الحصة دي للكيزان ... ابعد يا مناضل ... The Feedback

في البدء يا كوز منك له، عاوزك تصفى لي ذهنك

تصفية الذهن دي ما حاجة صعبة في حالتكم، هو بيت شعر واحد تعلموا ليهو مسح من ذاكرتكم
ولو تعذر عليكم، حاولوا افهموه صاح

بيت القصيد بقول

سفينة الانقاذ سارت لا تبالي بالرياح

خلونا من الرياح، طالما هي سفينة فكان من باب اولى انو المعلمين الكبار ما يدقسوكم ومفروض ويقولوا ليكم اعملوا
حسابكم من السفينة تنقد بي تحت

THE FEEDBACK

او بترجموها مرات بالتغذية المرتجعة وللا المرتدة ما عارف

خلوكم من المصطلحات وركزوا على الفكرة

الفكرة بتقول لمن تعمل ليك مصيبة او جليطة تجاه زول وللا ناس، بحصل رد فعل، دا ما عنده علاقة بقانون الفيزياء داك

دا عنده علاقة بالشرائع السماوية نفسها، بالمناسبة دي انتو كنتو بتدكو حصص الدين وللا شنو؟؟ حالتكم صعبة مع المادة دي

نرجع لموضوعنا

او قبل ما نرجع، نشرح ليكم ليه هي ما عندها علاقة بقانون الفيزياء بتاع لكل فعل رد فعل مساوي له في القوة ومعاكس له في الاتجاه

لان feedback في حالة التعمل بين حكومة وجماهير، او رد الفعل، ما بالضرورة يكون بنفس القوة او الاتجاه

اها، بي كده بنكون يا اولاد قطعنا نص المشوار في درسنا

في الحصص الفاتت يا كيزان اتعلمنا حاجات ومصطلحات خلونا نراجعها سريع

لو راكب سفينة تعمل حسابك من انها تنقد بي تحت

التعامل مع الجماهير واصدار القرارات السياسية يعني بالضرورة انو ح يكون في feedback

الـ feedback دا ما بتقدر تعمل ليهو حساب او تتوقع حجمه او شكله او زمنه

احمد ابن عوف
تحياتي

وطبعا الاستاذ لابد ان يكون مؤهلا للتدريس ولديه مايضيفه للتلاميذ



وهذه الصفات لاتملكها فعليك يالتنحي والجلوس في مكانك

والقصيدة التي اشرت اليها هي كالاتي

Quote: الليل ولّى لن يعود وجاء دورك يا صباح.. وسفينة الأيمان سارت لا تبالي بالرياح.. وحياتنا أنشودة صيغت على لحن الكفاح.. وطريقنا محفوفة بالشوك بالدم بالرماح.. يا دربنا يا معبر الأبطال يادرب الفلاح.. انا اذا وضع السلاح بوجهنا ضج السلاح.. واذا تلعثمت الشفاه تكلمت منا الجراح.. يا دربنا يامعبر الأبطال يادرب الفلاح..

ووهي من كلمات شاعر الدعوة الاسلامية الراحل الاستاذ محمد اقبال

وهي تستخدم كانشودة عند كل الحركات الاسلامية في العالم

وقد بدأت الاحوال في البلاد العربية تسير نحو سيادة الحركات الاسلامية

وانحسرت الدعوات اليسارية والعلمانية

والله متم نوره
والليل ولي ولن يعود

عمر صديق
تحياتي

ممكن يكون عندك حق انني ما استاذ، لكن كفرد من الشعب الفضل، في حاجة اسمها مدرسة الحياة

القصة ما ديرا بروفيسور عشان الزول يقرر يطلع مظاهرة لو الحكومة رفعت سعر السكر مثلا

القصة ما دايرا دكتوراة عشان تقرر ترفع السلاح في وجه حكومة تقصف اهلك المسالمين بطائرات الانتنوف

بعدين ما قلت ليكم قادين دين

احنا بنتكلم عن قرارات حكومية تنظيمية سياسية اجرائية
الدخل قصة

Quote: والله متم نوره

ونعم بالله، ونسأل الله العلي القدير ان يجعل نهارنا وليلنا نورا برضو في السودان

لا يمكن ان تفتح بيوت اشباح وتعذب وتغتصب ولا تتوقع ان ياتيك من جراء هذا نور من الله
لا يمكن ان تتوقع مثلا ان تقتل 300 الف دارفوري وتضع 5 مليون في معسكرات وما يهب الشعب في وجهك

الخ
الخ
الخ

تايع معانا

Quote: ممكن يكون عندك حق انني ما استاذ، لكن كفرد من الشعب الفضل، في حاجة اسمها مدرسة الحياة

مادمت مقرا بذلك فضع الطباشيرة واجلس مع التلاميذ

Quote: القصة ما ديرا بروفيسور عشان الزول يقرر يطلع مظاهرة لو الحكومة رفعت سعر السكر مثلا القصة ما دايرا دكتوراة عشان تقرر ترفع السلاح في وجه حكومة تقصف اهلك المسالمين بطائرات الانتنوف

وطيب وكت عندك انجليزي قدر دا مالك قاعد مع مناضلي الكيبورد

Quote: احنا بنتكلم عن قرارات حكومية تنظيمية سياسية اجرائية الدخل قصة Quote: والله متم نوره ونعم بالله، ونسأل الله العلي القدير ان يجعل نهارنا وليلنا نورا برضو في السودان

انا افتكرتك ماعندك قدرة للتدريس لكن ما توقعت المشكلة في الفهم برضو



الله متم نوره


الدخلها هنا


انو في كل الدول العربية الحكم اصبح اسلاميا

ودي ماعاوزة درس عصر


ونصيحة لوجه الله

ماتتشابي للحاجة ان بقت ماقدرتك


او خليك مع النس العاوزين يقاطعونا

ومتى لم يكن الحكم اسلاميا في كل الدول العربية؟؟

Quote: انا افتكرتك ماعندك قدرة للتدريس لكن ما توقعت المشكلة في الفهم برضو الله متم نوره الدخلها هنا انو في كل الدول العربية الحكم اصبح اسلاميا

قلت لي المشكلة في الفهم

تابع الحصة

السؤال الفوق دا ما استنكاري، محتاج اجابة من عندك

ومن هسع بقول ليك اعمل حسابك، عشان نفتح صفحة الفرق بين الحكم الاسلامي وحكم الاسلاميين او من يسمون نفسهم كذلك

لكن كده بتجوط لي بوستي دا ساكت

انا في الـ feedback

شبشب على الطاير
حجر سلاخي
كرسي هوائي

ودا طبعا بحصل لمن يكون في تحدي على شاكلة

لحس الكوع

فتحدي لحس الكوع، جاب feedback شفتوهو عيانا بيانا

لو داير الفيديو كلمني

للتكرار

طيب، اخونا عمر ما جاوب

نواصل

قلنا يا كيزان سياسات على شاكلة

قتل
تعذيب
اغتصاب
تشريد
تجويع
افقار
تضليل
اكاذيب
سرقة
نهب
جرائم حرب
جرائم ضد الانسانية
جرائم ابادة

بلاوي زي دي يا كوز منك له، ما ممكن تعدي سااااكت كده

الطبيعة لوحدها تتحدث، بقوم بحصل رد فعل اللهو الـ feedback او التغذية المرتجعة، او بالرندوك ح تاكلوها في حنانكم
في شكل

اضرابات
مظاهرات
عصيان مدني
سب ولعن علني
شباشب وبراطيش
معارضة سلمية
معارضة مسلحة
معارضة كيبوردات

وعشان تحتوى الـ feedback ودا شيئ متوقع، مضطرين سيادتكم ان تعملوا بلاوي تانية على البلاوي الفوق دي

زي

تفتحوا بيوت الاشباح على مصراعيها وتمارسوا مزيدا من التعذيب
تولعوا جبهات قتال في كل اركان البلاد


وهكذا دواليك

ح نبقى مدورين كده لحد ما ينتصر الحق ويزهق الباطل

ممكن اسلم
.
.
.

واتابع

تحياتى لك ولضيوفك

شكرا على المرور يا نجلاء

وعليكم السلام