Post: #1
Title: إنتو يا جماعة ناس العدل والمساواة ديل ما بختشوا من الكضب بتاعم ده
Author: عز الدين بيلو
Date: 05-11-2008, 06:15 AM
Parent: #0
لحده حسع مصرين أنهم استولوا على أم درمان
وأنحنا قاعدين في أم درمان
ولا حس ولا خبر ليهم
========
سمح
لنقول إنهم استولوا على أم درمان
الإذاعة والتلفزيون ديل قاعدين في مدني ولا شنو
ههههههههههههههههه
==========
أمة ما تختشيش
ما تقولوا : والله نحن حاولنا وفشلنا
الاعتراف بالهزيمة فضيلة
ولا ما كده يا الناطق الرسمي بتاع العدل والمساواة
|
Post: #2
Title: Re: إنتو يا جماعة ناس العدل والمساواة ديل ما بختشوا من الكضب بتاعم ده
Author: نوسة
Date: 05-11-2008, 06:18 AM
Parent: #1
أخي عز الدين
يا أخوي ما سمعت بي المثل "الإختشو ماتو"؟؟؟؟
إختشا شنو؟؟ أسي أمانة في زمتك شايف ليك زول بقى يخجل من كذبو؟؟ الناس دي كلها تكذب و على عينك يا تاجر
هذا زمان المهازل
ربك يستر بس
|
Post: #3
Title: Re: إنتو يا جماعة ناس العدل والمساواة ديل ما بختشوا من الكضب بتاعم ده
Author: عز الدين بيلو
Date: 05-11-2008, 06:50 AM
Parent: #1
عليك الله يا نوسة شوفي جنس الكضب ده:
Quote: قوات حركة العدل والمساواة السودانية تقاتل في الخرطوم وتتجه لمحاصرة القصر الجمهوري
10.05.08 - 20:29:32
قوات حركة العدل والمساواة السودانية تقاتل في الخرطوم وتتجه لمحاصرة القصر الجمهوري
بخيت شوشو / جيم ويب سايت
في سلسة متابعاتنا للاحداث التي تدور في العاصمة السودانية الخرطوم نوافيكم بالخبر التالي : مصادر من حركة العدل والمساواة من داخل الخرطوم تاكد سيطرتهم الكاملة علي مدينة امدرمان وفي اتصال هاتفي اخر ورد ان قوات حركة العدل والمساواة السودانية دمرت عدة طارئرات مقاتلة تتبع للنظام في الخرطوم وايضا تم تدمير عدد من دبابات القوات الحكومية والان قوات حركة العدل والمساواة تقاتل في مدينة الخرطوم و تتجه نحو محاصرة القصر الجمهوري ، مؤكدين ان ليس هنالك مقاومة تذكر غير ان هنالك عدد قليل من فلول ومليشيات المؤتمر الوطني علي حد قول المصدر وهنال هتافات ترحيب من قبل المواطنين بحركة العدل والمساواة السودانية مشيرين الي انهم ماضون نحو السيطرة التامة علي الولاية بكاملها بعد ان باءت كل المحاولات السلمية من اجل التوصل علي سلام يرضي كافة اهل السودان متهمين الحكومة بعد الجديه في قضايا التهميش و التحول الديمقراطي وحقوق الانسان في السودان . |
ده طبعاً من موقع العدل والمساواة، ويمكنك من الرابط أدناه أن تتابعي كل الأخبار المضحكة المبكية
موقع العدل والمساواة
|
Post: #5
Title: Re: إنتو يا جماعة ناس العدل والمساواة ديل ما بختشوا من الكضب بتاعم ده
Author: نوسة
Date: 05-11-2008, 06:59 AM
سلام يا عز الدين
و الله لكن،،
قال بخيت شوشو قال، ما قلنا "أشباه رجال" من زمان
و الله لكن دي يلقاها عند الغافل زي ما بيقولو، ليس دفاعاً عن حكومة أو نظام، و لكن دفاعاً عن بلد و شعب و عراقة...
و لا نامت أعين الجبناء صحي
دمت بود
|
Post: #4
Title: Re: إنتو يا جماعة ناس العدل والمساواة ديل ما بختشوا من الكضب بتاعم ده
Author: عز الدين بيلو
Date: 05-11-2008, 06:56 AM
Parent: #1
Quote: القيادة العامة لقوات الشعب المسلحة
11.05.08 - 06:38:35
القيادة العامة لقوات الشعب المسلحة
ايمانا منا بالدور التاريخي والوطني لقوات الشعب المسلحة ووقوفها صرحا شامخا كشموخ وعزة الشعب السوداني الصامت وحفاظا على ممتلكات الشعب السوداني البطل والحيلولة دون سفك الدماء الطاهرة لجماهير شعبنا وعملا بالمسؤلية الوطنية الملقاة على عاتقنا نؤكد الاتي نصة
1- نصدر التوجيهات العسكرية الى ضباط وضباط صف وجنود قوات الشعب المسلحة بالتزام الحياد التام في الصراع الدائر الان في امدرمان بين قوات الامن وقوات حركة العدل والمساواة
2- نناشد قوات الشرطة بعدم الدخول كطرف في الصراع الدائر الان في المدينة
3- نناشد قوات الامن وقوات حركة العدل والمساواة بعدم التعرض الى مؤسسات الدولة السودانية فهي ملك للشعب السوداني
4- نطالب الطرفين بالوقف الفوري لعملية اطلاق النار في امدرمان وعدم مدها الى الخرطوم والخرطوم بحري
5- نؤكد ان القوات المسلحة سوف تظل تراقب تطورات الاحدات عن كثب وتامل في ان ينتهي بها المطاف الى بر الامان
والله من وراء القصد وهو يهدي السبيل
القيادة العامة لقوات الشعب المسلحة
الخرطوم 11\05\2008 |
طبعاً البيان المضحكة ده كتبه محرر الأخبار بموقع العدل والمساواة
ونسبه إلى قيادة الشعب المسلحة
ههههههههههههههههههههههههه
ده طبعاً رسالة لتضليل ناسهم القاعدين في الجبال هناك
|
Post: #7
Title: Re: إنتو يا جماعة ناس العدل والمساواة ديل ما بختشوا من الكضب بتاعم ده
Author: ابراهيم محمد الحسن
Date: 05-11-2008, 07:08 AM
Parent: #4
Quote: قوات حركة العدل والمساواة السودانية تقاتل في الخرطوم وتتجه لمحاصرة القصر الجمهوري
بخيت شوشو / جيم ويب سايت
في سلسة متابعاتنا للاحداث التي تدور في العاصمة السودانية الخرطوم نوافيكم بالخبر التالي : مصادر من حركة العدل والمساواة من داخل الخرطوم تاكد سيطرتهم الكاملة علي مدينة امدرمان وفي اتصال هاتفي اخر ورد ان قوات حركة العدل والمساواة السودانية دمرت عدة طارئرات مقاتلة تتبع للنظام في الخرطوم وايضا تم تدمير عدد من دبابات القوات الحكومية والان قوات حركة العدل والمساواة تقاتل في مدينة الخرطوم و تتجه نحو محاصرة القصر الجمهوري |
أكرر ما أكتبه في كل البوستات المرتبطة بالموضوع المهزلة : هي أمدرمان وليست انجمينا ..
الجماعة فاكرنو ذي قصر إنجمينا الوصلوه المعارضين وحاصروه ...
|
Post: #6
Title: Re: إنتو يا جماعة ناس العدل والمساواة ديل ما بختشوا من الكضب بتاعم ده
Author: عز الدين بيلو
Date: 05-11-2008, 07:08 AM
Parent: #1
Quote: و الله لكن دي يلقاها عند الغافل زي ما بيقولو، ليس دفاعاً عن حكومة أو نظام، و لكن دفاعاً عن بلد و شعب و عراقة...
و لا نامت أعين الجبناء صحي |
والله يا نوسة
طبعاً ده لسان غالبية المواطنين هنا
والله لم أجد واحداً يقول إنه مع هذه الحركة الجبانة
لأنها لا تشبه السودان
ولا شعبه
|
Post: #8
Title: Re: إنتو يا جماعة ناس العدل والمساواة ديل ما بختشوا من الكضب بتاعم ده
Author: عز الدين بيلو
Date: 05-11-2008, 07:14 AM
Parent: #1
Quote: أكرر ما أكتبه في كل البوستات المرتبطة بالموضوع المهزلة : هي أمدرمان وليست انجمينا ..
الجماعة فاكرنو ذي قصر إنجمينا الوصلوه المعارضين وحاصروه ... |
أخوي إبراهيم
والله صدقني
رغماً عن سرعة القضاء على هذه الفئة المارقة
إلا أنها أحدثت جرحاً في جسم العاصمة الهادئة الهانئة لن يندمل قريباً
فكيف تسنى لكل هذا العدد أن يدخل الخرطوم ؟؟
كيف ؟؟؟
|
Post: #9
Title: Re: إنتو يا جماعة ناس العدل والمساواة ديل ما بختشوا من الكضب بتاعم ده
Author: soma
Date: 05-11-2008, 07:22 AM
Parent: #8
Quote: أمة ما تختشيش
ما تقولوا : والله نحن حاولنا وفشلنا
الاعتراف بالهزيمة فضيلة
ولا ما كده يا الناطق الرسمي بتاع العدل والمساواة |
اخى عز الدين البيلو سلامات
والف حمد الله على سلامة الجميع داخل ارض الوطن
لك التحية على البوست اعلاه وتأكيد الحقائق الواضحة
المغصة اخى عز الدين ما من ناس حركة العدل والمساواة
وكضبهم العلنى .. الجماعه ديل ما عندهم شىء يقولوا
غير انهم يتضاروا خلف جدار حتى ولو واهن..
المغصة من بعض الناس البتطبل ليهم هنا فى البورد
وتمسح وتملس ليهم.. زى كانهم هم براهم الشايفين وسامعين
بضحكوا على الناس ولا على روحهم
يعنى ما ممكن العالم دى تكون ساذجة وسطحية للدرجة دى !!!
والله حاجة تغيظ وتقهر على قول اهلنا العرب
يا ربى لا تمحنا ولا تبلينا
تحياتى اخى البيلو
اسماء الجنيد / مسقط
|
Post: #10
Title: Re: إنتو يا جماعة ناس العدل والمساواة ديل ما بختشوا من الكضب بتاعم ده
Author: ابراهيم محمد الحسن
Date: 05-11-2008, 07:32 AM
Parent: #8
| Quote: إلا أنها أحدثت جرحاً في جسم العاصمة الهادئة الهانئة لن يندمل قريبا |
أخي عز الدين ..
على العكس أنا أرى أنها الجرعة الشافية التي استئصلت جراحنا و أشفت نفوسنا ووحدت أبناء شعبنا الأعزاء في صف واحد
في مواجهة أمثال هولاء ..
وإنشاء الله يستمر تكاتفنا وتوحدنا وزودنا عن وطننا الحبيب ..
|
Post: #11
Title: Re: إنتو يا جماعة ناس العدل والمساواة ديل ما بختشوا من الكضب بتاعم ده
Author: عز الدين بيلو
Date: 05-11-2008, 07:36 AM
Parent: #1
Quote: المغصة اخى عز الدين ما من ناس حركة العدل والمساواة
وكضبهم العلنى .. الجماعه ديل ما عندهم شىء يقولوا
غير انهم يتضاروا خلف جدار حتى ولو واهن..
المغصة من بعض الناس البتطبل ليهم هنا فى البورد
وتمسح وتملس ليهم.. زى كانهم هم براهم الشايفين وسامعين
بضحكوا على الناس ولا على روحهم
يعنى ما ممكن العالم دى تكون ساذجة وسطحية للدرجة دى !!!
والله حاجة تغيظ وتقهر على قول اهلنا العرب |
العزيزة سوما:
ألم تسمعي قول الحبيب المصطفى:
لا يزال الرجل يكذب ويتحرى الكذب حتى يكتب عند الله كذابا ؟؟
فهؤلاء مكتوبون عندنا وعند الله من الكذابين
وصحيح: الاختشوا ماتوا !!!
=======
تخريمة:
شنو على قول أهلنا العرب دي..
حسع الجماعة ينطوا ليك في رقبتك ويقولوا ليك: جلابية (بيضة مكوية )
|
Post: #12
Title: Re: إنتو يا جماعة ناس العدل والمساواة ديل ما بختشوا من الكضب بتاعم ده
Author: المعتمد
Date: 05-11-2008, 08:01 AM
Parent: #1
سلام
من المسلمات التى لا يختلف عليها اثنان ان الحركة تمارس الكذب وتعيش به.
ولكن هذا لا ينفى ان الحكومة تمارسه بصورة اكبر ومنذ سنوات.
نحن كمواطنين (عزل) ندين الهجمات التى تمت على العاصمة وندين الذج بارواح المواطنين فى اتون حرب لمصلحة الغير.
ونطالب من الحكومة العمل على حماية ارواح المواطنين دون اللجوء الى كسب نقاط لصالحها وعلى حساب المواطن.
فقد اعلنت القوات المسلحة ومنذ الاربعاء علمها بالمحاولة. فلماذا سمحت للمتمردين بالدخول الى العاصمة مع العلم انها تعرف مخططهم وترصد تحركاتهم.
ونسأل الله ان لا يكون مواطنا اعزلا قد اصيب
ونسأل الله ان يعمل ساستنا على ما يخدم الوطن لا ما يخدم المصالح الحزبية والذاتية
|
Post: #13
Title: Re: إنتو يا جماعة ناس العدل والمساواة ديل ما بختشوا من الكضب بتاعم ده
Author: عز الدين بيلو
Date: 05-11-2008, 08:27 AM
Parent: #1
Quote: أخي عز الدين ..
على العكس أنا أرى أنها الجرعة الشافية التي استئصلت جراحنا و أشفت نفوسنا ووحدت أبناء شعبنا الأعزاء في صف واحد
في مواجهة أمثال هولاء ..
وإنشاء الله يستمر تكاتفنا وتوحدنا وزودنا عن وطننا الحبيب .. |
أخوي إبراهيم
مما لا يختلف عليه اثنان
أن الشعب السوداني أوعى من كل الحركات المسلحة ومن الحكومة ذاتها
ولذلك فهو لا يفرط في أمنه
وهذا ما وضح في أحداث 76
وفي أحداث الاثنين الأسود
وفي أحداث السبت 10 مايو
لكن دور الحكومة كان ينبغي أن يكون هو إبادة هذه القوة المهاجمة في صحراء أم درمان
لا في قلبها
وهذا هو المفروض
|
Post: #14
Title: Re: إنتو يا جماعة ناس العدل والمساواة ديل ما بختشوا من الكضب بتاعم ده
Author: عز الدين بيلو
Date: 05-12-2008, 01:55 PM
Parent: #1
Quote: ونطالب من الحكومة العمل على حماية ارواح المواطنين دون اللجوء الى كسب نقاط لصالحها وعلى حساب المواطن.
فقد اعلنت القوات المسلحة ومنذ الاربعاء علمها بالمحاولة. فلماذا سمحت للمتمردين بالدخول الى العاصمة مع العلم انها تعرف مخططهم وترصد تحركاتهم. |
هذا تساؤل مشروع وينبغي أن تجاوب عليه الحكومة بكل صراحة
حتى نطمئن على أمننا مستقبلا
|
|