Post: #1
Title: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: محمد حسن العمدة
Date: 05-13-2008, 04:27 PM
اولا ده مجرد تحليل قابل للخطأ والصواب
ولكنه للصواب اقرب كتير جدا
خليل ما رافق المتحرك ابدا
خليل هدف من المتحرك انو يدخل ام درمان ويثبت للنظام انو قادر على تنفيذ ما يقول
وعشان يرعب النظام ويكشف ضعفو
وخليل متاكد من الحتة دي تحديدا ..
ابدا ما قصد خليل انو يسقط النظام من اول ( حملة )
المفاجاة انو خليل وكل ( الناس ) اكتشفو انو المسالة في غاية السهولة
بدليل انو عربيات المتحرك وصلت الى كبري النيل الابيض !!!
ودي بيكون ندمان عليها خليل شديد ..
|
Post: #2
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: Ahmed musa
Date: 05-13-2008, 04:29 PM
Parent: #1
Quote:
اولا ده مجرد تحليل قابل للخطأ والصواب
ولكنه للصواب اقرب كتير جدا
خليل ما رافق المتحرك ابدا
خليل هدف من المتحرك انو يدخل ام درمان ويثبت للنظام انو قادر على تنفيذ ما يقول
وعشان يرعب النظام ويكشف ضعفو
وخليل متاكد من الحتة دي تحديدا ..
ابدا ما قصد خليل انو يسقط النظام من اول ( حملة )
المفاجاة انو خليل وكل ( الناس ) اكتشفو انو المسالة في غاية السهولة
بدليل انو عربيات المتحرك وصلت الى كبري النيل الابيض !!!
ودي بيكون ندمان عليها خليل شديد .. |
يعنــــــــــي إستخدم ناسـو (فئران تجارب) ؟؟؟؟؟؟؟؟؟؟
|
Post: #3
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: محمد حسن العمدة
Date: 05-13-2008, 04:29 PM
Parent: #1
خليل قصد من ( تفجير ) الاشاعة بانو في الخرطوم وام درمان
فقط ليكسب المزيد من الوقت لهروب افراد المتحرك بعد
تنفيذ المهمة والهدف
خليل يعلم تماما عقلية رفاق الامس ..
وبنفس العقلية بتاعت نافع وغوش ..
سرب معلومة امنية
وهي انو متواجد
وبلع النظام الطعم حتى ( وقف في حلقو )
وما قادر يبلعو لحدي حسع
|
Post: #4
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: محمد حسن العمدة
Date: 05-13-2008, 04:31 PM
Parent: #3
خليل باختصار حقق كلو اهدافو
وخل ناس نافع وغوش وكمال عبيد وعبد الرحيم محمد حسين
يمارسو هوايتم في التصريحات المتخبطة والغير مسئولة
ده باختصار يا احمد موسى وح اجيك راجع حسع
|
Post: #5
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: القلب النابض
Date: 05-13-2008, 04:36 PM
Parent: #4
أتفق معك في التخليل ..
بأن خليل أوهم الذين معه من العامة بانه معهم خاى يسربو المعلومة ثم يقوم هو بالضجة الإعلامية ..
امس انا قلت الكلام دا لي ناس هنا واتفق معي أعظمهم
بأن خليل أصلاً ما دخل أم درمان وكان برة
هذا مجرد تحليل ..برضو
تحياتي
|
Post: #6
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: على محمد على بشير
Date: 05-13-2008, 04:52 PM
Parent: #5
Quote: خليل ما رافق المتحرك ابدا
|
لا يا ود العمده
انا ما بتفق معاك فى الحته دى
لانو خليل ابراهيم رافق ماسميته بالمتحرك
وخلاهم يدخلوا قدامو البقعه وقعد هو فى خلاء امدرمان ينتظر احتلال الاذاعه
وقاعدة وادى سيدنا الجويه والقياده العامه وهو منتظر والبيان الاول فى
جيبه , ومن الساعات الاولى ملأت الجثث شوارع البقعه
وضرب الاطفال قبة المهدى بدلا عن القياده العامه وقصفوا مياضن جامع الخليفه
بدلا عن قاعدة وادى سيدنا الجويه وهدموا مستشفى امبده بدلا عن الاذاعه
وقتها لعن خليل ابراهيم فى سره الزول البيعتمد على اطفال عشان يجيبو ليهو
سلطه فى البلد دى , وهرب لا يلوى على شئ تاركا اطفال دارفور خلفه يلاقون
مصيرهم بعد ان اثر هو السلامه والفوز بالحياه
|
Post: #7
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: anwar abdulmajid
Date: 05-13-2008, 05:01 PM
Parent: #5
ماحدث يكشف مدى ضعف اجهزة الامن والاستخبارات اذا كان لاتستطيع اجهزة الامن حماية العاصمة القومية كيف لها ان تحمى السودان ولو حدث ذلك فى دولة اروبية لطاحة روس دون اسفا عليهابل يتقدمون باستقالاتهم بانفسهم ده اذا ما قدموهم للمحاكمة فى التفريط فى ادى الواجب لكن نحن فى السودان نحيهم بالنصر اى نصر هذا عندما يدخل العدو الى غرفة نومك . قال متابعنهم ورصدناهم من خروجهم من تشادعبر السودان الواسع يعنى منتظرنهم لحدى ما يوصلوا صنية البلدية بامدرمان وباقى للاذاعة اقل من كيلوياجماعةطائرة هلكوبتر واحدة تسطيع مراقبة حدود العاصمة ليل نهار انا اعتقد ان بلدنا دى حامية الله ولاامن ولاحاجة
|
Post: #11
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: محمد حسن العمدة
Date: 05-13-2008, 06:41 PM
Parent: #4
| Quote: يعنــــــــــي إستخدم ناسـو (فئران تجارب) ؟؟؟؟؟؟؟؟؟؟ |
استاذنا احمد موسى
اسف للتاخير
تتذكر احداث كسلا ؟؟
ما يتخيل لي الحركة الشعبية في القوت داك كانت بتستعمل افرادا كفئران تجارب
دي حرب يا احمد موسى
وخليل وحركة العدل والمساواة اثبتو انهم جادين في ما يقولون
واثبتو انهم وافراد حركتهم مستعدين للتضحية من اجل القضية
اتفقنا ام اختفنا مع خليل اذا كان مؤتمر شعبي ام غيره
هذا لا ينفي ابدا ان هنالك قضية
وان هنالك مظلومين
وانهم مستعدون للوقوف مع كل من يد اليهم يده من اجل تحقيق عدالة قضيتهم
يبقى على النظام الاعتراف بان هنالك قضية حقيقية في دارفور
وان حل القضية لن يكون بالاتفاقيات الثنائية بل عبر الحل الشامل القومي والحقيقي
اذا واصل النظام نفس النهج والتبرير ودفن الراس في الرمال بان هؤلاء مرتزقة فما اسهل الحصول على المزيد منهم ..
وحينها لن ينفع التكرار ..
وبنفس تبارير الغبي كمال عبيد بان ام درمان سهل اختراقا لشسوع حدودها يبقى كل شي محتمل تكراره مرة ثانية
|
Post: #12
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: محمد حسن العمدة
Date: 05-13-2008, 06:46 PM
Parent: #11
| Quote: بأن خليل أوهم الذين معه من العامة بانه معهم خاى يسربو المعلومة ثم يقوم هو بالضجة الإعلامية .. |
ازيك يا قلب
وين الحي بيك
صحيح من ناحية هو اوهم دي هو اوهم فعلا ..
لكن اوهم النظام يا قلب ودي الفضيحة
خليل ما يميزه عن بقية الحركات انو بعرف كيف يفكر زملاء الامس
يعني زي المثل البقول ابو القدح بعرف بعرف محل بعضي اخو ..
العقلية الامنية لخليل هي الاوحت ليهو انو يوهم النظام عبر اشاعة يقولها افراد الحركة
النظام في الحالة دي بيجعل كل جهده انو يبقض خليل ابراهيم وهنا بيكون في مجال واسع لهروب افراد المتحرك ودخولهم كمواطنين عاديين
|
Post: #13
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: محمد حسن العمدة
Date: 05-13-2008, 07:00 PM
Parent: #12
Quote: يا ود العمده
انا ما بتفق معاك فى الحته دى
لانو خليل ابراهيم رافق ماسميته بالمتحرك
وخلاهم يدخلوا قدامو البقعه وقعد هو فى خلاء امدرمان ينتظر احتلال الاذاعه
وقاعدة وادى سيدنا الجويه والقياده العامه وهو منتظر والبيان الاول فى
جيبه , ومن الساعات الاولى ملأت الجثث شوارع البقعه
وضرب الاطفال قبة المهدى بدلا عن القياده العامه وقصفوا مياضن جامع الخليفه
بدلا عن قاعدة وادى سيدنا الجويه وهدموا مستشفى امبده بدلا عن الاذاعه
وقتها لعن خليل ابراهيم فى سره الزول البيعتمد على اطفال عشان يجيبو ليهو
سلطه فى البلد دى , وهرب لا يلوى على شئ تاركا اطفال دارفور خلفه يلاقون
مصيرهم بعد ان اثر هو السلامه والفوز بالحياه |
والله يا علي البسمع نضمك ده يقول كنت قاعد مع الزول عدييييييييييل
|
Post: #15
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: محمد حسن العمدة
Date: 05-13-2008, 08:52 PM
Parent: #13
| Quote: ماحدث يكشف مدى ضعف اجهزة الامن والاستخبارات اذا كان لاتستطيع اجهزة الامن حماية العاصمة القومية كيف لها ان تحمى السودان ولو حدث ذلك فى دولة اروبية لطاحة روس دون اسفا عليهابل يتقدمون باستقالاتهم بانفسهم ده اذا ما قدموهم للمحاكمة فى التفريط فى ادى الواجب لكن نحن فى السودان نحيهم بالنصر اى نصر هذا عندما يدخل العدو الى غرفة نومك . قال متابعنهم ورصدناهم من خروجهم من تشادعبر السودان الواسع يعنى منتظرنهم لحدى ما يوصلوا صنية البلدية بامدرمان وباقى للاذاعة اقل من كيلوياجماعةطائرة هلكوبتر واحدة تسطيع مراقبة حدود العاصمة ليل نهار انا اعتقد ان بلدنا دى حامية الله ولاامن ولاحاجة |
بالضبط كده يا انور
الانا لحدي الان مندهش ليهو كلام غوش انهم
استدرجو الناس ديل وبيدعوهم تاني للعودة
عشان يقتلو المواطنين الابرياء فقط عشان
غوش يثبت انهم دبابين !!!!
|
Post: #8
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: Frankly
Date: 05-13-2008, 05:30 PM
Parent: #1
الحبيب محمد ود العمدة
التصريحات الرسمية كلها تشير لما ذهبت إليه
إإذا هناك توافق بينك وبينهم ويبقى مافي فضيحة ولا يحظنون
Quote: من جهته نفى وزير الدفاع السوداني عبد الرحيم محمد حسين وجود خليل إبراهيم في الخرطوم، قائلا "نحن نتابعه في الركن الشمالي الغربي لشمال دارفور".
|
بس أنا شايف أنه كان قريب من موقع الحدث ليس بالضرورة داخل المعمعة ولكن على بعد رمية حجر
فكل الشواهد وأقوال أنصاره في الخارج والداخل والأسرى تقول بذلك
خليل إبارهيم كان فعلاً يتوقع أن يسقط النظام بثلته تلك ربما كان يتوقع دعماً من جهة داخلية تقاعست في اللحظات الأخيرة عن مد يد العون
لذلك فشلت الخطة فشلاً ذريعاً ودهش جميع أنصاره في الداخل والخارج وحتى مرتزقته الذين وعدهم بنصر ساهل"هين"
برضو مجرد تحليل لكن شواهدي أكثر من شواهدك لو لم نأخذ استشهادك بكلام وزير الدفاع كمرجع
كمال
|
Post: #16
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: محمد حسن العمدة
Date: 05-13-2008, 09:46 PM
Parent: #8
Quote: الحبيب محمد ود العمدة
التصريحات الرسمية كلها تشير لما ذهبت إليه
إإذا هناك توافق بينك وبينهم ويبقى مافي فضيحة ولا يحظنون |
معقول يا كمال لكن ؟!!!
طيب ال 250 مليون الما معروفا بالقديم ولا بالجديد دي
والزادوها الليلة بعد ما قالو وصل شمال كردفان وتموها 500 مليون دي
ده كلو تمثيليه ساااااااااااي كده ؟؟
كيف يكون في توافق يا كمال
مااااااااالك عاوز تبقى زي سميك كمال عبيد
الفضيحة مجلجلة من يوم دخلت القوات ووصلت لحدي كبري النيل الابيض
ياخي معقول ده ؟؟
ولا بتاع شرطة شعبية سااااي مافي ؟؟؟
ما تجقلبو ساي يا شباب
عيب والله عيب
والصقر كان وقع كتر البتابت عيب
حسع عاوز اعرف
الزول ده في شمال كردفان زي ما اذاعو ناسكم
ولا انقبض في الشعبية ؟؟
وين المخابرات ووين الامن ووين الاستخبارات !!!!
|
Post: #17
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: Frankly
Date: 05-13-2008, 10:19 PM
Parent: #16
معقول جداً محمد
التوافق بيّن ولا يمكن نكرانه
أنت تقول خليل مافي الخرطوم ولا يحزنون ونسكم بقولو خليل مافي الخرطوم ولا يحزنون
أنا خالفتك إنت وناسكم
وبشوف أنو المجرم خليل كان في أم ردمان
أها معقووول ولا ما معقووووووووول
التوافق
كمال
|
Post: #20
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: محمد حسن العمدة
Date: 05-14-2008, 11:44 AM
Parent: #17
Quote: معقول جداً محمد
التوافق بيّن ولا يمكن نكرانه
أنت تقول خليل مافي الخرطوم ولا يحزنون ونسكم بقولو خليل مافي الخرطوم ولا يحزنون
أنا خالفتك إنت وناسكم
وبشوف أنو المجرم خليل كان في أم ردمان
أها معقووول ولا ما معقووووووووول |
يا كمال انت قلت الجهات الرسمية
يعني انت بتقصد بالجهات الرسمية دي حزب الامة ولا شنو ؟؟
اذا المقصود ناس حكومة البشير فديل رصدو 500 مليون للزول البقبضو وقالو هو جوا الخرطوم
يبقى مافي اتفاق بل انتو الاتنين المتفقين
|
Post: #9
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: ismeil abbas
Date: 05-13-2008, 05:30 PM
Parent: #1
محمد حسن العمدة
Quote: اولا ده مجرد تحليل قابل للخطأ والصواب
ولكنه للصواب اقرب كتير جدا
خليل ما رافق المتحرك ابدا
خليل هدف من المتحرك انو يدخل ام درمان ويثبت للنظام انو قادر على تنفيذ ما يقول
وعشان يرعب النظام ويكشف ضعفو
وخليل متاكد من الحتة دي تحديدا ..
ابدا ما قصد خليل انو يسقط النظام من اول ( حملة )
|
تحليلك أقرب للخطآ من الصواب مع إحترامى لوجهة نظرك..
كيف تفسر قول خليل بأنه فى أم درمان....هل القصد التمويه...وما الجدوى من ذلك..
عشان يرعب النظام يقتل ألأبرياء ...ويرمى بألأطفال إلى الحرب...
لم يقصد أن يسقط النظام من أول حملة.....يعنى يملك المقدرة ولكن يريد الوقت المناسب..رفقآ بعقولنا يا أخى....
|
Post: #19
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: محمد حسن العمدة
Date: 05-14-2008, 11:04 AM
Parent: #9
| Quote: كيف تفسر قول خليل بأنه فى أم درمان....هل القصد التمويه...وما الجدوى من ذلك.. |
اسماعيل سلام
زي ما قلت اول البوست
القصد هو التمويه من اجل تامين انسحاب القوات والهاء اجهزة النظام
بدلا من البحث عن القوات سوف تبحث عن خليل وتركز كل جهدها عليه هو
ودي ضربة معلم من خليل واشد من ضربة ام درمان
| Quote: عشان يرعب النظام يقتل ألأبرياء ...ويرمى بألأطفال إلى الحرب... |
يا اسماعيل
طلاب الشهادة السودانية الرموهم ناس البشير وغوش في النيل
والرموهم للحرب في الجنوب
ديل كانو اطفال لعاب ساي ؟؟
عشان كده بنقول انو العنف والعنف المضاد مرفوضين
يجب علي الجميع رمي السلاح والجلوس من اجل التراضي
اول الناس الترمي السلاح هم ناس البشير
البشير ونظامه يا سيدي ما جو عبر انتخابات
جو بنفس القوة العسكرية
ولو كان الناس قاومتهم لكان ما كان الان
|
Post: #10
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: kamalabas
Date: 05-13-2008, 05:34 PM
Parent: #1
منقول من بوست الصحفي عمار محمد أدم:
أسئلة رئيس تحرير صحيفة القوات المسلحة
جزء من مقال رد الزيارة.....
للعقيد محمد عجيب محمد رئيس تحرير صحيفة القوات المسلحةالصادرة يوم الاثنين 12-مايو 2008م
بين رد الفعل الرسمي والشعبي يظل سؤالاً محورياً قويآً استعصى علي كل الرسميين والشعبيين بمواقعهم المختلفة...
كيف تسللت قوات بهذا الحجم والتسليح والعتاد الي داخل ام درمان ؟؟؟
هل غابت المعلومة؟؟؟ ام غاب القرار؟وما هي الحكمة من قتال هذه القوات - قتال مدن - داخل الارض الحيوية؟
وما الذي يمنع من التصدي الى هذه القوات غرب ام درمان قبل دخولها المدينة.
ام انه استدراج؟
عموماً... لم نسمع من قبل باستدراج لقوات معادية الي داخل الارض الحيوية.ما سمعناه وتعلمناه في المعاهد العسكرية هو ان الدفاع يكون بعيداً عن الارض الحيوية... وان العدو اذ دخل الارض الحيوية اصبح الدفاع بلا معني...وان الاستدراج يكون الى ارض القتل وليس الي شارع العرضة.عموماً... لا احد يتصور ان حركة العدل والمساواة كانت تحلم بتحقيق انتصار او استيلاء علي مدينة.. بل كلما كانت تحلم هو احداث فرقعة اعلامية وضجيج اعلامي اكبر من حجمها الحقيقي وقواتها المتهالكة التي غرر بها ودفعت الي الانتحار العسكري تحت اثر الحبوب المنشطة علي مشارف المدينة.
|
Post: #14
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: Tragie Mustafa
Date: 05-13-2008, 07:09 PM
Parent: #10
يا محمد حسن العمدة
د.خليل ابراهيم كان مع جمالي في سيارة واحدة
ووصف للناس من قتل جمالي بالضبط ومن اي العمارت اصيب.
كمل تحليلاتك.
حكاية الاطفال دي ضحكتني واوحت لي ببوست حشتفوه لاحقا
للمنافقين من امثال القلب النابض وفرانكلي واسماعيل عباس .
|
Post: #18
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: ابنوس
Date: 05-13-2008, 10:21 PM
Parent: #14
Quote: اكد الرئيس عمر البشير كفالة المحاكمة العادلة الناجزة مع حق الدفاع لكل المتورطين في الهجوم الغاشم على مدينة امدرمان وعبر خلال لقائه امس الصادق المهدي رئيس حزب الامة القومي بالقيادة العامة ، عن تقديره لمواقف الحزب ورئيسه تجاه الاحداث التي شهدتها مدينة امدرمان
واكد المهدي لسونا دعمهم ومساندتهم لكل مساءلة ومحاسبة قانونية عادلة وعدم اخذ البرئ بجريرة المجرم وامن على عدم استهداف أي حزب او جماعة او قبيلة في كيانها وانما في من دخل من افرادها في هذا الاثم
وهنأ المهدي رئيس الجمهورية لموقف القوات النظامية في التصدي للعدوان الآثم واكد للرئيس ان السودان الآن مستعد بقواته وقدراته المعنوية والسياسية والفكرية لتأسيس التراضي الوطني الذي يشمل الجميع ولا يستثني احداً وللحل السياسي الذي يستجيب للمطالب المشروعة لمواطني دارفور ، والاستعداد الكامل للحكومة والقوى السياسية لبناء حسن الجوار على اساس التعايش السلمي وعدم التدخل في شؤون الغير وعلى اساس عقد مؤتمر امني اقليمي لتحقيق هذه المعاني. وعبر المهدي عن دهشته للعدوان مطالبا القوى السياسية لاتخاذ موقف مشترك لصد ورفض ومواجهة أية جهة تريد ان تملى ارادتها علي السودان واتخاذ قضية دارفور ذريعة لها ، واشار لبعض الجهات المغامرة التي تسعى لاستغلال القضية لانفاذ اجندتها الخاصة واضاف لقد صارت قضية دارفور الآن واضحة وان هناك اقتناعاً كاملاً بالاستجابة للمطالب المشروعة لمواطني دارفور دون الزج بالقضية في هذا الأتون الآثم
وناشد المهدي الحركة السياسية بالبلاد لتعزيز مواقفها وتوحيد ارادتها السياسية والوقوف سدا منيعا ضد استخدام العنف او املاء أي حل من أية جهة لاية قضية من القضايا التي اصبح التراضي الوطني فيها يشكل اساسا لعلاجها. وعبر رئيس حزب الامة القومي عن سرورة وتقديره للموقف الوطني السليم للحركة الشعبية تجاه احداث امدرمان وقال كان يمكن ان تؤدي تلك الاحداث الى بعض التكتيكات غير المسؤولة. وعبر عن اسفه لتورط النظام التشادي في هذا العدوان الآثم واضاف ان ما دار بيني وبين ادريس دبي كان واضحا غير ان الوضع في تشاد يمكن ان يكون فيه اضطراب داخلي وزاد المهدي : نحن وتشاد سنتعايش كجيران حتما اردنا ام لم نرد ولابد ان نسعى لذلك واشار الى ان علاج المشكلة مع تشاد يكمن في الدعوة لقيام مؤتمر اقليمي بين السودان وجيرانه لتحقيق التعايش واضاف على تشاد ان تدرك الآن ان أية مغامرة ستأتي بنتائج عكسية جدا ودعا المهدي الجهات الامنية والشعب السوداني لليقظة والحذر والاستعداد لمواجهة أية محاولات يائسة بالحزم مشيرا الى ان القضية ليست الحكومة او الحزب الحاكم وانما السودان للسودانيين وضرورة وقوفهم جميعا لحماية امنه وسلامته وترتيب المنزل عقب ذلك من الداخل بما يحقق التراضى الوطنى. |
|
Post: #22
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: 7abib_alkul
Date: 05-14-2008, 06:04 PM
Parent: #18
خليل اصلا ود الحيكومة هو فاهم الحيكومة وهي فاهماهو
وما يحدث بينهم الان لا يعدوا ان يكون حرب اعلامية من مدرسة واحدة
نحن المافهمين بس العارفينو ونحن اولاد امدرمان(( مصطلح استعلائي))
المرتزقة ديل الحكومة شردتهم من عرباتهم وفكتهم لينا في الشوارع
واي واحد لمينا فيها دقيناه في راسو اول شي حتي سلمناه البوليس
وبمعني اخر للمنظراتية ان المستفيد الوحيد من الحدث هي الانقاذ والتي
كسبت تعاطف الجميع حتي لو لي لحظات
|
Post: #21
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: محمد حسن العمدة
Date: 05-14-2008, 06:01 PM
Parent: #14
Quote: يا محمد حسن العمدة
د.خليل ابراهيم كان مع جمالي في سيارة واحدة
ووصف للناس من قتل جمالي بالضبط ومن اي العمارت اصيب. |
عادي يا تراجي
وصفو ما بيؤكد وجودو
بس حكاية الاطفال دي ما عارف انا قلتها وين ؟؟!!!
|
Post: #23
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: ismeil abbas
Date: 05-14-2008, 08:31 PM
Parent: #1
ألأخ/محمد حسن العمدة
تشكر على سعة صدرك للنقاش..وهذا مبدأ الحوار الحضارى..ولكن اقول للذين يتداخلون وليس لهم سعة صدر
ودائمآ مولعين ولايملكون القدرة على النقاش أن يلزموا الصمت بدلآ عن ألأساة..
Quote: حكاية الاطفال دي ضحكتني واوحت لي ببوست حشتفوه لاحقا
للمنافقين من امثال القلب النابض وفرانكلي واسماعيل عباس |
السيدة /تراجى يشرفنى أن أكون منافق فى نظرك..وأن أكون منافق مع القلب النابض وفرانكلى..هولاء لايسيؤون لأحد ...
هل أسأت اليك قبل ذلك..من خلال مداخلاتك وبوستاتك اعرف عنك الكثير ولكنى لا أداخلك .لآن من معك يسلم
وضدك منبوذ ويشتم...لا أود الخوض معك فى مهاترات ومناكفات لاتسمن ولاتغنى من جوع..هذا المنبر للحوار
والتفاكر وطرح ألأراء بحرية..أطرحى طرحك واطرح طرحى وبكل إحترام...
سامحك الله..
ألأخ/محمد حسن العمدة أستميحك العذر ...لآنى قد أكون صرفت بوستك عن أصل الموضوع..ولكن رديت فى هذا البوست. لوصفى بالمنافق فيه..وراجع ليك بأذن الله
إسماعيل محمد احمد عباس...
|
Post: #24
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: ismeil abbas
Date: 05-15-2008, 09:02 AM
Parent: #1
........
|
Post: #25
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: Ahmed musa
Date: 05-15-2008, 09:43 AM
Parent: #1
Quote:
استاذنا احمد موسى
اسف للتاخير
تتذكر احداث كسلا ؟؟
ما يتخيل لي الحركة الشعبية في القوت داك كانت بتستعمل افرادا كفئران تجارب
|
ود العُمدة ...........الحركة الشعبية مع التجمع لمن نفذوا ضربة كسلا كانوا مرتبين لشُغُل عسكري متلازم مع عمل سياسي ...إنخذلوا فيه .........كان متوقعين ثورة أو إنتفاضة شعبية تتلازم والضربة ..........لكن خليل وبحسب ما فهمت من كلامك .....كان ناوي يختبر النظام فقط ......هذا إن كنت فهمت ماقلت صحيحاً ..............
|
Post: #26
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: محمد حسن العمدة
Date: 05-15-2008, 09:51 AM
Parent: #25
شكرو يا شباب ح اجيكم راجع برواقة
مودتي
|
Post: #28
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: محمد حسن العمدة
Date: 05-17-2008, 04:41 PM
Parent: #26
Quote: د الرئيس عمر البشير كفالة المحاكمة العادلة الناجزة مع حق الدفاع لكل المتورطين في الهجوم الغاشم على مدينة امدرمان وعبر خلال لقائه امس الصادق المهدي رئيس حزب الامة القومي بالقيادة العامة ، عن تقديره لمواقف الحزب ورئيسه تجاه الاحداث التي شهدتها مدينة امدرمان
واكد المهدي لسونا دعمهم ومساندتهم لكل مساءلة ومحاسبة قانونية عادلة وعدم اخذ البرئ بجريرة المجرم وامن على عدم استهداف أي حزب او جماعة او قبيلة في كيانها وانما في من دخل من افرادها في هذا الاثم |
شكرا ابنوس
طبعا البشير ما بكون فهم انو العدالة والمحاكمة البتشمل كل من تورط دي بتشمل حتى من تسبب في التفريط الامني والاستخفاف بحياة الناس خاصة القالو انحنا قصدنا نستدرج القوات دي لداخل ام درمان !!!!
ديل مفروض يحاكموهم قبل ( الاطفال ) موش كده ؟؟
|
Post: #30
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: محمد حسن العمدة
Date: 05-17-2008, 05:29 PM
Parent: #28
Quote: خليل اصلا ود الحيكومة هو فاهم الحيكومة وهي فاهماهو
وما يحدث بينهم الان لا يعدوا ان يكون حرب اعلامية من مدرسة واحدة
نحن المافهمين بس العارفينو ونحن اولاد امدرمان(( مصطلح استعلائي))
المرتزقة ديل الحكومة شردتهم من عرباتهم وفكتهم لينا في الشوارع
واي واحد لمينا فيها دقيناه في راسو اول شي حتي سلمناه البوليس
وبمعني اخر للمنظراتية ان المستفيد الوحيد من الحدث هي الانقاذ والتي
كسبت تعاطف الجميع حتي لو لي لحظات |
حبيبنا سلام
اتفق معك في مقدمة تحليلك من ان خليل ود الحكومة وزي ما بقولو ابو القدح بعرف محل بعضي اخو
لكن ما اخالفك فيه كون النظام كسب تعاطف .. بالعكس بعد انتهاء اليوم الاول بات حديث الناس كله عن التفريط الامني وكشف المستور من ضعف النظام
بل قلت انا اعلى البوست ربما اغرت النتيجة اخرين لاقتفاء اثر محاولة خليل وربما يكون هؤلاء داخل الخرطوم وربما اكثر داخل النظام نفسه فالاخرج خليل والترابي نفسه لا يزال موجودا داخل النظام والعقلية هي ذاتا
|
Post: #27
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: ismeil abbas
Date: 05-17-2008, 12:01 PM
Parent: #1
Quote: شكرو يا شباب ح اجيكم راجع برواقة
مودتي |
فى إنتظارك وإنتظار ضيوفك ألذين يسيؤون للأخرين بدون وجه حق...................
مودتى
إسماعيل محمد احمد عباس...
|
Post: #29
Title: Re: الفضيحة الثانية للنظام : خليل ما في الخرطوم ولا يحزنون ولا شاف ام درمان ذاتو
Author: عاصم ابوبكر حامد
Date: 05-17-2008, 05:06 PM
Parent: #1
الاخ العزيز ...
محمد العمدة
لك تحياتى
دعنئ اقول لك بالتحديد ان الدكتور خليل كان مع القوات
ومتحرك الدكتور خليل يقوده القائد حامد ادريس ومعه فى المتحرك كل من الاستاذ جمالى
وسليمان صندل ...
هذا المتحرك دخل امدرمان عن طريق جبال كررئ والتحم مع بعض القوات فى الطريق ...
الدكتور خليل اخر شخص خرج من امدرمان ومعه ثلاثة سيارات فقط بعد ان اتجهت كل سيارات وفد الرئاسة الى المهندسين ...
واحد للدكتور واخرئ لا ابوبكر واخرئ لسليمان صندل ...
هذه هئ بعض التفاصيل ..
|
|