Post: #1
Title: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-18-2011, 08:19 AM
Parent: #0
سأبدأ بسيناريو ومدخل عجيب وغريب
ثلاثة أشخاص رأيتهم في إحدى المدن بالسودان
ثلاثتهم يقومون بتلقيط وجمع الورق والحبال والأكياس من الشوارع
يقومون بعمل لاتقوم به حتى المحلية في شوارع هذه المدينة
وحينما سألت عنهم قالوا لي :
هؤلاء كانوا مغتربين !!!!
والجماعة دقسوهم في السودان
وطلعوا مواسير
وأخيراً { جن } كل هؤلاء
بعضهم ذهب للشكينيبة
وبعضهم الى سلاسل طيبة وابوحراز
وآخرون كانوا اكثر حظاً حيث ذهبوا لناهد محمد الحسن في التجاني الماحي !!!
لهذا وحتى لاتقوموا بتجميع الأكياس والورق وحبال السعف
فإنني أنصحكم بطريقة رائعة ومجربة في استثمار أموالكم بالسودان
نصيحة لوجه الله
ماعاوز من ورائها سمسرة
ولابياض
ولا حتى حق الشاي !!!!
قال ماسورة قال !!!
|
Post: #2
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-18-2011, 08:23 AM
Parent: #1
طبعاً أغلب المغتربين { مكناتهم } صينية وخفيفة جداً
وأخوكم واحد منهم 00
الله يستر بعد ما اقـتـنعنا بأننا سوف { نخرف } مبكراً
الآن الحكاية جابت ليها { جن } !!!
قال مجربة ومربحة قال !!!
|
Post: #3
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-18-2011, 08:29 AM
Parent: #2
جمعت { 20 } الف ريال بعد حراق روح و { 60 } شكلة مع ست النفر
أوقفنا كل شيء
الثياب
والذهب
وفير آند لفلي
وعاوز أجي عمرة
وريحة الطهور
والعرس
حلفت بالله ان استثمر القروش دي
عشان ترتفع من { 20 } الى 60
وقلت في نفسي
هو صلاح أدريس أحسن مننا في شنو
والمخ العند جمال الوالي ليه مايكون عندك يا ابوحراز
ومامون البرير مش عنده رجلين وراس زينا ؟؟؟
ومن هذه المنطلقات الجميلة قطعت الموية والنور
وقررت البدء في طريق الخطوة الأولى
والمليون الأول من الأرباح !!
قال صلاح إدريس قال !!!
|
Post: #5
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-18-2011, 08:38 AM
Parent: #3
وأنا في قمة هذا التفكير والاندهاش
غذ تأتي الخطوة الأولى بلا تفكير
وبلا تخطيط
وحتى بلا نظريات اقتصادية معقدة !!!
اتصل أحدهم من السودان
وسال لعابي بعد هذا الاتصال
وقال لي : انه يتعامل مع مقاولين بتزويدهم بالبلك والطوب الأحمر
وأنه يحتاج لمبلغ 10 مليون بالقديم لتوسعة عمله في هذا المجال
وأن هذا المبلغ بامكانه أن يجني ارباحاً شهرية تصل لـ 3 مليون
وأن الأرباح سوف تكون مناصفة
قوم يا ابوحراز بالشهامة التي تصل لدرجة العوارة ارفض العرض
وقلت ليهو حرام انت شغال ونتقاسم المبلغ
لازم انت تاخذ الثلثين وانا الثلث !!!!
وبعد مناقشات حادة توصلنا لاتفاق بأن يكون نصيبي الثلث
يعني في السنة ستكون ارباحي على اقل تقدير 12 مليون
وبالتالي يمكنني أن أبني في صالحة وليكن مايكون !!!!
قال الثلث قال !!!!
|
Post: #4
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: احمد العمار
Date: 12-18-2011, 08:38 AM
Parent: #1
ابو حراز تحياتى
اها و بعدين ؟؟؟
قال ست النفر قال
أحمد العمار
|
Post: #6
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-18-2011, 08:43 AM
Parent: #4
أخي أحمد العمار 00 تحية
ابو حراز تحياتى
اها و بعدين ؟؟؟
قال ست النفر قال
أحمد العمار
الظاهر عندك قريشات في طريقهن الى الاستثمار
اصبر اوريك الطريقة كيف
وان شاء الله حا تستمتع وتعجبك
بريك اعلاني ياجماعة { شامبيون } الجواك بطل !!!
قال بطل قال !!!
|
Post: #7
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: امير مصطفى احمد
Date: 12-18-2011, 08:56 AM
Parent: #6
يا ابو حراز ما عذبتنا
عليك الله الحكي بالقطارة دا بطلوا
كمل القصة لان الكثيرين في انتظارها لانها تشابه واقعهم
|
Post: #8
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: عمر موسي منجي
Date: 12-18-2011, 09:45 AM
Parent: #7
الاخ ابو حراز سلامات و عساك طيب
ليك وحشة والله
واحد من شباب امريكا راجع السودان اجازة شاب آخر في نفس المدينة ارسل معه "كم ألف دولار "
و اعطاه عنوان و تلفون اهله ليوصل لهم المبلغ , وصل اخونا للسودان و انقطعت اخباره
ومرت فترة الاجازة ولا " حس و لا خبر " و عندما رجع اخونا الي امريكا ذهب اليه الشاب المسكين و بعد السلامات
*وين ياخي ما وصلت القروش للاهل
$ معليش و الله لقيت لي قطعة "أرض "لقطة "رهيييييبة" ما بتتفات و اشتريتها
هسي كمان اصبر علي شوية اشتغل واسدد ليك قروشك
قال حبال و اكياس بلاستيك قال
|
Post: #9
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: معاوية عوض الكريم
Date: 12-18-2011, 09:59 AM
Parent: #8
اسرع يا زول
قال 10 مليون قال
|
Post: #28
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-18-2011, 03:25 PM
Parent: #9
أخوي معاوية 00 تحية
Quote: اسرع يا زول
قال 10 مليون قال |
اها يامعاوية ان شاء الله أمورك ظبطت
شوف ليك أكبر مخدة ودس قريشاتك تحتها
|
Post: #11
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-18-2011, 11:03 AM
Parent: #8
أخونا عمر موسى 00 قال ليك وحشة قال
وحشة عديل كده
غايتو نسوان البورد عرفنا الفيهن
لابيسألن ولابيقولن ليك وحشة
لاخ ابو حراز سلامات و عساك طيب
ليك وحشة والله
واحد من شباب امريكا راجع السودان اجازة شاب آخر في نفس المدينة ارسل معه "كم ألف دولار "
و اعطاه عنوان و تلفون اهله ليوصل لهم المبلغ , وصل اخونا للسودان و انقطعت اخباره
ومرت فترة الاجازة ولا " حس و لا خبر " و عندما رجع اخونا الي امريكا ذهب اليه الشاب المسكين و بعد السلامات
*وين ياخي ما وصلت القروش للاهل
$ معليش و الله لقيت لي قطعة "أرض "لقطة "رهيييييبة" ما بتتفات و اشتريتها
هسي كمان اصبر علي شوية اشتغل واسدد ليك قروشك
قال حبال و اكياس بلاستيك قال
والله دا مغترب { لقطة }
يعني بدل ما يلقط أكياس وحبال
لقط دولارات الراجل واشترى قطعة 00 ياسبحان الله
اها دا الكلام البجيب الحبال والورق والأكياس !!!
كثيرون عملوها ان لم تكن بهذه الطريقة
فبطرق أخرى
قبل فترة وانت تعرف مع قرب عيد الفطر الجميع يتأهب لارسال وصايا للسودان
أحدهم قال سيسافر بالطائرة ولامجال للوصايا
وقال لينا ياجماعة نكون واضحين انا ماعندي حق الوزن
والعاوز يرسل اي شيء يدفع الوزن معاه
قوم يا العزابة جيبوا الميزان
اها 10 كيلو
وانت كم 17 كيلو
وانت يا الأغبش هدومك دي كم 20 كيلو
وهلم جرا 000
المهم الكيلو 25 ريال
والجماعة وزنوا مالايقل عن 200 كيلو
الراجل طبق الفلوس وسافر بالباخرة
الوصايا وصلت
لكن بعد العيد بـ 15 يوم !!!
|
Post: #10
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-18-2011, 10:35 AM
Parent: #7
كيف يا أمير 00 أخبارك شنو
شفقان جنس شفقة
اصبر شوية خلينا نوريك أسهل الطرق الى المنشية
عاوزنكم ياناس تبنوا في المعمورة والمنشية والرياض
بلا صالحة بلا قيعة معاكم !!!
|
Post: #12
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابراهيم محمد الحسن
Date: 12-18-2011, 11:04 AM
Parent: #10
سريع ،،
عشان أنا جهزت ال 10 ألف ريال ....
قال صالحة قال ،،
|
Post: #13
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-18-2011, 11:11 AM
Parent: #12
اشكر كل الذين اضاءوا هذا البوست
وسوف ارد عليكم
أول شيء نشوف الناس الشفقانين ونكمل ليكم النظرية
عشان قروشكم مايروحن شمار في مرقة
وتحاولوا تستفيدوا من كل ريال
شايف الجماعة مزنوقين
قال زنقة زنقة قال !!!!
|
Post: #15
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-18-2011, 11:15 AM
Parent: #13
طبعاً ما ممكن أتعاور وارسل العشرة الف ريال بأخوي وأخوك
اول شيء اتوضيت
واتجهت على القببلة ومن ثم استخرت
معليش في الغربة وخاصة حينما أكون عزابي أحلم بالكثير من الكوابيس
سواء كنت متوضيء
أو غير متوضيء
فلابد أن تزورني ما بين الثانية والثالثة صباحاً
كعادتها ورغم هذه الاستخارة لم تتوقف
وحينما سألت أحد الشيوخ قال لي هذه أضغاث أحلام
وبعد أضغاث أحلام دي رسلت القروش دقشة واحدة
وليس بالقطارة كما يفعل بعض الناس الجـــــبــــــا نـــــيــــــن الذين يخافون من الاستثمار !!!
عدلت ليكم الجــــــبـــــــا نـــــــيــــــــن دي
|
Post: #14
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: عثمان رضوان
Date: 12-18-2011, 11:13 AM
Parent: #12
الأخ أبو حراز
تحياتي
مجربة ومربحة قال.
ِمن الكلام كله بِقى قال.. قال
معناتا الحكايا بايظة خالص.
نشوف آخرتها.
|
Post: #16
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-18-2011, 11:26 AM
Parent: #14
في نفس الأيام مراسل معي بالمكتب عرض علي فكرة جميلة جداً
هندي بالمناسبة
يشهد الله حينما رأيت في الصور بيته المكون من طابقين
وزوجته أصبت بالكثير من الاحباط
بل ضيق في التنفس
وآلام حادة في المفاصل
البيت ماشاء الله
أما الزوجة فلابد حينما تنظر اليها أن تقول الصلاة على النبي
جمال مدهش
وكلما يتصلون على بعض يضحكون
يوم واحد ماشفت الراجل { صر } وشو ومد بوزو كما نفعل نحن
فلا تطلب منه اي شيء سوى المحافظة على صحته
يوم واحد ماقالت ليهو اسطوانة الغاز كملت
أو عاوزة لي توب لزواج صديقتي
قال رومانسية ماعندنا قال !!!
المهم برجع ليكم بعد شوية ان شاء الله
وحكاية أخرى
واستثمار آخر مع الهندي !!!
|
Post: #18
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: jini
Date: 12-18-2011, 11:30 AM
Parent: #16
| Quote: جمعت { 20 } الف ريال بعد حراق روح و { 60 } شكلة مع ست النفر |
الطمع ودر ما جمع!
ولمن لميت العشرين الف دى نفسك ما قام!
جنى
|
Post: #37
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-19-2011, 05:20 AM
جني 00 تحياتنا 00 اتابعك باهتمام
Quote: الطمع ودر ما جمع!
ولمن لميت العشرين الف دى نفسك ما قام!
جنى |
عارف ياجني ال 500 ريال هنا توجد في فك التمساح
والواحد منا يحاول آلاف المحاولات لأجل أن يأخذ هذه الخمسمائة
وبعد كل هذه الصعوبة التي تأتي بها
فإنها تذهب كما تذهب الأرنب
والمدهش كلما وفرت ليك الفين تلاتة تظهر ليك عشرات المشاكل
وما يحز في النفس أنك حينما تسافر للسودان تظهر ليك حاجات غريبة جداً
باب الحوش فجأة يقع
وحيطة الحوش بقدرة قادر فجأة تنفــزر
أما الدبلوسي فحدث ولا حرج
أشياء كثيرة لاتسقط الا في إجازتك السنوية
|
Post: #19
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-18-2011, 11:35 AM
Parent: #16
الهندي يعرف أنني بلا بيت رغم أني مديره
وكان يستغرب لذلك كثيرا
بل يكاد لايصدق
وحينما اقول له القطعة في اطراف الخرطو م بـ 500 الف ريال يندهش كثيراً
الرجل باختصار يشتري بطاقات سوا
يقوم بالتحويل والبيع
ولديه عجلة يمر بها على كل المحلات التجارية
وطلب مني مبلغ 10 الف ريال لزيادة رأسس ماله
وأنه سيمنحني الثلث لقاء هذا العمل
وبالفعل منحته المبلغ وانا اعرف جيدا انه لايمكن ان يهرب به
وذلك لأن استحقاقاته لدي { اي استحقاقات نهاية الخدمة }
الشهر الأول أعطاني 1100 ريال
والشهر الثاني 700 ريال
الشهر الثالث 900 ريال
مرة زيادة ومرة ناقص
وهكذا حتى اكتمل العام
لأجد أن ما أخذته من ارباح بلغ في نهاية السنة 11 الف ريال
وحينما قررت السفر أعطاني راس المال
ليصل اجمالي المبلغ الى 21 الف ريال !!!
ومن ثم سافرت الى السودان
وذلك لجمع المبلغ الباقي من قريبي بالسودان
اي ارباح البلك والطوب الأحمر
ولأول مرة أدخل الى البيت تملؤني الابتسامة
حتى علقت { ست النفر }
يازول لقيت ليك خزنة وللا شنو ؟؟؟
|
Post: #17
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: بشير حسـن بشـير
Date: 12-18-2011, 11:28 AM
Parent: #14
.
.
| Quote: بلا صالحة بلا قيعة معاكم !!! |
هوى يا أبو حراز ، صالحه المابيها ده بعد يفتحوا مطار الخرطوم
الدولى سنة 2050 م ، حيكون ليها شأن كبير.
قال مطار الخرطوم الدولى قال
مع تحياتى
.
.
.
|
Post: #20
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-18-2011, 11:41 AM
Parent: #17
مشيت الفواتح والمناسبات
وأنا ارفع في الفاتحة وبالي في الطوب الأحمر
واصبح هاجسي الوحيد متين أمشي الخرطوم
بعد اسبوع من الانتظار الممل 00 اتصلت على صاحبي
ماشاء الله تبارك الله
فقد استقبلني بحفاوة بالغة في التفلون
بل وطلب مني الحضور للخرطوم
وسافرت اليه 000000
|
Post: #21
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-18-2011, 11:52 AM
Parent: #20
استقبلني الرجل بكباية عصير { مشكّل } حجم عائلي
ومن ثم اتجه بي الى سوق الناقة
حيث دخلنا الى إمرأة يعطر { دخانها } المكان
مع نقوش حناء جميلة جدا
وتبدو في بداية الثلاثين من عمرها
رشيقة وجميلة ومهذبة
وذهب الرجل للجزارة
ومن ثم احضر 3 كيلو ضان لزوم الشية
وقاتم المرأة بعمل الشية
ومعها البصل والليمون والشطة والشامبيون والشلطة { المقصود السلطة الخضراء }
والله أكلنا حتى تصبب جسمنا عرقاً
وتركنا نصف الشية في مكانها
ومن بعدها الشامبيون !!!!
ثم القهوة والشاي
تخلل كل ذلك ونسة عادية ولم نأت للطوب الأحمر والبلك حتى اللحظة
المهم بعد ان ركبنا سألته 00 اها يا حبيبنا مشروعنا ماشي كيف
فاعتدل في جلسته ورد قائلاً ::
طبعاً انت ماغريب علينا
قبل اربعة شهور ابوي كراعو انكسرت
وأمي والله جاها تايفويد مرتين
ماخلينا عيادة مامشينا ليها
ومرتي حاولت تفتح باب البوتوجاز طلع منو فااااااااااااااااااار
اتخلعت المسكينة
وللأسف بسبب الفار أجهضت !!!!
أما اختي جاية بالليل من الجامعة قام عضاها كـــــلــــــب !!!
اها وان شاء الله أديتوها الحقن ؟؟
والله عليك أمان الله 14 حقنة !!!
كل هذه القصة والطوب الأحمر لامكان له من الإعراب
اها 00 وبعدين !!!
والله الطوب سعرو زاد
والبلك ارتفع سعرو عشان ارتفع سعر الأسمنت
عشان كده التجارة خسرانة
وانا محتفظ ليك بالبمبلغ دا
وناولني ظرف
لأجد فيه 400 الف بالقديم
هي مجمل رأس المال والأرباح خلال عام كامل !!!!!
|
Post: #22
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-18-2011, 11:55 AM
Parent: #21
أها عارفين أجمل واسهل طريقة لاستثمار أموالكم بالسودان هي شنو
تخت
قروشك
تحت
المخدة
وكل
يوم
تقوم
من
النوم
تعاين
ليهن
وترجعهن محلهن !!!
قال يبني بيت في صالحة قال !!!
|
Post: #23
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: محمد عبدالرحمن
Date: 12-18-2011, 11:59 AM
Parent: #20
ايوا دى الكتابة ياسلااام ياخ ..من فارقتنا وسكنت
الصالحة بقيت عرضة للاحتيال والنهب ..اهلنا ناس الجزيرة
الواحد كان عايز يصرف مليون يلم الاسرة كلها عشان
يشاورها ..جلسات تقوم وتقعد حتى يتم التصديق بالصرف ..
لكن اظنك اتفلهمت وعايز تتبوبر ..اها اتبوبر ..
قال استثمار قال ..
|
Post: #24
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: جمال الباقر
Date: 12-18-2011, 12:30 PM
Parent: #23
والله لكن الراجل ده اداك سيك عدييييييييل كدة
ولا اقول ليك اسنى في قبولك
قال ابوي كراعو اتكسرت قال
|
Post: #48
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-20-2011, 05:56 AM
Parent: #24
أخي جمال الباقر
كثيرون دقسوا مثلي
والمشكلة أن الوضع قد تغير كثيراً 00 تغيرالى الأسوأ
واصبحنا نتعامل مع الكثير من { المواسير }
اشاهد حالات احتيال كثيرة
والحق يقال أنه جاء الوقت الذي نغير فيه من بعض عاداتنا وسلوكياتنا
فلا أدعو للأسواء
فمن الصعب ان يتبدل الإنسان من الأحسن الى الأسواء
ولكن علينا ان نتعامل بحذر في الكثير من أمور حياتنا
فالسذاجة وحسن النية يجب أن تحمل بعد ذلك في نعشها ويتم مواراتها الثرى
|
Post: #25
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: محمد على طه الملك
Date: 12-18-2011, 12:49 PM
Parent: #23
Quote: أوقفنا كل شيء
الثياب
والذهب
وفير آند لفلي
وعاوز أجي عمرة
وريحة الطهور
والعرس |
تستاااااااهل..
أكتر من الطوب..
شوف هنا إنت عصيت كم؟
الله..
المره..
العروس المسكينه كل يومين شريحة .لا من بقت سارحه..
قال صالحه قال..
..
يمين ليك وحشة.
|
Post: #26
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: نوفل عبد الرحيم حسن
Date: 12-18-2011, 01:24 PM
Parent: #25
طبعا نحن ناس السودان بنستثمر في المغتربين الداقسين
قال مغتربين قال
|
Post: #27
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: عبدالله ود البوش
Date: 12-18-2011, 02:10 PM
Parent: #26
ابو حراز سلامات ياخي
البشوف نصائحك لي اقول الزول دا مقددا
.
.
.
قلت لي فتحت الظرف قايلن تلاطاشر مليون ونص
اححح يا بطني .... اها كان تمشي صينية القندول تاخد ليك لفتين تلاتة
تخلص الباقي
الوش اللخدر دا بجيبوهن كيفن ما عارف .... الجهل كعب
قال قندهار قال
|
Post: #53
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-23-2011, 09:04 AM
Parent: #27
أخي عبد الله ود البوش 00 تحياتي
Quote: ابو حراز سلامات ياخي
البشوف نصائحك لي اقول الزول دا مقددا
.
.
.
قلت لي فتحت الظرف قايلن تلاطاشر مليون ونص
اححح يا بطني .... اها كان تمشي صينية القندول تاخد ليك لفتين تلاتة
تخلص الباقي
الوش اللخدر دا بجيبوهن كيفن ما عارف .... الجهل كعب
قال قندهار قال |
كيف أخبار شنطتك 00 ان شاء الله تكون اتملت قروش لي حلقها ؟؟
معانا واحد ارسلوا ليهو 20 خطاب
كلها مفادها انو فاز بجائزة 2 مليون دولار
انت عارف حينما فاز هذا الصديق لم يكن لنا اي نقاش سوى الجائزة
عليك أمان الله العندو زوجة نساها
والعندو وليدات نساهم
واصبح صاحب الجائزة مثل توم كروز
حتى الصلاة اصبحنا نقدمه عشان يصلي بينا غمام
وظهر على السطح اكثر من 15 واحد
كلهم طلعوا قرايب لصاحبنا
والمشكلة نتشاكل فيهو
كل واحد يعزمو عشان ينوم معاهو
والمدهش واحد جاب ليهو ظرف
ولمن فتح الظرف وجد مكتوب فيه
{ الشيخ الجليل عبد الجليل 00 والله تعاني منطقتنا من شح المياه }
عاوزين لينا بيرين موية 00 وكان الله في عون المحسنين
المهم يوم الرجل وهو مرتفع المعنويات للطيش زارني في البيت
وعرفت الحكاية مسرحية كبيرة
واحتيال مدروس ومؤسس
فأقنعته بأن ينسى موضوع الجائزة
الراجل { صر } وشو
وبعد شوية قام يصلي العشا
وجدته وقد اتجه على جيزان في الجنوب
بينما مكة المكرمة في الغرب
|
Post: #52
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-21-2011, 04:47 PM
Parent: #26
الأخ نوفل 00 تحية
Quote: طبعا نحن ناس السودان بنستثمر في المغتربين الداقسين
قال مغتربين قال |
والله فعلاً داقسين لدرجة العوارة
واحد قبل فترة اشترى ارض بـ 90 مليون وسعرها الحقيقي لايتجاوز 50 مليون
وصاحبنا التاني قريشاتو كلها اتبوبر بيها بسيارة كامري
اها الجماعة لمو فيه
بيع الكامري اشتري اتوس واعمل ليك بقالة
طوالي بكرة مشى اشترى الفحم وشاي الغزالتين وعدس الوابل
وبالطبع الأتوس
شاف ليهو سواق للأتوس 00 اكلها كلها بعد شهر واحد
باع الأتوس اشترى ركشة
بعد شهرين باع الركشة
وباع باقي البضاعة
وخسارات تقييييييييييييييييييييييلة
لكن برضو مادقس شديد
خلى باقي قروش اشترى بيهم { عجلة } !!!!
قال كامري قال !!!
|
Post: #50
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-20-2011, 05:02 PM
Parent: #25
أخي محمد علي طه الملك
تحية دسمة جداً
Quote: تستاااااااهل..
أكتر من الطوب..
شوف هنا إنت عصيت كم؟
الله..
المره..
العروس المسكينه كل يومين شريحة .لا من بقت سارحه..
قال صالحه قال.. |
..
يمين ليك وحشة.
يكون ياربي دي دعوة الجماعة القطعنا منهم الموية والنور
ست النفر شمتانة عشان ماشاورتها في الموضوع
برضو قالت لي تستاهل
لكن ما حا اتفق معاك في عصيان الله
لأنو قبل كده واحد قادينا عاوز اجي عمرة
كل يوم اتصال اتصال
وأخيراً ارسلنا ليهو
عارف الراجل بعد ماوصل جدة لاشاف مكة ولا المدينة
طوالي لقى سيارة تهريب ماشة وادي الدواسر
وعيييييييييييييييييك !!!
عارف القطعة في صالحة كم
65 مليون فما فوق
اما مع الزلط فلا تصدق ان قلت اليك ان السعر فوق للثلاثمائة مليون !!!
|
Post: #47
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-19-2011, 03:41 PM
Parent: #23
مشتاقين بحرارة أخي محمد عبد الرحمن
Quote: ايوا دى الكتابة ياسلااام ياخ ..من فارقتنا وسكنت
الصالحة بقيت عرضة للاحتيال والنهب ..اهلنا ناس الجزيرة
الواحد كان عايز يصرف مليون يلم الاسرة كلها عشان
يشاورها ..جلسات تقوم وتقعد حتى يتم التصديق بالصرف ..
لكن اظنك اتفلهمت وعايز تتبوبر ..اها اتبوبر ..
قال استثمار قال .. |
والله بوبار لدرجة العوارة
أكيد إنت سمعت بعوضية عضلات
ونهى جركانة
وتوتا برميل !!
لكن ما استغرب له { فايزة } بوبار
حيث زارتنا نساء بالبيت بالحصاحيصا
وهم من النوع أبو شلوخ والمنتهي الصلاحية من جميع النواحي
وكثيراً ما احظى بتوصيل هذه { الدقة } القديمة الى بيوتهن
حيث تأتيني ست النفر
قوم وصل خالاتك ديل
تعال سلم على خالاتك ديل
تعال أتونس مع خالاتك ديل
أما حينما يزور البيت ملائكة من اللايئ يلبسن الاسكيرت والبلوزة
أو الجنز والبلوزة
فلا مكان لنا من الإعراب
عليك أمان الله الا تشوف النعلات والشباشب في الباب
ويدخلن ويمرقن زول واحد يجيب خبرك مافي
المهم الخالات لمن سألتهن وين ماشات
رددن بصوت واحد { ماشين ناس فايزة بوبار } !!!!
والله انا بتصرفي مع صاحبنا بتاع سوق الناقة غلبت ليكم فايزة بوبار 7 صفر !!!
ياخي شكرا ليك على رفع المعنويات
ودربيعة الأنثى الرائعة الراقدة على صدر الليل تغريك التحايا
لوحت لي هذه القرية الجميلة بيديها
لوحت لي وأنا أغادرها
كانت مليئة بالحزن
ولكن حينما أخبرتها بانني ستفتها بين ضلوعي ابتسمت
ابتسمت ليس لي
بل لكل الذين عجنوها بطميهم وجيناتهم !!!
|
Post: #45
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-19-2011, 09:36 AM
Parent: #17
أخي بشير
أول شيء قبل ما ننسى عاوزين لاب توب توشيبا رخيص جدا
هوى يا أبو حراز ، صالحه المابيها ده بعد يفتحوا مطار الخرطوم
الدولى سنة 2050 م ، حيكون ليها شأن كبير.
قال مطار الخرطوم الدولى قال
مع تحياتى
.
انا اول شيء اشتريت في مربع 24 حي الجامعة
وكنت كل سنة بنزل السودان وبقيف قدام القطعة بقرا عليها الفاتحة
عارف ليه 00 لأن بنيانها صعب جدا
تاني الجيران كلهم ناس غنيانين للطيش
اقرب واحد راكب جيب لكزس 2011
والله لو { كلكلتو } ما يضحك ليك
اربعة قطع خلاء ساي تخص مغتربين هي الوحيدة التي لم ترفع رأسها لأعلى
بينما القطع التي بجوارها تخص مسئولين وتجار مبنية عدة طوابق
عشان كده قلنا العرجاء لي مراحا
وذهبنا الى صالحة بخفي حنين
هناك الناس جميلون حد الدهشة
وكما قلت لك أكثر ما اعجبني في صالحة أنها بلا مقابر !!!
|
Post: #33
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-18-2011, 05:05 PM
Parent: #14
سلام أخي عثمان رضوان
Quote: الأخ أبو حراز
تحياتي
مجربة ومربحة قال.
ِمن الكلام كله بِقى قال.. قال
معناتا الحكايا بايظة خالص.
نشوف آخرتها |
اها شفت آخرتا ؟؟
والله بس الواحد يحمد ربه إنو ايمانو تمام
والا كان بعد فتح الظريف الواحد يلقط ليكم الأكياس من سوق الناقة لحد ودربيعة
المكنة خفيفة
ولكن الحمد لله أصلية !!!
وهي مجربة ومضمونة
فقد سبق في العهد البائد ان أحببن إحداهن
وكنا نلتقي معها بالسوق الشعبي
فجاة يوم خطفها أحد صقور أبوظبي
ولولا أن مكنتنا جيدة
وليس من نوع المكنات المواسير التي تخبط في أول مطب
لهذا تحملنا الصدمة
ولكن مشيت من السوق الشعبي لحد الفتيحاب راجلاً
والمدهش أن أي زير سبيل قابلني شربت منو !!
ما يدل على ان الماكينة يابانية 100%
|
Post: #35
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: محمد النيل
Date: 12-18-2011, 05:10 PM
Parent: #33
Quote: ولكن مشيت من السوق الشعبي لحد الفتيحاب راجلاً
والمدهش أن أي زير سبيل قابلني شربت منو !!
ما يدل على ان الماكينة يابانية 100% |
ههههههههههههههههههههها
|
Post: #29
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-18-2011, 04:11 PM
Parent: #12
أخي ابراهيم
| Quote: عشان أنا جهزت ال 10 ألف ريال .... |
اها ياعمك ارسل العشرة الف دي عشان نشغلها ليك معانا بطاقات سوا
استخير وبعدها اتخذ القرار
انا اشتريت قطعة في صالحة عشان حاجتين
{ 1 } ممكن تشحد الملاح بالحيطة وكان عندك بليلة زايدة ترفعها بي فوق الحيطة
{ 2 } ما فيها مقابر !!!!
|
Post: #30
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: طارق ميرغني
Date: 12-18-2011, 04:29 PM
Parent: #29
طيب يا ابو حراز
خلينا من الطوب ....
ممكن نستخدم الهندي بتاعك ؟؟؟؟
|
Post: #31
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: محمد النيل
Date: 12-18-2011, 04:56 PM
Parent: #30
أخ ابو حراز
الجاتك فى مالك سامحتك
........
لا تأمن بعد الآن حتى المخدة
لان المثل سينتقل الى : الجاتك فى مخدتك سامحتك
.........
الإستثمار هذا بيخص الناس العندها دول ومقومات دولة
يا جماعة السودان ليس بدولة
السودان مجرد أرض مليانة غبار وكتاحة ######انة فيها ناس إسمهم اهلنا + حكومة سعرانة عاضيها ###### مقرد
السودان عبارة عن فندق ولا تامى نص نجمة اهلنا قاعدين فيهو بمصاريف فندق عشرة نجوم
.........
والله لولا الاهل وصررنا المدفونة هناك ما كنا مشينا ليهو
السودان إنتهى باى باى
واللى بيفكر يعمل إستثمار هناك يكون زول داقس بس
ناس عندهم عمارة 4 طوابق ما قادرين يعيشوا فيه .... تقول لى الصالحة؟؟؟؟
..........
الإستثمار يحتاج لمقومات كثيرة
السودان مافيهو ولا 1% من هذه المقومات
......
شكرا لتنوير الناس يا ابو حراز
|
Post: #34
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: شهاب الفاتح عثمان
Date: 12-18-2011, 05:10 PM
Parent: #31
| Quote: شكرا لتنوير الناس يا ابو حراز |
و الجاتك في استثمارك في السودان سامحتك, و خدمت شريكك
تحياتي
|
Post: #32
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: معاوية عوض الكريم
Date: 12-18-2011, 05:01 PM
Parent: #30
كان تتعوض بباقي الشية بتاعت قندهار
وتلف الباقي الخليتوهو دا في كيس !!
الزول دا من ودّاك قندهار انا عرفت القصة بايظة هههه
قال شية في قندهار قال
|
Post: #36
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: معاوية عوض الكريم
Date: 12-18-2011, 06:15 PM
Parent: #32
انت ضارب 3 كيلو شية ، داير ليك ربح ؟
|
Post: #38
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: امير مصطفى احمد
Date: 12-19-2011, 07:07 AM
Parent: #36
حكمة للاستثمار في السودان
مرة من المرات بعد عودتي من السودان جيت متحمسا جداً لمشروع شراع حافلة ركاب
وقلت بس وصلتي كدا الملم اطرافي واخش لي في صندوق واستلف من الشركة وابيع دهب المراءة واعمل اي حاجة واوفر حق الحافلة
المهم
جاني صديق من ديناصورات الاغتراب والذين لديهم قواميس وكتب ومراجع في الإستثمار ( الذي استثمار ابو حراز دا )
اها قام سألني سؤال قال لي مشروع الحافلة مربح بس الحيسوق الحافلة منو ؟؟؟
قلت ليهو كيف يعني البسوقها منو ؟
قال لي في السودان دا
الحافلة يا تسوقها انت براك
يا تسوقها
امك !!!
تاني ما تضمن ابوك ولا اخوك
|
Post: #39
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: طارق عبد اللطيف نقد
Date: 12-19-2011, 07:43 AM
Parent: #38
العزيز ابو حراز
الاستثمار ما عندك لكن
هو اصلوا المغتربين الفارات ديل
البلقوا الريالات والكنجالات ديل
بالساهل كده
وهم مدغسيب الخليجيين الوهم ديل
نحن كمان ما لازم ندقسهم كده
والله نفس التجربه مع واحد صاحبنا
في مجال اسبيرات العربات
وللان ولا ريال ما رجع
لكن الراجل دخ السجن
اصلوا السودان ده
فوق كل زي علم عليم
اما مجال الحافلات
قال ليك
لو السواق ابوك والكمساري امك
ما تستفيد شيء
الجاتك في استثمارك سامحتك
|
Post: #40
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: عثمان رضوان
Date: 12-19-2011, 07:56 AM
Parent: #39
Quote: قال لي في السودان دا
الحافلة يا تسوقها انت براك
يا تسوقها
امك !!!
تاني ما تضمن ابوك ولا اخوك |
قال ليك في واحد إتعوق كتير.. قام إشترى ليه
ركشة . مشى للغسال الجمب بيتهم، قال ليو أنا كل
يوم بجيب ليك الإيراد..
لكين كان جيتك أنا دا ما تديني
|
Post: #41
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: موسي عيسي
Date: 12-19-2011, 07:57 AM
Parent: #39
يا ابو حراز مالك رجتنا لحبوب الضغط و الرطوبة
و المصران ما كنا كويسين رجعت من الاجازة قبل
اسبوع و نسيت المغص بتاع الاستثمار في السودان
تاني رجعتنا مالك !!!!
قال ايه قال الاستثمار في الكلاكله قال .
بالله تلفون الفرد الهندي دا لو سمحت .
|
Post: #42
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: الحاج حمد الحاج
Date: 12-19-2011, 08:04 AM
Parent: #38
Quote: استقبلني الرجل بكباية عصير { مشكّل } حجم عائلي
ومن ثم اتجه بي الى سوق الناقة
حيث دخلنا الى إمرأة يعطر { دخانها } المكان
مع نقوش حناء جميلة جدا
وتبدو في بداية الثلاثين من عمرها
رشيقة وجميلة ومهذبة
وذهب الرجل للجزارة
ومن ثم احضر 3 كيلو ضان لزوم الشية
وقاتم المرأة بعمل الشية
ومعها البصل والليمون والشطة والشامبيون والشلطة { المقصود السلطة الخضراء }
والله أكلنا حتى تصبب جسمنا عرقاً
وتركنا نصف الشية في مكانها
ومن بعدها الشامبيون !!!!
ثم القهوة والشاي |
ياخي دا كلو و كمان تركتوا نصف الشية في مكانها و من بعدها الشامبيون طيب داير شنو؟
يا زول يمكن صاحبك دا استثمر مع المرة بتاعت قندهار دي!!
قال طوب قال.
|
Post: #43
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: ابوحراز
Date: 12-19-2011, 09:06 AM
Parent: #42
العمار
عمر منجي
ابراهيم الحسن
جني
بشير حسن
محمد عبد الرحمن
جمال الباقر
محمد الملك
نوفل عبد الرحيم
ود البوش
طارق ميرغني
محمد النيل
شهاب الفاتح
معاوية عوض الكريم
أمير مصطفى
طارق نقد
عثمان رضوان
موسى عيسى
الحاج حمد الحاج
الفااااااااااااااااااااااااااااااااااااااااااااااااااااااااااااااا تحة !!!!
بوست ضكر بامتياز
وكأن نسوان البورد ليس لهن علاقة بالاستثمار
يعني ماعرفنا نحن في صيوان عزاء أم داخل دهاليز سوق الناقة
أضحكتموني كثيرا بتعليقاتكم الساخرة واللاذعة بلطف ومحبة
ولكن مايحز في النفس أنه لاتوجد أي إمرأة حايمة بالبوست
قال شلطة خضراء قال !!!
|
Post: #44
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: امير مصطفى احمد
Date: 12-19-2011, 09:16 AM
Parent: #43
ما هن النسوان ذاتن سبب نجاح الاستثمار دا
اكيد لو الواحدة ما زنت في اضانك كل يوم اعمل ليك حاجة بي هناك واستثمر في داك وداك ما بتسكت
وهن مستثمرات في الدهب المجمر
قال نسوان مستثمرات قال
|
Post: #46
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: عبدالله الشقليني
Date: 12-19-2011, 09:36 AM
Parent: #44
Quote:
الحبيب أبوحراز
سلامات
يعني " جوعَة سنة " ونخُتْ تِحت المخَدّة ؟
|
|
Post: #49
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: محمد عبد الماجد الصايم
Date: 12-20-2011, 08:46 AM
Parent: #46
Quote: الحافلة يا تسوقها انت براك
يا تسوقها
امك !!!
تاني ما تضمن ابوك ولا اخوك |
أُثنّي!!
قال أمّك قال!!
|
Post: #51
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: Ahmed musa
Date: 12-21-2011, 06:37 AM
Parent: #49
والله قصّة
غايتو يا أبوحراز
مافي حاجة نقولها
|
Post: #54
Title: Re: أجمل وأسهل طريقة لاستثمار أموالكم بالسودان 00 مجربة ومربحة !!!
Author: doma
Date: 12-23-2011, 09:41 AM
Parent: #51
ههههههههههههههههههههههههه
ويا اب حراز اختك ممكونه
ما بقدر ابوح ما بقدر اصرح
قبل كم يوم اتصل علي ولدا لينا
قال لي يا حاجه في مشروع كدي ما نفيدكم بيه انتوا
لووووووووول قلت ليه والله يا ولدي راجلي حالف طلاق تاني ما يستثمر في السودان
يا زول دي بير ام جب
في حاجتين لو الزول سواهن
لا يلومن الا نفسه
الاستثمار مع سوداني
او اقراض سوداني اي مبلغ من المال
|
|