Post: #1
Title: عملتو من الحبة قبة ..(يوجد نافع ومحمد عالم)
Author: المكاشفي الخضر الطاهر
Date: 12-13-2011, 04:17 PM
هاهاهاهاهاهاهاهاها
اسي الفيديو بتاع نافع دا مالين بيهو الدنيا (ضجيج وعويل )وصكيتو (اضنينا )في شان شنو ؟؟
تجعجعوا ساكت بدون فائدة
اسي اكان منعوهو من الكلام تقولو (تكميم )افواه وإن خلهو ليكم اتكلم وانفشى تقولو الزول مسح بي نافع( ال وااااط ةةةةة )يا اخي حيرتونا من انتم ؟
خلاس المرة الجاية لمن يجي غندور ولا مندور حانقول لمن تزعمون انهم (كيزان ا)منعوا اي معارض من الخطاب والتعليق وان شاء الله الدائرة تدور على الطابور
التحية للأخ المناضل الجسور الفنان عاشق الاوتار (والدوريمي فاصولاسي )الاستاذ طارق ابوعبيدة
|
Post: #2
Title: Re: عملتو من الحبة قبة ..(يوجد نافع ومحمد عالم)
Author: المكاشفي الخضر الطاهر
Date: 12-13-2011, 04:20 PM
Parent: #1
محمد حسن عالم اصبح مناضل من العيار التقيل
بختك يا محمد حسن عالم ومبروك
|
Post: #3
Title: Re: عملتو من الحبة قبة ..(يوجد نافع ومحمد عالم)
Author: المكاشفي الخضر الطاهر
Date: 12-13-2011, 04:24 PM
Parent: #2
يعني قال شنو محمد عالم دا اسي الكلام القالوا دا فيهو شنو ماي زول ممكن يقولوا انا اسي عادي ممكن اقولو
قوموا لفو كلكم تلاتة لفات وتعالوا راجعيين
|
Post: #4
Title: Re: عملتو من الحبة قبة ..(يوجد نافع ومحمد عالم)
Author: صديق الموج
Date: 12-13-2011, 04:34 PM
Parent: #3
اول شىء والله انت لو ختو ليك صورة نافع فى الخلاء ماتقدر تقول 1%
من القالو الصبى ده..
اتنين دى رسالة لكل الانقاذ وان جاءت لنافع انه الشعب الابى ده
ليس بينه ######## وان ساعة الخلاص قد حانت..
وهو لو فى زل فيكم بقول لى نافع ده :الكلام ده اعوج خلى
بالحقائق الزى دى ما كان لغة خطابه اتغيرت؟؟..
زول نائب رئيس وكلامه زى جديع الحطب من راس لورى فى فسحة..
قربت بس اركزوا
والله ات مادعاك لافتراع البوست ده الا لانك ما مصدق انه ممكن
فى زول يقول لنافع كده فى وجهه،،،
|
Post: #5
Title: Re: عملتو من الحبة قبة ..(يوجد نافع ومحمد عالم)
Author: المكاشفي الخضر الطاهر
Date: 12-13-2011, 04:46 PM
Parent: #4
صديق الموج
التحيات العطرات لشخصكم النبيل
بعدين انا القلتو في والي الخرطوم يشيب ليهو الاطفال
وانا الوحيد في هذا المنبر طالبتا بإقالة على محمود وزير المالية وصدمت صدمة قوية جدا لمن جابوهو الوزارة مرة تانية واسي بقولها ليك وقدام العالم دا كلوا على محمود غير جدير بهذه الوزارة وينبغى على الاخ الرئيس عمر البشير يشوف ليهو وزير من ضو للوزارة دي (طبعا دا رايي وانت يا الموج ما حايعجبك ابدا )
وبعدين انا معارضتي لحكومتنا دي من باب النصح لكن انتو معارضتكم من باب ال ..........................!!
المهم الجلبة والغبار الكتير دا التورتوهو لمحمد عالم دا لا يستحق وكل هذا الضجيج
بعدين خليهو دا كلوا انتو موش في ديمقراطية وحرية طيب الجلبة في شان شنو ؟؟
كسرة : صديق الموج ...الله يوفقك
|
Post: #6
Title: Re: عملتو من الحبة قبة ..(يوجد نافع ومحمد عالم)
Author: صديق الموج
Date: 12-13-2011, 05:06 PM
Parent: #5
| Quote: بعدين خليهو دا كلوا انتو موش في ديمقراطية وحرية طيب الجلبة في شان شنو ؟؟ |
المكاشفى .......زسلام
الديمقراطيه يا مكاشفى انك تعكس مثل هذا فى التلفزيون والاذاعه وتسمح
للصحف بتحليل مثل هذا الكلام سلباً وايجاباً..
لكن ديمقراطيتكم دى عطلت اليوتيوب فى السودان.
انت افتكرت دى ديمقراطيه من نافع دى خلعه الى الان هو يكون محتار
لانو اثنان وعشرون سنه نافع ما سمع غير جزاك الله الخير..
وما افتكر انو البنر الخلفى مكتوب عليه التيار الاسلامى وفى زول
ممكن يقول ليه كده..
والله نافع بينه والديمقراطيه الف وطرشمية سنه ضؤئية..
بس خلى يقدر يرد على جزئية واحده من كلام الهمام ده،،،
|
Post: #9
Title: Re: عملتو من الحبة قبة ..(يوجد نافع ومحمد عالم)
Author: فايزودالقاضي
Date: 12-13-2011, 05:18 PM
Parent: #6
المكاشفي ...سلام ...
يازول من دون مكابرة ...
زولكم ذلوه ومرمطوه وسففوه التراب...
غايتو انا لو كنت كوز كان انتحرت لو شيخه مرمطوه كده ..
ياخي ده ماخلى ليهو جنبة يضرب عليها مستقبلاً ..
نافع انتهى ياالمكاشفي شوف زول تاني دافع عنه..
Quote: والله ات مادعاك لافتراع البوست ده الا لانك ما مصدق انه ممكن
فى زول يقول لنافع كده فى وجهه،،، |
وإني على ذلك من المقسمين ..
|
Post: #10
Title: Re: عملتو من الحبة قبة ..(يوجد نافع ومحمد عالم)
Author: المكاشفي الخضر الطاهر
Date: 12-15-2011, 10:18 AM
Parent: #9
فائز ود القاضي
سلام يا ناس كيف حالكم وحال الشرق
| Quote: غايتو انا لو كنت كوز |
انا غايتو ما كوز الكلام دا شوف الكيزان
كسرة : انت يا ود القاضي الكيزان ديل منن؟
|
Post: #7
Title: Re: عملتو من الحبة قبة ..(يوجد نافع ومحمد عالم)
Author: محمد البشرى الخضر
Date: 12-13-2011, 05:12 PM
Parent: #5
يا المكاشفي يا مولانا
خليك من موقفك و قربك او بعدك من موقف نافع و حزبه و الشاب الشجاع محمد عالم و حزبه
العملو محمد عالم دا غض النظر عن كونه صاح او خطأ تؤيده او تعارضه لكن والله بعجب من ناحية بتاعة فنجرة ساي و حرارة قلب
|
Post: #8
Title: Re: عملتو من الحبة قبة ..(يوجد نافع ومحمد عالم)
Author: Alshafea Ibrahim
Date: 12-13-2011, 05:17 PM
Parent: #7
عليك يالله يا المكاشفي
رش ود الموج وقول ليهو على الهوأ الطلق رأيكم الكريم في شيخ نافع عشان تاني ما يدخل بوستاتك ... منتظرين هنا نسمع رأيكم في هذا الما نافع تحديدا ....
هل لنا ذلك ؟
الشفيع إبراهيم
|
Post: #12
Title: Re: عملتو من الحبة قبة ..(يوجد نافع ومحمد عالم)
Author: محمد أبوالعزائم أبوالريش
Date: 12-15-2011, 10:27 AM
Parent: #8
Quote: يا اخي حيرتونا من انتم ؟
|
أنا سمعت الكلام ده وين قبل كده؟
|
Post: #11
Title: Re: عملتو من الحبة قبة ..(يوجد نافع ومحمد عالم)
Author: المكاشفي الخضر الطاهر
Date: 12-15-2011, 10:26 AM
Parent: #7
| Quote: لكن والله بعجب من ناحية بتاعة فنجرة ساي و حرارة قلب |
باشمهندس ود البشرى الحبيب
اولا انا عاتب عليك معقول تجي البلد دي وما تهببنا لا تلفون ولا مسكول
ثانيا : محمد عالم دا فنجرتو وشجاعتو دي عاد مافي اتنين بتغالطو فيها ابدا وفي الحتة دي والله الزول دا ربنا يحفظو بس
اما ......................................... فهناك تحفظ كبير
|
Post: #14
Title: Re: عملتو من الحبة قبة ..(يوجد نافع ومحمد عالم)
Author: عثمان رضوان
Date: 12-15-2011, 11:14 AM
Parent: #13
شيخ المكاشفي
تحياتي
Quote: يعني قال شنو محمد عالم دا اسي الكلام القالوا دا فيهو شنو ماي زول ممكن يقولوا انا اسي عادي ممكن اقولو
|
الكلام القالوا دا حاصل ولا ما حاصل؟
|
Post: #15
Title: Re: عملتو من الحبة قبة ..(يوجد نافع ومحمد عالم)
Author: المكاشفي الخضر الطاهر
Date: 12-15-2011, 12:28 PM
Parent: #14
الشفيع
ود الموج دا حبيبنا وصديقنا كيف نتلوم معاهو نحن بس نتلوم مع ناس كيكي و وناس تبارك بس
ابو الريش
سمعتو من الغزافي ( القزافي ) ( القذافي) طبعا
عثمان رضوان
حبابك في ضل الضحى بتاع الدكان يا اخي الكريم مت بقدر انفيهو ولا اثبتو لانه لا علم لي لو عندي علم حا اقولو لكن اعتقد والله اعلم ان كثيره صحيح والله اعلم بالصواب يا اخوي مالك على ما تدخلني بين البصلة وقشرتها
أرشح محمد حسن عهالم لعضوية البورد من منكم يثني ذلك
|
|