Quote: إتهم شاب خطيبته بتسبيب الألم و المرض له بعد ان تركته و تزوجت بآخر ، وأيد دعواه بتقارير طبية و شهود اتهام و كانت الخطيبة سهى قد تركت خطيبها "علي" بعد سنوات من روابط الحب الذي جمع بينهما ، ما تسبب في صدمة الخطيب و انهياره عصبياً ، استدعى حجزه بمصحة الطب النفسي ، و بعد خروجه من المصحة رفع دعوى جنائية ضدها استناداً على نص المادة 124 من القانون الجنائي .و قضت المحكمة بإدانة خطيبته السابقة و أوقعت عليها عقوبة السجن لمدة أربعة أشهر
Post: #10 Title: Re: شــــــــ(مُؤسس ومُوثق بالمستندات)ااااكوش Author: زهير عثمان حمد Date: 12-21-2011, 10:47 PM Parent: #1
الاخ الامين
تحياتي
بالله في داعي للتشهير بالشاكوش حقي يعني أنا أول واحد فيكم يتشوكش ولا بقيت مضرب مثل ألله يهديك لكين الحمدلله علي العافية وأنا ما بمشي المحاكم عهدي معها كان الريدة والمعزة لكين لما أخترت الاوهام ألله معها. ما في والله سبب تصحي لي المواجع تاني !؟
الواحد بكره بعد بكره يكون قاعد بى صمة خشمو فى البيت .. يقوموا يجيبو ليهو اعلان محكمة بتهمة شاكوش سنة 99
.. المشكله الحقيقية لو استلم الاعلان واحد من اولادك .. والمشكله الكبيرة لو استلمتو المدام .. والكارثه الاكبرتكونو ازوجتو سنة 98!! ياخى ده حيكون موقف ######## بشكل !! والله صحى !!
هسع توكل محامى تقول ليهو شنو ! ما كنت حاسس انها ماليانى عاطفيا ؟!! ولسه بيناتنا المسافه بس حاجاتنا ما بتشبه بعض ؟!!
والله حكاية !!..
Post: #15 Title: Re: شــــــــ(مُؤسس ومُوثق بالمستندات)ااااكوش Author: Baha Elhadi Date: 12-22-2011, 07:30 AM Parent: #14
Quote: تصدق بالله قاعد احمل في اغنية يا احمد؟
أبو الزفت البشاري شاكوشك خطريييييييي عديل
Post: #16 Title: Re: شــــــــ(مُؤسس ومُوثق بالمستندات)ااااكوش Author: محمد عمر جبريل Date: 12-22-2011, 07:41 AM Parent: #15
لا لا لا .. دا كلام مييييييياهو سجن ؟؟!! في طولك في عرضك الكلام دا صاح ؟
عندي صاحبي اسمو خالد لمن فكا جكسويتو عكس الهواء انتحرت والله أها اسي أهلها مثلا ها يطالبوهو بالدية وللا النفس بالنفس ؟
Post: #23 Title: Re: شــــــــ(مُؤسس ومُوثق بالمستندات)ااااكوش Author: الامين موسى البشاري Date: 12-22-2011, 10:35 AM Parent: #16
Quote: لا لا لا .. دا كلام مييييييياهو سجن ؟؟!! في طولك في عرضك الكلام دا صاح ؟
عندي صاحبي اسمو خالد لمن فكا جكسويتو عكس الهواء انتحرت والله أها اسي أهلها مثلا ها يطالبوهو بالدية وللا النفس بالنفس ؟
قول لصاحبك يشيل شيلتو بس قصتو دي فيها اعدام عدييييييييييييييييييييل والله صحي
Post: #22 Title: Re: شــــــــ(مُؤسس ومُوثق بالمستندات)ااااكوش Author: الامين موسى البشاري Date: 12-22-2011, 10:29 AM Parent: #15
Quote: أبو الزفت البشاري شاكوشك خطريييييييي عديل
بهاء ما (تلخبت) الكيمان ياااخ شاكوشه هو ... انا مالي؟
تحياتي
Post: #21 Title: Re: شــــــــ(مُؤسس ومُوثق بالمستندات)ااااكوش Author: الامين موسى البشاري Date: 12-22-2011, 10:25 AM Parent: #14
Quote: هسع توكل محامى تقول ليهو شنو ! ما كنت حاسس انها ماليانى عاطفيا ؟!! ولسه بيناتنا المسافه بس حاجاتنا ما بتشبه بعض ؟!!
والله حكاية !!..
فعلا ده باب لو انفتح الكثيرين حيشروفوا في سجن كوبر بعد كده الواحد/ة يفكر مليون مرة قبل ما يرقع ليهو واحد/ة شاكوش اما بالنسبة للمحامي عادي يااااخ مش السوداني بدقشك ويقول ليك ســـوري .. خلاص قل ليها سوري والله صحي
تحياتي
Post: #20 Title: Re: شــــــــ(مُؤسس ومُوثق بالمستندات)ااااكوش Author: الامين موسى البشاري Date: 12-22-2011, 10:16 AM Parent: #11
Quote: المشكلة إنو الفنانين المختصين في أغاني أو أشهر أغاني المشوكشين من زمنا ......... .
أقبض.. أقبض.... جريمة الشاكوش لا تسقط بالتقادم ولا تفنى ولا تستحدث من العدم ....... .. ..
___ صورة مع التحية للمدام
Post: #17 Title: Re: شــــــــ(مُؤسس ومُوثق بالمستندات)ااااكوش Author: الامين موسى البشاري Date: 12-22-2011, 09:22 AM Parent: #10
Quote: بالله في داعي للتشهير بالشاكوش حقي يعني أنا أول واحد فيكم يتشوكش ولا بقيت مضرب مثل ألله يهديك لكين الحمدلله علي العافية وأنا ما بمشي المحاكم عهدي معها كان الريدة والمعزة لكين لما أخترت الاوهام ألله معها. ما في والله سبب تصحي لي المواجع تاني !؟
كبير يا ابو الزهور ... هبببببببببببببببببببببببع ايوا كده خليك صنديد يااااخ
Quote: نهاركم سعيد... الشاكوش ما بالضرورة يكون ذكرى عاطفية مؤلمة نتيجة الصد او الهجر من جانب الحبيب وبس ... مرات الحياة ذاتا بتديك شاكوش... واحياناً لجنة الاختيار ومرات الاسعار في السوق ومرات في الكورة ... يعني الشواكيش خشم بيوت اشكال والوان واحجام... علية افتكر اي انسان في حياتو شاكوش او اكثر... ولا الراي شنو؟
Post: #24 Title: Re: شــــــــ(مُؤسس ومُوثق بالمستندات)ااااكوش Author: دينا خالد Date: 12-22-2011, 10:49 AM Parent: #19
لووووووووووب يا بشارى !
القضية دى حكمها مدثر الرشيد ولا شنو ؟؟
انا غايتو كان كنت (القاضى الفاضى الحكم القضية دى ) بقول لى فى الحيثيات .. انت ما بتحب ولا حاجة ! لانو الزول ال بحب كل همه بكون انو حبيبتو تكون سعيده وتعمل الحاجه البتحبها وبفرح ليها وين ما مشت .. والله صحى
ـــــــــــــــــ القاضى ما شاطر ... ولا عزاء للمتداخلين من الجنس الما لطيف فى هذا البوست !!
Post: #25 Title: Re: شــــــــ(مُؤسس ومُوثق بالمستندات)ااااكوش Author: الامين موسى البشاري Date: 12-22-2011, 11:24 AM Parent: #24
Quote: لووووووووووب يا بشارى !
لووووووووووب واحدة بس يا دنوش المصيبة تبقى سابقة قضائية والجنس الما لطيف ما يخاطر تاني ويحب ليهو واحدة ويا اختنا قالوا الجري بعد الشوف رجاااااالة والله صحي لووووووووب كان حصل للواحد زي صاحبنا المشوكش ده ولووووووووووبين كان اداها شاكوش ودخل السجن
البشاري سلام عليكم ياخوي لايمكن يكون الخبر دا صحيح, الجرايد دي بتم موية اكيد قول المشوكش دا عندو نفسيات وموهوم واي حاجة مشى فتح بلاغ اها المحامي الليلو ووكيل النيابة و القاضي كلهن لاحقينو في وهمو؟
Quote: ياخوي لايمكن يكون الخبر دا صحيح, الجرايد دي بتم موية اكيد قول المشوكش دا عندو نفسيات وموهوم واي حاجة مشى فتح بلاغ اها المحامي الليلو ووكيل النيابة و القاضي كلهن لاحقينو في وهمو؟
وعليكم السلام يا ود البشرى
ود البشرى الله يطمنك يااااخ لكن في حال بلدنا دي كل شئ ممكن
Quote: بعد خروجه من المصحة رفع دعوى جنائية ضدها استناداً على نص المادة 124 من القانون الجنائي .و قضت المحكمة بإدانة خطيبته السابقة و أوقعت عليها عقوبة السجن لمدة أربعة أشهر
ماف محامي ولا قاضي يفتينا في الحتة دي ويشرح لينا المادة 124 دي وهل يمكن اعتبار ذلك سابقة قضائية يمكن الاستناد عليها سؤال جادي جداد شديد .... والله صحي
Quote: ماف محامي ولا قاضي يفتينا في الحتة دي ويشرح لينا المادة 124 دي وهل يمكن اعتبار ذلك سابقة قضائية يمكن الاستناد عليها سؤال جادي جداد شديد .... والله صحي