Post: #1
Title: بررررري ياااا يمة من خطاباتكم يا الأمريكان ...قبُلكُم
Author: Sahar Tageldeen Elsheikh
Date: 05-08-2009, 05:55 PM
بقلم عبدالقادر خليل
يا كافي البلا
شوفوا المحن في خطاب تنصيب اوباما
خطاب لا فيهو زول يكووورك بعد كل كلمتين لي اوباما
سير .. سير... سير.. يا أوباما .. نحن جنودك للتعمير..
دا خطاب شنو دا ....
لا فيهو تماااام .. تماااام .. يا اوباااما ...
برنجي برنجي ..رئيسنا زنجي ..
أنحنا وراااك يا باااراااك ..أنحن وراااك يا باااراك ..
خطاب ما سمعنا فيهو إستيف ووندر "شنان" بي الاورغن يهتف :
غزة يا غزة ويييينا غزة .. واددددي السدر هزة وييييينا غزة ..
خطاب يا كافي البلا لا فيهو زول عرقان
لا فيهو براميل موية لا فيهو بتاع الساوند
لا فيهو زول ماسك ليهو عشرمية مايك في يد
ويد ظاهرة فيها ساعة سيكو فايف حدها الكوع ...
خطاب لا فيهو عساكر بيلزو في الناس ومتشابكين بي اليدين عاملين صفوف
ويضربو الناس بي العكاكيز ...
خطاب ولااااا غصن نيم وااحد حايم فيهو...
ده خطاب شنو دا ؟
خطاب ولا ريييالة واااحدة .. ولا زبد من الخشم ينزل .. من الناس النافخا جضوما وهي بتقدم في الرئيس وتكسر في التلج
أريتو ما خطاب ..
خطاب ما يتبرع فيهو الرئيس لي قرية داكوتا بي كراكتين وداية و1000 شوال فحم
ده ماااا خطاب ..
خطاب ما فيهو يافطة مكتوب فيها ابناء جون كروز يقفون معك في خندق واحد يا اوباما
ده ماااا خطاب ..
خطاب ما فيهو ولاااااااااااااااااا حتى رقصة وااحدة ؟؟؟؟؟؟؟ ... دا ما خطااااب ....
معقولة بس؟
بررررري ياااا يمة من خطاباتكم يا الأمريكان ...قبلكم
أيميل من واحدة مسطولة ،،،
|
Post: #2
Title: Re: بررررري ياااا يمة من خطاباتكم يا الأمريكان ...قبُلكُم
Author: صلاح ليون
Date: 05-11-2009, 08:31 AM
Parent: #1
مقارنة بين خطابين
حلوة ..
لكن بتؤدي في داهية..
|
Post: #3
Title: Re: بررررري ياااا يمة من خطاباتكم يا الأمريكان ...قبُلكُم
Author: علاء الدين محمد بابكر
Date: 05-11-2009, 11:45 AM
Parent: #2
| Quote: أيميل من واحدة مسطولة ،،، |
منو دي؟؟؟؟
(وش بيتشمشر..)
|
Post: #4
Title: Re: بررررري ياااا يمة من خطاباتكم يا الأمريكان ...قبُلكُم
Author: Sahar Tageldeen Elsheikh
Date: 05-12-2009, 05:59 PM
Parent: #2
Quote: بقلم عبدالقادر خليل
|
دى عشان ماتودى فى داهية
وعشان الوشوش البتتشمشرر
|
|