جمعية الصداقة السودانية السودانية (فتح باب العضوية الان)

سامي عبد الوهاب مكي

بعد ما عملنا السلام خايف تبقي علينا قصة الصعيدي الجزمته اتقطعت خيطها.. وبعد أسبوع لقاها كويسه فك الخياطه.

العزيز الغالي سامي
إعتبرني عضواً في جمعيتك هذه منذ اللحظه
ومعاً لحماية الحلم السوداني

ههههههه

فشلت الجمعية

ههههههههه

طيب تعالو نعمل خته!!

سامي الخصال:
سلامات...
يا زول جمعيتك دي إلا يخشوا فيها نسوان الجزر ..
وكل مرا حا تكون عايزة الصرفة الأولى ...
قال جمعية قال...

جمعية الصداقة السودانية السودانية دي عاملة زي جمعية الصداقة الهلالية المريخية ..

تخريمة :
مدربكم قالوا ودّى جماعتكم عجمان مخصوووووووووووووص وهو يترنم :
(كأس) غرامك في الناس يدور..
عبّي كب لا يفوتني دور..

Quote: قال جمعية قال... جمعية الصداقة السودانية السودانية دي عاملة زي جمعية الصداقة الهلالية المريخية ..

أولاً أخ سامي عبد الوهاب
طرحت فكره جميله جداً جداً وتاني جيت ووأدت كل الحلم وفي نفس اللحظه هل ياترى حاسس إنو الفكره كانت أكبر منك وللا أكبر من إنها تتحقق .......

بالنسبه ليك أخ عمر الفاروق قبل عشرات السنين هل كنت تعتقد أو يعتقد أي أحد أنه من الممكن أن يعيش زنوج أمريكا بهذه الصوره أو أن تستقر جنوب أفريقيا ويأخذ سكانها حقوقهم .......

هذا الحلم كبير لكنه ليس مستحيل ونستطيع أن نحققه ولكننا نحن السودانيين جبلنا على تحقير أنفسنا اولاً فالجميع يرى أنه غير كفء للمهمات الكبيره وجبلنا على الكسل والهوان حتى هنا بين كل الأمم وهنا على أنفسنا .........

لازم نعمل (لانحلم) بسودان تتفتح فيه قلوب كل السودانيين على بعضها البعض وهذا لايتحقق اللا بتحسن الوضع الإقتصادي بالبلاد لأن الفقر والحاجه تولد الغبن والكراهيه ولايمكن أن يتحسن وضع السودانيين اللا بتوقف جميع الحروب التي تعيق أي تنميه يمكن أن تحدث في السودان ........

أخ سامي إمضي في جمعيتك فنقطه واحده يمكن أن تساعد في إطفاء نار لاتبقي ولاتذر ...