ياجماعه حكايه شريفى جدى النبى سوداني(صنع فى السودان)

انا شريفى جدى النبى(صلوات الله عليه) مقوله تتردد كثيراً عند معظم القبائل السودانيه ومن ضمنها اهلى الجعلين

وهو شرف لايضاهيه شرف ومفخره ونسب يستحق حتى السلبطه.

ولكنى لا اجد لها مرجعيه منطقيه او تاريخيه(من اوتى علم فى هذا المجال عليه ان يفتى لنا بصحه كل هذه المزاعم او توضيح ما خفى عن الكثيرين)

من متطلبات هذا الشرف عند بعضهم حمل النار دون التعرض او الاحساس بما تسببه من حُرقه!! وانا احد الذين راوا كثيراً من من امتهنوا مهنه تطلب التعامل مع النار بصوره متكرره وهم يحملوا متوهج الجمر باياديهم العاريه!! وهنا يطرح السؤال نفسه هل هى صفه بالضروره صفه ملازمه للشرف.
ومن الملاحظ انعدام هذه الدعوة فى باقى البلدان العربيه

ملحوظه عنوان البوست ياجماعه حكايه جدى النبى سودانيه(صنع فى السودان) الرجاء المعزره

سامي ازيك..
أهل أمي الركابية بقولوا انهم أشراف حسينيه... جدهم غلام الله ابن عائد.. وكتير لقب (الشريف) بينهم.. منهم بروفيسور عون الشريف قاسم ... ما كان بينهم الحركة بتاعت النار دي.. ولا محاولات خارقه.. لكن الشي المُلاحظ عندهم انهم لا يتزوجوا إلا فيما بينهم (حتى عهد قريب) ويمكن والدتي من الجيل الاتزوج من خارج القبيلة...انا منطقياً ما بستغربها يعني ممكن عادي الأشراف في ظل الضغوط السياسية المتوالية (الأمويين، العباسيين..) يكونوا هاجروا إلى السودان واتزوجوا...


بنت الحسين

بالمناسبة.. اهلي واهلك الجعليين قصتهم تضحّك.. لكن ما بنقدر نقول حاجه... يعني منتسبين للعباس (ودي زاتها في رأيي جعليه، عشان الشرف ما ياخدوهو من المرا!).. او منتسبين للحسن العسكري الذي اتُفق على ان لا عقب له .. وهو الإمام الحادي عشر من ائمة آل البيت... عشان برضه النسب يكون راسه عدييييييييييييل الحسن العسكري (....)بن جعفر الصادق بن موسى الكاظم بن علي زين العابدين بن الحسين بن علي بن ابي طالب


هاالله هالله يا رسول الله.. عليه افضل الصلاة واتم التسليم

Quote: أهل أمي الركابية بقولوا انهم أشراف حسينيه

اهلك الركابيه يكفيهم من الشرف تعليمهم وتحفيظهم للقران خلاويهم فى امدرمان وفى حى الركابيه تحديدأً(عربى ومكاوى)