الطائفة الجديدة / أو عن (لاجديد الشيوعي السوداني) ..(عزاء واجب)!!

(*)

يرقبه (سيد صادق)
ويرقبه (مولانا محمد عثمان)
أظنهما ضحكا حتى بانت نواجزهما ..
وحتى ذلك (الشيخ الماكر) بسجنه ذي النجوم الخمسة ..

حتى أعلن أن (الشيوعي السوداني) قد أنضم إلى ركب (الطوائف القديمة,الجديدة)
ولا جديده ومقترح الزميل الأكبر (محمد إبراهيم نقد) الذي وإن تم رفضه لا يعني إلا أنها
(الطائفية) , حذو (الأمة والإتحادي) , حذو (النعل بالنعل) ..
مقترحه بأن لا يسمح بترشيح من هو دون (الستون ) عاماً للجنته المركزية , (وإن رفض)
إنما يثلج صدور (زعماء الطوائف) المئتلفة في تضاد , المتفقة على (التوفيقية) و(الإقتسام)
و(المحاصصة) ..
أثلج الصدور لأن هذا (الحزب) قبل أن يعلن وفاته وتحوله إلى طائفة , كان طليعة التغيير ..
وكان منارة الوعي ..
وكان ..
وكان ..

الآن فقط , أظن أن بوابة (الحل المسلح ) لكل قضايا السودان ..
فتحت على مشراعيها , فسيسطف (الشيوعي الطائفي)
مع أقرانه لبحث الحلول (المثلجة) التي طالما أقعدت (الوطن) ..
لأنها تبنى على (التوفيقية) الشكلية , والمحاصصة والإستسلام لأسس التقسيم
الوجداني القديم بين (اليمين بأضلاعه الثلاثة) و(اليسار ) ذلك الضلع الذي كان قوياً ..
لأنه أعتمد (الأفكار) و(التحدي) و(الصمود) ..
وأحتكر القدرة على التغيير ..
الآن فقط ..
لزم تقديم واجب العزاء ..!!

كمال ياصديق
لك التقدير

صديقنا الراحل (الخاتم عدلان ) كان يسميها
الاحزاب التقليدية الثلاثة



تنهدات: الشيخ الماكر كم هو تقدمى ومقدام
جديد وحديث وحقانى بل وجمهورى وله جماهير

ما وراء الخبر يا صاحبي أهم من الخبر

Quote: ما وراء الخبر يا صاحبي أهم من الخبر

ليت الأمر كذلك ياصديقي ..

(*)

(الإنتخابات) الشكلية يمكنهاأيضاًأن تأتي ب(السادة) الموازيين للسيد الجديد(نقد)
ولأن أوجاع اليسار ..
تهمنا أكثر , لأنه مستقبل (السودان) الحقيقي (المتعدد)

كنت أنتظر أن يتنحى الأستاذ/ محمد إبراهيم نقد عن قيادة الحزب
قبل أن يتحول إلى (السيد محمدإبراهيم نقد) ..
لأن من يجالس من قتلوا (علي فضل) و(علي السخي)
لا أظنه يصلح لقيادة هذا المارد ..
الذي ظل مارداً بفضل قواعده , ..
(السيد نقد) ذو عقلية توفيقية وأظن أن (مواجهة ) هذا النظام , مواجهة مباشرة
لن تتم إلا عبر (عناصر) شابة , إكتوت بنيران هذا (النظام) حين كان (السيد الجديد)
تحت الأرض أو كما زعموا ...
والمواجهة ليست من أجل المواجهة ولا أعني هنا المواجهة (العسكرية) ..
بل مواجهة آثار (الهوس ) الديني والإنحياز الحقيقي لطموحات هذا الشعب ..
مواجهة النظام (أدبياً) ومقاطعة (رموزه) هي أقل مايقدمه (السيد الجديد)
لشهداء الحزب , ..
هذا الحزب الذي دفع ثمن هذه الحقبة (قتلاً وتشريداً) ..
يستحق أن يزف إلى موقعه المستحق بوجداننا كرمز للصمود والتحدي و(التغيير) ..
بل لأن هذا الحزب هو البديل الحقيقي ..
للحكومة القائمة وللمعارضة (الهايصة)
خيار المواجهة والتصدى للمشروع القائم ..
هو الذي كان سيجعل من يقفون خلف الأبواب ..
يذهبون يساراً طواعية ..
لأنهم وجدوا البديل والأمل ..

الشباب الذين هتفوا بوجه (نافع) ضيف السيد(نقد) ..
هم وجدان هذا الحزب وضميره ..
وليس (السيد) نقد ..!!

(*)

سلامات يابدرالدين ..
كانت تسمية بحكم (التنبؤ) و(القراءة)
وكنا نختلف معه حولها (عشماً) و(محبة) ..

الآن وجب أن تذبح لها الذبائح ..

Quote: وتحوله إلا طائفة

لو كانت فعلا ( إلا ) لهان الامر ....
في هذا التحول ( الطائفي ) ...
افضل ما يمكن قوله مع رفع الايادي ... ( ليس عن الشعب المظلوم ) ...
الفاااااتحة .......

Quote: لو كانت فعلا ( إلا ) لهان الامر ....

صدقت يا (فنان) ..
ليتها كانت إلا ..
يؤسفني أنني عدت لتعديلها إلى (إلى) ..

Quote: مقترحه بأن لا يسمح بترشيح من هو دون (الستون ) عاماً للجنته المركزية , (وإن رفض) إنما يثلج صدور (زعماء الطوائف) المئتلفة في تضاد , المتفقة على (التوفيقية) و(الإقتسام) و(المحاصصة) ..

الأخ كمال
أعتقد أن مقترح الأستاذ نقد كان لمنع ترشيح من هو (فوق) الستين لا من هو دونها.

آن للأخ/حسين ملاسي أن يمدد رجليه.


ــــــــــ
تحياتي يا الدُباسّي.

Quote: آن للأخ/حسين ملاسي أن يمدد رجليه.

الآن فقط علمت لماذا قال ملاسي بك:
تشهوا الواحد يبقى (شيوعي) ..

ياخ ماتبقى يا(ملاسي) هي فارقة يعني ..
(بس بعد ده حايقولوا ليك جيب إتنين يثنوك)

إزيك يا(بشير) ..

نظرة سوداوية يا كيمو ....

الواقع أصلاً أسود وما داير تظليل ...

والجماعة ديل مدّوا كراعم على قدر لحافم ... مشيها وقول الحمدلله ....









.. المهم .....

والله يا كيمو الشباب ديل عزيناهم في صيوان تاني بهناك
لكن صيوانك ده مارقة من ريحة شواء كدة
زي ده كدة

Quote: أظنهما ضحكا حتى بانت نواجزهما .. وحتى ذلك (الشيخ الماكر) بسجنه ذي النجوم الخمسة ..

حقيقي المفروض يعيدوا حساباتهم.

Quote: حقيقي المفروض يعيدوا حساباتهم.

تاني حا يعيدوها بعد أربعين سنة ؟

كمال يا الزين

ياخ مالك مسّود الدنيا ضلام فى ضلام كده

السيد نقد جابتوا الديمقراطية، حصل على اكبر عدد من الاصوات
نسيلوا شنو عاد ندقوا بالعكاز، الناس دى اٍحتمال شايفلا فيهو شوفه
الراجل شعبيتو كبيرة كان جينا للحقيقة.

لكن خطوة متقدمة، تجيبو الديمقراطية و الانتخاب من حقو اذن.
يا ابوى الديمقراطية جابت حماس للحكم، دا خير الناس

يبقى الدور علينا الننكرب، لنذهب كبديل.

كملي

لا أراكم عزيزاً متقلباً في مكاره (أو قل قضايا تسعة)

هي القضايا التسعة دي مسألة إعلان صحفي ولا شنو وعلاقتها شنو بالمسائل الما بسئل عنها حد أحسن من حد..

القضايا الجات تسعى

والقضية العاشرة...

والقضية الناشرة

هو في سلك؟؟
ينشرو فوقو
الهدوم القديمة دي؟
المهرمدة دييييييييييييييييييييك

انت يازول الكشف وينو ...؟؟
سجل : اللمعانابت المقاشر 15 قرش

كمال ما الزين


انت قايلو نبت شيطانى ده واقع الشعب السودان
لانو فيهو الزيك ده كتار








التحية لكل ديمقراطي في سوداننا الحبيب
والتحية لكل مناضل شريف والتحية لجميع شيوعي بلادي

مكرر

Quote: كمال ما الزين انت قايلو نبت شيطانى ده واقع الشعب السودان لانو فيهو الزيك ده كتار التحية لكل ديمقراطي في سوداننا الحبيب والتحية لكل مناضل شريف والتحية لجميع شيوعي بلادي

لاشئ يستحق الرد
شكرا على مرورك يابا ..

كنت ادري أن شهادة وفاة الحزب الشيوعي ستكتب عندما ينعقد المؤتمر الخامس
كان هناك مقترح بحظر دخول من تجاوزوا الستين للمكتب التنفيذي
لو فعلوا ذلك المقترح لكانوا أبدعوا وجددوا الحزب

قصة عجيبة ياخ .. !!!

Quote: قصة عجيبة ياخ .. !!!

سلامات ياعماد
العجيب في الأمر أن (أهل الحزب) أنفسهم
لم يفكروا يوماً ..
لماذا يطالبهم الناس بديمقراطية حقيقية ومختلفة ؟

أظن أننا نحبهم أكثر من أنفسهم
ونرى فيهم خيراً لايرونه ..!!

(ليتني أستطيع أن أقول لهم مبروك المؤتمر)
وكم شعار (حنجوري) كدي وأتخارج ..

لكنهم كانوا يمثلون الأمل ..

أتمنى أن يقرأؤونا بقلوب مفتوحة أكثر ..
وليتهم قرأؤوا إبنهم الخاتم حين قال :
آن أوان التغيير ..

أظن الأمر أكبر من أن نختزله بكلمة (التغيير)
لأنهم ربما تحججوا بأننا نعني تغيير (القيادة) شخوصاً ..

بس إنشا الله ربنا يرمي علينا (الشيوعيين) بتاعين زمان
ألا تذكرهم ..؟

(الوعي , الخلق , الثقافة العالية , الثبات , المبدأ , ..)

أتمنى أن لا يكون الأخ (ودإسماعين) ده شيوعي (آخر الزمن) ..
إنشا الله يكون متعاطف ساي ..
لأنو لو شيوعي جد (يبقى الحزب ) ده إنضرب ياجدعان ..
وإبقى كلامنا ده كلو بندق في بحر ..

(الشيوعيين ديل إن هم ذهبت أخلاقهم ذهبوا) ..!!

Quote: كنت ادري أن شهادة وفاة الحزب الشيوعي ستكتب عندما ينعقد المؤتمر الخامس كان هناك مقترح بحظر دخول من تجاوزوا الستين للمكتب التنفيذي لو فعلوا ذلك المقترح لكانوا أبدعوا وجددوا الحزب

إنتا يا(محمد) ياخوي
دحين (تشافيز الأيوبي) ده ماهو شيوعي ؟
هذا (الحزب) لايموت , ..
العزاء على روح (المؤتمر) ..
لكن الحزب باق وسينهض ..
كنت أتمنى نهضته الآن ..
لأن (الوقت ملائم) أكثر ..

لأن شعار المرحلة هو (البحث عن بديل للمتواجدين على الساحة السياسية)
والبديل موجود وقادر ..

ولكن لسان حالنا :
هو نقص القادرين على التمام ..!!
وهو (فاجعة) ..

يا طارق اسماعيل

اخجل زي اخوانك

Quote: انت قايلو نبت شيطانى ده واقع الشعب السودان لانو فيهو الزيك ده كتار

طيب لو كده قادننا ليكم كم سنة مالكم
نحن وحا نسوي
تسوا شنو ياخ ؟
وانتو مسمرين في سنة 1968 لحدي هسع
خمسة مؤتمرات ورئيس واحد


عشان كده البلد دي محلك سر في سنة 60
لانه مافي اي حزب قادر يغير قياداته الموجوده من سنة 60
وطيب الجديد حا يجي من وين ؟

Quote: التحية لكل ديمقراطي في سوداننا الحبيب والتحية لكل مناضل شريف والتحية لجميع شيوعي بلادي

اهو ده الفالحين فيه

انا زاتي بحيهم معاك كلهم

Quote: كملي لا أراكم عزيزاً متقلباً في مكاره (أو قل قضايا تسعة) هي القضايا التسعة دي مسألة إعلان صحفي ولا شنو وعلاقتها شنو بالمسائل الما بسئل عنها حد أحسن من حد.. القضايا الجات تسعى والقضية العاشرة... والقضية الناشرة هو في سلك؟؟ ينشرو فوقو الهدوم القديمة دي؟ المهرمدة دييييييييييييييييييييك انت يازول الكشف وينو ...؟؟ سجل : اللمعانابت المقاشر 15 قرش

تعرف ياالمسافر ياخوي ..
القضايا التسعة ولا العشرة دي ..
(ربما ستبقى) حبر على ورق ..

القضية الهامة والرئيسية تم تجاوزها (عادي)
قضية التغيير ..
وقضية الفرصة الـاريخية في إمتلاك الحزب ده لحقو الطبيعي في إنو
يكون الجزب الأول في السودان ..
حقو الطبيعي ليه ؟
لأسباب كثيرة بنجيها ..

شكر الله سعيكم ياصديقي ..

Quote: السيد نقد جابتوا الديمقراطية، حصل على اكبر عدد من الاصوات نسيلوا شنو عاد ندقوا بالعكاز، الناس دى اٍحتمال شايفلا فيهو شوفه الراجل شعبيتو كبيرة كان جينا للحقيقة.

سلامات يابكري ..
طبعاً إنتا حا أرد ليك لأني بعرفك وحا أتجاوز أخونا داك (مين إسماعيل) ده
(ولا تثريب عليه) ..
ياما دقت على الراس طبول ..
أها يابكري ياخوي ..
منو فينا المابحب (نقد) ..
ومنو فينا البقدر يزايد على تأريخو ونضالو ..
وإسهامو التأريخي في إبقاء هذه الحزب (على قيد الحياة)
بعد محاولات طويلة لإجهاضه ..
مرة بزعم الديمقراطية والإجماع (البرلماني) ..
ومرات عديدة بقوة السلاح والترهيب والتشريد ..
(دي نقاط) متفق عليها ..

Quote: لكن خطوة متقدمة، تجيبو الديمقراطية و الانتخاب من حقو اذن. يا ابوى الديمقراطية جابت حماس للحكم، دا خير الناس

الديمقراطية حبابا ..
لكن الحزب الذي بذل جهده طوال أكتر من ستين سنة
لنشر الوعي وتبيان (مقدرته على البقاء) قريباً من نبض الناس وهمومهم
فوت على نفسه فرصة تأريخية في مواصلة هذا السعي لتفكيك العقلية الجامدة
المرتبطة بالشخوص والزعامات ..
يعني , تاني مافي زول يجي يقول (الزعامات التأريخية الجاثمة على صدور الناس
لتأريخ طويل , ...)
وكل الشعارات التي ستكون محض حنجوريات ..
لأن الحزب (التقدمي) الأوحد في السوداني لم يقوى على إحرجها الآن ..
وبالمناسبة :
سيد صادق تم ترشيحه وإنتخابه عبر مؤتمر (حزب الأمة)
وكذلك سيد مبارك ..
والمؤتمر الوطني ..
والشعبي ..
جميعهم أتوا بهؤلاء السادة عبر مؤتمرات ..
ومولانا محمد عثمان برضو مابغلبوا يسوي مؤتمر يجيبوا هو ولا واحد من وليداتو ..
(أها دي مش ديمقراطية برضو) ..
السؤال :
ليه الناس كانت بتأمل في (مؤتمر الحزب الشيوعي)
وتنتظر نتائجه ..؟
ببساطة لأن ديمقراطية لي ديمقراطية تفرق ..
(شكلية مفصلة , أم حقيقية مؤثرة) ..

Quote: يبقى الدور علينا الننكرب، لنذهب كبديل.

ياسيدي (مانديلا) فعلها ولم تنقصه شيئاًُ , بل أرسى بتنازله
عن السلطة مبداً جعل (يلاده) دولة ذات تقاليد (ديمقراطية)
حقيقية (وكان يمكنه أن يجلس على سدة الحكم وعلى رئاسة حزب المؤتمر حتى وفاته)
لكنه يعلم أن مكانته وإحترامه وتأريخه لن ينقصهما تنازله عن السلطة ..

وحتى (شيعة ) لبنان , ..
(السيد / محمد حسين فضل الله ) ترك القيادة الفعلية لحسن نصرالله
لكنه ظل (زعيماً) للشيعة لا ينازعه أحد ..

الشاهد هنا :
أن الأستاذ / محمد إبراهيم نقد إن ترك (السكرتارية) لأحد الشباب
لن ينتقص من نقد ومكانته (شيئاً) ..
بل ربما كانت مكاسب الحزب أكبر ..

وهذه نقطة هامة سنأتيها تفصيلاً ..

Quote: (شكلية مفصلة , أم حقيقية مؤثرة)

!!!!
قصة عجيبة ( برضو ) .

إنت يا كمال هسه قاعد تحاكم مثلاً ؟؟ و للّا بتحلل ؟؟
و ( تحرم ) ؟
مناحة و قليب سرج و جقلبة ؟ وللا هي خزلان ساكت لله و الرسول ؟
و كان بتحاكم ، القاعد تحاكموا ده منو ( الأحبطنا و كرهنا و مرقنا من المِلة و بقى الحزب فشوش ساكت ) ؟
بتحاكم الإقتراع الجاب نقد و الحرس القديم و الكرورية التاريخية .. - و كمان كان ما عجبك بالممارسة الديمقراطية المؤسسية - ؟
و للا قاعد تحاكم الإقترعوا زاتم و الآلية و الذهنية و الـ و الـ و الـ ............ كرررررر للنهاية !!
في شنو ؟


إنت يا كمال شيوعي وللا نظامك شنو ؟

Quote: إنت يا كمال هسه قاعد تحاكم مثلاً ؟؟ و للّا بتحلل ؟؟ و ( تحرم ) ؟ مناحة و قليب سرج و جقلبة ؟ وللا هي خزلان ساكت لله و الرسول ؟

صرت كالنائحة يا(عماد) ياخوي ..
خرجت أشق الجيوب (وأتفشى) ..
وخزلان الله والرسول ده مزعلني ..
مزعلني ليه وواجعني ليه :
حزب بيحمل على عاتقه مناكفة ديكتاورية (مهووسة)
يقدم آلاف الشهداء ..
يقدم تضحيات (بالكيلو) ..

يغلبوا ياخد حقو ؟
حقو الضاع بي مؤتمر (السجم) ده ..

أحاديث المدينة عن (ماهو البديل للإنقاذ)
هل هي الطائفية ؟
حين نتحدث كنا نقول (اليسار) , (اليسار)
يسار عريض , ..
أو حتى (شيوعي ضيق) ..
يسألوننا لماذا ؟
نقول لأنهم منا ..؟
لأنهم من نافح عن هذا الشعب ودفع (الدم) الغالي ثمناً ..
لأنهم من لا زالو قادرين على قول :
لأ ..
لأنهم أكثر الناس عطاءً ..
(إنتظروا التغيير ) ..

حين نقول (المؤتمر) كنا نراه قريباً ويرونه بعيداً ..

(ياخي ليته ظل حلم) ..
ليته ..

لأننا كنا نتجاسر ونقول :
هذا الحزب قوته في قاعدته , هذا الحزب لاسيد له
هذه الفكرة ليس وراءه (قباب) ولا (أئمة)
وليس هنالك ورثة ,أصحاب حق طبيعي في (زعامة) ..
و..
وهم الذين سيضربون مثالاً للآخرين ..
وضربوا بآمالنا عرض الحائط ..

Quote: كان بتحاكم ، القاعد تحاكموا ده منو ( الأحبطنا و كرهنا و مرقنا من المِلة و بقى الحزب فشوش ساكت ) ؟ بتحاكم الإقتراع الجاب نقد و الحرس القديم و الكرورية التاريخية .. - و كمان كان ما عجبك بالممارسة الديمقراطية المؤسسية - ؟ و للا قاعد تحاكم الإقترعوا زاتم و الآلية و الذهنية و الـ و الـ و الـ ............ كرررررر للنهاية !! في شنو ؟

والله ماعجبتني (الممارسة )(الديمقراطية) تطير ..
ماياها الجابت (السادة) ..
أها أسي نمسك لباسنا كويس ونسردب ..
الإنتخابات الجاية :
كان المؤتمر الوطني فاز ..
وعشان ماتنسى (_ده ياهو الجبهة ديك , الميثاق والقومية والكيزان) ..
كان فازوا بفوزوا (بالممارسة) المتل دي ..
يعني (كان بحقهم ) بشتروها ..
قالوا (الصوت) حايحصل مليون ..
تقبض وتسكت وتمارس (الديمقراطية) على أصولها ..
وتاني كمان أقدر أقول (الرجعية التي جثمت على صدورنا)
تتخرص ..
(التقدمية) ذاتا أهي جثمت ..

Quote: إنت يا كمال شيوعي وللا نظامك شنو ؟

مريخابي ياعمدة مريخابي

Quote: مريخابي ياعمدة مريخابي

سا بكري شغل الوشوش ياخ

خلينا نضحك ياخ

Quote: سا بكري شغل الوشوش ياخ خلينا نضحك ياخ

إنتا ياوليد نسيت البوست ده بوست عزاء ولا شنو؟

(ضحك أكتر من الشرطنا) ده ؟











_______________________________________

ياخي شايفك عصرتا على المدعو (إسماعين) ده
ده مابردوا ليهو ياخ ؟
ده بخلوها يحنجر ويشتم ويفلسع مشكوراً ..
يعني زي ده ممكن عادي يشبك فيك , بعد عاش نضال
الإنجلو سكسون , ويغلبوا يختما معاك بي :
إنتا مش أمك كانت بتبيع المريسة في القماير ؟
وخالتك إيه ؟
أنسى يازول.. أنسى ..
(الشتيمة من وراء حجاب) دي , معناها زول مستبيع
وجاهز ..
(لكن شكلوا كباها كده ونام , نوم العوافي )
خليهو النومة بتريح أعصابو ..

(*)

رسالة من (الزميلة) نجلاء عبدالرحمن :


الخامس لم يثمر كان حملاً كاذباً
الخامس لم يثمر كان حملاً كاذباً
عضوية المراه 7 فقط ونسبة تمثيلها اكثر من 50% معقوله دي .
لاادري ماهي المعايير للترشيح التوم النتيفه لماذارشح ؟
كمية الاحباط طغت علي كمية الفرح لانعقاد المؤتمر .. وكفي
برغم كل الاحباط فلتتدفق الدماء الجديده في شرايين الحزب ونتابع ...

كويس انك لسع ما شلت فراشك دة
الفاتحة أول :


طيب يا كمال أسمعني :

لم توفق هنا يا كيمو علي الاطلاق
طيب لي شنو ؟
بقي الحزب طائفة جديدة ومن وين الكلام بتاع انو مافي جديد !

لا في جديد يا كمال علي الزين
الجديد إنو المؤتمر الخامس البهاتو بيهو الناس من سنة شختك بقي واقع
الجديد يا كمال إنو الواحد أربعين البمثلو اللجنة المركزية جو عبر إنتخابات
حرة ونزيهة وبالتالي باب (التعيين) دة اتسدا نهائياً .
بي صراحة انا لي هسي ما قادر افرز المزعلك شنو يا كيمو
هل عودة نقد كسكرتير سياسي
أم الكلام السايقنو كمين بشر بتاع انو تمثيل النساء والشباب ضعيف ؟
بعدين وكت نحنا ارتضينا بالديمقراطية مفترض تكون لينا منهج وسلوك
مالو يعني لو المؤتمر جاب نقد ولا التجاني
ما شيوعيين ومن حقهم يترشحو لأعلي الهيئات
طالما مستوفين ومقنيتتهم رامية وما معطوبة ببقي للأمانة يا كمال انك استعجلت
شويتين وأخدت الفكرة من منظور واحد المنظور البناقشوا بيهو هسي قادر الله
الناس الماعندهم علاقة لا بالديمقراطية لا بأي حاجة
المنظور البحاول تصوير نقد كزعيم طائفة ومجمل الاعضاء كحوار يقودهم الرجل
المسألة ما كدة ! نقد جابو مواقفو وسجلو وتاريخو وتجربتو
ومن الممكن واحد يجي ناطي يقول لي طيب ليه ما جبتو شاب أو شابة
ودي عقلية غريبة ولكأن التغيير والتجديد مربوط بلواء الشباب
ولكأن كل من فاق الستون خريفاً رجعي وطائفي وشنو وشنو وشنو
المسائل ما بتتقسم يا كمال
وآخر حاجة جديدة يا كمال إنو
عثمان الشايقي صاحبنا ليهو عشرة سنة مجمد نشاطو الحزبي
ضرب لي وقال لي (رجعنالك) ! شفت كيف

لو اكتفي الخامس بإرجاع شيوعي واحد أو حتي (عثمان الشايقي براهو) انا في تقديري مكسب شديد
أما باقي الجديد لسة منتظرين التقرير ! وياهو بالضبط حيكون
عضم الجديد !



تحياتي كمال

Quote: (ياخي ليته ظل حلم) ..

عوض عكاشة
ازيك منور والله


ما فهمت اقتباسك دة
شنو الـ ليته ظل حلم



أوعك تكون قاصد الخامس ؟ تبقي كارثة
نحنا ما صدقنا
انو بي جلالو
جانا خامس


ــــــــــــ
مع الاعتذار لشاعر الاغنية

Quote: كويس انك لسع ما شلت فراشك دة الفاتحة أول :

فاتحتك مقبولة ياصديقي ..

Quote: طيب يا كمال أسمعني : لم توفق هنا يا كيمو علي الاطلاق طيب لي شنو ؟ بقي الحزب طائفة جديدة ومن وين الكلام بتاع انو مافي جديد

ياريت ياخضر يكون في جديد
لكن ماباين ..
ماباين عشان حاجات كتير قلناها
وحا نفصلا لي قدام ..
بعدين ماغريبة ولا شاذ إنو أكون غلطان ..
ياخي ياريت ..

Quote: في جديد يا كمال علي الزين الجديد إنو المؤتمر الخامس البهاتو بيهو الناس من سنة شختك بقي واقع الجديد يا كمال إنو الواحد أربعين البمثلو اللجنة المركزية جو عبر إنتخابات حرة ونزيهة وبالتالي باب (التعيين) دة اتسدا نهائياً .

الكلام ده الرد عليهو قلناهو فوق ..
وماشككنا في (نزاهة وديمقراطية الإنتخابات )

Quote: بي صراحة انا لي هسي ما قادر افرز المزعلك شنو يا كيمو هل عودة نقد كسكرتير سياسي

طبعاً ياخضر ما مزعلني بس ..
مزعلني ونص ..
مش تقليلاً من شأن رجل مثل (نقد)
بل لأن عودته تعني تشابه (الطوائف الثلاثة)
(التغيير) و(الدماء الجديدة) أمر متاح في (الشيوعي)
أكثر من غيره , ..
وده برضو قتلناا بحثاً ..

Quote: نقد جابو مواقفو وسجلو وتاريخو وتجربتو ومن الممكن واحد يجي ناطي يقول لي طيب ليه ما جبتو شاب أو شابة ودي عقلية غريبة ولكأن التغيير والتجديد مربوط بلواء الشباب ولكأن كل من فاق الستون خريفاً رجعي وطائفي وشنو وشنو وشنو المسائل ما بتتقسم يا كمال

والله ياخضر ياخوي
(نقد) مافي زول قال فيهو الحبة , ..
وكلامنا برضو كان واضح ..


براحة كده ياخضر :
تعرف بقيتوا تدوا الواحد إحساس بأنكم فعلاً
بقيتوا (طائفة) ..
وبقت آراءكم (حزبية) جداً ..
ياخوي ..
نحنا بنعتقد إنكم أفضل من كده ..
وأحق بأنكم تكونوا بديل للراهن ..
وده كان عاوز شوية إنفتاح ومتطلبات الإنفتاح ده
واضح وجلية ..
ونص الشعب ده مؤمن بأنو الحزب ده منو وفيهو ..
ومنتظر مؤتمركم من خلف الأبواب ..
(لكنكم أوصدتموها قائلين ببساط :
إحنا كده ) ..
أها كمان أقبلوا الحوار بصدر رحب ..
وأقنعونا ..
ما طمعانين نقنعكم بس حاولوا أقنعومنا ..

ياسيدي كلام المنابر ده زاتو بقى يجيب خلاف ..
خلينا نتموا تلفون (أصحاب) ..
إمكن نوصل لي حاجة ..

محبتي ..

يا كيمو
الله لا جاب خلاف
المسألة كلها نقاش ليس الا !
بعدين هسي انت شبهتنا بي طائفية لمجرد نقاشنا معاك
وتوضيح بعض النقاط التي قد تكون غايبة عنك .
الحزب يا كيمو لم يوصد لا بابو لا حوشو في يوم من الايام
ببساطة لانو الابواب والحيشان دي ياها بيبان وحيشان
الشعب السوداني !
هسي الكلام ببساطة يا كمال انت معترض في شنو ؟
يعني هل لمجرد انو نقد جاء كسكرتير للمرة التانية
معناتا الحزب بكل تاريخو وحاجاتو اتحول لي طائفية
ياخ قول كلام غير دة يا كمال


انا بقولا ليك عديل يا كيمو تقديراتك كانت خاطئة
موش في البوست بل في قراءة المؤتمر الخامس كفعالية
ساهمت وحتساهم في اضاءة كتير من الجوانب المظلمة
كان في الشارع السوداني أو جوة الحزب زاتو !




فهل دة كعب يا كمال

Quote: فهل دة كعب يا كمال

شنو الكعب وشنو السمح دي تعرف ياخضر
يبدو إنكم من (الداخل) ماقادرين تشوفوها ..

نحنا ما أعداء (الحزب) ولن نكون ..
ياخوي (مؤتمركم) ده ماسألتو نفسكم ليه عامل فينا العمايل دي ؟
ياخوي (الكيزان بي كومينهم) شبعوا مؤتمرات ..
والحزبيين الكبيرين ..
مافي زول عادي معاهم (سكور) مؤتمراتهم ليه ؟
ده أول سؤال إنتو ناس الحزب من الداخل لو أجبتوا عليهو
حا تفهمونا وتفهموا وجعنا ..

Quote: يبدو إنكم من (الداخل) ماقادرين تشوفوها

طيب نورنا ياكيمو
نورنا وينوبك ثواب ، ما ياهو الحزب الطارح نحن من الجماهير واليها
نعلمها ونتعلم منها ، ببقي استقبال اشاراتك ونصحك يا كمال
واجب يمليه علي الشيوعيين ضميرهم الثوري ،
بس ياريت برضو يا كمال توريني
انت علي أي منهج أو مخدة استندت وإنت بتحاكم المؤتمر
الخامس بطريقتك دي !

ومنتظرك يا صاح

سلام يا كمال ..

Quote: (السيد نقد) ذو عقلية توفيقية وأظن أن (مواجهة ) هذا النظام , مواجهة مباشرة لن تتم إلا عبر (عناصر) شابة , إكتوت بنيران هذا (النظام) حين كان (السيد الجديد) تحت الأرض أو كما زعموا ...

وهل الدخول تحت الارض نزهة ؟؟

Quote: وهل الدخول تحت الارض نزهة ؟؟

سلام ياسلوى ..
الكلام ده جبتي من وين ؟

ياكيمو
انت بتحاكم الحزب بمعطيات الواقع،
ولا بافتراض ثبات كل العوامل الاخري
الانقاذ،دارفور،محنة الحزب من الاعدامات الى الانشقاقات؟
اذا كنت بتحاكم بثبات كل العوامل ...معاك حق
واذا القضية قضية سياسة وفن الممكن. فالعودة للقواعد،
فى وضع فيه باطن الارض كظاهرها،انجاز مقدر...
وكدى استني البيان الختامى وتوصيات المؤتمر

Disclaimer: I'm using Magda Mohamed Ali's password with her permission

Quote: مواجهة النظام (أدبياً) ومقاطعة (رموزه) هي أقل مايقدمه (السيد الجديد) لشهداء الحزب , ..[/QUOTE Very good point Ya kamal...and although it's found a strong support within the party however, it was still a minority one. The majority based their argument on the interest of the party's future and the need to survive and to convene the 5th conference. I was sad, angry, frustrated with this 'new' current/wave in the party's history especially when I heard that Nafi's was attending the oppening session. I know how members like Hassan Osman were feeling when they saw him entering the Conference. This is Hassan Osman, the head of the Party in Khartoum after the 1989 coup of the NIF.I witnessed Nafi' toturing Hassan on April 13, 1992. the important thing, for us, the victims of these pathetic scumbags, the conference has convened, ended and a new leadership is on. Amnong these new leaders, we have many torture survivors such as Dr. Amal Gabralla, and Salih Mahmoud... the torture suvivors will never forget their pain and those left this world without justice.. our day in the court is coming... mohamed elgadi

---

Post: #43 Title: دعنى أرد .. Author: محمد مكى محمد Date: 01-28-2009, 08:59 PM Parent: #1 الاخ العزيز كمال تحيه واحترام بادرتم فى معرض مكتوبكم بالكيل الفائض لتقييمكم للمؤتمر الخامس للحزب الشيوعى ,وما صيغتموه سلبا .يظل دائما محل الاهتمام والعنايه,إذ نستشعر حرصكم على مسيره الحزب النضاليه وما يتوافق مع مصالح شعبنا وتطلعاته وحقه فى العيش الكريم. كما تعلمون أن الطريق المؤديه للديموقراطيه,طويله وشائكه,لايخفى عليكم, أن طرقها الحزب ستون عاما ,ولازال.ولازال فى أولها.برغم التضحيات الجسام. دعنى أرد على نقطتين إثنتين ,وهنا أمثل وجهة نظرى الخاصه وحسب قراءتى للواقع. أولا فيما يتعلق بسن أعضاء اللجنه المركزيه,لا أوافقكم والاستاذ نقد الرأى ولى أسبابى ومنها:- 1/هذا غير لائحى,وحسب لائحة الحزب فإنها تحدد سن دخول الأعضاء (18) سنة وكذلك حقهم فى الترشح والانتخاب لجميع هيئات الحزب القياديه بما فيها اللجنهاالمركزيه,ولم تحدد ,أى اللآئحه ,سقفا أعلى للتقاعد,إذن طالما أن العضو مازال قادرا على العطاء,فمن حقه علينا مواصلته,ومن حقنا عليه الاستفاده من خبراته المتراكمه بفعل التجربه التى استقاها مع عامل الزمن.ولعلك تذكر ما قامت به الإنقاذ بإحاله أساتذةاالجامعات فوق الخامسه والستون بدعوى أن عطائهم قل (وكأن المرجو منهم عدو سباق الماراثون) 2/الفرق واضح وصريح بين المنظمهاالفئويه(كاتحاد الطلاب مثلا)حيث يتساوى الجميع تقريبا فى الفئه العمريه والمصلحه,بينماالحزب السياسى تتفارق فيه الاعمار ,ومن الصعب وضع كوادر ,بامكانها جر الجبال حتى..لأنه يصعب عليها,حسب تجربتها الصغيره وضع سياسات مستقبليه ,بعيده النظر ,وكذلك تتعامل مع الأوضاع الراهنه,بانفعاليه وعاطفيه ,تتغلبان فيه على الحكمه والحنكه السياسيه..وتجدنى من مناصرى التجديد بدعم الحزب بدماء شابه,ولكن عليها إكتساب الخبرات فى معترك الحياة النضاليه والاسهام بفعاليه فى الحياة الحزبيه اليوميه. يقول المثل (الما عندو كبير ,يفتش ليهو كبير) وهو ليس بتلك الرجعيهاالتى تتخيلها,بل حكمه حياتيه وزد على ذلك ,ماركسيه..سوف أوضح ذلك لاحقا.. وأيضا سأرد على النقطهاالثانيه لاحقا.. تحايا عطره محمد مكى

---

Post: #44 Title: Re: دعنى أرد .. Author: عبداللطيف حسن علي Date: 01-28-2009, 09:36 PM Parent: #43 Quote: (السيد نقد) ذو عقلية توفيقية وأظن أن (مواجهة ) هذا النظام , مواجهة مباشرة لن تتم إلا عبر (عناصر) شابة , إكتوت بنيران هذا (النظام) حين كان (السيد الجديد) تحت الأرض أو كما زعموا ... حتي انت يا بروتوس ! والله نقد لو نصبوه الشيوعيين رئيسا للجمهورية لن يسددوا فواتير نضاله وتضحياته!

---

Post: #45 Title: Re: دعنى أرد .. Author: كمال علي الزين Date: 01-29-2009, 04:18 PM Parent: #44 Quote: والله نقد لو نصبوه الشيوعيين رئيسا للجمهورية لن يسددوا فواتير نضاله وتضحياته!

---

Post: #46 Title: Re: دعنى أرد .. Author: كمال علي الزين Date: 01-29-2009, 04:35 PM Parent: #43 Quote: بادرتم فى معرض مكتوبكم بالكيل الفائض لتقييمكم للمؤتمر الخامس للحزب الشيوعى ,وما صيغتموه سلبا .يظل دائما محل الاهتمام والعنايه,إذ نستشعر حرصكم على مسيره الحزب النضاليه وما يتوافق مع مصالح شعبنا وتطلعاته وحقه فى العيش الكريم. كما تعلمون أن الطريق المؤديه للديموقراطيه,طويله وشائكه,لايخفى عليكم, أن طرقها الحزب ستون عاما ,ولازال.ولازال فى أولها.برغم التضحيات الجسام. دعنى أرد على نقطتين إثنتين ,وهنا أمثل وجهة نظرى الخاصه وحسب قراءتى للواقع. أولا فيما يتعلق بسن أعضاء اللجنه المركزيه,لا أوافقكم والاستاذ نقد الرأى ولى أسبابى ومنها:- 1/هذا غير لائحى,وحسب لائحة الحزب فإنها تحدد سن دخول الأعضاء (18) سنة وكذلك حقهم فى الترشح والانتخاب لجميع هيئات الحزب القياديه بما فيها اللجنهاالمركزيه,ولم تحدد ,أى اللآئحه ,سقفا أعلى للتقاعد,إذن طالما أن العضو مازال قادرا على العطاء,فمن حقه علينا مواصلته,ومن حقنا عليه الاستفاده من خبراته المتراكمه بفعل التجربه التى استقاها مع عامل الزمن.ولعلك تذكر ما قامت به الإنقاذ بإحاله أساتذةاالجامعات فوق الخامسه والستون بدعوى أن عطائهم قل (وكأن المرجو منهم عدو سباق الماراثون) 2/الفرق واضح وصريح بين المنظمهاالفئويه(كاتحاد الطلاب مثلا)حيث يتساوى الجميع تقريبا فى الفئه العمريه والمصلحه,بينماالحزب السياسى تتفارق فيه الاعمار ,ومن الصعب وضع كوادر ,بامكانها جر الجبال حتى..لأنه يصعب عليها,حسب تجربتها الصغيره وضع سياسات مستقبليه ,بعيده النظر ,وكذلك تتعامل مع الأوضاع الراهنه,بانفعاليه وعاطفيه ,تتغلبان فيه على الحكمه والحنكه السياسيه..وتجدنى من مناصرى التجديد بدعم الحزب بدماء شابه,ولكن عليها إكتساب الخبرات فى معترك الحياة النضاليه والاسهام بفعاليه فى الحياة الحزبيه اليوميه. يقول المثل (الما عندو كبير ,يفتش ليهو كبير) وهو ليس بتلك الرجعيهاالتى تتخيلها,بل حكمه حياتيه وزد على ذلك ,ماركسيه..سوف أوضح ذلك لاحقا.. وأيضا سأرد على النقطهاالثانيه لاحقا..

---

Post: #47 Title: Re: دعنى أرد .. Author: كمال علي الزين Date: 01-30-2009, 05:15 PM Parent: #46 (*) الأعزاء: محمد مكي محمد القاضي محجوب علي .. عبداللطيف .. سأوالي الرد عليكم واحداً واحداً .. لكن قبلها أستميحكم عذراً .. في كتابة مداخلة بها فك طلاسم ما ألتبث علينا من أمر الحزب .. على لسان (الدكتور أبوالحسن الشاذلي) .. الذي أختصر علينا طرقاً ورهقاً كثيراً .. حين قال: إرحمونا من هذا الحب القاسي ..!!

---

Post: #48 Title: Re: دعنى أرد .. Author: وليد محمد المبارك Date: 01-30-2009, 06:15 PM Parent: #47 مرحب خضر اسماعيل هنية برضو جاء بانتخابات حر نزيهة بشهادة العالم ولم تجد القبول دكتورة نجاة ردت عليك في مكان تاني رد مع انه ما بنطبق على حالة الشيوعي لكن يستدعي التفكير وقالت لو اجتمعت عصابة مثلا مكونة من 40 نفر وانتخبوا رئيس ليها بدمقراطية نزيهة وحر هل ده بيستدعي انه العالم يفرح بالدمقراطية دي الانتخابات بتكون حرة ونزيهة لو كانت العضوية للحزبة مفولة ومفتوحة للعامة ومعروفة تفاصيلها للجميع منو رشح منو دي ما عارفنها عشان كده ما تقول لي حرة ونزيهة الا نعرف عضوية الحزب كم وهل العضوية مكفولة للجميع وكيف ؟ والمرشحين ديل منو وتم اخيارهم كيف وحاجات تانية كتيره مخفية زيادة على موضوع مزرعة سوبا الحايم في الشارع اليويمن ديل كل الود

---

Post: #49 Title: Re: دعنى أرد .. Author: عبدالله الشقليني Date: 02-01-2009, 07:58 PM Parent: #48 أ هو عتاب لرواد التنوير : ( الحزب الشيوعي أنموذجاً ) ؟ لى متين يلازمك في هواك مُرّ الشجن ويطول بأيامك سهر ويطول عذاب يا قلبي لو كانت محبتهُ بالتَمن يكفيك هدرتَ عُمر حرقت عليه شباب لكن هواه أكبر وما كان ليه تمنْ والحسرة ما بتنفع وما بجدي العتاب أحسن تخليه لى الليالي والزمن يمكن يحِس ضميرهُ ويهديهُ للصواب كثير منا يغفلون أن بين أيدينا تُراث قوي في الشعر والآداب الأخرى ، وهي تروي لنا أفراحنا وأتراحنا وتعقيد حياتنا . منها جزء من قصيدة تخيرتها من الشاعر الفخم : حسين بازرعه ، متعه المولى بنعمة الشفاء ، فقد أمكن للفنان عثمان حسين أن يأتينا بالكنوز من دفاتر بازرعه ، ويُلمعها بأحاسيسه ويمد فيها من شرايين التعبير ما هو أبلغ من أسطُر العتاب الذي يكتبه الكثيرون . ففي العشق بوابة مفتوحة لتعشق أنت الحجر والبشر والنبات والبيت و تخوم العشيرة وملاعب الصبا والذين تدافعتَ معهم في نهضة الوعي ، والذين رشفت بصحبتهم دنّ محبته مرتبطة بالوعي وبالتطور ، تلك الصيرورة التي لا فكاك منها . لها قوانينها للنهوض ولها أيضاً كوابح . ومن هنا و إن اختلفنا من الحزب و رؤاه فيتعين علينا بحس الوفاء أن نقول خيراً في حقه . من تلك الكوابح التي مرت بالدنيا وبالسودان الارتداد الكبير عن المشاريع التي تُعنى بالتنوير ، والنهضة وتطور المجتمعات والرفق بالفقراء و ترشيد رأس المال الوطني ليُسهم في مرحلة تنموية دون أن يُفرد جناحيه وينطلق حُراً لمزيد من الإفقار للآخرين ويصير المال في يد حفنة تتحكم في الكون وفي أخلاقه وسماحته وإنسانيته وتمُد ألسنتها لصحائف حقوق الإنسان والمواثيق الدولية ، فلا يد الآن أقوى من يد رأس المال المُهاجر في الكون من أقصاه إلى أدناه . هل ورث مد الإسلام السياسي انطلاقة القومية والوجودية والماركسية ؟ أهو النضال والعنف وتقنية الاستشهاد وسيلة أنجع في نيل الحقوق ؟ أتصلح حلول الإسلام السياسي ، وقدرته بالتفوق الانتحاري بهزيمة الإعلام بمتفجرة في نهار دامٍ تصرخ به التلفزة في كل مكان لتعوي أن تنظيماً قادراً على خرق العادات وكسر رتابة النضال الدءوب حي وقوي ويمكن مفاوضته ؟ أيمكن أن تتخفى أنظمة الإسلام السياسي ، من وراء النضال أن الديمقراطية التي تدعو لها هي سلم لها للسلطة ومن بعده لا ديمقراطية أبدا؟ أيمكن أن يتخفى الإسلام السياسي من أن له أجندة المرأة بحجاب والقطع والجلد والصلب والقطع من خلاف والرجم ..وكم هائل من العقوبات الغليظة ، لا تتواءم والعصر ويطلب الديمقراطية ويقر ببنوك إسلامية تدور أموالها في فلك الربا الدولي ؟ نعود بهدوء لنسأل ما الذي حدث , وما الذي حل بالحزب في لجة تلك المتغيرات ؟ لم يتغير اسم الحزب كما كنا نرى من ملامح مجتمعٍ متغير ، بديمقراطية اختيار حر وفق ما رشح لنا . حاز الرواد أعلى الأصوات رغم المحاسبة وبديمقراطية تم ذلك أيضاً وفق ما رشح لنا . نذر الرواد وباعوا حيواتهم الخاصة سنين عددا ، ورغم اعترافهم بالطريق الديمقراطي منذ أن أعلن ذلك سكرتير حزبهم منذ 1985 م في أول ظهور له من بعد الاختفاء في الميدان الشرقي لجامعة الخرطوم . أي قبل أن تأتي البريسترويكا وقبل انهيار الإتحاد السوفيتي !! في العام 1965 م عانى الحزب أزمة تاريخ طويل ، طرد نوابه من البرلمان وحل الحزب رغم تدخل القضاء على اثر ندوة في معهد المعلمين العالي آنذاك ، تحدث فيها الطالب شوقي عن ( حادث الإفك ) والأخير كان قد انتقل قبل ستة أشهر إلى القيادة الثورية للحزب الذي كان يؤمن بالحرب الشعبية من الأرياف ( الماويين ) كما كان يسمونهم . وذلك حسب اعتراف شوقي من بعد (40) عاماً!!!!!!!!!!!! دار نقاش حاد من بعد طرد الحزب في أروقة الحزب السرية ، ورشح منها أن السيد عبد الخالق محجوب كان بصدد دراسة أمر الدين في المجتمع ، ولِمَ كانت الثورة عليه من كل الأحزاب التقليدية ؟ . وطلب تفرغه للدراسة ورفض الحزب ذلك وفق ما أشار بذلك الدكتور عبد الله علي إبراهيم في كتاباته . نسأل : أ كان يمكن للحزب الشيوعي أن يعقد مؤتمره الذي لم يتيسر عقده أيام الديمقراطية والحرية التي نهفو للرجوع إليها ، ويلملِم أشتاته ويستأجر قاعة الصداقة بإعلان باذخ إن لم يكن قد تيسر له أن ( يُحني ظهره للريح ) من السهل الإجابة : فليخرج من البرلمان الصوري ولا يحني ظهره للريح . ويخرج من البلاد التي طبقت شريعة سبتمبر منذ 1983م وإلى الآن بغلو و بغلظة واغتالت مفكر إسلامي حقيقي رغب أن يكون للدين مخرجاً من داخله بإعمال الفكر في التأويل ، فكيف بتهمة الكفر التي تُلاحق الشيوعيين !؟ من السهل إطلاق كل ذلك ، والذهاب للنوم فغداً عمل وهنالك أشياء أخرى غير الحزب ، ولكن ماذا يفعل الذين يخدمون الحزب وباعوا حيواتهم الخاصة وهم ملاحقون ليل نهار بجريرة وبدونها ؟ ونسأل أي منفى كان يسع الحزب : رجاله ونساءه ؟ كان أعضاء الحزب يعانون الأمرين للحضور للزيارات في الدول المجاورة للسودان ولا قدرة لهم على دفع ثمن تذاكر السفر . محرومين ، مكروهين و منبوذين و محجوبين في كل دول الجوار ، وحتى عندما كانوا في مصر مُقلمي الأظافر ، تُلاحقهم الاستخبارات و تتصيد اللعب بهم من أجل المناورة مع السودان .... كيف يا تُرى يكون حال الحزب بعد أن انفض الكثيرون بعامل الزمن الهرم وضيق ذات اليد ونسيت الأجيال ، فخرجت من عباءة الحزب على سبيل المثال ( حق) بإعلان الخاتم عدلان وخالد الكد في التسعينات ، ودخل هؤلاء دوحة الوطن ويمارسون حيواتهم أيضاً كما يمارسها الحزب .بعد أن انفرط المتآزرين مع الحزب بسبب تغير الزمان والمكان والكون وانهيارات الكتلة الشرقية وأفول الوجودية وشعارات القومية ونهضة الاستقلال.. ماذا يفعل الحزب إذن ؟ صدق الشاعر بازرعه : لى متين يلازمك في هواك مُرّ الشجن ويطول بأيامك سهر ويطول عذاب *

---

Post: #50 Title: Re: دعنى أرد .. Author: عبد الناصر الخطيب Date: 02-01-2009, 08:11 PM Parent: #49 ومعانق الاجداث رغم تفسخ الاجداث أعمي -------------------------------------------------------- *عن أى شيوعية تتحدث ياكمال وقد مضت سنين طوال على سقوطها الداوي... دون بواكي وانتهي العزاء بانتهاء مراسم الدفن... يوم أضاءت الجموع شموعها على جدار برلين المحطم وأنا ابن احدهم عاش ومات له الرحمة مؤمن بها ... ومكتبته تمتلى بكتبها , الثروة , خطوه للأمام خطوتيين للوراء كارل ماركس , أنجلس , لينيين وفي عهد نميري كثيرا ما كنت اصادف جريدة الميدان المطبوعة على الرونيو أرتبطت في ذهني باشياء حبيبة ...وأعمام رائعون أحمل لهم الود والتقدير قراءت فيها كثيرا لكن .... لم أقتنع بها يوماً كفكرة ولن أفعل يوماً تقديري