الحقونا ووب علينا يا جماعة النجدة !!! وا سيجيماناه ! وا خضراه ! وا شوفى بدراه ! واعمراه !

يا جماعة الخير ما تشوفوا العكات العجاجها لاوى دى تهديئوها !!!

المنبر مولع نيران ومافى حجاز والناس تشيل وتترود فى الحطب !!دا كلام ? حليل السودان ???

يا أخوانا الناس أكلوا بعضهم والكلام دا عيب فى حقنا !

ونحنا الساس

ونحنا الراس !!


والله أفىء عليكم مافى زولا عاقل يوقف العوا دى أصلو ???

ست البنات .

ست البنات

العوا ان بقت في بوستاتك... قطع شك ندخل ونسكت الناس..... لكن ان بقت في بوستاتن اُخر... اعفيني.. اقوم ادخل ويبقى في زول لابد لي وكايس لي من زمااااان...ويسوي نفسو داير يضرب رفيقو يقوم يضربني انا.....وبعدينك انتي ما شفتي زمان سوو علي كيفن....علا بس انا بقيت شديد ولضيض في عمري دا

سيجيمان أخوى
سلام مربع !
سيى فوقك أ المبروك وماك الفافنوس وماك الغليد البوص !
وأم الخير الليلى ان بقت قرت الكلام دا عيلى تسويلك شيعيرية !!
خلى الناس الجابو سيرة ضميرك يقروا الكلام دا !
يا مقنع الكاشفات ويا عشا البايتات !
عارفاك ماب تتخازل وماب تهاب الناس البشعى !
يا القعوت حمال الشيل !
الله يخليك للمنبر
كستردو
و
جبخانتو
---
ست البنات .

Quote: سيى فوقك أ المبروك وماك الفافنوس وماك الغليد البوص ! وأم الخير الليلى ان بقت قرت الكلام دا عيلى تسويلك شيعيرية !! خلى الناس الجابو سيرة ضميرك يقروا الكلام دا ! يا مقنع الكاشفات ويا عشا البايتات ! عارفاك ماب تتخازل وماب تهاب الناس البشعى ! يا القعوت حمال الشيل !

دا منو دا سي جي مان

راما
الله عليك ,
ٍسلام ،
مالو سيجيمان ?
ما تودر عليهو الشعيرية ساكت !
عليك الله اسكت لامن ياكل .


انت ما شوفت الفور قالوا فوقو شنو ?

عليك الله خلو الياكل الشعيرية اللتو دى ما تمسخا عليهو شى !
وشكرا
ست البنات .

البوست ده حصل ليه شنو ردودنا وين
ولا شالتا العوة
24-12-2004, 01:42 م

Muna Khugali


.

تاريخ التسجيل: 27-11-2004
مجموع المشاركات: 193
Re: الحقونا ووب علينا يا جماعة النجدة !!! واه سيجيماناه !!!! (Re: ست البنات)

malik ya di, hajemteeni
one thing you have to know about this board, many people here cannot live without fighting others, and do not be cheated with the first two beautiful sentences in
the beginning of any post, soon they will turn to gross insults,

Muna





24-12-2004, 01:49 م

benyya


.

تاريخ التسجيل: 09-03-2003
مجموع المشاركات: 361
Re: الحقونا ووب علينا يا جماعة النجدة !!! واه سيجيماناه !!!! (Re: Muna Khugali)

ستنا

يا ستي ان شاء الله فتره و تعدي

ونصيحه ما تحاولي تدخلي لانه اذا فكرتي تدخلي حتلقي روحك جزء من المشكله

عامل زي الرمال المتحركه



لكن زي ما قلت ليك

ان شاء الله القلوب حتصافي قريب والمياه تعود لمجاريها

ما تقلقي

بس قولي

اميييييييين



اختك البنيه





لى قدام





24-12-2004, 03:30 م

عماد عثمان


.

تاريخ التسجيل: 26-11-2004
مجموع المشاركات: 62
Re: الحقونا ووب علينا يا جماعة النجدة !!! واه سيجيماناه !!!! (Re: benyya)

ست البنات أختى
من قراصتك السخنة ده
أدينا منها حرف وفى
باقى فحيماتك المولعة
ده شد لينا كباية شاى
صاموتى باقى أخيك
جعان بالحيل ومدقريف شديد





24-12-2004, 03:52 م

خضر عطا المنان


.

تاريخ التسجيل: 13-06-2004
مجموع المشاركات: 1605
Re: الحقونا ووب علينا يا جماعة النجدة !!! واه سيجيماناه !!!! (Re: عماد عثمان)


Quote: الحقونا ووب علينا يا جماعة النجدة !!! واه سيجيماناه !!!!








غايتو الله يكضب الشينة آ.... ست البنات ..

والله أنا شفت عنوانك دا قلت قطع شك قشيران دا يكون ظهر
عندكم بى غادي !!! وقبال أقرأ تفاصيل انسانتيك الندية دي
في البوست .. كبرت وطوالي كارنتا عكازي المو خمج وأتحسست
سكيني ديك المن ضراعي ما بتمرق زي ماعارفة ياست البنات..
وبراحة اتدبيت زي مارق لابرا كدي ..وأفتحلك باب الشارع وأنا
أنضم براي بايديا وكرعيا .. يعني هرجي شديد !!! وأسوي الليلي
(( وقعت سودا يا قشيران .. كمان بقيت تزور الناس الامنة
في بيوتها بعدما لوعت أختنا المسكينة ام الخير يوم كنت تجيها
طاشم انصاف الليالي !!!.

لكن الحمد لله بعد ما لقيت أي زول هناك ولا حتى خيال قشيران
ذاتو .. تراني رجعت بكامل عدتي وعتادي سالماغانما!!
وحمدت الله انو لا اسع في ناس في الدنيا حلالين مشاكل بدل
سياسة المديدة الحارة الهنا دي !!!!.

سلام ليك ومعاك مجنون الشاي الصامودي دوما دا الولد
الاسمو عماد عثمان .

واحتياطي يا ست البنات ياختي والظروف ماها معروفة
عكازي ياهو دا تحت فرشي في أي لحظة انا جاهز !!!.


خضرعطا المنان





24-12-2004, 04:06 م

عماد عثمان


.

تاريخ التسجيل: 26-11-2004
مجموع المشاركات: 62
Re: الحقونا ووب علينا يا جماعة النجدة !!! واه سيجيماناه !!!! (Re: خضر عطا المنان)

خضر الزين ود عمى المنان
انا متلك الكلام من الأول
ما دخلى لكن وقت وصلتى
لقيت البلد فى أمن وأمان
شربت شاى الصاموتى ومرق





24-12-2004, 07:30 م

سجيمان


.

تاريخ التسجيل: 03-10-2002
مجموع المشاركات: 6047
Re: الحقونا ووب علينا يا جماعة النجدة !!! واه سيجيماناه !!!! (Re: ست البنات)



ست البنات

العوا ان بقت في بوستاتك... قطع شك ندخل ونسكت الناس..... لكن ان بقت في بوستاتن اُخر... اعفيني.. اقوم ادخل ويبقى في زول لابد لي وكايس لي من زمااااان...ويسوي نفسو داير يضرب رفيقو يقوم يضربني انا.....وبعدينك انتي ما شفتي زمان سوو علي كيفن....علا بس انا بقيت شديد ولضيض في عمري دا

ما عدا ذلك:-

لبيك اختاه لا وبٌ عليكي و لا ُكرُ

انا الهزبر اذا احتدم الوغى

اتمنطق الدوكريُ...ولي عكازٌ اجرو

لا اتلبدُ كديسةً..اذا ما العكة وقعت

الاقط من الاقط... واخانق من اخانق

حشاي ما اعض طرف جلابيتي وافرُ





24-12-2004, 07:38 م

ود الشيخ


.

تاريخ التسجيل: 15-06-2003
مجموع المشاركات: 980
Re: الحقونا ووب علينا يا جماعة النجدة !!! واه سيجيماناه !!!! (Re: ست البنات)





ست البنات (الكباسين) لقاك وين
كما عرفتي الكباسين اسألي عادل





24-12-2004, 07:49 م

ست البنات


.

تاريخ التسجيل: 02-10-2002
مجموع المشاركات: 319
Re: الحقونا ووب علينا يا جماعة النجدة !!! واه سيجيماناه !!!! (Re: ست البنات)

الأخوات،
منى خوجلى
بينيا
الأخوان ،
عماد عثمان
خضر سيجيمان
ود الشيخ
شكرا لهبتكم لى نجدة البيكورك يا أبو مروة
ودياركم ان شاء الله ما تخرب !
وياكم ناس الحارة!
والمنبر الله يهدئ سرة ويطفئ نيرانه .
ست البنات .

ست البنات انت عارفة شكرتي منو فوق
دا سجيمان عدو للمرأة والتقدم وعنصري كمان وباسلوب حقير وادب رخيص ، بتعرفي -أدب النوكة- دا مصدر ثقافة السيد العربي ذو العترة الالهية ، اذا انتي شكرتيه وانتي على علم بما يكتب فانت تسانديه ومحسوبة معاه ولا شك . واذا كانت جات على جهل اطالبك ان تراجعي بوستاته الكلها (....9 ) وتورينا رايك ، لانو نحنامفروض ما نفسد بعضنا بتزيين الشينة ليهم ، زي سجيمان دا كان اول انسان محترم وحب الناس ليه-انا كنت منهم - خلاها اضرب من طرف ارجو ان تكون المساندة في الخير وليس تشجيعا على الشر ، وحسي حيمشي اعمل عني بوست من الاياهم المن الصرة ولتحت -شمار جديد ، لكن في سبيل الحقيقة يا جبل ما بتهزك ريح . ارجو ان تكوني سكينة التى اعرفها والتى لا تخاف في الحق لومة لائم .

اسفة لجلب النكد لعندك يا سكينة ، بس اياه دا السودان !! نعمل شنو ؟؟ وتعرفي قوى الظلام دي لابد من مواجهتها كابسط الايمان ، اذا ما بحمل السلاح بوقفتنا مع الحق كما قال احدهم ( اذا كنت لا تستطيع ان تقاتل مع على فلا تقف مع معاوية )
مع كل الود

بت فاطنة

Quote: سيجيمان أخوى سلام مربع ! سيى فوقك أ المبروك وماك الفافنوس وماك الغليد البوص ! وأم الخير الليلى ان بقت قرت الكلام دا عيلى تسويلك شيعيرية !! خلى الناس الجابو سيرة ضميرك يقروا الكلام دا ! يا مقنع الكاشفات ويا عشا البايتات ! عارفاك ماب تتخازل وماب تهاب الناس البشعى ! يا القعوت حمال الشيل ! الله يخليك للمنبر كستردو و جبخانتو

تسلمي يا ست البنوت لي حدهن....من حلفا لي نمولي ومن نمولي لي حلفا....يا القمرا البوبت في كبايت الليل.. يا القصيبة القايمة مخدرة فوق مزالق السيل....ان جينا للفراسة ياكي مهيرة ..وان جينا للسماحة سماحتك مقالة..... ماها دايرا لها رفع ضو.... يا الضو انتي.........

ود الشيخ أخوى !!!!
سلام ،
الحكايى شنى ???
البوست اللهطو منو ???
دى دايرالها طققان كواريك وطلب نجدة كبيرى ضمه ضمه !!!
والله حاجة تحيير !!!
يا جماعة الشى شنو ? أفيدونا !
يبقى انهكر أنا كمان ومانى عارفى وا رمادى !نان انهكر أنا ومتداخلنى كمان ???
يا سيجيمان انت وين ??
الدود الحبس الفجج !
سيجيمان الحاضر الماك ضهبان !!!
--
ود الشيخ الكباسين شنى ?
أنا بعرف أب كباس ، أما الكباسين فى لغة أهلنا جمع كبسونه وهى البيسووها فى الهدوم بدل الزراير .

وشكرا
ست البنات .

بس ياهي زاته نجيضتيها وجضمتيها
هي يا ست البنات الليلت الهديمات

يا عشة بت فاطنة حيبيبتى ،
ٍسلام وشوق كتيروكل يوم وانتى بخير وعافية مع أسرتك الجميلة .
كدى سمى يا بت أمى!
الراجل أنا استنجدت ونجدنى ما أشكرو ??
كيفن الكلام دا ?
وأنا يانى قصيفة البتعرفيها ذاتها ما اتغيرت ولا اتبدلت ولاب يحصل !!!
وكيف أنسى الضيم والعذاب والملاحقات وتضييق المليون ميل علينا داك ????
وكمان انتى عالرفانى مانى ام برمة ولانى عبيطه !!!
ولانى هينة ولانى لينة !
لكن كمان بعرف الأصول يا أخيتى !
سيجيمان أنا فى اطار قراءتى ليه البسيطة ما لمست شيئ يستدعى مقاطعتو والرد عليهو !
بعترف انى فى فترة بعدت عن البورد وفى الفترة ديك جدت مستجدات لا علم لى بها !
لكن برضو بأكد انو تداخلى معه فى موضوع طريف لا يفسد ودى معك !
ويا ريت لو فى انسان فى البورد انتحى عن منحا روءانا ألا نجعله يسارع بالغوص فى الظلام ان اتجه ناحيته !
ولو أقريتى ان سيجيمان كان محل احترام الجميع (حسب كلامك يا بت أمى )
يبقى أكيد فى شيئ طيب لمسه الجميع وتكون بمقتضاه ذلكم الأحترام الذى كان على الأقل من ناحيتك واخرين !
فلماذا لا نصابر حتى يعود ذلك الشيئ الطيب اذا كان قد اندثر حقيقة ???
مع احترامى لرأيك ،
واحترامى للأخ سيجيمان .
وباب التوبة من الصغائر مفتوح عند الرحمن ، نحنا ليه ما نفتحو فى البورد ???
ست البنات .

ست البنات

Quote: ونحنا الساس ونحنا الراس

نحن الناس الفى البوستات
نعاين نلقى خصام وحرابات
ومرات شتيمه وخزبلات
نقول يالله اكفينا شر الجايات
وخضر ايدينا علشان نشتل زهرات
يمر اليوم نلاقى المنبر بقى متنزهات
فيه زهور ومية وخضرة وبنات سمحات
وكلام جميل يفرق الزهجات
دايرن نتعلم من البوست كمان حكايات
ونشوف الدنيا باخباره ونسافر والله بدون حجوزات
لا ندفع تذكرة ولا تصريحات
وكل الدايرنه وجود البسمة فى البوستات

ولك وافر الشكر على النجده البقول معاه فيك ارحمونا يا ناس
تحياتى

يا ست البنات
ماك راجعى قريب على البيت
اديتينا خلاص الجوع امشى فسراع
ارميلنا حرف قريريصى وماتنسى البصيلات
وعبى البراد هو بالشاى
خبى فسراع ....
بشوف أخى الخدر بنجى متراوحين سوا

عماد كرنديس

ست البنات

جاختى غايب يومين واول ما دخلت شفت بوستك ده ختفت عكازى المضبب وجيت جرى

لكن فى شنو ياختى

العوا فى شنو بس

والله كلنا نفوت نخليها والدنيا دى وحات خوتك ما بتستاهل نخسر فيها زول اصلو

ان شاء الله كان يهودى نخليه لى ربه بس

دحين وحات كلامك السمح ده كبرى كوم السلام والمودة

الله ييديك العافية ويغتيك

أها ... تراني جيتك آ... ست البنات

كدي لا تسعليني عن عماد اخوي دا اسع !!!

العوا شنو ؟؟؟... مالك شايلة حس الناس ديل آ ....زولة؟؟ ..
وصوتك فايت الحلة بى غادي ؟؟

سمعتك تستنجدي بيا.. بس لفحت ملفحتي دي فوقي وهاك ياجري
نفسي انقطع !!!

كدي سمي الله واقعدي في الواطة دي وبراحة كدي وريني الحاصل
اصلو شنو ؟؟؟ ..

يازولة دي عوة ليها زمن !!!! يعني انتي بس دايراها الليلة
دي بس تقيف !!!

أناغايتو بس بقعد اتفرج لامن الله يجيب الفرج .. لكن بصراحة
قشيران دا الدخلو هنا شنو ؟؟ هو دا العوا ذاتها !!!

خليني أنا وأسعلي بعلتو الكريمة أم الخير !!!.

الله يجيب الروقة لى دارنا ياست البنات لاحدهن .

خضرعطا المنان

ياست البنات الفالحة الف سلام


جيتك يالحبيبة وشايلة ليكى ملام


ناديتى الرجال والنسوة يعنى حرام ؟

نادينا ويمين نسرع نجيكى حمام !!

وعجبى!!

ووا ست البناتاااه

وسارتااااه

وغادتاااااااه

وبنيتاااااه

وكل النسونااااه

الفى المنبرااااااه

وللرجال الاشقاء الف سلامااااااه

نادية اختى ,
حبابك وتسلمى ,
ونون النسوة
مشغولات بالفدقى ,
وانا غدبانى من الكتال الكتير الجاييى يمسخلنا بوردينا السمح دا ,
يعنى بعدما لقينانا ضيليل وطنا نكرس ونخنس فيه, نودروا من ايدينا ؟؟
والله ياهو !
وتشكرى على المرور ويسلم دريبنا الجابك ,
ست البنات .

Quote: ياست البنات الفالحة الف سلام جيتك يالحبيبة وشايلة ليكى ملام ناديتى الرجال والنسوة يعنى حرام ؟ نادينا ويمين نسرع نجيكى حمام !! وعجبى!! ووا ست البناتاااه وسارتااااه وغادتاااااااه وبنيتاااااه وكل النسونااااه الفى المنبرااااااه وللرجال الاشقاء الف سلامااااااه

أها آ.....ست البنات لاحدهن :

رايك شنو ؟؟؟

حتى البنية القصيدة الاسمها نادية

بت عمي عثمان ود مختار ياهي دي جاتك بي هنا ..

جيت أنا ماري بى جنب البيت سمعتها تهرج معاك

هرجيا الليل محبة كدي .. قلت أدخل لاجوة أشوف الحاصل شنو !!!!.

لقيتكن متآنسات ومتجالسات وتضحكن سن سن ..

قلت خلاص ياود ياخضر أنت كمان صيح معاهن وقول :


وأأأأأأأنادياأأأأأأأأأأأأأااه !!


فتكن بالف عافية .

خضرعطاالمنان

ستنـــا

سلام في الأول, الواحد حاول يمسك نفسو لكن ريحه

القراصــه و الشعيريه ما بنقدر نقاومن

و ربنا يصــلح عوجــنا و يوسع الأخلاق و يهدي النفــوس

و صــحي متل مــا قــالو زمــان:

لعمرك ما ضاقت بلاد بأهلها ولكن أخلاق الرجال تضـيق

و حقــت النســوان برضــو
.....


تحيــاتي

أخــوك محمــد عـــلي

سلام عليكم كلكون،
يا راما ، أييى سيجيمان وكسترد البورد البلاهو مافى تحلييى ! وانا حالتى ما قت النضم الفوقو كلو كمان ! أها شن قولك ????
سيجيمان أخوى - كلامك ماب يقع واطا تب ! وكتر خيرك يا المبروك فى حسن نيتك فييى دا ! لكن مسعول من الخير انت دحين شوفتنى شى ????
ود الشيخ _ أنا نجيضى خلقى !!
بلدى يا حبوب _ الله ياسع ايامك ويعدلها عليك شيقيش ما تقبل ، يا قدم الخير !!!
عماد كرنديس _حبابك ، والقريريصى ي دى السويتها وراجاكون .
قرشو _ سيد الأصل البيدور الخير للناس والسمح ! كلامك زيين تب .
الخدر _ حبابك ، ،ونادييى ماها هينى عارفاها بينيتن فالحى ضومة !
محمد بشير _ ود القبايل الماهو هيين كلامو مو ساهل !وتسلم أخوى .
تشكرو على المرور وراجاكم حد ما الشبك وقعت فوقنا ! ياكم حلالين العقد .
ست البنات .

والله يا ست البنات انا دنقلاوي
لكن بحب نضميك الشايقي ده ضمه
يالله اتكلمي

ود الشيخ أهلا ،
ما قالولنا انتو هوسا !!!!
شفت المحن يا خوى ?
بس الهوسا ديل عندهم القدودو ،
والقدوقدو بيسووهو من الدخن ،
والشايقية الله يعلم بس ضومة ماب يعرفوا الدخن دا ريحى ولا بخور !!!
------
نكتة عن الدناقلة -
قالوا الشايقى والدنقلاوى عندهم مزرعة فتريته مشتلركة ( الفتريته ومايو عند الشايقية والدناقلة بيزرعوهن هحال يعلفوا بيهن البهايم والحمير ) دى معلومة وبس !
نرجع للنكته _
قام الشايقى قال للدنقلاوى داير ياتو جزء فى المزروع دا ?
الدنقلاوى قالو داير المدفون فى الواطا !
قوم يا الشايقى شيل قناديل العيش ، وأدى الدنقلاوى الورتاب !
أخونا زعل شديد .
المرة الجاييى زرعولون بصل ، ونفس السوعال انعاد !
الدونقلاوى قالو المرة الفاتت غشيتنى !
أسع داير البى فوق للواطا !!!
وشال الورشل حبيبى ومشى .
والدناقلة ولاد أعمنا لزم وأهلنا .
ست البنات .