مرمطة أولادنا وبناتنا طلبة الطب ممنوع الدخول !!

صباح اليوم كان بحمل مفاجأة لي أولادنا وبناتنا
طلاب السنة النهائية بكلية الطب
الحصل هم شغالين راوندات كل اسبوع في مستشفى
( وبتي واحدة منّهم )
اليوم الراوند في مستشفى الخرطوم
طلعت الصباح .. وبعد ساعة اتصلت علي
يا ماما ... نحن واقفين في الشارع قدام البوابة !
الحرص منعنا من الدخول
ولما سألناهو الحاصل شنو ؟
قال أي طالب ما معاهو ( بطاقة تدريب ) ما بدخل يرجع بيتو
قلنا ليهو والكلام لي بتي
نحن ما في زول دكتور ولا غيرو قال لينا الكلام ده
وامس كنا شغالين في مستشفى بحري
وأول مرة نسمع بالبطاقة دي !
قالت ردا علينا .. أنتن ما بتفهمن
والله ده قرار من وزير الصحة عاجبكم عاجبكم ما عاجبكم أمشوا بيوتكم !!
طلبت من بتي الأنتظار مع زملائها لغاية ما يشوفوا الآخر
وانتظرتها ...اتصلت علي الساعة 12 ونص
( ماما نحن واقفين في الشمس وما عارفين نعمل شنو ح نمشي الجامعة )
الخلاصة .. يعني مرمطة لمن بي هناك
مش بكفّي الطلبة ديل أهلهم دفعوا دم قلوبهم وعانوا ما عانوا في سبيل يكملوا
ديل طلبة في السنة النهائية تعبانين ومواصلين ليل مع نهار
وكل يوم الجامعات طالعة لينا بي موضوع
طيب : ما دام الوزير اصدر قرار بأستخراج بطاقة تدريب مش تقولوا ليهم !
بدل البهدلة والتهزيئ من البسوا والما بسوا
يلقوها من منو ولا منو
والبشوفوهو البنات في المواصلات دي حكاية لحالها ده لو طالب خلوة ما يستوعب
لحدي اليوم ما شفت جامعة عندها بصات خاصة . عدا جامعة الوزير
ورضينا بالترحيل حفاظاً علي كرامة بناتنا
ناس التراحيل رفعوا السعر (مافي حد احسن من حد ما الناس كلها بترفع في الأسعار وبي مزاجها)
تصوروا من اركويت لجامعة الخرطوم _ والنيلين _ الشهر 140 الف
قالوا ما مخارجة معانا الميه والميه وعشرين
اللهم إنا لاااااا نسألك رد القضاء ولكن نسألك اللطف فيه .

سلام يا أخت رشـا،

وفى الجامعات فى البلاد المتحضرة التى نحن أقوى منها، لو صدر قرار من أى نوع، فى سيرفا زى سيرفـا بكرى
دا يعمم رسائل قصيرة لموبايلات كل الطلبة المعنيين.. وارقام الموبايلات مبرمجة فى السيرفـا..
بعدين لو صـدر قرار مثل هـذا تنفيذه يحتاج الى إجراءات، يعطوا الطلبة فترة زمنية أطول من الفترة التى
تحتاجها الإجراءات ليسيروا بالطريقة القديمة ويكون التحول سلسـا ولا يضر المصالح وتسير الأمور بطريقة سليمة
حيث ان القصـد من البطاقة أو عدم البطاقة هو التدريب، فلو صارت البطاقة عقبة فكأنما وضعت الوزارة العربة
أمام الحصان.

لكن تقولى لمنو واللا لمنو.. البلد ########ة هايصـة..

أكتر حاجة خايف منها إنو القصد من دا كله تحصيل رسوم البطاقـة.. ويا رخصـة وجهل الإدارة التعليمية لو
كانت هـذه صحيحـة..


.

الأخت رشا تحياتي..

هذه البداية فقط مع مأمون حميدة..

والقادم أنكى وأمر..

مرمطة حقيقة.......معظم طلبة الطب بتعاملوا بالتقنية..ممكن رسالة بالبريد اللأكترونى قبل إصدار مثل هذا القرار بفترة كافية لتدارك مثل ما حصل من إشكالية..بلد ماعايزة تطور وكل واحد ماعندو نفس للشغل..الله يسهل بس.

تحياتى أخت رشا وعقبال لبنتك التفوق يارب..والتحية للمتداخلين.

لك التقدير أخي / أبو ريش
الأكبر من البحصل ده كانت مفاجأة طلاب السنة الخامسة
دمجوا ليهم سنتين في واحدة خامسة + سادسة
ولزاماً عليهم دفع الأقساط على دفعتين
يعني كأنه الطالب يدفع رسوم سنة كاملة في قسط أول
ومن لا يدفع كاملاً يحرم من دخول الأمتحان
ولم يبلغونا من وقت كاف لنتدبر أمرنا
الله المستعان

لك الشكر أخي / حاتم لمداخلتك
ليس في يدنا شئ سوى أن ندعو الله بأن يكمل لنا هذه السنة على خير
وأن يعوضنا خيراً في أبنائنا وأن يسهل أمر البقية من الطلاب الذين هم في بداية سنواتهم الجامعية

أخي إسماعيل
شكراً لمداخلتك وأمانيك الطيبة
كما ذكرت في ردي للأخ أبو ريش
إن الجامعات تفاجأنا بما هو أكبر من البطاقات
ولا يكلفوا أنفسهم بأخطارنا نحن اولياء الأمور حتى نتدبر أمورنا
ومن أصعب الأمور التي يواجهها من له طلبة يدرسون بالقبول الخاص
هي همّ الأقساط القاصمة للظهر
ليس هناك من استثناءات لظروف بعض الأسر إن طلبت التأخير
المهم الطالب يدفع وما عليهم بظروف أحد مهما كان حجمها
نسأل الله اليسر من بعد العسر

يا رشا ربنا يعينك ...
واستعدي للمرمطة الجد بعد التخرج ...

دة كلو هين ..

فى الغالب هذا القرار قصد به (محاصرة) كليات الطب الخاصة التى ترفض تاسيس مستشفيات خاصة بها
و تعتمد كالطفيليات على المستشفيات الحكومية
غالبا تعطى الكليات الخاصة مهلة كافية لا تقل عن 5-7 سنوات لتاسيس مستشفاها التعليمى
لكنها و توفيرا للنفقات تعمد الى تبنى مستشفيات صغيرة جدا او مراكز صحية لم تبنى اساسا لاغراض
تدريب الطلبة و تعلق لافتة عليها و تصرف عليها الفتات. و حتى هذا الفتات يتوقف بعد فترة
اما بطاقة التدريب فلتفويت الفرصة على بعض الاساتذة الذين يعمدون لادخال طلبة الكليات الخاصة لمستشفيات
الحكومة. و من يستحق من الطلبةسوف يعطى البطاقة و لن يتضررقرار ج

الاخت الكريمة ام علا تحياتى ، يا زولة الحمد الله هانت و ما تبقى الكتير ، هذا الموضوع فى غاية البساطة لو فى ادارة بتفهم تعميم بسيط على المداخل و ابواب الكليات لطلاب انو اعتبارا من مثلا بداية العام لا يسمح بدخول الطلاب الذين لا يحملون بطاقات تدريب .

اما ان ياتى طالب او طالبه ، فيطرد بدون ان يكون اخطر من قبل ، فعلا حاجة تكسف قولى لعلا تعيشى و تاخدى غيرها ، بعدين هى اصلا غلطانه ماشى بدرى ليه كان تاخرت شويه كان الزملاء اتصلو عليها.

فعلاً أخي أحمد
هناك طلبة تخرجوا من سنتين لم يتسلموا شهاداتهم حتى الأن
ده غير الخدمة الألزامية ، وربنا يجيب العواقب سليمة ، وكل الشكر لمرورك الطيب



أخي / عوض شكراً لمداخلتك
بخصوص القرار في إستخراج بطاقة فأول ما طبق عليها هي الجامعات الحكومية وهي الخرطوم والنيلين
نسأل الله التوفيق لأبنائنا والصبر لنا نحن اولياء الأمور

أخي / هجو كل ما يتخذ من قرارات لا يخطر به الطالب في حينه
وهذا ما تعودنا عليه طوال السنوات الماضيه
بخصوص الراوند ببدأ في العادة الساعة 10 فلابد على كل طالب وطالبة الذهاب قبل ساعة
تداركاً للزمن ولزحمة الطريق
تقديري وشكري
فعلاً أخي أحمد
هناك طلبة تخرجوا من سنتين لم يتسلموا شهاداتهم حتى الأن
ده غير الخدمة الألزامية ، وربنا يجيب العواقب سليمة ، وكل الشكر لمرورك الطيب



أخي / عوض شكراً لمداخلتك
بخصوص القرار في إستخراج بطاقة فأول ما طبق عليها هي الجامعات الحكومية وهي الخرطوم والنيلين
نسأل الله التوفيق لأبنائنا والصبر لنا نحن اولياء الأمور

أخي / هجو كل ما يتخذ من قرارات لا يخطر به الطالب في حينه
وهذا ما تعودنا عليه طوال السنوات الماضيه
بخصوص الراوند ببدأ في العادة الساعة 10 فلابد على كل طالب وطالبة الذهاب قبل ساعة
تداركاً للزمن ولزحمة الطريق
تقديري وشكري

Quote: بخصوص القرار في إستخراج بطاقة فأول ما طبق عليها هي الجامعات الحكومية وهي الخرطوم والنيلين

د. رشا بابكر

القرار غير معنى بالكليات الخاصة التى يفترض ان لها (مستشفياتها) الخاصة و بالتالى فلن تستخرج
لهم بطاقات اساسا
هذا القرار جيد و يسمح للطلاب الحكوميين بفرص كافية للتدريب
و فى نفس الوقت لا يرهق المرضى بطلاب الكليات الخاصة الذين يدفعون الاف الدولارات لجامعاتهم
الخاصة التى لا تريد ان (تضيع) فلوسها فى تاسيس مستشفى خاص بها

اما ماشاب تنفيذ القرار فهذا من ممارسات البروقراطية فى المؤسسات العامة. فى الغالب
وصلت خطابات لمسجلى كليات الطب لاستخراج بطاقات لطلابهم الا انهم لم ياخذونها بالجدية الكافية
للاسف كليات الطب غالبا ما تختار موظفين صغار مبتدئين لا خبرة لهم لشغل وظيفة المسجل و هى فى الحقيقة تحتاج
لتفرغ احد الاساتذة لها

تحياتي الطيبة أخي/ عوض
شكري وفائق تقديري لمرورك مرة أخرى
شكراً كتير