نصائح بخصوص الايميل (قبل ما تفقد ايميلك )

لاحظت في الفتره الاخيره (بشكل عام ) تزايد الشكوي من فقدان الايميل اما عن طريق التهكير او بعد ان تشعر ادارة الهوتميل بان بريدك الالكتروني قد استولي عليه الاسبام واصبح مصدر ازعاج للاخرين فتقوم ميكروسوفت كاجراء احترازي بقفل الايميل حتي يصلها منك ما يفيد انك وقعت ضحيه للاسبام وانك ما زلت تستخدم هذا الايميل ..

ولكي تضمن عودة سريعه لايميلك (لا قدر الله في حال الفقدان) لابد من عمل خطوات بسيطه احترازيه لا تستغرق ثواني قليله قبل ان تفقد ايميلك وتنتظر رحمة موظفي الهوت الميل (طالما الايميل مجاني فهم غير ملزمين بالدعم الفني)..


الخطوات
(الشرح علي بريد الهوتميل الاكثر عرضه للتهكير والاسبام)

من خيار اليوز نيم اقصي اليمين نختار Options



بعدها نختار mail ( الخيار الثاني)
ثم الخيار الاول Account details password, aliases, time zone

ثم من Account security

نذهب Security Info:
This keeps your account safe and helps you reset your password

نختار manage

Quote: If you ever lose access to your account, we'll use the security info below to help you recover it.

الخيار الاول ارسال كود التفعيل عن طريق الموبايل
الخيار الثاني ارسال كود التفعيل للايميل البديل
الخيار الثالث كتابة خيار اسم جهاز تثق به (خيار غير فعال)
الخيار الرابع عن طريق السؤال الامني

_____

افضل الخيارات واسهلها من وجهة نظري الخيار الثاني ( الايميل البديل) خاصه لي ناس السودان

والوقايه بالطبع خير من العلاج ( ان وجد )

شكرا يا حبيب
ما عدمناك

تشكر يا ملك

لكننا قد فقدناه
وتبهدلنا حتى أعدناه

.
.
.

الياهو يا عمك الياهو


مع عاطر التحايا والشكر
.
.
.
.

شكرا جزيلا

سلامات يا هندسة .. البوست دا إتأخر شوية ..

لي أكترمن ستة شهور ما قادر أفتح إيميلي بديني الرسالة بتاعت الحساب بتاعك دا غير متوفر مؤقتا ..

عملت كل الخطوات المذكورة عندهم في صفحتهم ولا في أي جديد ..

عندك أي حل

سلامات يا ود الخليفه ومحمد عمر

Quote: لي أكترمن ستة شهور ما قادر أفتح إيميلي بديني الرسالة بتاعت الحساب بتاعك دا غير متوفر مؤقتا

دا تقريبا ربنا يعوضك فيهو ..

موقع الهوت ميل في فتره من الفترات بدا يفقد بريقو وبدا عدد المستخدمين في الانحسار بسبب الضعف الامني والثغرات الكتيره في شبكة الموقع ..ادارة الشركة في الفتره الاخيره بدت في تصحيح الاوضاع بتطوير كبير داخل الشبكة ومن ضمن سياسات محاربه الهكر والاسبام اتعبت نظام قفل الحسابات الغير امنه والبتكون مصدر ازعاج للاخرين ..

سلامات يا كمال وعاطف وبشير

Quote: الياهو يا عمك الياهو

الياهو دا زمنو عدي وبقي موقع للنسيان .. من الافضل حاليا استخدام بريد الجي ميل gmail فهو امن جدا ويمتاز بتعدد الخيارات وواجهات سهله وجميله

يا حبيب تشكر
بس خش لينا في الياهو والجي ميل

سلام يا ود جبريل

بالنسبه للجي ميل ..حتي الان امن جدا وما ظنيت فيهو مشاكل الهوت الميل واسبام وتقريبا حاليا ما بتقدر تفتح ايميل جديد الا عن طريق ارسال كود التفعيل في الموبايل ودا المخلي الجي ميل خالي من الاسبام
لكن برضو للضمان ممكن نعمل شرع مبسط



من خيار settings

نختار accounting and import

ومنها الخيار الثاني وتقريبا نفس خطوات الهوات ميل

__

الخيار الاخير دا انا شايفو مفيد جدا في انك تخلي الايميلات المرسله في الياهو تجيك في بريد الجي ميل بدون ما انت تمشي بي هناك ..لحدي ما تتخلص منو تدريجيا ( بريد ضارب جدا الياهو دا )

_____

قبل كدا بتزكر انك سالتني عن امكانيه استعادة الايميلات المحذوفه بالخطا في بريد الهوت ميل ..حاليا الخيار دا متاح وانك ممكن تعمل ريكوفري للايميلات المحذوفه بي الخطا (لكن لي رسائل محدوده )

Quote: افضل الخيارات واسهلها من وجهة نظري الخيار الثاني ( الايميل البديل) خاصه لي ناس السودان

ولي ناس قطر برضو لانو مافي قطر من ضمن الدولة العندها خاصية ارسال ال sms

شكرا معاوية

شكرا شبكه

الحفاظ علي الايميل من الهكر والاسبام بيعتمد اعتماد كلي علي المستخدم بدرجه كبيره ..

1- عدم فتح ايميلات من اشخاص اوهيئات مجهوله
2- عدم الضغط علي روابط او الصور او الاتاش اذا كانت الرساله مبهمه (حتي ولو من احد اصدقائك) الا بعد التاكد منه انه هو المرسل وفحوي الرساله او الرابط او الصوره او الاتاش
3- عدم الاستجابه للرسائل التي تصلك وتدعي انها من جههة الايميل (هوت ميل جي ميل او ياهو ) وتنصحك بعمل ريست للباسورد او ارسال معلومات الايميل لديها
4- عدم الاشتراك او اعطاء او التسجيل بايميلك الرسمي في المواقع التي تتطلب التسجيل لانزال او تصفح شيء ما او الاشتراك في قروبات بريديه ..ومن الافضل عمل ايميل مهمش لتلك المواقع
5 - عدم الدخول من شبكات واير ليس غير امنه كالتي توجد في الاماكن العامه والقهاوي والمطارات وغيرها فانها حاليا الوسيله الاحدث للاستيلاء علي معلومات الحساب

6- عمل فلتره دائمه للايميل من الرسائل المزعجه بحجب البريد الالكتروني ومسح الجونك مايل باستمرار


هذه الخطوات البسيطه ان اتبعتها تضع ايميلك في امان تام ان شاء الله

سلام معاوية ....

ما عارفك زعلان من الياهو مالك ...

شخصياً عندي ياهو وهوت ميل وجي ميل .... بس أكتر واحد بتعامل بيهو هو الياهو، وما عندي معاهو أي مشاكل (يمكن تعويد).

في حركة تانية بيعتمدها الهكر للدخول على حساب الشخص، رغم إنها لا تخلو من سذاجة، إلاّ أنو قد يقع بعض الأشخاص ضحية لها.

مثلاً، دي صورة من رسالة جاتني قبل أيام:



طبعاً الواحد ممكن يخاف يفقد بريدو، ويديهم المعلومات الطالبينها ... بعد داك، عينو لو شافت النور يكون كويس.

ألأخ/معاوية حسين..........المحترم.........

إنت زول مفيد الله يديك العافية..............ليت معظم الناس مثلك..لك التحية والتقدير والمتداخلين

Quote: ما عارفك زعلان من الياهو مالك ...

بي بساطه لانو سهل الاختراق

تحياتي يا ابو الريش وعمنا اسماعيل