هل(سهلت) الحكومة وصول المعارك للخرطوم؟أم انها (فوجئت) مثلنا!!؟

اللهم اسبل سترك على عبادك البسطاء ممن لا حظ لهم في ساس يسوس

يا اخوانافي ظل ثورة الاتصالات العالمية واي راعي في دلال العنقرة شايل موبايل ما مدى فرصة تحرك جيش بقضه وعتاده من تشاد بحسب بيان الحكومة مخترقاعدد من ولايات السودان وصولا لامدرمان, دون ان يتمكن احد من تحديد مساره واعتراضه قبل وصول العاصمة؟

غايتو الا خليل اسماعيل دا بتحارب معاهو الجن
يعني لا طيارات رصدتو
ولا الحلال الجاء ماشي فوقا دي في زول بلغ ناس الحكومة
ولا وحدات الجيش والاستخبارات في عشرات المحافظات المر بيها رصدتو

ومعكـ أردد ذات السؤال يا معاذ ؟؟؟
فالحكومة الحالية جاءت (بالشدة) وأمنت جميع أوضاعها (بالشدة) .. وصرفت ما صرفت من الأموال في سبيل
أمنها (وديمومتها) ...
وتتباهى دائماً بالقدرة العسكرية والأمنية ....
فكيف حدث هذا ؟؟؟
أنا لن أصدق بأن الحكومة فوجئت ...
السؤال : لماذا (سهلت ) الأمر ....
...................................................
؟
؟
؟

أخى معاذ
أخوى عمران
السلام عليكم ورحمة الله وبركاته
الحكومة على علم تام بتحركات حركة العدل والساوأة
أخبرك بأنه تم تصفية عدد كبيرجدآ منهم عبر الطيران قبل أيام قبل وصولهم أمدرمان ومايجرى الآن هو بقايا تسللت للخرطوم مع بعض الخلايا الأصلآ موجودة وهى تحمل أسلحة خفيفه.
ماقتل قبل أيام عدد كبير جدآ وتم إخفاء الخبر
ولكم ودى

Quote: الحكومة على علم تام بتحركات حركة العدل والساوأة . ماقتل قبل أيام عدد كبير جدآ وتم إخفاء الخبر

اخوي يسري معتصم
كلامك لا يبعث على الاطمئنان أبدا!
اللهم احفظ بلادنا.

Quote: أنا لن أصدق بأن الحكومة فوجئت ... السؤال : لماذا (سهلت ) الأمر ....

عمران المسالة محيرة
اما الناس ديل قاعدين ساكت
واما فعلا سهلو الموضوع
وفي الحالتين يجب ان يكون هناك من يحاسب
(افراد) القوات المسلحة البواسل ممن يقاتلون الان في الطرقات هم اولى الناس بطرح هذه الاسئلة على قيادتهم.
الاجراءات المتخذة الان والتي تمس اي مواطن وتؤثر على حياته سلبا من حظر التجوال واغلاق الكبارى تؤيد فرضية تسهيل المهمة حتى تصل حاجة معينة لكل مواطن.
الحاجة دي شنو الله اعلم .

معاذ حسن
..
ما عارف ليه إتذكرت يوم الإتنين ,,!! الدامى
وكأنوا الحكاية مفبركة,,!!


أين ذهبت الترسانة الليلية ,,!!والعربات الدوكشية

الحمد لله اليوم عطلة ....!!

برغم اننى كنت فى وسط الخرطوم
"لكن غير ناس الحركة ما كان فى زول فى الشوارع"
والقصر الجمهورى ,,,محروس باربعة مسلحين
..

معاذ سلامات
ومعك نردد:

Quote: اللهم اسبل سترك على عبادك البسطاء ممن لا حظ لهم في ساس يسوس

انتو الحكومة دي لمتين في كذبها يا معاذ؟؟

Quote: يا اخوانافي ظل ثورة الاتصالات العالمية واي راعي في دلال العنقرة شايل موبايل ما مدى فرصة تحرك جيش بقضه وعتاده من تشاد بحسب بيان الحكومة مخترقاعدد من ولايات السودان وصولا لامدرمان, دون ان يتمكن احد من تحديد مساره واعتراضه قبل وصول العاصمة؟

عارف كذابين ليه؟؟لانه فعلا ما من تشاد وسوداني ميه الميه
ومتجمع من بقاع كثيرة,ويعرف البلاد ودروبها وجخانينهم وايام تهريبهم للاسلحة للجزائر وغيرها
وتهريبهم للاسلحة للسيطرة على الخرطوم نفسها.

يخموا ويصروا وجوهم البيعرفوهم كويس.

الموت والدمار لمن اراد ان يروع المدنيين.

معاذ سلامات
لا أعتقد أن هذا العمل المسلح قد قامت به حركة العدل لوحدها ولكن هنالك من معهم ولكن لا يريد إظهار نفسه لأن العملية فيما يبدو منظمة للغاية وكذلك السلاح المستخدم ويدل على كثافته أنه سلاح موجود داخل الخرطوم ومنذ زمن وهو نفس السلاح الذي بحث عنه وزراء الداخلية المتعاقبون لإنه من غير الممكن أن يتحرك هذا السلاح من تشاد وحتى الخرطوم وهنالك أسراب الطيران التي ما زالت تقصف قرى دارفور .. لا أريد أن أستبق الأحداث ولكن يبدو أن الدكتور خليل أسُتخدم أسواء إستخدام لتنفيذ مخطط ما فإن نجح فبها وإن لم ينجح فتظل المحاولة قائمة لوقت آخر ..

خالص الود ...

Quote: ولكن يبدو أن الدكتور خليل أسُتخدم أسواء إستخدام لتنفيذ مخطط ما فإن نجح فبها وإن لم ينجح فتظل المحاولة قائمة لوقت آخر ..

مجاهد..
ما دام الوصول للخرطوم بالسهولة دي المؤكد انو حا تتكون في محاولات تانية الله يستر
اقترح في ظل العجز الاستخباراتي والمعلوماتي هذا
حفر خندق داير ما يدور حول العاصمة الخرطوم من باب الاحتياط .

Quote: اقترح في ظل العجز الاستخباراتي والمعلوماتي هذا حفر خندق داير ما يدور حول العاصمة الخرطوم من باب الاحتياط .

قوية يا معاذ دي من السطوح ولا من المكتب ؟










_
مشتاقين يا مولانا .

Quote: Quote: اقترح في ظل العجز الاستخباراتي والمعلوماتي هذا حفر خندق داير ما يدور حول العاصمة الخرطوم من باب الاحتياط . قوية يا معاذ دي من السطوح ولا من المكتب ؟

نوبي ..سلام
ارجو ان يتطوع احدهم ويوصل الاقتراح لوزير الدفاع
ما دام الاساليب الحديثة ما عارفين نتعامل معاها
نرجع للحاجات القديمة.
وبما انو(تارخيا) اجتياح الخرطوم دائما ياتي من اتجاه الغرب ومن امدرمان تحديدا
اقترح البدء بسرعة في حفر خندق امدرمان زي كنانة والرهد

ياجماعة هل يعقل ان تدخل قرابة ال 50 لاندكروزر محملة بالسلاح دون علم الحكومة
خليل قال انو مدعوم من الحكومة وقيادات من الجيش وفي حال انو الحكومة تفاجات تبقي دي كارثة ،والله

سيارت معروف شكلها لكل أهل السودان ..
تحمل أسحلة ثقيلة .. وجنود يلبسون العمامات الملونة ..
تقطع البلد من أقصى غربها إلى وسط العاصمة ..
دون رقيب ودون رصد ..
مستحيل ..
مستحيل ..
الأمر فيه ما فيه من الغموض ..

والله يا معاذ دي اكبر مصيدة للفيران شفتها في حياتي ..
أعلاميا كسبت الحكومة .. وشعبيا كسبت الحكومة .. وتعاطفيا برضو كسبت الحكومة ..
مش قالوا لكل فعل رد فعل .. وبما انه اهل الانقاذ ناس عجايب ..
اصبر لبكرة الصباح وبتعرف الناس دي دخلوها المصيدة كيف وليه ..
ديل اغبى من مشى علي الارض ..
عليك الله هسع كانوا احتلوا الخرطوم .. ما حيعملوها كلها افلام هندية في قاعة الصداقة ..
يعني ممكن عادي يغلموا ليهم القاعة ..

..
..

قال يحتلوا الخرطوم قال ..

لا تستعجلوا .. فان غدا لناظره قريب.. وغريب..، أحد الأسري قال انهم ضربوا بالطائرات في الطريق.. وقد يكون تسهيل لهم للمرور كما قالت الدولة .. وقد يكون غير ذلك... بس.. غدا لناظره قريب..

Quote: والله يا معاذ دي اكبر مصيدة للفيران شفتها في حياتي .. أعلاميا كسبت الحكومة .. وشعبيا كسبت الحكومة .. وتعاطفيا برضو كسبت الحكومة .. مش قالوا لكل فعل رد فعل .. وبما انه اهل الانقاذ ناس عجايب .. اصبر لبكرة الصباح وبتعرف الناس دي دخلوها المصيدة كيف وليه .. ديل اغبى من مشى علي الارض .. عليك الله هسع كانوا احتلوا الخرطوم .. ما حيعملوها كلها افلام هندية في قاعة الصداقة .. يعني ممكن عادي يغلموا ليهم القاعة .. .. .. قال يحتلوا الخرطوم قال ..

زى ما قلت كده بالضبط، يا اخى ديل عفيص ساكت بيخلصو....

؟؟؟؟

سف الحكومة استدرجت حركة العدل والمساواة لامدرمان وهى عارفة انه قواتهم حا تعمل عملية وانتحارية وتتخارج بعد ذلك
وبعد ذلك ممكن تكسب الشعب السوداني فى صفها زي ما حصل يوم الاثنين الاسود الابيض والحاجة التانية يكون عندها المبرر لاعلان حالة الطوارئ وفى النهاية الضحية المواطنين

يوم ضرب مصنع الشفاء,, الجماعة طلعو في التلفزيون واحد يقول دي طيارات وواحد يقول دي صواريخ ,, وطبعا جات من دولةجوار شمالية ,,,لا عارفين الضربهم شنو ولا عارفين ضربهم من وين,, حتى الكان عندو علم من الكتاب يومها ما قدر يفرز الحاجة الطايرة دي..
كلو ممكن,, ونظرية متابعين ترحركاتهم دي اعتقد انها ما بتنبلع ,,, لكن برضو جايز