جننت السوداني جن يا وريا!

صديقي عبد الكريم الصومالي لسانه متبري منو !
ساخر وابن نكته فيها البتحكي وفيها النابتحكي حتى فى المسنجر
حكي لي عن نصب السودانيين بالأمس كلما حميتها لشخص أوشك ان يستشهد ضحكا

منها
واحد سوداني سمسارلابس جلابية. زبدة بيضاء من غير سوء وعمة اشد بياضا وشال من نفس الفصيلة ومركوب جلد نمر نزل من سيارتو الهمر هواء المكيف البارد لفح اربعة من الجالسين امام المحل لمن امنو وسألهم صاحبنا عن صاحب المحل فأجابوهو بصوت مرق فبل شوية ورجع هسع انتظروا
صاحبنا نظر الى ساعته الرادو وقال انه مستعجل وقال ليهم ً" لمن يجي راجع قولوا ليهو جار الله بسلم عليك"
إخواننا قالوا ليهو " والله قبل ما تفتح خشمك عرفناك جار الله"
جني

قد يحبط عبد الكريم إن علم أن اسم جار الله اسم غير منتشر في السودان!

حتي أوريا بقي يتمسخر علي السودانيين!!

زي ما قاليك حسين, أوريا سودن النكتة

Quote: قد يحبط عبد الكريم إن علم أن اسم جار الله اسم غير منتشر في السودان!

ولماذا يحبط وهو يعلم جداً ان اسم ملاسي غير منتشر في السودان أيضاً!
للعلم عبدال كريم عاش فى كسلا وزوجته وأبنائه يعيشون فى كسلا وزوجته الاخرى تعيش في هرقيسا في الصومال
وعباس في الخرطوم وعمل فيها
وهو يتحدث العربية والصومالية والامهريةوالتكرنجا حتى لا أدرى لاى جنسية ينتمي
وهو رجل غاية فى الذكاء والكرم والا ريحية لا تمل الجلوس معه يا ملاسي
جار الله نجيب الله وخادم الله وجار النبي اسماء موجودة فى السودان
الخليجيين يسمون الجار الله وليس جارا لله للعلم
جني

Quote: حتي أوريا بقي يتمسخر علي السودانيين!! زي ما قاليك حسين, أوريا سودن النكتة

أحيلك الى الاجابة اعلاه على تعليق ملاسي
عبد الكريم لم يسوده النكتة ولكن حكاها لى عن ذكاء السودانيين وروح النكتة عندهم فقلت له أنا لم أسمعها فقال لي انت قاعد تمشى السودان عشان تعرف حاجة وقتها حزنت على خيبتى
النكتة ذكرها لي فى سياق الحديث عن السماسرة واهتمامهم باللبس ولكن غابت عنكم روح الفكاهة وجار الله أيضاً سوداني وهو الذى يمتطي الهمر
النكتة كانت فى سياق الحديث عن سوداني نصب على صوم الى ونشرته الصحف السعودية
قال لي عبدالكريم وهو يضحك المصرة اذا نصب عليك تعرف ذلك فى الدنيا لان نصبه واضح وتتوقعه منه والسوداني لا تعرف ذلك الا يوم القيامة لانه بذكاء ولا تتوقعه منه فقلت له مداعبا والصوماليين كيف!؟
فرد ديل أولادك ل ب لا تعرفه فى الدنيا لا في الآخرة!
جني

Quote: الخليجيين يسمون الجار الله وليس جارا لله للعلم

كدي خلونا مع ناس واريا .... مع الشح الحاصل ليهم هنابالمقارنه بالماضي ياخي كان عندهم حي حدادي مدادي مشهورين بيهو .... المهم خلوينا نضحك يالحبيب جني ....

زي الما مجمع انا ....... وين النصبه او النكته .... يعني مكيف الهمر ما قوي للدرجه دي والا شنو :)

Quote: رحم الله جدي تذكرت هذه الخاطرة وقلت أشرككم وألتمس منكم الترحم على جدى رحمة الله عليه! تداعت الى ذاكرتى هذه الذكريات عن جدى لان احد الاخوة الصوماليين حكى لى هذه الرواية مداعبا لى وقائلا " انتوا يا سودانيين تفكروا نفسكم اكرم ناس واحسن ناس فى الدنيا ما فى غيركم!" قالى لى انا حاكى ليك موش عن صومالى زى انا ولكن عن ارينرى عشان ما ت قول انا بدافع عن اهلى! قال لى انا كنت اعمل سائقا فى سنة 1980 فى ميناء مصوع الاريترى قبل الانفصال مع رجل ارترى جاوز الستين فى العمر وكان غاية فى التواضع والكرم برغم انه كان يملك اسطولا للشاحنات وكان يوميا يفطر معنا ويلبس ثوبا غاية فى البساطة فلا يستطيع احد التفريق بيننا وكان يدفع ثمن الفطور مهما كان عدد السائقين! المهم على طريقة تبارك شيخ الدين ان هذا الرجل كان يأت بالعجول لتربيتها وكان يطعمها بنفسه وبيده ثم يعيدها ومن فرط تعلق العجول به كانت اذا قدم احد للسلام على هذا الرجل تقوم العجول بنطحه أو رفسه تحسب أنهم يريدون إيذائه! فتأمل! على طريقة ملاسي وأضاف صديقى الصومالى ويدعى علمى ان هذا الرجل من عاداته اذا سأله احد المساعدة يدخل يده فى جيبه ويعطيه دون ان ينظر الى ما فى يده! وفى احدى مرات الاقطار ادخل يده فى جيبه اربعة مرات !وكان احد مندوبى التامين حاضرا لهذا المشهدوهو ايطالى قد حضر لمعاينة شاحنة سقطت من كوبرى! وعندما رجع مندوب التأمين الايطالى غلى اسمرة أبلغ المدير قالا "إلحق عمك اللى انت مشغله فى مصوع دا حيفلس بيك خلال ساعة واحدة دفع اربعمائة دولار" قالها علمى باللغة الايطالية ولكننى فشلت فى حفظها فرد عليه المدير" هو حر صاحب الفلوس انا اللى شغال معاهو موش هو اللى شغال معاى"! وقال لى علمى ان هذا الرجل من رقته وادبه وعطفه كان اذا قابلك وانت فى موقف البصات يسالك الى اين انت ذاهب ثم يرد عليك وانا ايضا ذاهب الى هناك ويقوم بدفع التذاكر ويتونس معاك وبعد ان تصل الى وجهتك يقفل راجعا بأول بص!!

كنت ذكرنها فى بوست سابق لي وهو يحدثني عن أشياء كثيرة
عبدالكريم يعاني من ضعف ونظره ومن عرج فى قدمه يصعب عليه ألقيام وعندما ينهض
يقول " يا قوى حبلي ما يتلوي" وكانه سوداني من بحر ابيض!
الرجل الجلوس اليه متعة ما بعدها متعة رجل فى غاية الكرم
نظر الى احد أقربائه وهو ينهض على اربع معتمدا على رجليه ويديه بعد ان صلى فقال لي شوف قريبك بقوم زى اللاند كروز دفع رباعي!
جني

عراقى جدى (عليه رحمة الله)! "بوح خاطر وصدى وجدان"توجد صورة!
البوست الذى تحدثت فيه عن مقاربة عبد الكريم عن الكرم
الاخ وليم أندريا
الطرفة تأتي عن الربط بين اثار النعمة البادية على الرجل واسمه جار الله!
فلا بد ان يكون جاره الحيطة بالحيطة
جني

والله النكتة ظريفة و أنا سمعتها برواية أخرى كان ما خايف مباراة جني دي توديني النار كنت حكيتها.
يا جماعة ما تحكوا الأمور كدا جني عجبته النكتة و حب يشارك بيها الناس. و صاحبك الصومالي يا جني دا قول ليه بسبب أهلك كل يوم الأمريكان و الكنديين مطلعين قانون جديد عشان تحايلهم. أحكي ليك دي بالجد حاصلة... في بعض المدن الكندية عشان ترخص العربية لازم يعملوا ليها اختبار للغازات الطالعة من العادم ما تفوت حدود معينة. كان ما العربية مرت ما برخصوها و الاختبار بتعمل في الورش الخاصة. بقوا الجماعة يزوروا الاختبار بإنهم يكون عندهم عربية جديدة في الورشة و لما زول عربيته تكون تعبانة يدخلوا خرطوش الجهاز في عادم العربية الجديدة و يمرروها الاختبار. قاموا ناس الحكومة عملوا فيها شاطرين قالوا جهاز الفحص يكون فيه ميزان و العربية تطلع في الجهاز تتوزن و في نفس الوقت يتعمل الفحص و التقرير بظهر وزن العربية و نتائج الفحص على أساس إنه من الصعب إنه تكون عندك عربات في الورشة مقابلة لكل موديل. صاحبك الصومالي عمل شنو... جاب وصلة للخرطوش تجيب عربتك تدخلها في الميزان و يركب الخرطوش في عادم عربية جديدة. الجهاز يقرا وزن عربتك و ياخد القراية من خرطوش العربية الجديدة و الموضوع ينتهي.

Quote: والله النكتة ظريفة و أنا سمعتها برواية أخرى كان ما خايف مباراة جني دي توديني النار كنت حكيتها. يا جماعة ما تحكوا الأمور كدا جني عجبته النكتة و حب يشارك بيها الناس. و صاحبك الصومالي يا جني دا قول ليه بسبب أهلك كل يوم الأمريكان و الكنديين مطلعين قانون جديد عشان تحايلهم. أحكي ليك دي بالجد حاصلة... في بعض المدن الكندية عشان ترخص العربية لازم يعملوا ليها اختبار للغازات الطالعة من العادم ما تفوت حدود معينة. كان ما العربية مرت ما برخصوها و الاختبار بتعمل في الورش الخاصة. بقوا الجماعة يزوروا الاختبار بإنهم يكون عندهم عربية جديدة في الورشة و لما زول عربيته تكون تعبانة يدخلوا خرطوش الجهاز في عادم العربية الجديدة و يمرروها الاختبار. قاموا ناس الحكومة عملوا فيها شاطرين قالوا جهاز الفحص يكون فيه ميزان و العربية تطلع في الجهاز تتوزن و في نفس الوقت يتعمل الفحص و التقرير بظهر وزن العربية و نتائج الفحص على أساس إنه من الصعب إنه تكون عندك عربات في الورشة مقابلة لكل موديل. صاحبك الصومالي عمل شنو... جاب وصلة للخرطوش تجيب عربتك تدخلها في الميزان و يركب الخرطوش في عادم عربية جديدة. الجهاز يقرا وزن عربتك و ياخد القراية من خرطوش العربية الجديدة و الموضوع ينتهي.

ورآهم الأمركة الجد جد
بكرة بحكي ها ليهو حي ديني منها تلاتة
حكي لي
واحدة صومالية كانت بتبيع الشاىقبل اربعين سنة قدام الميناء وهى حلوة الساقين كلهم يشتروا منها
واحد أداها خمسة ريال وشرب شاى بي ريال نامت بالباقي
قال ليها وين الباقي
قالت ليهو والكنت بتفرج فيهو دا تلفزيون أبوك ( أخونا كان ينظر الي منطقة حساسة)
شفت كيف!

جني

والحق نفسك , انت طولت من السودان خالص ,
اخف تطش من بيتكم زاتو ,,

Quote: قالت ليهو والكنت بتفرج فيهو دا تلفزيون أبوك

بالغت يا جني. ياخي أضحك الله سنك و ملأ حياتك فرحا و سعادة.