_سيد الروح كلمات الشيخ عمر البناغناء و(عود) .. طارق ابوعبيدة_شكرا لمن جعل هذا ممكناً!" /�>
_سيد الروح كلمات الشيخ عمر البناغناء و(عود) .. طارق ابوعبيدة_شكرا لمن جعل هذا ممكناً!�� />
مولانا خـدر .. (خمر) .. و(سهر) .. و(بنات)!!
ود الصائم............سلام بقدر سهر خدر ده يستاهل بتاع الخمر والكاس والشفاه ده كما قال حسين عثمان منصور وغنى سيد خليفة.. لقد اصبت حين قصدت فكلها صحيحة نبى الخمر خدر ده فعلاً كده شكراً ود الصائم لنصوع العنوان، ويسلم خدر الصايع،،
Post: #12 Title: Re: مولانا خـدر .. (خمر) .. و(سهر) .. و(بنات)!! Author: محمد عبد الماجد الصايم Date: 12-20-2011, 10:22 AM Parent: #9
عاطف عمر يا حبيبنا إنت حارف الحاصل تمام ياخ! الواحد لو ما نجّض (الحيثيات) بتلحس عديل!!
كـدي لمن تصل البيت وتسمع تعال راجع! بس تعال لينا واعي .. عشان (تساهر) معانا! أصلكـ عزابي وكـدا!!
Post: #13 Title: Re: مولانا خـدر .. (خمر) .. و(سهر) .. و(بنات)!! Author: محمد عبد الماجد الصايم Date: 12-20-2011, 10:23 AM Parent: #9
صديق يا موج .. خـدر ما أدانا أي مجال نعمل غير كـدا!!
عمكـ خدر ما بسكر من الخمر ونحن ياهو سكرنا بدون الخمر زاتو!!
المشكلة عمكـ دا زاغ ممنا للسنة التانية على التوالي!! الواحد قدر ما يدر يلم فيهو ويرشّو على الهواء مباشرة ما دايرة تلفق .. غايتو بعد دا إلا نقابلو في لاهاي!!
موسى يا عيسى .. أخباركـ ياخ!! تعرف شفتكـ (حين غرّة) في المغتربين .. أخوكـ كان ماسكـ فيهو صف زي تلاتة وتلتين متر كـدا .. المهم كوركت ليكـ ما انتبهت .. الظاهر كانوا عاصرين عليكـ شديد!!
أها .. الصف دا أخد ليهو زي تلاتة يوم كـدا!!
يا زول أنت في حضرة خدر .. حيث لا شمار ضار بالصحة!!
Quote: والأغنية روعة .. لا تتفوق عليها إلا ( أنا ما بقطف زهور خدودك بس بعاين ..بعيونىىىى )
الأغنية روعة زي ما قلتي ومولانا ضربا صاح! ويمكن يكمل المتعة ويجيب لينا (الخدود) كمان!!
بالمناسبة دي أنا سامعو بغني في (بسحروكـ يا الحلوة لو شافو الخدود)!!
Quote: أها أنا حا تصرف لى شنو من الفوق ديل ...:)
النجيضة: شيلي الدايرهو وخلي لينا الباقي ياخ!!
Post: #49 Title: Re: مولانا خـدر .. (خمر) .. و(سهر) .. و(بنات)!! Author: بدر الدين الأمير Date: 12-20-2011, 08:42 PM Parent: #48
ود الصايم ياخى انا جاى تعبان ومرهق وقرفان ....وخجلان من تفاصيل واحراجات البعثة السودانية المشاركة في دورة الالعاب العربية بالدوحة قلت ادخل اشرب لى معاكم كاس وانسى همومى واروحها لقيت الموضوع فالصو زى البعثة السودانية الرياضية المشاركة في دورة الالعاب العربية بس تجويد خدر للاغنية خلانى اعود من عنوانك بغنيمة والبعثة السودانية سوف تعود بحرج لم يعرفه السودان منذ استقلاله كما ذكر ذلك الصحفى الرياضى عبدالمجيد رئيس القسم الرياضى بصحيفة السودانى
هلا .. حبيبنا ودالصايم عايز بـ الكرسماس شنو ؟! مش عندكم يوم عرفة كل شعب بي يومو السنة الجاية ناوين نجيب مولانا هنا لو جيت معاهو ومعاك تبارك علي اليمين نضبح ليكم الفوق ديل كل يوم واحد قصرنا معاكم
ود الصايم.. عليك الله تلاتة كاكات مظبوطة من زوقك على جرستك و شرحك و تفسيرك (ياخي الواحد من هنا شايف عرقك السايل).. غايتو زرة بت لذينا يا عمك.. زي الشاب القالوا ليهو تعالي نعرسك ليك..و قام صوف..ياخي انا صغير..و انا لسع بقرا..الخ..
التحية للصديق خدر..و بالجد تقنية الصوت راقية جدا..و ما لاقتني تب في التسجيلات السودانية..يعني شغل فيهو احتراف كبير..! اما المحتوى..ما ياهو خدر.. يعني ح يقصر ليكم كيف يعني؟..
Quote: اسمع انت مولانا ده يكون مسافر بالبص لامريكا
شايفه ما ظهر الليله
اشكر اخونا فدياس على شرح وتوضيح احد معاني (طائر).
لووووووووووووووووووول
Post: #57 Title: Re: مولانا خـدر .. (خمر) .. و(سهر) .. و(بنات)!! Author: محمد عبد الماجد الصايم Date: 12-21-2011, 07:14 AM Parent: #55
Quote: قلت ادخل اشرب لى معاكم كاس وانسى همومى واروحها لقيت الموضوع فالصو زى البعثة السودانية الرياضية المشاركة في دورة الالعاب
بدر الدين يا أمير .. بالغت معانا ياخ!! بعثة فالصو كيف يا عمكـ .. آمال النثريات دي بتمش وين؟
تعرف .. أي زول في الدنيا دي مقتنع بـ (فالصوية) البعثة دي إلا الناس الضاربين فيوزاتا .. بالنسبة ليهم (بعثة العمر) ياخ!!
فـ زي ما شايف في عريضة تقسيم الثروة العندنا هنا دي الكاسات دي مع عمكـ أبو ساندرا .. إن شاء الله يديكـ كاس (سيكافا)!!
أسمع يا عمكـ .. أسمع وانسى ـ أو كما يقول المثل!!
Post: #58 Title: Re: مولانا خـدر .. (خمر) .. و(سهر) .. و(بنات)!! Author: محمد عبد الماجد الصايم Date: 12-21-2011, 07:15 AM Parent: #55
Quote: وبالمره نصرف لامنه مختار شويه سهر
فدياس يا عمكـ .. شايفكـ مركز على توزيع السهر شديد! يعني نحن نضرب الخيرات الباقية وننوم طوالي ولّ كيف؟
Post: #59 Title: Re: مولانا خـدر .. (خمر) .. و(سهر) .. و(بنات)!! Author: محمد عبد الماجد الصايم Date: 12-21-2011, 07:16 AM Parent: #55
Quote: عشان تاني يخلينا ويمشي وترقيت
يا ملكـ .. ووتر قيت دي مش ترجمة (ماسورة) بالأمريكي؟
Quote: حمد الله بالعودة الي حيث تأمن نفسك وتضمن رزقك
نجيضة والله!
Post: #60 Title: Re: مولانا خـدر .. (خمر) .. و(سهر) .. و(بنات)!! Author: محمد عبد الماجد الصايم Date: 12-21-2011, 07:18 AM Parent: #55
Quote: عايز بـ الكرسماس شنو ؟! مش عندكم يوم عرفة
إنا لله .. ود العبيد يا أصلي!! اليومين ديل متساويين في القوة ومختلفين في الاتجاه! أها ما ممكن يا عمكـ السنة كلها نكون ماشين يمين! كـدي عيّب لي (اليسار) دا!!
أما فيما يخص ضبيحتكـ .. فدي بتسلخوها كيفن؟
Post: #61 Title: Re: مولانا خـدر .. (خمر) .. و(سهر) .. و(بنات)!! Author: محمد عبد الماجد الصايم Date: 12-21-2011, 07:21 AM Parent: #55
لكن بالغتو؟ انتو اديتونى السهر كله براى (عارف نكتة انت جبت بالمايه كلها)؟ العولاق ده بيكون فك لى نزلتو و سافر ما نمت من أمبارح و صداع و وجع مفاصل و راس ... واحد معفن كده اشتكيت ليهو قال لى ده الكُبُر
عشان ما أحرف ليك البوست, في الأول كنت مفتكر التسجيل ياهو القديم فما سمعتها, امبارح لقيت زول منزلا في الفيسبوك و لحسن الحظ ضغطت ... موت أحمر, تعرف يا حمودى (على وزن عصومى) الفقرى ده صاحبي من السودان ... سمعت غناهو في حتات و مناسبات و لمات مختلفه فيها التتخيلو و الما تتخيلو ... العجيب فيهو كل فتره و التانيه يطلع ليك بي حاجات من صوتو و عزفه و يدهشك ... اسه دى دهشنى ... لو خلا الرشاقه و كم حاجه تانيه ببقي زول و بس ...
يا عصومي .. بالغت ياخ! قلت لي ما داير تحرّف البوست!! يا معلم القصة دي (منحرفة) جاهزة .. بي كل أدواتها اللازمة!
ما فيما يختص بقصة الفيسبوكـ .. ياخ أنا من أمس بضحكـ! شايف تلاتة بوستات مفتوحة في تلاتة منابر مختلفة بنفس الأغنية! كلها بعد أنا نزلت البوست أب عنوان (مشاتر) دا!!! دا غير إنو في واحدة أختنا(هنا في غمزة) جات تاااااخ لصقتا لي في (كتاب وشّي) .. باختلاف الدوافع طبعا!! لكن أهو النجيضة الناس دي فجأتن كـدا شافت الموت اللحمر دا!!
بعدين مولانا خدر زاتو داير واحد يعضيهو في (أي حتة)! هسي لو فتشت عندو التسجيل الأصلي للأغنية دي ما حتلقاهو!!
Quote: لو خلا الرشاقه و كم حاجه تانيه ببقي زول و بس ...
سودانيزاونلاين بقت ضرب تحت الحزام والله البوست ده فيهو كمية مغارز عاوزة زول حريف عشان يفرزها الله لا كسبك يا الضحكنجي .. ياخ انا معلق بين السماء و الواطـــة امس 9 ساعات (ماشي واشنطون) الكابتن ندهني في الكابينة بتاعت السواقين و نهرني قال لي ما تفتح تلفونك ده ياخ !! سايمون ( ود الصائم ) شايل حالك في بورد ابصلعة.
الشاعر الغنائي عمر البنا من مواليد أمدرمان عام 1900م وهو ينتمي إلى آل البنا الأسرة الأمدرمانية العريقة .. تعلم القرآن في خلوة والده الشيخ محمد عمر البنا والأولية أيضا في مدرسة والده ثم التحق بمدرسة أمدرمان الأميرية ثم كلية غردون التذكارية وكان والده يرغب في دخوله المدرسة الحربية ولكنه فضل العمل الحر وسافر إلى رفاعة ليشرف على أعمال والده الزراعية والرعوية خاصة إن آل البنا عرفوا بحبهم للقنص والصيد والعيش في المراعي مما هيأ لشاعرنا الكبير المناخ الملهم ليبدأ مشواره في الشعر الذي عرف به آل البنا شعراء بدءا بوالده الشيخ محمد عمر البنا شاعر المهدية صاحب القصيدة الشهيرة التي جاء فيها:
الحرب صبر واللقاء ثبات
والموت في شأن الإله حياة
كما كان هناك شقيقه الأكبر الأستاذ والشاعر الكبير عبد الله محمد عمر البنا صاحب القصيدة المشهورة ومطلعها:
يا ذا الهلال عن الدنيا أو الدين
حدث فإن حديثا منك يشفيني
حدث عن الأعصر الأولى لتضحكني
فإن أخبار هذا العصر تبكيني
وفي هذا الجو الشاعري نشأ عمر البنا فبدا كتابة الشعر وهو في سن السادسة عشر من عمره ومنذ تلك الفترة واصل مشواره في الشعر خاصة شعر الغناء, حتى آخر أيام عمره, وعندما بدا كتابة الشعر كانت محاولاته منحصرة في الدوبيت ومن محاولاته تلك عندما قال:
حليفة الخضرة الدايما ملازمة حرابا
مستورة القناع الخايفة من آدابه
الحاشاها من شبت ما اجتازت البوابة
وفي تلك الفترة بدأ أول محاولاته في الشعر الغنائي عندما كتب قصيدة زدني في هجراني وشارك في تلحينها مع كروان السودان كرومة وقام بمجاراته الشاعر الغنائي عبد الرحمن الريح بأغنية (غيبت عن انساني) ولقد أدت تلك المجاراة إلى خلق روح المنافسة بين عمر البنا والأستاذ عبد الرحمن الريح الذي جاراه في اكثر من عشرة قصائد ولم يجاريه الشاعر عمر البنا في بأي أغنية … ولقد أطلق على الشاعر عمر البنا مخاطب النسيم وبريده وهي إشارة إلى القصائد التي تغنى بها للنسيم مما جعله مثل حامل البريد يحمل النسيم للعشاق بعد أن يخاطبه قائلا كأمثلة:
أغنية (نسيم الروض زورني في الماسية)
وأغنية (نسيم سحرك لو يسري)
وأغنية (النسيم الفايح طيبه من رؤياك)
وأغنية (نسائم الليل) وغيرها من الأغاني عندما يجلس تحت شجرة النخيل في منزله العامر بحي ود البنا ومعه اللورد كما كان يحلو له أن يسميه وهو الفنان كرومة ويقومان بتلحين الأغاني التي تغنى بمعظم قصائد عمر البنا إن لم يكن جميعها إذ بخل الشاعر عمر البنا بقصائده على المغنيين الآخرين في ذلك العهد إلا الفنان عوض شمبات الذي أعطاه أكثر من أغنية حتى لا يتغنى بأغاني كروان السودان كرومه فقد كان الفنان كرومه يخاف من الفنان عوض شمبات عند حضوره إلى حفلات الغناء التي يقدم بها كرومه أغانيه في الأعراس لأن عوض شمبات كان يحفظ هذه الأغاني عند سماعها لأول مرة فكيف حفظها؟ ويجئ رد الفنان عوض شمبات في استخفاف (قايلني صفايا) والفنان كرومه معروف بأنه سريع التلحين للأغاني وكذلك الشاعر عمر البنا كان سريع التأليف للأغاني.
ويذكر انه في عام 1936م كانا في رحلة فنية إلى القاهرة لتسجيل بعض الأغاني في اسطوانات وهما في الباخرة بين حلفا والسودان طلب كروان السودان كرومه من صديقه الشاعر عمر البنا أن يسجل حبه وولهه في كلمات يناجي بها نفسه ويتذكر بها المحبوبة فما كان من الشاعر عمر البنا إلا أن يستجيب لطلب رفيق كروان السودان ويضع كلمات شاعرية كلها حب وهيام وضعها في أقل من ساعة وسلمها لصديقه كروان السودان الذي اطلع عليها فأدخلت السرور والبهجة في نفسه وذكرته بمن ترك في أمدرمان وفي أقل من ساعة أيضا وضع لها اللحن لتسجل في مصر وكانت درة كروان السودان (زهرة الروض الظليل) (جاني طيفك) ليست هذه فحسب فقد واصل الشاعر عمر البنا تسجيل هذه المشاعر فقدم لكروان السودان أغنية (في الطيف أو في الصحيان) ثم أغنية (أنا صادق في حبك) ويواصل ذلك الهيام المشترك لسجل كروان السودان .. أغنية (أمتي أرجع وأغنية (النسيم الفايح طيبه من رؤياك)
وأغنية (نسائم الليل) وغيرها من الأغاني عندما يجلس تحت شجرة النخيل في منزله العامر بحي ود البنا ومعه اللورد كما كان يحلو له أن يسميه وهو الفنان كرومة ويقومان بتلحين الأغاني التي تغنى بمعظم قصائد عمر البنا إن لم يكن جميعها إذ بخل الشاعر عمر البنا بقصائده على المغنيين الآخرين في ذلك العهد إلا الفنان عوض شمبات الذي أعطاه أكثر من أغنية حتى لا يتغنى بأغاني كروان السودان كرومه فقد كان الفنان كرومه يخاف من الفنان عوض شمبات عند حضوره إلى حفلات الغناء التي يقدم بها كرومه أغانيه في الأعراس لأن عوض شمبات كان يحفظ هذه الأغاني عند سماعها لأول مرة فكيف حفظها؟ ويجئ رد الفنان عوض شمبات في استخفاف (قايلني صفايا) والفنان كرومه معروف بأنه سريع التلحين للأغاني وكذلك الشاعر عمر البنا كان سريع التأليف للأغاني.
ويذكر انه في عام 1936م كانا في رحلة فنية إلى القاهرة لتسجيل بعض الأغاني في اسطوانات وهما في الباخرة بين حلفا والسودان طلب كروان السودان كرومه من صديقه الشاعر عمر البنا أن يسجل حبه وولهه في كلمات يناجي بها نفسه ويتذكر بها المحبوبة فما كان من الشاعر عمر البنا إلا أن يستجيب لطلب رفيق كروان السودان ويضع كلمات شاعرية كلها حب وهيام وضعها في أقل من ساعة وسلمها لصديقه كروان السودان الذي اطلع عليها فأدخلت السرور والبهجة في نفسه وذكرته بمن ترك في أمدرمان وفي أقل من ساعة أيضا وضع لها اللحن لتسجل في مصر وكانت درة كروان السودان (زهرة الروض الظليل) (جاني طيفك) ليست هذه فحسب فقد واصل الشاعر عمر البنا تسجيل هذه المشاعر فقدم لكروان السودان أغنية (في الطيف أو في الصحيان) ثم أغنية (أنا صادق في حبك) ويواصل ذلك الهيام المشترك لسجل كروان السودان .. أغنية (أمتي أرجع لأم در أعوده) والرجوع والعودة للحبيب كان كل المنى في تلك الغربة بعيدا عن الوطن والأحباب.
والشاعر عمر البنا كان يؤمن بشاعر غنائي واحد قام بمجاراته في أكثر من قصيدة وهو الشاعر الغنائي صالح عبد السيد أبو صلاح وقد جاراه في أكثر من قصيدة وكمثال قصيدة (طبعا يهواك) التي وضع كلماتها أبو صلاح وجاراه عمر البنا بقصيدة (نعيم الدنيا) ليس هذا فحسب بل من إعجابه بالشاعر الغنائي أبو صلاح تغنى له بأغنيتين سجلهما الفنان عمر البنا في اسطوانات وهما قصيدة (وصف الخنتيلا) وقصيدة (يا ربيع في روض الزهور).
ولما كانت من هواياته مثل آل البنا جميعهم الصيد والقنص فقد نظم الكثير من القصائد في المدح والتفاخر بكلاب الصيد التي يمتلكها ويخرج بها للصيد في جلاء ضواحي أمدرمان وفي أحد الأيام ضربت إحدى العربات ######ه المفضل لديه ويدعى (تمام) عندما حاول قطع الشارع أمام منزل عمر البنا ودهسته العربة فقال يؤبن (تمام):
ما دوامة يا تمام
في كيوف الشارع
ما أصلوا الدنيا ما عدا
والمعيشة مشارع
بعد ما كنت سباح
يمينك ضارع
قتلت الليلة
هكذا كان شاعرنا الغنائي الفذ والمطرب الكبير الأستاذ عمر البنا عليه رحمة الله.
سلامات يا ياسر و تحايا شديدة اول امرة اعرف انك في بلاد عمك سام خبر جميل .. شوت لي تلفون و خلينا ننسق
____ 5712748780
Post: #82 Title: Re: مولانا خـدر .. (خمر) .. و(سهر) .. و(بنات)!! Author: بدر الدين الأمير Date: 12-22-2011, 04:36 PM
Quote: بعثة فالصو كيف يا عمكـ .. آمال النثريات دي بتمش وين
ود الصايم وعلى قول المصرين الدقونا دق العيش في هذه الدورة (متفكرنيش) هل تصدق ان الناس ديل وبدون خجل طلبو من القطرين استضافت البعثة على حسابهم وعلى ذلك قس رئيس اتحاد الرماية ابنته هى المشاركة واتت بصحبة زوجها وابنها وفوق دا كلو نست ماجابت معاها البندقية .... وإستلفو ليها بندقية من اتحاد الرماية القطرى وماجابت التكتح (تقلى شنو وتقلى منو) نحن ممرمطين جوة وبرة ....
تنهدات: الكلام لابوناوس هذه التنهدات عشان ما ترمينى بجريرة حرف البوست
ألا فاسقِني خمراً، وقل لي هيَ الخمرُ، ولا تسقني سرّاً إذا أمكن الجهرُ
Quote: ياخ انا معلق بين السماء و الواطـــة امس 9 ساعات (ماشي واشنطون) الكابتن ندهني في الكابينة بتاعت السواقين و نهرني قال لي ما تفتح تلفونك ده ياخ !! سايمون ( ود الصائم) شايل حالك في بورد ابصلعة.
يا مولانا .. باللاي ضارب الكريسماس في بلاد الكُفار!! ما ينفعكـ ياخ!!!
بعدين الجزء المشرق من رحلتكـ دي إنو الطيّار بتاع الطيارة بعرف (سايمون)!! الزول دا اتعرف عليهو شديد .. وأبقى صحبو! لأنو الفئة الجاية من (الطيارين) ح تكون بقيادة الكابتن محمد طه الحبر همسلف!!
Quote: هل تصدق ان الناس ديل وبدون خجل طلبو من القطرين استضافت البعثة على حسابهم وعلى ذلك قس رئيس اتحاد الرماية ابنته هى المشاركة واتت بصحبة زوجها وابنها وفوق دا كلو نست ماجابت معاها البندقية .... وإستلفو ليها بندقية من اتحاد الرماية القطرى وماجابت التكتح (تقلى شنو وتقلى منو) نحن ممرمطين جوة وبرة ....
يا أمير .. إنت كمان ما تبالغ! يعني بت رئيس الاتحاد ح تجي تشارك وشايلة معاها بندقية؟ تختها وين لما تشتري حاجات الرجعة من الدوحة؟ أهو استفادت برضو .. واتعلمت (الرماية) فينا!!