Post: #1
Title: نحن حالفين نكون !؟
Author: زهير عثمان حمد
Date: 12-17-2011, 11:20 PM
#
أنا وأنتي حالفين نكون عشاق للابد
وفي الابداية ذاته نعمل بلد
بلدا تضمنا وتلمنا
في السعد...
انضر ضفاف جمعن نيل وأنين
جلستنا وين فوق قوس قزح
لا لا خلينا جنب القمر
ولا تعالي ندفن قلوبنا
في أرض بالجد حنينه
ادت الخضرة وحاجات بهيجه
زي ضحكتك وقت الاماسي
ولماالدنيا تبرق من سنونك ضيء
أخ أنا بريدك وانت بتريديني
وجعا جميل جوانالكين نهايتا ريده وبس
ما قلتي أنت روحي وأغلي من عويناتي
أخ أنا انت ما دنياي لما الدنيا بخلت
علي ما أدتني غيرك
موجوع أنا وكيف العلاج
لا حلمنا بقي واقع
أها بنحاول وبنصارع
لا ظروفنا بساعد
بس بقت حكايتنا حلم في حلم
حلم الصاحي في صحاينو بتخلاع
مليان خوف ومرعب
من ليل طويل دامس
ما عارف قدرو شن نوعو
فراق وكره بغيض بالحيل
ولا غربة تمزق أواصر بنينهابالدموع والدم
وأخ وأخ لو بقيتي ذكري مرارةعبراتي
تفقع المغلوب
بريدك وناوي من قبري أريدك
وتعالي نسوي لينا قبور
ندفن فيها أحزانا وتكون جوانا
في أروحنا سكننا
واحسرتي ما بقيتي محال
ما بقيتي محال
لكين نحن حالفين نكون عشاق للابد
وفي الابدية نسوي لينا بلد!
واحد متجرس شديد جدا
|
Post: #2
Title: Re: نحن حالفين نكون !؟
Author: سفيان بشير نابرى
Date: 12-18-2011, 00:02 AM
Parent: #1
يشهد خالقي أبو الزهراء دا
لاقيتو قبل شوووية في برنامج
غادة بت سهام المجر و مجتبي
محسي .
شدددديد و لضيض .
|
Post: #3
Title: Re: نحن حالفين نكون !؟
Author: معاوية المدير
Date: 12-18-2011, 01:01 AM
Parent: #2
Quote: يشهد خالقي أبو الزهراء دا
لاقيتو قبل شوووية في برنامج
غادة بت سهام المجر و مجتبي
محسي .
شدددديد و لضيض . |
بيكون كان متماسك يا سفيان.
والله صحي...
|
Post: #4
Title: Re: نحن حالفين نكون !؟
Author: Elmoiz Abunura
Date: 12-18-2011, 01:05 AM
Parent: #2
اخى زهير
| Quote: واحد متجرس شديد جدا |
انت الظاهر عليك داير ترجع تانى لبيروت
مع ودى
|
|