Post: #1
Title: مُعامل المحبة .. أو الـ likeability factor
Author: محمد عمر جبريل
Date: 12-23-2011, 06:45 PM
سبب البوست دا هو البوستات الموجودة في الصفحة الأولى وفيها ترشيحات لأحسن كاتبـ/ـة
او أحسن بوست .. ودايما في نهاية كل ربع بنلقى في عدد مقدر من البوستات بنفس الفكرة
البوستات الموجودة حاليا هي للأخوان الأعزاء د. أمبدة والنذير حجازي ..
قريت البوستات دي كلها حتى البوستات المفتوحة بفكرة عكسية زي بوست أخونا السماني
أسوأ كتاب المنبر أو شئ من هذا القبيل
وكتير جدا بحاول أفهم ليه في شخصيات كدا بتفق عليها الغالبية سواء من حيث
إنهم كويسين أو سيئين وليه في ناس تانين فلان مثلا بكون شايف الزول دا كويس وفلان التاني دا شايفو زول عادي
وفلان التالت شايف إنو الزول عجيييب وراكب الجيب ..
هل هي زوايا نظر ..
هل لأن فلانـ/ـة بتكلم – مثلا- عن خط سياسي معين أنا برضو معاهو في نفس الخط ..
هل لأن فلانـ/ـة فعلا محترف كتابة وربما تكون الكتابة هي ما يكسب به قوت يومه
|
Post: #2
Title: Re: مُعامل المحبة .. أو الـ likeability factor
Author: محمد عمر جبريل
Date: 12-23-2011, 06:59 PM
Parent: #1
لا يكفي أن تكون محترف كتابة عشان أي زول يتكيف من كتابتك
ولا يكفي أن تكوني فائقة الجمال لتري الثمب أب مع كل مشاركة
حتى في الحياة العادية دي .. خارج أسوار سودانيز أون لاين .. معاك في المكتب
في الجيران ... في الأهل يوجد مثل هذه الأمثلة
ممكن يكون في زول في غاية الأدب والتهذيب وكريم جدا وشجاع وعندو قروش لكن برضك
تحس إنو مااااا مهضوم .. ما عندو كاريزما الشخصية التي تجمع حولها الناس من المعجبين أو غيرهم
..
محبة الناس هي هبة من عند الله .. محبة الناس ليست حرفة لتجيدها مع الأيام وتحاول إتقانها
بل هي شئ يولد مع الإنسان .. مع يومه الأول تتنزل محبة الإنسان على قلوب الناس
وأعتقد إنها تماما مثل الرزق ..
يختلف مدى قبولنا من شخص لآخر تماما كما تختلف أرزاق الناس في هذه الدنيا
مثال على ذلك ..
لماذا عندما نرى طفل دون عامه الثاني مثلا ونرغب في حمله وتقبيله
ولا نرغب في حمل الطفل الآخر وتقبيله
|
Post: #3
Title: Re: مُعامل المحبة .. أو الـ likeability factor
Author: طارق جبريل
Date: 12-23-2011, 11:05 PM
Parent: #2
يا حبيب كيفنك
مرض الوالد حرمنا من شوفتك السنة دي
|
|