Post: #1
Title: يا حليل قرفتنا وتمورنا - ويا حليل طابنا ودليبنا !!
Author: ست البنات
Date: 04-10-2007, 03:52 PM
Parent: #0
سلام يالحبان - ويا أخياتى وأخيانى فى كل بوكان - والله بس اشتهينا التيميرات والرطب !
لا دومى نكودها - ولا قريريصى مخمرة تعصر جوفنا !
ويا حليل الترمس أب صحنا كبير وفوق وشيهو المدينييى !
واشتهينا لبينتنا المقننى فى براد الصينى أب تصويرة سيدى على الميرغنى !( يلحقنا وينجدنا ويزح الغومى من فوقنا !)
ويا حليل لوبا جروفنا - ويا حليلو برود بطوننا !
ويا حليل عناقنا وعبورنا ينقزن فوق كوم براسيمنا وقشوشنا !
ويا حليل كباشتنا البيسون باع ساعة الضيفان يقولوا سلام !
ويا حليل طابنا ولعوبنا ويا حليل طارنا و دليبنا !
ويا حليل قولة سلام من ناسا مندليين تحت شايلين قشوشن فوق ريويساتون جايين من لا
تحت الميغيرب !
ويا حليل كبارنا البيغمتونا التيميرى ساعة يشوفولون ديميعى فوق ويشياتنا ونحنا
سوغويريين ! ونحنا عبنا مشككن تمر !وشايليين دنانيننا وزرازيرنا وطيورنا !ويا حليل ام
قيردونا !
وسلام من تنقاسى للقرير ولأوسلى ومساوى والعفاض - ولا عند نورى وجريفا .
ست البنات .
|
Post: #2
Title: Re: يا حليل قرفتنا وتمورنا - ويا حليل طابنا ودليبنا !!
Author: عصام علي أحمد
Date: 04-10-2007, 09:24 PM
Parent: #1
وسلام من كريمة والبركل وشبا والكرو والدهسيرة والزومة وحزيمة ومقاشى والحجير وكل تمرة فى أرضنا الحبيبة وتسلمى ياست الناس
|
Post: #3
Title: Re: يا حليل قرفتنا وتمورنا - ويا حليل طابنا ودليبنا !!
Author: غادة عبدالعزيز خالد
Date: 04-10-2007, 09:42 PM
Parent: #2
الأخت الحبيبة ست البنات
سعيدة بعودتك و مساهماتك الجميلة
إفتقدك حقيقة . .
بشدة
كل المحبة
غادة
|
Post: #4
Title: Re: يا حليل قرفتنا وتمورنا - ويا حليل طابنا ودليبنا !!
Author: yasiko
Date: 04-11-2007, 02:49 AM
Parent: #1
|
Post: #7
Title: Re: يا حليل قرفتنا وتمورنا - ويا حليل طابنا ودليبنا !!
Author: أبو الحسين
Date: 04-11-2007, 03:54 PM
Parent: #4
Quote: الأستاذة الأخت ست البنات / الناس سلام وعوداً حميداً بمناسبة عودتك وبمناسبة كلماتك الجملية أعلاه ، والتي أرجعتني إلى سنين خلت ، أهديك ما تغنى به الأستاذ عبد الرحمن أحمد محمد "عبد الرحمن الكرو" ، وأعتقد أنها من كلمات الأستاذ محمد جيب الله كدكي ، راجياً مقارنتها بعهد التكنلوجيا الذي نعيشه الآن دون الحكم على الشاعر بمعايير اليوم |
وينها الأُغنية يا أبا سامي؟؟
|
Post: #5
Title: Re: يا حليل قرفتنا وتمورنا - ويا حليل طابنا ودليبنا !!
Author: أبو الحسين
Date: 04-11-2007, 06:43 AM
Parent: #1
Quote: واشتهينا لبينتنا المقننى فى براد الصينى أب تصويرة سيدى على الميرغنى !( يلحقنا وينجدنا ويزح الغومى من فوقنا !) |
الغالية ست البنات لا حدهن...
آلااااااااااااااف مراحب بي عودتك الجميلة...
وعلي ذكر سيدي علي (اللهم أرضى عنه)... أهديك...
مع كميات مودتي...
أبو الحســـــــــين...
|
Post: #6
Title: Re: يا حليل قرفتنا وتمورنا - ويا حليل طابنا ودليبنا !!
Author: ملكة سبأ
Date: 04-11-2007, 02:39 PM
Parent: #1
اريد أيٍّ وأي زولا يقول أيِّ
|
Post: #8
Title: Re: يا حليل قرفتنا وتمورنا - ويا حليل طابنا ودليبنا !!
Author: على محمد على بشير
Date: 04-11-2007, 04:04 PM
Parent: #6
Quote: لا دومى نكودها - ولا قريريصى مخمرة تعصر جوفنا !
ويا حليل الترمس أب صحنا كبير وفوق وشيهو المدينييى !
واشتهينا لبينتنا المقننى فى براد الصينى أب تصويرة سيدى على الميرغنى !( يلحقنا وينجدنا ويزح الغومى من فوقنا !)
ويا حليل لوبا جروفنا - ويا حليلو برود بطوننا !
|
ست البنات
يايمه انتى تتجازى اكان جوعتينى وخليتى مصارينى يكركرن
Quote: وسلام من كريمة والبركل وشبا والكرو والدهسيرة والزومة وحزيمة ومقاشى والحجير وكل تمرة فى أرضنا الحبيبة وتسلمى ياست الناس
|
عصام ود على احمد
نان يايابا تنقاسى وينا وابورنات وينا والغرب كلو وينو ؟ مالك ما بتجيب سيرته ؟
( وشيش كدى من الزعل لامن داير يطرشق )
|
Post: #9
Title: Re: يا حليل قرفتنا وتمورنا - ويا حليل طابنا ودليبنا !!
Author: خالد علي محجوب المنسي
Date: 04-11-2007, 04:17 PM
Parent: #8
ست البنيات كيفنّك وعلك طيبي
سراني كلامّك يا الزينة وحنينة ضُمّه أخوك باقي جعلي من نمّه بتشيلو الهمّه بطير لافوق وإدور صقريّه في الأرض بالتمّه ماعدمناك ياست البنات والشكره هيلك نعمه
|
Post: #10
Title: Re: يا حليل قرفتنا وتمورنا - ويا حليل طابنا ودليبنا !!
Author: ست البنات
Date: 04-11-2007, 08:39 PM
Parent: #1
أمانى يا الحبان الغربى الله ينعلا قاسى خلاس !
البارح جيت ماشى بالدرب لقيتلى وليدات طالعين فوق شيتا طويل حدو السمى يصلحولون فى راس بيت بس ان وقف يومين مابتشوف حدو ! صنقع لامن رقبتى انعسمت وقول يا ربى ان بعت الشى دا وسفرتو للبلد بس بينفع فى قفييز التمر وحشو ّ!
وكمان لقيتلى شيتا آخر فى الجزر , الجزار بس لا عندو فاس لا خوسى ! ماسكلو شئ بلا الشيطان يقططغبو فى اللحم يجرى زى الرهوان , يكسر العوضام , ويبججن اللحم فى دقيقى ! سعلتهون قالولى دا منشار الليل كهربى !!
دحين ان بيقيت بعتو ونزلبو البلد ماب يسدلى بوكان المنجل الحششا اصابعينا دا ؟؟
ست البنات .
|
Post: #11
Title: Re: يا حليل قرفتنا وتمورنا - ويا حليل طابنا ودليبنا !!
Author: ست البنات
Date: 04-11-2007, 10:04 PM
Parent: #1
أريدها وكت تكون قاعدى
وتخييت فى طيويقييى
بعد ما عببت الماجور
وفكت نعجى ملوييى !!!!!
ياسيكو اخوى الهميم الفهيم الهدى ورضى ,
نعلك طييب ؟ وبوطينينك وامهون طيويبيين ؟
نان عاد الغنوى دى مابتقع للزول فى جرح ضوممة !
ربى ياسع ايامك ويعدل طريقك , ويكفيك شر الهوامل والهجايم ,
ويايابا بارك الله فيك .
وشكرا ليك انت باقى جناين زيين ومكمل العيرفى لاى حدها !
ست البنات .
|
|