الموصلي وبقية فناني البورد، هلموا: Interview for the Darfur Radio Project

سلامات..
استقبلت الرسالة التالية على بريدي الالكتروني:-

Quote: Hi! My name is Bettina Tam and I am a reporter for The Darfur Radio Project. The Darfur Radio Project is a monthly radio broadcast that explores the historical, political, economic, and social context of the conflict in Darfur, using personal stories as well as in-depth analysis to educate listeners about often-overlooked aspects of the situation in Sudan and to give them the tools to effect change. I'm currently working on a piece on music in Sudan, particularly on popular and/or modern music. I dropped by your site and it has a great section on music and I thought it would be great if you could talk to me about what you know of or like about Sudanese music on the show. Also, I would appreciate it if you could give me any contacts, particularly to different artists who I could interview for the show. I would love to set up a brief phone interview with you this week. I need to have my sound in by the end of the week so is there a day and time that would be convenient for you? If you're not available, could you suggest another person with whom I could speak? I would really appreciate any more contacts, especially any of the music artists themselves you could provide me with.

الرجاء ارسال ايميلاتكم على البريد الالكتروني anwarking(at)gmail.com حتى اقوم بارسالها لمن يرغب في اجرا المقابلة او الادلاء في ما يخص الموسيقى والفن السوداني

مودتي

أنور

العزيز انور
كويس لقيتك و بمناسبة الاذاعة لي فترة بفكر في
طريقة تمكنا من اسماع صوتنا حول قضايا الوطن
و اكيد بنحتاج خبراتك و زي ما انت عارف لمان
اعلق في حاجة بركبني مليون عفريت لحد ما اعملها..

علاء الدين نصار...
سلامات وأشواق يا رجل...
قلتا لي داير

Quote: طريقة تمكنا من اسماع صوتنا حول قضايا الوطن

Try منبر الجزيرة ! ههههههه

والله يا نصار ، انا فرق الزمن ساكت مكسلني من عمل اي حاجة!

كان الحركة الشعبية تعمل ليها تلفزيون ولا حاجة نتجدع فيها... مطلوب وبشدة...

قدمت صوت احتجاج قريبات دي...لعدم وجود متنفس تاني مطلوق في الهواء ده غير تلفزيون السودان...مايغيظ انو اخبار السودان "سياسة ورياضة تحديداً" تجيبوهم من فضائيات أخرى...!!!

الإنترنت أشد تأثيراً واكثر قدرة على الوصول لأي مكان...لكن الإمكانيات كيف؟

غايتو يا نصار... من ما عرفتا تجربة قوقل هنـــــــــا بفيت ما مقتنع بالنجاح عبر ما أسميه "الشحتفة"...آمال عريضة وإمكانيات مافي! والتعلل بأنو مافي امكانيات والخ...

قبل فترة كنت بتكلم مع صديق عن احلام المثقفين/المنظرين/المثقفاتية الخ... السودانيين ، الواحد تلقاهو (مهندس كمبيوتر مثلاً ، فنان مثلاً) حق كيس الصعوط ما عندو... أول ما يبدأ يقبض الدينارات دي...ما بيلتف لاحلامه رحمة الله عليها..بل يكون جل تفكيرو في كيف يجيب نقاطة (بعربية امجاد أو ركشة لبنية)...يعرس العرس الما خمج... ويبني البيت...طيب احلامنا دي البيبنيها منو؟ (ياريت ترباس؟)..


ما عارف زاتو احنا تصنيفنافي الخرطوم مثلاً وين أسع؟ عالم نامي يتمتع بخدمات اتصال عالية الجودة...كمبيوترات حديثة جداً (تعتبر إمكانيات عالية) و تظل وسائل النشر التقليدية من تلفزيون و صحف هي المسيطرة على الموقف... ياخي في شيزوفرنيا في القصة دي...

ياخي انحنا من بلد زاته تلخم... الجنوب ده أملي الكبير ... ما فاهم حاجة من محل ما ولدونا واتربينا ده...


ولسه...

ما عتاب يا نصار... لكن بالجد العبارة دي ملفتة

Quote: كويس لقيتك

ههههههه
انا زاتي كويس لقيتك والله

كلما تجيني فكرة مجنونة عن تقنية الاتصال و كيفيت الاستفادة منها بتذكرك لانك مجنون زي كدا بكلما يخص البلد الرايح.. قبل فترة طرحت فكرة الكتاب المسموع و زيما عارف انه تقليعة العصر.. الفكرة انه صاحب موقع و دار نشر الكتروني او مؤسسة تسجيل صوتي تسجل كتب مختارة علي شرايح او اجهزة MP3 بأصوات مذيعين او الكتاب نفسهم اذا كانت اصواتهم جيدة.. بعد التجويد يتم التسويق عبر النت و المكتبات التجارية.. ح احاول اجيب نماذج للكتاب المسموع و نشوف الح يحصل..

الكتاب المسموع ومن قبلو الكتاب الفيلم...كل أفلام هوليود عبارة عن كتب ترجمت/اختزلت الى افلام، موش؟

هل نحن بنخدم أفكارنا...ام أفكارنا بتخدمنا؟؟؟
هل نحتاج لترجمة أفكارنا الى الغير لتكون فيلماً/ برنامجاً اذاعياً/ تلفزيونياً؟
الحاصل شنو بالضبط؟


عارف يا نصار ، ذكرتني كليب في قوقل اسمو The Machine is Using Us عملو بروفيسر في جامعة كنساس عن ما يسمى ب WEB 2.0



عولمة يا نصار! زمان قولة بروفيسر في جامعة كنساس دي كانت / ما تزال (من يدري) - كانت كفيلة باستلامك المايك ومن ثم المجلس كلو...أسع المعارف مبذولة للقاصي والداني...الا من أبى! وبرضو مصرين على الكوراك!

ياخي همومنا الوطن 24/7 دي زاتها المفروض نمشي ليها دكتور ... اذا كان بصرنا وبصيرتنا في عالم التقنية على غير الوطن!

وما الوطن؟
وان جارت علي عزيزة؟!؟

حاسي أنو في زول مميل الطربيزة دي في راسنا ده؟

انحنا دايرين شنو يا حبيب؟

على قول عبد الرحيم محمد حسين لما ضًرب مصنع الشفاء: البتاع ضرب الهناي ، بوّظ الشغلانة...

حد فاهم حاجة؟

طيب في حد موش فاهم حاجة؟


.......................................

العزيز انور
لا ادري ماهو ملفت في عبارة كتبتها بتلقائية اردت بها طولة غيابنا عن بعض عبر الوسائل المتاحة..

نصار... ياخي ما تاخد الموضوع بالجد...
مافي شئ...
واصل معاي وحشتي دي... في شوية إحباط كتير كده حاصل...

الجنوب ماشي منفصل يا حبيب...رأيك شنو؟

تعرف يا انور,, رغم حبنا للوطن بارجائه,, لكن يعنيني في المقام الاول الانسان,, يهمني ان تصان كرامته و تحقن دماءه,, شروط الواقع الحالي هي اسوء ما كان يمكن حدوثه امام هذه الخيارات المصيرية,, المركز له حساباته الخاصة بيه و هي تتناقض مع المصلحة العامة,, و الحركة متمسكة بانه لن تخوض معارك الاخرين,, هذا ما اعاد باقان ذكره مؤخرا,, كلمة الاخر تعني ان الذات هي فرد اعتباري اخر و ان التجمع ما عاد يشغل بال امينه العام باقان اموم... اوسع خطوة نحو الانفصال قد تبدو لنا في دلالات طلب حكومة الجنوب لعضوية الامم المتحدة كمراقب.. لكن في نظري ان الانقاذ بتضارب مصالحها مع المصالح الوطنية هي القوي الاكبر الدافعة في اتجاه الانفصال او حتي التشظي.. لا ادري كم هو مقدار التكتيك و كيفية الاستراتيجي في مواقف و افعال الحرة في تعاملها مع شريك اخرق لئيم.. و هنا تتبقي لنا قسمة فرص احتمال الوحدة و الانقسام 50 ـ 50

Quote: هنا تتبقي لنا قسمة فرص احتمال الوحدة و الانقسام 50 ـ 50

ده في أحلى وأجمل حالات التفاؤل... حقيقي يا نصار بدل ما نسأل من كيف نوصل صوتنا...حقو نسأل عن شفافية السياسيين...
يأخي ولو كان الانفصال...فلن نكون آخر دولة في القرن الافريقي ينفصل جزء منها ، آرتريا دي دعمتها الحكومة الحالية دي لحدي ما انفصلت...

المسألة هي غياب الشفافية من كلا الطرفين...فلا اجزم بأن الساسة الجنوبيين يريدون الانفصال (مافي تصريح)، في تلميحات بس... "الوحدة الجاذبة"... هو الفي الشمال منجذبين يعني!

وفي نفس الوقت من يحتاج ان لا ينفصل عنه الجنوب (وهنا أعني حكومة المركز ب تبعات الكلمة)... تعلو اصوات منه مطالبة بالانفصال!!!

عارف ناس الشمال ديل لو انفصل الجنوب وفضلت بقايا الحكومة دي وناس الطيب مصطفى وما ادراكا من امرار الحكومة (أمرار دي من مُر)...بينطبق عليهم المثل : ونسة الضكير للضكير، النوم منها أخير

Quote: رغم حبنا للوطن بارجائه,, لكن يعنيني في المقام الاول الانسان,, يهمني ان تصان كرامته و تحقن دماءه

لو وضعنا الميزان ده نصب اعيننا من زمــــــــــــــــــان... ما كان حصل البيحصل ده يا نصار...

هي لعبة السياسة القذرة التي تجعل الانسان هو صوت إنتخابي في "موسم الانتخابات والاستفتاءات"

ما هو صوتنا العازين نوصلة ح يحمل المعاني الرفيعة البتطالبيها و نطالب بيها كلنا.. وحدة او غير وحدة يفترض تصاحب الحالتين اصوات مغيبة هي احق ان يستمع لها بدل نعيق طير الشؤم المتحكم في المنابر اليفترض فيها القومية.. اتعلمت اني لا اندب الماضي او استسلم للحاضر الاعوج.. رحلتنا في هذه الحياة قصير فيجب علينا ان نحسن ما تبقي منها...

Quote: رحلتنا في هذه الحياة قصير فيجب علينا ان نحسن ما تبقي منها...

معليش يا انور صبيتك.. فقط اقول ان المثل القائل
البتخاف منه بكتلك,, هو ما يلزمنا اتباعه
لا شئ يستوجب الخوف و بذا يحار عدوك
و كذا بهذا الفهم نتمكن من التفكير و وضع الخيارات
لكل احتمال,, فالواقع السائد عبسي لابعد الحدود
لا نستبعد شئ,, لا شئ مستبعد يا صديقي..
الا الخوف..

عارف يا نصار...
لو مشيت يدوب حا اكون آسف... يا رجل تشكر على الخواطر والتأملات التي تنثرها واستفيد منها...

لو في شئ بيهجس بالواحد، فهو احتمالات ما بعد الاستفتاء/الانتخابات؟

عشمي انو في دراسات (ولو غير معلنة) من الطرفين حكومة وحركة لسيناريو ما بعد الانتخابات/الانفصال/الاستفتاء وغيرو...
لأنو ثبت عقب احداث الاثنين الدامي في الخرطوم ورحيل القائد جون قرنق، انو سادت فوضى يبدو انها لم تكن في حسبان احد...وقد شاهدت في برنامج تلفزيوني ، باحث دكتور منتسب لمركز ثقافة السلام يشتكي من كونه ما في زول هببو ليهم في المركز (إستشارة أو دراسة لكيفية افشاء ثقافة السلام)!!!

لو مافي دراسات (ما دام العشم) والقصة ماشة برزق اليوم باليوم...يبقا واطتنا اصبحت على أكثر من مستوى وصدمة...

انحنا في زمن ، لا يجب ان تخضع أمور الدولة الى الصدفة...يجب ان تستند الى دراسات علمية واستراتيجية مؤسسة منشورة ومعروفة...

لابد للحاكم ان يضع برنامجه الذي يحقق تطلعات جمهوره...ولا شنو؟

وربنا يجيب العواقب سليمة بس...

واصل يا الحبيب...

المشكلة ابدا ما في التخطيط و المهادي النظري,, حصل دعم معرفي كبير جدا للوفود المشاركة في الحوار السبق توقيع اتفاقيات نيفاشا,, حدث دا لوفود الطرفين في معهد دراسات استراتيجية في مدينة نورمبيرق في فرع معهد ماكس بلانك انستيوت ´اديهو طلة في قوقل Max Blank
و مسودات الوثائق الانتقالية كلها تمت صياغتها في هذا المعهد. تبقي المشكلة في التطبيق و غياب الارادة السياسية يا انور,, مثلا قانون الانتخابات المطروح في الساحة يكاد يكون متطابق من القانون الالماني.. الكارثة انه الانقاذ مرغمة علي التحايل و نقض العهود خوف علي تولا لانهم يعرفون انهم اشبعوا ضحاياهم ظلم و جور و ما عاصم لهم منهم سوي السلطة ممكن يكرهوا الحكم لكن في كل الاحوام يحبون انفسهم,, دي معضلة عجيبة جدا عشان كدا محتاجين نوصل الحقايق للشعب و نري ما يحدث,, علي ايام نميري كانت الشوارع تخلو من المارة في وقت بث اذاعة الجبهة الوطنية خاص اذا ترقب الناس خطاب من المرحوم حسين الهندي..

آخي العزيز انور
هذا موضوع الساعة
وبرغم احزاني الا فور عودتي من سفري ساتصل وارسل لك ايميلي
تحياتي

ربنا يجعلها آخر الاحزان يا استاذ الموصلي...
رجاء بس البريد الالكتروني بتاعك في الوقت الراهن....
نرسله ليهم وبعد كده التنسيق بيناتكم...
مودتي
أنور

سأعود يا عزيزي نصار

أسم المعهد Max Planck يا نصار... وعنوانه على الانترنت
http://www.mpil.de/ww/en/pub/news.cfm
وهنا نجد نتيجة البحث لكل ما يتعلق بالسودان من دراسات وبحوث قدمها المعهد لسودانيين

حقيقة كنت اعني افشأ ثقافة السلام ليس فقط للحكام وفرق التفاوض...بل لعامة الشعب... لأنه المتلقي الاول وسبب مباشر لكل ما يحدث على الشارع...اما الحكام او المفاوضين...فلم نسمع بمن تأذى منهم من احداث الاثنين الدامي عقب رحيل القائد جون قرنق...

ونواصل...

الجدير بالذكر...انه غير تجاوب الأخ يوسف الموصلي مع البوست...
استقبلت رسالة بريدية من الاخ الفنان ضياء الدين الطاهر ...
مودتنا ممتدة...

العزيز انور
بالضبط اسم المعهد كما ذكرت و الاسم الكتبته انا حاجة تانية خالص..

تشكر على التصحيح والمعلومة الاساسية يا نصار...


أها ما قلت لي عن مشروعك في ايصال الصوت؟ في افكار محددة؟

نعود لموضوع الكتاب المسموع الذي ابتدره العزيز نصار... Audio Book or Book on tape "but tapes are no longer being used" Audio book is standard name nowadays

Quote: الفكرة انه صاحب موقع و دار نشر الكتروني او مؤسسة تسجيل صوتي تسجل كتب مختارة علي شرايح او اجهزة MP3 بأصوات مذيعين او الكتاب نفسهم اذا كانت اصواتهم جيدة.. بعد التجويد يتم التسويق عبر النت و المكتبات التجارية.. ح احاول اجيب نماذج للكتاب المسموع و نشوف الح يحصل..

بنزل لي في مسلسل C.S.I من برنامج peer 2 peer التي فيها امكانية استكشاف الملفات الموجودة للتنزيل....لقيت ليك زول الظاهر القراية العادية دي ما بتنفع معاهو (Special Needy) وصراحة خطر على بالي طه حسين...صاحب الاتنين دكتوراة وهو كفيف...
الدكتوراه من الجامعة المصرية عام 1914 في الشعر الجاهلي
و دكتوراه الآداب من جامعة السوربون ، عام 1918 عن ابن خلدون.

لاشك أنو مثل طه حسين كان يمكن ان يُمنح 200 دكتوراة لو حضر زمن ال Audio Books التي وصل استهلاك سوقها ما يقارب ال 2 مليار دولار امريكي حالياً...

http://en.wikipedia.org/wiki/Audiobook

أكثر الكتب انتشارا للكتاب المسموع هي تلك التي تعنى بنتمية المهارات كالتأمل والتعلم والتفكر وادارة الوقت والخ...

Deep Sleep Meditation

Learn to Learn faster

Learn While You Sleep

learn-while-you-sleep

يوجد هنا مثل لما تفضلنا به:-
mms://streaming.spokennetwork.com/sn/sn_6853.wma

ونسمع منك يا نصار

أنور

بس لقيتك يا ولد يا سمح
خالتك بت الشيخ ليها زمن بتفتش على اذاعة ممكن تنعمل فى النت
وفهمها فى الحاجات دى زى اللغة الصينية
اها باختصار دايرة اسوى لى اذاعة وعندى المواد
لكن تصل كيف ؟
خليك معاى
وايدك معاى يا سمح الوليدات منجم
عارف منجم دى ؟
تراك انت وحدك

الخالة العزيزة سلمى، بت الشيخ... والدة العزيزة عزة...بت بت الشيخ

تحياتي وشكراً على دخول البوست...اذاعة عبر الانترنت؟

كان عندي اجابة جاهزة لسؤالك ده قبل 5 سنوات أو 6... ممكن تسألي عزة ونصار ...فقد كانت فكرة الاذاعة وليدة ايام البال توك...
يا لها من ايام...

على العموم ساجري بحثا وأحاول استرجاع بعض المعلومات والتطبيقات ...الفكرة على العموم بسيطة جداً وفي كميات مهولة من البرامج المجانية والمدفوعة باسعار في متناول الجميع... انا ميال للبرامج المدفوعة القيمة في مثل هذه الاحوال...


تبثي من جهازك زاتو بتاع الكمبيوتر، على الهواء أو مسجّل... وبيكون في تردد معين يستقبله المستمعين على برامج مثل ميديا بلاير أو ريل بلاير Windows Media Player or Real Player
....
نسمعك في كوريا...ويسمعوك ناس أمدرمان... وناس المانيا كمان..

موضوع بسيط باذن الله
...
ممكن لحدي ما أعمل البحث... تكلمينا عن مشروعك الذي اتمنى ان يرى النور قريباً... فانتم اهل التخصص...

ونواصل

العزيز انور
لي فترة مستمتع بالكتاب المسموع و عودت نفسي انه اسمع اثناء ما بعمل حاجة تاني. نحنا هنا تيم كامل لانتاج عمل ازاعي او انتاج كتاب مسموع, انت الجانب التقني و الموصلي المسيقي المصاحبة و سلمي الشيخ سلامة الاداء الصوت lool
حقيقي بتمني انه النواحي دي نهتم بيها و نستفيد منها.. عصر السرعة دا مفروض نكون مواكبين للابتكارات البتناسبه.. ممكن تستمع لمادة تهمك اثناء قيادتك لسيارة اواستخدام وسائل المواصلات او و انت تتصفح في النت...

العزيز نصار...

سلامات يا الحبيب...

Quote: نحنا هنا تيم كامل لانتاج عمل ازاعي او انتاج كتاب مسموع, انت الجانب التقني و الموصلي المسيقي المصاحبة و سلمي الشيخ سلامة الاداء الصوت lool

ونصار....................؟؟؟

ممكن تبدا بتعريف الموضوع زاتو.. من ناحية
1-أهداف المشروع
2- الفئة المستهدفة من المشروع
3- كيفية الادارة
4- الرؤى المستقبلية
5- اشياء اخرى وكده

العزيزة سلمة
اهو بقينا اتنين مقتنعين بفايدة اذاعة النت.. حاولت كم مرة اعمل قياس راي عمليا بتنزيل ملفات صوتية المرة الاولي لقت اهمال و بني عليها عنكبوت الشبكة العنكبوتية و المرة الاخيرة اتهمني زميل دمه خفيف باني مسطول اي و الله و سطلة قوية كمان.. تتسطلي معاي?? lol

انور ... نصار ... وامو سلمي
من اول واقدم الروادي السودانيه علي النت المحطه الكان عاملنا حبينا الصادق عبد الله سنه 2000 او 2001
في

http://www.live365.com
ودي اذاعة مجانية ... علي النت
حاولو اصلوها .. ان شاء الله تقضي الغرض

الخواض عديل كده...
أزيك يا عسل...
يا سلام يا سلام...
البوست ده جميل...

100% صحيح...الاخ الصادق صاحب اول اذاعة سودانية عبر الانترنت... اها يا خالتي سلمى الصادق ده قبل ما اعرف الاذاعة بيعملوها كيف كان اذاعتو شغالة من اوروبا...

بتذكر يا خواض كان اول اغنية تشتغل كانت الكنداكة سيدك سيدك الاراكا

طيب يا خواض طالما جابك الله سالم... اعمل معروف وواصل... عشان نطلع بنتيجة كويسة...

مودتي

أنور

الجدير بالذكر يا نصار والخواض...
بتذكر ايام المشاكل مدورة بيني وبين ناس سودان فور أول... عملت لي بوست صوتي ونشرتو عبر موقع نادوس...واظن هنا في سودانيز أون لاين برضو...

لا اذكر انو في زول قام بالتجربة دي قبل كده...

تجربة مربكة على اليمين...لكن جبلنا على حب التجربة...

مودتي مجرّبة

أنور

العزيز الخواض
امورك و احوالك
بتذكر الصادق دوت كوم.. كدي امشي اعافر الصفحة الجبتها و اذا ظبطت اعمل اكبر اذاعة و المستمعين يجبوهم الله..

وده برنامج لعمل الكتاب المسموع يا نصار

http://www.audiobookcreator.com/

جربوا وقول الحاصل شنو...

أعتقد ان جوهر نجاح المشاريع -غير الربحية- هو التفكير بصوت عالي جداً يا نصار... فلنتفق على مبدأ "الشفافية" في الاداء واكيد لو ما انحنا...المتابعين بيستفيدوا من الآراء...

مودتي شفافة

أنور

وده برنامج لعمل اذاعة انترنتية وكده

How To Create Your Own Internet Radio Station
What You Need To Know To Put Your Webcast Online ؟

Pirate Radio

Pirate Radio is the easiest way to broadcast any kind of radio show over the Internet from your personal PC. All you need is a Windows-based PC, sound card and a connection to the Internet and something to blast out to reach listeners all over the Internet.


This software is easy to setup and inexpensive. Pirate Radio is an Internet broadcasting product which allows anyone to quickly start their own Internet-based radio station as long as they have a computer and a dial-up connection.

ومن السكانر ممكن تعرف الاذاعات الموجودة



وعندو مشغل خاص
Destiny Media Player for PC



http://www.pirateradio.com/

ان شاء الله يدونا حاجة ناس البرنامج ديل....

يلا نسمع منكم

أنور

لا بعد كدا نضفوا اضنينك ساكت
انا في الوقت الراهن ما مستقر و ما عندي كمبيوتر ثابت
لكن ح اجابد في الموضوع لحين استقرار..
تشكورات

الأضنين جاهزة ومنضفة يا نصار...
بس ابدا البث وخلي لينا معك مساحة لبرنامج الجديد في عالم التكنلوجيا وكده...
اها خبر خالتنا سلمى شنو؟

مودتي
أنور

العزيز انور
في شوية مشغولية
ربك يفرجا و نجيك راجعين...