Post: #1 Title: سيادة المخلوع .. ارجعلنا .. رائعة أحمد فؤاد نجم Author: محمد قسم الله محمد Date: 12-14-2011, 10:55 PM Parent: #0
سيادة المخلوع ... ارجعلنا
مش انت واحد مننا ؟؟
و عمرك في يوم ما سرقتنا
...ولا خدت مليم مننا
ما تيجي طب ترجعلنا
تقعد بأهلك وسطنا
أهو مرة تاكل أكلنا
وتلبس يا خويا من لبسنا
وتعيش في حارة او في شارع زينا
قلت ايه ؟؟ يا حارق دمنا
سيادة المخلوع ... ارجعلنا
وغداك يا سيدي عندي أنا
رز و بطاطس مسرطنة
لحمة ؟؟... مفيش من سنة
فاكهة ؟؟... تعيش انت و أنا
و الشاي .. بآخر معلقة م السكر اللي كان عندنا
اشرب و فوق وركز بقه .. علشان نكمل حكينا
سيادة الرئيس ... ارجعلنا
مش سبت الحكم .. لأجلنا ؟؟ـ
ما تيجي تسمع حكمنا !!ـ
أفكرك ؟؟ ولا انت فاكر زينا
قطار اتحرق من كام سنة
وغازنا اللي طار من أرضنا ... لعدونا
وعبارة مللي بيغرقوا ..!! غرقت في عرض البحر و راحوا أهلنا ... و الجاني فلسع مننا
ومركبة بأحلى شباب ... ييجوا من ايطاليا غرقانين .. والقرش ياكل لحمنا
والله كانوا زينا
ويمكن أحسن مننا
لهم بيوت و ولاد و عيشة و حلم .. زي حلمنا
اتغربوا و اتبهدلوا .. لما الفساد طال كل حاجة في أرضنا
واللي ما ماتش .. قاعد في غربته .. والغريب بيذلنا
اقول كمان ؟؟ ولا كفاية ... و اهو انت عارف عننا
أصبر هتسمع حكمنا
سيادة الرئيس ... ارجعلنا
ولو انت واحد مننا
فعلا يهمك أمرنا
بينا عالنائب العام .. تفتنله على ولاد الحرام ... مصوا بلدنا و دمنا
و افتن دي فتنة مش حرام .. ده حقنا
دا لو انت واحد مننا
أصبر هتسمع حكمنا
سيادة الرئيس ... ارجعلنا
اقعد معانا و زينا
هعرفك .....ـ
دي (أم خالد) أمنا
ودول أهل (سالي) أهلنا
و(عمر بن بنونة ) إبننا
فسر و احكي و قللهم .. و قللنا
واستسمح الروح اللي منورة في الجنة عند ربنا
هتقول مكنش قصدنا ؟؟ـ
دول ماتوا غصب عننا ؟؟ـ
كداب و فاجر .. و اللي يصدقك زيك .. والكدب ريحته منتنة
تتشل إيد اللي ضرب ،، و اللي أمر ،، و عليكوا لعنة ربنا
أصبر هتسمع حكما
أيوه بقول ارجع لنا
ياللي سرقت حلمنا
وغربتنا و نهبتنا ... و في كل حتة أهنتنا
إحنا اللي سال دمنا
في الأربعين و اسكندرية و التحرير يشهدلنا
آدي القفص ... أقف هنا
والشعب يحكم .. مش أنا
صدقني ... هي بينة
من فوق سبع سماوات .. قالها ربنا
العين بالعين والسن بالسن ... و هو دا بقه حكمنا ... و مفيش غيره عندنا
Post: #2 Title: Re: سيادة المخلوع .. ارجعلنا .. رائعة أحمد فؤاد نجم Author: Ismail Yasin Date: 12-14-2011, 11:47 PM
Quote: سيادة المخلوع ... ارجعلنا
وغداك يا سيدي عندي أنا
رز و بطاطس مسرطنة
لحمة ؟؟... مفيش من سنة
فاكهة ؟؟... تعيش انت و أنا
و الشاي .. بآخر معلقة م السكر اللي كان عندنا
التحية لشاعر الشعب احمد فؤاد نجم
Post: #3 Title: Re: سيادة المخلوع .. ارجعلنا .. رائعة أحمد فؤاد نجم Author: محمد عمر الفكي Date: 12-15-2011, 11:27 AM Parent: #2
نفس الاسطوانة القديمة المشروخة الغاز، السرطان،العبارة، قطر العياط والماعارف شنو؟ هو شاعركم دا قاعد يفيق متين من البنقو عشان يعرف الحاجات دي. قبحه الله هذاالكافر حيثما حل هو ومعاه بته المطلوقة ديك، والله لو لم يكن لها من عيب غير انه ابوها لكفاها.
Post: #4 Title: Re: سيادة المخلوع .. ارجعلنا .. رائعة أحمد فؤاد نجم Author: Hussein Mallasi Date: 12-15-2011, 11:40 AM Parent: #3
Quote: سيادة المخلوع .. ارجعلنا ..
قالها تهكماً .. و لكنه سيقولها صدقاً و في القريب العاجل عندما يحكم الكيزان مصر.
Post: #5 Title: Re: سيادة المخلوع .. ارجعلنا .. رائعة أحمد فؤاد نجم Author: أمير فتحي Date: 12-15-2011, 12:53 PM Parent: #4
Quote: قالها تهكماً .. و لكنه سيقولها صدقاً و في القريب العاجل عندما يحكم الكيزان مصر.
مالم يلتزم (الإخونجية) بوعدهم بالدولة المدنية الديمقراطية
Post: #6 Title: Re: سيادة المخلوع .. ارجعلنا .. رائعة أحمد فؤاد نجم Author: jini Date: 12-15-2011, 10:33 PM Parent: #5
Quote: Quote: سيادة المخلوع .. ارجعلنا ..
قالها تهكماً .. و لكنه سيقولها صدقاً و في القريب العاجل عندما يحكم الكيزان مصر.
اسأل مجرب ولا تسال طبيب جني
Post: #7 Title: Re: سيادة المخلوع .. ارجعلنا .. رائعة أحمد فؤاد نجم Author: عمر دفع الله Date: 12-16-2011, 10:24 AM Parent: #6