من الطيب صالح إلى الأخت عزه وجميع بنات الوطن بالرياض

الأستاذ الطيب صالح يحادث الأخت عزه

الأخت عزه
كلفني أديبنا الكبير الأستاذ الطيب صالح بالتقدم اليك بجزيل الشكر على إهتمامك بالإتصال والترحيب به وأنه كان من دواعى سروره ان يلتقيك وجميع بنات الوطن في هذه السانحة وأنه يتفهم الظروف التي حالت دون دعوة الأخوات بالرياض ..وأنه يعتبر إتصالك وترحيبك به مشاركة فاعلة منك ومن بنات الوطن بكل المهاجر وهي مشاركة لاتقل عن من شارك بالحضور من الإخوان...الطريف في الأمر أن أستاذنا سألني : الأخت الإتصلت إسمها منو؟؟؟ ..فقلت إسمها عزه....فسأل...عزه مين؟؟؟؟وهنا وقف حمار الشيخ في العقبه..قلت له إنها أديبة تكتب بهذا الإسم في سودانيس أونلاين.. وحدثته عن سودانيس أونلاين وكتابها ومبدعيها فأبدى إعجابه به وحماسه لمثل هذه المنتديات الهادفة..التقط أخونا صلاح غريبه صوره للأديب الكبير أثناء حديثه معك وكنت حريص على أن أستلمها منه بالأمس وأزين بها صدر هذا البوست ولكن لظروف الأخ صلاح لم التقيه وقد حاولت أن أحملها الآن ولكن يبدو أن هنالك عطل ما في السيرفر..وعموما فقد سبقني هو بنشرها..ولكني سأواصل المحاولة لوضعها هنا....لك أجزل الشكر على لفتتك الكريمه

بالله يا نيل حدثنا هذا الرجل أكثر وأكثر.. ولو بتقدر تلم فيه قول لي ود العجمى قال ليك تعال قص البلد وأرجع تعال ادى الغبش طلة

ود العجمي
سلامات يابن خالتي
جماعتكم مافي زول منهم جاء التكريم..نايمين في الخط....شفت الهمه والنشاط...ياريتكم كنتوا هنا معانا

اولا التحية و التادب للاستاذ ما قادرة اقول اي شي لسببين الاول ما زلت منبهرة
و كل الكلمات تتوارى خجلا امامه
رغم انه لم يعرف حتى الاسم الا انني حين تحدثت كانت دقائق معدوداته و كانني اعرفه منذ زمن بعيد حتى صوته مالوف للغاية و كانني لم اقرا رواياته بل كنت استمع اليها
كان ممكن تقول ليه سودانية و بس وتفخر انها من بلد النيل لانها بلد النيل و لانها انجبتك
لست اديبة يا نايل و ياليتني كنت
و اكن يمكنك ان تقول قارئة تتلمذ على ايديهم
نحنا مش مستنين الصورة و بس لا الاحتفال بالتفصييييييييييييييل يا نايل
و تسلم


ود العجمي ازيك
استنينت كتاباتك ...الغلبك تنزل في شان الصورة بتاعتك
و شنو اللقافة قالوا بنات الوطن كدي زح خلينا نرد

عزوزمبروك الشوفة منكم نتبرك يابنت النيل
عشت وعاش الطيب صالح والكاتب البوست دا كمان ما قادر انطق اسمو

نيل

دائما تتحفنا بالروائع وجماعتنا اجارك الله يكونوا فى سمابة ولا باشى.. الله يكون فى العون

المهم صورتك دى ذكرتنى شيخنا محمد عبدالرحيم كرار الله يرحمو مالها؟

الأخ ود العجمي
الله يرحم شيخنا..أما الصورة فيسأل عنها الباشمهندس غريبه الأخدها من زاوية مش حاده وبس...حاده وحفيانه كمان..وكلامك عن الجماعه صحيح ميه في الميه عموما جات مجموعه كويسه من ولاد الطرف أم أهل الكافين والكرارير وناس غادي فزي ما إنت لخصتهم..صلاح ضربت ليه تلفون وما لقيته وعملت ليه بيجر ومارد والظاهر إنه كان مشغول أو بعيد عن مكان فيه تلفون كنت عاوز أكلمه بالمناسبه لأنه أكيد لو عرف كان جاء

عزة لكم اتمنيت ان اشوف صورتك مع الطيب صالح
رغم انو انا راسمة ليك صورة شفافة في خيالي
بس الشوف شي تاني بس ملامحك دايما في بالي
واع يكون ما حضرت الندوة عشان ا موقف
ضد المراة والنادي عندكم رجال بس ديوان يعني
شوف بالله والطيب صالح اكيد زعلان لان في كل كتاباه انسان يقدر المراة واديها حقها في كل كتاباتة التحية ليك الطيب صالح يا ايها لكاتب الانسان .

الأخت عشه بت فاطنه
ســـلام
ليس الأستاذ الطيب صالح فحسب بل إن القائمين بأمر التكريم شديدو الأسف على عدم مشاركة نصف المجتمع فالمرأة هي الأم هي المعلمة الأولى هي الزوجة وهي الأخت ولاشك أن المجتمع الذي يمشي بنصفه الخشن فقط في الحياة مشلول ..مشلول..ولكن عزاءنا أن الحياة ستدب في مجتمع الغربة الأحادية حين يرد الله غربة الجميع سالمين غانمين..و الجايات أكتر من الرايحات إن شاء الله..بالمناسبة إسمك زي إسم إنسانه عزيزه وغاليه علينا بس ديك إسمها عاشه بت فاطني بت شيخنا ...تحياتي