هو زيدان ده أصلو نــبي .. ؟!

- آلــو السلام عليكم
- موظفة الاستعلامات بمطار الخرطوم : وعليكم السلام
- لو سمحتي ممكن اعرف الجثمــــ
- الموظفة : الجثمان ده نحنا ما عارفينو بصل متين ؟
- طيب ياريت تحاولو تكونوا عارفين عشـــ
- نكون عارفين ليه ؟ الميت ده اهله بس البكونوا عارفينو جاي متين وباي خطوط ؟
- لكن دا زيدان ... و ..
الموظفة : هو زيدان ده أصلو نبي ؟ والنبي زاتو مدفون تحت التراب ......
--...............................
وقفلت السماعة في وجههي ..

***

..... وغادرني صوتها اللئيم ... واصبح حزني فادحاً اكثر بكثير من فاجعة رحيله ..
...
..
.

يا موظفة الاستعلامات المحترمة ، ليس ضروريا عليك أن تحبي زيدان ،
فهو لا يحتاج لامثالك ... فعدد اللذين يحبونه لا يستطيع شارع المطار الذي امامك احتماله..

ويا موظفة الاستعلامات المحترمة ..
زيدان ليس نبياً ، ولكننا برغم ذلك نحبه ، محبة نقية وصافية كجمال روحه وفنه وكل ما قدمه للساحة الغنائية ...
وكلنا سندفن تحت التراب .. ذات يوم .. ولكن تبقى الذكرى العطرة خلفاً للمحبة والجمال والانسانية التي نقدمها للحياة

واخيرا يا سيدتي الفاضلة ، كنا نتوقع منكـ اسلوباً ارقى ، وتقديراً لمشاعر كل من أوجعه هذا الرحيل المفجع
واحساساً بالمسؤولية ... ...

واكثر ما اوجعني في هذه المكالمة / انني لطالما شعرت ان زيدان ابراهيم يمثل الشعب السوداني بكل ما فيه ،
وقد مات زيدان ، وها انت تقتلي الشعب ( الفضل ) .. في صوتكـ الماثل امامي بكل قبح !


......



وليكــ حق يا زيدان تغني وتقول :

يا ما بقيت حـــيران ...

....

ألــف رحمة ونور عليك ... يا ( حبيبي )

لاحظي دي موظفة استقبال في مطار البلد وواجهته
يعني باقي البلد حا يكون كيف؟؟؟

انا ممغوصة شديد يا طارق ..

ياخي كلام الزولة دي وجعني وجــع .. ماعافية ليها اصلي

سمريه

كان تقولي ليها هو ما نبي

لكنه رسول

رسول للكلمة الحلوة والطرفة الذكيه واللحن الشجي لامة تحب الابداع والمبدعين

وانت خارج هذه المله

لاحظتي الرادين هما الطارقان

Quote: كان تقولي ليها هو ما نبي لكنه رسول رسول للكلمة الحلوة والطرفة الذكيه واللحن الشجي لامة تحب الابداع والمبدعين

يا سلام عليك يا طارق ، كلامك ده برد لي بطني شوية ... فعلا كان رسول .. ربنا يرحمه ويصبر الجميع


وربنا يطرق ابوابكم انت وطارق جبريل بكل خير يارب..

تحياتي ..

Quote: هو زيدان ده أصلو نبي ؟

- لا ما نبى .. لكن رسول ..
* رسول الفن ..
* رسول الانسانية ..
* رسول المحبة ..
* رسول الكلمة الحلوة ..

زى دى اصلو ما مفروض تكون واجهة ..

Quote: لا ما نبى .. لكن رسول .. * رسول الفن .. * رسول الانسانية .. * رسول المحبة .. * رسول الكلمة الحلوة ..

كلامك مية مية يا انور ...
ياريتني لو كان لحظتها قدرت قلت ليها الكلام ده .. بس قفلت السماعة في وشي ياخ ...

شكرا ليكــ كتير ...

سمرية
فقد زيدان فقدعظيم وحزنى عليه مقيم
..حياته وفنه كانت عملا لأجل ترقية حياة وذوق أمثال موظفة الاستقبال هذه والتى نفسها بغير جمال..
زيدان ابن حينا العظيم..ليت هذه رأت محشر أقوام العباسية وسيداتها فى اصطفاف ..ليل نهار فى شوارعها يوقعن فى دفتر الأحزان ..كنت بتقول لى بحبك,,الليلة مالك مابتقولا

ولكن ...
آآآآآآآآه من مطار الخرطوم..واجهتنا الحضاريه

Quote: فهو لا يحتاج لامثالك ... فعدد اللذين يحبونه لا يستطيع شارع المطار الذي امامك احتماله..

اكيد الزولة دي الحب اصلو ما غشي قلبها

ياخ زيدان تميمة الريدة والمحبة

زيدان كنوز محبة

زيدان وسط الزهور متصور وجه الصبوح ومنور

زيدان ما هماك عذابنا

زيدان من بعدك انت يعيش منو ومين تاني مين يتمني العمر

زيدان ما اصلو ريدها اصبح حياتي

دي من اي كهف اتت .. الزولة دي ما سمعت غني ولا شنو ؟؟


هذا العندليب سيظل في وجدان هذا الشعب ..

الاخت سمرية اعزيك واعزي الشعب السوداني

في هذا الفقدالعظيم ...

الفن رسالة سامية وزيدان ادي رسالته علي احسن ما يكون..

ماشاء الله موظفه استعلامات!!!

من اين اتي هؤلاء؟؟

Quote: فهو لا يحتاج لامثالك ... فعدد اللذين يحبونه لا يستطيع شارع المطار الذي امامك احتماله..

أبدا ما غلطانة
غلطان الذي عينها في هذه الوظيفة ...


نسأل الله أن يتغمد زيدان برحمته ومغفرته
وأن يجعل الجنة مثواه .. فغد غادر هذه
الفانية لا يحمل معه سوى حبه للناس ...

شوفت يا منتصر ، الخرطوم دي فيها بشر غريبين كيف ؟

ياخي الزولة دي ما راعت ابدا لمشاعر الحزن الخلتني اتصل عليها .. وانا مفزوعة من الخبر ...
ما راعت انه ( الميت) ده بكته الخرطوم كلها قبل امدرمان .. بكته كل شوارع السودان وازقتها وحاراتها


احيييي يا زيدان كلمة ( الميت ) دي وجعتني وجعتني وجعتني ... شديد خلاص رغم انها ( حقيقة ) ...

....
الزولة دي جات من وين ؟

يا هبه
رحم الله زيدان ابراهيم الفنان والإنسان
لا عليك ولتسمي بحزنك عليه فوق هذه الحماقات الساذجه ..
هذه الموظفه كرئيسها المباشر ومديرها وادارتها ورئيس جمهوريتها .. كلهم نبتوا كالنبت الشيطاني المتعفن على جسد هذا الوطن ، تمرسوا واعتادوا نخر جراح الناس باشكال مختلفه وتفننوا في اذى وجرح احساس هذا الشعب بما فاضت به المكاييل
لك الصبر ولزيدان حب من خرجوا لوداعه كما كانوا يخرجون للقاءه .. فهو منهم وهم جزء منه ولكل قاعده شواذ ..
له الرحمه بقدر حب الناس له
وانا لله وانا اليه راجعون
تابر

Quote: واخيرا يا سيدتي الفاضلة ، كنا نتوقع منكـ اسلوباً ارقى ، وتقديراً لمشاعر كل من أوجعه هذا الرحيل المفجع واحساساً بالمسؤولية ... ...

الله يهديك يا سمرية يا خيتي ....

رافعة سقف توقعاتك شديد من نوعية زي دي.

ناس يتفننوا في القُبح ..... متوقعة منهم يقدّروا الجمال ويعرفوه؟

الله يرحم (زيداننا)، وصدقتي، هو ما محتاج للعينة دي.

Quote: هو زيدان ده أصلو نــبي .. ؟!

سلام عليكم
هل تتوقعين إجابة أفضل من هذه ...
ياهو مستوى البلد ومستوى الصلف والظلم الجاسم على صدورنا ...
هذه الاجابة أسرتني جداً لأنها لم تخيب ظني فيهم وفي كل من تسلق بالمحسوبية والانتماء
وأقول اليها والى أمثالها .... زيدان ماهو نبي ولكنه رسول للتسامي
ويا موظفة المطار... ..
بأية حجة – بالله- تلقى

إلهك حين ينكشف الحسابُ

Quote: يا موظفة الاستعلامات المحترمة ، ليس ضروريا عليك أن تحبي زيدان ، فهو لا يحتاج لامثالك ... فعدد اللذين يحبونه لا يستطيع شارع المطار الذي امامك احتماله.. ويا موظفة الاستعلامات المحترمة .. زيدان ليس نبياً ، ولكننا برغم ذلك نحبه ، محبة نقية وصافية كجمال روحه وفنه وكل ما قدمه للساحة الغنائية ... وكلنا سندفن تحت التراب .. ذات يوم .. ولكن تبقى الذكرى العطرة خلفاً للمحبة والجمال والانسانية التي نقدمها للحياة واخيرا يا سيدتي الفاضلة ، كنا نتوقع منكـ اسلوباً ارقى ، وتقديراً لمشاعر كل من أوجعه هذا الرحيل المفجع واحساساً بالمسؤولية ... ... واكثر ما اوجعني في هذه المكالمة / انني لطالما شعرت ان زيدان ابراهيم يمثل الشعب السوداني بكل ما فيه ، وقد مات زيدان ، وها انت تقتلي الشعب ( الفضل ) .. في صوتكـ الماثل امامي بكل قبح !

لا عليكي يا سمرية دي صفاقة الكوزات المعهودة و للأسف كل المرافق العامة تجدي فيها مثل هذا القبح الإنقاذي لأنه الإنقاذ
ما بتعين غير هؤلاء الرجرجة ..بالله ده حالته المطار واجهة السودان المفروض يمثل الوجه المشرق للسودان و المفروض
يعينه فيه موظفات على درجة من الاتكيت و الرقي ..الإنقاذيين قبيحين و لا يستشعروا الجمال ..رحمك الله يا زيدان.

رحم الله زيدان رحمة واسعة و أسكنه فسيح جناته .. و جعل قبره روضة من رياض الجنة و كان له خير جار
و جبر الله كسرنا أختي سمرية و اجارنا في مصيبتنا .. بجد كان يوم حزززين حزززين حززززين امس .. و المحزن اكثر كانت قنواتنا الفضائية .. لم اتألم لفقد مغني او فنان كما تألمت لـ رحيل زيدان

انت مأهولة بـ حبه .. كـ معظمنا.. و لكنها ديدنة الموت ..
وأحسب أن حزنك كان اكبر من أن تجدي لها عذراً .. و هي التي لا تنفك ترد على سيل من المكالمات الحزينة الجزعة ...



ويا هو دا السودان ...
ولا نقول الا ما يرضي الله ... (إنا لله وإنا إليه راجعون)

سومرية.............. سلاما حزينا
انت عارفه ياحبيبة الطيب صالح لما وصفهم وقال:
من اين جاء هولاء بل من هم هولاء؟كان محق
فهولاء يفرحون لموت الفنانين لان الغناء حرام فى عرفهم
ولو كان الامر بيدها لتمنت ان تسقط الطائرة وهى تحمل الجثمان على اتحاد الفنانين
ليقضى البقية..
رحم الله العندليب زيدان فقد اشجى بحدائه من اشجى واشقى من اشقى
واخر دعوانا ربنا لاتؤاخذنا بما فعل السفهاء منا يارب،،،

الأزمة يا سمرية أزمة نظام كامل
الوظيفة بالواسطة
هسع دي بتكون متخيلة إنها مدير المطار !!!
اللهم أرحم زيدان أبراهيم بكل لحظة فرح أدخلها بقلب عشاقة
اللهم أرحمه بكل نغمة تغلغلت بعصب مستمعيه
اللهم أرحمه بل لحظة (بر) أبر بها والدته
اللهم أرحمه بكل جهالة جاهل/ة لم يقدر ما قام به خصماً على صحته
اللهم آمين

Quote: اكيد الزولة دي الحب اصلو ما غشي قلبها ياخ زيدان تميمة الريدة والمحبة زيدان كنوز محبة زيدان وسط الزهور متصور وجه الصبوح ومنور زيدان ما هماك عذابنا زيدان من بعدك انت يعيش منو ومين تاني مين يتمني العمر زيدان ما اصلو ريدها اصبح حياتي دي من اي كهف اتت .. الزولة دي ما سمعت غني ولا شنو ؟؟

صدقت يا بخاري ...

....
يا بخاري احسب ان هذه الكاميرا التي صورت صور تشييع الجثمان والمعزيين.. قد بكت هي الاخرى ..

لم ارى صورة واحدة مافيها دموع بتبرق بالدموع ... الحزن كان فادح ... .. وباين في العيون !

حزن زي دا معدي شديد وموبوء ..


.....
غايتو
البلد دي لسه فيها المحن .. الله يصبرنا على الاحتمال ..

دا الحاصل في كل الدواوين الحكومية استقبال بارد ونظرات
ثاقبة وكلمات جارحة واسلوب تقشعر له الابدان.

Quote: رحم الله زيدان ابراهيم الفنان والإنسان لا عليك ولتسمي بحزنك عليه فوق هذه الحماقات الساذجه .. هذه الموظفه كرئيسها المباشر ومديرها وادارتها ورئيس جمهوريتها .. كلهم نبتوا كالنبت الشيطاني المتعفن على جسد هذا الوطن ، تمرسوا واعتادوا نخر جراح الناس باشكال مختلفه وتفننوا في اذى وجرح احساس هذا الشعب بما فاضت به المكاييل لك الصبر ولزيدان حب من خرجوا لوداعه كما كانوا يخرجون للقاءه .. فهو منهم وهم جزء منه ولكل قاعده شواذ .. له الرحمه بقدر حب الناس له وانا لله وانا اليه راجعون تابر

شكرا ليك يا تابر على مواستك لي في المصيبتن ،
لانه مكالمتي مع الزولة دي كانت مصيبة حقيقية بالنسبة لي ، وخاصة وانا حزينة بذاكـ القدر ..
وكل كلامك حقيقي .. والله ... بس مشكلتنا اننا لسه ما قادرين نستوعب الهاوية السحيقة الوصلنا ليها ...

الشعب ما ياهو ....

زيدان شكل وجدان من أحبوه بلا تزلف وهم كثر ..
زيدان .. حفر اسمه بأحرف من نور في ذاكرة وقلوب من يعرفون معنى الجمال ..
(كل أشواقنا ومشاعرنا
وأحساسينا النبيلة
إنت ما أهديتا لينا)

(يا حبيب الروح هب لي بضع لحظات سراع)
(وحات عمراً قضيتوا معاك
محال عن ريدك ارتد)

(شفت الدموع خلف الرموش مكبوته بي حسرة وضياع
ورعشة الكف الخضيب مقرونة بنظرة وداع)

(نهديك المشاعر وتخون الأمانة)

(جمال فيه إشراق تريح النفس رؤياه
عشقناه ولكن تعبنا إذ عشقناه)

(لو الأماني بإيدي
كنت أهديك عيوني
وأسقيك من وريدي
يا هنايا وجديدي
يوم أشوفك يبقى عيدي
وبرضو تصدق أخونك؟!)

(لما تهيمي بالبسمة تتفجر
بسيماتك درر
تلقينا في غربة وشجن
تايهات قلوبنا بلا سفر
تملا من بعدك لهيب
ماصبرنا من بعدك ودر
من بعدك إنتي يعيش منو
ومن تاني مين يتمني العمر)

(أه لو تقضي
الليالي لشتيت باجتماع
كم تمنيت وكم
من أمل مر الخداع
وقفة أقرأ فيها
لك أشعار الوداع
ساعة أغفل فيها
لك أجيال امتناع
يا مناجاتي وسري
وخيالي وابتداعي
تبعث السلوى وتنسي
الموت متروك القناع)

Quote: هو زيدان ده أصلو نبي ؟ والنبي زاتو مدفون تحت التراب .....

شيزوفرونيــــة باذخة في أبهى تجلياتها!!؟

نشهد بأن زيدان قد حمل رسالة الإبداع بصدق وإخلاص ..
ووهبها كل سنوات عمره وقلبه الكبير
فأسعد وأمتع الملايين بألحانه العذبة الخالدة..
أنزل الله على قبره شآبيب الرحمة وغفر له ..
وخالص العزاء لأسرته ومحبيه ولك أختي سمرية

Quote: الله يهديك يا سمرية يا خيتي .... رافعة سقف توقعاتك شديد من نوعية زي دي. ناس يتفننوا في القُبح ..... متوقعة منهم يقدّروا الجمال ويعرفوه؟ الله يرحم (زيداننا)، وصدقتي، هو ما محتاج للعينة دي.

يا ابوالريش انا فعلا رفعت سقف توقعاتي شديد ..
وكنت ساذجة خالص لما اتصلت على الاستعلامات دي ...


ياربي .. بتكون كانت فخورة بردها ده علي .. ومرتاحة كده ؟
خاصة انه بعد ساعتين من كلامها معاي ، المطار كان مليان بالمفجوعين ...
. ياربي ضحكت ######رت من حزنهم وبكائهم ؟

يا سمرية...

ألف رحمة ونور علي زيدان...

والله انا زيدان دا من شدة ماني مفجوع فيه...لي اللحظة دي ماني مصدق
موته...ولا عايز اصدق زاتو...ولا عزيت فيه في اي بوست...وكل ما اشوف
صورته في طرف تلفزيون النيل الازرق...بقفل التلفزيون...عشان ما يقنعوني
بموته...(لا حول ولا قوة الا بالله)...زيدان دا من ما قمنا لقيناه زي حالتو
الهسي دي...قعدنا معاه...وغنينا معاه ولعبنا معاه وهظرنا معاه...ياهو
زاتو...حتي في سرير المرض...في السلاح الطبي...ياهو زيدانا البنعرفو
لو ادوه مايك في سرير المرض كان غنا مين علمك يا فراش...وحا تكون
هي هي..زي لوكان جاها الاستديو بي رجلينو...

دحين عليكم الله فكونا من سيرة موت زيدان....

هسي داوي ناري دي...في زول بقدر يموتها...
او يدفنها...الزي زيدان دا ما بموت يا سمرية


ولا كان تسألي موظفة الاستقبال..ام كرعينا مشققات دي.

Quote: لم ارى صورة واحدة مافيها دموع بتبرق بالدموع ... الحزن كان فادح ... .. وباين في العيون !

لارا صغيرتنا كانت معانا في استقبال ( العندليب )

غلبني اكتب الكلمة المألوفة ...

في لحظة وصولها حصلت انهيارات شديدة وكنت ماسكها وبغالب

دموعي .. جات زولة بسيطة مغبرة وسفنجتها مربوطة بسلك وبدأت

النواح : واي علي يا ابو الزيق واااااي وجعتني

حي ووووب عليك وعلي ...

ما قدرت اغالب دموعي

ولارا في يدي ما عرفت تعمل حاجة بقت تمسح لي في رأسي بيدها

زيدان ما محتاج لموظفة غبـــــية تعرف قدرها زيدان في كل

قلب وزيدان عرق محبة والشعب بكاها بمرارة ولسه

فقط في هذا البوست سالت دموعي حزنا على زيدان.

زيدان دخل بصوته الشجى النقى كل البيوت بلا استئذان

وقبلها دخل الى القلوب ,,, القلوب النقيه المحبه للخير والجمال

ياسمريه ,,, قد تنكر العين ضوء الشمس من رمد ,,,, وينكر الفم طعم الماء من سقم

امثال هذه الموظفه يعانون من سقم القلوب والانفس ,,, ودواعى الحقد حتى من الاموات

ان زيدان عليه رحمة الله يكفيه حب الملايين الذين مابارحتهم الدموع منذ نبأ رحيله

تكفيه كنوز محبه تركها فى وجدان الناس الذين لايعرفون غير الحب ,,,,

Quote: زيدان دخل بصوته الشجى النقى كل البيوت بلا استئذان وقبلها دخل الى القلوب ,,, القلوب النقيه المحبه للخير والجمال ياسمريه ,,, قد تنكر العين ضوء الشمس من رمد ,,,, وينكر الفم طعم الماء من سقم امثال هذه الموظفه يعانون من سقم القلوب والانفس ,,, ودواعى الحقد حتى من الاموات ان زيدان عليه رحمة الله يكفيه حب الملايين الذين مابارحتهم الدموع منذ نبأ رحيله تكفيه كنوز محبه تركها فى وجدان الناس الذين لايعرفون غير الحب ,,,,

رحيل زيدان واجعني شدددددددديد وداخل فيني حزن من ساعة عرفت الخبر ما أظن يخرج باخوي وأخوك
يا سمرية لو كنتا في السودان كان وصلت الموظفة دي واديها درس وافشي فيها وجعي دا، ما ضروري تكون من معجبين زيدان لكن من الضرورة انها تعرف تحترم حزن الآخرين وتعرف مهام وظيفتها المن ضمنها تتعامل بصورة جيدة مع المتصلين، غايتو انا لو جيت السودان كل يوم حاتشبك مع كوز ..كللللهم اخلاقهم ماركة مسجلة

في أي جهة استعلامات محترمة..
يقوم الموظف.. أو الموظفة.. بعد رفع السماعة مباشرة.. ويعرف باسمه..
ويسأل السؤال المعتاد: كيف أقدر أخدمك..
يعني لو أخدنا اتصالك ده بصورة علمية ومنهجية..
مفروض انتي تكون عارفة اسم الموظفة الرد عليك..
ده الشيء المعتاد.. والمألوف.. والدرس الأول في وظيفة الاستعلامات..
باين عليها جاية بالواسطة.. أو عندها مشكلة في البيت.. وعايزة تتفشى فيك يا سمرية..
لا عليك..

سمرية بت بلدي الاصيلة

امسكي في دي قوي

Quote: من احبه الله حبب فيه خلقه

لو أحبك أنا العمر كلو برضو شاعر ما كفاني

نسال الله ان يتغمدك بالرحمة والمغفرة ويجعل الجنة مثواك

الاخت/ سمرية
سلام

نحن لا زلنا مفجوعين بالفراق الحار..
لا زالت الدمعة حرّى عليك يا زيدان..
وعنوان البوست سبب لي انقباضا...
لا حول ولا قوة الا بالله..
نحن في زمن المهازل..
في زمن لا يستحق أن يطلق عليه زمن..
هذه المريضة وصلت لهذه الوظيفة في بلد خربانة من كبارها..
من رئيسها وكل كل براعيثها..
لا خير فيهم..
ولا نتوقع فيهم الخير ابدا..

رحم الله الاستاذ المبدع زيدان ابراهيم..
رسول الانسانية..
رسول المحبة..
رسول الطيبة والاخلاق..

تحياتي

ليس هناك ما يقال سمرية
وقد أمطر الكلام خرسٌ

ليس هناك ما يقال





ـــــــــــــــ
مع السلامة يا زيدان ... ياخي مع السلامة ... بقلم: د. الوليد محمد الأمين
منقول عن سودان نايل

قليلون هم المغنون الذين يؤثرون في الناس كما فعل زيدان ابراهيم . في شارع
الأربعين اصطفت الصبيات والنساء بعرض الشارع بنية اغلاقه – وقد فعلن – وهن
يهتفن بالشهادة لا اله الا الله . فعلن ذلك منعا للعربات من المرور انتظارا وافساحا ل
لمجال لعربة الاسعاف التي سوف تأتي بالجسد المسجي لأجمل حبيب للروح وحامل هم الفراشات حين غادرها النهر الجميل .
في شارع الاربعين اصطف الناس ، تجمهروا هناك ، علي جانبي الشارع وفي منتصفه
، تاركين للعربات العابرة ممرا ضيقا بينما الحزن سد كل ممرات الواقفين علي أطراف
مشاعرهم . الرجال والنساء ، الصغار والكبار ، في لجة الناس رأيت كذا مرة عددا من
الستينيين والستينيات ، السبعينيين والسبعينيات ومن هم فوق ذلك ، المساكين الطيبين
من أهل السودان ، أفقرت الحكومات المتتالية أرواحهم وحطمت بادعاءاتها الزائفة
أحلامهم البسيطة فخرجوا اليوم لوداع رسول الرومانسية الغائبة في خيالاتهم وملهمهم
حروف الهوي في خطابات الغرام وباعث الأمل في غد جميل حطمته السياسات
الغبية : باكر بيعود القاش ... ترجع عيونو حنان ......
غني زيدان بصوته الشجي كلمات سكنت وجدان أهل السودان أيام كان العشق غيره
هذه الأيام ، غني زيدان أغنيات الشجي والشجن ، ياخي تأمل بالله مثل هذا الكلام :
معاك قضيت عمر السنين ... افرش طريقك بالورود ....أو مثل هذا الكلام : يا
قصر الشوق لو هداك ... حبيبك ومرة ليك صد ... بنبنيك بغلاوة الريد ... محال انا
قصري يتهدا ....
غني زيدان في الليلة ديك فصارت شعارا لكل منفطري القلب من مستعربي أرض
السودان ، كتبها سائقوا الحافلات علي ظهر حافلاتهم وتبعهم في ذلك سائقو الركشات
في زمن لاحق وحفظتها قلوب أجيال وأجيال قبل ذلك وبعده. كان يكفي أن يغني
العندليب أخونك ... هل تصدق أخونك لتنفطر قلوب الصبيات الجميلات ، كان يكفي
ان يغني ليه كل العذاب ليه كل الالم لتفعل تلك الكلمات فعلتها بالطيبين ذوي القلوب
الرهيفة من لابسي الشارلستون ولابسات الكعب العالي وتوب ابقجيجة .
في شارع الاربعين مساء يوم الرحيل انهمرت دموع الالاف من الناس في وداع واحد
منهم ، في اذاعات الاف الام الكثيرة بعد ذلك بث الناس حزنهم ، من كسلا ومن
كادوقلي ومن العسيلات ، من ضواحي المدن ومن ضهاري البلاد فيما صار يعرف
الان بالمناطق المهمشة ، اختلفوا علي كل شيء واتفقوا علي حب من أحبهم ، كذلك
تفعل بصيرة الشعوب . لا تستجدي هذه الكتابة شيئا غير ان تحاول وصف سويعات
بشارع الاربعين مساء يوم الرحيل ، كلفني الوصول الي هناك قرابة الساعة من ازدحام
الشوارع بالناس والعربات وكلفني أكثر من ذلك الأسي الحراق في عيون الناس وفي
حلاقيمهم ، آخر الأمر تستجدي هذه الكتابة من كل من أكمل قراءتها الدعاء للرجل
الجميل والمبدع الحقيقي الأصيل زيدان ابراهيم الدعاء له بالرحمة والغفران وهو الذي
تغني : وأبقي أسأل عن قلوبنا ... بتلقي فيها كنوز محبة ! وهو كذلك يا زيدان :
كنوز محبة .

http://sudanyat.org/vb/showthread.php?t=21955

لا حول ولا قوة الا بالله .... معقولة دي تكون من جنس البشر؟
ياخ الناس بتتأثر و بتبكي من مشهد درامي , قصة , قصيدة او اغنية ... ناهيك عن رحيل زيدان الفجعنا كلنا كشعب ...
ياخ دي الزولة المناسبة في المكان المناسب للسخف مع الجمهور ....
الله يرحمك يا عندليب
البركة فينا يا سمرية

سلامات يا سمرية وربنا يحسن العزاء

نقول لا حول ولا قوة الا بالله
هى زى نوعيتها دى بتعرف مواصفات النبوة شنو؟؟؟
بس نقول اللهم لا تمحننا لا تبلينا
رحم الله رسول المحبة والانسانية والكلمة الحلوة زيدان ابراهيم
العزاء موصول لكل محبيه واصدقائه
ويا سمرية هونى على نفسى ياغالية فالفجيعة اكبر من الاحتمال
وما تورمى قلبك بهذه النوعية اصبحت فى كل منفذ فى بلد شكيتهم على الله

Quote: هو زيدان ده أصلو نــبي ..

يا سمرية سلام
موظفة الإستقبال دى بتكون شترا
فى ذوقها
فى زمنها
فى إيقاعها
فى صفقتها
دا النوع اللى عندما يصبح متدين بيفتكر جهلا إنو الغناء حرام
دى لم تستسيق الشعر ولا الادب
ما إختبرت المشاعر الجميلة
دى بتكون شينة وشينة الذوق

مثلها كثر
ولكن محبى زيدان أكثر

تحياتى

Quote: اعزيك واعزي الشعب السوداني في هذا الفقدالعظيم ... الفن رسالة سامية وزيدان ادي رسالته علي احسن ما يكون..

شكرا يا عماد ، والبركة فينا كلنا وفي كل محبي زيدان..

بالجد ، فقدان قامة زي زيدان بخليني استغرب شديد
لما القى واحدة سودانية ترد بالطريقة دي ، كانها عندها ثأر مع زيدان


بالجد مستغربة ...

Quote: سلام عليكم هل تتوقعين إجابة أفضل من هذه ... ياهو مستوى البلد ومستوى الصلف والظلم الجاسم على صدورنا ... هذه الاجابة أسرتني جداً لأنها لم تخيب ظني فيهم وفي كل من تسلق بالمحسوبية والانتماء وأقول اليها والى أمثالها .... زيدان ماهو نبي ولكنه رسول للتسامي

يا عثمان ... كلامك صحي .. انا مشكلتي مع غيبوبة الحزن والفاجعة ،
نسيت اني في بلد اسمو السودان
بلد اتغير ليه زمن.. وكل الحاجات ما بقت ما زي زمان...

وانا بقول للسودان القاعد يتبدل على لسان اغنيات زيدان :


قلبك ليه تبدل
قلبك ليه تبدل صدا وليه تحول
انا طول عمري مخلص يا اخر حب واول

سمرية اجارنا الله واياكم والبلاد في فقدنا الجلل لم اجد موظفه اجف قلبا و اجوف عقلا من موظفة الاستقبال التي لم تحترم مشاعر الحزن للاخرين نتيجه لعدم التدريب المهني والمتابعه والمحاسبة والمراقبة في وظيفتها التي تم تعينها بدون مؤهلات مهنية عبر التعين بالولاء السياسي دون الكفاءه المهنية ، ولم تكتسب خبرات مكتسبة بحكم واقع الوظيفة العملي الذي يفرض الاحترام عمدا ،اوان ماتلقته من تدريب أكاديمي لم تستوعبة ، فهي مثل شيوخ الكيزان الذين يحفظون نصوصا ولا يتدبرون معناها ، لقد فجعنا لك ولزيدان السودان من سلوك موظفة الكيزان .

Quote: لا عليكي يا سمرية دي صفاقة الكوزات المعهودة و للأسف كل المرافق العامة تجدي فيها مثل هذا القبح الإنقاذي لأنه الإنقاذ ما بتعين غير هؤلاء الرجرجة ..بالله ده حالته المطار واجهة السودان المفروض يمثل الوجه المشرق للسودان و المفروض يعينه فيه موظفات على درجة من الاتكيت و الرقي .. الإنقاذيين قبيحين و لا يستشعروا الجمال ..رحمك الله يا زيدان.

ما قلتي الا الحق يا سناء
والله كلامكم ده قاعد يفشني شديد لانه الزولة دي كلامها محرقني شديد


بعدين هو الاتكيت حيتعملوا وين ؟
اذا كان ساسة الدولة بقولوا على مواطنيهم شحادين


شكرا على كلامك الواضح زي الشمس يا سناء

لو الأماني بايدي

كنت اهديك عيوني واسقيك من وريدي

وبرضو تصدق ؟ رد زي ده

والمات برتاح من امثال هولاء

اها احنا البحلنا شنو ؟ يا سمرية

لك الرحمه والمغفرة يا فنان

صديقي طارق...

ربما لم تكن موظفة أستقبال إنما عاملة استدبار..

فلذلك أستدبرت وأستكبرت أستكبارا...

أنا لا أتحدث عن الفن وغيره إنما عن القيمة الإنسانية

التي كرمها الله ... يعني موظفة مهمتها أن تتلقى

أسئلة السائلين وترد عليها.. هل تلك مهمة صعبة؟؟؟

يعني يمكن أن يكون المسئول عن وصول جثمانه

أي شخص آخر.. هل يحتاج الأمر إلى لداحة؟؟؟

Quote: رحم الله زيدان رحمة واسعة و أسكنه فسيح جناته .. و جعل قبره روضة من رياض الجنة و كان له خير جار و جبر الله كسرنا أختي سمرية و اجارنا في مصيبتنا .. بجد كان يوم حزززين حزززين حززززين امس .. و المحزن اكثر كانت قنواتنا الفضائية .. لم اتألم لفقد مغني او فنان كما تألمت لـ رحيل زيدان

ربنا يرحم زيدان يا رشا ..
ده كان حبيب الكل ومع اغنياته لكل واحد فينا ذكريات حلوة وما بتتنسى ..

ياخي انا كلما كنت اسمعو بغني ، كنت بحس بالدنيا دي طيبة وحنينة خلاص ...

معاك قضيت عمر السنين
أفرش طــــريقك بالــــــــورود
أبنى فيك سور الامـــــانى
ما حاسى بى زول فى الوجــود
عمــــــرى ما فـــكرت أنك
يـــــــــــوم حتـــخــلف للــوعود
لكـــــنى ما فـــــاقد الامـــل
يمـــــكن تحـــــــن ترجع تعــود

Quote: وأحسب أن حزنك كان اكبر من أن تجدي لها عذراً .. و هي التي لا تنفك ترد على سيل من المكالمات الحزينة الجزعة

مافي عذر ، مافي مبرر

القالتو كان قبح فادح ..
انا لو كنت محلها كنت بتجاوب مع الاسئلة بكل فخر ..
اللحظات الامس كانت تاريخية ...
وزيدان دا شخصية قومية ..
بس هي ما شافت الفيسبوك وصفحات الانترنت وكل المنتديات السودانية ، وبكاء الناس المر
ولا شافت الحزن في التشييع كان كيف ؟

الله لا كسبها ...

Quote: انت عارفه ياحبيبة الطيب صالح لما وصفهم وقال: من اين جاء هولاء بل من هم هولاء؟كان محق فهولاء يفرحون لموت الفنانين لان الغناء حرام فى عرفهم ولو كان الامر بيدها لتمنت ان تسقط الطائرة وهى تحمل الجثمان على اتحاد الفنانين ليقضى البقية.. رحم الله العندليب زيدان فقد اشجى بحدائه من اشجى واشقى من اشقى واخر دعوانا ربنا لاتؤاخذنا بما فعل السفهاء منا يارب،،،

الله يصبرنا يا صديق على فراق زيدان ...
ويقدرنا نحتمل اوجاع البلد قبل ما نمووت كمد ..
وصحي من اين جاء هؤلاء ؟؟؟!!


لن ننساك يا ابو الزيك

لا يا موظفة الإستقبال ما نبي

لكنه إنسان لو حتى ما حبيتي فنه و ما تابعيته

إحترمي حُرمة الموت و إنتقي الألفاظ و أعملي كنترول على نفسك !

إنسان ليه محبين و ليه أهل و جمهور

بشر بتحس و ليها مشاعر

اي إنسان حتى لو ما بعرف الميت سمع بيه و شاف حزن الناس عليه

بيحزن لحزنهم و ما مطلوب الحزن لكن مطلوب حُسن الخُلق !!!!


أخ !!

و الله مشكلة كبيرة لما يكون الموظف المفروض إنه

إنسان مسؤول وبيأدي عمل مهم و ليه قيمة

يكون ده تصرفو

مهما تتعب دي وظيفتك المفترض تحترمهاقبل ما تحترم الناس

يا خسارة و الله !!

تحياتي أختي سمرية

رحم الله زايدن الفنان المرهف وجعل قبرة روضة من رياضى الجنة

الاخت / سمرية العزاء لك ولكل محبى الفنان زايدن

بصراحة الزولة دى ما عندها اى احساس ولا مشاعرة

Quote: الأزمة يا سمرية أزمة نظام كامل الوظيفة بالواسطة هسع دي بتكون متخيلة إنها مدير المطار !!! اللهم أرحم زيدان أبراهيم بكل لحظة فرح أدخلها بقلب عشاقة اللهم أرحمه بكل نغمة تغلغلت بعصب مستمعيه اللهم أرحمه بل لحظة (بر) أبر بها والدته اللهم أرحمه بكل جهالة جاهل/ة لم يقدر ما قام به خصماً على صحته اللهم آمين

اللهم آمين ، بالله شوف زيدان ده الناس دي حزنت عليه كيف أمس ؟

يا بختك يا زيدان .. بكل تلك الدعوات ...
فانت كنت اب لكل اولادنا واخ لاخوانناواخواتنا
وابن لكل امهاتنا ... وانت نعم الابن لكل رجال السودان الشرفاء ...

ربنا يتقبل كل دعاء اتقال ليك امس ..

فانت تستحق ما انت فيه من محبة ووفاء ..

ارقد بسلام يا حبيبنا ...

اسي نفهم منو شنو كلامك دا ؟؟

Quote: اسي نفهم منو شنو كلامك دا ؟؟

عيييك يا قول بشاشة
اقول ليك حاجة يا مكاشفي شيل الفاتحة واطلب الله

Quote: دا الحاصل في كل الدواوين الحكومية استقبال بارد ونظرات ثاقبة وكلمات جارحة واسلوب تقشعر له الابدان.

والله الحاصل ابشع من كده يا صالح ، بس اظننا مرات قاعدين نخدع روحنا
ونحاول نصدق انه ممكن يكون واقعنا افضل
بس قاعدين نحلم بعالم سعيد .. في بلد موبوءة بالشكل ده ..


شاكرة لك حضوركـ ..

Quote: عيييك يا قول بشاشة اقول ليك حاجة يا مكاشفي شيل الفاتحة واطلب الله

اشيلها على منو ؟




بعدين يا عمك انت عارف اطلب الله دي معناتا شنو ولا بتقول فيها ساكت؟؟؟

Quote: عارف اطلب الله دي معناتا شنو ولا بتقول فيها ساكت

معناها في زين العشماوية ؟
ولا في راندوق الشارع ؟

Quote: الموظفة : هو زيدان ده أصلو نبي ؟ والنبي زاتو مدفون تحت التراب ......

يا بلد ضاع فيك الحق

يا بلد تحجرت فيك القلوب

يابلد اعدم فيك الكلام الطيب

يا بلد اعدم فيك الحنان

يا بلد اعدم فيك كل ماهو جميل



لاخت سميرة تحية و ســــــــلام.


أذا فاجئك موظف ألاستقال بكلام لم تسعة من قبل أكيد أنتى فى السودان

أذا فاجئك فعل عدم حرمة الموتى أكيد أنتى فى السودان


أذا تم جلد أحد المواطنين ,هم يكبرو أكيد أنتى فى السودان

أذا أستقبل جثمان ذاك المواطن المجلود و هم كذلك يكبرو أكيد أنتى فى السودان .

ياسمرية
دى لاهماها عذابنا ولا دموعنا وشقانا

عارفة دى واحده جاهلة وحاقدة على العندليب حتى بعد موته من كثرة المحبين والمعجبين

دى لو كانت بتفهم كان مفترض تكون مبسوطة ووتواصل مع الناس وتمدهم بالمعلومات الصحيحة كانت على الاقل سمعت كلمات ودعوات جميلة زى

(يديك العافية ) و (كتر خيرك) (تسلمى ) وكانت عملت حاجة لشخص كان وسيظل غالى علينا كلنا لكن هى اغبى من ذلك (اتمنيت فى اللحظة ديك لوكنت مكانا كنت فكلت عبرتى مع كل الشعب السودانى عن طريق استعلامات المطار))

لكن زى الجاهلة دى بتكون غير السب واللعن مانالت شى وبكون فى زول غيرك اداها على راسها الجاهله

ولاءات ماكفاءات
الله يرحمك يازيدان ويوسدك الباردة







9

Quote: لم ارى صورة واحدة مافيها دموع بتبرق بالدموع ... الحزن كان فادح ... .. وباين في العيون !

لارا صغيرتنا كانت معانا في استقبال ( العندليب )

غلبني اكتب الكلمة المألوفة ...

في لحظة وصولها حصلت انهيارات شديدة وكنت ماسكها وبغالب

دموعي .. جات زولة بسيطة مغبرة وسفنجتها مربوطة بسلك وبدأت

النواح : واي علي يا ابو الزيق واااااي وجعتني

حي ووووب عليك وعلي ...

ما قدرت اغالب دموعي

ولارا في يدي ما عرفت تعمل حاجة بقت تمسح لي في رأسي بيدها

زيدان ما محتاج لموظفة غبـــــية تعرف قدرها زيدان في كل

قلب وزيدان عرق محبة والشعب بكاها بمرارة ولسه

Quote: يا سمرية... ألف رحمة ونور علي زيدان... والله انا زيدان دا من شدة ماني مفجوع فيه...لي اللحظة دي ماني مصدق موته...ولا عايز اصدق زاتو...ولا عزيت فيه في اي بوست...وكل ما اشوف صورته في طرف تلفزيون النيل الازرق...بقفل التلفزيون...عشان ما يقنعوني بموته...(لا حول ولا قوة الا بالله)...زيدان دا من ما قمنا لقيناه زي حالتو الهسي دي...قعدنا معاه...وغنينا معاه ولعبنا معاه وهظرنا معاه...ياهو زاتو...حتي في سرير المرض...في السلاح الطبي...ياهو زيدانا البنعرفو لو ادوه مايك في سرير المرض كان غنا مين علمك يا فراش...وحا تكون هي هي..زي لوكان جاها الاستديو بي رجلينو... دحين عليكم الله فكونا من سيرة موت زيدان.... هسي داوي ناري دي...في زول بقدر يموتها... او يدفنها...الزي زيدان دا ما بموت يا سمرية ولا كان تسألي موظفة الاستقبال..ام كرعينا مشققات دي.

ايوة

زيدان نبي العشاق

زيدان نبي الليل


زيدان نبي الشجن

زيدان نبي الالم

زيدان يعطي مثل نهر النيل

Quote: زيدان ليس نبياً ، ولكننا برغم ذلك نحبه ، محبة نقية وصافية كجمال روحه وفنه وكل ما قدمه للساحة الغنائية ...

نسأل الله ان يرحم زيدان ويغفر له بقدر ما أفرحنا
وبقدر ما أطربنا
وبقدر ما أسعدنا..
آآآآآآآآآآخ يا سمرية ..
فقد أهاج موت زيدان أشجاننا..
وأعادنا لذلك الزمن الجميل..
سبعينات القرن الماضى..
كانت أغنيات زيدان هى بلسم كل العشاق..
من منا من لم يكتب أغنية أو أمقطع من أخرى فى جواب للحبيبة..
ومن منهن من لم تزين جوابها للحبيب بهذا المقطع أو ذاك من أغنيات زيدان..
آآآخ يا سمرية من ذاك الزمان..
أوعك منSMS
اوعك من EMAIL
أوعك من FACEBOOK
رسالة فى تلك الورقة المنزوعة من دفتر الرسائل ذى الألوان المختلفة..
فى غالب الأحيان يزينها قلب يشقه سهم إلى نصفين..
ثم ..
أغنيات زيدان تعطر تلك الرسالة..
ثم تبدأ المهمة الصعبة,,
وهى توصيل الرسالة..
وتلك قصة أخرى يا سمرية..
وعووووووووووووووووك..
فلان رسل رسالة لى فلانة وإتقبضت..
وتلك مشكلة أخرى
ليس أقلها الجلد فى الطابور
فلربما تنتهى بإحضار ولى أمرك..
آآآآآآآآخ يا سمرية..
نسأل الله أن يرحم زيدان
وأن يلهم كل محبيه وعاشقى فنه الصبر الجميل
وإنا لله وإنا إليه راجعون..

سلامات يا سمرية

دي هي طريقة ناس الاستقبالات والمعلومات في السودان ولا استثني اي حتة
ما عندهم اي اخلاق ولا اتكيت

كل ما اجي السودان بشاكل لما ارجع سبب قلة ادب الموظفين ولؤمهم
صديقتي استاذة في الجامعة الاسلامية اتت فراشة فتحت الباب وجدعت كرسي في القاعة
وهرجت قالت كيف يطلعوه من القاعة صديقتي كادت ان تصاب بجلطة ذلك اليوم خاصة بعد حضرت
في ماليزيا وعاشت 5 سنوات هنا ..

في تسجيل الاجانب ذهبت لقضاء امر هناك وجدت رجل واقف امام بتاع الاستعلامات وقفت وراه
اشر ( بتاع الاستعلامات) وقاليه دي شنو؟
اها اليوم داك وقفت حالهم فيها برضو قربت انجلط

اتمنى تكتبي للناس دي
حصل اتكلمت ليك مع سكرتيرة في مكتب؟؟؟!!!

بالجد الزولة دي زولة متبلدة المشاعر

وزيدان حيا وميتا في قلوبنا رحمة الله عليه الرجل المبدع اللطيف

سمرية ما قلتي ليها يبنوك حيطة ؟؟؟؟
إن ما قلتي ليها ورديتي ليها في ساعتك ما فشيتيني ضــــــــــمة ولا فشيتي كل الخلوق دي ,,
زي دي يردوا ليها زي عينة كلامها ده
احيــــــــــــــــي على الوجع من جنس ديل ..!!!



كيفنك يا سمرية والله يرحم زيدان

ربنا يرحم الفنان الانسان زيدان إبراهيم

نعم زيدان ليس نبي ولكنه كما قال الاخوان رسول للمحبة وللانسانية وللكلمة الحلوة

ربنا يرحمك يا زيدان بقدر ما منحتنا من سعادة وفرح

والله كلام أخونا بخاري يبكي الحجر

يا بخاري ربنا يرحم زيدان والتعازي للشعب السوداني عامة ولكل من يعرف زيدان

اختنا سمرية ما عليك ربنا يصبرنا على فقد رسول المحبة ولا تتوقفي عند كلام هذه الجاهلة

يا لمكاشفي والله حرام عليك هذا الكلام اترحم على أخوك المسلم السوداني الاصيل زيدان حتي لو لم تعرفه




أبو كريم

Quote: شيزوفرونيــــة باذخة في أبهى تجلياتها!!؟ نشهد بأن زيدان قد حمل رسالة الإبداع بصدق وإخلاص .. ووهبها كل سنوات عمره وقلبه الكبير فأسعد وأمتع الملايين بألحانه العذبة الخالدة.. أنزل الله على قبره شآبيب الرحمة وغفر له .. وخالص العزاء لأسرته ومحبيه ولك أختي سمرية

اللهم آميـــن يا نصر الدين ..
ربنا يرحم زيدان بقدر ما منحه لنا من فـــــرح ، بكل ما منحنه لاهــله وجيرانه واصدقائه من عطـــاء ..

وربنا يصبرنــا كلنا ...

وخلينا نقول لزيدان كلنا سوا :


لو أحبك أنا العمر كلو
برضو شاعر ما كفاني
انت فاكر للعواطف
ظاهرة في روحي وكياني
والمحبة البين ضلوعي
خالدة برويها بحناني
إن مساهر بالي فيها
وان نسيت كانت أماني
مشتريها بي شبابي
والشباب ما بجيني تاني

في الليلة ديك ... والناس تشارك فرحتك
حسيت باني غريب هناك .. وغريبة انتي في دنيتك
حسيت معاني الفرقة حسيت .. بالوجود ماخد ظلال من حنتك
شفت الدموع خلف الرموش.. ورعشة الكف الخضيب ..................... ياخي ما بقدر اكمل ياخي ..... الزول دا كائن آخر .... يا لهذا الزمن
يا الله تختار منا من نحب لتمتحننا فاصبرنا على تحمل المصيب الجلل

شووووووكرن سومرية

في الليلة ديك ... والناس تشارك فرحتك
حسيت باني غريب هناك .. وغريبة انتي في دنيتك
حسيت معاني الفرقة حسيت .. بالوجود ماخد ظلال من حنتك
شفت الدموع خلف الرموش.. ورعشة الكف الخضيب ..................... ياخي ما بقدر اكمل ياخي ..... الزول دا كائن آخر .... يا لهذا الزمن
يا الله تختار منا من نحب لتمتحننا فاصبرنا على تحمل المصيب الجلل

شووووووكرن سومرية

في الليلة ديك ... والناس تشارك فرحتك
حسيت باني غريب هناك .. وغريبة انتي في دنيتك
حسيت معاني الفرقة حسيت .. بالوجود ماخد ظلال من حنتك
شفت الدموع خلف الرموش.. ورعشة الكف الخضيب ..................... ياخي ما بقدر اكمل ياخي ..... الزول دا كائن آخر .... يا لهذا الزمن
يا الله تختار منا من نحب لتمتحننا فاصبرنا على تحمل المصيب الجلل

شووووووكرن سومرية

هو النبي ده إلا يجي بي رسالة من السما؟
لهفي علي زيدان عليه السلام إذ رحل ولم يترك لن إلا كنوز محبة
يا الرحت طوّلت الغياب لو تعرف اللهفة والشوق والعذاب؛ كان بدري عليك يا أبو الزّيك .
وآ وجعة فراش القاش اللسة راجيك في الحضور؛ وإنت هناك بعيد تسقي العوينات بالدموع .
تشرب براك كاسك وحيد؛ ترحل بعيد من غير رجوع . ليش النجوع ؟
أحيّ علي نيلاً بلاك بحْرد ضفافو وبعلن نشافو
وآ ناري وكتين الفراش يقلع تياب فرحو وزفافو .
يا الرحت طوّلت الغياب .
لو تعرف اللهفة والشوق والعزاب ما كنت رحت وكنت طولت الغياب .
كان تسأل مشاعرك ليه عين بكن قبال ما تفكر في الرحيل ؟
كان بدري عليك يا زيدان بتروح قوّام قبل الأيام السمحة تجي .
في الليلة ديك لا هان علي ألبس عليك توب الفراش؛ لا أتلفّحك صفقة وغُني .
ماك عارف ريدتي ليك من يوم جيتك شايل نضمي " عوض أحمد خليفة" عشان تقولينا أنا " بالي مشغول "
مالك داير تشغل بالنا عليك ؟
غاب من بعد طلوعٍ وخبا من بعد إلتماع ! لهفي عليه يا " إبراهيم ناجي "
ويحك هل كنت تدري بأنه سيفعلها ويتركنا ويقرّر الوداع ؟
أما وقد سقيتنا من ذاتِ الكأس هل كنت تدري بأنك جميلاً ما سألناه ولكنا هويناه ؟
" ما بنقول زي الودعونا ورجعوا "
سيظل هذا الفراق المُر جرحاً ينزف فينا . سنبكيك ونحن نفرّق عليك كنوز محباتنا وإشتياقاتنا .
ح نشتاق ليك يا فراش
لهفي عليك إذ تفاجأني في الحضور؛ ونتقابل بدون كلمات وكتين يضيع منا الكلام .

يعني النبي ده إلا يكون بوقّع بي (صلعم)


ـــــــــــــــــ سمرية كيفنك

Quote: هو زيدان ده أصلو نــبي .. ؟!

ياسمرية!

اتصلي عليها تاني ، قدمي لها دعوة لزيارة هذا البوست

يمكن تعرف غلطتها وتتأدب شوية قدام الموت

Quote: والله انا زيدان دا من شدة ماني مفجوع فيه...لي اللحظة دي ماني مصدق موته...ولا عايز اصدق زاتو...ولا عزيت فيه في اي بوست...وكل ما اشوف صورته في طرف تلفزيون النيل الازرق...بقفل التلفزيون...عشان ما يقنعوني بموته...(لا حول ولا قوة الا بالله)...زيدان دا من ما قمنا لقيناه زي حالتو الهسي دي...قعدنا معاه...وغنينا معاه ولعبنا معاه وهظرنا معاه...ياهو زاتو...حتي في سرير المرض...في السلاح الطبي...ياهو زيدانا البنعرفو لو ادوه مايك في سرير المرض كان غنا مين علمك يا فراش...وحا تكون هي هي..زي لوكان جاها الاستديو بي رجلينو... دحين عليكم الله فكونا من سيرة موت زيدان.... هسي داوي ناري دي...في زول بقدر يموتها... او يدفنها...الزي زيدان دا ما بموت يا سمرية ولا كان تسألي موظفة الاستقبال..ام كرعينا مشققات دي.

يا نزار ... كلامك بكاني .. وهيج اشجاني ... بالجد زيدان كان انسان جميل ..

حــب الناس دي كلها .. دليل على روعته ...

وزي ما قلت انت الزي زيدان ما بموت ... وقبله المات منه من العظماء ... ؟
اي زول تركــ سيرة عطرة ما بموت ... كلهم لسه عايشين فينا ....

شكرا ليكــ ..

Quote: لاحظي دي موظفة استقبال في مطار البلد وواجهته يعني باقي البلد حا يكون كيف؟؟؟

كلام في الصميم يا طارق،
لسه بدري علينا.بدري علينا شديد..

رحمة الله تغشى روح الفقيد في الأعالي.

Quote: الله يهديك يا سمرية يا خيتي .... رافعة سقف توقعاتك شديد من نوعية زي دي.

وزيدان عرفها ومات .. ارتاح
عمر علي حسن

اولا يا سمرية انا بأيد كلام الأخ عبد اللطيف حسن بأن تتصلي بهذه الموظف التي تجلس في مكان يعتبر واجهة البلد وتعزميها تقرأ هذا البوست عشان تعرف الناس وكل الناس بيحبوا زيدان كيف وعشان تعلم اصول المخاطبة والأدب.. والله اذا عندي سلطة في يدي كنت رفدتها من الشغل في نفس اليوم وامنعها تشتغل في اي مكان فيه اتصال بالجمهور... والمصيبة زي الموظفة دي كتار في البلد وممكن يمغصوا بطنك وتمرضي ... لكن نعمل شنو عشان نعرف كيف نغيرهن و نغير هذه التصرفات الرعناء التي تجرح المشاعر والأحاسيس.

حسع الموظفة دى بعد وصول الجثمان وشافت الحزانى
ماامنت بأنه رسول سلام , وشافت بعيونا حب الناس
ولما ما سمعت بكنوز محبه

الله يرحمك يا زيدان يا فنان الاجيال

Quote: كانت أغنيات زيدان هى بلسم كل العشاق.. من منا من لم يكتب أغنية أو أمقطع من أخرى فى جواب للحبيبة.. ومن منهن من لم تزين جوابها للحبيب بهذا المقطع أو ذاك من أغنيات زيدان.. آآآخ يا سمرية من ذاك الزمان.. أوعك منSMS اوعك من EMAIL أوعك من FACEBOOK رسالة فى تلك الورقة المنزوعة من دفتر الرسائل ذى الألوان المختلفة.. فى غالب الأحيان يزينها قلب يشقه سهم إلى نصفين.. ثم .. أغنيات زيدان تعطر تلك الرسالة.. ثم تبدأ المهمة الصعبة,, وهى توصيل الرسالة.. وتلك قصة أخرى يا سمرية.. وعووووووووووووووووك.. فلان رسل رسالة لى فلانة وإتقبضت.. وتلك مشكلة أخرى ليس أقلها الجلد فى الطابور فلربما تنتهى بإحضار ولى أمرك..

الحبيب أزهري ....
إنت كنت معانا؟
أيوة .... طبعاً .... ده كان حال جيل بحاله.

تطلع أغنية زيدان الليلة .... بكرة نكون حافظينها زي ما غنّاها.

ده جيلنا .... وإستلم مننا الراية جيل بعدنا .. وأجيال ....... وزيدان هو زيدان.

له الرحمة

الحزن على الجميل زيدان هو أصل المسألة
ما عداه لا يهم
بل بالعكس ليتني رأيت هذه ( النكرة) أو سمعتها ترد بمثل ما فعلت
سأقول لها بكل برود الدنيا حسناً فعلت بطريقة ردكـ يا نكرة
فأنت تمثلين من جالسين على قلوبنا بأفضل طريقة
ولو كانت طريقة ردك أفضل لحزنت أكثر لأنكـ في تلكـ الحالة لتركت إنطباعاً أفضل قد (يجر) رجل أحدهم ليهلل ويكبر كما تفعلون وتلك الطآمة
________
الحمد لله أن من يمثلكم يفعل ذلك بأفضل الطرق التي تدخل الغل والحقد أكثر عليكم حتى يأتي يومكم الذي ستدفعون فيه دون رحمة
أو عفى الله عما سلف
لسنا بأنبياء ولن يتم طباعة لوحة عفى الله عما سلف في بلدي
بعون الواحد الأحد .
وليرحمكـ الله يا زيدان
ويكفيكـ دعاء آلاف الأسر التي كانت تعيش من وراء ما تفعله

Quote: هـو زيدان ده أصـلو نــبي .. ؟!

زي دي كان تجاوبـيـها على قــــدر عــقـلـها وتـقـولــي ليها




وزير إنقاذي ...




رحم الله زيدان وفي الخالدين انشاء الله مع الصديقين والشهداء ،

انا ما عارف موظفات استعلامات المطار ديل بجيبوهن من وين ؟
ما حصل ردت علي واحده فيهن بأسلوب يليق بوظيفتها ناهيك عن الزبون
وعادة ما اسمعها ما لا ترضي واتركها اكثر تجهما من الذي وجدته علي وجهها



رحم الله الفنان الانسان زيدان

سلام .. سمرية

ان شاءالله البركة فيكم وبكل من يحي سيرته الفنية الطويلة من بعد ان تواري الثري فحتماً هو باق فينا ما حيينا ابد الدهر ..

وكل الافاضل الذين كتبوا بحزن لرحيل الفنان زيدان .. الذي خلد نفسه من خلال ما قدم من اغنيات فاقت الكثير من الجمال ..


له الرحمة بقدر ما اعطي .. وربنا ان شاءالله يتقبله بقدر ما اسعد قلوبنا ..



الي تلك الموظفة البائسة :

الم يكفيه ما تغني به عبر تلك السنين الطويلة لنعطيه بعض الاحترام !!




مع ودي
واحترامي

المؤسف حقاً ان مثل هذه البائسة تكون واجهة للبلد

وموظفة استقبال في مطاره !!!!

أكيد بي واسطة ...

رحم الله زيدان وغفر له ويرحمنا الله من أمثال تلك البائسة

حتى لو لم يكن المرحوم هو زيدان ..و كان (س) من الناس...
كان حريٌٌ بهذه الكائنة منزوعة الانسانية مواساتك و تقديم كلمات تعاطف تتناسب و لوعة شخص اتصل ليستعلم عن "جثمان " حبيب و ليس شنطة حديد...
دي لا يمكن تكون انسانة ..

هدية الى موظفة الاستعلامات بمطار الخرطوم

أختى سمرية...كثير من الأشياء فى بلادى مغلوطة..وهذه الموظفة مثال االشخصية الغلط فى المكان الغلط...إيه يضيره لو قالت لا أعلم وأكتفت....اللهم لا إعتراض فى حكمك يا الله.

تقديرى وإحترامى.....وزيدان يكفى أن كم هائل من الناس تدعوا له بالرحمة والمغفرة.......

وهو الذى أهدانا ريده وكنوز محبة......تقديرى وإحترامى.

الأخت سمرية

تحياتي وربنا يرحم الراحل المقيم الفنان زيدان إبراهيم ويوسع له في قبره ويجهله روضاً من رياض الجنة .

يازولة أهلنا قالوا الكلام الحلو بخور البطن . وزولتنا دي عادمه نفاخ النار

يعني ألا يكفى أنك بتسألي عن جثمان شخص غادر الفانية لرب السماوات والأرضين!!

وليس بالضرورة أن يكون فنان رسول للنغم واللحن المموسق !!

لكن دي شكلها كان حلفت ليها بالله تقول ليك كذاب!!! غايتو قروشنا بتاعت المرتبات دي ضايعة ساكت !!!!

وكل يوم كلام وزيرنا كمال عبيد عن التدريب وتأهيل الخدمة المدنية بنسمع فيه إلا خربانه من كبارها يا سمرية


بحيراوي

هذة هى اخلاقهم وليس بمستغرب الصفير والتصفيق من شباب المؤتمر الوطنى عند علمهم بموت الفنان الكبير زيدان,وليس بمستغرب ان يطلقوا شائعة وفاتة حتى يؤثرو على معنوياتة,لوما عملو كدة مابكونو كيزان
اللهم ارحم زيدان وطهر السودان من الكيزان