Post: #1
Title: أنا ماعارف الشباب ديل زعلانين فى شنو!!!
Author: Balla Musa
Date: 12-13-2011, 02:30 PM
وأعنى شباب حزب الأمة وشباب الحزب الإتحادى..
الزعلانين من مشاركة أعضاء من الحزبين فى الحكومة مع المؤتمر الوطنى ..
ياخى الشعب السودانى كله عارف حزب الأمة بتاع الصادق المهدى ومن يرثه
وعارفين كمان الحزب الإتحادى منذ المفاصلة التى فشلت بعد انتفاضة أبريل أصبح بتاع محمد عثمان الميرغنى ومن يرثه..
أما الشباب دول الماعاجبو الحال دا يا إما يصادم السيدين ويثور ضد الملكية الفى الحزب, أو يقعد زى ماقعدوا القبله ويرضى بعوس السيدين, أو يتحرر ويعمل جناح شبابى يصادم كل المفاهيم البالية بمافيها الحكومة..
الديكتاتورية ياها الديكتاتورية...
وكضاب البقول هو ضد ديكتاتورية الحكومة ورضيان بديكتاتورية فى الحزب!!
|
Post: #2
Title: Re: أنا ماعارف الشباب ديل زعلانين فى شنو!!!
Author: Balla Musa
Date: 12-13-2011, 02:36 PM
Parent: #1
يعنى مافى أى مبرر للزعل وضرب ضيوف سيد الحزب كما حدث لغندور..
ماعاجبك أمشى كاودا أو أعمل مجموعة واقلب الخرطوم بالمظاهرات السلمية وقبل ذلك فارق طريق سيد الحزب!
أنا عاجبنى أبو الحسين
السيد عاس عوسو فى السياسة وهو متفرغ لحولية السيد على الميرغنى ..
زول ختمى متسق مع نفسه ويعرف أن الحوار عليه بالسمع والطاعة فيما يقرره شيخه دون أن يحدث نفسه بمايخالف مارآه الشيخ ويشمل هذا أمر الدنيا والآخرة!!
|
Post: #3
Title: Re: أنا ماعارف الشباب ديل زعلانين فى شنو!!!
Author: Balla Musa
Date: 12-13-2011, 02:40 PM
Parent: #2
ومن لايستطع من هؤلاء الشباب أن يغير مابحزبه أو بنفسه فعليه إن كان أمة الإكتفاء بالراتب وإن كان من شباب الإتحادى عليه بالبراق ليلة الجمعة والأثنين حتى يرى السيدان خلاف ما ارتأوا الآن!!
|
Post: #5
Title: Re: أنا ماعارف الشباب ديل زعلانين فى شنو!!!
Author: Balla Musa
Date: 12-13-2011, 02:45 PM
Parent: #3
وفكونا من المناشدات على أسطح السايبر فهذه لايقرأها إلا جيريد كوهين..
وجيريد كوهين الآن يغنى فى أغنية: " تاتى يا الحزب الليبرالى تاتى" !!
ولو ماعارفين أسألوا الصادق المهدى الذى زار أمريكا أخيرا.
الميرغنى رسالتو بتجيهو فى صندوق بريدو الفى السعودية.
|
Post: #4
Title: Re: أنا ماعارف الشباب ديل زعلانين فى شنو!!!
Author: صبري طه
Date: 12-13-2011, 02:41 PM
Parent: #2
Quote: أو يتحرر ويعمل جناح شبابى يصادم كل المفاهيم البالية بمافيها الحكومة..
الديكتاتورية ياها الديكتاتورية...
وكضاب البقول هو ضد ديكتاتورية الحكومة ورضيان بديكتاتورية فى الحزب!! |
|
Post: #6
Title: Re: أنا ماعارف الشباب ديل زعلانين فى شنو!!!
Author: فايزودالقاضي
Date: 12-13-2011, 02:47 PM
Parent: #4
بله موسى ...سلامات ..
| Quote: أنا ماعارف الشباب ديل زعلانين فى شنو!!! |
الماعارفه انا كيف شباب زي ديل اصلا بقوا في الاحزاب ذات الملكية الخاصة دي ؟!!!
|
Post: #7
Title: Re: أنا ماعارف الشباب ديل زعلانين فى شنو!!!
Author: Balla Musa
Date: 12-13-2011, 04:03 PM
Parent: #6
صبرى وفايز مراحب
|
Post: #8
Title: Re: أنا ماعارف الشباب ديل زعلانين فى شنو!!!
Author: عوض محمد احمد
Date: 12-13-2011, 05:29 PM
Parent: #7
بلة
سلام
معظم من تراهم هنا من اعضاء الحزبين لم يعاصروا الا فترة الضنك فى تسعينات الاتقاذ
هم راؤا الميرغنى زعيم التجمع و من صرخ: سلم تسلم
و عاصروا الصادق المهدى الذى كان ضيفا دائما على سجون الانفاذ و من ركب الاهوال فى هجرة
محفوفة بكل المخاطر الى الحيشة و من رفض مساومة القتلة
بل ظلت مواقف السيدين حيال الانقاذ متسقة مع قناعات شباب سودانيز حتى جاءت الطامة الاخيرة
|
|