Post: #1
Title: شوفوا الضيف دا قدمو ليهو ملاح لوبة شوفوه قال فيهو شنو
Author: صديق مهدى على
Date: 12-17-2011, 10:53 PM
Parent: #0
طبعا الضيف جعان و زى ما بقول المثل الجوع كافر لكن مع انو جعان و جابو ليهو قدح عصيدة
بملاح لوبة و بدأ يتمطق لكن بعد دا كلو مشكلتو مع ملاح اللوبة ما زالت قايمة لان ملاح اللوبة
قبال سنين فضحو مع نسيبتو و اصحابو عشان كدى بمجرد ما شاف القدح و البوخ قال لناس البيت
دا زحو منى من زمن مكجنو و ما بيهو من صفقو العراض فى الحفر كابى طقطق فى الضلع متوجه
اجعابى حمانى الفرا و جلست اصحابى.
|
Post: #2
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: معاوية المدير
Date: 12-17-2011, 11:10 PM
Parent: #1
يا عادل الباهي،
تضحك بلآهن يعجبك خلآهن.
يا صديق وحات ربي إنت زول مِحن...
|
Post: #3
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: صديق مهدى على
Date: 12-18-2011, 10:09 AM
Parent: #2
يا ود المدير انت شكلك كدى زول نضيف و حريف بس اوعى تقرب ملاح اللوبة عشان ما يحرجك وسط الحريم.
|
Post: #4
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: ود الباوقة
Date: 12-18-2011, 10:15 AM
Parent: #3
| Quote: يا ود المدير انت شكلك كدى زول نضيف و حريف بس اوعى تقرب ملاح اللوبة عشان ما يحرجك وسط الحريم. |
اها يا ودعمي
احسن كدا برضو...
........................
فجاخ
لك التحية
|
Post: #5
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: ABUHUSSEIN
Date: 12-18-2011, 10:16 AM
Parent: #3
هو أمبارح السبت و الليلة الأحد....؟؟؟؟؟
يا دووووووووووووووووب فهمنا الحاصل شنو ...!!!!
و الله بكري دا مفروض إعمل ليه لمبة حمراء يعلقها في بوستات الزول دا ...
|
Post: #6
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: عادل الباهي عبدالرازق
Date: 12-18-2011, 10:31 AM
Parent: #2
Quote:
يا عادل الباهي،
تضحك بلآهن يعجبك خلآهن.
يا صديق وحات ربي إنت زول مِحن... |
معاوية ياحبيب
رسل الترجمة لاخوك في الخاص
انت ملاح لوبة دا مشتق من اللوبي الصهيوني ؟
صديق مهدي الله يديك العافية يأخي .
|
Post: #7
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: الطيب شيقوق
Date: 12-18-2011, 12:56 PM
Parent: #6
ود المهدي
وكمان كان بقيت لسانك طويل وبتتفاصح وسط المجالس بقطع لسانك طاااااااااااااااااااب
|
Post: #8
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: محمد يوسف الزين
Date: 12-18-2011, 01:00 PM
الترجمة يا عمك
|
Post: #9
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: معاوية المدير
Date: 12-18-2011, 01:41 PM
Parent: #8
الضيف قال لناس البيت:
دا زحو منى من زمن مكجنو و ما بِى
من صفقو العراض فى الحفر كابى
طقطق فى الضلع متوجه اجعابى
حمانى الفرا و جلست اصحابى.
Quote: معاوية ياحبيب
رسل الترجمة لاخوك في الخاص
انت ملاح لوبة دا مشتق من اللوبي الصهيوني ؟ |
يا ود الباهي، و ود الزين،
لازمانا الترجمة عشان ما تمشوا
تختولكم ختة زي حقت الضيف ده.
قبل الترجمة الفي الصورة ده بتعرفوا ؟؟؟
صهيوني شنو كمان يا ود الباهي ؟؟؟
هسّع صديق ده بيجي يقلب فيك هُوّبة.
والله صحي...
|
Post: #10
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: عادل الباهي عبدالرازق
Date: 12-18-2011, 02:17 PM
Parent: #9
يا ودالمدير
الفي الصورة دي فاصوليا خضراء
لكن انت بتاع مشاكل الواحد يجيء ماشي
بالدرب تقوم تلم فيهوا تقبقبوا وتسلموا
عمك صديق مهدي يأخي أنا وصديق مهدي دا
البينا عامره بس أطلع منها أنت
الزول دا من كتاباتوا دي زول متمكن شديد خلوهوا يبدع
والله صحي
|
Post: #11
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: معاوية المدير
Date: 12-18-2011, 02:33 PM
Parent: #10
Quote:
يا ودالمدير
الفي الصورة دي فاصوليا خضراء |
كضباً كآضب،
والبوست ده حا اسوقوا أنا لأنوا شيخي صديق
متعود يرش صاحب أوّل مُدآخلة ويغتس.
يعني أنا السواق، والماعاجبو ينزل بالله...
|
Post: #12
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: عثمان محمد كرار
Date: 12-18-2011, 02:51 PM
Parent: #11
قالو لاتاكل اللوبه لاتخاوي النوبه
اللوبه بيفسيك والنوباوي بيسويها فيك
مع الاعتزار للاخوبه النوبه .. نوبة الشمال الاخ فيسل ونوبه الجبال عامر جابر والاخ بريمه
دا طبعا مثل ولايعبر عن رايي تجاه الاخوه النوبه
|
Post: #13
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: معاوية المدير
Date: 12-18-2011, 03:09 PM
Parent: #12
Quote: يا ود المدير انت شكلك كدى زول نضيف و حريف
بس اوعى تقرب ملاح اللوبة عشان ما يحرجك وسط الحريم. |
يهوووووون، ما يقسي. يا قول حبوبي.
متين شفتني قاعد وسط الحريم ؟؟؟
يالطيرة ام طبق...
فوق في راس ضاحك.
اعمل حسابك...
|
Post: #14
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: ABDALLAH ABDALLAH
Date: 12-18-2011, 03:50 PM
Parent: #13
ملاح اللوبه طبخه سودانيه أصليه ميه فى الميه
وزى ما بقولوا
ملاح لوبه بايت يمشى عليهو السيوسيو
وملاح اللوبه زيو وزى ملاح
الويكاب
المِرس
الكوال
وأم شعيفه
| Quote: و الله بكري دا مفروض إعمل ليه لمبة حمراء يعلقها في بوستات الزول دا ... |
الأخ أبوحسين
بوستات حبيبنا صديق شايفك من أكثر الناس إعجاباً بها فما أن يفتح بوست إلا وأنت من أول الداخلين
وبعدين أخونا بكرى بالمناسبه جاره فى فينكس وطبعاً للجار حقوق.
بوستات الحبيب صديق عميقه ما بفهموها إلا ناس زى أخوانا:-
الطيب شيقوق
ومعاويه المدير
Quote: الضيف قال لناس البيت:
دا زحو منى من زمن مكجنو و ما بِى
من صفقو العراض فى الحفر كابى
طقطق فى الضلع متوجه اجعابى
حمانى الفرا و جلسة اصحابى.
|
|
Post: #15
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: عثمان محمد كرار
Date: 12-18-2011, 04:10 PM
Parent: #14
قال الليله جيت مفلق....
لقيت عشاي معلق..
بي ملاح ام بربور من الايدين يتزلق ..
|
Post: #16
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: معاوية المدير
Date: 12-19-2011, 07:57 AM
Parent: #15
Quote: اها يا ودعمي
احسن كدا برضو...
........................
فجاخ
لك التحية |
ود اعمي عمر،
نعلّك والوليدات طيبين ؟؟؟
شايف كلآم شيخ صديق ده عجبك !!!
إتفجخوا إنت وهو الاتنين.
أصلكم الإتنين ناس طير...
|
Post: #17
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: أبوبكر عبد القادر العاقب
Date: 12-19-2011, 08:54 AM
Parent: #16
سلام يا شباب،
Quote: قالو لاتاكل اللوبه لاتخاوي النوبه
اللوبه بيفسيك والنوباوي بيسويها فيك |
دة ود عم المثل البقول: "لا تاكل البايتة ..... "
ود المهدي كان نفسك دخلت في اللوبا ... أقرش ليك قدامو فحمة :)
|
Post: #18
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: عادل الباهي عبدالرازق
Date: 12-19-2011, 09:24 AM
Parent: #11
Quote:
كضباً كآضب،
والبوست ده حا اسوقوا أنا لأنوا شيخي صديق
متعود يرش صاحب أوّل مُدآخلة ويغتس.
يعني أنا السواق، والماعاجبو ينزل بالله... |
ياود المدير أنا ماعندي مانع تسوق البوست دا أنت
لكن شرط قيادة بأهمال وتودي البوست الخور أو حادث حركة
مامعانا تبيعنا في نص الطريق لصديق مهدي بالخسارة مامعانا 
يامعاوية ماتاكلونا حنك ساي الفي الصورة دي فاصوليا خضراء
|
Post: #19
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: معاوية المدير
Date: 12-19-2011, 10:24 AM
Parent: #18
| Quote: يامعاوية ماتاكلونا حنك ساي الفي الصورة دي فاصوليا خضراء |
بتعرف القُوُسِيّل ؟؟؟
|
Post: #21
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: معاوية المدير
Date: 12-19-2011, 11:35 AM
Parent: #20
Quote:
البليلة حسب عمك قوقل |
بسسسسس، قررررط علي كده.
إنت وصلت أهلنا تب...
|
Post: #22
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: معاوية المدير
Date: 12-19-2011, 11:39 AM
Parent: #21
Quote: ود المهدي
وكمان كان بقيت لسانك طويل وبتتفاصح وسط المجالس بقطع لسانك طاااااااااااااااااااب |
عفارم عليك يا قريبي.
أظبطوا علي كوع ظبطوا الـ.........
|
Post: #23
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: معاوية المدير
Date: 12-19-2011, 11:45 AM
Parent: #22
Quote: بوستات الحبيب صديق عميقه ما بفهموها إلا ناس زى أخوانا:-
الطيب شيقوق
ومعاويه المدير |
صدقت يا شيخ عبد الله،
بالحيل عميقة.
يا زول إن شاء الله تبقالك كفارة، والله شُفت البوست
وما قدرت أدخل عليهو. أهلنا قالوا اللوم بيجي بالغفلآت،
دحين أعفى لي.
مرحب بيك في باظ ود المهدي...
|
Post: #24
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: معاوية المدير
Date: 12-19-2011, 12:11 PM
Parent: #23
Quote: دا زحو منى من زمن مكجنو و ما بِى
من صفقو العراض فى الحفر كابى |
عندنا البحر وكِت يتسِّب، القيفة الطويييييلة دي يطلعا فووووو
مِتل الدقر، ومرآت يدخل البيوت.
أها، وكت يشرُد بوراهو القيفة دي بتبقى كركجية، وبيجو عليها
أهلنا بالسلوقة يزرعوها لُوبا وعيش ريف. أها وكت يحشو الجرف
القوسيل اللِيّل اللوبا بيسوا منو البليلة والملآح، وقنقر العيش ريف
بطقطقوا فوق الجمُر، وديل ما بتدهن الجنّبك من حلآتِن.
والله صحي.
بس زي ما قال شيخي صديق بليلة اللوبا ومِلآحا أكان كربت مِنهِن
بيسونها فيّك، زي ما سونها في ضيف صديق. الزول حسب البيتين
الفوق جيعان بالحيل، وعارف مِلآح اللوبا حِلو. لكن بي دا كُلوا قال
مكجنو، وما تجيبوهوا علي، نعمنو قبل اليوم مسويلوا فيهو سالفة.
الضيف ما مكجن الملآح عشان ما حِلو، لا مكجنو بسبب النادرة
السواها فيهو.
في البيت التاني الضيف وصف نبات اللوبا بإنوا صفقوا عُرآض
وفي الحُفر كابي نسبةً لأنّ نبات اللوبا وهو نبات مُلتف يغطي كل
الجرف بصفقه العُراض، وفي الجرف عادةً بتكون في منخفضات
وحُفر نتيجة لعُنف مياه النيل في موسم الفيضان، وهو موسم التساب
أو الدميرة. صفق اللوبيا بتاكلوا الغنم، والصفق الذي يصفر ويقع قبل
وبعد الحصاد نسميه (الكاويقا) و أيضاً نعلفه البهائم.
أها، قصرنا معاكم ؟؟؟
نشرح البيتين التانيات عشان الكترآبة تقوم، واللآ لا ؟؟؟
|
Post: #25
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: فدياس نجم الدين
Date: 12-19-2011, 12:29 PM
Parent: #24
معاويه المدير
ياخي شكرا على الشرح الوافي للبوست
ولو كمان كملت جميلك وجيت شرحت لينا كل ما يكتبه كاتبي المفضل صديق علي مهدي تكون ما قصرت معايا
يلا تم باقي البيتين خلي الكترابه تقوم
ونهدي هذا البوست للمغرض حيدر الزين المترصد والمستهدف للاستاذ صديق علي مهدي عشان يفهم اللهو حيدر طبعا انه ما اي زول بيقدر يفهم بوستات عمو صديق العميقه دي
|
Post: #26
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: محمد عبدالرحمن محمد
Date: 12-19-2011, 01:36 PM
Parent: #25
| Quote: بالسلوقة يزرعوها لُوبا وعيش ريف |
جنا المدير،
حا أغالتك لا بعد باكر في القاف
دي كاف ياخ
والدليل;
نَشْكر المواطن علِي حَسَن سَلُّوكه
ـ
صديق صاحبي كيفنك
|
Post: #27
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: محمد يوسف الزين
Date: 12-19-2011, 05:09 PM
Parent: #26
| Quote: أها، قصرنا معاكم ؟؟؟ |
تب ما قصرت.
اللوبة عندنا في الجزيرة بناكلها بطريقتين بالكسرة (الكسرة تعني العصيدة) وهو ملاح تقيل في شكلو، وفي صناعتو اقرب للمفروك. وعندنا اللوبة بالويكـاب
والاخيرة جميلة جمال عجيب.
يا صديق مهدي بالله عليك أي بوست فيهو رجوع للقيفة باصيهو لود المدير دا، وخليك بيغادي في جغمستك بتاعت السياسة ديك
|
Post: #28
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: معاوية المدير
Date: 12-20-2011, 01:03 AM
Parent: #27
Quote: الاخ معاويه
لك مني الف سلام
اعتبر هذه المداخله من منازلهم
فتحت الان الموقع ووجدت بوست ملاح اللوبيا
: حسب علمي عن انواع اللوبيا
1:لوبيا الصعيد و هي بيضاء بحجم صغير اشبه بي لوبيا الحنيطير و هي ملاح ممتاز
يمكن ان يقدم للضيوف علي اعلي المستويات خصوصا اذا خلط او اتلايق بحجر الويكاب .
2:لوبيا العدسي و هي بحبه صغيره و غالبا ما تستخدم للبليله بالسكر او الملح و تستخدم
كملاح في حالات الحيره الشديده في الاسره و ضيق ذات اليد و الازمات الاقتصاديه الاسريه .
3:لوبيا العفن و هي ذات حبه حمراء اشبه بحبه الفاصوليا البيضاء و هي ذات استخدام واحد و
هو البليله و نادرا ما تستخدم في الملاح .
مع امنياتنا لكم بوجبه شعبيه اصيله
وتحياتي لصاحب البوست صديق انصاري المهدي
اخوك الزبير بشير
سودانيزاون لاين من منازلهم |
سودانيز من منازلهم، وأنواع اللوبيا.
الصنف الثالث هو مدار حديثنا في باظ صديق.
أخونا الزبير بشير، كتّر خيّرك كتير،
وخليك متابع معانا...
|
Post: #29
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: معاوية المدير
Date: 12-20-2011, 04:39 AM
Parent: #28
Quote:
جنا المدير،
حا أغالتك لا بعد باكر في القاف
دي كاف ياخ
والدليل;
نَشْكر المواطن علِي حَسَن سَلُّوكه
|
ود عبد الرحمن،
إنت كمان بيغالتوك في الزي ده ؟؟؟!!!
كلآمك في محلو، وغلتتي مطبعيّة.
والله صحي.
|
Post: #30
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: معاوية المدير
Date: 12-20-2011, 11:34 AM
Parent: #29
Quote:
و الله بكري دا مفروض إعمل ليه لمبة حمراء يعلقها في بوستات الزول دا ... |
يا ابو حسين، صديق دا أنا قايل أخير تختاهو.
يا زول وحات الشيّة البريدا مِتِل عويناتي ديل،
صديق مهدي دا ولِي عديييييل كدي...
|
Post: #31
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: معاوية المدير
Date: 12-20-2011, 11:47 AM
Parent: #30
Quote:
ونهدي هذا البوست للمغرض حيدر الزين المترصد والمستهدف للاستاذ صديق علي
مهدي عشان يفهم اللهو حيدر طبعا انه ما اي زول بيقدر يفهم بوستات عمو صديق العميقه دي |
هو يا فدياس حيدر الزين اكِنوا عندو راي في بوستات الحصيف صديق !!!؟
غايتو بس، الله يقدرنا علي خشُمنا.
والله صحي...
|
Post: #32
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: معاوية المدير
Date: 12-21-2011, 04:22 PM
Parent: #31
Quote: طقطق فى الضلع متوجه اجعابى
حمانى الفرا و جلست اصحابى. |
الصَبُر...
|
Post: #33
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: محمد عبدالرحمن محمد
Date: 12-21-2011, 04:38 PM
Parent: #32
Quote: ود عبد الرحمن،
إنت كمان بيغالتوك في الزي ده ؟؟؟!!!
كلآمك في محلو، وغلتتي مطبعيّة.
والله صحي.
|
أها آسوّاق صديق، سامحناك
يلّا تِمْ الناقصي لي عِيال البندر الهِني ديل ووَّرهم الفرق بين لوبي عَفِنْ، مُلاه إيب، يا عملات قريب قريبي فايز ودالقاضي، وبين اللوبي الطيب
|
Post: #34
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: معاوية المدير
Date: 12-22-2011, 01:51 PM
Parent: #33
Quote: طبعا الضيف جعان و زى ما بقول المثل الجوع كافر لكن مع انو جعان و جابو ليهو قدح عصيدة
بملاح لوبة و بدأ يتمطق لكن بعد دا كلو مشكلتو مع ملاح اللوبة ما زالت قايمة لان ملاح اللوبة
قبال سنين فضحو مع نسيبتو و اصحابو عشان كدى بمجرد ما شاف القدح و البوخ قال لناس البيت
دا زحو منى من زمن مكجنو و ما بي
من صفقو العراض الفى الحفر كابى
طقطق فى الضلع متوجه اجعابي
حمانى الفرا و جلسة اصحابى. |
طبعاً ما في زول بيقدر يبدأ الكتابة بكلمة طبعاً إلا يكون زول متمكن جداً، والذي يظهر المكننة في
هذه القطعة القليلة الكلمات وغزيرة المعاني ربط جوع الضيف بالمثل. التمطق الذي بدر من الضيف
حال رؤيتة لملآح اللوبا، إن دلّ علي شئ إنما يدل علي انّ الضيف يحب ملآح اللوبا حُب الـكـلـبـ
للعضمة. لكن برغم ذلك أظهر رفضه التام له، بل قال إنه مكجنه رغم إظهار حُبه له بالتمِطِق.
طيّب،
في البيتين الآخيرين الضيف ذكر أصحابه لكنه لم يذكر نسيبتو رغم إيراد الكاتب لها، والكاتب المتمكن
له نظر ثاقب كالنجم الثاقب ينظر به خلف النصوص، فقطعاً كاتبنا نظر إلي ما خلف نسيبة الضيف رغم
إننا إذا نظرنا خلف نسيبة الضيف لما تخطى نظرنا عجيزتها، لكن لمثل هذا الصنف من الكتبة بُعد نظر
سنتطرق له لو سنحت لنا سانحة.
زمان ما كان في ايّ وسيلة للترفيه خِلآف الونسة. يعني الناس بعد يقضوا خِدمتُن بيتلموا في الليل يسولفوا
اي يتونسوا، وكلمة يسولفوا دي جاية من التعرض لأخبار السلف وذكر حكاويهم، والبتفوتو الونسة لايّ
سبب من الأسباب بيكون فقد الكتير خاسةً الونسة في الليالي المُقمرة (ليالي القمرا) وهي الليالي البتكون
القمرا فيها مبهرجة.
طقطق فى الضلع متوجه اجعابي.
أها، ضيفنا دا يبدو إنوا كان موعود بعشرة ونسة كاربة، وهو ضعيف أمام ملآح اللوبا الذي قُدم له قبل
بداية الونسة وهو لم يتمالك نفسو، وكرب فيهو بالحيل. أها، وكت خلااااااس الناس بقو ناس ونسة تب
مفعول الملآح بدأ يعمل، وبدايتو مسك من الضلع من فوق وبقى نازل لاتِحِت. أها، هنا الضيف عرفو
متوجه لا ويّن قام بالرااااااحة إنسحب من مجلس الونسة.
حمانى الفرا و جلسة اصحابى.
صاحبنا مشى ملص سروالوا ورقد علي ضهرو تحت شُدرا، وبقى مصنقع للقمرا المبهرجة ورافع كرعيهوا
فوق ساق الشُدرة ثمّ قام بطرد الهوآم والسباع و الثعالب وجميع الحيوانات و الوحوش الضارية من المنطقة
بسبب إنوا ملآح اللوبا سوالوا بطنوا زي المفاعل النوووي، وجعله يطلق في الغازات المصحوبة بأصوات
وكاتمة الصوت.
طبعاً صاحبنا عشرة الونسة راحت عليهو، وأهلنا في المثل قالوا: الضايق صربة الدبيب بيخوفوا مجر الحبل
عشان كدا ضيفنا أظهر كجنتوا لملآح اللوبا، وأبطن حبه له.
شرح المفردات:
الفِرا: السكناب، أو الشمار.
الموضوع عميق ولو امدّ الله في الأيام سوف
نتعرض لموضوع ذكر كاتبنا النحرير صديق
لنسيبة الضيف.
لجميع ركاب البص مودتي مع
أُمنياتي لكم برحلة سعيدة.
السواق،
ود المدير...
|
Post: #35
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: ABDALLAH ABDALLAH
Date: 12-23-2011, 04:02 AM
Parent: #34
Quote: صدقت يا شيخ عبد الله،
بالحيل عميقة.
يا زول إن شاء الله تبقالك كفارة، والله شُفت البوست
وما قدرت أدخل عليهو. أهلنا قالوا اللوم بيجي بالغفلآت،
دحين أعفى لي.
مرحب بيك في باظ ود المهدي... |
الحبيب ود المدير
العفو لله والرسول
يا زول مافى عوجه تب.
دحين باظ ودالمهدى ما دام إنت سوَاقه يانا المتوهطين فيهو تب
بس إنَنعل كمساريك بِسِف الصعوط؟!
عشان نحن مكجننو زى كجينة ضيف أخونا صديق لملاح الورق.
|
Post: #36
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: الطيب شيقوق
Date: 12-23-2011, 07:33 AM
Parent: #35
عبد الله عبد الله
Quote: ملاح اللوبه طبخه سودانيه أصليه ميه فى الميه
وزى ما بقولوا
ملاح لوبه بايت يمشى عليهو السيوسيو - ووووووووووووووووووووب دا الشغل ولا بلاش
وملاح اللوبه زيو وزى ملاح
الويكاب
المِرس
الكوال
وأم شعيفه |
ياخ شحتفتنا للحاجات دي
صحيح زى ما قال قريبي ود المدير عندها حسنات وسيئآت لكن لو بقيت فنان ممكن تقلب السيئات ذاتا حسنات لكن بعملية فيزيائية
او ما يسمى اصطلاحا balancing الإن بت مع الآوت بت .
يعني الواحد يبطل الشفقة
|
Post: #37
Title: Re: شوفوا الضيف دا قدمو ليهو ملاح لوبة شوفوه قال فيهو شنو
Author: ABDALLAH ABDALLAH
Date: 12-23-2011, 02:53 PM
Parent: #36
Quote: ملاح لوبه بايت يمشى عليهو السيوسيو - ووووووووووووووووووووب دا الشغل ولا بلاش
|
حبيبنا الغالى الطيب
ملاح اللوبا البايت وبالأخص اللوبا العدسى
وملاح الورق البايت , يا زول ياما ضربناهو ضرب
كمان ما تنسى ملاح الويكاب
طبعاً إنتو ناس صعيد بتريدو ملاح الويكاب
والله يا أخوى الطيب
كنا بناكل فى ملاح اللوبا والورق البايت وملاح الويكاب
وكنا شاعرين بأننا أسعد ناس...
الله يديك العافيه.
|
|