روابط وجمعيات أبناء كردفان بالسعودية تدين وتشجب ما جرى بامدرمان وشمال كردفان

روابط وجمعيات أبناء كردفان بالسعودية تدين وتشجب ما جرى بامدرمان وشمال كردفان

على خلفية ما حدث في العاشر من مايو من احداث في امردمان وشمال كردفان أدان الكثير من روابط وجميعات أبناء كردفان ( شمال وجنوب كردفان ) هذه الاحداث التي روعت المواطن السوداني وطالبوا بالتحلي بروح الحوار


صلاح غريبة - الرياض

ديل كيزان جناح على عثمان.

الأخ صلاح غريبة..حبابك

و حتى لا يسرق اسم كردفان في السهلة كده يا اخوي.ز ارجو مدنا بالروابط و الجمعيات الكردفانية التي اخرجت تلك البيانات..و المسئول الموقع على كل بيان..

بعد داك نجي نشوفهم لي شنو ما فكروا للحصل في شمال كردفان.. تحديدا في منطقة سودري في يوم الخميس و الجمعة..لمن كان ابناء كردفان بيرفعوا النداء و بيناشدوا الحكومة عشان تحمي اهلهم في سودري..ولا سودري دي ما بتوجعك يا اخوي..

الحكومة فرطت فضرطت يا صلاح يا اخوي..و المثل بيقول كن الصقر وقع كتر البتابت عيب..


و النشوف اخرتا..


كبر

الاستاذالفاضل صلاح غريبة

ارجو ان تحدد ما هى الروابط و الجمعيات الكردفانية بالسعودية التى التى تتحدث عنها و ارجو مدنا ببيان او اثنين من التى اصدرتها هذه الروابط التى زعمت.
سؤال اخر لماذا لم تتحدث هذه الروابط حتى و لو واحدة اصالة عن نفسها؟
هل انت تمثلها ؟ و ما هى الروابط او الجمعيات التى تمثل؟

يا خوي يا صلاح غريبة
زودتها شوية..
كدة بس هات اسم رابطة واحدة وبيانها

الأخ صلاح غريبة تحياتي

صحيح كنّا في رابطة شمال كردفان بالمنطقة الغربية مجتمعين مساء يوم الجمعة لمتابعة تطورات القضية , وحيث أن هناك غياب كامل حول ما كان يجري كما هو حادث الآن فقد أمن الإجتماع بضرورة توفير كل المعلومات لإصدار بيان . لكنّا فؤجئنا يوم السبت بالذي حدث في أم درمان ولا زالت نتائج ذلك تتداعي ولازال الموقف بالنسبة لنا ضبابياً . ولم تجتمع المؤسسة عندنا حتي اللحظة. ومعروف يا صلاح كردفان دوماً في المقدمة لكن لست علي طريقة حمدي بالطبع. ولهذا إذا أرادت قوي سياسية كردفانية وفق حساباتها أن تصدر بيان لا نحجر علي أحد في هذا الخصوص لكن مؤسساتنا لم تجتمع بعد لمعرفة كيفية تعاطي الأمر.


بحيراوي

اليوم ستواجد ابناء كردفان بكثافة في قاعة الفيصل بالرياض معلنين تضامنهم مشجبهم بالاحداث

ولا نامت أعين الجبناء

الأخ صلاح غريبة..حبابك

ارجوك تأمل تواريخك التالية:
في يوم

13-05-2008, 00:26 ص
انت قلت:

Quote: روابط وجمعيات أبناء كردفان بالسعودية تدين وتشجب ما جرى بامدرمان وشمال كردفان

و لمن اتعصرت (زي حكومتك الفرطت فضرطت) جيت قلت في يوم:

16-05-2008, 02:54 ص

Quote: اليوم ستواجد ابناء كردفان بكثافة في قاعة الفيصل بالرياض معلنين تضامنهم مشجبهم بالاحداث

يعني يوم 13 مايو2008 روابط و جمعيات كردفان بالسعودية .. لا اجتمعت..ولا طلعت بيان شجبت ما جرى في امدرمان و شمال كردفان..

و برضك في 16مايو2008.. لا جيتنا بالفأس ولا يعودها..برضك جيت بشغل ناس حركة العدل و المساواة اضرب و ألبد..و لغاية الليلة ده بنسألك تاني و تالت جيب ليناا سماء الروابط..و المسئول عن بيان كل رابطة..و بعد ما يشجبوا الحصل في امدرمان..و يشبعوا ادانات.. برضك السؤال قاعد منتظرهم.. ليه ما ادانوا احداث سودري الحصلت في يوم الخميس 8مايو2008؟..

لغاية ما تجيب الكلام ده .. انت ثابتة فيك حاجتين:
1. سرقت اسم و لسان روابط و جمعيات كردفان بالسعودية..
2. انت كضاب و بتهضرب زيك و زي أي واحد قاعد يهضرب في المؤتمر الوطني في الخرطوم..

و سراق لسان الرجال يا صلاح يا اخوي.. جبان..
و الكضاب قدام الرجال.. جبان..

عشان كده اعين الجبناء البتوعدهم ديل.. ياهو انت ذاتك.. البتلاحق ليك بيانات و ادنات..و شجب..لمن كرعينك حفيت و جزمك اتقطعت..

و ما عندك مشكلة تعال نسلفك ادانة و شجب تحسن بيها حالك قدام ناسك بتاعين فقه الإستدراج..

اها قصرنا معاك..؟

و تعال طالب معانا بمحاكمة كل مسئولي الحكومة الفرطوا في امن امدرمان؟..عارفك دي كن كتبوها ليك حجاب ما بتقدر تسويها.. لكن لسع عشمنا فيك ما انقطع.. انك تبقى زول مالي مواقفك و ماك سراق للسان الأخرين ..


كبر

اليوم الجمعة سيتواجد ابناء كردفان أيضا

بكثافة في قاعة الفيصل بالرياض معلنين

تضامنهم مشجبهم بالاحداث

ولا نامت أعين الجبناء