Post: #1
Title: عاجل .. مطلوب توريد قادة وقيادات جديدة لحركة العدل والمساواة !!
Author: محمد حامد جمعه
Date: 05-12-2008, 02:03 PM
قدم ترشيحك ..
|
Post: #2
Title: Re: عاجل .. مطلوب توريد قادة وقيادات جديدة لحركة العدل والمساواة !!
Author: إسماعيل وراق
Date: 05-12-2008, 02:11 PM
Parent: #1
أفصح يا سعادتك
نفهم أنو تم إعتقال دكتور خليل ولا شنو
|
Post: #3
Title: Re: عاجل .. مطلوب توريد قادة وقيادات جديدة لحركة العدل والمساواة !!
Author: ود الباوقة
Date: 05-12-2008, 04:08 PM
Parent: #2
قدم ترشيحك ..
المقاعد محدودة ..
ود الباوقة
|
Post: #4
Title: Re: عاجل .. مطلوب توريد قادة وقيادات جديدة لحركة العدل والمساواة !!
Author: عوض أحمد عمر
Date: 05-12-2008, 04:56 PM
Parent: #3
الأفضلية لبعض أعضاء البورد من الجماعة اياهم
|
Post: #5
Title: Re: عاجل .. مطلوب توريد قادة وقيادات جديدة لحركة العدل والمساواة !!
Author: Mohamed Suleiman
Date: 05-12-2008, 06:14 PM
Parent: #4
وزير الدفاع يؤكد : خليل ابراهيم ليس بالخرطوم بل على مشارف دارفور ...!!
في الأول غيروا ده الأهبل البعلن عن فشلو و كيف خليل إبراهيم دخل العاصمة المثلثة و الآن وزير الدفاع يقول خليل الآن علي مشارف دارفور ...
و زيادة الهبالة قال إنو نحن بنراقبو و نرصدو و بطيخ و شمام ..
|
Post: #6
Title: Re: عاجل .. مطلوب توريد قادة وقيادات جديدة لحركة العدل والمساواة !!
Author: celecon
Date: 05-13-2008, 05:39 AM
Parent: #1
(*) voting for U D to be PM (*)
|
Post: #7
Title: Re: عاجل .. مطلوب توريد قادة وقيادات جديدة لحركة العدل والمساواة !!
Author: elameen
Date: 05-13-2008, 07:02 AM
Parent: #1
الاخ محمد حامد جمعة تحياتي اليك.
قبل ما تستورد قادة وقيادات جديدة لحركة العدل والمساواة هنالك امر يجب ان تقف فيه وتتامله بكل صدق.
1. ناس تجي عينك عينك في وسط النهار ويعملوا العملوه ده... وانت نائمين وتطلبوا المساعدة من المواطنين قبل ثلاثة ايام .... عليك ان تتامل في هذا الموقف؟
2. الناس ديل لو ليهم معرفة بالخرطوم ومداخلها اكان بحصل شي اكبر من كده؟
3. الناس ديل امس اكانوا معظمهم تحت القوات المسلحة... يعنى جيش تاني بحارب ؟
4. لو ما اكنت في غاية من الاستعداد لقواتكم النظامة والامنية اكان حصل دربكة كبيرة ... قياسا بحادث الاثنين .. وحالتكم اكنت مستعدين والدبابات اكانت مالية الشوارع والكباري؟
5. دي حركة واحده عملت كده تفتكر لو اتوحدوا الحركات الباقية مع هذه الحركة قيس بنفسك القوة بتكون كيف ؟
6. الجيش السوداني اغلبيته من اولاد دارفور .... ذهبت من الخرطوم الى الدمازين في شهر 12 2007 لاستفسار عن اخ لي مفقود / شهيد لسع ما معروف مصيره وجدتهم معظم الجنود من ناس دارفور وقليل من الشمال؟
7. اذا د. خليل اكان له سند من الداخل منسق والله اكان مسك زمان واسع اكان يزيع في البيانان وناس كتيرة تركب التونيسة؟
8. السلاح الشافت عيني ده اذا فيهم واحد من القيادات تعرف التكتيك الصحيح والله اكان ما بحصل شي طيب؟
9. من الاحسن ان تستورد هذه القيادات لتدعم الجيش السوداني بدلا من العكس
في الاخير نسال الله ان يكفي البلد الفتن والبلاوي اصلا وصلت وحا تصل اكثر من كده اذا اكان هذه الحال.
الامين
|
Post: #8
Title: Re: عاجل .. مطلوب توريد قادة وقيادات جديدة لحركة العدل والمساواة !!
Author: ابوبكر يوسف إبراهيم
Date: 05-13-2008, 07:26 AM
Parent: #7
الأخ محمد حامد
وين شروط الخدمة .. الرجاء توضيح الصورة عشان نقدم على نور والإجابة على الأسئلة التالية!!!!!
- الراتب كمو؟
- الراتب باليورو واللآ الدولار واللا الإسترليني؟
- لجوء واللآ جنسية؟
- الخبرة المطلوبة كم سنة؟
- الفنادق البره كم نجمة؟
- البدل والكرفتات والقمصان؟ ( بير كاردان / جيوفنشي / داليمو ما سيما )
- الروائح محلية واللآ باريسية؟
- نوع المشروبات الترويحية ؟ ( الترويحية بين هلالين.. طبعاً إنت فاهم عشان نعرف نمخمخ!!)
- المزات؟ ( سيمون فيميه / كفيار أو أنشوجة أو سمك مدخن)
- الكيف والتدخين ؟( سيجار هافانا/ أم سيجاير)
- في علاوة تصريحات إعلامية؟
- مقر الإقامة والجعجة من وين؟ ( أفضل مدينة النور)!!
- ما الرتبة أو اللقب؟ ( قائد / مناضل/ زعيم حركة)
- التنسيق مع الفضائيات من قبل المخدم والجعجعة علي واللآ أنا أجري أفتش براي؟
- الإتصالات ( ثريا / سوداني )
** ما سألت عن الأحذية : ( لأن المركوب فاشري - لا مؤاخذة -)
لازم نعرف من هسه والأولو شرط آخرو نور ، عشان بعدين نشتغل بي ذمة و العطاء طبعاً حسب الإمتيازات.. بعدين ما حأنساك من صالح الدعا ( فيفتي فيفتي)!! .. عجّل بسرعة منتظر منك مكالمة على الموبايب أو حتى مسيج
|
|