Post: #1
Title: وبدا الحجز على توزيع فلل القريه الرئاسيه...صور تفضح التكالب الاعمى...!
Author: عصمت العالم
Date: 01-26-2006, 03:14 PM
Parent: #0
فلل القريه الرئاسيه..التى انشئت على مستوى فنادق 5 نجوم.تلألأ فى سماء الخرطوم..مع عقد 5 سنوات لشركه عاليمه لتقديم الخدمات فيها.مع كل بهارجها وما فيها...بدات حملات الالتفاف والحجز كى يتم استعمالها استعمالا شخصيا..فى باطنه تمليك بكل الخدمات العالميه..وطواقم الامن المستورده لحراسة المكان ومع سياراتها وكل توابعها...ويبدو ان هنالك اكثر من جهة ومن موقع ومن مجموعه...وهنالك اقتراح بعمل سحب على نظام اللوترى لحسم خلافات التوزيع...
ادارة هذا السحب مختلف عليها بحجة ان هنالك احتمال للتلاعب لان بعض الرؤوس قد وضعت مع بعضها فى اتفاق سرى بى شيلنى .واشيلك....
وهكذا بدات حملة تقسيم الغنائم....
والجدير بالذكر ان تكلفةالعرس الافريقى لكل شى بداية من انشاء الفلل واثاثاتها وكل بهارجها والمؤتمر والجزئيات قد بلغ 3 مليار دولار..ليوم وليله..
والشعب المسحوق يتضور جوعا ومرضا ويزداد فقرا..
صور بليغة ..لفساد الافساد...
|
Post: #2
Title: Re: وبدا الحجز على توزيع فلل القريه الرئاسيه...صور تفضح التكالب الاعمى...!
Author: ناصر محمد خليل
Date: 01-27-2006, 04:27 AM
Parent: #1
الأخ عصمت
تحياتي
هلا أفدتنا بالمصدر الذي إستقيت منه هذه المعلومات ؟
ناصر
|
Post: #3
Title: Re: وبدا الحجز على توزيع فلل القريه الرئاسيه...صور تفضح التكالب الاعمى...!
Author: عصمت العالم
Date: 01-27-2006, 02:16 PM
Parent: #2
العزيز ناصر..
بعد كل ما حصل..هل نحتاج الى مصادر..؟
ما الامور واضحه كشروق الشمس...
عميق التقدير
|
Post: #4
Title: Re: وبدا الحجز على توزيع فلل القريه الرئاسيه...صور تفضح التكالب الاعمى...!
Author: jini
Date: 01-27-2006, 02:25 PM
Parent: #3
| Quote: والشعب المسحوق يتضور جوعا ومرضا ويزداد فقرا.. |
جنس حسادة!
يعنى لا ترحموا لا تخلوا رحمة الله تنزل!
هسة الفلل دى كان أدوكم ليها بتعرفوا تعيشوا فيها!
سووها ليكم عشان تتفرجوا فيها كمان عاوزين تسكنوا فيها شوف الفلهمة عريان ولابس صديرى!
جنى
|
Post: #5
Title: Re: وبدا الحجز على توزيع فلل القريه الرئاسيه...صور تفضح التكالب الاعمى...!
Author: Ahmed Abdallah
Date: 01-27-2006, 04:34 PM
يا جني أكتب المثل كامل
|
Post: #6
Title: Re: وبدا الحجز على توزيع فلل القريه الرئاسيه...صور تفضح التكالب الاعمى...!
Author: Ahmed Abdallah
Date: 01-27-2006, 04:44 PM
Quote: هسة الفلل دى كان أدوكم ليها بتعرفوا تعيشوا فيها!
سووها ليكم عشان تتفرجوا فيها كمان عاوزين تسكنوا فيها شوف الفلهمة |
يا جني كلامك ده بذكرني خطبة الزبير محمد صالح المشهورة لمن زار قرية بالشمالية وطالبه أهل القرية بمكافحة الناموس في القرية الناتج من الزراعة وتفشي الملاريا ..
قال ليهم
الناموس الياكل لحمكم والملاريا التكسر عضامكم أنا أقول ليكم عندنا مشروع حضاري تقولوا لي ناموس ...
|
Post: #7
Title: Re: وبدا الحجز على توزيع فلل القريه الرئاسيه...صور تفضح التكالب الاعمى...!
Author: hajhamad
Date: 01-28-2006, 02:14 PM
Parent: #1
الأخ / عصمت
تحياتي
ذكرت  والجدير بالذكر ان تكلفةالعرس الافريقى لكل شى بداية من انشاء الفلل واثاثاتها وكل بهارجها والمؤتمر والجزئيات قد بلغ 3 مليار دولار..ليوم وليله..)
و ذكرت : (بعد كل ما حصل..هل نحتاج الى مصادر..؟)
نعم نحتاج لمصادر ما دام انت ذكرت مبلغ محدد من حقنا نسأل عن المصدر ، لو قلت التكلفة عالية مقبولة لكن ما دام حددت 3 مليار دولار .. ليوم و ليلة .. من حقنا نسأل من المصدر يا ح يجي واحد يقول ليك لا التكلفة أقل و دا مبلغ خرافي! و ما ح تقدر تسألو عن مصدرو و كل واحد يتكلم علي كيفو! و يكون كلامك دون مصدر وفي الحالة دي يكون البوست محتوي على معلومات تحتاج لتصحيح
لك ودي
|
Post: #8
Title: Re: وبدا الحجز على توزيع فلل القريه الرئاسيه...صور تفضح التكالب الاعمى...!
Author: ود شاموق
Date: 01-29-2006, 02:21 AM
Parent: #1
| Quote: بعد كل ما حصل..هل نحتاج الى مصادر..؟ |
typical sudanese
|
|