Post: #1
Title: ما مقتنع بس قبت اجيب ليكم الخبر : تنفيذ مترو الخرطوم
Author: Waeil Elsayid Awad
Date: 12-18-2011, 02:19 PM
خرطوم: الصحافة:
وقعت ولاية الخرطوم مذكرة تفاهم امس، مع شركة «اردنية ـ اوروبية» لدراسة تنفيذ مشروع الترام في الخرطوم بحضور الوالي عبدالرحمن الخضر.
ووقع عن الولاية وزير المياه والبنى التحتية احمد قاسم وعن الشركة «الاردنية ـ الاوربية» المهندس فتحي طاهر.
وقال والي الخرطوم، ان مشروع الترام يأتي فى اطار توصيات مخرجات المخطط الهيكلي الذى اوصى بادخال خدمة الترام كواحدة من وسائل النقل الكبيرة التى توجد حلولا جذرية لازمة المرور والمواصلات وطالب الشركة باكمال الدراسة على وجه السرعة للشروع في تنفيذ المشروع بمراحل.
|
Post: #2
Title: Re: ما مقتنع بس قبت اجيب ليكم الخبر : تنفيذ مترو الخرطوم
Author: Waeil Elsayid Awad
Date: 12-18-2011, 02:22 PM
Parent: #1
و واحدة تانية بس دى كبيرة شديد :
دراسة لتنفيذ مشروع الترام في الخرطوم ....عيش يا ...لمن يقوم القش
الخرطوم - أ ش أ: يضع الرئيس السوداني عمر البشير في 21 ديسمبر الجاري حجر الأساس لمشروع جزيرة "قلب العالم"
الذي يضم أعلى برج في العالم والمخطط إقامته في جزيرة "مكوار" على بعد 80 كم شمالي بورسودان و200 كلم من جدة، وتبعد حوالى 280 كلم من "مرسى علم" المصري.
وتقدر تكلفة المشروع بما يزيد على 20 مليار دولار، وتنفذه مجموعة "الحصيني" السعودية، وتبلغ مساحته حوالى 30 ألف كلم،
ويضم كافة الأنشطة السياحية البحرية ووسائل تسلية وترفيه ومرافق للإيواء السياحي ومراكز التسويق الحديثة،
بالإضافة إلى المراكز المالية والتجارية ومدينة للإعلام، وأخرى للتقنة والمعلومات.
وتستهدف الجزيرة عند اكتمالها أكثر من 150 ألف مقيم علاوة على 120 ألف موظف والمتوقع أن تكون وجهة للأعمال والتجارة
وستضم أكثر من 10 مدن سياحية وتجارية يتوقع أن تجتذب 90 ألف زائر، وتربط بينها مواصلات برية وبحرية متطورة.
وتضم الجزيرة أحدث ميناء فى الشرق الأوسط بجانب مطار دولى وأكبر مناطق المارينا المحيطة بها والتي تسع لأكثر من 700 يخت و2400 قارب.
|
Post: #3
Title: Re: ما مقتنع بس قبت اجيب ليكم الخبر : تنفيذ مترو الخرطوم
Author: محمد إبراهيم علي
Date: 12-18-2011, 02:36 PM
Parent: #2
البلد بقت مواسير من كبيرا لصغيرا والجماعة رايح ليهم الدرب في الموية
امش جيب اي واحد اجنبي من طرف الشارع ولبسو كويس وخليهو يقول انو عندو نية ينفذ مشروع لاطلاق صواريخ الفضاء من صحراء بيوضة لانها اقرب لمجرة درب التبانة ولو البشير ما افتتحها ليك لومني
وحيستضيفوك انت وصاحبك اقصد شريكك الاجنبي في برنامج العلم والايمان :)
|
Post: #5
Title: Re: ما مقتنع بس قبت اجيب ليكم الخبر : تنفيذ مترو الخرطوم
Author: Waeil Elsayid Awad
Date: 12-18-2011, 06:07 PM
Parent: #3
سلام يا محمد ابراهيم
الغريبة انو اخبار من النوعية دى زمان كانوا بيعمل ليها دعاية و اعلان
حسة بقت عبارة عن خبر متدسى الا تفتش ليه تفتيش
كويس انهم عرفو انو مافى زول بيصدقهم زى ما هم متاكدين انو مافى واحد عاوزهم
|
|