Post: #1
Title: اعلى برج في العالم في جزيرة سودانية بالبحر الاحمر!!!!!!!!!!!
Author: عبد الناصر الخطيب
Date: 12-17-2011, 12:16 PM
.
Quote: الخرطوم - أ ش أ: يضع الرئيس السوداني عمر البشير في 21 ديسمبر الجاري حجر الأساس لمشروع جزيرة "قلب العالم"
الذي يضم أعلى برج في العالم والمخطط إقامته في جزيرة "مكوار" على بعد 80 كم شمالي بورسودان و200 كلم من جدة، وتبعد حوالى 280 كلم من "مرسى علم" المصري.
وتقدر تكلفة المشروع بما يزيد على 20 مليار دولار، وتنفذه مجموعة "الحصيني" السعودية، وتبلغ مساحته حوالى 30 ألف كلم،
ويضم كافة الأنشطة السياحية البحرية ووسائل تسلية وترفيه ومرافق للإيواء السياحي ومراكز التسويق الحديثة،
بالإضافة إلى المراكز المالية والتجارية ومدينة للإعلام، وأخرى للتقنة والمعلومات.
وتستهدف الجزيرة عند اكتمالها أكثر من 150 ألف مقيم علاوة على 120 ألف موظف والمتوقع أن تكون وجهة للأعمال والتجارة
وستضم أكثر من 10 مدن سياحية وتجارية يتوقع أن تجتذب 90 ألف زائر، وتربط بينها مواصلات برية وبحرية متطورة.
وتضم الجزيرة أحدث ميناء فى الشرق الأوسط بجانب مطار دولى وأكبر مناطق المارينا المحيطة بها والتي تسع لأكثر من 700 يخت و2400 قارب. |
إستثمار عقاري على نمط خليجي في السودان
التساؤل هل هذه النوعية من الاستثمارات هي أولوية بالنسبة للأقتصاد السوداني
وهل توجد قدرة على جذب سياحي وتشغيلي تجعل هناك عائدات جيدة للمستثمر في تلك الجزيرة
*******
أمل أن تراعي الحكومة مع المستثمر إتاحة فرص وظيفية للسودانيين
فقد تكون الفائدة الوحيدة المتوقعة في المستقبل المنظور ...
|
Post: #2
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: محمد إبراهيم علي
Date: 12-17-2011, 01:25 PM
Parent: #1
تحياتي عبدالناصر
المشروع سيقام على مساحة 30,000 كم مربع يعني لو اخدنا الجزيرة هذه كمربع يعني طول الضلع فيها 174 كم هل توجد جزيرة بهذا الحجم في البحر الاحمر ؟
| Quote: طول الساحل السوداني بتعرجاته نحو 422 ميل بحري(780 كم ) من (بئر الشلاتين) علي الحدود المصرية الي ( رأس كسار) علي الحدود الاريترية |
*
فهذا الرقم مبالغ فيه عليه اعتقد ان الرقم الصحيح ممكن ان يكون 30 كم مربع او قريب من هذا
دي صورة للمشروع لقيتها في جريدة ااخبارالسودانية
بس الله يستر من مواسير العرب دي وما يطلع جمعة الجمعة هو الاخر
|
Post: #3
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: Asim Fageary
Date: 12-17-2011, 01:34 PM
Parent: #2
ناس تاكل كباب بالسيخ وناس بالسيخة مفلوقة
وناس حفلاتها بالجيتار وترقص فيها كريوكا
وناس لو صادفت أفراح تفتش ليها دلوكة
|
Post: #4
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: عبد الناصر الخطيب
Date: 12-17-2011, 01:51 PM
Parent: #2
محمد إبراهيم علي
تحياتي ياهندسة ,,,
أكيد مشروع زي ده وانا بقراء عنو في النت جاء في بالي مشاريع الخليج العربي _ زي جزيرة النخلة في دبي _
يعني استثمار إقتصاديات الرفاهية ...... والمتابع للاستثمارات دي المعروف إنها نفذت بمبالغ مهولة وعانت من صعوبات تسويقية جمه
باعتبار الاثر المباشر لازمة المال العالمية ولانها بتستهدف شريحة من ذوي الدخول العالية للغاية وفي نفس الوقت بتلاقي الشريحة دي
أحجمت عن الانفاق الزي ده لانهم بطبيعة الحال لازم يحافظوا على مواردهم في ظروف التغيرات المالية البتأثر على اعمالهم
خلينا من القصة البايخة دي كلها
انا قريت الموضوع من زاوية السودان الهو فعليا محتاج لاستثمار اجنبي لكين بتصور الاستثمار ده في مشاريع زراعية وصناعية
بهدف الاكتفاء وبهدف تشغيل اكبر عدد من الناس ............................
بعدين غير كدة ياهندسة المشاريع السياحية البحرية دي عوزه فتاوي خاصة من هئية علماء السودان
النظم المطبقة وقوانين النظام العام في بر السودان ما حتنفع تتطبق في بحروا ............................
-------------------------------------
*ربنا يوفق البلد لاستثمارات ضخمة بس تراعي واقعوا واحتياجاتوا ماكتر من كدة
|
Post: #5
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: عبد الناصر الخطيب
Date: 12-17-2011, 01:57 PM
Parent: #4
عصام فقيري
حبابك ...........
Quote: ناس تاكل كباب بالسيخ وناس بالسيخة مفلوقة
وناس حفلاتها بالجيتار وترقص فيها كريوكا
وناس لو صادفت أفراح تفتش ليها دلوكة |
------------------------
واقع الحال بقول في تنظير اقتصادين بلدنا إنهم بياكلوا كباب بالسيخ ياخي ألف هناء على قلوبهم
بس ياريت الناس دي تكون دارسه مشاريعة دي كويس وعارفين التغيرات الحاصلة في مناخ الاقتصاد في العالم
أكبر برج في العالم _ قبل برجنا طبعا _ برج خليفة في الامارات برضوا واجهتوا صعوبات في تسويق وحداتوا
وتم تخفيض الاسعار فيها اكتر من مره
تحياتي
|
Post: #6
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: الامين موسى البشاري
Date: 12-17-2011, 02:01 PM
Parent: #4
عبد الناصر يا حبيب
سلامي وتحياتي ...
المافي شنو .. أموال سايبة .. وناس بدون فكر موجودة ... الخ الخ
وبعدين الامارات دي عندها شنو أكثر مننا يااااخ
امبارح قريت ما هو اطول ارتفاع لساعة في العالم؟
تصدق هي ساعة الحرم المكي الجديدة
عقبال برج العرب والفيصيلية وهلمجرا
|
Post: #7
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: Asim Fageary
Date: 12-17-2011, 02:04 PM
Parent: #6
如那些谁不穿短裤,但戴领带
|
Post: #8
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: Asim Fageary
Date: 12-17-2011, 02:08 PM
Parent: #7
逃逸前
|
Post: #9
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: محمد إبراهيم علي
Date: 12-17-2011, 02:15 PM
Parent: #6
مجموعة الحصيني دي البنعرفها هنا في السعودية هي الحصيني واليحي للاستثمار العقاري
ما عارف عندها علاقة بالحصيني اعلاه او لا .
بعدين الزول المصرح باسمها ده اسمو المستشار احمد الحصيني
قوقلت باسمو جاني اسمو في منتديات بتاعة شعر وقنوات فضائية
لكن ما جاني اسمو في اي موقع بتاع بزنز زي اراب بيزنز او زوايا او مييد
دي المواقع البتجيب خبر المشاريع الضخمة في منطقة الشرق الاوسط
واي واحد عندو مشروع زي ده بيحرص انو يعلن عن مشروعو فيها
عشان دي الجرايد البقروها ناس البزبز اول حاجة يعني البنوك والشركات المصنعة وهلمجرا
يخالجني احساس كدة انو الموضوع ده ماسورة زي جزر البندقية بتاعة جدة
|
Post: #10
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: حمد فتح الرحمن
Date: 12-17-2011, 02:35 PM
Parent: #9
و الله فكرة
الكيزان يبنو الابراج دي و يمشو كلهم يسكنو فيها و يخلو لينا بلدنا
|
Post: #11
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: عبد الناصر الخطيب
Date: 12-17-2011, 02:59 PM
Parent: #10
الامين موسي البشاري
تحية وتقدير يا صاحب
فعلا ساعة الحرم المكي رقم ( 1 ) في العالم
بنتمني المعالم دي كلها يكون في زيها وأحسن في بلدنا
بس الحته ما تطاول في البنيان و..................................
وده البحدد منو الاحسن بتصور الاحسن هو البستثمر ويعمل مشاريع حسب واقع أقتصادوا
غايتو ده راي ................... ويمكن عندنا اقتصاد أغني من المملكة والامارات
كلو شي جائز ...................................تحياتي
|
Post: #13
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: عبد الناصر الخطيب
Date: 12-17-2011, 03:05 PM
Parent: #11
فقيري لو الكلام الفوق ده صيني ............ الصين بقت قوه أقتصادية مهولة
بس ما بدت في مشاريع الرفاهية الاقتصادية ورغم انهم حاليا ببنوا مدن حديثة
بس لضرورات أستيعاب الناس المهاجرين من الارياف للمدن وعبارة عن مجمعات
سكنية للعاملين في الدولة والمدرسين والعمال وووووووووووووووو
ما حيعملوا اطول برج في العالم رغم نجاحهم الحالي برضوا لسه بعاد عن المرحلة دي ويمكن اقتصادهم ما يقبله لفترة طويلة جاية
تحياتي
|
Post: #12
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: محمد الزبير محمود
Date: 12-17-2011, 03:03 PM
Parent: #10
Quote: و الله فكرة
الكيزان يبنو الابراج دي و يمشو كلهم يسكنو فيها و يخلو لينا بلدنا |
سلام يا قريبنا
نطالب بنصيب الخال حسن رحمه الله .
|
Post: #14
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: ASHRAF ABUELHASSAN
Date: 12-17-2011, 04:36 PM
Parent: #12
سلام يا خطيب
Quote: إستثمار عقاري على نمط خليجي في السودان
التساؤل هل هذه النوعية من الاستثمارات هي أولوية بالنسبة للأقتصاد السوداني
وهل توجد قدرة على جذب سياحي وتشغيلي تجعل هناك عائدات جيدة للمستثمر في تلك الجزيرة
*******
أمل أن تراعي الحكومة مع المستثمر إتاحة فرص وظيفية للسودانيين
فقد تكون الفائدة الوحيدة المتوقعة في المستقبل المنظور ... |
يا صديقي املك جميل ولكن حكومة المؤتمر الوطني لا تنظر للسودانيين
ولا يهمها ان اشتغلوا او ماتوا من الجوع
هذا البوست يقراء مع
الحكومة السودانية توفر حياة كريمة للمصرين شمال السودان.. صور و فيديو
وتحياتي .............
|
Post: #15
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: عبد الحميد حسين
Date: 12-17-2011, 07:37 PM
Parent: #14
الأستاذ ناصر وضيوفه ..
فى الغالب والأعم مثل هذة الأخبار المليارية امنيات ونوايا لا تغادر اوراقها شبرا واحدا ...
بسبب منطقي وحيد انها غير منطقية .ز
هذا الخبر من العام 2005 تم القاءه على قارعة الطريق ووجد قليلا من التهليل والتكبير حينها
ثم ذهب مع ريح الأخبار ببساطة...
Quote: عصام محمد يوسف (جدة)
تم التوقيع مؤخرا بمبنى القنصلية السودانية بجدة بقيام شركة قابضة بغرض الاستثمار بين رجال الاعمال في كل من المملكة والسودان وتقرر ان
تبدأ الشركة بتأسيس شركة مساهمة عامة في المجال العقاري بمبلغ (10) مليارات دولار. وتم تشكيل لجنة من الجانبين تقوم بتنفيذ مهام ما اتفق عليه
وتضم من الجانب السوداني البروفيسور احمد علي قنيف وعبدالوهاب احمد حسن والمستشار الاقتصادي بجدة عبدالعزيز مبروك ومن الجانب السعودي
خالد حامد زيني وجمعة فهد الجمعة وعبدالغفار جمجوم. |
المجال العقاري بمبلغ (10) مليارات دولار
|
Post: #16
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: Asim Fageary
Date: 12-18-2011, 06:53 AM
Parent: #15
Quote:
Quote: 如那些谁不穿短裤,但戴领
فقيري لو الكلام الفوق ده صيني ............ الصين بقت قوه أقتصادية مهولة
بس ما بدت في مشاريع الرفاهية الاقتصادية ورغم انهم حاليا ببنوا مدن حديثة
بس لضرورات أستيعاب الناس المهاجرين من الارياف للمدن وعبارة عن مجمعات
سكنية للعاملين في الدولة والمدرسين والعمال وووووووووووووووو
ما حيعملوا اطول برج في العالم رغم نجاحهم الحالي برضوا لسه بعاد عن المرحلة دي ويمكن اقتصادهم ما يقبله لفترة طويلة جاية
تحياتي |
الكلام صيني ومعناهو: سروال ما عندنا والتكة حرير
|
Post: #17
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: موسي الراجل
Date: 12-18-2011, 07:06 AM
Parent: #16
سلام للجميع
عريان من .......... ولابس سديرى
|
Post: #18
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: محمد إبراهيم علي
Date: 12-18-2011, 07:31 AM
Parent: #17
المشروع كفكرة جيد جدا وخاصة انه يتوقع ان تفقد شرم الشيخ جاذبيتها بعد سيطرة الاخوان والسلفيين على مصر
وجماعتنا ما عندهم قشة مرة ممكن في ظل حوجتهم الشديدة ان يقبلو بهيك مسخرة :)
لكن اشك ان المشروع ماسورة كبيرة وماسورة صرف صحي كمان
السؤال هل المنطقة هذه يوجد بها اي معادن او شئ ثمين فالبحر الاحمر ذاخر بثرواته ؟؟؟
|
Post: #19
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: Mohammed Ahmed Saeed
Date: 12-18-2011, 07:32 AM
Parent: #17
حكى
|
Post: #20
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: محمد علي البصير
Date: 12-18-2011, 08:03 AM
Parent: #19
قبل أكثر من عامين وفي إحدى زياراتي لصديقي العزيز الأستاذ عوض الكريم سعيد (مستشار إقتصادي) بمقر عمله ، أطلعني على كل تفاصيل هذا المشروع ـ وقد كان له دور في دراسات الخاصة به ـ والأن وبعد إطلاعي على تفاصيل البوست قمت بالإتصال على الأستاذ عوض لإحاطته بهذه المستجدات ، وقد خرجت منه بالحصيلة التالية ـ
صاحب المشروع هو رجل الإعمال أحمد عبد الله الحصيني ـ يقيم بجدة ـ صاحب شركة المواشي + عدد من القنوات الفضائية منها قناة جدة ـ ولديه إسطول من البواخر + منتجع سلطانة
لديه إرتباط وثيق بالسودان ، وزاره كثيراً منذ الصغر في معية جده ـ ويكن للسودان تقديراً خاصاً
عرف بالتواضع الشديد
المشروع مقام على جزيرة مكوار التي أستأجرها لمدة 99 عام من حكومة السودان
مخططات المشروع نفذتها إحدى مكاتب الإستشارات الهندسية بإيطاليا
سألت الأستاذ عوض الذي تربطه علاقة وثيقة ومميزة بالحصيني ، هل بمقدور هذا الرجل تنفيذ مشروع ضخم بهذا الحجم ، فأفاد بأن الحصيني سيستعين بشركات أخرى سيقنعها بالدخول في المشروع ـ
ترقبوا مزيد من التفاصيل من المصدر الرئيسي للمشروع في أقرب زيارة له للرياض
|
Post: #21
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: عبد الناصر الخطيب
Date: 12-18-2011, 09:08 AM
Parent: #20
.
المتداخلين الاكارم .....
زمأأأأأأأأأأأأأأأأأن لما يوسف عبد الفتاح أهتمه بالصواني في العاصمة
كان حديث المدينة ياريت الناس ديل لو اهتموا بصينية الأكل ........
خلاف الأولويات ده بين الحكومة وبين الناس نماء كتير خلال السنين الفاتو
وبقي في شبه انفصام ..............
كتير بتحس أنو فكرة التنمية بتتجاهل الأساسيات وبتشتغل علي ثانويات
ما عندها أي أثر على المواطن العادي
---------------------------------
تحياتي
|
Post: #22
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: عبد الناصر الخطيب
Date: 12-18-2011, 09:56 AM
Parent: #21
.
حمد فتح الرحمن _ صاحبي الذي بالخبر _
تحية وكتير السلام
Quote: و الله فكرة
الكيزان يبنو الابراج دي و يمشو كلهم يسكنو فيها و يخلو لينا بلدنا |
الله يستر ما تكون الفكرة أنهم يودوا كل الشعب الفضل للجزيرة دي _ يطلعوهم البرج _ وهم يقعدوا في البلد براهم
-------------------------------------
تحياتي
|
Post: #23
Title: Re: اعلى برج في العالم في جزيرة سودانية بالبحر الاحمر!!!!!!!!!!!
Author: عبد الناصر الخطيب
Date: 12-18-2011, 12:26 PM
Parent: #22
.
أبو الحســــــــــــــــــن
تحياتي يا صاحبي القديم
Quote: حكومة المؤتمر الوطني لا تنظر للسودانيين
ولا يهمها ان اشتغلوا او ماتوا من الجوع |
يمكن ده يفسر أنو في سؤ نيه مستمر من الانقاذ مع المواطن السوداني المغلوب على أمرو
وأنو التدمير والاهدار المتعمد لموارد الوطن والإضعاف المستمر لاقتصادوا كان سمه مميزة
لمسيرة الانقاذ , زمأأأأأأأأأأأأأأأأأأأأان يا أبو الحسن كان عندنا مثلا صناعة وطنية مميزة لبطاريات العربات
كانت بطارية التبلدي البنتجه مصنع طه الروبي , كفاءته عالية ولو باظت فيها عين عادي بتصلحه في البنشر
بعد الانقاذ حاربوا الصناعة الوطنية دي ومعنوا المصنع يستورد مادة مهمه داخلة في اساسيات الصناعة دي
يمكن كان عندهم ناسهم العوزين يستوردوا بطاريات العربات وزمنه جات اليوشه واخواته بسعر أعلي وكفاءة أقل
ولو باظت فيها عين ترميها وتشتري واحدة غيره
الكلام ده مثال فقط أنو في كتير من الاحوال ولمصلحة فئة بسيطة من الناس البلد دفع اثمان غالية
الإنقاذ تاجر بس ما تاجر شاطر التاجر الشاطر ما بضعف قدرة الناس ودمر مقدراتهم حتى لو ربحو اللحظي كان كبير
في المدى الطويل الكلام ده بضروا لانو ما حيلقي السوق الحيقدر يحرك فيهوا رأس مالوا .........
-----------------------
تحياتي
|
|