|
نافع مشى الجامعة فى الوقت دا ليه
|
لا دانتو طيبين أوى... ملاحظة لا بد منها: كتبت هـذا كرد فى بوست الأخ خدر، لكنه حرن وقدر ما حاولت ابى السيرفر..
لا دانتو طيبين أوى...
نظرية المؤامرة واردة.. وبرضو نظرية إستغلال هـذا الشاب المعارض ايضا واردة..
زول مليان قروش وسلطـة وأمن، معقول إبن الدكتور نافع على نافع يربت تلات مرات؟!! دى فوتوها كيف؟
هـذا يعنى ان التعليم، رغم ما يقال عن التدهور الأكاديمى إلا ان الإدارة الأكاديمية لم يمسهـا الفسـاد وإنها بخيـر..
هـذه واحـدة.
وثانية:
لا أعتقد ان الإنقاذ من الهبالة ان تترصد هـذا الشاب، فقـد طرشق لستك المعارضـة وأعطى الحكومة دليل أن لا حجر على الرأى المخالف مهما كان وتستطيع إستثمـار هـذا الفيديو لصالحهـا بكل بساطـة.. وزمان الرئيس البشير كان يقول المعارضة تشتمنا من تلفزيون الحكومـة.. هـذا الشاب حين كان يتحدث كان فى حمايـة نافع!! ولا أعتقد انه يمكن أن يقول نفس الكلام فى مكان عام أخـر بنفس هذه الحماسـة.
وثالثـة: والكلام دا بينى وبينكم ما يسمعو زول تانى: بالله الزول دا ما (أشجـع ووطنى أكتر) ومعارض حقيقى اكثر من الذين شاركوا فى السلطـة مؤخـرا وزاملوا نافع وجاوروا فى القصـر؟!!!!! الزول دا أحرج أعوان الرئيس، ولا اريد الحديث أكثر والعاقل يفهم بالإشارة.. والإنقاذ علمتنا الكثير!!! علمتنا ان من يعلق بها يغرق.
الإنقاذ عمرهم ما جابوا زول إلا عشـان يقشـوا بيه الترابيزة ويرموه.. cleaning rug
.
|
|
|
|
|
|