عاجل: وفاة زعيم كوريا الشمالية كيم يونغ إيل

أتلانتا، الولايات المتحدة الأمريكية (CNN) -- أعلنت كوريا الشمالية، الاثنين، وفاة الرئيس كيم يونغ إيل، الذي حكم الدولة الشيوعية المنغلقة منذ عام 1994، في الوقت الذي أعلن فيه الشطر الجنوبي حالة الطوارئ واستنفار قواته.

ونقلت وكالة "يونهاب" الرسمية في سيؤول، التي ترصد الإعلام الرسمي في الشطر الشيوعي، عن وكالة الأنباء المركزية الكورية الشمالية أن إيل، 69 عاماً، توفى بسبب إصابته بـ"إحتشاء عضلة القلب ونوبة قلبية".

وأضافت: " توفى بعد أن تعرض لاحتشاء عضلة القلب الناجم عن إرهاق نفسي وجسدي متراكم مما أدى إلى صدمة قلبية ، حيث تلقى جميع علاجات الإسعاف إلا انه توفى في الساعة 8:30 صباح يوم 17 ديسمبر."

وكان التلفزيون الرسمي في كوريا الشمالية قد بث نبأ الوفاة، التي حدثت السبت ولم يُعلن عنها سوى الاثنين، دون تقديم تفاصيل.

وكانت وسائل إعلام كورية شمالية قد أشارت في وقت سابق إلى قيامه بجولة داخلية حول البلاد وزيارته للصين، في نقلة نوعية عن عام 2009، حيث عزز تواريه عن الأنظار تقارير عن مرضه وإصابته بالسرطان.

وأعلنت حكومة بيونغ يانغ، الاثنين، حالة الحداد الرسمي حتى 29 ديسمبر/كانون الأول الجاري.

ويشار إلى أن إيل تولى السلطة عام 1994، خلفاً لوالده، كيم إيل سونغ، مؤسس الدولة الشيوعية، بعد وفاته بنوبة قلبية عن عمر يناهز 82 عاماً.

ومؤخراً، رجح عسكريان أمريكيان بارزان تباطؤ عملية نقل الزعيم المبهم، الذي عرف بعدائه للولايات المتحدة ومناوشته لكوريا الجنوبية، سلطاته إلى أبنه، الذي يُعرف أيضاً باسم كيم.

وكان الأبن الأصغر للزعيم الراحل، قد جرت ترقيته، في سبتمبر/أيلول العام الماضي، إلى رتبة جنرال ضمن أكثر من 30 عسكرياً، الأمر الذي عزز التكهنات بأنه المرشح الأوفر حظاً لخلافة والده لتولي قيادة الدولة الشيوعية.


وعلى الجانب الآخر، دعت حكومة كوريا الجنوبية، الاثنين، إلى اجتماع استثنائي لمجلس الأمن الوطني وإعلان حالة الطوارئ والاستنفار القصوى لقواتها المسلحة على خلفية وفاة إيل.

ويشار إلى أن الرئيس الأمريكي السابق، جورج بوش، كان قد وصف كوريا الشمالية، ضمن العراق إبان نظام الرئيس الراحل صدام حسين وإيران بـ"دول محور الشر."

وأثار الزعيم الكوري الشمالي الراحل برفضه التخلي عن برنامج نووي مثير للجدل وأسلوبه في حكم البلاد التي عمل على انعزالها عن الأسرة الدولية، استياء دولي.

كما سبق وأن هدد نظامه بـ"حرب نووية مقدسة" ضد كوريا الجنوبية.

تم الإعلان عن انتقال السلطة لنجله كيم جونج اون الذي يعتقد أنه في أواخر العشرينات، وفقا لوكالة "رويترز". /B]

Quote: اعلان الوفاة في تلفزيون كوريا الشمالية

الحمد لله دي ما كوريا حقت الهونداي


كان العالم وقف من الصباح




الدنيا بقت هونداي ...

نشاطر شعب كوريا الاحزان في فقيدهم

الغريبة يا واصل الشوايعة ديل يقولوا ليك البروليتاريا
وسلطة الشعب والمساواة وشنو ما عارف الوهمات ديك
والغريبة كمان حكم كوريا ده وراثي بامتياز
كيم ايل سونق اداها لي كيم ايل يونق ولده
وهسي كيم ايل يونق اداها برضو لي ولدو كيم ايل شنو ما عارف!!

نفس النظام ده بنلقاهو في كوبا
هسي عمك كاسترو مما حس بي نهايتو
سلم سلطاته لي أخوهو

عرفتو إنو الشيوعية دي وهمة ساكت؟!!

Quote: هسي عمك كاسترو مما حس بي نهايتو سلم سلطاته لي أخوهو

محمد جلال عبدالله تحية ليك ولواصل علي سيد البوست
ياخي أتلومته في الكلام الفوق ده عم الكل فيديل فعلا خلي السلطة لاخوهوا رول الفكه اللعب في كوبا
وكل يوم صادر قانون جديد يعدل القوانين السابقة في حرية التملك وحرية بيع البيوت للكوبيين وحرية تنقلهم من مكان لمكان في بلدهم


كوريا الشمالية مهما وصل خيال فيدل كاسترو ببقي قطرة في بحر الرفيق العزيز كيم إيل ستونغ وولاده من بعدو
كوريا الشمالية حسب برنامج حضرتوا الايام الفاتت في BBC والهو بحكي عن دكتور عيون داخل بإذن عشرة ايام
عشان يعمل عمليات عيون للكوريين الشماليين بتسللوا معاهو فريق تصوير وصحفية امريكية للارض المفقودة _ كوريا الشمالية _

حتلقي ناس كوبا ديل في نعمه يحسدوهم عليها , مقارنه بحياة الناس في مزرعة ال سيتونغ وبالمناسبة ممنوع المغادرة إطلاقا
حتى الكوري البقدر يتسلل عبر الحدود للصين أو كوريا الجنوبية _ ناس الهونداي _ كل أسرتوا بودوهم معسكرات الاعتقال

وياريت تسنح ليك الفرصة تشوف الفلم التسجيلي ده عن كوريا الشمالية - وحياة الناس فيها ومدي البؤس الهم فيهو
رغم انو الرفيق العزيز الابن الكان حاكمهم عمل قنبلة نووية ......... اكتر قصة في الفلم أثرتني أنو الناس بتتقاتل على الفيران عشان ياكلوها


في عهد الرفيق العزيز الحفيد هل حيشوف الناس ديل شي يقلل بؤسهم ؟؟؟؟؟؟؟؟؟؟
دي في علم الله


-------------------------------------------------------------------
أكيد للشيوعية بريق ذاهي جدا بس ما للشعوب العاشت تحت حكمها

الرئيس القادم هو كيم جونغ-اون
الا ان المحصلة هي استمرار المعاناة للشعب الكوري الشمالي
هذا هو حال الانظمة الشمولية ...
بؤس .. ثم بؤس ...
الاغاثة البتجيهم من الصين توزع كالاتي
الطبقة الحاكمة
الجيش
وما يتبقي للشعب..

الأخ عبد الناصر الخطيب
لك التحية والاحترام

Quote: محمد جلال عبدالله تحية ليك ولواصل علي سيد البوست ياخي أتلومته في الكلام الفوق ده عم الكل فيديل فعلا خلي السلطة لاخوهوا رول الفكه اللعب في كوبا وكل يوم صادر قانون جديد يعدل القوانين السابقة في حرية التملك وحرية بيع البيوت للكوبيين وحرية تنقلهم من مكان لمكان في بلدهم

أنا كلامي يا عبدو مش عن الإصلاحات العملها راؤول
أنا كلامي عن مبدأ الوراثة نفسه
البيناقض المبادئ التي تزعمها الشيوعية

Quote: أكيد للشيوعية بريق ذاهي جدا بس ما للشعوب العاشت تحت حكمها

دي بالغت فيها يا حبيب
هي لو فيها فايدة كان نفعت البلاد القامت فيها
والله صحي ^_____^

ياترى تلك الدموع التى يذرفها الشعب الكورى حسب ما هو مشاهد فى (اليوتيوب) هل هى دموع حزن ام دموع فرح؟
لكن باقى لى دموع فرح .

واصل سلامات
المحيرني إنو الناس دي بتبكي جادة جداً و الأهم من ده انو البكاء بنظام شديد وبكل الضبط و الربط المطلوب . . يا ربي يكونو عملو ليهم مراكز تدريب للمهمة التاريخية دي ؟!! معاي زولة قريبتي بعد ما شافت فيديو البكاء ده كان تعليقها إنو الناس ما بتبكي و بكل الحرقة دي عشان الديكتاتور المات و بس . . ديل بيبكو من الديكتاتور الجاييهم و هو في عمر الزهور ده.
غايتو ربك يستر

.



محمد جلال عبد الله
كتير السلام والتحايا

Quote: أكيد للشيوعية بريق ذاهي جدا بس ما للشعوب العاشت تحت حكمها

القصد لو عينته للشيوعية عندنا حتلقي الصورة ذاهية , شباب قابض على جمر القضية وناس ماشين في السكة يمدو
وكورلات وووو .......... فترتهم القصيرة الحكموا فيها متضامنين مع جعفر نميري الله يرحموا ما قبل يوليو 1971 م مراهنين على ضعف ذاكرة الشعب السوداني أنو يتذكره ........





كيم إيل ستونغ _ الاب الذي خلفة ابنه المتوفي علي الحكم في 1994 م _


وفاة الرفيق العزيز زعيم كوريا الشمالية , وكلامنا عن عم الكل فيديل كاسترو ووووووو متأكد ليها تصريف يعني نعتبره زي ما الإسلاميين _ في العالم العربي _ بزوقوا من قصة الانقاذ في السودان كمشروع ممكن يدي الناس إنطباع مخيف عن تجربتهم الوليدة ............


كيم إيل سونغ _ أبو الكوريين والرفيق العزيز _ برضوا عمل شيوعية خاصة بكوريا بس أشد وأكتر انغلاق لا هي شيوعية الرؤوس وحلفائهم في شرق اروبا السابقة ولا هي ماوية الصين ولا هي إجتهادات عم الكل فيديل في امريكا الجنوبية ومدرستوا الزمان جابت ناس دنيال اورتيغا وهسه تلميذوا النشيط هوجو شافيز
الناس ديل عملوا بلد بنظام خاص بيهم , ما تشوف الناس الابسين نظيف وببكوا ديل الناس العاديين في المزارع وفي القرى النائية وما بسمحوا ليهم حتى يجوا للمدن الكبري لابسين اسمال بالية وشغالين بلا أجر تقريبا , الطبقة الابسين الازرق ديل من الحكومة والحزب وعيالهم بصحوا الصباح وينحنو لصورة الرفيق العزيز قبل يعملوا أى حاجة في يومهم ومع كده ما عندهم أى امتيازات زي الاسرة الحاكمة وكبار الموظفين العسكريين والمدنيين , وما تتخيل الامتيازات شي مهم أبدا في كوريا وسائل الاتصال كمبيوتر , موبايل .... ما لى كل زول لناس معينين أو لاسباب تقتنع بيها الدولة حتى يدو بيها تصريح خاص تحت رقابة الدولة .......

في الفلم التسجيلي كان في قصة لحارس كوري هرب من الاسلاك المكهربة وحقول الالغام ووصل لكوريا الجنوبية كل أسرتوا وقرايبوا أخدوهم لمعسكر الاعتقال الهو عبارة عن شبه مدينة كاملة تحت الحراسة والاسوار بيسجنو فيها أسر كاملة ولسنوات غير محدودة دون جريمة واضحة أو محاكمة او إنتظار لافراج ...... مدام في الاسرة دي خائن للرفيق العزيز ..........بعتبروهم كلهم خونه

كوريا حكاية مختلفة
ربنا يعين أهله