Post: #1 Title: (ده ما سلامك ) الى اولاد وبنات جيلى وكل من عشق بهذا اللحن الصافى Author: ناظم ابراهيم Date: 12-18-2011, 05:38 PM
Post: #2 Title: Re: (ده ما سلامك ) الى اولاد وبنات جيلى وكل من عشق بهذا اللحن الصاف Author: سلمى الشيخ سلامة Date: 12-19-2011, 00:09 AM Parent: #1
كان واحد من الفنانين الذين ظهروا فى اواسط السبعينات واول ظهوره كان فى برنامج ساعة سمربرنامج توفر عليه الاستاذ عمر عثمان ومنه خرج العديد من الفنانين اسماعيل حسب الدايم وابوعبيدة حسن وغيرهما اشتهر مجذوب اونسة بغنائه لعدد من الاغنيات التى تصدرت الاذاعة فى برنامج "ما يطلبه المستمعون " غنى لنجيب محمد على وعدد من الشعراء الشباب يومها
"جيت اوادعك يا قمارى " احد ابرز اغنياته ولعلى لن اغفل ما حدث يوم ان كان "عنده حفلة ، وكان صديقنا معتصم وكيكة رد الله غربته احد العازفين معه جاء مجذوب الى داخلية طلاب المعهد يومها فى بانت ونادى وكيكة لينزل له حيث المواعيد جات قال من وزع الطرفة بعد ذلك ان وكيكة قال ـ هسى الزول دا ينزلو ليهو بكمنجة ولا نبلة ؟ " تحياتى يا ناظم وتحية لاسرتك وكل من معك
Post: #3 Title: Re: (ده ما سلامك ) الى اولاد وبنات جيلى وكل من عشق بهذا اللحن الصاف Author: ناظم ابراهيم Date: 12-19-2011, 02:31 PM Parent: #2
سلمى صباحك خير
( ده ما سلامك) ظهرت فى اوائل الثمانينات وكانت هديه الشباب للمحبوبه من بنات المدرسه او الحله والزمن كان حلو وكانت هداوة البال وكانت الحبيبه (حبيبه) وليس (جكس )وكان الاولاد والبنات رومانسيين والحب كان بتبادل اشرطة الكاسيت وروايات الجيب ومجلة سمر وان تجاسرت تكتب جواب غرامى
Post: #4 Title: Re: (ده ما سلامك ) الى اولاد وبنات جيلى وكل من عشق بهذا اللحن الصاف Author: ناظم ابراهيم Date: 12-19-2011, 09:23 PM Parent: #3
اللحن على ما اظن للموسيقار ود الحاوي
الشاب طه سليمان فى اداء اعجبنى للاغنيه
Post: #5 Title: Re: (ده ما سلامك ) الى اولاد وبنات جيلى وكل من عشق بهذا اللحن الصاف Author: محمد المرتضى حامد Date: 12-19-2011, 09:57 PM Parent: #4
يا سلام يا ناظم ياخ،
كانت أيام بجمال "حروف" الحبيبة و"جيد" القصيدة ..
خطاب غرامي؟
بالخط الشين السمح البيوقف القلب؟
يا سلام ياخ..
-
سلام سلمى سلامه،
جينا بعد الفُرقه نسأل
Quote: ـ هسى الزول دا ينزلو ليهو بكمنجة ولا نبلة ؟ "
هسي تجي بكمنجه ينزلوا ليك بخناجر..
Post: #6 Title: Re: (ده ما سلامك ) الى اولاد وبنات جيلى وكل من عشق بهذا اللحن الصاف Author: ناظم ابراهيم Date: 12-20-2011, 05:50 PM Parent: #5
محمد المرتضى مساءك فل
لو شفت صوره مجذوب اونسه بتوصف ليك الزمن كيف كان رايق والناس نضيفه والدنيا حلوه( الشعر الخنفس والقميص المورد والابتسامه العريضه الجايه من القلب وزي ما غنى الكابلى (كنا لا بنشيل هم ولا بنخاف بكره الجايينا)
وشوف الغنا زي (بخاف )وبتتعلم من الايام (وقصر الشوق)
