ردة فعل الانقاذ تجاه ماحدث فى امدرمان ترى هل خوف على المواطن ام على كرسي السلطة؟؟؟

طبعا اي واحد حيخاف يحكي عن معنى الألم الاصاب اهل دارفور
على مدار سنوات فى ظل الظروف دي !!!!!!!!!!

ليه لانو الحصل فى امدرمان بشع امدرمان مدينة الفن والرياضة
مدينة الشعراء والغناء. تعكر صفوها بهجوم أقل ما يوصف انه
ارهابي وحقيقة شئ مؤسف.
سؤال هل ترى ردة فعل الحكومة العنيفة وتكاتف كل اطرافها
لدحر هذا الارهاب من أجل المواطن وسلامة المواطن؟؟؟؟
أم خوف على كرسي السلطة؟؟؟؟

أولم تكن دارفور ارض آمنة وبلد الخير والقرآن اين ردة
فعل حكومة البشير مما يحدث فى دارفور طيلة هذه السنوات؟؟؟

اين هذه النخوة وحب الوطن والمواطن مما يحدث فى دارفور؟؟؟
نعم القتل و الارهاب لا يحل مشكل ابدا. لكن الألم واحد
وعدم الاستقرار والرعب واحد والاحساس واحد
اهل دارفور كل يوم بعيشو الحال الحصل فى امدرمان اول امس
على مدار ايام وشهور وسنين؟؟؟؟
دخول 50 عربة مدججة بالسلاح الى امدرمان بأكد حاجة وحدة بس
مدى الفوضى التي يعيشها نظام البشير وهذا الوطن المحزون .
اسلحة بالحجم والكم دا تدخل جووه امدرمان ولا واحد يهبب ليها ؟؟؟؟؟؟؟؟
ليه ما يعم الرعب والقتل والتشريد فى دارفور ؟؟؟؟؟؟
بغض النظر عن من المسؤول عن الرعب دا فى مواطنيين
ابرياء بعانوا اكتر من الحصل فى امدرمان وكله بسبب تراخي حكومة
البشير فى صدالظلم الواقع على اهل دارفور ربنا سبحانه وتعالي
حرم الظلم على نفسه فأتقوا الله يا ناس الانقاذ وكل من يغض الطرف
عن تقصيرهم. تقصيرهم واضح وما عايز دليل اوضح من كده؟؟؟
الذي حدث فى امدرمان فتنة وتعدي وظلم على مواطنيها وربنا يكفينا
شر الفتن ولكن هذا ما يحدث فى دارفور كل يوم وكل ساعة.
فأين حكومة الانقاذ من هذا؟؟؟؟؟
ربنا لاتجعلنا من الظالمين وأرفع الظلم عن اهل السودان جميعا




السنجـــــــــك

*

الفاضل السنجك
شكرا لك اخي على هذا البوست.
وافتقدناك مؤخرا ويبدو المشغوليات ,بس مرقك الشديد القوي.

اخي
ظلينا ننبه ونوثق هنا بالصور و بالحروف لما يحدث في دارفور.
ولكن الناس عملوا اضان الحامل طرشاء الا من قلة واصلت معنا
قرع كل اجراس الخطر.
ونردد معك:

Quote: ربنا لاتجعلنا من الظالمين وأرفع الظلم عن اهل السودان جميعا

تراجي

الناس دي متعمدة ما عايزه تشوف

انا شخصيا عايز اعرف ليه ؟؟؟

لانو متأكد جدا ما ممكن يكونوا بالغباء دا

لكن دا واجب كل مواطن حر كشف تقصير وعجز الانقاذيين
تجاه هذا الوطن

في السليم .....
تعرف الناس ديل زي واحد ساكن في طرف الحلة، وفي الطرف الآخر شب حريق وبدلا من أن يسعي مع الآخرين لإطفائه رفع كتافينو وقال أنا مالي. أها شويتين الحريق أكل كل البيوت حتي وصل لبيته وهنا بدأت الضجة والعويل: متمردين، كفار قتلة .... ود كلو ما بحل.
هناك حريق نشأب في طرف السودان علينا كلنا أن نتضافر لإطفائه....الشرور زي النار والحرب والأوبئة (ومعا الفقر والتخلف) معدية وسريعة الإنتشار وما بتفرز. ومكافحتها واجبة وممكنة.

الانقاذ وحدها المسئوله والمدانه في كل ما حدث وما سيحدث من ماسي لكين من يسمع ومن يستجيب يا ولدي
ففي آذانهم وقر

Quote: تعرف الناس ديل زي واحد ساكن في طرف الحلة، وفي الطرف الآخر شب حريق وبدلا من أن يسعي مع الآخرين لإطفائه رفع كتافينو وقال أنا مالي. أها شويتين الحريق أكل كل البيوت حتي وصل لبيته وهنا بدأت الضجة والعويل: متمردين، كفار قتلة .... ود كلو ما بحل.

نصر الله يديك العافية


وفعلا دا كلو ما بحل

تحياتي

Quote: الناس دي متعمدة ما عايزه تشوف انا شخصيا عايز اعرف ليه ؟؟؟ لانو متأكد جدا ما ممكن يكونوا بالغباء دا

فعلا أخى السنجك..
هم ما بالغباء ده..
ولكنهم أدمنوا التظاهر بالغباء..
حتى صاروا أغبياء فعلا..