الأحباب المتابعين أصدقكم القول أنني عندما رأيت هذا اليوتيوب شعرت أن هناك خدعة ما في مكان ما فيه قلت أنقله هنا لو كان صحيحاً يفيد منه من يهمهم الأمر ولو لم يكن صحيحاً نعرف أين الخدعة Where is the trick
أتتني رسالة في الماسنجر الداخلي من أحد الأخوات الصديقات وهى أخت ذات مصداقية عالية جداً عندي إستأذنتها في نشرها ( دون أسماء ) فوافقت مشكورة تعميماً للفائدة
Quote: Date: 15-10-2012, 04:58 PM From: To: عاطف عمر Subject: اختراع الصلعة
يا عاطف سلامات .. النكلمك.. الشئ دا عبارة عن فايبر انا اشتريتو من امريكا دي لاخوي في السودان عندو صلعة في نص راسو.. بتتخيل اشتغلت معاه وغطتها ليه!! شعر عددددددديل كدا..ابيت اعلق ليك بهناك قلت ما اشيل حس اخوي في الاسافير هههههههههه لكن اصلا الفايبر دا مصنوع في امريكا وجبتو اونلاين ..ما بتتخيل انو غطى ليه الصلعة البايخة دي
هسع عليك الله ( مأستذاني ) في السخانة دي ذنبي شنو ؟؟ أخوي عاطف ما كانت بتكون أحلى ؟؟
لكن النصيحة لى الله مداخلتك عجبتني شديد وشديد فوق ما تتصوري ليه ؟؟ أقول ليك
في مرة من المرارات زولك أبصلعة دا في صمة خشمي شبكني ليك يا عم عاطف ياعم عاطف وحياتك مشيتها ليهو زى الترتيب أصلن أصلن أنا متعود على الحاجة دي لأني زى ما ذكرت في بوست سابق أني إبن ( الزوجة الثالثة ) لوالدي رحمه الله عادي جداً يجوني ناس كدا ( يشيلوني في صفحتهم ) ويقولوا يا خال عاطف أو يا عم عاطف وأكون فعلاً كذلك
لكن أول مرة يجيني زول بى صلعة يقول لى يا عم
شوفتي كيف ؟؟
Post: #26 Title: Re: إختراع ياباني عجيب لعلاج الصلع .. بكري أبوبكر والبروف أمين وصحبهم Author: عاطف عمر Date: 10-16-2012, 09:11 AM Parent: #22
تحياتي وسلامات يا ناذر
Quote: أعمل بحث بإسم معاوية المدير لانو قبل أسبوعين تقريبا نزل بوست وتقريبا نفس الاختراع لكن الفيديوهات مختلفة
عارف من سوء أو حسن الحظ أنني لم أر بوست الأخ معاوية لأنني إن رأيته فكنت حتماً سوف ( أجلي ) موضوع البوست دا على طول ما تتخيل بتردد كيف قبل ما أفتح أى بوست
Quote: تسلم ... ونحن غايتو ماشين بي القاعدة البتقول (البقاء للأصلع) ,,,!!
مع أنك مسمسم وآخر قيافة لكن ماعارف أنك خاتي خط الرجعة دا ليه ؟؟
Post: #28 Title: Re: إختراع ياباني عجيب لعلاج الصلع .. بكري أبوبكر والبروف أمين وصحبهم Author: حمد عبد الغفار عمر Date: 10-16-2012, 07:41 PM Parent: #26
كيفك يا عاطف
مرة أنا في الدمازين شعري دا وقع كلو خلال يومين بس أدخل المشط بب تقع كمشة
طبعا بقيت مضحكة لناس حاقدين كتير ونوع الجكس البقول ليك هي سجمي يا حمد صلعت؟
قايلني اشتغلت بيهو كتير؟ قعدت تميت شغلي داك في الدمازين مصلع تماما وعلي راحتي جيت لدكتور أسمو زين العابدين عيادتو قريبة من سوق الموردة
عاين لي كدا , ولا قال لي كلمة غير إنو كتب لي كريم أسمو volog يمين مسحت ليك الكريم دا بعد عشرة يوم بس شعري كلو قام بعد داك فتشت لي الكريم ما لامي فيهو لحد هسة
---------- فيما يخص اليابانيين في واحد أكد لي على المسألة دي لكن قال لي لو غسلتو بصابون على طول بيقع
انت كيف مصلع ولا فيك رقشة طبعا صاحبك عادل بقى ميطي ومزعلاه جنس زعل
Quote: عارف من سوء أو حسن الحظ أنني لم أر بوست الأخ معاوية لأنني إن رأيته فكنت حتماً سوف ( أجلي ) موضوع البوست دا على طول ما تتخيل بتردد كيف قبل ما أفتح أى بوست
سلآمات يا عاطف. يا أخي زيادة الخير خيرين يا قول أهلنا. بعدين نحن نقلنا الأخبار الحلوة دي عملاً لي الله، ودراءً للمفسدة، وحتي لا أُتهم بالحسادة نسبةً لأني عارف معرفة اليقين إنو صلعتي دي لا كبوكي، لا مِستر كابو بيقدر عليها، فقد إستشرت وأصبح شرها مستطيرا. بيني وبينك، وكت لقيت كابوكي نفسي حدثتني بعدم النشر. حسادة مِني ساكت، لكن بعد دآك راجعت نفسي ونعلت الشيطان لا إيدو لا كراعو ونشرت، وقلت عسى ولعلّ ربنا يجعلآ في ميزان حسناتي. إن شاء الله يا عاطف ربنا يقوّم ليك بكل مرور متصفح تلآتة شعرات في صلعتك، وبكل مدآخلة شعرتين ونُص أنا داير حقي قدآم.
تحياتي يا عاطف، وأُخُد رآحتك...
Post: #31 Title: Re: إختراع ياباني عجيب لعلاج الصلع .. بكري أبوبكر والبروف أمين وصحبهم Author: Abd Alla Elhabib Date: 10-17-2012, 01:20 AM Parent: #30
إعتذاري الأكيد للإخوة عاطف عمر ومعاوية المدير حيث ثبتا بوستين علي خـد المنبر تناولا فيه المنتج " كابوكي" لم أمر عليه إلا قبل قليل.... كابوكــي ... يا صلعـة إنعـل أبوكي !!
Quote: سلآمات يا عاطف. يا أخي زيادة الخير خيرين يا قول أهلنا. بعدين نحن نقلنا الأخبار الحلوة دي عملاً لي الله، ودراءً للمفسدة، وحتي لا أُتهم بالحسادة نسبةً لأني عارف معرفة اليقين إنو صلعتي دي لا كبوكي، لا مِستر كابو بيقدر عليها، فقد إستشرت وأصبح شرها مستطيرا. بيني وبينك، وكت لقيت كابوكي نفسي حدثتني بعدم النشر. حسادة مِني ساكت، لكن بعد دآك راجعت نفسي ونعلت الشيطان لا إيدو لا كراعو ونشرت، وقلت عسى ولعلّ ربنا يجعلآ في ميزان حسناتي. إن شاء الله يا عاطف ربنا يقوّم ليك بكل مرور متصفح تلآتة شعرات في صلعتك، وبكل مدآخلة شعرتين ونُص أنا داير حقي قدآم.
تحياتي يا عاطف، وأُخُد رآحتك...
ههههههههههههههه ياخ دي ( دغالة ) مافي زول سبقك عليها إلا بلدياتنا داك الله يمسيهو بالخير كان بلدياتنا شخصاً مشهوراً في أروقه المدينة بلسانه الطويل كان مغترباً في السعودية على أيام شريعة جعفر نميري الإسبوع الأخير من إجازته كان كرنفالاً من حفلات الوداع و( البهجة ) ترصده ذات مساء بعض من العسكر بعد أن أنزله أصحابه أمام منزله وكان ( مخموراً ) للطيش عقدوا له تاني يوم محكمة وأقاموا عليه حد الشرب وشهد عذابه ( كل مؤمني ) سوق المدينة مساء ذات اليوم أتاه كل أهل المدينة إلا قليلا وكلهم يحمل ( جوابات ) لأبنائهم وأصدقائهم وجيرانهم وجيران جيرانهم كان عدد الجوابات مهولاً وصاحبنا يرتب في حقائبه مساء يوم الرحيل نظر لهذا الكم الهائل من الجوابات وأصدر حكمه
" على الطلاق ما في زول من الرسل الجوابات دي مشتاق لى زولو الهناك ، كلهم تلقاهم كاتبين موضوع واااااحد بس ، وهو تفاصيل القبض على وجلدي "
وقام طااااااخ أحرق جميع الجوابات
__________________
تصدق شعري صاغ سليم لم ينقص الزمان من ( خصلاته ) خصلة واحدة نلقى الأجر قدام إن شاء الله
Post: #33 Title: Re: إختراع ياباني عجيب لعلاج الصلع .. بكري أبوبكر والبروف أمين وصحبهم Author: عاطف عمر Date: 10-17-2012, 10:42 AM Parent: #29
يا عمك ( أخدنا ) حديث والله لا وكمان إسم سياحي كابوكي قاليك
زماااان كان في حاجة إسمها شاى ساموطي ما عارف ليه إتذكرتها
Post: #32 Title: Re: إختراع ياباني عجيب لعلاج الصلع .. بكري أبوبكر والبروف أمين وصحبهم Author: عاطف عمر Date: 10-17-2012, 07:10 AM Parent: #28
تمامين يا حمد أخوك كما تركته قبل كم وعشرين عام لا يزال ( بكامل قواه الشعرية ) ، إلا من شوية شيب ( زادتنا حلاة ) - كما أفتت بذلك السيدة المبجلة بعلتنا - وهى فتوى بطبيعة الحال ضعيفة ومجروحة
أما بخصوص كون الدواء بيطلع مع الغسيل أو أنه غير ثابت فهذه جديدة ليتنا نلقى فيها إضاءات أكثر يكون ياربي زى نظام الصبغة لازم تتعمل كم مرة في الإسبوع أو الشهر ؟؟
نقول هذا وفي الخاطر كلام تماضر شيخ الدين عندما إلتقتك للمرة الأولى في مؤتمر فيينا ( إن لم تخني الذاكرة ) قالت أنها إنبهرت بكلامك المرتب وشعرك الطويييييييل " أو كما قالت "
Post: #40 Title: Re: إختراع ياباني عجيب لعلاج الصلع .. بكري أبوبكر والبروف أمين وصحبهم Author: عاطف عمر Date: 10-18-2012, 09:18 AM Parent: #35
Quote: من اهم البوستات في هذا المنبر ان لم يكن اهمها على الاطلاق
زادت أهميته بتشريفكم له قراءة وتداخلاً
_____________
ذات الماكينة
Post: #39 Title: Re: إختراع ياباني عجيب لعلاج الصلع .. بكري أبوبكر والبروف أمين وصحبهم Author: عاطف عمر Date: 10-18-2012, 05:31 AM