Post: #1
Title: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-23-2007, 02:33 PM
Parent: #0
فلسنا على إستعداد لـ ( شيل ) الحال ونقع الطار
ود البشرى ما خلى زوول/ة
وراوية تخصصت في ملاسي
ومعتز القريش ... سحبوا بوسته ( الخايف عليهو )
وهشام آدم ما داير ترحيبوا يضيع تحت الرجلين
وفيصل نوبي شامت في الكل
وعبدالكريم كيكي أنقذه ( حسه الأمني ) وتكتيكاته المنبرية و( التقلة صنعة )
ودا كلو علشان الناس رحبت بنسرين سوركتي
كل حسب أجندته
لذلك يا معشر القادمون الجدد والقادمات
لا تلومونا إن ( عفصنا ) لكم ولم ( نعبِركم )
فالسمعة ليست ( بعزقة )
وللإحتياط
كل من دخل حوش بكري برلوماً وبرلومة نقول له
مبارك مقدماً
وتنتهي المراسم بهذا البوست
|
Post: #2
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: تماضر الخنساء حمزه
Date: 11-23-2007, 02:41 PM
Parent: #1
عاطف انتا كنتا فارش معاهم
الغريبة ماشفتك في بيت البكاء
|
Post: #5
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-23-2007, 02:47 PM
Parent: #2
Quote: عاطف انتا كنتا فارش معاهم
الغريبة ماشفتك في بيت البكاء |
أريتا ( فرشة ) حبيبك يا تماضر
فرشة كلها ( رزانة )
البركة في المدام
الزوول يكتب ويتلفت
|
Post: #14
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-23-2007, 09:08 PM
Parent: #5
| Quote: ودا كلو علشان الناس رحبت بنسرين سوركتي |
أو من إنتحل/ت شخصيتها
|
Post: #3
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: اساسي
Date: 11-23-2007, 02:43 PM
Parent: #1
هذا .. ان صدف وكان هناك برالمة بعد الان.
ـــــــــ
في الاجمال كان الاخف والارشق علي الاطلاق في تلك المعمعة هو
((بكري نفسه))
فلم نتعود منه مطلقا علي سرعة الباسوردات بتلك الطريقة
|
Post: #6
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-23-2007, 02:57 PM
Parent: #3
غايتو يا أساسي نلتمس سماح الأخ ( بلة )
إن لم نستطيع القيام بواجب الترحيب به
بعد نيله الباسوورد ( بعد عمر طويل )
عاد ( إنبراشة ) بكري نقدر نقول فيها حاجة ؟؟
حكمة اليوم
الخواف حافظ على ( باسوورده )
|
Post: #4
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: فيصل نوبي
Date: 11-23-2007, 02:45 PM
Parent: #1
كفارة للانبراشة يا رشاشة
|
Post: #7
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: سلمى الشيخ سلامة
Date: 11-23-2007, 03:30 PM
Parent: #4
من تالاى اكتشفت انه فى ناس بكايييييييييييين جنس بكا
اوعه تكون معاهم لانك ما عودتنا البكا والنواح (الناس يقولو علينا ايه)
هى مش سوركتى الم(زيعة) فى التلفزيون ؟
اها
عرفت السبب رغم انى ما شفتها لكن شفت ال(بكية)
غايتو ننادى بضمها ايضا للحزب الجمالى
|
Post: #11
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-23-2007, 04:47 PM
Parent: #7
Quote: من تالاى اكتشفت انه فى ناس بكايييييييييييين جنس بكا
اوعه تكون معاهم لانك ما عودتنا البكا والنواح (الناس يقولو علينا ايه)
هى مش سوركتى الم(زيعة) فى التلفزيون ؟
اها
عرفت السبب رغم انى ما شفتها لكن شفت ال(بكية)
غايتو ننادى بضمها ايضا للحزب الجمالى |
الفضيحة والسترة متباريات يا سلمى
ربك ستر علينا من ( الشرشحة )
هسع عليك النبي شوفتي سوات راوية لى حسين ملاسي دي ؟؟
في زول في الأسافير كلها كان قايل حسين ملاسي يبقى عليهو كل دا؟؟؟
ومن منو ؟؟؟
راوية الوديعة ، الـ الناس تتمنى متين الكلمة تطلع منها .
ولا شوفتي ود البشرى قاعد يبتز في الناس كيف ؟؟؟
غايتو يا سلمى
صحي قول أهلنا
أصلو الجمال مسحور
|
Post: #9
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-23-2007, 04:32 PM
Parent: #4
| Quote: كفارة للانبراشة يا رشاشة |
الجاتك في ترحيبك سامحتك
لكيين بينى وبينك في ناس ماعرفوا ( أصول ) الإنبراش
من قولة تيييت فكوا آخر ( آتو ) عندهم
ناس لذيذة بشكل
|
Post: #8
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: حافظ العشا
Date: 11-23-2007, 03:43 PM
Parent: #1
Quote: وللإحتياط
كل من دخل حوش بكري برلوماً وبرلومة نقول له
مبارك مقدماً
وتنتهي المراسم بهذا البوست |
هو لكن جنس بكاء ياعاطف
بتوصفوا وسكلبتوا
وكلامك الفوق ده كفى
عشان مافى داعي للفضائح
|
Post: #12
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: Muna Khugali
Date: 11-23-2007, 05:01 PM
Parent: #8
| Quote: يا معشر البرالمة وخاصة البرلومات .... لا تحلموا بعد هذا اليوم بأى ترحيب |
مساكين والله البرالمه..
مساكين زي المولودين في عهد الأنقاذ..موش؟؟
ضاعت عليهم الحياه السمحه..والترحيبات وبوكيهات الورود اللطيفه..
تاني يتعبوا جنس تعب المساكين!
كان كتبوا كلام زول بيخش ليهم بالهين مافي..أها عدم المعرفه ماشين!
ويقعد البرلوم كر عليه.. يكتب في البوستات ساكت..زول يهببه ليه مافي..
طبعا مالناس خايف..ده منو.. وجابه منو ونعرفه كيف؟
وأها الا يقعد يتداخل بس في البوستات بحساب..اي وجهة نظر منه تلقي فيها شك عجيب..
مساكين والله..زمنا وقت كنا برالمه كان بس نقعد شهور نشوف ونتعلم من الناس..وطبعا بعد ماقدمونا
ناس وحاربونا من اول زياره ناس..
اسه ده مختلف..البرلوم المسكين يقعد كده بس يباري البوستات ومره يعلق ومره يخاف ينهروه..
امشي يا كوز..انت ذاتك الرشحك منو..
ولا أمشي انت فلان الفلاني رجعت باسم تاني..يابكري الزول ده منو..
ويا معارض الفنادق والترطيب برضه بتجيك ان كان شتمت الجماعه اياهم..
وان قمت دخلت في البوستات الخاصه بالونسه..يبقي الاتهام بالفراغ من كل الجهات التي تمت للنظام بصله..ولا تغرك الأسماء..
مسكين والله يالبرلوم..لكن ياهو ده قدرك..اتحمله وحاول تتعايش معاه..وانا لو منك..مااقدم لعضويه
اسه..دي ايام شينه شديد..لي قدام لما يجيبوا سيرتك.. يقولوا دخل المنبر أيام كان مهكور...
ولا شنو يا عاطف أخوي؟؟
|
Post: #25
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-24-2007, 06:32 AM
Parent: #12
| Quote: ولا شنو يا عاطف أخوي؟؟ |
منى خوجلي يا ملكة السيناريوهات
غايتو ( قعدتي ) الموضوع قعيد السرور
علشان أخوانا وأخواتنا البرالمة ما بيفهمونا غلط
والله الجفا ما من طبعنا
والتكشير ما من طبعنا
والتجاهل ( مش بتاع مصطفى محمود ) ما من طبعنا
لكين نسوي شنو
نرحب بحسن نية نبقى في الأعذار البتخارجنا
أنا الشئ المحيرني بوست الترحيب داك بكري سحبو
ود البشرى لقاهو وين شغال يبتز في الخلائق
|
Post: #13
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-23-2007, 06:34 PM
Parent: #8
تحياتي ود العشا
عارف يا حافظ زماااان ونحن طلبة في الجامعة كانت الطالبة ( ن . ش ) جميلة جمال ( سبحان الخالق المصور ) تقول لى نسرين دي بكل ثقة ( يا شينة ) . كانت عارفة نفسها و( إمكانياتها ) وتتعامل على هذا الأساس . كنا معاً ( ذات صدفة ) في أحد السهرات بدار الإتحاد برفقة أصدقاء مشتركين ، زميلنا ( و ) وهو أكثرنا تذوقاً للجمال مسك ليك بت الناس دي وهاك يا ( بستفة ) كلام يقيف في الحلق
" جمالك جمال لوحة ، لا روح فيه ،"
" الناس كضبتك عليك وقالوا ليك جمالك مافي وإنت عجبتك الكضبة وعشتيها "
وكلام من النوع دا، دخلنا في ضفورنا ، البت إستأذنت وغادرت . عندما وصلنا الداخلية سألناهو إن كان يعني ما يقول فرد قائلاً
" طبعاً لا . بس دا تكتيك . البت دي متعودة تسمع كلام حلو ومهما قلت ليها كلام حلو حتكون أكيد سمعت زيو وأحلى منو ألف مرة . بس أنا متأكد أول مرة تسمع فيها كلام زى دا . أشارطكم أنا حأكون قريباً من أقرب أصدقائها إليها "
وقد كان
|
Post: #15
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: انعام حيمورة
Date: 11-23-2007, 09:28 PM
Parent: #1
| Quote: الجاتك في ترحيبك سامحتك |
هههههههههههههههههههههههههههه
حلوة
|
Post: #26
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-24-2007, 06:36 AM
Parent: #15
عليك الله يا إنعام شوفتي جنس المحن دي
نرحب نبقى نفتش للتبريرات البتخارج
ما نرحب نبقى ناس وحشين وجافين
|
Post: #16
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: نصار
Date: 11-23-2007, 09:34 PM
Parent: #1
تاني الترحيبات بالجوابات و المعصور شديد
بالدي اتش ال ولا الفدكس او ما يعادلهم
في اقليم المرحب و المرحب بها lool
|
Post: #27
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-24-2007, 06:44 AM
Parent: #16
Quote: تاني الترحيبات بالجوابات و المعصور شديد
بالدي اتش ال ولا الفدكس او ما يعادلهم
في اقليم المرحب و المرحب بها lool |
عليك الله يا نصار بكري مالقى يلغي الماسنجر إلا هسع ؟؟
أهو الناس ( المغروضين شديييييد ) كان لقوا طريق ساهلة
أو درءاً للشبهات الناس ينتظر كم برلوم وبرلومة ويعملوا ليهم ترحيب جماعي على وزن الغنا الجماعي والزواج الجماعي
أهو برضو
الترحيب وسط الجماعة عرس
|
Post: #17
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: Raja
Date: 11-23-2007, 09:59 PM
Parent: #1
| Quote: يا معشر البرالمة وخاصة البرلومات .... لا تحلموا بعد هذا اليوم بأى ترحيب |
ههههههههههههههههههههههههههههههههههه
عالم جبانات بشكل ..
يا ربي متين يجينا برلوم وسيم وقيافة يخلي بنات المنبر يقيفو بالصف للتحية والكلام الحلو 
غايتو اليوم داك أنا برحًب ..
وواحدة بواحدة
|
Post: #18
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: حافظ العشا
Date: 11-23-2007, 10:03 PM
Parent: #17
Quote: وواحدة بواحدة
ده مالخيفين منو نحن زاتوووووو |
|
Post: #19
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: Raja
Date: 11-23-2007, 10:12 PM
Parent: #18
| Quote: ده مالخيفين منو نحن زاتوووووو |
هههههههه يا حافظ ..
يعني حلال عليكم حرام علينا ؟؟
أنا من دربي ده ح أحضر كم بوكيه ورد زائدا كمين بيت شعر ونرجع لأمهات الكتب بتاعت الرومانس عشان تساعدنا ..
ويا بختو غايتو أول قادم وسيم ..
تحياتي
|
Post: #20
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: رأفت ميلاد
Date: 11-23-2007, 10:30 PM
Parent: #19
تعرف يا عاطف أنا المولد كلو ما شفتو قريتو فى بوست راوية
الله ستر وكفانا شر ناس عمر سعد
|
Post: #29
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-24-2007, 11:52 AM
Parent: #20
Quote: تعرف يا عاطف أنا المولد كلو ما شفتو قريتو فى بوست راوية
الله ستر وكفانا شر ناس عمر سعد |
سلامات يا رأفت
عارف أنا من الله خلقني بحب وبشجع اللعبة الحلوة
مع هلاليتي تلقاني في مدرجات الهلال لمن كمال عبدالوهاب يطوح بفوزي الأسد أصفق ليهو الجماعة يقربوا يقطعوني .أصحابي بقوا يزوغوا مني لمن يكونوا ماشين لكورة هلال مريخ
المهم
والنصيحة لى الله
الهكر لعب لعبة حلوة
- سرق باسوورد عضوة محترمة لا يرد طلبها الأخت تماضر شيخ الدين
- إختار وجهاً جميلاً محبوباً للمشاهدين الأستاذة نسرين سوركتي
- جاء للموقع في زمن قلت فيه المواضيع الجاذبة ( على وزن الوحدة الجاذبة )
وبعد داك حصل الفيلم الشوفتو على سينما راوية العباسي
حمداً لله على السترة
|
Post: #28
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-24-2007, 08:58 AM
Parent: #17
Quote: يا ربي متين يجينا برلوم وسيم وقيافة يخلي بنات المنبر يقيفو بالصف للتحية والكلام الحلو
غايتو اليوم داك أنا برحًب ..
وواحدة بواحدة |
Quote: أنا من دربي ده ح أحضر كم بوكيه ورد زائدا كمين بيت شعر ونرجع لأمهات الكتب بتاعت الرومانس عشان تساعدنا ..
ويا بختو غايتو أول قادم وسيم |
إن شاء الله يا رجاء برلومك الوسيم دا يطلع هكر
علشان ملاسي وكل الناس الـ ( إتبستفت ) و( إتشرشحت ) هنا يخلصوا حقهم فيك
وفي أختك كمان
وترجعي تاني تغني
سينير شين جاب لينا الإحترام
ولا برلوم وسيم جاب لينا الكلام
|
Post: #21
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: ماجدة عوض خوجلى
Date: 11-23-2007, 11:19 PM
Parent: #1
وانا ياعاطف متبرعة ليك بفوق وup من عندى لبوستك علشان مايغطس وكده الباقى افهمو براك
والله انا الفقرة دى مكيافانى خلاص ، غايتو ياعاطف سعديه الله يبارك فيها دنيا واخرة بقت سبب سترة ليك
بالنسبه لي انا وحياتك تانى ذى ما قلت تعزيه فى ..تهنئه فى ..ترحيب مافى.. تثنيه مافى .. اها ايه
رايك
|
Post: #30
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-24-2007, 01:28 PM
Parent: #21
Quote: غايتو ياعاطف سعديه الله يبارك فيها دنيا واخرة بقت سبب سترة ليك
بالنسبه لي انا وحياتك تانى ذى ما قلت تعزيه فى ..تهنئه فى ..ترحيب مافى.. تثنيه مافى .. اها ايه رايك |
عارفة يا ماجدة أول رد فعل لى سعدية لمن الأعمى شال المكسر للترحيب بنسرين قالت
" شوف بالله الخفة الـ على الرجال دي ؟؟؟ هسع نسرين دي سماحتا شنو ؟؟ "
لم أعلق فـ حب الناس مذاهب .
المهم في البورد دا تاني حدنا شيل الفاتحة ، ونحضر العقد
لا ترحيب لا تثنية
الحمد لله ربك الستار سترنا فـ نية المرؤ خير من عمله
|
Post: #22
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: Shams eldin Alsanosi
Date: 11-23-2007, 11:49 PM
Parent: #1
Quote: وللإحتياط
كل من دخل حوش بكري برلوماً وبرلومة نقول له
مبارك مقدماً
وتنتهي المراسم بهذا البوست |
كلامك ده ما بخارجك يا عاطف
|
Post: #34
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-24-2007, 07:26 PM
Parent: #22
| Quote: كلامك ده ما بخارجك يا عاطف |
أين المفر يا أبوالشموس ؟؟
نرحب يشيلو حالنا ونبقى كبكابة ورشاشة ودشداشة
ما نرحب نبقى دغيلين وكشرين
( دشداشة مفردة خليجية تعني جلابية .... بس مش زى جلابية ناس بشاشا وتراجي )
|
Post: #23
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: AMNA MUKHTAR
Date: 11-24-2007, 00:14 AM
Parent: #1
Quote: أريتا ( فرشة ) حبيبك يا تماضر
فرشة كلها ( رزانة )
البركة في المدام
الزوول يكتب ويتلفت |
عداك العيب يا شقيق..
انت ما بتقع الا واقف..
مكشوف عنك الحجاب.
|
Post: #35
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-24-2007, 07:31 PM
Parent: #23
Quote: عداك العيب يا شقيق..
انت ما بتقع الا واقف..
مكشوف عنك الحجاب. |
وييينك يا أمونة يا شقيقة ويا قريبة
وعداك إنت ألف عيب يا صنديدة
( مش تقولي ما عاوزة ألقاب منبرية ... نلقب على كيفنا )
بيني وبينك يا آمنة بون شاسع بيننا وبين المكشوف عنهم الحجاب
|
Post: #24
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: Alsa7afa_30
Date: 11-24-2007, 01:17 AM
Parent: #1
عاطف عمر
نعم للترحيب ..
ولا للدردقة و الإندلاق و الشنقلة
|
Post: #36
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-24-2007, 07:41 PM
Parent: #24
Quote: نعم للترحيب ..
ولا للدردقة و الإندلاق و الشنقلة |
غايتو يا صحافة يوم نسرين دا يوم تاريخي للمنبر
الناس دي جواهم شعراء خريجي وادي رومانس ( على وزن وادي عبقر )
غايتو لو طلال عفيفي نام بموضوع هكر تماضر دا يومين زيادة لحتاج بكري لأطنان من الباندوث ( إن شاء الله يكون الإسم صحيح )
ولو الرومانسية الـ ( المدلوقة ) اليوم داك عممت على الأعضاء لما تشاجر إثنان
|
Post: #31
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: إسماعيل التاج
Date: 11-24-2007, 01:42 PM
Parent: #1
هههههههههههههههه
غايتو يا باشمهندس ترحيبك دا خليهو الـ Template بتاعك بس غيـَّـر الإسم حسب الحالة.
دا في الهندسة إسمو (المخارجة الساهلة).
تحياتي يا عاطف وكل فوج برالمة وأنت بخير.
|
Post: #37
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-24-2007, 07:50 PM
Parent: #31
| Quote: غايتو يا باشمهندس ترحيبك دا خليهو الـ Template بتاعك بس غيـَّـر الإسم حسب الحالة. |
يا مولانا سمعة
والله مشتاقين وسلامات
ياخوى ترحيب شنو؟؟؟
مش كل مرة تسلم الجرة ( على رأى أخوانا المصريين ) .
دا يا حبيب الباب زااااااتو البيجيب الريح | Quote: دا في الهندسة إسمو (المخارجة الساهلة). |
بل وإنت الصادق إسمو في القانون ( لعدم كفاية الأدلة )
|
Post: #32
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: محمد البشرى الخضر
Date: 11-24-2007, 01:51 PM
Parent: #1
والله يا عاطف حسستني بالذنب
وللأمانة لو ما كنت زرتنا ما كنت حأبتزاك أو أشيل حالك
الموضوع دا حدو الأرشفة وبيتنسي
أبدا ما تسيب الترحيب السمح و الإستقبال الدافئ للأعضاء الجدد
عشان الهكر دا ما يتبجح و يقول عملت حاجة
|
Post: #38
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-25-2007, 05:22 AM
Parent: #32
| Quote: الموضوع دا حدو الأرشفة وبيتنسي |
يتنسي وين يا جكسا ؟؟؟
زميلنا عثمان محمد صالح - رد الله غربته- كان له أقوال مأثورة
من ضمن أقواله بأن " للمنبر ذاكرة لا تنسى " أو شئ هذا القبيل
قلت لى حدو الأرشفة وبيتنسي ؟؟؟
ياخي يوم نسرين دا يوم زي أيام العرب ديك يوم ذي قار ويوم شنو كدا ما بعرفو
ودالبشرى
أخدناهو موقف واضح
حدنا في المنبر دا شيل الفاتحة
وحضور ومباركة عقد القران
إنت ما سامع بكري بيقول الكلام المكتوب دا للأجيال القادمة ؟؟؟
إنت عاوز أحفادنا يقولوا علينا شنو ؟؟
|
Post: #33
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: waleed dawash
Date: 11-24-2007, 02:13 PM
Parent: #1
الاخ عاطف
تعرف بعد الحصل ده من بكا و انبراش( و الحمد لله ما انبرشنا و اتكبكبنا) انا عندي
اقتراح للاخ المنبرش الاكبر سيد الحوش (دي عشان بعدين لو جابت ليها زنقه و مضايره الواحد يعرف يتخارج)
الاقتراح.... اضافة خاصية او ميزة اخفاء ال nickname زي اخفاء الرقم...
و تستخدم هذا الخاصيه في حالة الترحيب بالجدد....
طريقة الاستخدام...
اخفاء ال nickname عند الترحيب بالاعضاء الجدد..
و تخش و انت مطمئن و في حالة الجنس اللطيف تكب الحنك و تنبرش وتتدردق زي ما داير .. وتقيف بعيد
تعاين .. كان الشغله طلعت مهكره ولا فيها اي هوا ... تعمل ميت و تتغابى العرفه ....
اها كان طلعت حقيقه تشغل خاصية اظهار ال nickname و ترجع و تحكي ظروفك وتتم الانبراشه
و ما تنسى تقدم فروض الولاء و الطاعه..
|
Post: #39
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-25-2007, 10:18 AM
Parent: #33
Quote: انا عندي اقتراح للاخ المنبرش الاكبر سيد الحوش (دي عشان بعدين لو جابت ليها زنقه و مضايره الواحد يعرف يتخارج)
الاقتراح.... اضافة خاصية او ميزة اخفاء ال nickname زي اخفاء الرقم...
و تستخدم هذا الخاصيه في حالة الترحيب بالجدد....
طريقة الاستخدام...
اخفاء ال nickname عند الترحيب بالاعضاء الجدد..
و تخش و انت مطمئن و في حالة الجنس اللطيف تكب الحنك و تنبرش وتتدردق زي ما داير .. وتقيف بعيد تعاين .. كان الشغله طلعت مهكره ولا فيها اي هوا ... تعمل ميت و تتغابى العرفه ....
اها كان طلعت حقيقه تشغل خاصية اظهار ال nickname و ترجع و تحكي ظروفك وتتم الانبراشه |
تحياتي يا وليد
ما تخليك زينا في الـ Safe Side ، إنت شايف بكرة الخواص الموجودة يلغي فيها واحدة وراء الثانية ، لغى الماسنجر ولغى قائمة المتواجدين الآن وبكرة ما عارفوا حيلغي شنو . نقوم نقول ليهو اعمل خاصية جديدة لإخفاء الـ nickname
يا راجل دا إسمو كلام ؟؟
إنت عاوز بكري يقول علينا شنو ؟؟
|
Post: #40
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: بابكر عثمان مكي
Date: 11-25-2007, 11:31 AM
Parent: #39
العزيز عــاطـف عـمر
بمناسبة الانبراش ده
تذكرت صديق له هذه الخاصية
كان يجلس معى فى مطعم اللامركيين بالخرطوم لا ادرى هل هذا المطعم موجود الآن ام لا
وكان ان بدأنا الاكل
فقدمت حسناء اعرفها فسلمت عليها وتحادثنا قليلا
وفى اثناء ذلك لاحظت ان صديقى بيصوت فى الشوربة بقلم الحبر الجاف الخاص به بدلا" عن ال الملعقة
انعل ابو ده تكسر ده .
لكن ياخوى ياعاطف ... فى جمال كدة (يدخلك فى جفن مقلة ويطعنك برمش حاد )
تحياتى
|
Post: #41
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-25-2007, 08:51 PM
Parent: #40
يا زيكو
والله سلامات
ياخ دا كان فيلم لذيذ بشكل
في دقائق ظهرت رومانسيات
وأعضاء زعلانين نسوا زعلهم
وأعضاء تقيلين ظهر أنهم وزن الريشة
وأعضاء نفعهم ( القوات الصديقة ) المرابطة معاهم
وآنسات باركن وعينن للـ ( شناف )
وأخريات يجو يباركوا عشان يشوفو الجاء منو والـ ما جاء منو
وكلهم
لمن ظهر عمك الهكر
بدو يتعذروا
أها .... باين ليك في طريقة الزول يتورط تاني ؟؟؟
تخريمة
أنا زات نفسي معاهم
|
Post: #42
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: نهلة عمر
Date: 11-26-2007, 02:54 PM
Parent: #41
سلام خاص لعاطف وكل المنبرشين
معليش برشة تفوت ولا حد يموت
|
Post: #43
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-26-2007, 09:03 PM
Parent: #42
إزيك يا نهلة
سوف يسجل التاريخ المنبري لك أنك البرلومة الأولى التي كسرت ( إعتصامنا ) الترحيبي
لقد بدأ التخاذل حبيبنا نصار
وحيث لم نجد في أنفسنا شجاعة مخالفته فأتينا بعد قراءة المعوذات من الهكر الحايم
ورجاء العباسية التي كانت في إنتظار الترحيب بـ ( برلوم وسيم ) جهزت حالها له بالورود و( مذاكرة ) مقررات الرومانس في الشبكة العنكبوتية . فجاءتك تقدم رجلاً وتؤخر الثانية كما ( تمشي الوجي الوحل ) أو بالدارجي ( القيد حرن ) .
|
Post: #44
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: نادية عثمان
Date: 11-26-2007, 09:15 PM
Parent: #43
الحمد لله ان جعل دخولنا الى المنبر ايام .. الاستقرار .. واللاهكر ..والصفا والرخا وجوز الحمام تلاتة فرد
|
Post: #45
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-26-2007, 09:26 PM
Parent: #44
| Quote: الحمد لله ان جعل دخولنا الى المنبر ايام .. الاستقرار .. واللاهكر ..والصفا والرخا وجوز الحمام تلاتة فرد |
ويييينك يا نادية ؟؟
ما تقولى لى فيلم ( نسرين قيت ) فاتك ؟؟
غايتو دا لو عرضوهو في سينمات القاهرة ، يخلي محمد هنيدي يدور على ( الوظائف الخالية ) .
هيييييييع يا نادية
فكرتيني بزمنا السمح
الواحد يرسل المداخلة كلها ( شكل ) لمن يتصفحها بعد الإرسال يلقاها انكتبت ( المسامح كريم )
|
Post: #46
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: Muna Khugali
Date: 11-27-2007, 00:25 AM
Parent: #45
يا جماعه ماتفرحوا ساكت..
الهكر قاعد..يرتاح شويه ويجي تاني..
ما تطمئنوا شديد...
نوع افلام اثاره وكده يا عاطف
|
Post: #49
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-27-2007, 12:57 PM
Parent: #46
Quote: الهكر قاعد..يرتاح شويه ويجي تاني..
ما تطمئنوا شديد... |
المرة الجاية يا منى أى واحد يكتب طلب تزكية نرجع للإرشيف بتاعو ونشوف اللغة البيكتب بيها كيف ونقارنا وبعد دا حـ ( نزوغ ) من التثنية
أما الترحيب دا إلا الشديد القوي أو يمشي واحد زى نصار ويعطينا الأمان
ماجدة قالت مافي تاني ترحيب قبل مرور ستة أشهر
لكين بيني وبينك
الهكر كشف لينا حاجات مستخبية لذيذة بشكل
|
Post: #47
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: نادية عثمان
Date: 11-27-2007, 01:16 AM
Parent: #45
| Quote: ويييينك يا نادية ؟؟ |
والله مشغوووووووووولة وكمان الأيام دى اخر سنة وعزرائيل قاعد يقفل فى ملفات اخر السنة بالنسبة لعيلتنا والله بين عمى وحبوبتى عشرة دقائق ماتوا وطلعوا العنقريبين سوة تتخيل ؟!!
| Quote: ما تقولى لى فيلم ( نسرين قيت ) فاتك ؟؟ |
هى لكن المخرج بتاعكم هنا (بكرى) بدينا فرصة نشوف حاجة ؟؟ جيت لقيت اثار سوركتى وشئ فهمتو وشئ مافهمتو ياخ !!(وجه كاتلو شمار البوست الراح )!!
Quote: هيييييييع يا نادية
فكرتيني بزمنا السمح
الواحد يرسل المداخلة كلها ( شكل ) لمن يتصفحها بعد الإرسال يلقاها انكتبت ( المسامح كريم ) |
ااى والله .. كان زمن سمح .. هسة بقينا نخاف نرحب بى زول يطلع هكر ويمسخرنا ساى !!
|
Post: #48
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-27-2007, 04:08 AM
Parent: #47
تحياتي يا نادية
رحم الله عمك وحبوبتك وأسكنهم فسيح جناته وألهمكم صبره الجميل . تعازينا للأسرة .
أما عن فيلم ( نسرين قيت ) الذي قطعه المخرج فهاهى راوية العباسي تحكيه لك
Quote: نزل بوست باسم تماضر واول ملاحظة فيهو كاتبة مذيعة بالزاي (مزيعة) وكمية من الغلطات (المطبعية ) التانية والغريبة انه اول زول اتداخل نبه للحكاية دي لكن الهكر اكلو حنك ساكت . بدوا يتقاطرون للبوست زرافات ووحدانا واظن السياسة في البورد اليومين ديل الشفافية والوضوح قال ليك الغزل كان صريح وعلى المفتشي وطبعا العندهم زوق مانسوا ينفحوا تماضر بكمين كلمة كدا على شاكلة (جاية من زول عزيز وشوف بالله منو ومزكي منو والبجي منك ياتماضر مرحب بيهو وحاجات كدا) لكن الاهم الاندراشة
والله اندرشوا اندراشة
اها طبعا تراجي على حسب الكونتراكت لازم تزور اي بوست ودا كمان عندها فيهو موضوع. الا وهو انه كيييييييف تماضر تعرف ناس زي نسرين سوركتي بتاعة القناة المشبوهة- الغريبة(غريبة لي ماعارفة) حسة فاتحة لي تماضر (انفستقيشن) عشان تتأكد تماما من خلوها من شبهة معرفة نسرين سوركتي . ماعلينا ....
نجي لي حسين ملاسي
طبعا دخوله في بوست زي دا في الاحوال العادية وقبل ماتجيهو الحالة كان عشان يتصيد غلطة ولا يعلق على مداخلة زول ولا عشان يسأل ليهو واحد من اسئلته الغياظة ديك ... لكن مسكين على قول كيكي دخل وقعد يتكبكب كبكبة وعرقه سال واتبشتن ومالقى المنديل في جيبه المهم يا الله ويامين عرف باب البوست بي وين ومرق.
اما بكري
غايتو الله بريدو عشان البورد حقو وبيقدر يحذف زي ماهو عاوز ... رسل الباص وورد في ثانية لا بل في تلاتة ارباع الكسر من الثانية ودخل ليك الهكر بمزاج
المهم بعد طلال نزل بوسته واكتشفت الحقيقة عمل ليك باك اب لنفسه ومسح اثار الحكاية ونزل بوست الهكر واللصوص في محاولة غير ناجحة للتعتيم على الموضوع
نجي لاساسي وعمر الفاروق
طبعا عملوا مامتوقع منهم بالظبط .
وليد المبارك كان عنده مشاركات فعالة ودا ماغريب عليهو حسب ماعرف عنه من خفة ولفافة
اكتر حاجة غايظاني انه نوبي مادخل مع انه الوضع الطبيعي ليه كان هناك
باقي الشباب جديدين علي ومابقدر اتذكر مواقفهم كلها لكن ماقصروا ... تب ماقصروا |
وعشان تشوفي شيل الحال والإبتزاز عليك ببوست ود البشرى الذي وثق الحادثة
إبتزاز ...وشيل حال
تحياتي للأمورة
|
Post: #50
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: shammashi
Date: 11-27-2007, 01:23 PM
Parent: #48
| Quote: كنا معاً ( ذات صدفة ) |
ما قلتو نوبة؟
لكن برضو ما بتحلك.
عارف يا هندسة أنا جيت جاري وعايز أرحب وبعد عملت Click على أضف رد، نزل علي وحي من السماء وقال لي يا خي خلي سجيمان يرحب في الأول بعدين إنت خش.
الحمد لله سجيمان مرقنا من الابتزاز والبهدلة.
|
Post: #51
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: غادة عبدالعزيز خالد
Date: 11-27-2007, 01:36 PM
Parent: #50
يعني يا عاطف إنت كنت من إياهم
أنا عن نفسي كنت مسافرة وفاتني الفلم كلة
جيت لقيت مجموعة من البوستات وضحك وإسم نسرين سوركتي حايم
يا جماعة، في شنو؟ وبقيت بسأل وأتصل علشان أفهم..
هييييه... لكن ما عارفتك منهم إلا حسة..
ده نظام بيدي ولا بيد عمرو ولا شنو؟
سلامات للأسرة الكريمة
مودتي
غادة
|
Post: #52
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-27-2007, 08:26 PM
Parent: #51
Quote: يعني يا عاطف إنت كنت من إياهم
أنا عن نفسي كنت مسافرة وفاتني الفلم كلة
جيت لقيت مجموعة من البوستات وضحك وإسم نسرين سوركتي حايم
يا جماعة، في شنو؟ وبقيت بسأل وأتصل علشان أفهم..
هييييه... لكن ما عارفتك منهم إلا حسة.. |
سلاماااااااات ياغادة
هو فيلم لا يتكرر كثيراً
أجمل ما فيه
ظهر الغايبين و( خفف ) التقيلين
بالمناسبة
أهديك هذه الطرفة
زميلنا في الجامعة ( .. ) كان لا يؤمن بالمظاهرات كـ ( وسيلة ) للتعبير وكان يرى أنها غوغائية لا تليق بالمتحضرين . وظل على إعتقاده هذا أول أربع سنين في الجامعة . ونحن في السنة النهائية تغير صاحبنا 180 درجة وصار من هواة المظاهرات في أى كلية ولأى مطالب المهم يشترك وحبذا لو كان فيها بوليس وضرب بالبمبان . صور لنا ( غرورنا ) أنه قد تأثر بنا وفاتنا كالـ ( علموه الشحدة وسبقهم على الأبواب ) . في لحظة صفاء سألناه عن هذا التغير وما دورنا فيه فأجابنا إجابته الطريفة
" ما تتخموا في روحكم ساى ... القصة ومافيها إني تنبهت لكوني حأتخرج نهاية السنة دي وأغادر الجامعة ربما بلا عودة وما عندي أى ذكريات أحكيها بعدين لأولادي .. فقلت أشترك في المظاهرات دي عشان فيها مادة خصبة ( للبطولات ) "
ما تغيبي كتير
|
Post: #53
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-27-2007, 08:34 PM
Parent: #50
Quote: عارف يا هندسة أنا جيت جاري وعايز أرحب وبعد عملت Click على أضف رد، نزل علي وحي من السماء وقال لي يا خي خلي سجيمان يرحب في الأول بعدين إنت خش.
الحمد لله سجيمان مرقنا من الابتزاز والبهدلة. |
كيفك يا شماشي
عرف كتيرين خلاص الكانوا منتظرين رد فعل سجيمان
بعضهم مشفق على ( نسرين ) ما تطفش من أول بوست
وبعضهم كان يريد معرفة ( مدى ) تكسر سجيمان في الجمال
وبعضهم ( وأظنك منهم ) كان يريد أن ( يأخد راحتو ) في الإنبراش ، حيث أن بعد كلام سجيمان ( المنتظر ) سوف تبدو أى ( إنبراشة ) كأنها ( طبطبة )
حكمة البوست
الإنبراش بالنيات
|
Post: #54
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: shammashi
Date: 11-28-2007, 04:39 AM
Parent: #48
| Quote: كنا معاً ( ذات صدفة ) |
ما قلتو نوبة؟
لكن برضو ما بتحلك.
عارف يا هندسة أنا جيت جاري وعايز أرحب وبعد عملت Click على أضف رد، نزل علي وحي من السماء وقال لي يا خي خلي سجيمان يرحب في الأول بعدين إنت خش.
الحمد لله سجيمان مرقنا من الابتزاز والبهدلة.
|
Post: #55
Title: Re: يا معشر البرالمة وخاصة البرلومات .... لا تحلموا بعد هذا اليوم بأى ترحيب
Author: عاطف عمر
Date: 11-28-2007, 09:58 AM
Parent: #54
يا شماشي ركز معانا شوية
أمس نزلت مداخلتك دي وردينا عليها
الإنبراش ليك شنو ؟؟؟
|
|