قفلت معاي

قفلت معاي


05-09-2007, 09:24 PM


  » http://sudaneseonline.com/cgi-bin/sdb/2bb.cgi?seq=msg&board=366&msg=1192124620&rn=153

Post: #1
Title: قفلت معاي
Author: طارق الأمين
Date: 05-09-2007, 09:24 PM
Parent: #0

حر

حر المبالغه

كتاحه

مفرقعات

بروميدبوتاسيوم

ايدز

ابوجا

باعوووووض

المتعافي

خدمات المشتركين

عمر الجزلي

راجل المرا

جنيه جديد

امدادات طبيه

مصر المؤمنه

الصدي

القذافي

كجبار

حسن برقو

قندهار

مقررات اسمرا

ميلادالاغنيات

هيثم طمبل

البمبان

نجوم الغد

سلاح الذخيره

مهرجان الضعين

كوشيب

اسهال مائي

اسهال غير مائي

مرسي الفاشر

المحاميد للاثاث

المخبزالتركي

مسجد عبدالحي

هيفاء وهبي

كوبري العزوزاب

حماده بت

مصل السحائي

جريده الميدان

اللجنه العليا

الاسبرت

شكر الله خلف الله

من سيربح المليون

في شنو؟

في شنو؟

اعترفوا كلكم

في شنو؟

قفلت معاي
Post: #2
Title: Re: قفلت معاي
Author: Emad Abdulla
Date: 05-09-2007, 09:38 PM
Parent: #1


Quote: قفلت معاي
يا دوووووووووووووووووووبك قفلت معاك يا طارق ؟؟
حمدلله ع السلامة ياخ ..
ياخ أمشي أطلع بره يا طارق ياخ ..
و أرزع الباب ده وراك ..


إتفضل .
Post: #3
Title: Re: قفلت معاي
Author: طارق الأمين
Date: 05-09-2007, 09:44 PM
Parent: #2

عماد

تحسباما بتغتي معاك

تراجعا مافي زول برجاك

تدقها هيد تجيك بي وراك

تلفها ديل بلفو معاك

قافله
Post: #6
Title: Re: قفلت معاي
Author: طلال عفيفي
Date: 05-09-2007, 09:50 PM
Parent: #3


الما بيقفلا شنو يا طارق ؟؟
غايتو عماد ده زمان قال الروب ،
وأنا مرات بقول ..

لكن بيني وبينك :
الحالة بالجد صعبة .
Post: #89
Title: Re: قفلت معاي
Author: محمد الامين محمد
Date: 05-12-2007, 03:04 PM
Parent: #6

قول بممممممممممممممممممم
هسع بتفتح معاك
سلامات يازول
Post: #4
Title: Re: قفلت معاي
Author: نهال الطيب
Date: 05-09-2007, 09:49 PM
Parent: #2

معزور الفرح اللملم نفسه
وقبل وشه وأصبح جافي
لمتين يرجانا
ونحنا نكابر
وليلنا مشاتر
ووجعه خرافي

وجع الأخلاق بقى حالة مزمنة يا طارق في زمن الآهة ده

تحياتي
Post: #12
Title: Re: قفلت معاي
Author: Elawad Eltayeb
Date: 05-09-2007, 10:34 PM
Parent: #2

طارق الأمين

ياخ ليك وحشة بوش بالجبنة وزيت السمسم.

سلم لي على
كحيلة
وربيع طه
ومنتصر على طه
وسلك
وكل الحلوين

خليك معانا هنا
ونقر هنا وهنا
يمكن تلقا
مفتاحك الضايع.

عوض الله أحمد الطيب
الرياض
Post: #5
Title: Re: قفلت معاي
Author: أبو ساندرا
Date: 05-09-2007, 09:49 PM
Parent: #1

العزيز طارق الأمين
مشتاقين جدآ

يعني قفلتك دي ما سلمت منها حتى
Quote: جريده الميدان


يا زول بقترح عليك تتخارج وتجيي تريح في الدوحة شوية
تعال ، والله عايزنك
{ والما من شعبنا ما منك }
Post: #7
Title: Re: قفلت معاي
Author: طارق الأمين
Date: 05-09-2007, 09:57 PM
Parent: #5

طلال

تقدر تضحك الاقدار

تهظر مابعرفو هظار

تدنقر يقولو زول دنقار

تصنقع يقشطك دفار


لسه قافله يا ابو الطا
Post: #8
Title: Re: قفلت معاي
Author: طارق الأمين
Date: 05-09-2007, 10:08 PM
Parent: #7

نهال

تعوسي يقولو ست كسره

تنومي يقولي منكسره

تغيبي يقولو منحسره

تموتي يقولو دي الحسره

تسلمي انتي من الموت

لكن

قافله معاي

والله علي ما اقول شهيد
Post: #9
Title: Re: قفلت معاي
Author: طارق الأمين
Date: 05-09-2007, 10:13 PM
Parent: #8

ابوساندرا

تنقرط يقولو داااك نقرط

تنطط يحيروك بالنط

تعوعي يقولو ضكر البط

تسكسك يقولو واقف لط




قت ليك قفلت
Post: #10
Title: Re: قفلت معاي
Author: Mohamed Kheir
Date: 05-09-2007, 10:19 PM
Parent: #8

ود الامين ازيك...
امشي قانون وفك القفله دي هناك!
لكن بس ما عارف قانون الزمن ده شكلو
كيف;
اكيد ما قانون اللي قاصدو انا بفك القفلة!!

حليلك يا بلد...

موجوع
Post: #11
Title: Re: قفلت معاي
Author: طارق الأمين
Date: 05-09-2007, 10:25 PM
Parent: #10

محمدخبر

تخرخر يقولو دا الخرخير

تعجل يشبعوك تأخير

تطنش يقولو احسن اخير

تطنطن يقولو ما زول خير


من ناحيه قافله اسالني انا




قااااافله
Post: #13
Title: Re: قفلت معاي
Author: طارق الأمين
Date: 05-09-2007, 10:35 PM
Parent: #11

اها
Post: #14
Title: Re: قفلت معاي
Author: اساسي
Date: 05-09-2007, 10:52 PM
Parent: #13

ابصلعة حق التلفزيون

وقافلة معاك جاي تفكها فينا هنا؟
Post: #15
Title: Re: قفلت معاي
Author: اساسي
Date: 05-09-2007, 10:52 PM
Parent: #14

يعني انحنا فاتحة معانا خالص
Post: #16
Title: Re: قفلت معاي
Author: طارق الأمين
Date: 05-09-2007, 11:05 PM
Parent: #13

عوض الله

تناضم يقولو بتسلي

تطالب يقولوعند الله

تمرق لي رزق حله

تكوس وتفتش الفله

وتشبع بهدله وذله

تفكرتمشي لي بره

مدنقر ترجع الحله

عوض الله

قافله معاي وحات الله
Post: #17
Title: Re: قفلت معاي
Author: طارق الأمين
Date: 05-09-2007, 11:20 PM
Parent: #16

لانو قافله معايا يا اساسي

فارقت الخصل راسي

اريتك تبقي من ناسي

وما تحكم حكم قاسي

عشان ما تشبه اسياسي

وتكتم باقي انفاسي

حاول تفهم احساسي

اها ما قافله ؟
Post: #18
Title: Re: قفلت معاي
Author: ود الباوقة
Date: 05-09-2007, 11:29 PM
Parent: #17

اخي طارق يا اخي انتو القاعدين تفرحوا الناس كان قفلت معاك معناه عليهو العوض ومنو العوض ..



ود الباوقة
Post: #22
Title: Re: قفلت معاي
Author: طارق الأمين
Date: 05-10-2007, 00:12 AM
Parent: #18

ود الباوقه باوقتك الزمان يا حليلا

تفاحااللذيذ ياحليلو وينو الليله

ود السافل ا لغناها حله جميله

قفلت معاهو وفات

مين تاني ال بغنيلا




وكده
Post: #81
Title: Re: قفلت معاي
Author: هشام كمال
Date: 05-12-2007, 11:40 AM
Parent: #8

يادوووووووووب يا طارق
وينك يا ذول
Post: #19
Title: Re: قفلت معاي
Author: Omer Abdalla
Date: 05-09-2007, 11:39 PM
Parent: #1

الحق ما قاله ود الباوقة
يا طارق لولاكم الناس دي كان طرشقت عديل كدة .. لكن يبدو أنو للصبر حدود .. ويبدو انكم وراء البسمات كتمتوا دموع
عمر
Post: #20
Title: Re: قفلت معاي
Author: Moawia Mohammed
Date: 05-10-2007, 00:01 AM
Parent: #1

طارق
دا شنو دا دا دا
مالك عامل في نفسك كدا
لو سخنت أديها رداء
لا تلفها لا تجبدها
.....
أقول ليك حاجه
جيب برنجي وحقه
سف وغني براك
يور تنقا تنقا تنقـــا
.....
لو قافله معاك 22
نحن قافله معانا 24


تحياتي
Post: #21
Title: Re: قفلت معاي
Author: سلمى الشيخ سلامة
Date: 05-10-2007, 00:03 AM
Parent: #1

هيا دا قال قفلت معاى نحنا شدة ما قفلت معانا نسينا نقفل الباب بى ورانا ، قفلت معاى وكت تقفل معاك انت تفتح مع منو ؟
حبى وشوقى واطنان من المحبة(تقفلى انتى افتح انا )او كما قال
Post: #23
Title: Re: قفلت معاي
Author: اساسي
Date: 05-10-2007, 00:29 AM
Parent: #21

والله حننتني يا طارق قفلتك قاسيه تب
Post: #24
Title: Re: قفلت معاي
Author: طارق الأمين
Date: 05-10-2007, 00:32 AM
Parent: #21

صحيح انا لسه قافل

وزارتني

حمامه

وظلتني الغمامه

ادتني التحيه

عرفت الابتسامه

احب انا فيك لطافتك

سلمي الشيخ سلامه

اكيد ما بتبقي قافله

لي يوم القيامه
Post: #26
Title: Re: قفلت معاي
Author: HAYDER GASIM
Date: 05-10-2007, 00:43 AM
Parent: #24

طارق ود الأمين
الزول السمح والزين
و كتين تقفل معاك
الباقين إقبلوا وين
ووكتين تقول الروب
إلا نلحسوا زي مربة
ول زي علبة فرطة
سااااااقطة تحت الزير
تعيد للخلوق البسمة
تنعش القلب والأورطة

يا العزيز ود الكرام
يا عارف طريقك
والمقصد همام
يا وافر نصيبك
فى الحب والإحترام
أغريك السلام
أهديك المحبة
وجرعة وئام
شان تصح
وترجع تمام
وزي ما كنت
يا أنصحنا
يا أجملنا
يا فننا الآثر
وفوحنا المقدام
يا جبل الكحل
راسي المقام
يا شعلة فرح
رغم { القفلة }
وفوق للزحام
Post: #25
Title: Re: قفلت معاي
Author: الطاهر ساتي
Date: 05-10-2007, 00:40 AM
Parent: #1

جر سلك لعبد المنعم سليمان وامشو افتحو القفلة دى ...
اسهل حاجة عندك تفتح قفلاتك .........
Post: #27
Title: Re: قفلت معاي
Author: طارق الأمين
Date: 05-10-2007, 01:29 AM
Parent: #25

الطاهر ساتي

عدييييييل كده


سعيد بيك

ارجاني

جاييك
Post: #28
Title: Re: قفلت معاي
Author: عبد المنعم عبدالله
Date: 05-10-2007, 01:59 AM
Parent: #27

سلام طارق
لو قفلت معاك سلاح ذو حدين
يا اتشطفنا
يا اتفنقهنا
ذادت البسطه او قلت
لانو قافله معانا ليها سنين
وكنا محتارين
بس كان باستطاعتكم رسم البسمه علي شفاهنا
تقدمو لنا من الفسيخ شربات
دحين اشرح قفلتك ياتو اتجاه
وجد زعلان لفرقتكم فقدها لشخصيه
ابكرينا؟
لم الحظ له نجاح بعد فراقكم
بس كان مسرح بحاله
اتمني ان اصحي غدا
واجد عمل لابكرينا
لا امني نفسي
حتي انشاء الله عمل قديم
وشكرنا
لو قافله معاك
join the club
Post: #29
Title: Re: قفلت معاي
Author: أبو الحسين
Date: 05-10-2007, 06:34 AM
Parent: #1

Quote: حر

حر المبالغه

كتاحه

مفرقعات

بروميدبوتاسيوم

ايدز

ابوجا

باعوووووض

المتعافي

خدمات المشتركين

عمر الجزلي

راجل المرا

جنيه جديد

امدادات طبيه

مصر المؤمنه

الصدي

القذافي

كجبار

حسن برقو

قندهار

مقررات اسمرا

ميلادالاغنيات

هيثم طمبل

البمبان

نجوم الغد

سلاح الذخيره

مهرجان الضعين

كوشيب

اسهال مائي

اسهال غير مائي

مرسي الفاشر

المحاميد للاثاث

المخبزالتركي

مسجد عبدالحي

هيفاء وهبي

كوبري العزوزاب

حماده بت

مصل السحائي

جريده الميدان

اللجنه العليا

الاسبرت

شكر الله خلف الله

من سيربح المليون

في شنو؟

في شنو؟

اعترفوا كلكم

في شنو؟

قفلت معاي



ود أُختي الجميل...

تسلم من القفلة يا اخوي... والجاتك في ديل بس سامحتك!!

قواسيب مودتي وللأُسرة...


أبو الحســــــين...
Post: #30
Title: Re: قفلت معاي
Author: essam&amal
Date: 05-10-2007, 06:45 AM
Parent: #1

قفلت معاك يا دوب
حالتو دى بلد الخير
يا طارق نهاجر اخير
لكن ؟ مكانك هنا يا الخير
وكمان احيرك حيير
سلامى للوالدة
ولفاطمة السرير
ولك التحايا
ام وضاح
Post: #31
Title: Re: قفلت معاي
Author: بدرالدين شنا
Date: 05-10-2007, 07:05 AM
Parent: #1

طارق لا
يعني ما أجي؟؟؟
Post: #32
Title: Re: قفلت معاي
Author: محمد سنى دفع الله
Date: 05-10-2007, 07:17 AM
Parent: #31

دابو قفلت معاك ؟؟

دابو من المحنة
وإتماصو من الرقة
وبرضو قفلت معاهم
فاتحة مع منو؟
فاتحة مع منو؟؟
فاتحة مع منو ؟؟؟
Post: #33
Title: Re: قفلت معاي
Author: ود الباوقة
Date: 05-10-2007, 07:17 AM
Parent: #31

والله يا طارق فعلا قافلة معاك . لانك من امبارح بالليل ما فت النت دا جاي ولا جاي ..



ود الباوقة
Post: #34
Title: Re: قفلت معاي
Author: طارق الأمين
Date: 05-10-2007, 08:25 AM
Parent: #33

انا الان نايم

بصحي

وبجيكم

اجرب القفله بالنومه
Post: #64
Title: Re: قفلت معاي
Author: مرتضى الصادق
Date: 05-11-2007, 01:29 PM
Parent: #31

طارق اسعى ليك.... مكيف بس ما تتغطى بملاية
Post: #35
Title: Re: قفلت معاي
Author: الفاتح خليل الفكي
Date: 05-10-2007, 08:51 AM
Parent: #1

الأخ / طارق
سلام واحترام ،،،،
قفلت معاك يا دوووووبك يا طارق ؟؟؟
والله انت طيب طيبه
الناس قفلت معها والمفتاح ما معروف وين
يوم متفرقعات ويوم متعفنات واسهالات وحر وموية قاطعة
وكهرباء قاطعة وناس مرطبة وتتفاصح وما شغالين بالناس
نوم نوم قال قفلت معاي قال
لك تحياتي
أبو كريم
Post: #36
Title: Re: قفلت معاي
Author: طارق عبد اللطيف نقد
Date: 05-10-2007, 09:24 AM
Parent: #1

ابو الطا
الزول اللذيذ
والله مشتاقين ليك ولي ايام الفرع
وايام البوش والشلهته
والايام المفتوحه
ورابطة الصحافه

تخريمه

0
0
0
0
0
0
0
0
0
0
0
0
0
0
والله يا ابو الطه صلعتك بقت ذي البطيخه
حافظ عليها في الصيف ده لو بردت بتجهجك 0
Post: #37
Title: Re: قفلت معاي
Author: طارق الأمين
Date: 05-10-2007, 09:40 AM
Parent: #36

اها

صحيت

يعني شنو؟؟؟؟؟؟؟؟؟؟؟؟؟؟؟؟؟؟؟؟

لسه قافله
Post: #38
Title: Re: قفلت معاي
Author: مزمل التريكى
Date: 05-10-2007, 10:45 AM
Parent: #1

Quote: دابو قفلت معاك ؟؟


يااخوانا الزول ده قافله معاه من سنة اسكت

يعنى عشان ما قاعد يشتكى

الناس دى بهناك شغاله بالفى والمافى
وزى ماقال شنا قبل كده بعملوا من الفسيخ شربات

قروش مافى وجمهور بطالب بى حاجات دايره قروشات كتارات

ومصنفات وحريه حببببببببببببببببببببببببه

لكن مصيرها تفك

طارق كدى حاول جازفها لحدى ما الامور تصلح
Post: #39
Title: Re: قفلت معاي
Author: ملكة سبأ
Date: 05-10-2007, 10:58 AM
Parent: #1

Quote: راجل المرا


وراجل المرور
Post: #40
Title: Re: قفلت معاي
Author: غادة عبدالعزيز خالد
Date: 05-10-2007, 12:13 PM
Parent: #39

الأخ العزيز
طارق الأمين

مالك, قول بسم الله
مشوكش و لا شنو؟


و الله يا طارق أقول ليك شي
كلنا قافلة معانا و الحمد لله
على الأقل إنت عندك سبب
أنا ماااااالي
هههههههه (تنهيدة خاااارة)

أبقى عشرة
و سلام للفرقة و لصالحين قول ليهو
حلمت تاتي بالجدادة

.
.
Post: #41
Title: Re: قفلت معاي
Author: خضر حسين خليل
Date: 05-10-2007, 12:21 PM
Parent: #1

Quote: الاسبرت


سبب واحد يخليها تفتح مافي اطارق
بما فيهم الاسبرت شخصياً



ودي وتقديري


خضر
Post: #42
Title: Re: قفلت معاي
Author: Abd-Elrhman sorkati
Date: 05-10-2007, 12:27 PM
Parent: #1

العزيز طارق الامين

لك المحبة والود .......

قفلت من زمان ياخي وهسة والله لو فتحت زاتوا ما حا نعرف نتعامل ... أتعودنا علي القفلة .

لأقفل .
Post: #43
Title: Re: قفلت معاي
Author: أبو عبيدة البصاص
Date: 05-10-2007, 12:57 PM
Parent: #1

كوبري العزوزاب

اها ياطارق ده مالو عمل ازعاج لي صاحبك المحامي
Post: #44
Title: Re: قفلت معاي
Author: Moawia Mohammed
Date: 05-10-2007, 01:19 PM
Parent: #1

Quote: طارق
دا شنو دا دا دا
مالك عامل في نفسك كدا
لو سخنت أديها رداء
لا تلفها لا تجبدها
.....
أقول ليك حاجه
جيب برنجي وحقه
سف وغني براك
يور تنقا تنقا تنقـــا
.....
لو قافله معاك 22
نحن قافله معانا 24


تحياتي


كدا قفلت معانا نحن ظاطو جد جد
Post: #45
Title: Re: قفلت معاي
Author: عزيز عيسى
Date: 05-10-2007, 03:41 PM
Parent: #1

طارق،

والله إنت أظرف زول..
الله يفتحها عليك محل ما تقبل.
Post: #46
Title: Re: قفلت معاي
Author: طارق الأمين
Date: 05-10-2007, 04:58 PM
Parent: #45

ويبدو انكم وراء البسمات كتمتوا دموع

الاخ عمر عبد الله

كل البسمات وراها دموع مكتومه

اشكرلك تضامنك في القفله

اشالله ماتقفل معاك ابدا
Post: #47
Title: Re: قفلت معاي
Author: طارق الأمين
Date: 05-10-2007, 05:03 PM
Parent: #46

لو قافله معاك 22
نحن قافله معانا 24

معاويه

يبقي نحن الاتنين

قافله معانا 46

مودتي
Post: #48
Title: Re: قفلت معاي
Author: طارق الأمين
Date: 05-10-2007, 05:11 PM
Parent: #47

حيدر قاسم
طارق ود الأمين
الزول السمح والزين
و كتين تقفل معاك
الباقين إقبلوا وين



حضورك ياحيدر يؤجل كل القفلات

ياخ انا بحبك كترة حب

تحياتي
Post: #49
Title: Re: قفلت معاي
Author: HAYDER GASIM
Date: 05-10-2007, 07:07 PM
Parent: #48

Quote: انا الان نايم


ده حلوة ده

باين عليها قفلة قوية ,

طيب ... ما تفتح




... مع الود
Post: #50
Title: Re: قفلت معاي
Author: HAYDER GASIM
Date: 05-10-2007, 07:23 PM
Parent: #49

Quote: Quote: حر

حر المبالغه

كتاحه

مفرقعات

بروميدبوتاسيوم

ايدز

ابوجا

باعوووووض

المتعافي

خدمات المشتركين

عمر الجزلي

راجل المرا

جنيه جديد

امدادات طبيه

مصر المؤمنه

الصدي

القذافي

كجبار

حسن برقو

قندهار

مقررات اسمرا

ميلادالاغنيات

هيثم طمبل

البمبان

نجوم الغد

سلاح الذخيره

مهرجان الضعين

كوشيب

اسهال مائي

اسهال غير مائي

مرسي الفاشر

المحاميد للاثاث

المخبزالتركي

مسجد عبدالحي

هيفاء وهبي

كوبري العزوزاب

حماده بت

مصل السحائي

جريده الميدان

اللجنه العليا

الاسبرت

شكر الله خلف الله

من سيربح المليون

في شنو؟

في شنو؟

اعترفوا كلكم

في شنو؟

قفلت معاي





إتخيل يا طارق بي ده كلو ...

أنا مشتهي السودان وروحي

مارقة فيهو ...

ول أقول حاجة ... ما نتبادل




شكرا عزيزي على هذا الحب ,

فأنت من طينته وسلالته ووحيه

وأحد الحوامل البشرية التي

تمثل المعادل الموضوعي للحب

فى هذه الدنيا ... يا أجملنا.



كيف القفلة معاك ... لسع ,
Post: #51
Title: Re: قفلت معاي
Author: غادة عبدالعزيز خالد
Date: 05-10-2007, 07:33 PM
Parent: #50

طارق الأمين

كيف أمسيت؟
و القفله كيفا معاك؟

Quote:
إتخيل يا طارق بي ده كلو ...

أنا مشتهي السودان وروحي

مارقة فيهو ...

ول أقول حاجة ... ما نتبادل



و أنا كمان يا حيدر
مشتاقة للسودان شديد
.
.
Post: #52
Title: Re: قفلت معاي
Author: طارق الأمين
Date: 05-10-2007, 07:39 PM
Parent: #50

ايوه لسع
Post: #53
Title: Re: قفلت معاي
Author: طارق الأمين
Date: 05-10-2007, 08:00 PM
Parent: #52

المتداخلين الكرام

المتداخلات الكريمات

اشكرلكم تكبدكم مشاق الكبرده

كبرده من كيبورد

وساعود لكم واحدا واحدا

وبعد

قفله زي دي

مااااااااحصلت

قفله رابه وقاجه

الغايزني اناعامل فيها

بودر قفلات الناس

لكن البحر بشيل قفالو

المهم حاونسكم حبه

اكيد حتفك ولازم

الليله اوبكره
Post: #54
Title: Re: قفلت معاي
Author: طارق الأمين
Date: 05-10-2007, 08:21 PM
Parent: #53

من اشهر القفلات في ذاكرتي

قفله جارنا في الحي

الشاب الغريب التصرفات

من والده مصريه

امه امرأه بسيطه وطيبه

وكان ابنها (ص) حينا تقفل معاهو

يسرع بالصعود الي (راس البيت)

بحجه انوعندو كلام خاص مع المولي سبحانه وتعالي

وكانت الام المسكينه

تمنعه من الصعود لي راس البيت

(ما أأدرش اسيبو مع ربنا لوحدو

مش عارفا حيؤلوايه

انا مش ضامناه الواد دا

وكان ان تنازعا قريبا من ركن سبلوقه

وهي تطارده في الطريق الي سمرقند

اقصد في الطريق الي راس البيت المسكين

فكان ان وقعا وتفنقلاء وكسرا كراعيهماء

معا

هذا جزاء كل من يعصون امر امهم

انتهي الخبر
Post: #57
Title: Re: قفلت معاي
Author: طارق الأمين
Date: 05-10-2007, 09:01 PM
Parent: #54

كما ان من احب القفلات الي نفسي

قفله اخوناالفنان

ربيع طه

فقد كان يحكي لنا دائما

عن ضيقه الشديد

بسبب حب والده للرحول

تغيير السكن دائما

حتي انه حكي ان والده

لمن طول مارحل لي بيت جديد

ومسكت به حمي الرحيل

اقنع جاره البسيط بضروره تبادل المساكن

قالي ربيع نحن بقينا نمد ليهم بالحيطه تربيزه

يمدو لينا عنقريب

لمن كمل رحيل البيتين

فكان ان قفلت مع صديقي ربيع

ودخل عليهم جارهم الملاصق الجديد

في زياره مفاجئه

ربيع الف ليهوقصه خياليه

عشان ما يزورن تاني

قال ليهوسبب رحولنا انو البيت دا

تاريخيا عندنا معاهو مشكله

لانو حبوبتنا كان عندها علاقه

مع الفنان الشهير وكتها كرومه

والقصه دي عملت لينا فضايح

وعقد نفسيه داخل الاسره المحترمه

وبكي ربيع بحرقه

كان يبكي وجع ضهر العتييل والرحول

صدق الرجل وقدر الموقف وتأثر

واستأذن بالمغادره وما صدق يتخارج

لم يكتفي ربيع بالخلاص من الرجل

مشي ليهو في البيت تاني يوم الصباح

واعتذر ليهوانو اورد في كلامو امبارح معلومه غلط

وقال ليهوالمعلومه الصحيحه الجديده واعتذر ليهو

قال ليهو انا غشيتك

حبوبتناما كان عندها علاقه

مع كرومه

علاقتا كانت

مع سرور

مش كرومه

من حينها والرجل

ما بسلم علي ربيع
Post: #58
Title: Re: قفلت معاي
Author: طارق الأمين
Date: 05-10-2007, 10:06 PM
Parent: #57

اوكي

اقلبوهو زي ما تحبو

قولوبت

قلبا يمين

قلبا شمال

اتفضلو اقلبو

يا انقلابيين

وكده

معاكم

في القلبه

اها
Post: #55
Title: Re: قفلت معاي
Author: رامي يوسف الصديق
Date: 05-10-2007, 08:35 PM
Parent: #53

طارق, رغم إنو البوست دا بتاع قفلتك الخاصة بيك لكن عندي إقتراح نقلبو ونسة... انا شخصيا قافلة معاي ورغم إنو قائمة الأسباب ما واحدة لكن الإحساس قد يكون متشابه...
عندي إقتراح لتخفيف الزهجة في نهاية الونسة...
Post: #56
Title: Re: قفلت معاي
Author: ahmed abdul daim
Date: 05-10-2007, 08:38 PM
Parent: #1

الرائع دوماً ( ما جاية من دومة و ما تفهمنا غلط ) و ابداً

اقوليك حاجة ما حاتصدقها قبال ما افتح البوست ضرباني ليك قفلة بت كلب و المصيبة انوا كل ما تقفل معاي راسي ضحيتي طوالي بمشي الحلاق و هات يا صلعة لكن المصيبة انوا حلقتها امبارح و الليلة اتحيرت اعمل شنو فا ياخي انا في محنة و ما عارف افك قفلتي كيف !!! ولا البس لي باروكة و احلقها صلعة !!!

يا مفرج الضيق يا مضيق .......

معك قلباً و قالباً الى ان تتفك قفلتنا

اضف الى قائمة الشرف هلال مريخ


عمار ( كـــــابـــيــــــــلا )
Post: #59
Title: Re: قفلت معاي
Author: ريهان الريح الشاذلي
Date: 05-10-2007, 10:15 PM
Parent: #56

Quote: ما أأدرش اسيبو مع ربنا لوحدو

مش عارفا حيؤلوايه

انا مش ضامناه الواد دا


حيؤلو اي؟؟؟ حيقولو كلام في الريد ..زي النجوم والماس..

حيقولو تعبت وتعبت وتعبت ولمن تعبت اخيرا...قفلت معاي...



سلامات يا طارق والمفتاح ةعند النجار...
Post: #60
Title: Re: قفلت معاي
Author: sudania2000
Date: 05-10-2007, 10:16 PM
Parent: #56

قفلت

افتحها

صعبة دي

فتوحت

فتحت

الورود الجميلة لا تقفل معاها ابدا

وربنا يفتحها عليك شقيق ما تقبل

تحياتي واعجابي

معالجاتك الاجتماعية هي التي تفتح لنا طاقة ضحكة وأمل

في ظل القفلة الدائرية

زراع الفرح لابد ان تحصدوه

ورينا ايش المشكلة نحلها ليك

بس ما تقول ح تدبل
Post: #61
Title: Re: قفلت معاي
Author: Kostawi
Date: 05-10-2007, 10:17 PM
Parent: #56

الواحد قاعد في السودان و يقول ليك قفلت معاي
طيب نحن نطق?
Post: #62
Title: Re: قفلت معاي
Author: Hussein Mallasi
Date: 05-10-2007, 10:49 PM
Parent: #61

غايتو قفلاتك لو بتطلع لينا حاجات زي؛
حقو تستمر معاك يومين تلاتة تاني
Post: #63
Title: Re: قفلت معاي
Author: مصطفي سري
Date: 05-11-2007, 01:08 PM
Parent: #62

اخجلت اتحاد الصلع والجلحات الصغيرة
لان من لوائحة حك الصلعة وقت القفلة
ولذلك انت موقوف من عضوية الاتحاد وعليك
ان تربي حبة شعر
حتي ينظر الاتحاد فيما كفرت به من لوائحه
Post: #65
Title: Re: قفلت معاي
Author: ahmed abdul daim
Date: 05-11-2007, 02:41 PM
Parent: #1

الرائع دوما ً

Quote: اخجلت اتحاد الصلع والجلحات الصغيرة
لان من لوائحة حك الصلعة وقت القفلة
ولذلك انت موقوف من عضوية الاتحاد وعليك
ان تربي حبة شعر
حتي ينظر الاتحاد فيما كفرت به من لوائحه


ماهو المصيبة تحكها تحكها لمن تولع و تعمل شرارة و نبقى في ناس القفلة حرقتني !!!

يا ود الأمين جمعة مباركة
اضف الى قائمة الشرف خطبة الجمعة

ما فينا زول فك الحبيبة عكس الهوا و ركب الزول البريدوا التونسية الحب وجود الحب قضية

عمار ( كابيلا )
Post: #66
Title: Re: قفلت معاي
Author: طارق الأمين
Date: 05-11-2007, 11:23 PM
Parent: #65

اها

جيت

مساء الخير والقفله

اطول جمعه في الحياه
Post: #67
Title: Re: قفلت معاي
Author: طارق الأمين
Date: 05-11-2007, 11:38 PM
Parent: #66

الخال ابوالحسين

مساء النور

كيفكم

وكيف معاكم المقفله العربيه السعوديه

انشالله ما اكون جبت ليك هوا

مودتي وتحيات الجميع
Post: #68
Title: Re: قفلت معاي
Author: طارق الأمين
Date: 05-11-2007, 11:41 PM
Parent: #67

عصام كمال

شكرا للطله

ونحايا حتي نهايه القفله

موداتي
Post: #69
Title: Re: قفلت معاي
Author: طارق الأمين
Date: 05-11-2007, 11:45 PM
Parent: #68

طارق لا
يعني ما أجي؟؟؟


بدر الدين


اي

ماتجي

حبي
Post: #70
Title: Re: قفلت معاي
Author: عامر تيتاوى
Date: 05-12-2007, 00:29 AM
Parent: #69

طارق الامين

Quote: من سيربح المليون


بتفتح والجوكر بايظ











لو قفلت تانى .. تنقش تنقش
ودوهو لى ناس عبد السلام
Post: #71
Title: Re: قفلت معاي
Author: altahir_2
Date: 05-12-2007, 02:34 AM
Parent: #1

طارق الامين ازييييييييييييييييييييك
هى زيد فى القفلة دى:-
كتابى بتاع مديح الظل العالى وين؟
اديتك ليهو قبل 17 سنة
محبتى
ضياء الدين ميرغنى
Post: #72
Title: Re: قفلت معاي
Author: HAYDER GASIM
Date: 05-12-2007, 08:06 AM
Parent: #71

عزيزنا الميمون ... طارق الليمون

تعرف مع قفلتك { الحارة } ده بقيت لينا

زي العيان { حماك الله } ... عشان كده ...

وبموجب المعزة ... لازم نتفقدك كل يوم ,

ونسأل بإلحاح وترقب ... القفلة كيف الليلة

{ التقول مولد } ... فوافينا ... حتى نطمئن.


تكويعة ... عجبتني { اللجنة العليا } ده ,

وضحكت أنصاص الليالي وكل الناس حولي نيام ,

فلماذا تخبلني هكذا ... مخصوم منك يوم عمل

وهذا امر غير قابل للإستئناف إلا لدي { اللجنة

العليا } ... hee hee ... الله إقطعك يا ممسوخ


... تطيب أوقاتك وتحياتي لمعتز الظريف ... وبالله

لازم... لازم تتواصل مع ناس بيتنا , وتطل عليهم

ما سمحت ظروفك { الفنية }... حتى لامن تكون قافلة

معاك ... على الأقل عندنا شدر يشي بالهابي وطاحونة

تستديم على رحاها { الكسرة } وعمر الناظر أقرب من

حبل الوريد حين الفرح { المعبأ } ... والنعمة بت

سعد بسلوائها ونجلائها وبقية عقدها المجيد ... لها

فى { القراصة } شأن إن أبيت الكسرة ... تاني شنو ؟
Post: #73
Title: Re: قفلت معاي
Author: Dr. Ahmed Amin
Date: 05-12-2007, 08:16 AM
Parent: #1

الرايع طارق
هي قافلة معاك؟؟؟؟
.
ولا
فاااارقة معاك؟؟؟؟
Post: #74
Title: Re: قفلت معاي
Author: طارق الأمين
Date: 05-12-2007, 09:45 AM
Parent: #73

اقول لاولئك الذين يروجون الاشاعات

عابره القارات بان خلف الامر شاكوش

وهم يعرفون علاقتي العاطفيه بالاخت كونداليزا رايس

يريدون افسادعلاقتي مع الاداره الامريكيه

ولكن هيهات

الشواكيش لم تعد تسبب القفلات

ولكن لابأس سوف احكي لكم اول علاقه عاطفيه

كنت حينهافي الديوم الشرقيه وادرس في مدرستهاالمتوسطه

لمن الديم ديم وكان فيهو حنان لبط

البتفرتق الحفلات اذافي زول عمل ليها شفت

لمن بنات الديم كان بقدمواولاد العمارات

قال اسماعيل حسن

بين العمارات والديوم

شارع ظلط للعين يبين

لكنو ماشارع ظلط

بل هو االاف السنين

ياحليل ديمنا اللذيذ يابوساندرا

علما باني ليس دفعتك ولالحم سدرك

المهم

سوق الديم الساحه قرصه شاكوش

فريق الرعد عمك عبدون

المضحكني الكيزان كانو خمسه ولي سته

بمافيهم علي عثمان

بعدين مساكيييييين

وضوعااااااااااااف يحننو

لكن نقناقين وبدون كرش ولا هرش

كيزان موديل 76 بنزين سنه ناعمه

موديل دبل قابين مان ظهر

كان قت اوف تلقا الواحد مافي

لكن لايفرحو لايطشمو لايخلو خلق الله تطشم

سمعت بكلمه حب اول مره

هناك في مربع 5

حيث كان هناك فنان ضخم

ضخم في الحجم

اسمه علي النذير

يغني حني حني علي انا ياستي

الحاصل بي سببوانتي

عرفت بعدها بسنوات انه كان متأثرا

ومتيما وعاشقا ومكسرا

كان يكسب رزفه من النقاشه

ويجري بروفاته اثناء الجير

وتمتلك اسرته طوطحانيه محترمه

يطوطحنا بها مقابل قرش لمده 5 دقايق

وكانت هذه الطوطحانيه تعين الاسره

في مواجهه نوائب الدهر

وتدعم الفن حيث انه يتغني بالمجان

وكان اشهر من علي عثمان سرحت مش؟؟؟

ح ارجع ليكم لي قصه الريده القديمه

لكن
بعد الفاصل
Post: #75
Title: Re: قفلت معاي
Author: طارق الأمين
Date: 05-12-2007, 10:13 AM
Parent: #74






عدنا
Post: #76
Title: Re: قفلت معاي
Author: محمد عكاشة
Date: 05-12-2007, 10:18 AM
Parent: #75

ياستااااااااار
ياطارق اليومين دى معانا يحى فضل الله..اخر حوارات وحكى وذكريات حميمة..
ما تقفلا معانا..ارجوووووك
حانجيك بالدرب بس رووق واحلى
مودتى وتقديرى
Post: #77
Title: Re: قفلت معاي
Author: عواطف ادريس اسماعيل
Date: 05-12-2007, 10:28 AM
Parent: #76

طارق !!!

هسة نحنا ذنبنا شنو نقرا الحاجات العجيبة دي وتقفل معانا برضو؟ مش كفاية تفقل مع مواطن سوداني

واحد بدل خمسين مليون ؟ الله يسامحك ياخي أنا غايتو بعد ما قريت بوستك دة حتقفل معاي ليوم الدين

أها أسوي شنو؟ أنط أقع في الخليج ولا أنتحر من سطح بناية !! لك كل الود ,,
Post: #78
Title: Re: قفلت معاي
Author: بكرى ابوبكر
Date: 05-12-2007, 10:49 AM
Parent: #77

جرب تشرب لبن العيش
Post: #88
Title: Re: قفلت معاي
Author: nazar hussien
Date: 05-12-2007, 02:51 PM
Parent: #78

طارق اللمين دا تدوه دو بس...تخلوها قافلة معاه كدي...عشان يبدع..

ويهضرب ابداع....


قول:

قفلت معاي قفلة عدوك
ما الليلة شّدونا السلوك
من جدة لي حي اب كدوك

والاغتراب كان قلت عوك
بيجيك لا عند بيت ابوك
بس ما في شي

ناس تنتشي..وناس تختشي
وناس تنحشي بي كوم سجوك
باقين قدر تور المجوك
ومدهنين حتي الوشي


يلا تمّّها
Post: #80
Title: Re: قفلت معاي
Author: نزار محمد عثمان
Date: 05-12-2007, 11:10 AM
Parent: #75

طارق

قفلت معاك؟

القفلة دي فتحت في راسي
ينبوع الحكم الشاطحة
إذ يمكن أن أستثمر
في القفلةالمانعة الناصحة؟
ماالقصة تجارة بفكرة
مبتكرة وساهلة وواضحة
آتيك ببوكس مكندش
أو بنز عجاجتو دي كاتحة
تدفع لي مقدم نقدي
وتديني معاهو القافلة
أخت الكاش في جيبي
وأديك بدالو الفاتحة.
...
الفاتحة.
...
..
طارق يسعد مساك.
الفاتحة كان قفلت معاك.
الفاتحة.
Post: #79
Title: Re: قفلت معاي
Author: عمر الفاروق
Date: 05-12-2007, 11:01 AM
Parent: #1

قافلة معاك ؟
جرّب أفتح الشبّاك ..
وطلّع حقة التمباك ..
أشنق سفة يا كوجاك..
العب كورة خليك باك ..
ولما تجيك شوتا هناك ..
واطلع تاني جيبا براك ..
مش انت قافلة معاك ؟؟

شوف برمودة والبس كط ..
واعمل فيها واقف لط..
شوف صينية ولا ظلط..
أعمل مجنون وهاك يا نط..
أو تمشي الشهداء وامسك خط..
وأمشي النيل وعوم زي بط..

لسة قافلة معاك ؟؟

ارفع ابيض الراية ..
وفتش ليك جكساية ..
وجيبوا عصير في كباية ..
وهي هي هي وها ها ها ما بالغتي يا هناية ..
معاك "طرّوقي"مين الحلوة ؟
ويطلع إسمها التاية ..
قرصة وقرصة يا معلم أصلو محطتي الجاية ..

القفلة ما راحت؟؟

اضرب همها العيشة ..
وجرّ حجرين من الشيشة..
تحت راكوبة تعريشة ..
وزيد الدنيا تطنيشا..
دي ما محتاجة يا كيشة ..

القفلة لسّة مدورة ؟

أطلع برة باب الحوش..
وأظبط ليك فتة بوش..
وبي برنجية راسك يدوش..
أدفر بابك وأدخل توش..
ريّح بالك يا طارق..
أدّي الدنيا بي البرطوش..
وأسمع لي كلام اجدادنا..
مهما جرينا فيها وحوش..
ياهو رزقنا مهما نسوي ليهو نحوش..


كان لسة قافلة معاك أعمل لي مس كول ندّيك حلول تانية ..

التوقيع:
الفاتحة معاهو عمر الفاروق..
Post: #82
Title: Re: قفلت معاي
Author: AmroKamal
Date: 05-12-2007, 12:13 PM
Parent: #79

الحمد لله انا قفلتى فكت بكلامك الشخارم بخارم ده

والله انا قاعد فى محل نت فى نص السوق العربى فى عز السخانة والفقاعة دى!!!! واتفقعت بالضحك لمن الناس الجنبى بقو يتلفتوا على....


عمر الجزلى وعرفناه...شكر الله ده مالو؟
Post: #83
Title: Re: قفلت معاي
Author: طارق الأمين
Date: 05-12-2007, 12:43 PM
Parent: #82

ياخواناواخواتنا

جاييكم واحد واحد

بس ارجو ما يتفهم الموضوع خطأ

واقوم اضطراعمل بوست اسميهو

(مزيدا من التوضيح بخصوص القفله)

انا ماقافل من الناس الفي اللسته دي كلهم

ولا الحاجات الذكرتها فوق دي كلها

لكن لما حصلت القفله دي

كانت الاسماء دي كلها في راسي

وبفكر في علاقتا بي بعض شنو

يعني هيفاءوهبي مالا لوختوها براها

حلاااااتا والله

وشكرالله صاحبي

وجريده الميدان يابوساندرا اشان ماتزعل

لكن ختهم لي ورا بعض واقراهم لي

هيفاءوهبي الميدا ن شكر الله انفلونزا الطيور

اهودي كده بتجنن

وتجيب القفله

ماتقفلولينا قفلتنا

الحق في القفله

من حقوق الانسان

من حق اي زول

يستمتع بي قفلتو


بجيكم صادي
Post: #84
Title: Re: قفلت معاي
Author: فدوى الشريف
Date: 05-12-2007, 12:52 PM
Parent: #1

ذكرتني ايام العيد والناص صايمه وانت زهجان وعطشان وتقضي في حاجات
العيد وراجيك فطور صايمين في البيت والزحمه والسخانه وكل زول متضايق
وماعاجبه الوضع
وحده اخلاقها طلعت خلاص وقالت دا شنو الناس الكتار ديل
تلب واحدقاليها لو قعدتي في البيت وانتي واختك الجايب الزحمه شنو
يعني كل زول زهجان وفي نفس الوقت هو زااااتو مصدر زهج لي ناس تانيه
بس لكن بصراحه ياطارق الامين الاستاذ المبدع
ماكنت في مكان والا زاد تألقا وجمال وبهجه وفرحه
( داماكسير تلج ياجماعة الخير ) لكن حقيقي قفلت المبدعين بتولد ابداع
انا غايتو بتوقع جديد بي سبب القفله دي
معزتي واحترامي
Post: #85
Title: Re: قفلت معاي
Author: غادة عبدالعزيز خالد
Date: 05-12-2007, 01:25 PM
Parent: #84

Quote: اقول لاولئك الذين يروجون الاشاعات

عابره القارات بان خلف الامر شاكوش

وهم يعرفون علاقتي العاطفيه بالاخت كونداليزا رايس

يريدون افسادعلاقتي مع الاداره الامريكيه

ولكن هيهات






طارق, أنا صدقت إنو عند علاقة
بكزندي, و أنا هينة
بس بعد ده حتبقى
في التحلك من سجيمان
يجيك بالهمر
و بوقف حالك
هو و الكيزان

ههههههههههه

مستنين قصة الريدة القديمة

كل التحية
غادة
Post: #87
Title: Re: قفلت معاي
Author: طارق الأمين
Date: 05-12-2007, 02:35 PM
Parent: #84

اكمل فصه اول شاكوش

المهم

بعدان تطوطحنا حينا من الدهر

كنا نذهب الي المدرسه المتوسطه

بي ارديه لونا كاكي

الله لاتكسب الزول الفكر يلبس الطلبه ارديه

اسي اناحافظ اي زول كرعينو معوجات في الدفعه

كان منظر سكاكاتنامضحكاامام الطالبات

وكانت فسحه الفطور عندنا اهم من فكره التعليم كلو

حيث الشرشحه وفته البوش عند اقرب دكان

سيدالبقاله قفلا معاناقال الصحان كملت

واقترح ليناندق اي باب نتسلف صحن للبوش

دقيت باب صدفه ساي

واريت كان مادقيت


تم تم تيرم تن تشش (0موسيقي تصويريه)

فتحت البنيه العذبتني

اهلا ياعسل

تم ترم تاح عسل عديل

عسل لي ود مراهق صغيروني عايز يعمل صحن لي فته؟

ماتعاينو لي كده كان عندي خصل وشعر اسود

زي شعر كل المواطنين الشرفاء الابطال

فقررت انهاحبيبتي

وتسمرت في مكاني

وعرفت معني ضربات القلب

وهلوسه المحبين

اذن اهوداالحب البقولوهو

اسمك منو

اسمي طارق

اهلا طروقي

اماااااااااااااااااااك

طروقي؟عجبني الاسم واخذتني (العزه بالاسم)

طروقي لي ود مراهق صغيروني عندو خصل عاوز صحن لي فته بوش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اول مره زول يدلعنيي ياطلال عفيفي

مانمت الليالي

اتعلمت الشعر

اصحابي التمنيه بقو يمشومعاي

نجيب الصحن نودي الصحن

نجيب الصحن نودي الصحن

نجيب الصحن نودي الصحن

ويتلبتو وراي عشان يحضروالحب

اثناء عمليه تسليم وتسلم الصحن

المدرسه مافيهاكلمه واحده حنينه

جلد وطابور واستاذالجزولي

وكنت احكي لاصدقائي عن تجربتي العاطفيه

وان قلبي اصبح يخفق كلما شاهدت صحن طلس

تجربتي في الحب

التي لم تبارح خشم بيت ناس حبيبتي

وبعد شهر ونيف

عجبتني ليكم ونيف دي

قررت اناصارحها

فكتبت اشعار ي وحكاياتي

المبلله بالدموع

ماعارف الدموع كان لزوما شنو

وذهبنا التمنيه

اليها

فتحت حبوبتها اونحو ذلك

وين امونه

قالت لينارجعت اهلا

في الجبل

لاحولالالالالالالالالا

طيب

جيبي صحن

تاني ماشفتها










كلومن شلاقه الاصحاب

تمنيه؟

حب ولي عقد

رجعت القافله

ولسه قافله
Post: #86
Title: Re: قفلت معاي
Author: معتصم دفع الله
Date: 05-12-2007, 02:34 PM
Parent: #1

يا طارق هسي نحن نقول شنو ..


ياخي انتو عندكم مفتاح الإبتسامة والضحكة الفاقدنها لينا زمن دي ..

أفتح باب الأمل عندك ..

أبقى طيب ..
Post: #90
Title: Re: قفلت معاي
Author: Omer Abdalla
Date: 05-12-2007, 03:12 PM
Parent: #1

Quote: هيفاءوهبي الميدا ن شكر الله انفلونزا الطيور


غايتو بخسوس "انفلونزا الطيور" دي أنا عندي ليك شرح يفككها ليك ويخرجها من معادلة القفلة:



تعرف يا طارق وفي عز قفلة الغربة معانا هنا في أمريكا وقبل وصول الفضائية السودانية (البتجيب القفلة الجد جد) وصلتنا تسجيلات لبرنامجكم الظريف "على خفيف" .. وما تتخليل مقدار الفرح الدخل قلوبنا والحنين الجارف للعودة للسودان بعد تاشر سنة غربة رغم سوء الحال وقتها .. فقد صورتم البيئة السودانية بأشيائها المحببة وبمشكلاتها في قالب كوميدي لطيف ومهضوم .. من ينسي الصنايعية وبائع النبق و"الطماطم .. الطماطيييم" .. وظاهرة استبدال الهدوم بالعدة (والعكس) في زمن الحوجة والفقر .. طبعا بعد أن شاهدنا تلك المشاهد التراجيكوميدية أكد لنا الناس أنها واقع معاش ..
فياخي اذا قدرتوا أنتو أن تخلقوا بسمة من ذلك الواقع فمؤكد قفلتكم مقدور عليها ..
عمر
Post: #91
Title: Re: قفلت معاي
Author: طارق الأمين
Date: 05-12-2007, 06:22 PM
Parent: #90

محمدالسني دفع الله

احبك زاتو ياخ

دابو قفلت معاك ؟؟

دابو من المحنة


دبنا من الشوق ياراجل

انتو ما عملتو زغبير

لكن عافين ليكم

تعالو ياخ

تعالونفتحا بي جاي

برجاك قبل رمضان

نلم خليل ركشا

مع ابكرونا وصالحين

تعال ادي الغبش طله

سترتك ياصباح الله

محمد سني حبيبي

تعال نفرح الناس حبه

ويابويا يالسني يالسني طمني

جب جب جب جب

تعال قص البلد وارجع
Post: #93
Title: Re: قفلت معاي
Author: Salah Abdulla
Date: 05-12-2007, 06:48 PM
Parent: #91

طارق الأمين العوض ...

إزيك يا خي ..

في شارع الغالي ، وجنب بيت الحبش العاملينو مطعم ، في بتاع تمباك هناك اسمو (أمير الكيف)..
شيل ليك كيس بي خمسمية بس (كان ما بتسف زاتو .. برضو شيل)..
واختار ليك واحدة من الشجرات الفي الشارع ، جنب واحد من محلات زينة العربات ..
جرّ ليك كرسي ، وكورك لي الحبشية بتاعت الشاي ، تجيب ليك واحد شاي ..
أشربو ..
خت سفة (كان ما بتسف زاتو ... برضو سف)..
وما تتكلم مع أي زول ..
راقب حركة و تصرفات الناس الماشة ، وقاعدة وعابرة ، وراكبة وناّقة..ووووووووووووبا..
شوف الناس دي قعد تعمل في شنو ...
كان ما (فتحت) معاك تعال أسألني ..
-------------
الله ( يفتح )علينا وعليك ... يا حاج ..

سلام للكل ، يا حبيب الكل ..

صلاح عبدالله
----------
عدلنا(شربة) الشاي
Post: #92
Title: Re: قفلت معاي
Author: أبو ساندرا
Date: 05-12-2007, 06:41 PM
Parent: #1

يا طارق هذه مداخلة من صديقنا عثمان علي آدم

Quote: العزيز أبو ساندرا
تحياتي ... وهاك البوست بتاع طارق الأمين تحتح عنوان قافله معاي، البوست عجبني شديد:-

((اقول لاولئك الذين يروجون الاشاعات
عابره القارات بان خلف الامر شاكوش
وهم يعرفون علاقتي العاطفيه بالاخت كونداليزا رايس
يريدون افسادعلاقتي مع الاداره الامريكيه
ولكن هيهات
الشواكيش لم تعد تسبب القفلات
ولكن لابأس سوف احكي لكم اول علاقه عاطفيه
كنت حينهافي الديوم الشرقيه وادرس في مدرستهاالمتوسطه
لمن الديم ديم وكان فيهو حنان لبط
البتفرتق الحفلات اذافي زول عمل ليها شفت
لمن بنات الديم كان بقدمواولاد العمارات
قال اسماعيل حسن
بين العمارات والديوم
شارع ظلط للعين يبين
لكنو ماشارع ظلط
بل هو االاف السنين
ياحليل ديمنا اللذيذ يابوساندرا
علما باني ليس دفعتك ولالحم سدرك
المهم
سوق الديم الساحه قرصه شاكوش
فريق الرعد عمك عبدون
المضحكني الكيزان كانو خمسه ولي سته
بمافيهم علي عثمان
بعدين مساكيييييين
كان قت اوف تلقا الواحد مافي
لكن لايفرحو لايطشمو لايخلو خلق الله تطشم
سمعت بكلمه حب اول مره
هناك في مربع 5
حيث كان هناك فنان ضخم
ضخم في الحجم
اسمه علي النذير
يغني حني حني علي انا ياستي
الحاصل بي سببوانتي
عرفت بعدها بسنوات انه كان متأثرا
بترباس اوالقلع
كان يكسب رزفه من النقاشه
ويجري بروفاته اثناء الجير
وتمتلك اسرته طوطحانيه محترمه
يطوطحنا بها مقابل قرش لمده 5 دقايق
وكانت هذه الطوطحانيه تعين الاسره
في مواجهه نوائب الدهر
وتدعم الفن حيث انه يتغني بالمجان
وكان اشهر من علي عثمان سرحت مش؟؟؟
ح ارجع ليكم لي قصه الريده القديمه
لكن
بعد الفاصل
(عدل بواسطة طارق الأمين on 12-05-2007, 09:49 ص)

مع تقديري ,,,, أخوكم/ عثمان علي ادم - 12/5/2007م


--------------------------------------------------------------------------------
Post: #94
Title: Re: قفلت معاي
Author: طارق الأمين
Date: 05-12-2007, 07:30 PM
Parent: #92

مرتضي الصادق

تحياتي

سعيت الملايه مانفع

قال محجوب الشريف

حليلك بتسرق سفنجه وملايه

وغيرك بيسرق خروف السمايه

في واحدتصدق بيسرق ولايه

تحياتي ومحبتي
Post: #95
Title: Re: قفلت معاي
Author: طارق الأمين
Date: 05-12-2007, 07:48 PM
Parent: #94

[B]الفاتح خليل

تحياتي ياحبيب يالذيذ

شنوحكايه يادوبك يادوبك دي

ايي يادوب قفلت

كان ناقصه لي التفجيراتالاخيره دي

واحداث المهندسين

لكن باقي الاوراق كلها مكتمله

اها اقفل متين يعني زمان

نودي الشافع الشفخانه قبل ما العفرب تلدغو

قصه عجيبه ياخ اها بقفل اسي المشكله شنو

يعني عشان لا ماشتكينا هي القفله دي التسجيل فيها قفل يعني

يعني افهم من كده قفلتي دي ما قفله شرعيه ولي شنو؟

طيب اتوسط لي خليهم يسجلوني مع القافلين

والله تمرقو للزول القفله من نفيستو

دي طبعا واحده من مشاكلنا

تعمل كشك يقول ليك جدي عملو سنه 40

اي زول يقول ليك الكلام دا سويناهوزمان

ياخ انا ما قدركم

القفله قفلتي

زرعتها وحدي

وساكلها وحدي

كل زول ينقرش في قفلتوبي مزاجو



محبتي وتحياتي
Post: #96
Title: Re: قفلت معاي
Author: غزلان إدريسي
Date: 05-12-2007, 09:28 PM
Parent: #95

طيب قفلوها وراكم شان ما تنتقل لينا ...
Post: #97
Title: Re: قفلت معاي
Author: طارق جبريل
Date: 05-12-2007, 11:18 PM
Parent: #1


طارق كيفنك

ان شاء الله فكت
Post: #98
Title: Re: قفلت معاي
Author: طارق الأمين
Date: 05-12-2007, 11:37 PM
Parent: #97

طارق عبد اللطيف

شكرا للمرور

واتمني ان لاتقفل علي عزيز لديكم
Post: #99
Title: Re: قفلت معاي
Author: طارق الأمين
Date: 05-13-2007, 00:42 AM
Parent: #98

عزيزي مزمل التريكي

ياخي والله انت سوداني كامل الدسم

لا تركي

لامتورك

لاتريكي

لك محبتي




طارق
Post: #100
Title: Re: قفلت معاي
Author: مصدق مصطفى حسين
Date: 05-13-2007, 01:30 AM
Parent: #1

الفنان خفيف الروح و الدم و شعر الراس
طارق الأمين
المثل بقول : فاقد الشىء لا يعطيه ،
و إنت أديتنا أبو الفتوح زاتو
عشان كده ما تكضب علينا و تقول قافله معاك ،
Quote: ويتلبتو وراي عشان يحضروالحب

اثناء عمليه تسليم وتسلم الصحن

و برضو تقول لى قافله معاك ؟؟
أريتا قفلةالسرور يا يابا.
Post: #101
Title: Re: قفلت معاي
Author: طارق الأمين
Date: 05-13-2007, 01:43 AM
Parent: #100

طيب يمكن قافله معاي حببببببه

تضمن كيف

اعترف
Post: #102
Title: Re: قفلت معاي
Author: Osman Musa
Date: 05-13-2007, 07:36 AM
Parent: #101



طارق . كدى اصبر شويه
30 أو 40 سنه يمكن
تجى شويتين طراوة
وتكون الحكايه حلاوة ... مش فى الجنه فى بقلاوه
Post: #103
Title: Re: قفلت معاي
Author: شادية الطيب
Date: 05-13-2007, 08:27 AM
Parent: #1

طارق
القفلة دي حالة عامة بس زي ما قالو ليك لما انت تقفل معاك نحن نمشي وين ؟؟ تعال لينا في الدوحة يمكن قفلتنا وقفلتك دي تفك وجيب معاك باقي الشباب
Post: #104
Title: Re: قفلت معاي
Author: طارق الأمين
Date: 05-13-2007, 08:51 AM
Parent: #103

ملكه سبا

تشكراتي علي المرور

شرفتينا

Quote: راجل المرا



وراجل المرور


راجل المرور دا كوم براهو


بجيك ليهو وبفشك فيهو

تسلمي
Post: #105
Title: قفلت معاي
Author: الفاتح خليل الفكي
Date: 05-13-2007, 09:29 AM
Parent: #1

الأخ / الظريف طارق
سلام واحترام ،،،،
لو لسه قافله معاك امشي دار المحامين
للشباب الحلوين هناك انا عارف حا تفتح معاك
بعدين انت اليوم كلو تنطط لي مع صالحين وترقص
تقول قفلت معاي عاوز تفكها فينا
تحياتي لك ولكل الإخوان الحلوين المعاك
أبو كريم
Post: #106
Title: Re: قفلت معاي
Author: مجدي عبدالرحيم فضل
Date: 05-13-2007, 09:45 AM
Parent: #105

ياطارق ود الأمين،،،

نحنا قفله معانامن بدري!

لما دفقه في النيل !

أخونا أبوعاااااااااااج!

وناااس القرموط بقو حوت!

وعجاااج أداها كربااااج!

طلعنا بررره اللعب بالجوكر!

مستنينك تفتح ياأخوووووووي!

والسوووووودان الجديد شددديد!
Post: #107
Title: Re: قفلت معاي
Author: ahmed abdul daim
Date: 05-13-2007, 04:11 PM
Parent: #1

Quote: فتحت حبوبتها اونحو ذلك

وين امونه

قالت لينارجعت اهلا

في الجبل

لاحولالالالالالالالالا

طيب

جيبي صحن

تاني ماشفتها






LooooooooooooooooooooooL

ما فينا زول فك الحبيبة عكس الهوا و ركب الزول البريدوا التونسية الحب وجود الحب قضية

عمار ( كابيلا )
Post: #108
Title: Re: قفلت معاي
Author: مصطفي سري
Date: 05-13-2007, 09:20 PM
Parent: #107

البقاْْْْْْْْْْْْْْْْْْْْْْْْْْْْْْْْءْْْْْْْْْْْْْْْْْ









للاصلع
Post: #109
Title: Re: قفلت معاي
Author: ibrahim kojan
Date: 05-13-2007, 10:21 PM
Parent: #108

اخوي الجميل طارق...اللذي هطلت الهرمونات الذكريه علي راسه فحولته الي صحراء متقعه....

نصيحه...كب عليها مويه..اعجنها.. ثم اديها هزه وبعد ما تخمر.. حتتكوجن
ويتصاعد دين بخارها زاتو.. بعد كده ارميها في نار هاديه طلسم... ثم توكل و....
اشربها علي الريق يمكن تفتح وتفك
والله يقطعني لو فهمت حاجه ...ولك الحب
كوجان
Post: #110
Title: Re: قفلت معاي
Author: طارق الأمين
Date: 05-13-2007, 10:58 PM
Parent: #109

ياخوانا عليكم الله

ماتجهجهو لي قفلتي دي

تضحكوني وتحنسوني

ابيت

انا اخر مره قفلت معاي في الابتدائي

فما تخلوني افوت الفرص النادره في الحياه

بعدين انا قعد ارد بالدور

ويامصطفي سري

وياغاده عبد العزيز

ويا ابراهيم كوجان

وصلاح عبد الله

ارجوالراجيكم

وشيلوشيلتكم لمن يجي دوركم

مالا القفله

ناس قفلت معاهم عملو انقلاب

ناس قلبت معاهم عملو انقفال

خلونانجرب قفلتنا

امكن تعمل بروسترويكا زاتو


غايتو

ناس تحسد الناس في قفلتا

والله القفله دي ما تتم دورتا

مابفكها كان جا

نميري زاتو












اششششششششش هرشتهم
Post: #111
Title: Re: قفلت معاي
Author: ابو عثمان
Date: 05-14-2007, 07:09 AM
Parent: #1

طارق

سلامات
سجل زيارة مفاجأة لخالك ( ساعة 6 )

بشرط بعد 10 مساءا"

تأكد
حتفتح معاك
واحتمال ترمي الجوكر بايظ


تخريمة

ده اظرف بوست في 2007
Post: #112
Title: Re: قفلت معاي
Author: طارق الأمين
Date: 05-14-2007, 02:51 PM
Parent: #111

اها

جا منو بي وراي

وقال شنو

ولي منو

اعترفو
Post: #113
Title: Re: قفلت معاي
Author: غادة عبدالعزيز خالد
Date: 05-14-2007, 03:19 PM
Parent: #112

Quote: ياخوانا عليكم الله

ماتجهجهو لي قفلتي دي

تضحكوني وتحنسوني

ابيت

انا اخر مره قفلت معاي في الابتدائي

فما تخلوني افوت الفرص النادره في الحياه


قلت لي أول مره من الإبتدائي تقفل معاك يا طارق
و الناس دي كلها تشيل و تحنس
و إحنا من الإبتدائي
قافله معانا و لحدي حسة ما فتحت
ياخي خليها مقفوله
إن شاء الله يومين تاني كده ما تفتح


إييييييييييييييييه

اللهم لا حسد



كل الود
غادة
Post: #114
Title: Re: قفلت معاي
Author: nazar hussien
Date: 05-14-2007, 03:30 PM
Parent: #113

Quote: اها

جا منو بي وراي

وقال شنو

ولي منو

اعترفو


جاء جارنا وقال لينا النميري كان بسكر...ونحن طلعنا وهتفنا

كنا بنقول عاش الاتحاد الاشتراكي...وما كنا شيوعيين ولا حاجة
Post: #115
Title: Re: قفلت معاي
Author: عمر الفاروق
Date: 05-14-2007, 04:12 PM
Parent: #1

ياخ ما ترد علينا ياخ !!!!
قفلتها معانا زاتو ..
Post: #116
Title: Re: قفلت معاي
Author: Mahmoud Mustafa Mahmoud
Date: 05-14-2007, 07:00 PM
Parent: #1

بعد الواحد أخد ليهو بكية جمييييييييييلة كدا...

هاكم الحاجات دي..

واحدة واحدة...

التحية والتقدير للأستاذ الجميل طارق الأمين والزملاء والأهل كلهم
Post: #117
Title: Re: قفلت معاي
Author: Mahmoud Mustafa Mahmoud
Date: 05-14-2007, 07:37 PM
Parent: #1

عبد اللطيف...راجل ظريف...
طبعا ما أظرف من طارق والمجموعة

أها لقيتني كيييييييييييييف يا طارق؟؟؟

" target="_blank"><...l />


يا أخوي أبدع إبداعك ساكت...بلا قافلة بلا بطيخ

محبتي الشديدة
Post: #118
Title: Re: قفلت معاي
Author: Mahmoud Mustafa Mahmoud
Date: 05-14-2007, 08:36 PM
Parent: #1

ومشاكل الإيجارات

برضها روعة

" target="_blank"><...l />


والله الليلة إلا تفتح معاك يا طارق...
نحن حدنا قدارف يا مؤأليم
Post: #119
Title: Re: قفلت معاي
Author: طارق الأمين
Date: 05-15-2007, 00:40 AM
Parent: #118

غاده عبد العزيز خالد




اللطف العابر للقارات

والشوف من غير النضارات


ام الحلوين اولاد وبنات

اخت الطيبين الحي والمات

وصبيه عقد التسعينات

وحكيمة ليل الأ لفينات





يابت ياصاحبي الشوف قدام

احسن مليون من شوف الفات





وحياتك لا شاكوش لاحاجه

وانا عارف شمس الكون وهاجه

لكن الروح مرات مزهاجه

رغم الادراك بالخوف تتفاجا


خليك حلم المسكين ياغاده

يحلم بي طعم الشاي الساده

بي واحد فول وبي عيشه زياده

يابت فرسان روحم سداده





لو شفتي الاهل المحرومين

والمطره في بيت القش والطين

والشحده عشان الكلوروكوين

ح تعرفي غاده وطارق امين










اعتذر للصدق المؤذي

قفله وحكمت

دمتي طارق امين



















Post: #120
Title: Re: قفلت معاي
Author: غادة عبدالعزيز خالد
Date: 05-15-2007, 00:51 AM
Parent: #119

و الله قصيدة حلوة يا طارق
لو لحنتها لي كمان
تكون ما قصرت
ولا بلاش طمع

بوستك ده و إرهاصات جيل
وقعوا لي في جرح,,
يمكن علشان انا برضو قافلة معي
اليومين ديل
و حاتك, عندي قراية,,
و مذاكرة و إمتحانات
مرات بقول هي السبب
ههههههه, الله يقطعها


المهم قفلتك إنت تروح
و نحنا نسمع كلاما
من خشيمك يرد الروح
و أغاني تسعد قلوبنا
و تعيد الأمل الفينا يكوس

كل الود
غادة
Post: #121
Title: Re: قفلت معاي
Author: مصطفي سري
Date: 05-15-2007, 02:55 AM
Parent: #120

فتحت




معاي
Post: #122
Title: Re: قفلت معاي
Author: مصطفي سري
Date: 05-15-2007, 04:03 AM
Parent: #121

قفلت











تاني
Post: #123
Title: Re: قفلت معاي
Author: HAYDER GASIM
Date: 05-15-2007, 05:04 AM
Parent: #122

Quote: اعتذر للصدق المؤذي


لا أرى هنا قفلة ... بل فتحة بمعانيها ,

وبصدق ... لا يحتمل الإيذاء .


مع مودتي
Post: #124
Title: Re: قفلت معاي
Author: عصام عبد الحفيظ
Date: 05-15-2007, 06:51 AM
Parent: #123

كدى قول خير



وجرب نص مايو ده

يمكن تفتج
Post: #125
Title: Re: قفلت معاي
Author: طارق الأمين
Date: 05-15-2007, 11:39 AM
Parent: #124

خضر حسين

سلامات ياصاحبي

الاسبرت بمعني الروح

متفهمناش خطا ياراقل

لك مودتي

واحتراماتي
Post: #126
Title: Re: قفلت معاي
Author: طارق الأمين
Date: 05-16-2007, 00:20 AM
Parent: #125

قفلت معاي

كشف رقم (2)


السيد والي ولايه سنار

اتجاد شعراء الاغنيه

دمغه الجريح

مؤتمر الذكر والذاكرين

سوق سته

مرت الراجل

خادم الحرمين الشريفين

دا ريوكان

المفوضيه

نجاة غرزه

زاد الخلا

السموأل خلف الله

مشروع سندس الزراعي

ساركوزي (صار كوز ييي)

القفص الذهبي

ناذر الخليفه

اتحاد الصناعات الثقيله

العرضه شمال

د احمد علي الامام

المنسقيه

طرف المداين

احمد المك

جيش الامه

الفاصل المداري

قدر ظروفك

احمد البلال الطيب

غسل اليدين الي المرفقين

طارق الامين

مركز تطوير قلب الخرطوم

غسيل ص

س ت

دكتور مهندس ع المنعم عطيه

جوكر بايظ

كسره حبش

اسامه عبد الله

لولا الحبشيه

سكرتيره السيد المدير العام

العيد المئوي

وليد دارفور

سودانيز اون لاين

وين انتو؟؟؟؟

قفلت تاني

انتو وين

وييييييييين


اعترفو
Post: #127
Title: Re: قفلت معاي
Author: HAYDER GASIM
Date: 05-16-2007, 03:44 AM
Parent: #126

Quote: قفلت تاني



تاااااني ... هو نحن ما خلصنا من الأولي ,

إذن ... ففي الحالة { تدهور } ... فمن الطبيب

يا ترى ؟؟؟ ... أو من الشيخ { الواصل } , أو من

تلك التي تمهر رأيها { بشاكوش } , أو ما هي { تلك

الرائحة } , أو من منهم يصيب طارق بكل هذا { الضجر }

أو ... أو ... أو ... ول أقول ... كم فى عهدتك من

البانكنوت ... إمكن الحكاية فلسة ... جابت ليها قرفة

والقرفة تزنقت ... حتى { العصلجة } ... والعصلجة إنتهت

إلى قفلة { أولي } ... ثم إستردفت { ثانية } ... يا حسن

... عند الشدائد .


مع مودتي
Post: #128
Title: Re: قفلت معاي
Author: ناذر محمد الخليفة
Date: 05-16-2007, 09:58 PM
Parent: #1

طارق سلامات ...

Quote: ناذر الخليفه


دي غايتو بالغت فيها

ممل نزلت بوستك دا وأنا بقرا وخايف ألقى إسمي مكتوب زكل يوم بحمد ربنا إنك ما متذكرني

الزول الذكرك إسمي دا .. إنشالله يا الله يذكروهو في كشف المحرومين من البطاقة التموينية
Post: #129
Title: Re: قفلت معاي
Author: طارق الأمين
Date: 05-17-2007, 02:30 PM
Parent: #128

والله يانازر

كلامك صاح

الله مرقك

اناكنت قاصدك اديل كده

بركه الفكت

تحياتي
Post: #130
Title: Re: قفلت معاي
Author: ناذر محمد الخليفة
Date: 05-17-2007, 04:43 PM
Parent: #1

طارق ....

Quote: بركه الفكت


الحمد لله الـ فكت ..

صدقني إختلاف الأراء لا يفسد للود قضية يا طارق مهما كان حجم القضية ..
وعارفك فاهم كدة كويس يا طارق بس أمكن الظروف كانت حرجة وموترة شوية ..

تسلم كتير وخلينا نتقابل ...
Post: #131
Title: Re: قفلت معاي
Author: طارق الأمين
Date: 05-18-2007, 08:10 AM
Parent: #130

نازر

سلامات

انت فعلا محظوظ

ابيض عارفوقلبك

بس في حبه شتاره يافرده

حاول ماتفقد الناس العرفوك وعرفتهم

واتمي انك ماتركزعلي الحاجات

العاجبه الناس

وتبيخا ليهم

غاده نوري

نانسي عجاج

وليد دارفور

الحاجات البتفرح

وتزرع الامل

والفرح

اناماعندي معاك مشكله طبعا

وليس من اهدافي في الحياه

معاداة الناس

والوقوف ضد الخير والحقيقه والجمال

هفوه وتعدي

اناوقع لي

واتمني الباقين يسامحوك فعلا

فنحن محتاجين للتسامح

رغم الجراحات والمحن

صافيه لبن

مودتي ياراجل

يا عريس الموسم

سلام
Post: #132
Title: Re: قفلت معاي
Author: ناذر محمد الخليفة
Date: 05-18-2007, 08:57 AM
Parent: #131

!!

Quote: صافيه لبن



سمنة ولبن يا طارق ..


تسلم كتير ..
Post: #133
Title: Re: قفلت معاي
Author: مصطفي سري
Date: 05-18-2007, 01:53 PM
Parent: #132

طيب
طنش كدة
وانا بطاردك
واسع انت قافلة معاك بارداتك
طيب السوداني قفلوها
اها
رايك شنو
الكتابة هذه
علي طريقة
الشعر
الحر
بلا قفلت
معاي يلا وجع
دماغ
كدي طنش
شان اقفلها ليك
Post: #134
Title: Re: قفلت معاي
Author: sudania2000
Date: 05-18-2007, 02:13 PM
Parent: #133

اليوم الجمعة

ودعاء خاص لطارق

انشاء الله تفتح معاك وليك وعليك كل الابواب الموصدة دنيا و اخرة

ويفتح عليك فتح العارفين حكمة ومال و خلق زين

ويديك ربنا كل ما تريد الي ان يرضيك

امين يا طارق ود امين

تحياتي واحترامي
Post: #139
Title: Re: قفلت معاي
Author: طارق الأمين
Date: 05-20-2007, 01:05 AM
Parent: #134

سودانيه 2000

احب سودانيتك

والفينك

تسلمي

وتشكري علي الدعوات




احتراماتي


طارق
Post: #138
Title: Re: قفلت معاي
Author: طارق الأمين
Date: 05-20-2007, 00:59 AM
Parent: #133

مصطفي سري

ماتعمل شنب قدر دا

وانت لسه جديد في اتحاد الصلع

والجلحات الصغيره

زي عمر صلعتك دي

نحن عديناهو جلحات

شوف يا سري

ياتبقي علني معانا

وتغير اسمك لي مصطفي علني

يا البوست يفوت جمل

ثم تعال

انت الكجيت الجريده دي

كانو شغالين تمام التمام

لمن لمو فيك بي صلعتك الكبيره دي

ولو شاورونا

كان كلمناهم

كان قلنا ليهم ابصلعه دا

من زمنو الكان رئس اتحاد الاهليه

طابور خامس

ومتمرد

وشيوعي سابق

وحلفاوي (حماكم الله )

ومتردد سجون

احب ابوك زاتو
Post: #136
Title: Re: قفلت معاي
Author: AmroKamal
Date: 05-19-2007, 11:41 AM
Parent: #130

كان القفلة بتخليك تشتغل بمزاج زى ما كنت فى التنس (اليوم الختامى لحملة انقاذ وليد دارفور)


عليك الله ما تفكها

خليها كده


........................

بمناسبة القفلة الثانية ونجاة غرزة!!!!!!

أيمن الربع .. كيف ؟؟؟؟
Post: #140
Title: Re: قفلت معاي
Author: طارق الأمين
Date: 05-20-2007, 01:09 AM
Parent: #136

عمرو كمال

تسلم يامان

ايمن الربع



كده

تحياتي
Post: #143
Title: Re: قفلت معاي
Author: saif addawla
Date: 05-20-2007, 01:41 AM
Parent: #130

سلامتك من القفلة يا الضو طارق ، القفلة خليها لينا نحن وانت واصل في الفتحة
Post: #144
Title: Re: قفلت معاي
Author: الفاتح ميرغني
Date: 05-20-2007, 01:43 AM
Parent: #130

حبيبي وصديقي من الزمن الجميل وفي الزمن الصعب طارق الامين

والله يا طارق طاريك كتييير
وبيتكم الرحب الوثير
والافوال وسلطة الجرجير

وبتظكر لمن كنا نطلع من الجامعة يفكونا بيوت
لا مقعد طاير في حافلة لا السلم لا في الكبوت
وبص جبرة البتمايل داك تقول ضارب جردل شربوت.

إنت لسع قاعد تلبس القمصان الصفر؟

سلامي وتحياتي لشلة جبرة مرتضى طه وهشام وبقية العقد الفريد.

اخوك الفاتح ميرغني
طوكيو
Post: #135
Title: Re: قفلت معاي
Author: ahmed abdul daim
Date: 05-18-2007, 06:54 PM
Parent: #1

عزيزي طروقي اللمين

المشكلة الحقيقية يا عزيزي نحنا من الإستقلال و إمكن قبال كدة و من زمن جدودنا و لحدوا ما بقينا احفادهم مجبولين على القفلة و صدقني الخوف لمن تفتح معانا نتخلع و نبقى مستجدين فكةو نجوط الحكاية أكتر ما هي جايطة و لايصة لكن على العموم و زي ما بيقولوا الحزن زاد الفرح فالقفلة زاد الفكة و لا شنو !!!


حاجة خارج النص :

لكل جكس اذا ما تم نقصان فلا يغر بطيب الجكس انسان
هو الجكس كما شاهدته دول فمن سره الجكس يوما ساءه الجكس ازمان

فمن طلب الجكس سهر الليالي و نظر الى النجوم و قال انا مالي
خذ الشاكوش و لا تبالي فإن الشاكوش من شيم الرجالي

جاجة فيها جرسة من الجكس :

ما تفهمونا غلط !!!


عمار ( كابيلا )
Post: #137
Title: Re: قفلت معاي
Author: طارق الأمين
Date: 05-20-2007, 00:49 AM
Parent: #135

شكرا نازر

الله يديم الخوه

والمحبه بين الناس

والخير

والمعروف
Post: #141
Title: Re: قفلت معاي
Author: طارق الأمين
Date: 05-20-2007, 01:13 AM
Parent: #135

احمد عبد الدايم

فعلا

الحزن زاد الفرحه

تسلم

مودتي



طارق الامين
Post: #142
Title: Re: قفلت معاي
Author: طارق الأمين
Date: 05-20-2007, 01:24 AM
Parent: #141

قال مصطفي سري قال

ابصلعه

والله لكن

حكم

اخر الزمن

اب صلعه يضحك علي اب سنين


اللالالالالالالالالالالالالالالاه




زمن










الود دا كان خاطب حبوبتنا
Post: #145
Title: Re: قفلت معاي
Author: الفاتح ميرغني
Date: 05-20-2007, 01:49 AM
Parent: #142

حبيبي وصديقي من الزمن الجميل وفي الزمن الصعب طارق الامين

والله يا طارق طاريك كتييير
وبيتكم الرحب الوثير
والافوال وسلطة الجرجير

وبتظكر لمن كنا نطلع من الجامعة يفكونا بيوت
لا مقعد طاير في حافلة لا السلم لا في الكبوت
وبص جبرة البتمايل داك تقول ضارب جردل شربوت.

إنت لسع قاعد تلبس القمصان الصفر؟

سلامي وتحياتي لشلة جبرة مرتضى طه وهشام وبقية العقد الفريد.

اخوك الفاتح ميرغني
طوكيو
Post: #146
Title: Re: قفلت معاي
Author: الفاتح ميرغني
Date: 05-20-2007, 02:12 AM
Parent: #145

فوق لحدي ما نشوف آخرتها
Post: #147
Title: Re: قفلت معاي
Author: طارق الأمين
Date: 05-20-2007, 02:19 AM
Parent: #146

القاتح

مشتاقين ياراجل

ويص جبره البتمايل داك

تقول ضارب جردل شربوت

يا حليل الزمن الجميل يا فاتح

انشالله دايما فاتح

وجاري خمسيتك

يارجل يابهجه

تجياتي

ساعود
Post: #148
Title: Re: قفلت معاي
Author: Ahmed El Gasim
Date: 05-20-2007, 07:50 AM
Parent: #147

طارق الامين
الحمد الله الفتحت معاك...
بناتي في البيت اليوم كلو(هيلا..هوب)كل زول بزوجة بتاعو..قلت للكبيرة طارق دة صاحبنا قالت لي يا ابوي شوف ليهو (زوجة)..عشان ما يبكي..
شكرا لبث الفرح العام..
Post: #150
Title: Re: قفلت معاي
Author: طارق الأمين
Date: 05-20-2007, 09:30 AM
Parent: #148

سيف الدوله

او

مولانا القاضي

والقانوني الضليع

سيف الدوله

ايام ان كان للقضاءهيبه

لاتشبه هيبته الان

الفطره العادله

ورفض الظلم

ورد الحقوق

ونصره المستضعفين في الارض

قاض من الزمن الاعدل

وهورجل ( صالح وعام)

عام لانه صالح

وصالح لانه عام

اذن فهو (صالح عام)

يالاصدقاء الحقيقه

تغطيهم المنافي

وتحجب عن الناس في بلدي

نبض عدالتهم

وحسهم الشفيف

وفوق كل ذلك

فان ضيفي ايضا

هو سيف الدوله حمدنا الله عبد القادر

ابن الفنان المسرحي

ومعلم الاجيال

حمدنا الله عبد القادر

ايام الخطوبه خطوبه

وايام سهير سهير

وايام خطوبه سهير واخواتها من المسرحيات الفاخره

ايام كانت تغرد في مسارحن

العصافير المهاجره

من تحيه

والي تماضر

والكثيرون

ضيفي هنا

رجل احتشدت فيه دواعي العداله

وبحور الابداع

فاصبح نسيجا متفرد

بين القانون

الادب والفنون

اسمه سيف الدوله

حمدنا الله

عبد القادر

بالاحضان ياراجل

نيوزلنده؟

نيوزلنده ؟

تعال راجع ياراجل
Post: #149
Title: Re: قفلت معاي
Author: شادية الطيب
Date: 05-20-2007, 09:19 AM
Parent: #1

اولا طارق الامين
حمدلله على السلامة وبركة الفكت وعقبال تقفل تاني
احمد قاسم
عليك الله بناتك الحلوات ديل ما تخت صورتهم هنا في المكان ده - كله بعاعيت - بسحروهم ليك (ماشاء الله تبارك الله )
Post: #151
Title: Re: قفلت معاي
Author: مرتضى الصادق
Date: 05-20-2007, 02:37 PM
Parent: #149

طاررررررررررررررررررررق




الاميننننننننننن



انا شاركتك قفلتك.... وانت ما عبرتنى



اشان ما سفينا صعوط وتمباك سوا ولا شنو؟ انت مالك حقار كدا
Post: #152
Title: Re: قفلت معاي
Author: Ahmed El Gasim
Date: 05-20-2007, 04:57 PM
Parent: #149

شادية
شكرا وربنا ما يضرك ويخلي ليك اهلك وزريتك..والبنات لبدناهن وسمعنا كلامك يا اصيلة...
Post: #153
Title: Re: قفلت معاي
Author: طارق الأمين
Date: 05-20-2007, 07:07 PM
Parent: #152

حبيبي مرتضي جعفر

افط الدور واجيك

ابدا والله

لاطنشتك

ولاحقار

لكن اقول ليك سر

وارجو يظل بيناتنا بس

في حقيقه الامر

انا ماحقار

لكن

مطرطش حبه كده

او

ولا حبه

كتير خالص

لاني رديت ليك

بي اسم تاني

شرفت بحضورك

والتمباك مافت ليهو شي

وطالبني وقفه رجال معاك

في اي قفله تختارا

مع تشكراتي

واعتذاراتي
Post: #154
Title: Re: قفلت معاي
Author: طارق الأمين
Date: 05-20-2007, 07:15 PM

عليكم الله

وخسمتكم بالنبي

وقفه رجال الكتبتها فوق دي

ماينط زول يقول لي فيها

مساس بي كفاءه وقفه النساء

وكده

واقوم اطلع ما اخو اخوات

داتعبير بلاغي ساي

والله في نساء وقفتن احسن

من وقفهالجنرالات زاتم

لكن بس

ما بقدر كنت

اقو ل للراجل

ح اقيف معاك وقفه نسوان

تحياتي لكل الوقفات

رجال ونساء

وتحياتي لوقفه العيد زاتا

اها اتخارجت مش
Post: #155
Title: Re: قفلت معاي
Author: Rawia
Date: 05-20-2007, 07:19 PM

مساء الخير

عاوزة لو سمحت اعرف اعراض القفلة دي كيف؟؟
يمكن تكون عندي وانا ماعارفة

وان شاء الله ربنا يفك من الجميع
Post: #156
Title: Re: قفلت معاي
Author: طارق الأمين
Date: 05-20-2007, 08:05 PM
Parent: #155

[B]الاخت راويه

مساء النور

وبعد

الناس انواع

ناس عارفين انها قافله معاهم

وناس عارفين انهم عارفين انها قافله

وناس قافلين انهم عارفين انهم ماعارفين القفله

وناس قافلين انهم داسين انهم عارقين انو القافلين قافله معاهم


للمزيد راجع المجموعه الكامله لقفلات البحتري صفحه987345667895439875

السطر الرابع

اما بخصوص الاعراض فهي

الخوف من المحادثات التلفونيه ناقله الاخبار المظلمه

عدم القدره علي متابعه برامج التلفزيون القومي لاكثر من دقيقتين

الشعور بالذنب عند قراءه جريده الانتباهه

عدم الاكتراث بالباقي عند الشراء من الدكان

سداد رسوم النفايات دون تردد

حفظ اسماء النواب والوزراء ووزراء الدوله والمستشارين يوميا

عدم العفو عند المقدره

الرغبه في الذهاب قبل الحضور والحضور قبل الذهاب

عدم معرفه الزول لي حالتو انو قافله معاهو ولي ماقافله

تفاصيل اوفي في بوستاتنا القادمه

مع شكري علي الحضور والمشاركه

احتراماتي
Post: #157
Title: Re: قفلت معاي
Author: sudania2000
Date: 05-20-2007, 08:42 PM
Parent: #156

Quote: اما بخصوص الاعراض فهي

الخوف من المحادثات التلفونيه ناقله الاخبار المظلمه

عدم القدره علي متابعه برامج التلفزيون القومي لاكثر من دقيقتين

الشعور بالذنب عند قراءه جريده الانتباهه

عدم الاكتراث بالباقي عند الشراء من الدكان

سداد رسوم النفايات دون تردد

حفظ اسماء النواب والوزراء ووزراء الدوله والمستشارين يوميا

عدم العفو عند المقدره

الرغبه في الذهاب قبل الحضور والحضور قبل الذهاب

عدم معرفه الزول لي حالتو انو قافله معاهو ولي ماقافله


طارق قفلة سلامات

تصدق الاعراض دي كلها عندي باضافة الاعراض الاتية :

سرحان يسبقه سرحان ويعقبه سرحان

رغبة اكيدة في البكاء

حالة من التوحد والرغبة في البقاء وحيدة

وحين ابقي وحيدة اتساءل يا ربي الناس ديل فاتوا وين اكون زعلتهم ولا هم بكرهوني

حالة اللاتوازن في اللاكوكب واللاقطر واللاحترام لكبير ولا توقير لصغير

ومع كل ذلك انبلاج واضح في المخيخ تصعب معه رؤية الصادقين من الكاذبين

كما تتعذر الرؤية في اغلب الاحوال

اها يا أبوي انا قافلة معاي ولا الحالة شنو

اشكرك علي حب سودانينتي والفيني

وعقبال تحب عيالك وامهاتهم الاربعة
Post: #158
Title: Re: قفلت معاي
Author: مرتضى الصادق
Date: 05-21-2007, 10:13 AM

كدا يادوب الحقارة جات يا طارق


انا مرتضى الصادق....(المر) يااخى....



ما داير اقول انا اخو سيجمان.. فى داعى تفضحنى
Post: #159
Title: Re: قفلت معاي
Author: سجيمان
Date: 05-21-2007, 10:33 AM
Parent: #1



طارق اللمين

البرتكان ابوقفلة .. ازيك

تقفل معاك احسن من تعرّج....اقفل علي صغير يا حريف
Post: #160
Title: Re: قفلت معاي
Author: saif addawla
Date: 05-26-2007, 06:46 AM
Parent: #159

العزيز طارق

والله ما شفت تعليقك الا اليوم ، بعد مضي اكثر من اسبوع ، تشكر يا رجل وما تحرضني براي مقلقل