Post: #1
Title: هدايا (بابا نويل)للشعب السوداني بمناسبة الكريسمس!
Author: Tragie Mustafa
Date: 12-23-2011, 01:56 AM
السنه دي غايتو سانتا كلوز ما قصر معنا!
سلفاكير يزور اسرائيل!!
مقتل جورج آتور!!
العدل و المساواة تقترب من الخرطوم!!
الحلو....مسيطر على الجبهه تماما!!
عقار يتسعتد توزانه وجبهة النيل الازرق مدوره!!
تحالف كاودا شغال زي الورد ندوات عالميه عامره بحضور قوي ونجاحات للشباب بكل مكان!!
اها بالله سانتا ده قصر معانا!!
غايتو الطيب مصطفى ورهطه لي ان اتخيل حالهم!!
وكمان مولعها(الطيب مصطفى)مع (آيلا) بتاع الشرق!!
غايتو ايامك لوز يا ناس كاودا!!
ماشاء الله تبارك الله....عيني بارده!
يلا يا شباب مزيد من التحزم.....و2012 تبقى سنه زي الورد على شعبنا!
التحيه لكل المعتقلين
و نقول للانقاذ خلاص....الشعب قال كلمته....
الشعب يريد اسقاط النظام.
الحريه للسنوسي
وعلي زين العابدين
ومنعم رحمه
والقسيس بطرس مقيل!
وكل الرفاق الشرفاء
وطلابنا الاشاوس
وعلى راسهم لويل ايويل
منذ 30/يناير/وللآن معتقلين!!
|
Post: #3
Title: Re: هدايا (بابا نويل)للشعب السوداني بمناسبة الكريسمس!
Author: Tragie Mustafa
Date: 12-23-2011, 05:39 AM
Parent: #2
ونسيت اشكر سانتا برضو
على القرصه الكبيره في الأذن الانقاذيه
التي قامت بها حكومة الصين في موضوع البترول!!
وانهم حيمشوا اديس ابابا ورجلهم فوق كراعهم ليكملوا التنسيق.
وانه الصين حذرتهم بانها لن تصتطيع الدفاع عنهم أكثر من هذا.
وانها بنت استثمارتها في السودان بمليارات الدولارات وليست مستعدها لخسارتها
في لحظات نتجيه لحماقة الخرطوم!
وانه ليس من حقهم اكثر من التعريفله العالميه المتفق عليها لترحيل البترول!!
وليكفوا عن احلامهم ويقعدوا في الواطه دي!!
يا سنتا كنت قمة في الكرم تجاهنا هذا العام.
|
Post: #4
Title: Re: هدايا (بابا نويل)للشعب السوداني بمناسبة الكريسمس!
Author: Tragie Mustafa
Date: 12-23-2011, 02:59 PM
Parent: #3
العالم يستعد للاحتفالات
وحكومة الخرطوم.....ضاربه اللخمه!!
|
Post: #5
Title: Re: هدايا (بابا نويل)للشعب السوداني بمناسبة الكريسمس!
Author: Tragie Mustafa
Date: 12-25-2011, 00:04 AM
Parent: #4
كل عام وشعبنا بخير.
|
|