Post: #2 Title: Re: أنا عايز عروس تعمل وتكون مطيعه جدا Author: السيد أحمد إبراهيم Date: 12-13-2011, 12:10 PM Parent: #1
حدد الراتب يا أبو الزهور
Post: #3 Title: Re: أنا عايز عروس تعمل وتكون مطيعه جدا Author: تيسير عووضة Date: 12-13-2011, 12:19 PM Parent: #2
أنا مطيعة جداً جداً ولكني لا أعمل يا زهير
ينفع؟
Post: #4 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-13-2011, 12:24 PM Parent: #3
أستاذه تيسير تحياتي معقوله أبو الزهراء هو اللي يشتغل معك وكم بدون أجر
Post: #6 Title: Re: أنا عايز عروس تعمل وتكون مطيعه جدا Author: تيسير عووضة Date: 12-13-2011, 12:31 PM Parent: #4
يعني خلاص إتفقنا؟
Post: #5 Title: Re: أنا عايز عروس تعمل وتكون مطيعه جدا Author: عبد الناصر الخطيب Date: 12-13-2011, 12:26 PM Parent: #1
زهير عثمان حمد
أبو الزهور وفي رواية أخري الزين .......... اكيد عارف ( عرس الزين ) ......... يناس هووووووووووووووووي انا مكتول في حوش العمدة وكل بت يختاره يعرسوها في أسبوعه ...........
عنوانك موحي ان بنات الحلال ديل وقفات ليك بالصف وانت بتعزل عايز وعايز ......... وفي الاخر صدقني لما يحصل ما حتعرس غير قسمتك بغض النظر انت عوز شنو !!!
أبو الزهور بغض النظر عن الصورة الماظن تساعدك في مسعاك
ياخي الزواج البنعرفوا ده يا تخش في علاقة جادة مع بت ناس تتوجه بالزواج يا تشوف والدتك اخواتك قريباتك يرشحوا ليك ولو اتوفقته ونلته القبول تتزوج طوالى أنت في حالة انا عايز عروس .............اناعوز عروس صدقني ما حتصحي من النوم تجيكم واحدة تدق الباب انا العروس المطلوبة
يبقي يا فردة تحاول تحرك نفسك وبإذن الله تلقي بت الحلال ..........
Post: #7 Title: Re: أنا عايز عروس تعمل وتكون مطيعه جدا Author: منال Date: 12-13-2011, 12:38 PM Parent: #5
Quote: أبو الزهور بغض النظر عن الصورة الماظن تساعدك في مسعاك
ياخي الزواج البنعرفوا ده يا تخش في علاقة جادة مع بت ناس تتوجه بالزواج يا تشوف والدتك اخواتك قريباتك يرشحوا ليك ولو اتوفقته ونلته القبول تتزوج طوالى أنت في حالة انا عايز عروس .............اناعوز عروس صدقني ما حتصحي من النوم تجيكم واحدة تدق الباب انا العروس المطلوبة
يبقي يا فردة تحاول تحرك نفسك وبإذن الله تلقي بت الحلال ..........
انت مالك ياعبدالناصر يعنى هو عايز امو ولا اخواتو يفتشو ليهو عروس ما كان كتب هنا بعدين ياخ الاقربون اولى خلينا نخارج بنات البورد اولا
ممكن يازهير نديك وحده سبق ليها الزواج ؟
Post: #8 Title: Re: أنا عايز عروس تعمل وتكون مطيعه جدا Author: عبد الناصر الخطيب Date: 12-13-2011, 12:58 PM Parent: #7
.
منال بعد التحية ,,,
أبو الزهور جادي يتزوج ............... بس ما موفق يلقي بت الحلال قبل كده قريت ليهو بوست هنا بتكلم عن البورة والفشل العاطفي للرجال مع اني ما بؤمن أنو في راجل ببور لانو لما يجي الوقت البشوف انو عوز يتزوج بتزوج كلام زهير ده كلام زول مقلق ؟؟؟؟ مع انو برضوا البعرفوا أنو البنات هم البقلقوا في حته الزواج دي الرجال بصراحة ما لاقتني وقبل كده كاتب لي في مداخلة عن زول معرفتي موفق جدا في شغلوا وحياتو في اخر اربعيناتو وداقي الخمسين وبرضوا لما الكلام يجيب الكلام وتسألوا يرد بكل بساطة والله ما لقيت بت الحلال
وبالجد من البورد من بره البورد زي ما قريت في مداخلة قبل كدة لود البشرى ما حيساعد أبو الزهور إلا أبو الزهور
------------------------ وربنا يوفقوا ونعمل لي بوست تهنئة كارب بمناسبة الزواج الميمون
Post: #9 Title: Re: أنا عايز عروس تعمل وتكون مطيعه جدا Author: تيسير عووضة Date: 12-13-2011, 01:01 PM Parent: #7
Quote: ممكن يازهير نديك وحده سبق ليها الزواج ؟
سبق ليها الزواج أو لم يسبق ليها من أصلو أحسن من المتزوجة حالياً ولسة بتكابس وتهضرب
Post: #10 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-13-2011, 01:02 PM Parent: #7
أتفقنا يابت والله قاسمو بيبقي
Post: #13 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-13-2011, 01:15 PM Parent: #10
يا منال والله أنا خايف من المقالب بتاعتك خلي الطابق مستور يعني أنت شايفه الحالة ممكن يكون حلها بمن سبق لهاالزواج ومجربه لكي تلجم أخونا أبو الزهراء والله قررك مجحف جدا الله يجزي محنك
Post: #11 Title: Re: أنا عايز عروس تعمل وتكون مطيعه جدا Author: قيقراوي Date: 12-13-2011, 01:04 PM Parent: #7
Quote: عروس تعمل وتكون مطيعه جدا
دي البطيخة مش!؟
------
بطيخة آلية اوتوماتيكية .. بي مكنة .. و ريموت كنترول
Post: #12 Title: Re: أنا عايز عروس تعمل وتكون مطيعه جدا Author: انعام حيمورة Date: 12-13-2011, 01:10 PM Parent: #11
يابنات واحدة فيكم تجي تغطي قدحها هههههههههههههههههه
تخلينا نتراح من الولد زهير دا ..
-- يا زهير ذبحتنا ذبح هههههههه
Post: #14 Title: Re: أنا عايز عروس تعمل وتكون مطيعه جدا Author: منال Date: 12-13-2011, 01:27 PM Parent: #12
Quote: سبق لهاالزواج ومجربه لكي تلجم أخونا أبو الزهراء والله قررك مجحف جدا الله يجزي محنك
عسل انت يا ابو الزهور لووووووووووووووول
Post: #15 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-13-2011, 01:32 PM Parent: #12
أنعام حيمورة تحياتي ليك ولكل الحيمراب أنت السبب يا ضخمه وخلاص بقت بس واحدة تجي تغطي قدحا ما عيز كدا وأنت عارفه (الله ما موجود يا أنعام وبيسالك من حقي )
*أزهري كيف تحياتي ليهو
Post: #16 Title: Re: أنا عايز عروس تعمل وتكون مطيعه جدا Author: قيقراوي Date: 12-13-2011, 01:33 PM Parent: #12
Quote: أنا مطيعة جداً جداً ولكني لا أعمل يا زهير
طيب ما تعملي رايحة ياخ! المافي شنو؟
-------
بعدين في داعي توصليها لي ي ي ي آدم همسلف؟! قالو (جدن) وااااحد بس!
Post: #18 Title: Re: أنا عايز عروس تعمل وتكون مطيعه جدا Author: تيسير عووضة Date: 12-13-2011, 01:41 PM Parent: #16
قيقا ..
نشيل ونشتت في السكر تجيك منال كدايس تطير الحمام وتقعد
حاسدة حسادة
Post: #19 Title: Re: أنا عايز عروس تعمل وتكون مطيعه جدا Author: انعام حيمورة Date: 12-13-2011, 01:42 PM Parent: #16
Quote: أنت السبب يا ضخمه وخلاص بقت بس واحدة تجي تغطي قدحا ما عيز كدا وأنت عارفه (الله ما موجود يا أنعام وبيسالك من حقي )
اولا يا زهير كلامك دا والله ما فهمت منو التكتح ويطرشني ويعميني كان انا عارفة شي .. ههههههههههه
ثانيا : ركز مع منال دي اخير ليك مني ومن تيسير عووضة ههههههههههههههههه
Post: #17 Title: Re: أنا عايز عروس تعمل وتكون مطيعه جدا Author: mayada kamal Date: 12-13-2011, 01:37 PM Parent: #12
Quote: يابنات واحدة فيكم تجي تغطي قدحها هههههههههههههههههه
يا نعومي دي منو الامها قنعاااااانة منها دي !!!!!!!!!!
Post: #20 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-13-2011, 01:46 PM Parent: #17
#
ميادة كمال أزيك يابت وينك أنت حيه في الدنياوالله أنت ما سعيدة علي الاقل أبوالزهراء راجل عايش للضحك واللعب وأنت بس عسكري نظام عام أمشي البيت خلاص الدوام أنتهي وكمان ما تنسي تستحمي بموية فاتره عشان ما تمرضي هههههههه
Post: #26 Title: Re: أنا عايز عروس تعمل وتكون مطيعه جدا Author: طه إبراهيم عبد الله Date: 12-13-2011, 01:58 PM Parent: #20
تحياتي الطيبة يا زهير وربنا يرزقك بمن تسعدك وتسعدها .. على سبيل المزاح .. اعمل زي الزميل في الصورة التحت واستنى النتيجة عسى يصير خير العزابي التحت دا كان محتاج لزوجة بصورة عاجلة - حسب قصة الفيلم - قام صاحبو نشر إعلان في الصحف .. وشوف النتيجة
الصورة من فيلم The Bachelor
Post: #29 Title: Re: أنا عايز عروس تعمل وتكون مطيعه جدا Author: فايزودالقاضي Date: 12-13-2011, 02:07 PM Parent: #20
ابو الزهور ...
تيسر مطيعة جدا جدا وانا بضمنها ليك ..لكن ماعاملة.. ميادة كمال عاملة لكن الا تكون انت مطيع...دي من النوع البدق ..
Post: #88 Title: Re: أنا عايز عروس تعمل وتكون مطيعه جدا Author: mayada kamal Date: 12-14-2011, 08:08 AM Parent: #29
كتب ابو الزهراء
Quote: وأنت بس عسكري نظام عام
فيما كتب فايز ود القاضي أيه فيني إني
Quote: ميادة كمال عاملة لكن الا تكون انت مطيع...دي من النوع البدق ..
أسع في داع سياسة تطفيش المعجبين دي وفي رواية اخرى إشانة السمعة في البورد
Post: #21 Title: Re: أنا عايز عروس تعمل وتكون مطيعه جدا Author: انعام حيمورة Date: 12-13-2011, 01:49 PM Parent: #17
Quote: يا نعومي دي منو الامها قنعاااااانة منها دي !!!!!!!!!!
لالا يا ميادة والله عاد اشكر ليك زهير دا
عاد مافيهو الكلمة
اصيل وطيب وود ناس وصحفي قدر الدنيا ما تشوفي حركاته دي
والله ساعة الجد جادي
وحبوب وامور
اها تاني شنو ؟
رايك شنو تغطي قدحك كان هو وافق ؟ ههههههههههههه
Post: #22 Title: Re: أنا عايز عروس تعمل وتكون مطيعه جدا Author: تيسير عووضة Date: 12-13-2011, 01:51 PM Parent: #17
يا شاويش عطية دا شنو؟
?Et tu, Brute
Post: #24 Title: Re: أنا عايز عروس تعمل وتكون مطيعه جدا Author: تيسير عووضة Date: 12-13-2011, 01:56 PM Parent: #22
Quote: رايك شنو تغطي قدحك كان هو وافق ؟ ههههههههههههه
لا يخطب أحدكم فوق خطبة أخيه
لكن برضو حب لأخيك كماتحب لنفسك خلاص نتشارك زهير دا كيف يا ميدو؟
Post: #23 Title: Re: أنا عايز عروس تعمل وتكون مطيعه جدا Author: قيقراوي Date: 12-13-2011, 01:53 PM Parent: #17
Quote: نشيل ونشتت في السكر
سكر وين ياا
التايسا وصلت تب
-----
انا مستغرب -مع الصورة الفي البوست الاساسي- انو البوست دا ما مشى الخور لي اسي ليه!؟
ركبتي بص غلط .. انت واصلة وين؟
البص دا خطو : المنبر العام - الخور .. دون عودة كلو كلو
Post: #27 Title: Re: أنا عايز عروس تعمل وتكون مطيعه جدا Author: انعام حيمورة Date: 12-13-2011, 02:01 PM Parent: #23
تيسير عاد انا حاضرة وانتي غايبة ،
وانا جادة في شكري ليهو دا ..
ما تشوفي كتابته دي .. والله زهير زول عسل شديد
اعملي ليهو زيارة للامارات عشان تعايني العريس بي نفسك .. ههههههههههههه
Post: #32 Title: Re: أنا عايز عروس تعمل وتكون مطيعه جدا Author: تيسير عووضة Date: 12-13-2011, 02:11 PM Parent: #27
يا نعوم ياخ كتابتو مالا؟
دا كاتبي المفضل ياخ
بس فاضل نقنعو بي حكاية سبق لها الزواج دي ويبقى كلو ألسطة يا باشا
Post: #38 Title: Re: أنا عايز عروس تعمل وتكون مطيعه جدا Author: نوفل عبد الرحيم حسن Date: 12-13-2011, 03:17 PM Parent: #32
Quote: لا يخطب أحدكم فوق خطبة أخيه
Post: #28 Title: Re: أنا عايز عروس تعمل وتكون مطيعه جدا Author: تيسير عووضة Date: 12-13-2011, 02:03 PM Parent: #23
سجمي يا قيقا هو في صورة في البوست دا بتودي الخور؟
يعميني ويطرش الجيران
وأنا أقول الإستثنائية حايمة بي جاي ليه؟
Post: #30 Title: Re: أنا عايز عروس تعمل وتكون مطيعه جدا Author: منال Date: 12-13-2011, 02:09 PM Parent: #28
Quote: وأنا أقول الإستثنائية حايمة بي جاي ليه؟
لوووووووووول اصلو ياتيسير الاستثنائيه ما بتعجبه الا الحاجات البتودى الخور
هسى خور بكرى ده نصو ملكى ,,,
Post: #25 Title: Re: أنا عايز عروس تعمل وتكون مطيعه جدا Author: abdelgadir mustafa Date: 12-13-2011, 01:58 PM Parent: #17
ابو الزهور لك التحيه اخوك كمل اتناشر سنه عرس ..... وكان في زول قال فهم جنس أنعام حيموره دا بيكون كضاب..... عشان كده عرس وانت صاغر ..... بعدين زملينا قال العرس زي نار جهنم القران حذر منها والعلماء كذلك والبني ادم خائف منها وبعد دا الناس بدخولها..... ولو عاوز عروس مطيعة عليك بثلاثة اشياء عندما تصل البيت تعملا وهي ان تضع جزلانك ومفتاح عربتك وموبايلك في يد زوجتك وتقول ليها بابتسامه أنا وصلت حبيتي ......بعد داك بتطيعك في اى حاجة..... وقدر ما تكتر الجرسه ستغرق اكثر في الرمال المتحركة ....
Post: #31 Title: Re: أنا عايز عروس تعمل وتكون مطيعه جدا Author: انعام حيمورة Date: 12-13-2011, 02:09 PM Parent: #25
Quote: ولو عاوز عروس مطيعة عليك بثلاثة اشياء عندما تصل البيت تعملا وهي ان تضع جزلانك ومفتاح عربتك وموبايلك في يد زوجتك وتقول ليها بابتسامه أنا وصلت حبيتي
ههههههههههههههه
حلوة وملعوبة يا عبد القادر مصطفى ...
--- والله امس في بالي وينك مختفي شديد كدة (متلووومة معاك ) ..
Post: #35 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-13-2011, 02:38 PM Parent: #31
# والله محتارة ما عرفت مطلقة ولا فتاة ولا زوجة شهيد ولا أرمله ولامن جيلنا ولا من الجيل السابق والله ورطه
يا ودالبشري ألحقني
Post: #33 Title: Re: أنا عايز عروس تعمل وتكون مطيعه جدا Author: معاوية المدير Date: 12-13-2011, 02:13 PM Parent: #25
Quote: دي البطيخة مش!؟
لا، مكنة خياطة يا قيقراوي. والله صحي.
سلآم لزهير وبس...
Post: #34 Title: Re: أنا عايز عروس تعمل وتكون مطيعه جدا Author: PLAYER Date: 12-13-2011, 02:27 PM Parent: #33
Quote: أنا عايز عروس تعمل وتكون مطيعه جدا
الله يديكم ويدينا معاكم ...........قول أمين يازهير حكمة اليوم المراة المطيعة ما بتشتغل ...والمراة الشغالة ما مطيعة جدآ
Post: #36 Title: Re: أنا عايز عروس تعمل وتكون مطيعه جدا Author: قيقراوي Date: 12-13-2011, 02:59 PM Parent: #34
Quote: لا، مكنة خياطة يا قيقراوي. والله صحي.
بتقدس الحياة الزوجية لكن!؟
هي مكنة الخياطة بت منو؟ .. بت خيط!؟
و مطيعة دي امها و لّ ابوها؟
شايف في كلام عن الاسلاف و الجدود كمان [مطيعه جدا] ..
-----
يا اخوانا انا الجابي هنا شنو!؟ هو انا منو؟ ؤ من انتم ذاتو!؟
Post: #37 Title: Re: أنا عايز عروس تعمل وتكون مطيعه جدا Author: محمد عبدالرحمن محمد Date: 12-13-2011, 03:02 PM Parent: #34
Quote: سبق ليها الزواج أو لم يسبق ليها من أصلو أحسن من المتزوجة حالياً ولسة بتكابس وتهضرب
عودة ديجانقو
-
المطرطش
Post: #39 Title: Re: أنا عايز عروس تعمل وتكون مطيعه جدا Author: معاوية المدير Date: 12-13-2011, 03:19 PM Parent: #37
Quote: هي مكنة الخياطة بت منو؟ .. بت خيط!؟
لا، بت سنجر.
أمشوا اطلبوها من سنجر. والله صحي...
Post: #40 Title: Re: أنا عايز عروس تعمل وتكون مطيعه جدا Author: قيقراوي Date: 12-13-2011, 04:31 PM Parent: #39
Quote: أمشوا اطلبوها من سنجر. والله صحي...
ؤ عمك سنجر دا تشاشتو بي وين لي (الغافل) عشان نلقى عندو الشورة!؟
Post: #41 Title: Re: أنا عايز عروس تعمل وتكون مطيعه جدا Author: اميرة السيد Date: 12-13-2011, 04:50 PM Parent: #40
يا زهير انت عاوز واحدة شغالة وتكون مطيعة جدا... بس كلمة جدا دي بالغت فيها.. ما تكون مطيعة بس بدون جدا دي.. وده معناهو انت عاوزها تكون زي الخاتم في صباعك وتعجنها زي ما انت عاوز... ودي ما بتلقاها في الزمن ده.. هسع البنات عارفات حقوقهن بالكامل وما ممكن تكون زي الأثاث في البيت وما تكون عندها رأي .. وما تناقشك في الحاجات الغلط وخاصة في الأمور الدينية... يعني مثلا ما ممكن تشوفك وانت بتعمل في حاجة حرام وما تقول ليك ثلث الثلاثة كم...مطيعة ما قلنا فيها حاجة.. لأن الله ورسوله أمر بهذا.. لكن مطيعة (جدا) دي كترتها شوية.. انا شغالة و حأكون مطيعة في ما يرضي الله ورسوله ولكن ما مطيعة (جدا).. بنفع؟؟!!( وجه ضاحك ومكشر) والله يديك العافية
Post: #42 Title: Re: أنا عايز عروس تعمل وتكون مطيعه جدا Author: فايزودالقاضي Date: 12-13-2011, 04:57 PM Parent: #41
اميرة الشقيقة ..سلامات ...
Quote: انا شغالة و حأكون مطيعة في ما يرضي الله ورسوله ولكن ما مطيعة (جدا).. بنفع؟؟!!
زهير واميرة باركوها عليكم الله ... يازهير اسحب جداً دي وخلى الامور تعدي على خير .. وانت كمان يااميرة مادام مطيعة كملى طاعتك واقبلي بجداً دي ..
فايز / وزير العروسة
الف مبروك ..
Post: #43 Title: Re: أنا عايز عروس تعمل وتكون مطيعه جدا Author: ود الباوقة Date: 12-13-2011, 05:05 PM Parent: #42
استاذنا زهير
المواصفات التي طلبتها متوفرة
بس كمان نحن للاطمئنان
لابد من اخضاعك لكشف بالرنين المغناطيسي
رايك شنو ؟؟؟؟
Post: #44 Title: Re: أنا عايز عروس تعمل وتكون مطيعه جدا Author: smart_ana2001 Date: 12-13-2011, 06:24 PM Parent: #43
شغالة و مطيعة دى بس تكون عاوز ليك واحده تاكل قروشا و ما تقول ليك شيء. رجال اخر زمن
Post: #46 Title: Re: أنا عايز عروس تعمل وتكون مطيعه جدا Author: سارة علي Date: 12-13-2011, 06:38 PM Parent: #44
زحوا جاي ولا جاي.. لا تيسير لا ميادة.. انا "زواله" عاملة ومطيعة ... بس ما بعرسك الا بعد موافقة ود عمي.. لو قال خير التكاليف كلللللللها علي.. انت بس عليك حق التلج.. ما بتلقى زواله زي..احسن ليك من تيسير ـــــــــــــــــ الف حمد لله ع السلامة يا تيسير..اتصلت عليك مرتين وماف رد ..عارفة انك ظروفك ماكانت بتسمح بالرد بس حبيت اتطمن عليك وحمدلله تاني ع السلامة
Post: #50 Title: Re: أنا عايز عروس تعمل وتكون مطيعه جدا Author: محمد البشرى الخضر Date: 12-13-2011, 06:51 PM Parent: #44
ابو الزهور ... شغالو ومطيعة !! طيب وقت اصلو حلم ما كان تتمو وتقول سمحة طويلة وارثة ما عندها اخوات وامها ميتة ... واهم حاجة خرساء
Post: #49 Title: Re: أنا عايز عروس تعمل وتكون مطيعه جدا Author: رهف Date: 12-13-2011, 06:50 PM Parent: #43
يا جماعة انا عندي اقتراح لحل مشكلة اخونا زهير وهي ان تتكون لجنة ومهمة اللجنة هي حصر عذابة البورد وتصنيفهم حسب وضعهم الوظيفي وزهير لازم يحدد نوع العمل هل قطاع خاص او عام لتسهيل مهمة اللجنة بعد ذلك تجي قصة الطاعة والتي سوف نترك تقديرها لاعضاء اللجنة المؤقرة يعني ما يجينا حد يتهم اللجنة بالخج والتزوير وعلي الاخ زهير تحفيز اعضاء اللجنة وان يتكفل بكفاءة نثريات اللجنة واهم حاجة حافز صاحب الاقتراح وكلك نظر يا زهير
Post: #45 Title: Re: أنا عايز عروس تعمل وتكون مطيعه جدا Author: Hatim Elmaki Date: 12-13-2011, 06:34 PM Parent: #1
يا زهير اخوي ما براك فارقه معاك انا زاتي بدور في واحده شغاله وعندها بيت وسياره ومطيعه وبتعرف تتكلم وبتشتغل اشاء الله في كشك ليمون
Post: #47 Title: Re: أنا عايز عروس تعمل وتكون مطيعه جدا Author: ود الباوقة Date: 12-13-2011, 06:44 PM Parent: #45
زهير
بالله ما تزعل مني
الكشف الطبي فقط للتاكد من
( الكنداسات ) شغالة ام تعطلت
وشكرا
Post: #48 Title: Re: أنا عايز عروس تعمل وتكون مطيعه جدا Author: اميرة السيد Date: 12-13-2011, 06:46 PM Parent: #45
يا فايز يا ولي امري..كبف نباركها وهو عاوز واحدة تكون صماء وبكماء وطرشاء لأن كلمة جدا دي بتعني هذه الكلمات الثلاثة.. وزي ما قالت سمارت رجال آخر الزمن عاوزين واحدة بس تشتغل وهو ياكل قروشها وهو نائم... وبعدين الله سبحانه وتعالي قال في كتابه الكريم الرجال قوامون على النساء بما انفقوا من أموالهم.... يعني الراجل لازم ينفق ويصرف وما يشيل من قروش زوجته ولا مليم واحد... لكن طبعا الدنيا مشاركة في السراء والضراء والمراة تقف بجانب زوجها بكل ما لديها... ونحن متفقين في هذا ... لكن كلمة "جدا" دي بالغ فيها بالجد.. وانت لازم تقيف وقفة صارمة من اجل مصلحتي( وجه باسم ومكشر في نفس الوقت)... طبعا يا فائز الوجوه المكشرة والوجوه الضاحكة بقت ما بتجي بعدما غيرت الكمبيوتر).. والله يديك العافية
Post: #52 Title: Re: أنا عايز عروس تعمل وتكون مطيعه جدا Author: فايزودالقاضي Date: 12-13-2011, 07:11 PM Parent: #48
Quote: وبعدين الله سبحانه وتعالي قال في كتابه الكريم الرجال قوامون على النساء بما انفقوا من أموالهم....
غايتو ياالنسوان حيرتونا !!! ... قلنا الرجال قوامون على النساء قلت ارحلوا من البلد .. قلنا خلاص انتو القوامات قلت ترحلوا انتو من البلد .. نسوى شنو يعني ؟
Quote: وانت لازم تقيف وقفة صارمة من اجل مصلحتي
انت عارفة مصلحتك تهمني لكن كمان مالدرجة تخشي الخمسين وانا اتفرج لازم افكك قبل تفككي براك ..
Quote: طبعا يا فائز الوجوه المكشرة والوجوه الضاحكة بقت ما بتجي بعدما غيرت الكمبيوتر)..
ليه ؟ انت شلتيها من منبر بكرى نهائي وختيتها في كمبيوترك القديم ؟!!!
تحياتي ياشقيقة ..
Post: #51 Title: Re: أنا عايز عروس تعمل وتكون مطيعه جدا Author: عاطف عمر Date: 12-13-2011, 06:54 PM Parent: #1
Quote: أنا مطيعة جداً جداً ولكني لا أعمل يا زهير
زهير اسمع كلامي دا الزولة دي ( من عندها ).. مطيعة جداً جداً ( ومن عندي ) .. تعمل ( مديراً ) في أحد أكبر المؤسسات المالية في الخليج العربي وعندها شقة في أرقى مدن الخليج وتملك سيارة ( .... ) آخر موديل ورغم ذلك تريد إستبدالها بـ ( باجيرو ) لنفسها و ( باثفيندر ) لـ ( بعل ) المستقبل ( أو العكس )
وليست ( أربعينية ) أقل بكتييييييييييييير
أتاريك يا تايسا كنتي حاسة أنو سعدك جاييك بالسرعة دي عشان كدا قمتي تجهزي في العربات ؟؟ آمنت بيك
لذلك ننصحك أن ترسل لنا توكيلاً بأعجل ما تيسر لنتمم لك هذه الزيجة المباركة قبل أن يأتي ود البشرى
أميرة السيد
معليش حاولي في المرات القادمة
Post: #53 Title: Re: أنا عايز عروس تعمل وتكون مطيعه جدا Author: smart_ana2001 Date: 12-13-2011, 07:14 PM Parent: #51
Quote: يا جماعة انا عندي اقتراح لحل مشكلة اخونا زهير وهي ان تتكون لجنة ومهمة اللجنة هي حصر عذابة البورد وتصنيفهم حسب وضعهم الوظيفي وزهير لازم يحدد نوع العمل هل قطاع خاص او عام لتسهيل مهمة اللجنة بعد ذلك تجي قصة الطاعة والتي سوف نترك تقديرها لاعضاء اللجنة المؤقرة يعني ما يجينا حد يتهم اللجنة بالخج والتزوير وعلي الاخ زهير تحفيز اعضاء اللجنة وان يتكفل بكفاءة نثريات اللجنة واهم حاجة حافز صاحب الاقتراح وكلك نظر يا زهير
انا مع رهف. اى واحده عندها الرغبة فى المشاركة تكتب للجنة 3 سطور. الاول :تحدثنا عن امكانياتها المادية. شغل ...ورثة...صنعة. التانى: تحدثنا عن كونها مطيعة. مثال واحد او اتنين كفاية. الثالت: اى ميزات اخرى. ذى ما قال واحد البشرى, طويلة, طباخة, بتعرف لغات. اها باب الترشيح مفتوح لكل من تانس فى روحها الكفاءة
Post: #54 Title: Re: أنا عايز عروس تعمل وتكون مطيعه جدا Author: سارة علي Date: 12-13-2011, 07:24 PM Parent: #51
يا ود البشرى.. اريتك ودعم الياباني والتاباني.. ما شايف عاطف عمر؟؟ ما مقصر ما تيسير.. تعال اكتب اي شئ انشاءالله تزيدو موية.. عندي فرصة اخيرة والا حامشي للعلامة طلحة ابقيهو ود عما لي..
Post: #55 Title: Re: أنا عايز عروس تعمل وتكون مطيعه جدا Author: اميرة السيد Date: 12-13-2011, 07:50 PM Parent: #54
>>>>>>>>>>>>>>>>>>>>>>>>>>>>>>>>>>>> يا فايز يا ود عمي .. انت كمان ما تبالغ وانت عارف براك انا يا دوبك في بداية العشرينات..وهسع البنات بزوجن في سن الثلاثين كمان.. ولا انت عاوز تطفش زي ناس زهير..
Post: #56 Title: Re: أنا عايز عروس تعمل وتكون مطيعه جدا Author: ABUHUSSEIN Date: 12-13-2011, 08:03 PM Parent: #55
غايتو يا زهير لو ما طلعت من البوست دا بي عروس عليه العوض و منو العوض
Post: #59 Title: Re: أنا عايز عروس تعمل وتكون مطيعه جدا Author: motaz Date: 12-13-2011, 08:11 PM Parent: #56
رايك شنو في واحدة زي دي
أكيييييييد ما نافعة
Post: #58 Title: Re: أنا عايز عروس تعمل وتكون مطيعه جدا Author: فايزودالقاضي Date: 12-13-2011, 08:09 PM Parent: #55
Quote: يا فايز يا ود عمي .. انت كمان ما تبالغ وانت عارف براك انا يا دوبك في بداية العشرينات..وهسع البنات بزوجن في سن الثلاثين كمان.. ولا انت عاوز تطفش زي ناس زهير..
Post: #60 Title: Re: أنا عايز عروس تعمل وتكون مطيعه جدا Author: اميرة السيد Date: 12-13-2011, 08:15 PM Parent: #55
Quote: .. أميرة السيد
معليش حاولي في المرات القادمة
,,,,,,,,,,,,,,’’’’’’’’’’’’’’’................
عزيزي عاطف عمر
انت قايل نحن بنستسلم بالسهولة دي... انا شغالة في وظيفة محترمة في منظمة عالمية.. ومرتبي بالدولار.. اقوى عملة في العالم... وعندي عربية بي ام دبليو موديل 2007م.. وبرضه عندي بيت كبير في حي المسالمة امدرمان ومسجل باسمي ,, وعندي الآن مشروع لشراء شقة في مدينة دبي العالمية وشقة ثانية في مدينة البتراء الأردنية..اما حسابي في البنك فالرقم وصل خمسة اصفار.. وبعد فترة قليلة يمكن يصل الستة اصفار.. كفاية و لا ازيدك.. والله يديك العافية
Post: #62 Title: Re: أنا عايز عروس تعمل وتكون مطيعه جدا Author: عاطف عمر Date: 12-13-2011, 08:29 PM
أميرة يا أميرة
Quote: انت قايل نحن بنستسلم بالسهولة دي... انا شغالة في وظيفة محترمة في منظمة عالمية.. ومرتبي بالدولار.. اقوى عملة في العالم... وعندي عربية بي ام دبليو موديل 2007م.. وبرضه عندي بيت كبير في حي المسالمة امدرمان ومسجل باسمي ,, وعندي الآن مشروع لشراء شقة في مدينة دبي العالمية وشقة ثانية في مدينة البتراء الأردنية..اما حسابي في البنك فالرقم وصل خمسة اصفار.. وبعد فترة قليلة يمكن يصل الستة اصفار.. كفاية و لا ازيدك..
بس لو زدتي عليها كلمتين بس تكوني ما قصرتي
ضيفي
أقبل التعدد
تايسا خليها على نعقد ليكم بى مأذون واحد على أبو الزهور
بس قريبك ود القاضي دا بي قصة ( خمسينية ) دي بغتس حجرك مع أبو الزهور خليهو يعدلها بسرعة قبل أبو الزهور ما يرجع من عيزومة حلة الكوارع
______________
شفتي يا سارة الـ سي في الما خمج ؟؟؟
Post: #57 Title: Re: أنا عايز عروس تعمل وتكون مطيعه جدا Author: عاطف عمر Date: 12-13-2011, 08:07 PM Parent: #54
معليش يا سارة كان نفسنا نخدمك لكن كما تقول الوالدة ربنا يديها الصحة والعافية
يبدو أن بيت تايسا وأبوالزهور نزل خلاص
والقسمة أدتهم وإن شاء الله قسمتك قريبة
أبو الزهور زاااتو ما بيقصر فيكم أصحابو كتيرين بس إنت قوي علاقتك بى تايسا
Post: #61 Title: Re: أنا عايز عروس تعمل وتكون مطيعه جدا Author: فايزودالقاضي Date: 12-13-2011, 08:22 PM Parent: #57
Quote: انا شغالة في وظيفة محترمة في منظمة عالمية.. ومرتبي بالدولار.. اقوى عملة في العالم... وعندي عربية بي ام دبليو موديل 2007م.. وبرضه عندي بيت كبير في حي المسالمة امدرمان ومسجل باسمي ,, وعندي الآن مشروع لشراء شقة في مدينة دبي العالمية وشقة ثانية في مدينة البتراء الأردنية..اما حسابي في البنك فالرقم وصل خمسة اصفار.. وبعد فترة قليلة يمكن يصل الستة اصفار.. كفاية و لا ازيدك..
كان كدي البت لود عمها ... يازهير الدم حايكون للترقوة لو فكرت تتقدم لاميرة دي !!!
Post: #63 Title: Re: أنا عايز عروس تعمل وتكون مطيعه جدا Author: محمد البشرى الخضر Date: 12-13-2011, 08:43 PM Parent: #61
سرور يختي الكذب خيبة ابو الزهور قال تكون مطيعة و زاد ليها جدا يعني بتسمع الكلام وراسها ما قوي فمش كان زدتها موية كان طمبجتها عديل ما بتجي
بعدين اميرة بالسي في الماشاء الله دا ضيعتك انتي و ابو التا
Post: #68 Title: Re: أنا عايز عروس تعمل وتكون مطيعه جدا Author: سارة علي Date: 12-13-2011, 09:26 PM Parent: #63
Quote: سرور يختي الكذب خيبة ابو الزهور قال تكون مطيعة و زاد ليها جدا يعني بتسمع الكلام وراسها ما قوي فمش كان زدتها موية كان طمبجتها عديل ما بتجي
اتبريت منك دنيا وآخرة كان داير تزيدني بورة اكتر من العلي دي... لا حول ولا قوة الا بالله منك ..
ــــــــــــــــ خمسة بتخارج؟؟
Post: #69 Title: Re: أنا عايز عروس تعمل وتكون مطيعه جدا Author: محمد البشرى الخضر Date: 12-13-2011, 10:09 PM Parent: #68
Quote: خمسة بتخارج؟؟
عشرة
Post: #64 Title: Re: أنا عايز عروس تعمل وتكون مطيعه جدا Author: سارة علي Date: 12-13-2011, 08:46 PM Parent: #61
يا عاطف عمر .. اميرة شكلها حتودينا انا وتيسير في الحيط.. نتفق انا وانت وتيسير عليها في الاول نطفشا.. وبعدين نقبل على بعض.. الحرب بتحتاج التحالفات..
Post: #65 Title: Re: أنا عايز عروس تعمل وتكون مطيعه جدا Author: Mahmoud Mustafa Mahmoud Date: 12-13-2011, 08:54 PM Parent: #61
Quote: كان كدي البت لود عمها ... يازهير الدم حايكون للترقوة لو فكرت تتقدم لاميرة دي !!!
غايتو ناس....الواحد يفتح بوست لتزويج الشنو كدا ما عارف..
تلقاهو يجي يكابس ليك في بوستات العزابة الغلابة..
بالمناسبة.. مداخلتي في بوست تزويج البورداب المتزوجين..
كاتبها عمك الهكر...
شايف كيف؟؟
...
Post: #66 Title: Re: أنا عايز عروس تعمل وتكون مطيعه جدا Author: اميرة السيد Date: 12-13-2011, 08:54 PM Parent: #61
هسع يا معتز الكاريكاتير ده مش بالضبط بيوصف الحاصل للزوجة السودانية.. واقول السودانية بالذات لأنك بتلقاها بتعمل في الأكل وبتغسل الملابس وتكوي وتقوم تأكل الأطفال وتنظف البيت وتشتري الخضروات وتوصل الاولاد للمدارس وتذاكر للأطفال .. وزوجها بسلامته متكئ في الصالون بتفرج في التلفزيون او بيلعب كوشتينة مع اصحابه..وما شاعر بتعب زوجته.. هسع بالحالة دي الرومانسية تجي من وين( والله الكاريكاتير ده عبارة عن مقالة كاملة او قول كتاب كامل عن ما يحدث من أزمة ..واليوم قريت في جريدة امريكية ان رجل شرطة متقاعد ومتزوج من شرطية قبل شهرين فقط كاما في جلسة رومانسية ومولعين الشموع وفجأة دب الشجار بينهما بدون اي سبب معقول ودخل الشيطان بينهما وامسك الرجل بمسدسه وافرغ 4 طبقات في وجه زوجته وأرداها قتيلة في الحال.. وذهب بنفسه لمركز الشرطة وسلم نفسه.. ويقول الجيران انهم لم يسمعوا ابدا من قبل باي مشكلة بينهما وان الزوج كان يعامل زوجته باحترام شديد وبحب شديد ويدللها دائما... طيب اذا كان هذا حال هذا الزوج الذي يحترم زوجته ومولع بها ويحبها كل هذا الحب وفجأة انتفض وقتلها عمدا.. فما بال الآخرين الذين لا يحترمون بعضهم البعض ويعاملون المراة وكأنها أثاث من اثاث المنزل لا وزن لهاو لا قيمة... وساورد لكم مقال كتبه كاتب واديب في جريدة الحياة قبل ايام عن موضوع رائع بعنوان" عائشة القذافي" ويحي فيه قيمة البنت في العائلة... والله يديك العافية
Post: #67 Title: Re: أنا عايز عروس تعمل وتكون مطيعه جدا Author: فايزودالقاضي Date: 12-13-2011, 09:02 PM Parent: #66
Quote: بالمناسبة.. مداخلتي في بوست تزويج البورداب المتزوجين..
كاتبها عمك الهكر...
شايف كيف؟؟
يااخوى الكتب البوست ذاتو طلع هكر ...شفت كيف ؟!!
خلونا نحن العزابة ديل نعرس ياخي ..
Post: #71 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-13-2011, 11:11 PM Parent: #67
#في البداية شكرا لكل البوردابيات علي حسن الظن في الاخ أبوالزهراء
ولقد قرر الرومانسي أبوالزهراء وعريس أخر 2011 الاتي أعتماد قائمة الثلاثة أحتمالات مع التمحيص في مسائل الطاعة و مستوي الجمال والصحة والانجاب وكيفية الاستقرار في الوطن +
(أ) البدء الفوري في التفاوض الجاد مع صاحبة أول مبادرة الاستاذة تيسير دون الدخول في تفاصيل غير التي وردت في البداية مع الاصرار علي المعانية الشخصية لمعرفة مستوي الجمال والاناقة وتكليف الاخت أنعام حيمورة للفيام بكافة ما يلزم ومنحهافترة لاتتجاوز ال 72 لرفع تقريرها والافادات التي بموجبها يكون القرار
(ب)أعتبار الاستاذة سارة علي هي الخيار الذي ليس منه مفر لانها قريبة ودالبشري وتعيش في الوطن الام وممكن دراسة عرضها بواقعية وعليها أيضا الاصرار والمتابعه نسبة لقربها من مكان أتخاذ القرارَ!
(ت) الاستاذة أميرة السيد نري هي التي يمكنها القتال الشرس في معركة الوصول لبيت الزوجية ولكن لايزال هنالك شك في جدية عرضها وعلي رئيسة لجنة الاختيار والتفاوض أنعام حيمورة حسم مسألة أميرة في حالة فشل جهود الباقيات في الوصول الي أبو الزهراء أو أضاعة الوقت في التفاصيل التي تخدم مساعي الاخ العريس في الزواج بداية العام القادم
وعليه تم تكليف الاخت أنعام في البدء فورا والعمل الجاد لحسم مسألة زيجة أبوالزهراء الي نهاية الاسبوع
صدر هذا التكليف تحت توقيعي ببيت جدنا المرحوم محمد السيد حمد
امدرمان حي الاسبتالية منزل رقم 518 | الربع الثالث
لكل من لا تريد التعامل مع حاملة التكليف ممكن أن ترسل رغبتهاالاكيدة عبر الايميل الموجود في الروفيل
أها قصرت معكم
Post: #70 Title: Re: أنا عايز عروس تعمل وتكون مطيعه جدا Author: Yassir Tayfour Date: 12-13-2011, 10:33 PM Parent: #61
يا زهير بوستك ذكرني واحد من أخوانا السود الأمريكان، النكتة لا تصلح للنشر بغير تهذيب ؛) سأحاول تهذيبها ما أمكّن وأعود ؛) __ على كلٍ يا زهير "تعمل" تُقرأ -في أحسّن الأحوال- تنفق على نفسها، ومطيعة تقرأ "القوامة لزهير"، والقوامة يا زهير مرتبطة بالنفقة؛ أزّروايِّس، أرجاني بالنكتة ؛)
Post: #72 Title: Re: أنا عايز عروس تعمل وتكون مطيعه جدا Author: عبدالمجيد الكونت Date: 12-13-2011, 11:34 PM Parent: #70
هوي ياناس ماتشوفوا لينا معاكم عروس
وماعندنا اي شرووط
_______________ التوقيع عزابي ما متجرس شديد
Post: #73 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-13-2011, 11:35 PM Parent: #70
الاخ ياسر تحياتي
ياخي هي مش عايزة تأكل وتشرب وتلبس ومأوي ديل موجودة وكمان أنفاق بذخي في حدود المعقول قصرت معها !!!!!
Post: #74 Title: Re: أنا عايز عروس تعمل وتكون مطيعه جدا Author: Tragie Mustafa Date: 12-13-2011, 11:36 PM Parent: #70
غايتو انا زهير برشحه لصاحب اطرف بوستات في هذه الدوره الارشيفيه.
عاد يا زهيلا انت لو عرسته نحن نقبل وين ثاني؟! و البضحكنا منو؟!
اها يا صبايا انا بتفق مع انعام حيموره وحياتكم زهير ده زول طيب جدا ووناس خلاص ودمه خفيف ما تشوف الطرطشه البعمل فيها في البور ده ده.واخو اخوان ونقي ومهذب ويقدس الحياه الزوجيه!
ويا ساره بطلي المكابسه انت قريبك (الحمري/الامريكي) ما شايفاهو يعني؟! ما كسر ثلج الواطه كله؟!وعامله غباينه وحاتك هو راجل و الرجال قليل اتكلي على الله!وخلينا نودع 2011 دي بشوية افراح!
وتايسا تبطل هظار هي عربية العريس جابتها وجاي تضهب بجاي(ههههههه)
مبروك يا زهير واميره ويا اميره على فكره زهير اصغر كثير مما يبدو في الصوره.
وما تسمعي الطاعه الكايس ليها دي يمين الله طيب تاكل وتقشي في طرفه!
اها نقول مبروك؟!
Post: #75 Title: Re: أنا عايز عروس تعمل وتكون مطيعه جدا Author: Yassir Tayfour Date: 12-13-2011, 11:48 PM Parent: #74
Quote: ويقدس الحياه الزوجيه!
يا تراجي يقدس ولّ يدقِس الحياة الزوجية ؛) ___ يا زهير لو ربنا قاسم ليك تقعد في المقعد القدامي في الباجيرو بتقعد، لكن تيسر دي من البنات المهرن الإستشهاد في سبيل الله ؛)
Post: #77 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-14-2011, 00:02 AM Parent: #75
الاخت تراجي تحياتي والله شكرا ليك تعرفي أنا جادي لكين البنات ديل بحبوا اللعب ما عايزين عرس ولا حاجة والاجراءات كلها الان في يد أختي حبيبتي أنعام حيمورة هي البتعرف لهن تمام وكمان همتك معنا عشان تكون السنة دي نهاية عزوابية أبوالزهراء والله يا تراجي خلاص زهجت من الحياة بدون زوجة عايز كمان أكمل نص ديني ما معروف لمتين العمر اللي ما منو ثمره دا! لك الود شكرا علي المرور
Post: #78 Title: Re: أنا عايز عروس تعمل وتكون مطيعه جدا Author: سارة علي Date: 12-14-2011, 00:10 AM Parent: #77
تراجي؟؟؟
دايرين لعب نضيف بدون خشونة وتسلل.. وبطلي اشاعات :) الزوال دا قال دايرني لاني اقرب لمكان الحدث..اكيد قاصد قلبو.. امرقي منها..
Post: #80 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-14-2011, 00:28 AM Parent: #78
يا سارة علي أنت لغتك الام أنجليزية علي ما أظن أنت عندك أنعام حيمورة ممكن تعمل ليك تجسير للمسألة وأمورك واضحة خليك من ناس تراجي أنت الوحيدة اللي تنوم قفا وكمان بعدين من صراعات العزابيات المغتربات مع أنو ود البشري ما قدم ليك أي مساعدة ولا تزكية تخدمك لكين عشان عمل كدا أنا ح أعمليك مساندة منقطعة النظيرة نقدم وضعك في القائمة أها رأيك شنو أنا لاعايز خمسه أصفار ولا فور ويل داريفر قصرت معك .....بس ما يقوم يطلقوا أشاعة أنك عندك جكس في الخليج !
Post: #82 Title: Re: أنا عايز عروس تعمل وتكون مطيعه جدا Author: سارة علي Date: 12-14-2011, 00:56 AM Parent: #80
Quote: أنا ح أعمليك مساندة منقطعة النظيرة نقدم وضعك في القائمة أها رأيك شنو أنا لاعايز خمسه أصفار ولا فور ويل داريفر
الله اكبر..الله اكبر
اغلق البوست في ساعته وتاريخه هارد لك تايسا واميرة والاخريات كل زوال بزواله بتاعتو.. ايووووووووووووووووووووي يوي يوي يوي ويا ود البشرى ال12 تشمها قدحة
Post: #76 Title: Re: أنا عايز عروس تعمل وتكون مطيعه جدا Author: ساميه حامد Date: 12-13-2011, 11:54 PM Parent: #74
Quote: هوي ياناس ماتشوفوا لينا معاكم عروس
وماعندنا اي شرووط
هوي يا كونت انا حاجزاك لي امنية
ونحن قرايب يعني لازم تغطي قدحك
Post: #79 Title: Re: أنا عايز عروس تعمل وتكون مطيعه جدا Author: Tragie Mustafa Date: 12-14-2011, 00:19 AM Parent: #76
سروره....يا زوله التركين كيف و القراصه ال سته بوصه؟!
Quote: وبطلي اشاعات :) الزوال دا قال دايرني لاني اقرب لمكان الحدث..اكيد قاصد قلبو.. امرقي منها..
كان ده كله تماما نمرق منها ونقول مبروك(ههههههههه)
Post: #81 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-14-2011, 00:43 AM Parent: #79
أخوي الكونت تحياتي
والله ألف مبروك من قلبي ياخي أنت محجوز والله لكين أنت ما عندك عشرة (هههههههه) (هوي يا كونت انا حاجزاك لي امنية
ونحن قرايب يعني لازم تغطي قدحك)
أكل نارك يا قربيبي
Post: #83 Title: Re: أنا عايز عروس تعمل وتكون مطيعه جدا Author: سارة عيسى أحمد Date: 12-14-2011, 01:44 AM Parent: #81
خلاص عقدو ؟
ألف مبروك ...
غايتو يا ساره ،،شيلي شيلتك ،،،أبو الزهور ده بجي يفت مشاكلكم الزوجيه كلها هنا ..ويقول لينا : واحد صاحبي شاكل مرتو قال ليها كده وكده ،،أهه رايكم شنو
Post: #84 Title: Re: أنا عايز عروس تعمل وتكون مطيعه جدا Author: سارة علي Date: 12-14-2011, 02:23 AM Parent: #83
سارة عيسى ياخ ما تفلقي وتداوي ياخ انا قبلانة..ما بقدر احرم زملائي من بوستاتو حتى ولو كانت بتاعت شيل حال شكلو اميرة حرشتك.. هاردلك والله يبارك فيك :) حسدتوني في بورتي الحتتفكا دي هههههههههههههه
Post: #85 Title: Re: أنا عايز عروس تعمل وتكون مطيعه جدا Author: عادل الباهي عبدالرازق Date: 12-14-2011, 02:30 AM Parent: #83
Quote:
هوي ياناس ماتشوفوا لينا معاكم عروس
وماعندنا اي شرووط
_______________ التوقيع عزابي ما متجرس شديد
كنت فاكر أبو الزهور براهوا ياكافي البلاء البورد كلو يرمش
يا الكونت لا أحسن تتجرس شديد مالك عاصر علي نفسك
Post: #86 Title: Re: أنا عايز عروس تعمل وتكون مطيعه جدا Author: عاطف عمر Date: 12-14-2011, 05:25 AM Parent: #1
Quote: الله اكبر..الله اكبر
اغلق البوست في ساعته وتاريخه هارد لك تايسا واميرة والاخريات كل زوال بزواله بتاعتو.. ايووووووووووووووووووووي يوي يوي يوي
صحي القسمة ما معروفة سارة من آآآآآآخر ( زوالة ) في الترتيب وبدون ( دعم ) خليجي عربي وبدون ( إسناد) دولاري إمبريالي تقوم طاااااااااخ تطلع الأولى
غايتو هى برضها أختنا ومبروك عليك الله يا سرورة ودا اليوم الدايرنو ليك
Post: #87 Title: Re: أنا عايز عروس تعمل وتكون مطيعه جدا Author: فايزودالقاضي Date: 12-14-2011, 07:10 AM Parent: #86
Quote: كمان أكمل نص ديني
والنص الاول وينو ؟!!!
مبروك ياابوزالزهور ...كده بورتك فكت ...قدامك تلاتة عروض كل عرض يبكى.. فاظفر بذات الطاعة تربت يداك ...
طبعاً ابو الزهور ده اول مرة اقابله في الاضحى الفات ..وحقيقة راجل جميل وبشوش وطرفة وحبوب وصدقوني البتعرسه هو البطيعها بحبه وكمان الحله عليهو..
بس يطلع منها ود البشرى وهي تروق ..
Post: #89 Title: Re: أنا عايز عروس تعمل وتكون مطيعه جدا Author: انعام حيمورة Date: 12-14-2011, 08:25 AM Parent: #87
صباحكم جميل ..
بما اني (أم العريس) والمكلفة من قبل ابو الزهراء باختيار العروس .. ولازم نعمل معاينة للعروسة ..
بالنسبة للبت تيسير عووضة: لازم يا ابو الزهراء تقطع لي تذكرة (بفلاي دبي ) خميس وجمعة يعني بكرة وبعد بكرة اجي يوم السبت عشان اعاين البت تيسا دي ..
بالنسبة للبت سارة : الاسبوع البعده لامريكا للمعاينة بعدين سارة دي ما مضمونة مزاجا متقلب يا ابو الزهراء بتقدر عليها ؟
بالنسبة لاميرة السيد : ينظر ويفاد
ميادة كمال : مستبعدة من المنافسة لعسكريتها هههههههههههه
عليه:
نسبة لتكاليف الباهظة لمعاينة العروسات قررت انو اشوف ليه واحدة من بوردابيات الخرطوم وهنالك 4 سوف يعلن ترشيحهم ..
تراجي :
شكرا على المساندة والتأمين على كلامي ..
فايزود القاضي :
بقيت اسك مداخلاتك من نوع (فاظفر بذات الطاعة تربت يداك ...) هههههههههههههه
Post: #97 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-14-2011, 09:14 AM Parent: #89
يا أنعام ايوة كدا أستخدمي صلاحياتك عشان يتم أنجاز العرس دي في الاسبوع الاخير من ديسمبر ونخلص من البورة اللي ما عايزة تفكه وأنا ما عندي مانع في أي توسيع أو عمل لجنة عمل لمساعدتك في سرعة الانجاز وشوفي البت سارة لو ما جادة عشان لو ما جادة نسقط أسمها من القائمة
Post: #90 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-14-2011, 08:26 AM Parent: #87
سارة صباح الخير
ألحقي كم هائل من العروض والليل كلو مفاوضات في خيانة من أقرب الاقربين ليك وكمان العروض كانت من الخليج والبلدان الباردة والداخل بس لازم تثبتي جديتك عشان كمان السوق الحار ما يموت يابت بسرعة وتكون حربية وحاسمة عشان القرشين العندي ديل ما أقوم أسافر راس السنة وأرجع أبطي والنجم !!؟
Post: #91 Title: Re: أنا عايز عروس تعمل وتكون مطيعه جدا Author: محمد عبد الماجد الصايم Date: 12-14-2011, 08:36 AM Parent: #90
عليكـ بعروس المولد!! حلاة وحمار!!
Post: #93 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-14-2011, 08:45 AM Parent: #91
يا ود الصايم
بدل ماتقول مبروك تقوم تسبب لي أحباط خلاص ما العرس خلينا أنتو السبب
Post: #96 Title: Re: أنا عايز عروس تعمل وتكون مطيعه جدا Author: محمد عبد الماجد الصايم Date: 12-14-2011, 09:07 AM Parent: #93
يا أبو الزهور إنت كمان ساعدنا شوية ياخ! ما ممكن عروس وتعمل وتكون مطيعة!!
إنت ح تعمل شنو طيب؟
Post: #95 Title: Re: أنا عايز عروس تعمل وتكون مطيعه جدا Author: قيقراوي Date: 12-14-2011, 09:02 AM Parent: #90
Quote: الثالت: اى ميزات اخرى. ذى ما قال واحد البشرى, طويلة, طباخة, بتعرف لغات. اها باب الترشيح مفتوح لكل من تانس فى روحها الكفاءة
اللغات دي اهم شئ يا زهير اظفر بذات اللغات تربت يداك
------
يا اسمارت في دكانا بتاع ابل مرة بتناقش مع المالك عن (سيري) و بما اننا في الانقليزي دا يضربو بيو دا .. اها قام هيفو لي بحيث انو ما ح يكون مفيد هنا .. قلت ليو ممكن تكلف سيري يرسل رسالة للمدام بدلك قال لي : بالانقليزي لكن .. لو المدام ما بتعرف انقليزي طيب!؟ نصحتو : في الحالة دي يا تغير المدام، يا كمان تغير الايفون 4S عاد .. ما بعملوا ماتشينغ! او اقلو تلحق نفسا بكورس مكثف في اللغة الانقليزية المافي شنو!؟
.
Post: #92 Title: Re: أنا عايز عروس تعمل وتكون مطيعه جدا Author: نوفل عبد الرحيم حسن Date: 12-14-2011, 08:37 AM Parent: #87
Quote: انا شغالة في وظيفة محترمة في منظمة عالمية.. ومرتبي بالدولار.. اقوى عملة في العالم... وعندي عربية بي ام دبليو موديل 2007م.. وبرضه عندي بيت كبير في حي المسالمة امدرمان ومسجل باسمي ,, وعندي الآن مشروع لشراء شقة في مدينة دبي العالمية وشقة ثانية في مدينة البتراء الأردنية..اما حسابي في البنك فالرقم وصل خمسة اصفار.. وبعد فترة قليلة يمكن يصل الستة اصفار.. كفاية و لا ازيدك..
أقوي العروض حتي الان ومطابقه للمواصفات الزهيريه وزيادة كمان هزمت تيسير وساره سته صفر نطالب - نحن كمراقبين - ألغاء قرار ابو الزهور بترجيح كفة ساره رغم انها مفلسه وراسها قوي واحقاق الحق بترجيح كفة مرشحتنا صاحبة الخمسه اصفار
Post: #94 Title: Re: أنا عايز عروس تعمل وتكون مطيعه جدا Author: رهف Date: 12-14-2011, 08:54 AM Parent: #87
يا عاطف عمر طلعت صحي ضل الدوم وماسورة ازيك ومشتاقين اخبارك مقطوعة يا سارة علي قصة الواسطة والرشوة ظهرت يا انعام حيمورة نحن نشكك في نزاهة الاختيار
Post: #98 Title: Re: أنا عايز عروس تعمل وتكون مطيعه جدا Author: تيسير عووضة Date: 12-14-2011, 09:16 AM Parent: #94
ياخوانا هوي
أميرة وسارة ديل لمن يتعتعوا يجوا السودان من النصف الآخر للكرة الأرضية عشان المعاينة تكون القيامة قامت أنا في المسافة دي أكون ختفت رجلي السودان ورجعت ويكون العريس عقد العزم خلاص
بعدين يا زهير ياخ قال ليك لمالها(أميرة) ولجمالها(سارة) ولدينها (أنا دي ) فاظفر بذات الدين تربت يداك
البتين أعلاه أي نعم شغالات لكنهم ما مطيعات جداً والشغل كان ريح جيبك ما بيريح قلبك فخليك مع الطاعة
أها بدلة العرس أجيبا ليك أسود ولا كحلي؟
Post: #100 Title: Re: أنا عايز عروس تعمل وتكون مطيعه جدا Author: محمد عبد الماجد الصايم Date: 12-14-2011, 09:26 AM Parent: #98
Quote: ولدينها (أنا دي )
لدينها فعلا!!
Post: #99 Title: Re: أنا عايز عروس تعمل وتكون مطيعه جدا Author: قيقراوي Date: 12-14-2011, 09:22 AM Parent: #94
Quote: ويا اميره على فكره زهير اصغر كثير مما يبدو في الصوره.
اصلو ما ممكن يا تراجي ياخ!
دي صورة بروفايل و لّ مراية عربية هي!!
Post: #102 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-14-2011, 09:41 AM Parent: #99
الاخوات الكريمات من الداخل تحياتي أرجو أن يكون التفاوض وعروض المعانية عبر الاخت أنعام حيمورة وفي حالة الخجل منها يمكن الكتابة لها عبر الايميل لان أجل اللجنة والتفويض الي الجمعه فقط لكم الشكر
Post: #101 Title: Re: أنا عايز عروس تعمل وتكون مطيعه جدا Author: عاطف عمر Date: 12-14-2011, 09:40 AM Parent: #94
Quote: يا عاطف عمر طلعت صحي ضل الدوم وماسورة ازيك ومشتاقين اخبارك مقطوعة
مشتاقون والله يا رهف ياخ أنا استبعدتك من المنافسة لسببين السبب الأول إنك لم تذكري ( صراحة ) عن رغبتك في الإقتران بعريسنا ( اللقطة ) شوفي ناس تايسا وسارة وأميرة ( يحنسوا ويوسطوا ) السبب الثاني إنت عندك مستقبل ( وزاري ) وشيك الزواج وبلاويه بيعطلوك ساكت مافي داعي
ثم برضو مشتاقين
Post: #103 Title: Re: أنا عايز عروس تعمل وتكون مطيعه جدا Author: omar arbab Date: 12-14-2011, 10:01 AM Parent: #101
Post: #105 Title: Re: أنا عايز عروس تعمل وتكون مطيعه جدا Author: انعام حيمورة Date: 12-14-2011, 10:09 AM Parent: #103
Quote: أها بدلة العرس أجيبا ليك أسود ولا كحلي؟
بس دي النجيضة يا ود الصائم
بالله التزموا باي طلب لازم يمر بي ما تجوطوا الشغلة ساي
رهف : انا قلت ناس الخرطوم ناس الخرطوم هههههههه
-- حلا وحمار اصلا بطيخة ياخ هههههههههه
Post: #104 Title: Re: أنا عايز عروس تعمل وتكون مطيعه جدا Author: تيسير عووضة Date: 12-14-2011, 10:05 AM Parent: #101
تراجي وفايز وعاطف اصبروا لي :)
ويا عاطف قالوا الصيت ولا الغنى ..
Post: #106 Title: Re: أنا عايز عروس تعمل وتكون مطيعه جدا Author: محمد عمر جبريل Date: 12-14-2011, 10:23 AM Parent: #104
معليش للتعديل .. بس يا زهير الصورة الجايبها في بداية البوست دي ما ظاهرة للناس كللها بالجد صورة ما حلوة وبتوري الناس إنو الزواج عندك كما جاء في الصورة أعلاه
البزعل بالجد إنو معظم الأخوات الإتداخلو هنا إتداخلو بحسن نية وما عارفين ترميزك بالصورة دي شنو
أو على الأقل إنت عايز شنو
نصيحة لكل الأخوات المتداخلات في البوست دا يمشو يعدلو الكود بتاع الصورة القوق دي ويشوفو الصورة المنزلها .. وبعتذربرضو لكل الأخوات لو شفتن الصورة وما فارقة معاكم كتير
سبب التعديل لأني برضو إتداخلت بحسن نية
Post: #107 Title: Re: أنا عايز عروس تعمل وتكون مطيعه جدا Author: قيقراوي Date: 12-14-2011, 10:26 AM Parent: #104
Quote: بعدين يا زهير ياخ قال ليك لمالها(أميرة) ولجمالها(سارة) ولدينها (أنا دي ) فاظفر بذات الدين تربت يداك
لا للتجارة باسم الدين
-----
زهير علماني ذاتو! او كما قال
Post: #108 Title: Re: أنا عايز عروس تعمل وتكون مطيعه جدا Author: Kabar Date: 12-14-2011, 10:39 AM Parent: #104
زهير.. حبابك هو بالله الموضوع لحق يكون فيهو شروط؟ بعد اذنك اسمح لي بوضع اعلاني معاك هنا (يفتح الله و يستر الله)..
بالنسبة للعروس.المرتقبة: اقف موقف وسط..بين زهير المتطرف (بتاع مطيعة جدا)..و الكونت المنبرش (بتاع مافي اي شروط).. الإتنين زاغوا ما اتكلموا عن انفسهم (يعني بطيخة مقفولة).. الإيجابيات: اخضر قيافة..وسيم (لكن ما شديد)..شغال كويس.. بحب المزيكا (بسمع لغاية حركتك ########ة و كده).. اهم حاجة خالي قدح..ولا اؤمن بتعدد الزوجات..! اخطر حاجة ح تعجبك فيني صوتي..! (جانيت جاكسون اتكسرت فيني ذات مرة).. اتحدث الإنجليزية بطلاقة..و العربية..و قليل من الأسبانية.. العمر منتصف الأربعينات (الشدر الكبار فيهو السمغ/ و اسأل مجرب وكده)..!
العيوب: صموت ( ما تشيفن النقة بتاعة البورد).. اشولنجي.. ابتسامتي باهتة.. اتشوكشتا و شوكشتا كتير (ما من مزعة في فروة راس والإ بها فلقة شاكوش)..!
بالنسبة للعروس..تكون سمينة ما مشكلة (الجيم جنب الباب طوالي)..حاضرة البديهة.. ثرثارة بصورة محببة..بتعرف كيف تختار نكهة الشمع المعطر ..ما تكون اطول مني..!
و نتفاوض من غير زعل..
(ياخي سمحة الفرقة الواحد يعمل انقلاب)...
كبر
Post: #109 Title: Re: أنا عايز عروس تعمل وتكون مطيعه جدا Author: فايزودالقاضي Date: 12-14-2011, 10:40 AM Parent: #104
Quote: أها بدلة العرس أجيبا ليك أسود ولا كحلي؟
ضربة معلم ياتيسير ...اعتقد عرض البدلة منك بيديك دفعة لقدام نحو زهير ولو دخلتي الشرابات ومنديل البدلة معاهم انا بضمن ليك فتح الخشم ..
Quote: تراجي وفايز وعاطف اصبروا لي :)
هسه انا عملت شنو لاماني مع الناس ديل ...معقولة بعد تراجي طوالي ؟!!
Post: #111 Title: Re: أنا عايز عروس تعمل وتكون مطيعه جدا Author: ABUHUSSEIN Date: 12-14-2011, 10:56 AM Parent: #109
Quote: عليكـ بعروس المولد!! حلاة وحمار!!
و إمشي ياكلها في الفندق....!!!!
Post: #113 Title: Re: أنا عايز عروس تعمل وتكون مطيعه جدا Author: محمد عبد الماجد الصايم Date: 12-14-2011, 11:18 AM Parent: #111
Quote: و إمشي ياكلها في الفندق....!!!!
ويدقها كمان!!
Post: #110 Title: Re: أنا عايز عروس تعمل وتكون مطيعه جدا Author: أمير فتحي Date: 12-14-2011, 10:50 AM Parent: #104
أبو الزهور نصيحة أخو
عاطلة في اللمارات ولا شغالة في السودان (مثل مغتربين قديم)
Post: #112 Title: Re: أنا عايز عروس تعمل وتكون مطيعه جدا Author: طلحة عبدالله Date: 12-14-2011, 11:15 AM Parent: #110
سارة الجبارة
Quote: حامشي للعلامة طلحة ابقيهو ود عما لي
إتي ما تمشيش أيتها بكان .. إتي بس تخليك قاعدة عزيزة بت عزاز مكرمة بت أكارم وأنا علي أجيك في محلك عشان أبقي ود عمك بلا جرجير بلا كلام الطير في الباقير .. لكن النصيحة لله ما بديك لأخونا المحترم زهير دا ولو دفع فيك وزنك ووزن جرجير دهب والماسا وزمرد ..
Post: #114 Title: Re: أنا عايز عروس تعمل وتكون مطيعه جدا Author: حاتم محمد حاج المهدي Date: 12-14-2011, 11:38 AM Parent: #112
بالله أنجزوا لينا الموضوع ده سريع..
العرس لازم يكون في السودان (بغض النظر عن من هي العروس). والدعوة تكون غدا، وأهم حاجة تكون صواني جني وجن الكوكتيل!
زهير عليك الله ما تعمل كشف..
Post: #124 Title: Re: أنا عايز عروس تعمل وتكون مطيعه جدا Author: فايزودالقاضي Date: 12-14-2011, 02:07 PM Parent: #112
Quote: لكن النصيحة لله ما بديك لأخونا المحترم زهير دا ولو دفع فيك وزنك ووزن جرجير دهب والماسا وزمرد ..
غواصة الهلال ده يازهير قاعد ليك بالمرصاد وعايز يفشل عرسك .. الغواصة ده مواقفه دايماً عكس التيار ..
مشتاقين ياطلحة ..
Post: #115 Title: Re: أنا عايز عروس تعمل وتكون مطيعه جدا Author: ناصر البطل Date: 12-14-2011, 11:47 AM Parent: #1
Quote: يا أبو الزهور إنت كمان ساعدنا شوية ياخ! ما ممكن عروس وتعمل وتكون مطيعة!!
إنت ح تعمل شنو طيب؟
حياكولا كلها
جمجمجمجم كده
و الله صحي
:)
Post: #116 Title: Re: أنا عايز عروس تعمل وتكون مطيعه جدا Author: معاوية المدير Date: 12-14-2011, 12:08 PM Parent: #115
Quote: لدينا ها فعلا!!
دينا خالد ؟؟؟
Post: #117 Title: Re: أنا عايز عروس تعمل وتكون مطيعه جدا Author: قيقراوي Date: 12-14-2011, 12:12 PM Parent: #115
Quote: ويدقها كمان!!
جااااااكم السواق البودي البص دا التيرمنال بتاعو!
-------
ود الصايم قوم لف اند كلكت بيبرز .. و ابو حسين دا ما تنساهو .. سوقوا معاك
Post: #118 Title: Re: أنا عايز عروس تعمل وتكون مطيعه جدا Author: معاوية المدير Date: 12-14-2011, 12:26 PM Parent: #117
Quote: جااااااكم السواق البودي البص دا التيرمنال بتاعو!
يا قيقراوي، المرا بيدقوها بي أُخُتا. والله صحي.
مُش كده؟؟؟
بريئ يا حضرة القاضي. برضو والله صحي...
Post: #119 Title: Re: أنا عايز عروس تعمل وتكون مطيعه جدا Author: قيقراوي Date: 12-14-2011, 12:42 PM Parent: #118
Quote: المرا بيدقوها بي أُخُتا. والله صحي.
مُش كده؟؟؟
لا كان كدا براءة وكت كلام نسوان المسألة دي جندرية كان كدا
----
يا ود الصايم .. وشيل شيلتك عاد و شوف ليك محامي كويس .. المدير دا بضيعك و الله صحي
Post: #120 Title: Re: أنا عايز عروس تعمل وتكون مطيعه جدا Author: محمد عبد الماجد الصايم Date: 12-14-2011, 12:50 PM Parent: #119
يا قيقابايط! بوستات زهير دي ما فيها حزام أمان ياخ!! والله صحي برضو!!
Post: #121 Title: Re: أنا عايز عروس تعمل وتكون مطيعه جدا Author: أيمن الطيب Date: 12-14-2011, 01:18 PM Parent: #120
Quote: الإتنين زاغوا ما اتكلموا عن انفسهم (يعني بطيخة مقفولة)..
الإتنييييييين شنو يا كبر؟؟؟
ياخ أنا اقول المنبر دا كلو مختفى وين الليلة!!! طلع كلو مكسر فى حوش ناس ابوالزهور,,,
يا زوزو الكيتة دى كان مرقتا منها كيت تانى إلا تمشى الجامع وتطلب السترة,,
الإسكيز كبا الهنان هبترش تكتل ملف تلقا ف هنانك زاتو..وكان هو ما ختاها ليك نهن نختا ليك....
Post: #122 Title: Re: أنا عايز عروس تعمل وتكون مطيعه جدا Author: قيقراوي Date: 12-14-2011, 01:23 PM Parent: #120
Quote: بوستات زهير دي ما فيها حزام أمان ياخ!! والله صحي برضو!!
خصوصاً البص دا ..
نتعو و قام بيو بنمرة مافي ذاتو! ما خلاو يسخن كلو كلو
Post: #123 Title: Re: أنا عايز عروس تعمل وتكون مطيعه جدا Author: Mahmoud Mustafa Mahmoud Date: 12-14-2011, 01:50 PM Parent: #120
ويدقهاقلت لي؟؟
والمدير كمان يجي يقول يدقها بأختها..
أكيد قاصد أخوها..السحسوح داك..
قبل كدا كان في واحد شكر لينا الشامبو بتاع الفنادغ..
أها الخور ما قرررررب؟؟
أححححححححي يا ضهري..
Post: #125 Title: Re: أنا عايز عروس تعمل وتكون مطيعه جدا Author: اميرة السيد Date: 12-14-2011, 03:25 PM Parent: #123
Quote:
يا اميره انا برشحك عارفه ليه مش عشان الاصفار الخمسه بس لانكم (رطانه) سوا تضربوا التركين وتعوسوا قراصتكم ام 6 بوصه (هههههههههههه) ................ مشكورة يا تراجي على الدعم والمساندة.. وما دام زهير العريس بقى رطاني فدرجاتنا حتزيد وناس سارة يشوفن واحد ثاني ما بياكل قراصة ستة بوصة.. والله يديك العافية
Post: #126 Title: Re: أنا عايز عروس تعمل وتكون مطيعه جدا Author: فايزودالقاضي Date: 12-14-2011, 03:29 PM Parent: #125
يبدو يازهير حاتحتاج تدرس لغات لاوندية بالاضافة للنوبية ..
Post: #127 Title: Re: أنا عايز عروس تعمل وتكون مطيعه جدا Author: اميرة السيد Date: 12-14-2011, 03:46 PM Parent: #126
Quote: ..Quote: بعدين يا زهير ياخ قال ليك لمالها(أميرة) ولجمالها(سارة) ولدينها (أنا دي ) فاظفر بذات الدين تربت يداك
.......................... أها يا قيقراوي رايك شنو في واحدة لمت الثلاثة صفات : المال والجمال والدين!!؟؟
Post: #128 Title: Re: أنا عايز عروس تعمل وتكون مطيعه جدا Author: خالد عبد الله محمود Date: 12-14-2011, 03:55 PM Parent: #127
Quote: امدرمان حي الاسبتالية منزل رقم 518 | الربع الثالث
عرفنا جدكـ ساكن في الربع الثالث , أنت العروس دي عندكـ ليها بيت و لا حتسكنها في المنبر العام ...
Post: #129 Title: Re: أنا عايز عروس تعمل وتكون مطيعه جدا Author: محمد البشرى الخضر Date: 12-14-2011, 03:56 PM Parent: #127
هههههههههههه ما محيّرني إلاّ ابو التا في البوست دا الصباح خليتها محتارة بين الباثفايندر و الباجيرو اجي بالليل القاها دايرة تشاكل في ركشة!!!
_________________ ابو الزهور نو اوفينس بالله
Post: #130 Title: Re: أنا عايز عروس تعمل وتكون مطيعه جدا Author: ود الباوقة Date: 12-14-2011, 03:59 PM Parent: #129
يا شباب كلامي الفوق دا ما تدوه ال و ا ط ة
وشكرا
Post: #132 Title: Re: أنا عايز عروس تعمل وتكون مطيعه جدا Author: قيقراوي Date: 12-14-2011, 04:26 PM Parent: #129
Quote: أها يا قيقراوي رايك شنو في واحدة لمت الثلاثة صفات : المال والجمال والدين!!؟؟
دي البتيخة برضو يا اميرة مش!؟
------
و لّ الرابعة؟
رابعة المستحيلات .. ما مثنى و ثلاث و رباع! لانو بالمواصفات دي ناس باثفايندر و الباجيرو ساااي مالا و مال هم الركشات!؟
Post: #131 Title: Re: أنا عايز عروس تعمل وتكون مطيعه جدا Author: اميرة السيد Date: 12-14-2011, 04:04 PM Parent: #127
Quote: إنت ح تعمل شنو طيب؟
,,,,,,,,,,,,,,,
والله اسئلة ود الصائم دي خلتنا نفكر في الموضوع ونسأل كمان شوية عن زهير وعن أخلاقه وعن فكرته العامة عن المرأة .. وما دام هو واضع الشروط دي كلها على الأقل يحدثنا شوية عن نفسه..
Post: #133 Title: Re: أنا عايز عروس تعمل وتكون مطيعه جدا Author: ABUHUSSEIN Date: 12-14-2011, 04:29 PM Parent: #131
الريس ما شاف البوست دا .....؟؟؟؟ و لا هو زاااااااتو مستمتع
Post: #135 Title: Re: أنا عايز عروس تعمل وتكون مطيعه جدا Author: معاوية المدير Date: 12-14-2011, 04:36 PM Parent: #133
Quote: والله اسئلة ود الصائم دي خلتنا نفكر في الموضوع ونسأل كمان شوية عن زهير وعن أخلاقه وعن فكرته العامة عن المرأة .. وما دام هو واضع الشروط دي كلها على الأقل يحدثنا شوية عن نفسه..
ضُل زهير ولا ضُل حيطة. أعملي حسابك يا أميرة، ود الصايم ده بيضيع عليك الفرصة. والله صحي...
Post: #134 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-14-2011, 04:34 PM Parent: #131
يا أميرة صباح الخير أنت شوفتي شهادات الاخوات أنعام وتراجي وبعدين حددي أنت عايزة تعرفي شنو الهوايات والعلاقات الاجتماعية أخلاقك نسيبتك مثلا مستوي بخل العريس والجانب الاخلاقي والسلوك الاخ أبوالزهراء من قلائل في الادب والتهذيب بدليل ما عندو جكسويه الي الان !!!!! ويمكن سؤال زملاء العمل والمدرسة ولا تعتمد أي معلومات من ود البشري وخدر وناذر ودالصايم لانهم شهود زور وممكن أعتماد أفادات وشهادات مولانا المرتضي الريس عوض المسلمي ود القاضي صديق الموج عمر صديق وهشام هباني
Post: #136 Title: Re: أنا عايز عروس تعمل وتكون مطيعه جدا Author: معاوية المدير Date: 12-14-2011, 04:41 PM Parent: #134
من هسّع، ود الصايم، وقيقراوي، ومحمود مصطفى، بعدين في الحفلة أووووعكم تقعدوا جنبي...
Post: #137 Title: Re: أنا عايز عروس تعمل وتكون مطيعه جدا Author: محمد البشرى الخضر Date: 12-14-2011, 05:19 PM Parent: #136
Quote: الاخ أبوالزهراء من قلائل في الادب والتهذيب بدليل ما عندو جكسويه الي الان !!!!!
ههههههههههههه وريتنا لاكين ياخوي دليلك دا اخير منوالدليل ألولو
Post: #138 Title: Re: أنا عايز عروس تعمل وتكون مطيعه جدا Author: saadeldin abdelrahman Date: 12-14-2011, 05:23 PM Parent: #136
يا ابو الزوز، انت قاصد مستوى كرم العريس، صاح؟
-------- اها و الشيلة كم؟
Post: #139 Title: Re: أنا عايز عروس تعمل وتكون مطيعه جدا Author: معاوية المدير Date: 12-14-2011, 05:31 PM Parent: #138
Quote: ههههههههههههه وريتنا لاكين ياخوي دليلك دا اخير منوالدليل ألولو
لخمة عريس يا محمد البشرى. إنت ما شايف الزول ده دايرين يقطعوهو من المجابدة ؟؟؟ طبيعي يتلخم.
Post: #140 Title: Re: أنا عايز عروس تعمل وتكون مطيعه جدا Author: عاطف عمر Date: 12-14-2011, 05:33 PM Parent: #138
يا أخوانا أفقدو سارة علي دي تكون لسع ( غمرانة ) من الفرح ؟؟؟؟
Post: #141 Title: Re: أنا عايز عروس تعمل وتكون مطيعه جدا Author: اميرة السيد Date: 12-14-2011, 06:12 PM Parent: #140
Quote: ]دي البتيخة برضو يا اميرة مش!؟
>>>>>>>>>>>>>>>>>>>>>>>>> ياها البتيخة ذاتها يا قيقراوي
Post: #142 Title: Re: أنا عايز عروس تعمل وتكون مطيعه جدا Author: اميرة السيد Date: 12-14-2011, 06:28 PM Parent: #141
Quote: يا أخوانا أفقدو سارة علي دي تكون لسع ( غمرانة ) من الفرح ؟؟؟؟
......................... سارة يا عاطف عندها ضهر قوي ودعم قوي من انعام وكيلة العريس.. عشان كده مطمئنة ونحن لينا الله..
Post: #143 Title: Re: أنا عايز عروس تعمل وتكون مطيعه جدا Author: عاطف عمر Date: 12-14-2011, 06:39 PM Parent: #142
Quote: سارة يا عاطف عندها ضهر قوي ودعم قوي من انعام وكيلة العريس.. عشان كده مطمئنة ونحن لينا الله..
النصيحة لى الله السيرة الذاتية القدمتيها يا أميرة ماااااااابتتنافس لكن نقول القسمة غلبت
وسارة برضها أختنا وأختكم كلنا نفرح ليها
وسعدها رجع لينا تااااني بالأماني السندسية
تررررم ترررم ترم
Post: #144 Title: Re: أنا عايز عروس تعمل وتكون مطيعه جدا Author: محمد عبدالرحمن محمد Date: 12-14-2011, 07:13 PM Parent: #119
Quote: ويدقها كمان!!
لا حولااا من قيقا وودالمَدير ديل يا صايم، إنت قاصد من شدة حلاوتا وهم مشوا بعيد خالس جِنِسْ خباستن
المطرطش
Post: #145 Title: Re: أنا عايز عروس تعمل وتكون مطيعه جدا Author: أيمن الطيب Date: 12-14-2011, 08:25 PM Parent: #144
يا عريس
انا شايف نعقد على كده القصة جاطت خالس خالس والجكس دا بعد دا احتمال يتضاربوا
جكس الاحفاد الزمان داك خبرو شنو ما تقول لى عرسوها?????
Post: #146 Title: Re: أنا عايز عروس تعمل وتكون مطيعه جدا Author: اميرة السيد Date: 12-14-2011, 08:42 PM Parent: #145
Quote: جكس الاحفاد الزمان داك خبرو شنو ما تقول لى عرسوها?????
<<<<<<<<<<<<<<<<<<<<<<<<<<<<<<< يا الله يا أيمن طلع المخبوء وواصل كمان وكمان عشان تورينا أسراره الداسيها مننا..وفي رد سابق طبعا هو ناكر كل شئ وانه ما عنده سوابق
Post: #147 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-14-2011, 09:31 PM Parent: #145
ودالبشري
ركشه عديل كدا والله الركشه أخير من حمار اللبن لكين كتر خيرك دي نهاية الزمالة معك !!!!
هههههه ركشه قال؟
Post: #148 Title: Re: أنا عايز عروس تعمل وتكون مطيعه جدا Author: ABUHUSSEIN Date: 12-14-2011, 10:01 PM Parent: #147
Quote: ما محيّرني إلاّ ابو التا في البوست دا الصباح خليتها محتارة بين الباثفايندر و الباجيرو اجي بالليل القاها دايرة تشاكل في ركشة!!!
بهدلت العريس يا أبو حتوت
Post: #149 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-14-2011, 10:58 PM Parent: #148
# الاخوة الاجلاء
كالعادة المنحوس منحوس أنتهي كل شيء وهرب الكل تم أغلاق البوست في لحظنه وتاريخه وذلك بسبب هروب العرائس وسحب كافة العروض وأضمحلال سوق البائرات ومن لهن الرغبة في الزواج بمواصفات العريس المبجل لا عزاء لابوالزهراء وأنشاالله ربنا لا يطيل عزوبيته أنه سميع مجيب ونشكر كل من تداخل وناصر وكل الاخوات والاخوان متعكم ربي بالعافية والسلام ختام
Post: #151 Title: Re: أنا عايز عروس تعمل وتكون مطيعه جدا Author: انور التكينة Date: 12-14-2011, 11:18 PM Parent: #149
زهير صاحبى ... انسى زميلات البورد .. ديل بتاعات حنك ساكت .. اسمع كلامى : خت ايميلك للراغبات من غير العضوات و شوف الشبكة حتتملى كيق ..
Post: #150 Title: Re: أنا عايز عروس تعمل وتكون مطيعه جدا Author: محمد البشرى الخضر Date: 12-14-2011, 11:06 PM Parent: #147
يا ابو الزهور ياخي ما قلنا ليك نو أوفينس وكدا خلاص ولا تزعل حالك ... ما ركشة .. اتوس , جيتز ,كليك .... اي حاجة المهم عربية ما شادة حيلها
Post: #152 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-14-2011, 11:36 PM Parent: #150
ودالبشري ليه يعني تعب نفسك كدا تعرف في عربيه صينيه جديدة هنا السودان تجميع جياد أسمها( ما فوق الاحلام ) BYD أمكن تكون هي!!!!!! برضو أخير من الهكر اللي بدخن ......
Post: #153 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-14-2011, 11:36 PM Parent: #150
أخي وصديقي أنور تحياتي والله كلامك صح تعرف أنا عملت بالنصحية بتاعك كل العروض كانت من المنطقة المتاخمه لافريقيا وطبعا ديل محتاجين لواحد ما بتاع جماليات وكل فهمو المعدات الثقيلة ودا مع خطي ولا مزاجي والله ياأنور العزوبية فنانة دايمه بتكون محط أنظار الحسان والجكس !!! لك كل الود ياصديقي
Post: #154 Title: Re: أنا عايز عروس تعمل وتكون مطيعه جدا Author: Yassir Tayfour Date: 12-14-2011, 11:45 PM Parent: #144
Quote: لا حولااا من قيقا وودالمَدير ديل يا صايم، إنت قاصد من شدة حلاوتا وهم مشوا بعيد خالس جِنِسْ خباستن
__ مافي خباثة ولا حاجة يا مطرطش، ود الصائم قاصد الدق الدق، دق سوفتلي ويز هيز سوب ؛)
Post: #155 Title: Re: أنا عايز عروس تعمل وتكون مطيعه جدا Author: ABUHUSSEIN Date: 12-14-2011, 11:54 PM Parent: #154
Quote: ود الصايم قوم لف اند كلكت بيبرز .. و ابو حسين دا ما تنساهو .. سوقوا معاك
حرام عليك يا قيقا ما تلمني مع الزول دا ...
ياخ انا زول برئ لكن ود الصائم دا معروف بتأويل الكلام
Post: #156 Title: Re: أنا عايز عروس تعمل وتكون مطيعه جدا Author: تيسير عووضة Date: 12-15-2011, 07:02 AM Parent: #155
Quote: ولقد قرر الرومانسي أبوالزهراء وعريس أخر 2011 الاتي أعتماد قائمة الثلاثة أحتمالات مع التمحيص في مسائل الطاعة و مستوي الجمال والصحة والانجاب وكيفية الاستقرار في الوطن +
(أ) البدء الفوري في التفاوض الجاد مع صاحبة أول مبادرة الاستاذة تيسير دون الدخول في تفاصيل غير التي وردت في البداية مع الاصرار علي المعانية الشخصية لمعرفة مستوي الجمال والاناقة وتكليف الاخت أنعام حيمورة للفيام بكافة ما يلزم ومنحهافترة لاتتجاوز ال 72 لرفع تقريرها والافادات التي بموجبها يكون القرار
يا أبو الزوز
بصفتي صاحبة أول مبادرة وأول قبول فحقو تكون حاسم مع العروض التي تليني مبدئياً كدا أنا ما عندي مانع إنك تعرس صاحبات العروض أعلاه لكن بعد إكمال عام كامل من الزواج بي ..
سأكون مسؤولة الأمن القومي وشئون الداخلية (كوني الزوجة الأولى) الدخلة بي حساب والمرقة بي حساب وكذلك ما يتعلق بالإنجاب وتغزير النسل الزوجة التانية ميادة كمال ستكون مسؤولة الخارجية والمجاملات الإجتماعية (بكا عرس سمايات كرامات) الزوجة التالتة سارة على قالوا طباخة وبتحب الجيهة نخلي ليها المطبخ والحنة والدخان والزوجة الرابعة أميرة السيد وزير المالية والتخطيط الإقتصادي (بعد ما تلم ثروتها على ثروة سارة وميادة وتصرف علينا كلنا بي وليداتنا)
Post: #157 Title: Re: أنا عايز عروس تعمل وتكون مطيعه جدا Author: تيسير عووضة Date: 12-15-2011, 07:27 AM Parent: #156
Quote: غايتو نسوان قلبهم اسود مابنسوا
ودي حاجة تتنسي يا فايز
======
Quote: يا عاطف عمر .. اميرة شكلها حتودينا انا وتيسير في الحيط.. نتفق انا وانت وتيسير عليها في الاول نطفشا.. وبعدين نقبل على بعض.. الحرب بتحتاج التحالفات
مراحب بالكوماندوز سارة في قوات التحالف المجيدة أميرة دي ما عندي ليها طريقة غير أتدين منها قروشا العاجبينها ديل وتاني فراق الطريفي لي جملو تبقى عليها البقت على قروش عمك عووضة وكدا نكون خلصنا منها
Quote: الف حمد لله ع السلامة يا تيسير..اتصلت عليك مرتين وماف رد ..عارفة انك ظروفك ماكانت بتسمح بالرد بس حبيت اتطمن عليك وحمدلله تاني ع السلامة
تسلمي وتعيشي يا ستي فعلاً في الأول ما كنت بقدر أرد لكن قريب دا بديت ألقى مسكولات من برايفت نمبر تكون دي إنتي معناها ..
======
Quote: زهير اسمع كلامي دا الزولة دي ( من عندها ).. مطيعة جداً جداً ( ومن عندي ) .. تعمل ( مديراً ) في أحد أكبر المؤسسات المالية في الخليج العربي وعندها شقة في أرقى مدن الخليج وتملك سيارة ( .... ) آخر موديل ورغم ذلك تريد إستبدالها بـ ( باجيرو ) لنفسها و ( باثفيندر ) لـ ( بعل ) المستقبل ( أو العكس )
وليست ( أربعينية ) أقل بكتييييييييييييير
أتاريك يا تايسا كنتي حاسة أنو سعدك جاييك بالسرعة دي عشان كدا قمتي تجهزي في العربات ؟؟ آمنت بيك
لذلك ننصحك أن ترسل لنا توكيلاً بأعجل ما تيسر لنتمم لك هذه الزيجة المباركة قبل أن يأتي ود البشرى
هيييع يا باش عاطف مش قلت ليك الصيت ولا الغنى؟
هسي إنت قلت الفي والمافي طيب لو دايرين نعرف العريس داخل على طمع ولا شاري نسوي شنو؟
غايتو من هسي بعلي المرتقب ما عندي ليهو لا باثفايندر لا باجيرو ولمن يجي العندي زاتا ببيعا وركشة ركشة المشوار نعدو
======
Quote: وتايسا تبطل هظار هي عربية العريس جابتها وجاي تضهب بجاي(ههههههه)
لوووووولز قدر الليلة وبكرة يا تراجي باقي ليك زولنا داك بيعرف يسوق؟
بعدين ياخ لو على التركين والقراصة الستة بوصة يبقى جحا أولى بلحم تورو ..
======
Quote: يا زهير لو ربنا قاسم ليك تقعد في المقعد القدامي في الباجيرو بتقعد، لكن تيسر دي من البنات المهرن الإستشهاد في سبيل الله ؛)
خلاص نقعدو في كرسي الشهيد يا طيفور
======
Quote: هههههههههههه ما محيّرني إلاّ ابو التا في البوست دا الصباح خليتها محتارة بين الباثفايندر و الباجيرو اجي بالليل القاها دايرة تشاكل في ركشة!!!
ود البشري ركشة شنو ياخ أبو الزوز دا ألماني أصلي
Post: #158 Title: Re: أنا عايز عروس تعمل وتكون مطيعه جدا Author: أيمن الطيب Date: 12-15-2011, 08:06 AM Parent: #157
عقدوا؟؟؟
إتنين طوال يرفعوا لينا العريس دا يا أخوانا!!!
ياسر طيفور بطل حركات الزول دا بقع
أبشر يا عريس,,
Post: #159 Title: Re: أنا عايز عروس تعمل وتكون مطيعه جدا Author: قيقراوي Date: 12-15-2011, 09:39 AM Parent: #158
يا اخوانا بالاي اي زول قليل ادب -عندو جكسوية- ما يجي يضهب لينا بي جاي
Post: #160 Title: Re: أنا عايز عروس تعمل وتكون مطيعه جدا Author: ABUHUSSEIN Date: 12-15-2011, 09:56 AM Parent: #159
Quote: يا اخوانا بالاي اي زول قليل ادب -عندو جكسوية- ما يجي يضهب لينا بي جاي
ود الصايم إتخارج...
Post: #161 Title: Re: أنا عايز عروس تعمل وتكون مطيعه جدا Author: قيقراوي Date: 12-15-2011, 10:30 AM Parent: #160
ادخلوا البوست دا و قولو رايكم د. انس العاقب يستحق منا اكتر من كدا
Post: #162 Title: Re: أنا عايز عروس تعمل وتكون مطيعه جدا Author: أبوبكر عبد القادر العاقب Date: 12-15-2011, 11:04 AM Parent: #119
Quote: إنت ح تعمل شنو طيب؟
يعمل زي ما في الصورة المدرجة في مطلع البوست والما شافوها أغلب المتداخلين على ما يبدو :(:)
Post: #163 Title: Re: أنا عايز عروس تعمل وتكون مطيعه جدا Author: انعام حيمورة Date: 12-15-2011, 11:20 AM Parent: #162
مطيعة جدا = مساج = الصورة في اعلى البوست
-- النية زاملة سيدا ..
Post: #164 Title: Re: أنا عايز عروس تعمل وتكون مطيعه جدا Author: أبوبكر عبد القادر العاقب Date: 12-15-2011, 11:35 AM Parent: #163
Quote: النية زاملة سيدا ..
الأخت إنعام،
أدري ذلك ،، لكن الإيحاء واضح ،،،
المسألة ليست مسألة نية أو غيرها ،، الله يغفر ليك ...
أبوبكر ...
Post: #166 Title: Re: أنا عايز عروس تعمل وتكون مطيعه جدا Author: انعام حيمورة Date: 12-15-2011, 11:47 AM Parent: #164
الاخ ابو بكر
ربنا يغفر لينا كلنا ..
وانا قصدت بذلك اي تعليق يخص مسألة الصورة في البوست البقى صفحتين دا ..
يعني ما انت براك ..
ومعلومة مهمة : زهير ليس بالسوء او الخبث الاخليهو يعمل ايحاءات ..
الموضوع لعلمك كلو هظاار وضحك .. ومن زهير جاء المنبر ..
Post: #165 Title: Re: أنا عايز عروس تعمل وتكون مطيعه جدا Author: تيسير عووضة Date: 12-15-2011, 11:40 AM Parent: #163
Quote: مطيعة جدا = مساج = الصورة في اعلى البوست
النبي؟ وأنا أشيل وأكتر في (جداً) وقدر ما قيقراوي ومحمد عمر جبريل لكزوني ما فهمت
كان كدا يا زهير هذا فراق بيني وبينك أنا برة القصة دي تداخلت أي نعم ممازحة لكن بحسن نية
وعذراً للجميع ..
Post: #167 Title: Re: أنا عايز عروس تعمل وتكون مطيعه جدا Author: قيقراوي Date: 12-15-2011, 12:09 PM Parent: #165
يا تسير القول ما قالته انعام
Quote: ومعلومة مهمة : زهير ليس بالسوء او الخبث الاخليهو يعمل ايحاءات ..
الموضوع لعلمك كلو هظاار وضحك .. ومن زهير جاء المنبر ..
--------
بس يا ريت زهير يحذف الصورة .. وجودها ما ليو معنى اصلاً
Post: #168 Title: Re: أنا عايز عروس تعمل وتكون مطيعه جدا Author: أبوبكر عبد القادر العاقب Date: 12-15-2011, 12:23 PM Parent: #165
الأخت الكريمة إنعام حيمورة (أنعام بلغة أخينا زهير وشتان بين الإنعام والأنعام) للحقيقة أوجعتني عبارة "النية زاملة سيدها" لأنها تنطوي على تجريم لا يشبهني للذين يعرفونني ... وقد كانت نيتي هي تنبيه أخواتي في البوست إلى عدم عدم الإنسياق، بدافع التسلية، وراء مواضيع قد تخلف وراءها انطباعات سيئة ... أنا ما وصي على زول ولا من حقي أقول لي زول ما تدخل هنا ولا ما تمرق بي هنا ... لكنها ربما حمية السودانيين هي التي دفعتني إلى وضع ذلك التنبيه وإذا فرضنا أن هنالك سوء نية فإن ذلك لم يمر على خاطري أنا فقط ولعلك رأيت في البوست أكثر من إشارة إلى أنه يجب أو من المفترض أن يُحذف أو بلغة البورد "أن يكون في الخور"، بس الفرق إني جبتها بالباب ... وحقيقةً أنا ما عندي سابق معرفة بزهير ولا أعلم عنه شيئاً لكن ما أوردته هو شيء عام لو صدر من أي شخص معروف أو غير معروف بالنسبة لكان ذلك رأيي ... أنا شخصياً ممن لا يستنكفون عن الاعتذار يا إنعام إذا عرفت إني غلطان لأني عارف إني بغلط وبتعلم من غلطاتي وأحياناً بتكون التكلفة كبيرة لكن برضو بتعلم ... لك التحية ولكل الأخوات وجميعكم محل احترامي ... والله معاكم ...
Post: #169 Title: Re: أنا عايز عروس تعمل وتكون مطيعه جدا Author: محمد عمر جبريل Date: 12-15-2011, 12:37 PM Parent: #168
قلتي لي النية زاملة سيدا .. هههههههه
كتر خيرك يا إنعام .. عموما هو مجرد تنبية كتبتو في الصفحة الفاتت مجرد تنيــــه .. !! وفي النهاية اعتذرتا لأي زولة شافت الصورة وعايزة تواصل في الموضوع وبي راحتا ياخ
النوايا دي خلوها للبعرفها بس
Post: #170 Title: Re: أنا عايز عروس تعمل وتكون مطيعه جدا Author: saadeldin abdelrahman Date: 12-15-2011, 01:03 PM Parent: #169
يا محمد و ابوبكر سلام، تعرفوا لولا كلامكم ده اصلا ما هبشت الصورة ولا شفتها؟ و الصورة دي بتاعت السنجابة البتدلك في السنجاب و قدامك فنجن قهوة و لا انا طاشي شبكة؟ عفوا، لا ارى فيها شيئا و لا يمكن أن اخرج بأي انطباع طبعا، ما عايز اقول النية زاملة سيدا، لانه غرضكم طيب كما يبدو، لكن الاثر عكس ما اردتم تحياتي
Post: #171 Title: Re: أنا عايز عروس تعمل وتكون مطيعه جدا Author: انعام حيمورة Date: 12-15-2011, 01:26 PM Parent: #170
لسة بقول النية زاملة سيدا ، حتى لي زهير .. لانو انتو بتقولوا الصورة فيها احياء وزهير وانا ومنهم سعد الدين ما شفنا انو الصورة فيها شي
صورة عادية بدليل كباية شاي الصباح ..
ويا أبو بكر النية زاملة سيدا دي انا بقولا كتير لانو فعلا كل زول رؤيته بتختلف للاشياء
انا شفت الصورة وانا اول زول دخلت البوست وبهظر مع زهير دا كتير لو كان الصورة ادتني انطباع ايحائي ما كنت كتبت في البوست من اصلا
وشكرا
Post: #172 Title: Re: أنا عايز عروس تعمل وتكون مطيعه جدا Author: محمد عمر جبريل Date: 12-15-2011, 01:44 PM Parent: #171
والعلاقة شنو بين كباية الشاي والإيحاء ؟؟؟ كباية الشاي دي إلا بعد المساج يعني ؟؟
وأصلا العلاقة شنو بين المساج والزوجة المطيعة ؟؟؟
البراءة الشديدة في الزمن دا ما حبابا ويا سعد الدين حبابك ياخي ممكن نعمل تشريح للصورة دي ؟؟ ممكن تورينا ماهي البوزشن المناسبة لمن الزول وللا السنجاب يكون داير يعمل مساج
Post: #173 Title: Re: أنا عايز عروس تعمل وتكون مطيعه جدا Author: saadeldin abdelrahman Date: 12-15-2011, 01:59 PM Parent: #172
جدا يا محمد، شرحها زي ما عايز، انا تشريحي قلتوا ليك فوق. انت شايف شنو؟
Post: #174 Title: Re: أنا عايز عروس تعمل وتكون مطيعه جدا Author: انعام حيمورة Date: 12-15-2011, 02:05 PM Parent: #172
اذن في الحالة دي يا محمد عمر نرجع لي زهير ويجي يوضح ما قصده من الصورة ...
Quote: البراءة الشديدة في الزمن دا ما حبابا
لي كدة يا محمد عمر .. والله حبابا والف حباب ..
Post: #175 Title: Re: أنا عايز عروس تعمل وتكون مطيعه جدا Author: محمد عمر جبريل Date: 12-15-2011, 02:26 PM Parent: #174
تعرفي يا إنعام دايما بقول لي أخواتي وبنات أهلي المفروض البت أي بت تفترض سوء النية في أي شاب إلى أن يثبت العكس - الشاب هنا ما زهير- عشان ما يفهمنا غلط.. وفي اول مداخلة لي في الصفحة الفاتت قلت ما أظن كل الأخوات الاتداخلو هنا لو شافو الصورة دي كان إتداخلو بنفس الأريحية وحسن النية .. ورسلت ماسنجر للناس العلاقتي معاهم بتسمح لي أرسل ليهم مسنجر نبهتم للحاجة دي لأنو الصورة ما واضحة بعد داك العايزة تتداخل وتواصل في نفس الأريحية مالو ياخ .. المشكلة شنو التواصل أنا غير النصيحة ما عندي حاجة .. وأهو زي ما قالو النصيحة بتعدّم الصاحب ولف الكلام ورجع لي ولي نيتي السوداء المهببة بي ستين هباب دي ـــــــــــ أخونا سعد الدين .. الصورة الفوق دي لمن تجي في سياق إنك دايرليك مرة وتتزوجها وكدا انا ما ها أكون شايف البوزشن دا بوزشن بتاع مساج .. خصوصا مافي أي حاجة بتوحي إنو الموضوع مساج غير كباية الشاي دي .. وزي ما قلت ليك كباية الشاي فيييي أوضة النوم بتتشرب يعني ما إندكيشن لأي حاجة
Post: #176 Title: Re: أنا عايز عروس تعمل وتكون مطيعه جدا Author: saadeldin abdelrahman Date: 12-15-2011, 03:06 PM Parent: #175
غايتو يا محمد، ما عايزين نبقى ليك زي نكتة الراجل الطقاهو التمساح(اريتو كان كتلني) بس قصة افتراض سوء النية و الشاب ما زهير، دي ياها: رماني في الماء و قال اياك أن تبتل..
--------- ننتظر رأي زهير غايتو!
Post: #177 Title: Re: أنا عايز عروس تعمل وتكون مطيعه جدا Author: أبوبكر عبد القادر العاقب Date: 12-15-2011, 03:18 PM Parent: #176
Quote: أنا غير النصيحة ما عندي حاجة .. وأهو زي ما قالو النصيحة بتعدّم الصاحب
جبتها من آخرها يا محمد عمر ،،،
Post: #178 Title: Re: أنا عايز عروس تعمل وتكون مطيعه جدا Author: اميرة السيد Date: 12-15-2011, 04:10 PM Parent: #177
Quote: والزوجة الرابعة أميرة السيد وزير المالية والتخطيط الإقتصادي (بعد ما تلم ثروتها على ثروة سارة وميادة وتصرف علينا كلنا بي وليداتنا)
>>>>>>>>>>>>>>>>>>>>>>>>>>> وعشان خاطرك انا بقول حاضر بصرف عليكم بوليداتكم لكن ده بيحصل اذا الواحدة رضت من الأساس تكون زوجة ثانية خليك من الرابعة... والحاجة الغريبة ان العريس المرتقب صاحب البوست ختم البوست وقفل باب الحوار والمناقشات لكن انا شايفة الحوار لسه متواصل.. وهو طبعا سمع كلام صديقه النصحو يعلن في الايميل للفتيات من خارج البوردابيات عشان البوردابيات عملن الموضوع هظار ومزاح ... ونحن بنقولوا ليه ما تسمع كلام صاحبك وواصل ...you never know زي ما بيقولوا ناس اللوتري..
Post: #179 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-15-2011, 04:53 PM Parent: #178
الاخوة والاخوات مساء الخير في البداية قد لا يعرف الجميع عن أخلاقي وطبائعي غير ما أكتب من خلال الكتابة يعصب الحكم من خلال العبارة أو الكلمة ولكن أحمد الله أن لي من الخصال الكريمة وما يعتبرها البعض في هذا الزمن سذاجة أم عن أمر الصورة التي في بداية البوست لا غرو كل ذا نفس عليلة يفسر الامور بقاعه القذر وأقسم أني لم أرفع الصورة لاي أيحاء غير أخلاقي ولكنها في مخيلتي دليل طاعة وولاء (كم) من أمهاتنا وأخواتنا يقومون بمثل العمل (أذ تقوم الزوجة بتدليلك زوجها )وهذا جزء من الثقافة الزوجية السودانية الاصيلة سامح الله الذين يرون الامور بعيون التفاسير البغيضة ولكن هذا عهدي مع كل الزملاء والزميلات ليس بيننا غير الادب والخلق الكريم لجمعنا هذا وكما عهدني الجميع لم أنحط بلفظ أو عبارة وأنا علي عهدي معهم أن أكون مفيدا وخلوق ودمتم لي أخوة وأهل , وأيضا أأسف لكل الذين سببت لهم الاذي من هذه الصورة . لكم صادق ودي
Post: #180 Title: Re: أنا عايز عروس تعمل وتكون مطيعه جدا Author: معاوية المدير Date: 12-15-2011, 05:21 PM Parent: #179
Quote: الاخوة والاخوات مساء الخير في البداية قد لا يعرف الجميع عن أخلاقي وطبائعي غير ما أكتب من خلال الكتابة يعصب الحكم من خلال العبارة أو الكلمة ولكن أحمد الله أن لي من الخصال الكريمة وما يعتبرها البعض في هذا الزمن سذاجة أم عن أمر الصورة التي في بداية البوست لا غرو كل ذا نفس عليلة يفسر الامور بقاعه القذر وأقسم أني لم أرفع الصورة لاي أيحاء غير أخلاقي ولكنها في مخيلتي دليل طاعة وولاء (كم) من أمهاتنا وأخواتنا يقومون بمثل العمل (أذ تقوم الزوجة بتدليلك زوجها )وهذا جزء من الثقافة الزوجية السودانية الاصيلة سامح الله الذين يرون الامور بعيون التفاسير البغيضة ولكن هذا عهدي مع كل الزملاء والزميلات ليس بيننا غير الادب والخلق الكريم لجمعنا هذا وكما عهدني الجميع لم أنحط بلفظ أو عبارة وأنا علي عهدي معهم أن أكون مفيدا وخلوق ودمتم لي أخوة وأهل , وأيضا أأسف لكل الذين سببت لهم الاذي من هذه الصورة . لكم صادق ودي
تعظيم سلآم يا زهير. أخُتّك وين؟؟؟ والله العظيم مكانتك في نفسي سمت فوق الثريا، و والله العظيم لو عندي بت باقية للعرس إلا رايها يخالف راي، ورايها هي طبعاً الآخير، لكن لو توافق حرّم بالفي جيبك بس، والسلآم...
Post: #181 Title: Re: أنا عايز عروس تعمل وتكون مطيعه جدا Author: Kostawi Date: 12-15-2011, 05:30 PM Parent: #119
سارة علي قاعدة تحضر في فستان الزفاف
Post: #182 Title: Re: أنا عايز عروس تعمل وتكون مطيعه جدا Author: أبوبكر عبد القادر العاقب Date: 12-15-2011, 09:00 PM Parent: #181
Quote: الاخوة والاخوات مساء الخير في البداية قد لا يعرف الجميع عن أخلاقي وطبائعي غير ما أكتب من خلال الكتابة يعصب الحكم من خلال العبارة أو الكلمة ولكن أحمد الله أن لي من الخصال الكريمة وما يعتبرها البعض في هذا الزمن سذاجة أم عن أمر الصورة التي في بداية البوست لا غرو كل ذا نفس عليلة يفسر الامور بقاعه القذر وأقسم أني لم أرفع الصورة لاي أيحاء غير أخلاقي ولكنها في مخيلتي دليل طاعة وولاء (كم) من أمهاتنا وأخواتنا يقومون بمثل العمل (أذ تقوم الزوجة بتدليلك زوجها )وهذا جزء من الثقافة الزوجية السودانية الاصيلة سامح الله الذين يرون الامور بعيون التفاسير البغيضة ولكن هذا عهدي مع كل الزملاء والزميلات ليس بيننا غير الادب والخلق الكريم لجمعنا هذا وكما عهدني الجميع لم أنحط بلفظ أو عبارة وأنا علي عهدي معهم أن أكون مفيدا وخلوق ودمتم لي أخوة وأهل , وأيضا أأسف لكل الذين سببت لهم الاذي من هذه الصورة . لكم صادق ودي
الأخ زهير ،،، مساء النور ،،، أنا شخصياً أعتذر لك عن ما قد يكون قد طالك من جانبي ،،، كانت لحظة غاب فيها شيء ما واستحكم شيء آخر ... لك العتبى حتى ترضى ،،، تحياتي ...
Post: #183 Title: Re: أنا عايز عروس تعمل وتكون مطيعه جدا Author: أبوبكر عبد القادر العاقب Date: 12-15-2011, 09:19 PM Parent: #182
الأخوات إنعام وتيسير ،،، لكن العتبي على ما حدث من إرباك .. تحياتي
Post: #184 Title: Re: أنا عايز عروس تعمل وتكون مطيعه جدا Author: أبوبكر عبد القادر العاقب Date: 12-15-2011, 09:33 PM Parent: #182
الأخ زهير، سؤال أخير: هل لك علاقة بجبل أولياء؟
Post: #185 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-15-2011, 10:32 PM Parent: #184
الاخ أبوبكر عبدالقادر العاقب تحياتي
ليس هنالك أي سبب للأعتذر وكل منا له أعتقاد وعسي أن تكون علي حق وأنا ضليل وهذه سنة الحياة نختلف لي نري الحق وونسقط الباطل متعك ربي بالعقل والفطرة السليمة أنه سميع مجيب ,أنا من أبناء أمدرمان ولكن لي أصدقاء في جبل أولياء وكذلك زملاء وهم نعم الرجال والاخوان لك كل الود الاجلال
Post: #186 Title: Re: أنا عايز عروس تعمل وتكون مطيعه جدا Author: أبوبكر عبد القادر العاقب Date: 12-15-2011, 10:42 PM Parent: #185
تشكرات ،،،،
Post: #187 Title: Re: أنا عايز عروس تعمل وتكون مطيعه جدا Author: Kostawi Date: 12-15-2011, 10:47 PM Parent: #186
بختك يا زول وداد طالبة الطلاق!
أجري سريع قبال ما يخطفها كوز
Post: #188 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-15-2011, 11:19 PM Parent: #187
*ما عايز حاجة أستخدام البشير !
Post: #189 Title: Re: أنا عايز عروس تعمل وتكون مطيعه جدا Author: محمد عمر جبريل Date: 12-16-2011, 01:50 AM Parent: #188
وديسريقارد حكاية الدق دي ... عشان الدنيا ما معروفة ...
... المهم ....
Post: #192 Title: Re: أنا عايز عروس تعمل وتكون مطيعه جدا Author: د. ياسر عبد القادر Date: 12-16-2011, 10:02 AM Parent: #191
بوست مفيد جدا....هدفك واضح ...واصل وما تقيف
ومن ناحية الصورة.....الصورة دي مافيها أي حاجة...أرجو عدم التحسس
تحياتي
Post: #194 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-16-2011, 02:18 PM Parent: #192
دياسر عبدالقادر شكرا ياعزيزي علي المرور صدقني أنا ما بيقيف وكل له ما يعتقد ياصديقي لك كل الود
Post: #193 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-16-2011, 01:28 PM Parent: #190
الاخ محمد عمر جبريل تحياتي الشيء اللي بيننا مش المنبر دا بالله خليك زوال محترم والله يستر عليك ياخي أبعد لانو قلنا ليك الجمعنا هنا الادب وأحترام بعضنا البعض الواحد يكون معقول في كل شيء وبعدين كان رجاله ولا علم و لا قلة أدب والله انت ما قدري في ديل كلهن أحسن تعمل حسابك
* وياريس بكري أن راضي عن سلوك العضو دا ولا نمشي نخلي المنبر البقي فيهو كل من هدب ودب عامل بني أدم ومفتح ورهيب جدا !!!
Post: #195 Title: Re: أنا عايز عروس تعمل وتكون مطيعه جدا Author: اميرة السيد Date: 12-16-2011, 04:11 PM Parent: #193
Quote: ولكنها في مخيلتي دليل طاعة وولاء (كم) من أمهاتنا وأخواتنا يقومون بمثل العمل (أذ تقوم الزوجة بتدليلك زوجها )وهذا جزء من الثقافة الزوجية السودانية الاصيلة
,,,,,,,,,,,,,,,,,,,,,,,,,,,,,,,,,,,,,,,,,,,,,و والله الجماعة ديل كبروا الموضوع من مافي... وطبعا هذا هو الصحيح اننا نعرف ان حكاية تدليك الزوجة لزوجها جزء اصيل من الثقافة السودانية ومن العادات الموروثة في تقاليدالحياة الزوجية وهذا ما قرأناه في كتب التاريخ والاجتماع عن الحياة الاجتماعية في السودان والكتب التي صدرت عن كبار الكتاب السودانيين... وليس هناك أي شئ في الحديث عن تدليك الزوجة لزوجهاوهذا هو الذي يحصل في السودان وليس هناك ما يعيب في هذا ابدا وليس هناك حرج بين الرجل وزوجته ... لأن ما بينهما ارتباط وثيق ومحكم بشرع الله والعادات والتقاليد السودانية الأصيلة توطد من هذه العلاقة وتعززها وترسخها لمزيد من الاستمرارية والدوام في ظل سعادة ورفاهية.. والله يديكم العافية
Post: #196 Title: Re: أنا عايز عروس تعمل وتكون مطيعه جدا Author: محمد عمر جبريل Date: 12-16-2011, 08:43 PM Parent: #195
Quote: الاخ محمد عمر جبريل تحياتي الشيء اللي بيننا مش المنبر دا بالله خليك زوال محترم والله يستر عليك ياخي أبعد لانو قلنا ليك الجمعنا هنا الادب وأحترام بعضنا البعض الواحد يكون معقول في كل شيء وبعدين كان رجاله ولا علم و لا قلة أدب والله انت ما قدري في ديل كلهن أحسن تعمل حسابك
* وياريس بكري أن راضي عن سلوك العضو دا ولا نمشي نخلي المنبر البقي فيهو كل من هدب ودب عامل بني أدم ومفتح ورهيب جدا !!!
يعني هسي أرد أقول ليك شنو لا لا أفحمتني ياخ .. أفحمتني
الموضوع ما رجالة وللا أدب وعلم .. الحاجة الوحيدة الفايتني فيها يا ابوالزوز ياهو عمرك دا .. وحتى العمر دا ما خليت ليهو وقار أحترمك بيهو
قلت لي مساج .. هههههههه دي مراقتك ؟؟!!
Post: #197 Title: Re: أنا عايز عروس تعمل وتكون مطيعه جدا Author: محمد عمر جبريل Date: 12-16-2011, 09:10 PM Parent: #196
دي ياها الصورة الخاتيها بي كود عجيب في بداية البوست وإنت بتبحث عن زوجة .. في شنو في الصورة دي بوضح إنو الموضوع مساج ؟؟؟؟؟؟؟؟؟؟ ! هل الصورة متحركة مثلا ؟؟ هل يصب السنجاب الذي في الأعلى أي زيت ؟ ؟ ؟ هل أنت مصاب بعمى ألوان أم أن الموضوع طشمة من طشماتك ؟؟؟؟؟؟؟؟؟؟ ـــــــــــــــــ
ج: البتاع البتطشم بيهو دا ما نضيف أعمل حساب السينر يا عمك واضح إنك بتطشم بي أبو حمار أبو حمار دا بكتل يا عدييييل كدا
Post: #198 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-16-2011, 09:47 PM Parent: #197
الاخ محمد عمر جبريل تحياتي
ليس عيبا أن أضع صورة ويفهمها أمثالك بقاعهم المريض و ولن تضار كيف أكون أنا من أهل الخمر والاخوانيات أو متدين متمسك بأهداب الدين ولكن كل الخزي والخذلان أن تحاول أهانة الرجال وأنت لاتعرف قدرهم ومن هم لن أدخل في سجال لا يفضي لخير أو أمرا لا يفيد الزملاء في المنبر ونحن في حاجة لحظة لهو عفوية لكي نزيل كدر الدنيا ومعاناة العمر وأفخر بأني سكير ولكن خلال أربعة وأربعون عاما كنت أكثر الرجال خيرا لبلدي وأهلي وأحمد الله علي هذا الذنب أمام ذنوب الاخرين التي تبدأ بالشرك وكل الكبائر وتنتهي بظلم الناس صغير لا يعدو داتي هو أبتلائي وعسي أن أكون عندي ربي عاصي وسوف أعود لجادة الطريق ومن غير المولي وجل لهو الحق في حساب العباد ولا يحق لك تجريحي بأي عادة ذميمة أو ذنب أقترفه فالكريم أبن الاكرمين يترفع عن الصغائر ولا يمارس هذا السخف الواضح
سامحك الله وجعلك من الاخيار وجعل الذي بيننا ودا خالص لوجه الله وأرجو شاكرا أن لا تعود لكي تكتب علي هذا البوست أحتراما لحق الزمالة الذي أري أنه يمنحني الحق في أنهاء الجدل معك بطريقة أظنها مقبولة تحترم أنسانيتك ولك شكري
Post: #199 Title: Re: أنا عايز عروس تعمل وتكون مطيعه جدا Author: محمد عمر جبريل Date: 12-16-2011, 09:51 PM Parent: #197
يا أبو الزوز .. الصورة الفوق دي إنت صورتها بنفسك مثلا وللا قوقلتها ؟؟؟؟ لو من الأخ قوقل وللا أي موقع تاني وكتبت كلمة مساج بالعربي أو بي أنجليزي طاشم ها تجيك الصور دي في الصفحة الأولى ..
" /> ">
او دي مثلا ..
" /> "> وللا دي ..
" /> ">
بالله ياتو صورة ممكن توضح إنو الموضوع مساج ودلكة وما تتأول بسوء النية التي خاض فيها البعض الصور المن أول صفحة تاب الصور أكان في الياهو وللا قوقل وللا صورتك الجايبا من أبو حمار دي ؟؟؟؟ مرقوك الناس ساااااي بي موضوع المساج دا
Post: #200 Title: Re: أنا عايز عروس تعمل وتكون مطيعه جدا Author: محمد عمر جبريل Date: 12-16-2011, 10:06 PM Parent: #199
Quote: الاخ محمد عمر جبريل تحياتي
ليس عيبا أن أضع صورة ويفهمها أمثالك بقاعهم المريض و ولن تضار كيف أكون أنا من أهل الخمر والاخوانيات أو متدين متمسك بأهداب الدين ولكن كل الخزي والخذلان أن تحاول أهانة الرجال وأنت لاتعرف قدرهم ومن هم لن أدخل في سجال لا يفضي لخير أو أمر لا يفيد الزملاء في المنبر ونحن في حاجة لحظة لهو عفوية لكي نزيل كدر الدنيا ومعاناة العمر وأفخر بأني سكير ولكن خلال أربعة وأربعون عاما كنت أكثر الرجال خيرا لبلدي وأهلي وأحمد الله علي هذا الذنب أمام ذبوب الاخرين التي تبدأ بالشرك وكل الكبائر وتنتهي بظلم الناس هو أبتلائي وعسي أن أكون عندي عاصي وسوف أعود لجادة الطريق ومن غير المولي وجل لهو الحق في حساب العباد ولا يحق لك تجريحي بأي عادة ذميمة أو ذنب أقترفه فالكريم أبن الاكرمين يترفع عن الصغائر ولا يمارس هذا السخف الواضح
سامحك الله وجعلك من الاخيار وجعل الذي بيننا ودا خالص لوجه الله وأرجو شاكرا أن لا تعود لكي تكتب علي هذا البوست أحتراما لحق الزمالة الذي أري أنه يمنحني الحق في أنهاء الجدل معك بطريقة أظنها مقبولة تحترم أنسانيتك ولك شكري
ههههههههههههه لحين عودة
Post: #201 Title: Re: أنا عايز عروس تعمل وتكون مطيعه جدا Author: عادل الباهي عبدالرازق Date: 12-17-2011, 02:27 PM Parent: #200
Quote: الاخ محمد عمر جبريل تحياتي الشيء اللي بيننا مش المنبر دا بالله خليك زوال محترم والله يستر عليك ياخي أبعد لانو قلنا ليك الجمعنا هنا الادب وأحترام بعضنا البعض الواحد يكون معقول في كل شيء وبعدين كان رجاله ولا علم و لا قلة أدب والله انت ما قدري في ديل كلهن أحسن تعمل حسابك
* وياريس بكري أن راضي عن سلوك العضو دا ولا نمشي نخلي المنبر البقي فيهو كل من هدب ودب عامل بني أدم ومفتح ورهيب جدا !!!
Quote: ليس عيبا أن أضع صورة ويفهمها أمثالك بقاعهم المريض
العزيز زهير حياك الله يازهير يأخي حرام عليك محمد عمر دا من خيرة الرجال المحترمين وأشهد له بذلك زول جميل وأخو أخوان ومهذب حصل سوء فهم في موضوع الصورة المرفقة في صدر البوست وأصدقني القول أنا أيضا مشيت لنفس الاتجاءة الذي ذهب اليه محمد عمر والكثيرين من شاهدوا الصورة والحمدلله ليس مريض ومن البداية كنت ميقن تماما بأن معظم المتداخلين لم يروء الصورة . أنت يازهير من وضع نفسه في هذه الورطه ومن يضع نفسه موضع التهمه فلا يلومن من أساء به الظن . لوكنت مازحا وأحسبك كذلك أو جادي ماعلاقة الصورة المرفقة بهذا الامر هل أنحصر الألفة والمودة والطمأنينةوالرحمة في الزواج بالدلك أوبغيرة ؟ الصورة المرفقة فيها أيحاءشئت أم أبيت أنت تقصد ماتريد وأنا أفهم ما أريد وكل أنسان عندوا قناعاتوا ومنظاروا البينظر بيهوا للامور كونك تضع صورة وتقول أي أنسان ينظر لها بعكس ما أريد أنا أنسان مريض دا فيهوا أجحاف .
شاكرا لك سعة صدرك ويبقي الاحترام بيننا .
Post: #202 Title: Re: أنا عايز عروس تعمل وتكون مطيعه جدا Author: زهير عثمان حمد Date: 12-17-2011, 03:40 PM Parent: #201
الاخ عادل تحياتي في البداية أشكرك علي ردك بالرغم أني كنت قد وجهت ردي لمحمدعمر مباشرة وردي لم يرد فيه أسمك والسبب لما ساقه من تجريح وأنا لا أعرف الرجل ولكن أعرف مقصدي جيدا وأحمد الله أن ما حدث ليس عار اوكارثة أجتماعية تجعلني أتهرب منها ولكن لازالت أصر أن كل رؤية لامر ما بعد النظر تنبوع من سريرة الانسان وتجربته وفهمه للاشياء ولكن عندما يسبك أحدهم بسلوك وينصب نفسه قاضي أو وكيل عن المولي والمجتمع هذا غير مقبول وأشكرك ياصديقي وليس بيني وبين الرجل غير الخير وأنا لا أضمر غير ذلك أسالكم أن تتركوني وشأني ولله في خلقه شئون وهو يمهل ولا يهمل وبل هو الرحيم الهادي لسوء السبيل ربي أجعلني من عبادك الذين لا يتغولون علي حقوق الاخرين من الذاكرين أنك سميع مجيب ولك كل الود الاحترام
Post: #203 Title: Re: أنا عايز عروس تعمل وتكون مطيعه جدا Author: محمد عمر جبريل Date: 12-18-2011, 07:22 AM Parent: #202
سلامات يا عادل وكيف أخبارك .. وبركة في السناجب دي الخلتك تظهر
Quote: أسالكم أن تتركوني وشأني ولله في خلقه شئون
حسنا سنترك وشأنك.. ولكن محلية كديتا تحذر أمريكا للمرة الأخيرة
Post: #204 Title: Re: أنا عايز عروس تعمل وتكون مطيعه جدا Author: محمد الأمين موسى Date: 12-18-2011, 09:47 AM Parent: #203
) فاظفر بذات الدين تربت يداك 
