author: قيقراوي
Date: 11-29-2011, 11:43 AM
Parent: #83
Quote:
| Quote: قيقراوي انت مشاغب :)))) |
لا خبيث. ما تخربي علينا البوست.
|
انت المدير يا طويل العمر*
خبيث .. خبيث
المافي شنو!؟
التيختارو لي، دون شك جميل .. يا جميل
---------
لووووووووب
* (طويل العمر) هو ابليس ..
لذا جاء النهي عن استخدامها لتكريم اصحاب الجلالة و السمو!
و الله صحي
اها نصدق تيسير المبروك .. و لّ ابليس!؟
|
Post: #85
Title: Re: أخطاء لغوية شائعة في البورد
Author: معاوية المدير
Date: 11-29-2011, 12:06 PM
Parent: #84
Quote:
لووووووووب
* (طويل العمر) هو ابليس ..
لذا جاء النهي عن استخدامها لتكريم اصحاب الجلالة و السمو!
و الله صحي
اها نصدق تيسير المبروك .. و لّ ابليس!؟
|
أها... شُفتِ !!! ؟؟؟.
موضوع شيّق خطأ.
الصحيح موضوع شائق.
| Quote: هل صيغة الجمع (مدراء) لمفرد (مدير) صحيحة، أم أن الصحيح (مديرين). |
مديرين هي الصحيحة يا ابو الريش.
حضر المدراء، خطأ.
حضر المديرون، صواب.
ود المدير...
|
Post: #86
Title: Re: أخطاء لغوية شائعة في البورد
Author: Tayseer Elmobarak
Date: 11-29-2011, 12:38 PM
Parent: #84
Quote: Quote: قيقراوي انت مشاغب :))))
لا خبيث. ما تخربي علينا البوست.
|
القول الفصل قول "المدير" طبعاً:))
من الأخطاء الكثيرة جداً إستخدام ال(ز) بدلاً عن ال (ذ) ...
Quote:
(طويل العمر) هو ابليس ..
لذا جاء النهي عن استخدامها لتكريم اصحاب الجلالة و السمو!
و الله صحي
|
مش قلت ليك مشاغب و معاها خبيث كمان (دي للمدير) ...
Quote: اها نصدق تيسير المبروك .. و لّ ابليس!؟
|
المبارك ...
|
Post: #87
Title: Re: أخطاء لغوية شائعة في البورد
Author: النذير حجازي
Date: 11-30-2011, 07:46 AM
Parent: #86
الأعزاء
محمد أبو العزائم أبو الريش
الزول زاتو
مازن فيصل هلال
تسير المبارك ( منورة البوست)
ود المدير
قيقا
شكراً لكم جميعاً على إثراء البوست
تحياتي وتقديري
|
Post: #88
Title: Re: أخطاء لغوية شائعة في البورد
Author: قيقراوي
Date: 11-30-2011, 04:37 PM
Parent: #87
باقي ليك خطأ لغوي و لّ قفة الخباثة بتسعو!؟
--------
هل في فرق بين "مبارك" و "مبروك" كصفة مش كعلم!؟
|
Post: #89
Title: Re: أخطاء لغوية شائعة في البورد
Author: عوض محمد احمد
Date: 11-30-2011, 07:25 PM
Parent: #88
اخطاء جامعية
قل كلية نظرية و لا تقل كلية ادبية
فالكليات النظرية بخلاف الادب تدرس العلوم الانسانية و العلوم الاجتماعية و اللغات
قل كلية تطبيقية و لا تقل كلية علمية
فالكليات النظرية تدرس ابضا دراسات نظرية و هى تعتبر ايضا علوم
|
Post: #90
Title: Re: أخطاء لغوية شائعة في البورد
Author: فردوس جامع
Date: 11-30-2011, 07:25 PM
Parent: #88
النذير و زوار البوست المصححين
السلام عليكم ورحمة الله وبركاته
معظم الناس تُخطئ لغوياً وحتى مرات كيبورداتنا بتغلطنا...
و لبعض الناس حصة العربي كانت أكتر حصة مملة.
و البعض الآخر...طوّل من العربي و القراءة و الكتابة بالعربي.
أو حتى ما درس الجامعة و بعض المراحل الدراسية بالعربي.
أها دي كلها أعذار منطقية من الأقلام المصححة دي ولا شنو
غايتو أنا أكتر غلطة بتغيظني كتابة ذلك ----زالك أو حتى زلك
لما الزول يشيل قلمه يصحح بعد داك الناس بتنتبه شديييد لأخطاءه
أها يا النذير بعد ده شد حيلك ...(ملاسي اليومين ديل معصور بذو وذا)
واحد من السفراء الكتبتوهم ديل إسمه فيه جمال, محمد حاجة ذي كده
كان في لقاء في النيل الأزرق ... وكان بيقرأ في قصائد من ديوانه علي ما أظن.
كلامه كله أخطاء لغوية ...
عشان كده أحسن الدارجي لأنه الفصحى بيدخل الناس في مأزق إنه يفكر ولايعرب قبل ما يتكلم
خصوصاً و كلامنا معظمه دارجي.
عموماً بجد الأعذار اللغوية للجميع ما عدا الإعلاميين في كل المجالات.
........
قيقراوي ضحكتني شديد والله في حكايتك مع الحبشي...
الله يرحم أخاك و يتقبله قبول حسن آمين.
|
Post: #91
Title: Re: أخطاء لغوية شائعة في البورد
Author: قيقراوي
Date: 12-01-2011, 11:33 AM
Parent: #90
Quote:
قيقراوي ضحكتني شديد والله في حكايتك مع الحبشي...
الله يرحم أخاك و يتقبله قبول حسن آمين.
|
آمين يا صديقة
و الله بالجد فاقدين الحبشي جدا اسي
و لّ كان ح يكون ليهو قول .. و قول فصل في مثل هذه البوستات
------
اخاك دي مش من الاسماء الخمسة .. و ممنوعة من الصرف؟
يعني شنو ذات "ممنوع من الصرف"؟
|
Post: #92
Title: Re: أخطاء لغوية شائعة في البورد
Author: AMNA MUKHTAR
Date: 12-01-2011, 12:56 PM
Parent: #91
تحياتى أخى النذير..
شكرا على البوست المفيد ..
غايتو يا النذير يا أخوى ..أى زول تصدى لتصحيح الأخطاء اللغوية فى البورد دا لقى نفسه فى حتة ضيقة..
أعمل حسابك بعد دا ههههههه
غايتو أكتر حاجة بتغيظنى : أن يكتب اسمى( آمنة) بالهمزة على الألف .
| Quote: و البعض يقول: ما فوكا حاجة فيما هو يريد ما فوقا حاجة |
ما فوكا حاجة / أو مافوكها حاجة دى لهجة من لهجات غرب السودان ..
والبعض يستعملها عشان عبارة لذيذة / زى عبارة ( الخوة فى بكانها ) بمعنى (مكانها )
يعنى تنوع لهجات ليس إلا ..
Quote: من الأخطاء العامية الشائعة في قول بعض
الناس: عليك الله من غير سغلة أو سغالة أو ثقالة أو ثقلة
أفعل لي كذا وكذا.
هذا خطأ والصحيح:
من غير صغارة أو صغرة
أي من غير أن أصغرك أو استصغرك لأننا في السودان
عند المراسيل دائماً نرسل صغار العمر وأصبحت
المراسيل مربوطة بالصغار |
أعتقد يا النذير إنو الناس قاصدة (ثقالة ) من ثقل الدم ..
أو بمعنى ( حتى لا أثقل عليك ) ..يعنى طلبى يكون خفيف على قلبك ..
شئ من هذا القبيل .
والله أعلم .
؛؛؛؛؛؛؛؛؛؛؛؛؛؛؛؛؛؛؛؛؛؛؛
مافى زول يجى يصححنى ..
كيبوردى عميان الأيام دى ..الحروف كلها ممسوحة .
|
Post: #93
Title: Re: أخطاء لغوية شائعة في البورد
Author: AMNA MUKHTAR
Date: 12-01-2011, 01:30 PM
Parent: #92
كذلك لاحظت البعض يخلط بين معنى (تاريخ ) و (تأريخ ) .
التاريخ هو الأحداث الماضية ، والتأريخ هو تسجيل هذه الأحداث بمواقيتها .
|
Post: #94
Title: Re: أخطاء لغوية شائعة في البورد
Author: فردوس جامع
Date: 12-01-2011, 04:56 PM
الصديق قيقا...
Quote: اخاك دي مش من الاسماء الخمسة .. و ممنوعة من الصرف؟
|
لا أعتقد أنهم ممنوعين من الصرف (حيزعلوا لو عرفوا كده :) )
هم حالة خاصة حيث يعربوا بالحروف ...
الضم - أخوك (الواو) في حالة الرفع
الفتح _ أخاك (بالألف) في حالة النصب
الكسر - أخيك (بالياء) في حالة الجر
و هذا ينطبق علي:
أبو , أخو, حمو , فو, ذو.
و المنع من الصرف على ما أذكر يكون لبعض الصفات و للأسماء لأسباب منها صيغة
منتهى الجموع مثلاَ (أكتر واحده كانت عاج باني لما درسونا الحصة دي :) )
ذكرتنا حصص العربي الحنينة, و أيام خلت ...
لما يجوا علماء اللغة و يبحروا في بحر الممنوع من الصرف...
|
Post: #95
Title: Re: أخطاء لغوية شائعة في البورد
Author: عوض محمد احمد
Date: 12-01-2011, 08:30 PM
Parent: #94
هناك بعض الكلمات الخشنة و ذات الوقع غير الحسن على الاذن تستعمل كثيرا من قبل صحف التابلويد مثل الدار و غيرها و من قبل بعض المذيعين المتحذلقين
لا ادرى مدى صحتها لغويا لكن بالتاكيد هناك كلمات افضل منها و احلى جرسا.
امثلة:
1. خلوق: لتوصيف شخص بحسن الخلق. و هذه الكلمة بالذات (تضرس) لقرب نطقها من كلمة (خليقة) الدارجية التى توصف المتخلفين, و لقربها من كلمة خلوف التى تعنى رائحة الفم غير المستحبة
2. ضجة: لاعب ضجة.
3. ضخم: شاعر ضخم (و ان كان اول من افترعها فى اجهزة اعلامنا الراحل الفريق ابراهيم احمد عبد الكريم فى برنامج كان يعده للتلفزيون).
4. اصطاد: اصطدنا الفنان الفلانى و اجرينا معه مقابلة
|
Post: #96
Title: Re: أخطاء لغوية شائعة في البورد
Author: Gaafar Ismail
Date: 12-02-2011, 02:35 AM
Parent: #95
حبيبنا الأستاذ النذير حجازي
بعضهم يكتب عند التعزية( احسن الله عزاؤكم)
أعتقد الصحيح ( عزاء كم)
تحياتي ومودتي
|
Post: #97
Title: Re: أخطاء لغوية شائعة في البورد
Author: النذير حجازي
Date: 12-03-2011, 09:55 AM
Parent: #96
الأعزاء والعزيزات:
قيقراوي
البروف عوض محمد أحمد
غاليتنا فردوس جامع (منورة البوست)
غاليتنا الشاعرة آمنة مختار (منورة البوست)
عمنا الحبيب جعفر إسماعيل
شكراً لكم جميعاً على إثراء البوست وسعيد بمداخلتكم ومروركم الكريم
تحياتي وتقديري للجميع
|
Post: #98
Title: Re: أخطاء لغوية شائعة في البورد
Author: قيقراوي
Date: 12-03-2011, 03:49 PM
Parent: #97
Quote:
منتهى الجموع مثلاَ (أكتر واحده كانت عاج باني لما درسونا الحصة دي :) )
ذكرتنا حصص العربي الحنينة, و أيام خلت ...
|
لوووووووووب
و الله العربي ما حنين و لّ شيتين!
انا غايتو كنت بكـchـنا
فيو حروف اكتر من اللازم غ ق، ث س ، ذ ز ..
اسي البذار دا لزومو شنو بس!؟
لغة ثرثرة ساااي!
-----
أكتر البتعبني استعمال المصطلحات الرياضية لاغراض صحافية في المقالات و الثرثرة!
يقول ليك دا (أُس) المشكلة!!
و يقصد (جذر) المسألة.. فلو كان بتكلم عن (قوتها) كان اهون!
لكنو بكون بتكلم عن (أساس)
فتاملي!؟
|
Post: #99
Title: Re: أخطاء لغوية شائعة في البورد
Author: النذير حجازي
Date: 12-08-2011, 07:13 PM
Parent: #98
سلام يا بريمة، وإن شاء الله تكون لسا حايم بي جاي
معليش يا بريمة وقعت في خطأ في بعض الكلمات التى
تود التحقق منها، والصواب هو:
اقرئي وليس اقرأي
راجع تعديلي أعلاه
تحياتي
|
Post: #100
Title: Re: أخطاء لغوية شائعة في البورد
Author: النذير حجازي
Date: 12-08-2011, 07:38 PM
Parent: #99
الفرق بين إذاً و إذَنْ
تُكتب إذاً في الحالات الآتية:
1) في القرآن الكريم
2) إذا لم ياتِ بعدها فعل
3) إذا أتى بعدها فعل مضارع دال على الزمن الحاضر
مثل:إذاً أوافق الآن
ما عدا ذلك فتُكتب إذن.
|
Post: #101
Title: Re: أخطاء لغوية شائعة في البورد
Author: البحيراوي
Date: 12-08-2011, 08:12 PM
Parent: #100
الأخ النذير حجازي
تحياتي - يعلم الله بوست موفق وربنا يوفقك فيه ويزيدأجرك ويا ريت تلتفت لينا لأخطاء خارج إطار البورد عشان نحن ديل خلاص فات فينا الفوات ، لكن في مرحلة الأساس المعلمين/ت يحتاجون لتأهيل كتير مثلاً حكي لي أحد الإخوة أن معلمة مرحلة اساس تُدرس لغة إنجليزية لمت ليك في الطلبة كيتي / كيتي وهي تقصد سيتي .
بحيراوي
|
Post: #102
Title: Re: أخطاء لغوية شائعة في البورد
Author: Abd Alla Elhabib
Date: 12-08-2011, 08:40 PM
Parent: #99
العزيز النذير
تحياتي يا زمـيل ..
شـكرا لك علي مجهـودك الكبير للإرتقاء بمستوي
تجـويد لغتنا المكـتوبة علي صفحات هـذا البورد.
-------------
مـن تلك الأخطاء :
* أطلقوا صراح فلان
الصحيح : أطلقوا سـراح فلان
_______
عملت ليك كورسات في الأزهـر ولا شـنو ? :- )
|
Post: #103
Title: Re: أخطاء لغوية شائعة في البورد
Author: النذير حجازي
Date: 12-09-2011, 07:07 AM
Parent: #102
العزيزان:
البحيراوي
وعبد الله الحبيب
شكراً لكما على الثناء على البوست
وإثرائه، وإن شاء سأحاول أن أشتري
الإجرومية وشرحها هنا، لتحسين الكتابة
في المنبر وغير المنبر، وأنا أيضاً
أتعلم في نفس الوقت.
تحياتي وتقديري لكما
|
Post: #104
Title: Re: أخطاء لغوية شائعة في البورد
Author: عوض محمد احمد
Date: 12-09-2011, 07:48 AM
Parent: #103
اخطاء فى المدح و الذم
1. البعض يريد ان يمدح شخصا فيصفه بانه (شخصية اعتبارية) و هو ربما يريد (شخصية معتبرة)
الشخصية الاعتبارية ليست مدحا او ذما انما توصيف لكون الشخص او الهيئة الفلانية اها وجود ادارى
مستقل و لها حق التقاضى باسمها
2. و هناك من يصف شاعره او مغنيه المفضل بانه (مخضرم) يريد تقريظ ابداعه. و هذا غير صحيح. فالمخضرم
من الناس هو من عاش فى عصرين مختلفين. فحسن عطية او الكاشف مغنيان مخضرمان اذ عاصرا زمن الحقيبة و زمن
الغناء الحديث. و لبيد شاعر مخضرم اذ عاصر الجاهلية و الاسلام
3. و فى بوردنا هنا تفشو عادة المعايرة يكبر السن الذميمة. فيقول احدهم لاخر: انت كهل, قاصدا انه بلغ من العمر عتيا. و هذا غير صحيح. اذ ربما يقصد الذام (الهرم). اما الكهولة فهى اشد فترات العمر نضجا (الفترة بعد الشباب الاول و تقترب من منتصف العمر) و يتمتع الكهل بقدرات بدنية و عقلية و جنسية جيدة (و هى اصلا مشتقة من اكتهال الزرع اذا بلغ اشسد خضرته).
|
Post: #105
Title: Re: أخطاء لغوية شائعة في البورد
Author: النذير حجازي
Date: 12-09-2011, 09:23 AM
Parent: #104
Quote: اخطاء فى المدح و الذم
1. البعض يريد ان يمدح شخصا فيصفه بانه (شخصية اعتبارية) و هو ربما يريد (شخصية معتبرة)
الشخصية الاعتبارية ليست مدحا او ذما انما توصيف لكون الشخص او الهيئة الفلانية اها وجود ادارى
مستقل و لها حق التقاضى باسمها
2. و هناك من يصف شاعره او مغنيه المفضل بانه (مخضرم) يريد تقريظ ابداعه. و هذا غير صحيح. فالمخضرم
من الناس هو من عاش فى عصرين مختلفين. فحسن عطية او الكاشف مغنيان مخضرمان اذ عاصرا زمن الحقيبة و زمن
الغناء الحديث. و لبيد شاعر مخضرم اذ عاصر الجاهلية و الاسلام
3. و فى بوردنا هنا تفشو عادة المعايرة يكبر السن الذميمة. فيقول احدهم لاخر: انت كهل, قاصدا انه بلغ من العمر عتيا. و هذا غير صحيح. اذ ربما يقصد الذام (الهرم). اما الكهولة فهى اشد فترات العمر نضجا (الفترة بعد الشباب الاول و تقترب من منتصف العمر) و يتمتع الكهل بقدرات بدنية و عقلية و جنسية جيدة (و هى اصلا مشتقة من اكتهال الزرع اذا بلغ اشسد خضرته). |
حبيبنا البروف عوض، شكراً جزيلاً على هذه المعلومات القيمة
ولا فض فوك، ونحنُ منكم نستفيد.
تحياتي وتقديري
|
Post: #107
Title: Re: أخطاء لغوية شائعة في البورد
Author: النذير حجازي
Date: 02-08-2012, 05:32 PM
Parent: #105
العزيز مجدي، شكراً على إحياء البوست
|
Post: #109
Title: Re: أخطاء لغوية شائعة في البورد
Author: النذير حجازي
Date: 02-09-2012, 05:28 AM
Parent: #107
Quote: كلمة (دحض)
البعض يكتبها (ضحد) |
سلام يا الصادق إسماعيل ومنور البوست
وشكراً على هذه المداخلة الدسمة، تعرف يا الصادق
من أم المشاكل عندنا كسودانيين في اللغتين العربية
والإنكليزية هي قلب الدال ضاد والعكس
مثلاً البعض ينطق "لندن" بـ "لنضن"
ومن المعروف بأن اللغة الإنكليزية لا يوجد
حرف الضاد فيها أو حرف الضاد موجود فقط
في اللغة العربية ولذا سُميت بلغة الضاد
والسودانيون عندما يتحدثون الإنكليزية
يقلبون الدال ضاداً مما يصعب فهمهم من قبل الخواجات
تحياتي وتقديري
ولقد أسعدني مرورك الكريم
|
Post: #110
Title: Re: أخطاء لغوية شائعة في البورد
Author: النذير حجازي
Date: 02-09-2012, 06:25 AM
Parent: #109
تمييز العدد
لعل من أم المشكلات في المنبر هي تمييز العدد
على الرغم من أنه درس ساهل جداً وهو كما يلي:
1)الأعداد 1 و 2: تطابق المعدود من حيث التذكير أو التأنيث مثل:
جاء رجلٌ واحدٌ، جاءت امرأة واحدة
2) الأعداد من 3 إلى 10: تخالف المعدود من حيث التذكير والتأنيث، مثلاً:
مرت سبعة أعوام من عمري، ومرت خمس سنين من عمري
فنرى أن عام مذكر لذا كتبنا سبعة مؤنثة
وسنة مؤنثة ولذا كتبنا خمس مذكرة
3) العدد 10: العدد عشرة يجب الانتباه إليه، فإذا جاء مفرد
يخالف المعدود من حيث التذكير أو التأنيث مثل "عشر سنوات من الأسر"
أما إذا جاء مركباً فهو يطابق المعدود من حيث التذكير أو التأنيث
مثل:في حالة المفرد "عشر سنوات من الأسر" وفي حالة المركب رأيتُ أحد عشر كوكباً
4) الأعداد المركبة من 11 إلى 19:
يُقسم إلى جزئين الجزء الأول يُطبق عليه القواعد كما جاء في البندين 1 و 2 أعلاه
والجزء الآخر عشر يطابق المعدود لأنه مركب، مثال: رأيتُ أحد عشر كوكباً
أحد مذكر لأن المعدود كوكب مذكر ولذا تطابق معه في قاعد العدد 1
عشر مذكر لأن المعدود كوكب مذكراً لذا تطابق معه لأنه مركب كما في البند 3 أعلاه
مثال آخر:
"خمس عشرة سنة أسيراً للنبي الزائف" نجد بأن خمس أتت مذكراً وخالف
المعدود سنة المؤنثة تبعاً للبند رقم 2 أعلاه
وعشرة طابقت المعدود وأتت مؤنثة مثله تبعاً للقاعدة رقم 3 أعلاه
|
|