Post: #1
Title: أسماء أسرى الجيش (مجموعة حجر عسل) لدى العدل والمساواة - حسب موقع (STNC)
Author: khalid abuahmed
Date: 05-12-2008, 02:18 PM
Parent: #0
حسب موقع (STNC) مركز أخبار السودان
أسماء أسرى الجيش (مجموعة حجر عسل) لدى العدل والمساواة
ذكر موقع (STNC) مركز أخبار السودان على شبكة الانترنيت أن القوات التابعة لحركة العدل والمساواة عند دخولها منطقة وادي سيدنا العسكرية وأسرت مجموعة من العسكريين وقال الموقع
"هؤلاء الجحافل الابطال الذين دخلوا امدرمان عنوة بعد ان كبدوا مجموعة حجر عسل شر هزيمة في وادي الملك وحيث قتل منهم اكثر من 370 فردا وعندها توجه القوة صوب الخرطوم واستخدمت السلطة الظلامية كل قوتها الجوية ولم تفلح في ايقاف احفاد شهداء كرري من ان يعيدوا تاريخ اجدادهم الناصعة في تحرير امدرمان من اجداد حكام اليوم في الخرطوم حيث دخلوا قاعدة وادي سيدنا الجوية وقتلوا 150 من اتباع النظام الفاشل وتم اسر 22 منهم بينهم ثلاثة في رتبة عقيد وخمسة رواد ونقيب وملازم والبقية من ضباط صف من الفنين الطيارين".
وكشف الموقع المقرب من أبناء دارفور في الخارج عن أسماء الأسرى من بينهم
ضباط برتبة عقيد وهم
سيد احمد الفاضل النقي
جلال الدين الخيري محمد
الفضلابي حسن البشير الامام.
وذكر الموقع أنه سينشر لاحقاً باقي أسماء الأسرى
|
Post: #2
Title: Re: أسماء أسرى الجيش (مجموعة حجر عسل) لدى العدل والمساواة - حسب موقع (STNC)
Author: Yasir Elsharif
Date: 05-12-2008, 02:34 PM
Parent: #1
الأخ خالد،
تحية طيبة
أين بتقديرك تحتفظ حركة العدل والمساواة بهؤلاء الأسرى؟؟
لم أسمع من مصدر مستقل سماع أصوات ضرب النار في منطقة المطار الحربي، ولكني لا أستبعد ذلك؟؟
وشكرا
ياسر
|
Post: #3
Title: Re: أسماء أسرى الجيش (مجموعة حجر عسل) لدى العدل والمساواة - حسب موقع (STNC)
Author: على محمد على بشير
Date: 05-12-2008, 03:09 PM
Parent: #2
Quote: حسب موقع (STNC) مركز أخبار السودان
أسماء أسرى الجيش (مجموعة حجر عسل) لدى العدل والمساواة
ذكر موقع (STNC) مركز أخبار السودان على شبكة الانترنيت أن القوات التابعة لحركة العدل والمساواة عند دخولها منطقة وادي سيدنا العسكرية وأسرت مجموعة من العسكريين وقال الموقع
"هؤلاء الجحافل الابطال الذين دخلوا امدرمان عنوة بعد ان كبدوا مجموعة حجر عسل شر هزيمة في وادي الملك وحيث قتل منهم اكثر من 370 فردا وعندها توجه القوة صوب الخرطوم واستخدمت السلطة الظلامية كل قوتها الجوية ولم تفلح في ايقاف احفاد شهداء كرري من ان يعيدوا تاريخ اجدادهم الناصعة في تحرير امدرمان من اجداد حكام اليوم في الخرطوم حيث دخلوا قاعدة وادي سيدنا الجوية وقتلوا 150 من اتباع النظام الفاشل وتم اسر 22 منهم بينهم ثلاثة في رتبة عقيد وخمسة رواد ونقيب وملازم والبقية من ضباط صف من الفنين الطيارين".
وكشف الموقع المقرب من أبناء دارفور في الخارج عن أسماء الأسرى من بينهم
ضباط برتبة عقيد وهم
سيد احمد الفاضل النقي
جلال الدين الخيري محمد
الفضلابي حسن البشير الامام.
وذكر الموقع أنه سينشر لاحقاً باقي أسماء الأسرى |
الكوز التايب الصحى ضميره
داير تصفى حساباتك مع رفقاء الامس .. موش
بس المره دى خاب فألك
لانو الناس ديل فعلا ضربوا قبة المهدى وحاصروا حوش الخليفه ظنا منهم بانه قاعدة وادى سيدنا الجويه
والكم عقيد وكم رائد وكم نقيب ديل بيكونوا شوية حرس من الانصار البيكونوا حارسين حوش الخليفه
مع كم مصلى كدا صلوا الفجر حاضر وقاموا الجماعه ديل خموهم على اساس انهم ضباط وفنيين القاعده
.
.
.
.
Quote: أين بتقديرك تحتفظ حركة العدل والمساواة بهؤلاء الأسرى؟؟
|
ح يحتفظوا بيهم وين يعنى ياياسر الشريف
ما محتفظين بيهم فى اللاندكروزرات ولافين بيهم
المتمردين طاشين والاسرى طاشين برضو
فى بعض اللاندكروزرات غايتو وصلت دنقلا وقبضوهم هناك
لانو دخلوا دنقلا وهم بيضربوا فى البورى ويصيحوا ويهللوا
فاكرنها دى طويله
طلعوا عليهم الدناقله قالوا ليهم سكرفى جماعتك اسقط فى يدهم
وطوالى قبضوهم ليك .. ويمكن يكون جزء من الاسرى معاهم
وشله تانيه لبدوا فى غابة السنط فى الخرطوم قايلنها خلاء امدرمان
قالوا نلبد هنا لحدى ما نفهم الحاصل شنو وبعدين نشتت دارفور
ناس الاصطباحيه جوا الصباح يصطبحوا بى سيجارة الصباح لقوا ليك العالم
نايمين ومجدعين واللاندكروزرات واقفه ومربطين ليهم فيها كم عقيد على كم رائد
بلغوا عليهم السلطات ودهموهم لامن هم زاتم اندهشوا لسرعة وصول القوات المسلحه
الى خلاء امدرمان بهذه السرعه
شله تانيه حظها ما كان احسن من شلة غابة السنط
وعلى حسب وصف واحد راكب معاهم واللى هو برضو وصف ليهو جده الذى زار البقعه قبل كم سنه
صاحبنا دا على حسب وصف جدو والبنتمنى انو ربنا يبشبش الطوبه التحت راسو .. قال ليهم
انا بعرف سوق ام دفسو فى امبده وبوصلكم هناك وناخد منو التموين ونتخارج على الخلاء
قبل ما الجيش ياخد خبر بينا
وجماعتك صدقوهو ومشوا على وصفه دا
وظوووووطك لقوا نفسهم فى السوق العربى
وبرضو لقوا معاهم بعد ما القوات استلمتهم لقوا معاهم كم عقيد على كم رائد كدا
انتوا ماسكين مع الحساب ياجماعه ؟
لانو انا بظن كدا انو عدد العقداء والرواد انتهى
يعنى حررنا اسرانا وكدا
فاضل لينا كم ؟
اظن النقباء والفنيين لسه تحت قبضة قوات العدل والمساواه
طيب خلونى اخد لى لفه فى البورد دا شويه كدا وبجيكم
وبشوف ليكم صرفه فى الكم نقيب ديل على الكم فنى ديل
والا اقول ليكم حاجه
احنا تاعبين نفسنا فى شنو
اصلو الجيش مليان نقباء وفنيين
اها ديل نخليهم للعدل والمساواه لانو يمكن فى المستقبل يجيبوا ليهم كم طياره كدا
يهديها ليهم ادريس دبى وكدا واهو بتكون الاطقم جاهزه وكدا
ووكتها النقباء ديل بيكونوا وصلوا رتبة لواء طيار
والفنيين رواد ومقدمين
ابسطوا يا اسرانا
اهو ح تجيكم ترقيات وانتوا نايمين
بختكم
|
Post: #4
Title: Re: أسماء أسرى الجيش (مجموعة حجر عسل) لدى العدل والمساواة - حسب موقع (STNC)
Author: Yasir Elsharif
Date: 05-12-2008, 03:31 PM
Parent: #3
الأخ خالد،
أرجو أن تضع رابط موقع STNC.. كما أرجو أن تدخل بوست Nabielo وتقول لينا رأيك في الصوت بتاع تسجيل البي بي سي، هل هو لخليل إبراهيم أم لا..
الأخ علي،
الحركة تقول أن لها دعم من داخل الخرطوم ومن داخل الجيش.. دا قمة جبل جليد..
والمسئول الأول هو حزب المؤتمر الوطني.. ولو لم يعد لصوت العقل فإن العاقبة سيئة جدا، من الظهر دا، والكامن لسع ما ظهر..
وشكرا
ياسر
|
Post: #5
Title: Re: أسماء أسرى الجيش (مجموعة حجر عسل) لدى العدل والمساواة - حسب موقع (STNC)
Author: على محمد على بشير
Date: 05-12-2008, 04:15 PM
Parent: #4
ياياسر الشريف
انتا يا اخوى واعى للبتعمل فيهو دا ؟
بى جمبه تكورك للكوز التايب الصحى ضميرو وتقول ليهو تعال لينا بى هناك فى بوست
زميلنا Nabielo وجيب معاك جهاز كشف الكذب عشان تتعرف على زميلك الكوز السابق
خليل ابراهيم .. يعنى دا بيعتبر شك منك فى انو خليل ابراهيم مفقود الى الان او
زايغ بعد ان ورط اولاد الناس وكب الزوغه
وبى جمبه تانيه بتقول لى دى قمة جبل الجليد والغاطس فى البحر الله لا وراك ليهو
بينما انو الحقيقه بتقول انو الان الحرب دورت فى باقى قوات العدل والمساواه
وقريبا ح يساووهم ليك بالتراب وايضا قريبا جدا ح يبدا فلم ادريس دبى
يعنى الحكايه حدها حسن
وانتوا قاعدين تنظروا لينا هنا
|
|