Post: #1
Title: بورداب الخرطوم && تعالوا نقيف مع سهام المجمر ومجتبى محيسي &&
Author: انعام حيمورة
Date: 12-15-2011, 09:19 AM
عليكم الله تعالوا نقيف معاهم في رحيل الغزالة ..شمعة في الممر .. (2)
يوم السبت 17 / 12 /2011
في قاعة الصداقة ..
الساعة السابعة مساء ..
ونقيف معاهم في انجاح هذا اليوم الذي أعد له باتقان وتفاني من الجميع ..
تعالوا نخليه يوم وفاء لسهام ومجتبى ..
يوم وفاء لغادة ..
وتذاكر الدخول: التبرع بكتاب لصالح مكتبة غادة العامة ....أو ..ابتسامة ودعاء وحب كثير..
تحت شعار : في البدء كان الكلمة
فرصة ثانيه لهزيمة الحزن واحتضان الفرح..الدورة الثانية لجائزة غادة..
|
Post: #2
Title: Re: بورداب الخرطوم && تعالوا نقيف مع سهام المجمر ومجتبى محيسي &&
Author: انعام حيمورة
Date: 12-15-2011, 09:26 AM
Parent: #1
|
Post: #3
Title: Re: بورداب الخرطوم && تعالوا نقيف مع سهام المجمر ومجتبى محيسي &&
Author: عمران حسن صالح
Date: 12-15-2011, 09:37 AM
Parent: #2
|
Post: #4
Title: Re: بورداب الخرطوم && تعالوا نقيف مع سهام المجمر ومجتبى محيسي &&
Author: انعام حيمورة
Date: 12-15-2011, 09:43 AM
Parent: #3
والبرنامج فوق العادة .. كتابة .. قراية
يا عمران .. تسلم ..
ويابورداب الخرطوم ياها المحرية فيكم ..
|
Post: #5
Title: Re: بورداب الخرطوم && تعالوا نقيف مع سهام المجمر ومجتبى محيسي &&
Author: انعام حيمورة
Date: 12-15-2011, 09:48 AM
Parent: #4
تعالوا يا بورداب الخرطوم .. عشان عصفورة قلب الوالد ..
يوم السبت تعالوا نزين قاعة الصداقة .. بي حضورنا المتألق دوما ..
تعالوا وجيبوا معاكم ناس بيتكم واصحابكم ..
تعالوا ومعاكم جيرانكم ..
تعالوا .. وانا حا اكون في استقبالكم ..
|
Post: #6
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: أيمن الطيب
Date: 12-15-2011, 09:51 AM
Parent: #4
سلام يا إنعام,,
ليتنا كنا هناك...
والتوفيق والنجاح للمشروع ولكم إن شاء الله..
|
Post: #7
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: انعام حيمورة
Date: 12-15-2011, 09:59 AM
Parent: #6
أيموني .. كيفك يامان
عارف الدورة الفاتت .. كنا ما لاقين محل نقعد من شدة الزحمة وكمية الناس ..
والناس كلها بربطها احساس واحد ... غادة
كان نجاح عظيم ومجمود جبار من القائمين على الامر وعلي راسهم سهام ومجتبى ..
كويس انو المرة اختاروا قاعة الصداقة عشان المكان يسع ..
وياريت لو كنت معانا ..
|
Post: #8
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: احمد التجانى احمد
Date: 12-15-2011, 10:07 AM
Parent: #7
| Quote: تعالوا .. وانا حا اكون في استقبالكم .. |
انعام حيمورة
فنجرية وصاحبة واجب
تسلمى وربنا يقويك
|
Post: #9
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: انعام حيمورة
Date: 12-15-2011, 10:21 AM
Parent: #8
احمد التجاني .. كيفك يا ريس
يارب الزول يكون دائما صاحب واجب .. وربنا يقدرنا على كدة ..
سهام ومجتبى يتساهلوا يقيفوا معاهم في الحدث العالمي دا .. حقيقي حدث عالمي .. سوف تبث قناة الجزيرة وعدد من القتوات السودانية الفضائية الاحتفال .. مباشرة ..
|
Post: #10
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: انعام حيمورة
Date: 12-15-2011, 10:32 AM
Parent: #9
عملت بوست في الفيس بوك .. دا الرابط حقوا ..
رحيل الغزالة ..
وكمان رسلت المسج دي لكل الاسماء الموجودة عندي بالموبايل ..
Quote: تتشرف جميعة غادة الثقافية
بدعوتكم لحضور حفل توزيع الجوائز للفائزين بجايزة غادة للكتاب الشباب - الدورة الثانية
السبت القادم : 17/12 قاعة الصداقة السابعة مساء |
----
وشكرا لكل الذين وصلتهم الرسالة لحدي هسة وقاموا بالاتصال بي .. (يعني عبروني ) ههههه
|
Post: #11
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: انعام حيمورة
Date: 12-15-2011, 11:23 AM
Parent: #10
شكرا ..
الاستاذ أحمد طه (الشايقي)
شكرا الاستاذ حاتم الياس
شكرا الاستاذ صلاح الباشا
لتأكيد حضوركم .. ودعمكم ..
|
Post: #12
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: ismeil abbas
Date: 12-15-2011, 11:27 AM
Parent: #10
| Quote: .. بي حضورنا المتألق دوما |
فعلآ دائمآ متألقين ورائعين...الله يحفظكم..
أعتذر عن الحضور بسبب غيابى ولكن سأبلغ أحبابى وأصدقائى..
وقوفنا معهم واجب ..أكبر فيهم تجاوزهم ألأيجابى لمحنتهم وكل من كان خلف هذا الحدث الكبير والتحية للأنسانة العظيمة عائشة موسى لدورها الفاعل لهذا العمل العظيم.
ولك التحية اختنا إنعام لوقوفك الدائم فى مواقع الجمال.
تقديرى وإحترامى.
|
Post: #13
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: Safia Mohamed
Date: 12-15-2011, 11:43 AM
Parent: #12
سلام يا انعام
دوما تخونني ظروفي
كما هي العادة
هذه المرة ساكون خارج البلاد
شغل وكدة
نتمنى نجاح الاحتفال
وشكرا على اللنك في الفيس
وتحياتي عبرك لسهام ومجتبى
ودعوات صالحات لغادة اللي اصلا من نقائها لا تحتاجها
سلام
صفية
|
Post: #16
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: انعام حيمورة
Date: 12-15-2011, 12:01 PM
Parent: #13
يا دكترا والله بقى قعادك قليل في السودان ..
بالسلامة والتوفيق والجايات ارحب
خلى العيال يجوا مع ابوهم بهتم ليك بيهم البنات الحلوات ديل ..
محبتي يا صفية
|
Post: #14
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: Hamid Elsawi
Date: 12-15-2011, 11:50 AM
Parent: #12
شكراً انعام
مجتبي و سهام أصدقاء من زمن قديم
رضعنا المعرفة معاً في جامعة الخرطوم
لم تكن معرفة أكاديمية فقط
بل تخطتها كثيراً و أبحرت في بحور عميقة
تشهد عليها الاعمال المسرحية في تلك الفتره
و كانت سهام و مجتبي من فرسانها
ليتني كنت معكم
و ياريت ترسلي رقم بالماسنجر اتصل به
لاحدثكم في هذه الليلة
الود لكم جميعاً
|
Post: #17
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: انعام حيمورة
Date: 12-15-2011, 01:29 PM
Parent: #14
حامد الصاوي
صدقت ايوة سهام ومجتبى مليانين بالابداع
ورقمي عشان تتصل عليهم يوم السبت ان شاء الله 0912884384
ولو في رقم خصصه للاتصال الخارجي للمشاركة يكون احسن وتكون فكرة برضو ..
وشاكرة لك الدعم والمساندة ..
|
Post: #24
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: صالح عبده
Date: 12-16-2011, 06:17 AM
Parent: #17
بالتوفيق
|
Post: #15
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: انعام حيمورة
Date: 12-15-2011, 11:56 AM
Parent: #12
والله يا اسماعيل ...
وقفت في الكلمة دي كتير (حضورنا المتألق ) لكن والله اللمة بتعجب والزول بكون راسو مرفوع لما البورداب ديل يشاركوك حاجة ويكون مجتمعين تحس بانو الدنيا بخير وبالتالي بجي الالق ..
وكنا نتمنى تكون معانا لكن لظروفك بنكتفى بي احبابك واصدقاءك ..
وشكرا ليك كتير للدعم ..
|
Post: #18
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: يوسف السماني يوسف
Date: 12-15-2011, 03:08 PM
Parent: #15
انعام حيمورة
تحياتي
يوم سيظل في الذاكرة واتمني ان يسطر فيه بورداب الخرطوم ابداعات
سهام ومجتبي بمداد الوفاء ودموع الفكر .
|
Post: #19
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: صلاح غريبة
Date: 12-15-2011, 06:46 PM
Parent: #15
الاخت انعام
تشكري على مجهودك .... وكنت اتمنى ان اكون معكم مشاركا ومتضامنا .. ولكن
المهم
نحن في منتدى السياحة السودانية سيقوم وفد من عضوية المنتدى بحضور الحفل ... برئاسة الاخت الهام بابكر
كما قمنا بادارج المناسبة في دعواتنا عبر المنتدى ومن خلال مراسلة اصدقائي في الفيس بوك ( اكثر من 21000 صديقة / صديقة )
منتدى السياحة السودانية
|
Post: #20
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: ود الخليفه
Date: 12-15-2011, 06:59 PM
Parent: #19
حضور باذن الله
|
Post: #21
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: esam gabralla
Date: 12-16-2011, 01:10 AM
Parent: #20
تدعوكم اللجنة المنظمة للدورة الثانية لجائزة غادة للكتاب المتميزين
لحضور الحفل الختامى والذى سيتم فيه الاعلان الرسمى للفائزين من اللغتين....
الزمان: السبت 17/12/2011 من الساعه السابعه إلى العاشرة مساء
المكان: قاعة الصداقة - الخرطوم - شارع النيل ...
والدعوة عامة لكل المشتركين واسرهم واصدقائهم وكل المهتمين بأمر الكتابة والجمال والأدب وإبداعات الشباب ...
تذاكر الدخول: التبرع بكتاب لصالح مكتبة غادة العامة ....أو ..ابتسامة ودعاء وحب كثير..
...ومرحبا بالجميع ...
|
Post: #22
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: Abubakr Osman
Date: 12-16-2011, 05:22 AM
Parent: #21
آه وآه
للمرة الثانية لن اتمكن من المشاركة فى ليلة الختام
لكنى معكم باحساسى وشعورى وأكيد ما بتقصورو يا انعام تجاه الاحباء مجتبى وسهام
فلنأتى جميعا للمشاركة فى هذه الليلة الخالدة
تذاكر الدخول: التبرع بكتاب لصالح مكتبة غادة العامة ....أو ..ابتسامة ودعاء وحب كثير
|
Post: #23
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: mohmmed said ahmed
Date: 12-16-2011, 05:37 AM
Parent: #22
تخليد ذكرى غادة
بجائزة للكتابة فكرة ملهمة وانسانية
قلبى مع مجتبى وسهام
الابنودى عندو قصيدة تقطر حزناواسى وتثير فينى الخوف الشديد
تخاطبه فيها والدته
ما تعيش بعد ولادك
لتصف الحسرة
اللهم الهمنا القوة للانتقال من الاسى الى الامل
حضور الاصدقاء ضرورى جدا لمساندة سهام ومجتبى
|
Post: #25
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: Siham Elmugammar
Date: 12-16-2011, 10:06 AM
Parent: #23
شكرا يا انعام وياها المحرية فيكم
الاخ محمد سعيد احمد سلامات و تحايا
Quote: الابنودى عندو قصيدة تقطر حزناواسى وتثير فينى الخوف الشديد
تخاطبه فيها والدته
ما تعيش بعد ولادك
لتصف الحسرة |
قبل ايام توفيت أم اخونا وصديقنا مصطفى النقيب و كتب هو نفس الكلام حول قصيدة الابنودى
لان والدته فقدت احدى بناتها قبل العامين ولازلت تأن تحت الم الفقد حتى انتقلت لحوقا بها
لما قريت كلام مصطفى قلت هسه مصطفى دى أمه لازم اعزيهو لكن كيف ممكن ان اشرح ليهو
انها محظوظة مرقت من ضيق الدنيا و هواجس الليل والنهار والالم المتواصل بشكل يصعب وصفة!!!!!
لكنها الام فى النهاية ..صبر الله صديقنا مصطفى النقيب و جمله واسرتها بالصبر على فقدهم الأول والثانى
هى الدنيا يا صديقى لا تُسئل ولا تُستفهم...واسال الله لوالدتة الرحمة وان يمنحها لقاء مع من سلفتها فى الفردوس الاعلى من الجنة وهذه إحدى اغلى امنياتها
..انا متأكدة من كده.. ولا أُسئل كيف لى هذا !!!!!
و ما كان للابنودى ان يكون هو الابنودى لو لم تكن له أم مثل أمه
حكمة والله
|
Post: #26
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: معتصم محمد صالح
Date: 12-16-2011, 11:52 AM
Parent: #25
تحياتي انعام
معكم باذن الله
|
Post: #27
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: مني التجاني
Date: 12-16-2011, 02:11 PM
Parent: #26
كانو سهام كانت منتظره كلام محمد سيداحمد
.........
يا ام غاده يا حبيبه انتي شدة ما ربنا بحبك الناس محتاره
اليوم جمعه .. والدعاء بينو وبين الله ما في حجاب
ادعو الله ان يتم نعمته عليك ويملاك عافيه وصحه ويحلي أيامك
وينجح محمد وحسام
ويا أنعام يا ستهم ونلقاك باكر كان الله صرف العوارض
|
Post: #28
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: مطر قادم
Date: 12-16-2011, 04:24 PM
Parent: #27
انعام حيموره تتجلّي
والي الامام
عاليا
|
Post: #29
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: شول اشوانق دينق
Date: 12-16-2011, 05:11 PM
Parent: #28
فوق من أجل سهام ومجتبى
شكراً إنعام علي الرسالة.
|
Post: #30
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: Siham Elmugammar
Date: 12-17-2011, 12:49 PM
Parent: #29
سلامات للجميع
يا منى التجانى ياخ الكلام جاب الكلام...
نشوفك بعدين المساء
ونشوف كل الناس الهنا
|
Post: #31
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: احمد التجانى احمد
Date: 12-17-2011, 01:58 PM
Parent: #30
| Quote: ونشوف كل الناس الهنا |
سلام يا حاجة سهام
ياريت والله لو كان فى طريقة تشوفوا الناس الهنا وكمان الناس البرا
اهم حاجة بالله الصور النضيفة والفيديوهات الحية
وبورداب الخرطوم مشكورين مقدما
وهكذا انتم دائما
بالتوفيق ان شاء الله
|
Post: #32
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: على ميرغني
Date: 12-17-2011, 04:00 PM
Parent: #31
دعواتنا لها المغفرة كلما اشرقت شمس او غابت
ويكفي ان والديها صنعا من الحزن نافذة ابداع في الشباب
ظروف العمل تحول دون حصولنا على شرف الحضور
لكن نفتح في التيار مجالا للاحتفال بهذه الجائزة
انتظر منكم معلومات الخبر على الايميل التحت دا
وياحبذا الصور المعبرة
تحياتي لوالديها
E.mail :[email protected]
|
Post: #34
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: Mujtaba Mahasi
Date: 12-18-2011, 04:47 PM
Parent: #33
يا انعام والله كنتو منورين لكنى لم التقى صديقى يعنى نورك انتى شخصيا لم يكن فى تمام البدر :) :) :)
_____________________
ووب علينا من استخدام الجهاز الواحد
سهام
|
Post: #35
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: انعام حيمورة
Date: 12-19-2011, 08:25 AM
Parent: #34
صالح عبده .. يارب دوما موفقين ..
يوسف السماني .. كان يوم وفاء وامل وحاجات كتيرة
صلاح غريبة .. شكرا للاتصال وحضرت الاخت سهام من منتدياتكم وقابلتها وقعدت معاها .. لو في اي مادة نزلت عن اليوم حا ارسلها ليها ..
ود الخليفة .. لم احظى بمقابلتك ..
عصام جبر الله .. بنات جبر الله كانوا حضورا والقا شكرا لانزال الاعلان
ابو بكر عثمان .. يارب المرة الجاية تكون معانا
محمد سيد احمد .. الفكرة كانت حلوة وميسرة ومنظم .. عندك كتاب جايبوا معاك بتدخل في باب قداموا تربيزة بتسجل اسمك وياخدوا منك الكتاب ,, ما عندك كتاب بتمشي الباب التاني فيهو مكتبات عارضة كتب بتشوف الكتاب العايزة وتجي تدفع حقوا وتمشي تسلموا ..
وبهذا بعلن انو الصديقة سكينة ميرغني عندها كرتونة كتب عايزة تتبرع بيها حا نمشي مع بعض نسلما لي سهام ..
|
Post: #36
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: انعام حيمورة
Date: 12-19-2011, 08:35 AM
Parent: #35
سهام المجمر .. كان يوم جميل وناجح جدا وبالامس كان في فقرة كاملة في مساء جديد عن الاحتفال والجمعية حضرتوا .. وصديقك والله بعتزر بشدة وكمان انعام حفيظ رسلت اعتزارها معاي بس نسيت اقول ليك من الزحمة واللخمة حقتك وبكلم ليك بكري اقول ليه قاعدة تستعمل باصويرد مجتبى ههههه
معتصم محمد صالح .. دوما منورين ومتألقين كعادتكم ..
منى التجاني ما شفتك ياخ
مطر قادم .. وين مختفي .. تسلم يا سيدي
شول .. والله ليك وحشة فاقدنك شديد
احمد التجاني خلاص الدورة القادمة نسق اجازتك معاها وتعال
علي ميرغني تايع المواد الحا تنزل هنا ولو جيت كان عملت صفحة كاملة عن الجمعية والاحتفال ولانو كان فوق التصور ..
لكم الود
|
Post: #37
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: Mujtaba Mahasi
Date: 12-19-2011, 09:46 AM
Parent: #36
أشكر الحضور المتألق لبورداب الخرطوم ونعتذر عن ما أصاب الصوت
نعدكم بنزال الفيديو كاملا
والصور حتبدأ اليوم
لكم الود كله
|
Post: #38
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: معتصم محمد صالح
Date: 12-19-2011, 10:23 AM
Parent: #37
تحياتي مجتبى وانعام ..
صورة لبعض بورداب الخرطوم والخارج الذين شاركوا في الحفل ..
وهم بالترتيب : العوض المسلمي .. زهير .. هاشم نوريت ..معتصم محمد صالح .. انور كنج .. أسعد الريفي والدكتور أنس العاقب
|
Post: #39
Title: Re: بورداب الخرطوم && تعالوا نقيف مع سهام المجمر ومجتبى محسي &&
Author: صلاح غريبة
Date: 12-19-2011, 01:35 PM
Parent: #35
Quote: صلاح غريبة .. شكرا للاتصال وحضرت الاخت سهام من منتدياتكم وقابلتها وقعدت معاها .. لو في اي مادة نزلت عن اليوم حا ارسلها ليها ..
|
فعلا وصلتنا الاخت سهام والاهخ وائل واشادو جدا بالحفل والتجمع
وليرحم الله غادة التي جمعتنا في هذا المحفل الثقافي الرائع
وستتواصل معك سهام في مجالات التواصل المستقبلي باسم منتدى السياحة في السودان
منتدى السياحة في السودان
|
|
