Post: #1 Title: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 08:40 AM Parent: #0
وده كلام عالم ذاتو .. وده كلام صاح ..
يعنى عاوزين نقنعهم بى شنو ؟! نوع المسمار الدقيهو فى نص راس على فضل .. ولا منعم رحمة ما مات بالملاريا ولا منعم الهسع ده من حقو يتحاكم ؟!!
يا نااااس .. يا ناااس ..
رفعت الاقلام وجفت ضروع الوطن .. لا كلام مع الازلام .. لا كلام مع الازلام ..
دعوة لمقاطعة أزلام الشموليه ودولة اللصوص فى المنبر ..
Post: #2 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 08:49 AM Parent: #1
أنا محمد حيدر المشرف ..
أعلن الموقف التالى .. أننى ومطلقا لن أتداخل أو أتحاور أو أرد على أى عضو فى هذا المنبر, يكون عندى فى موضع يقين من انتماءه للنظام الشمولى الحاكم فى السودان .. إنتماء تنظيمى أو فكرى او حتى صاحب خط يدعم دولة الظلم والظالمين ..
وشعارى فى ذلك يكون ( وأعادى الصديق اللى ما بهم بيك )
Post: #4 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 08:55 AM Parent: #2
والحال يغنى عن المقال .. فمن شاء الوطن .. فللوطن طريقه ومن شاء دين اللصوص .. فللصوص دينهم الذى سيموتون عليه ..
Post: #9 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: بشير أحمد Date: 12-13-2011, 09:05 AM Parent: #4
طيب امشي بيتكم في زول قال ليك تعال اتحاور مع اللصوص وازلام النظام؟
انتو منو ؟
ده حالة احباط من التغيير ؛الكيزان برّه وجوة قاعدين البحر امامك والكيزان من خلفك
نحنا ارزقية انت تطلع شنو ؟
Post: #101 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد النيل Date: 12-16-2011, 02:04 PM Parent: #9
Quote: ده حالة احباط من التغيير ؛الكيزان برّه وجوة قاعدين البحر امامك والكيزان من خلفك
وصف جميل للكيزان أطلقه كوز بى جهالة طارق بن الوليد قال هذا الكلام بمعنى العدو أمامكم وهنا هذا الكوز كاتب الجملة أعلاه يشبه نفسه بالعدو وهذا إعتراف بجهالة أنهم فعلا أعداء للوطن وقد كان
Post: #5 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: عمر عبد الله فضل المولى Date: 12-13-2011, 08:58 AM Parent: #2
الاخ محمد حيدر المشرف
تحياتي واحترامي
اي شخص ينتمي لهذه العصابة الاجرامية لا فكر له يؤمن به لا اسلامي ولا انساني ولا اخلاقي فقط مجرد انتهازية ومتسلقين ومتملقين والقدامى فيهم تحولوا بعد انهيار المشروع الحداري الى مجرد مجموعة عصابة اجرامية هدفها التكريس للبقاء في السلطة باي وسيلة يجلسون للحوار من اجل الالتفاف على الحقوق وكسب الزمن وخداع الاخرين لهذا الواجب على الاحزاب الوطنية التي تؤمن حقا بالقيم النبيلة ان تعلن رسميا ايقاف اي شكل من اشكال التواصل مع هذه العصابة الاجرامية تحت اي مسمى يرموا لهم بورقة صغيرة فيها عشرة مطالب اقلها وقبل كل شيء اقامة حكومة قومية انتقالية برئاسة شخص مستقل غير البشير وعصابته ..... الخ . فاما ان تقبلها العصابة الاجرامية جملة واحدة وما ان تواجهها الاحزاب وكل الشرفاء من اجل اجبارها لتنفيذها كاملة قسرا... ما ممكن يتلاعبوا بالزمن بهذه السخافة فراعي الضان في الخلاء يعلم تماما ان الشروط واضحة واي لف ودوران باسم الحوار يعني ضياع للزمن وتلاعب بالبسطاء من ابناء هذا الوطن . اذن علينا ان نثور على احزابنا اولا بايقاف كل اشكال التواصل مع النظام واعلان المواجهة السلمية لاجبار النظام على تنفيذ الاجندة الوطنية .
Post: #3 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: ibrahim alnimma Date: 12-13-2011, 08:54 AM Parent: #1
Quote: : نحنا ذاتنا غلطانين البنتحاور مع الأرزقيه فى هذا المنبر ..
والله كلامك صح
سلام لك يادكتور
Post: #6 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد البشرى الخضر Date: 12-13-2011, 09:02 AM Parent: #3
ياربي ح يرد لي و أصنف شريف ولاّ يطنّشني و أكتب عند الناس ارزقجي
Post: #7 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 09:02 AM Parent: #3
إن كنت تتحدث عن ثورة .. فأبدأ بنفسك أولا ..
لا وفاق مع النفاق .. شكرا يا نعمه ..
فلننجح هذا العمل الجماعى .. لا وفاق مع النفاق ..
هو منافق !! يعنى عاوز تقنعو ؟!!
Post: #8 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: ابوعبيدة النعمان Date: 12-13-2011, 09:02 AM Parent: #3
Post: #10 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 09:09 AM Parent: #8
Quote: اذن علينا ان نثور على احزابنا اولا بايقاف كل اشكال التواصل مع النظام واعلان المواجهة السلمية لاجبار النظام على تنفيذ الاجندة الوطنية .
الثورة من الداخل .. أبدأ بنفسك, أبدأ بحزبك , ستدرك الوطن , ستحيا الثورة
Post: #11 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 09:10 AM Parent: #8
Quote: اذن علينا ان نثور على احزابنا اولا بايقاف كل اشكال التواصل مع النظام واعلان المواجهة السلمية لاجبار النظام على تنفيذ الاجندة الوطنية .
الثورة من الداخل .. أبدأ بنفسك, أبدأ بحزبك , ستدرك الوطن , ستحيا الثورة
Post: #14 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد عبد الماجد الصايم Date: 12-13-2011, 09:15 AM Parent: #11
يااااا للهول!!
Post: #15 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 09:16 AM Parent: #11
محمد البشري .. لست حتى فى موضع تقييمك .. لم أراك يوما مطبلا للشمولية وحاشاك .. ولم أقرأ لك ما قد يكون دعما للصوص الوطن ..
أدعوك لهذا الأمر .. وأنت وما تختار ؟! ولا مزايدات على الإطلاق فى ذلك ..
فقط أتمنى أن ترى الطريق الذى أراه .. وحري بك ذلك ..
Post: #13 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: أيمن الطيب Date: 12-13-2011, 09:12 AM Parent: #3
يا حسن,,
إنت يا دوووووووووووووووووووووبك !!!
يا دكتور الشغلانة بقت ابعد ما تكون عن الحوار وأشبه ما تكون بالشلاليت,,
تفك العندك وتشوف ليك شغلة تانية..
حا تقعد تسك فى موظفين يمارسون فى مهام هى من صميم أعمالهم...
يا صاحب نظرة سريعة على ما يحدث فى العالم الآن ستلاحظ أن بعض الأنظمة لا يمكنها الإستغناء عن الحثالات,,
فرق بين من يناقش ويحاور عن قناعة ومبدأ ومن يهرطق ويزربط طلبا لرضا السلاطين وطمعا فى أن يكبر بعيون الأسياد...
تحياتى
Post: #12 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: Abd Alla Elhabib Date: 12-13-2011, 09:10 AM Parent: #1
كـل من يكتب هنا مؤيدا ومساندا مجـرمي الإنقاذ هـو قطعا شـريك في جرائمهــــم بحـق الســـــــودان ومواطنيه. مقاطعـتهم هنا أقــل ما يمـكن أن نعـبر به عن رأينا فيهم ورفضنا لهم. أؤيدك وأنادي معك يا مشــرّف بمقاطعـتهم فالكــــيزان جهـاز وس خ ا ن !
Post: #16 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 09:23 AM Parent: #12
أبوعبيده النعمان ..
ماذا يبيع لنا هؤلاء غير المواقف الرخيصه التى يقتاتون بها .. لماذا نشتريها ؟!!
Post: #17 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: Abdulrahman Eldaw Date: 12-13-2011, 09:32 AM Parent: #16
... .. . غلطانين الهينة دي
Quote: وفنّد عطا المولى إدعاءات بعض الجهات التي تريد جهاز أمنٍ بدون سلطات اعتقال وقال «إنهم جاؤوا إلى الجهاز وطلبوا إعتقال بعض الإخوة الإسلاميين الذين أصدروا فتوى بتكفير أحد الأحزاب العقائدية إن الحزب الشيوعي السوداني تقدم بطلب لجهاز الأمن لاعتقال الإسلاميين، وحدد الشيخ محمد عبد الكريم بالاسم، مشيراً إلى أن هذا الطلب يتناقض مع الدعاوى التي يطلقها الشيوعي الآن ومطالبته بجهاز أمن بدون سلطات اعتقال وألمح إلى ورود مطالب مماثلة من أحزاب عقائدية وطائفية أُخرى..
Post: #18 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 09:32 AM Parent: #16
محمد الصائم ..
ليس فى هذا الامر هولا .. الأهوال الحقيقية فى وطن يحكمه سماسرة الدين ويتبعهم الارزقية .. هذا الأمر بداية تقويم الطريق الذى أخذ مسلكا خاطئا فى هذا المنبر .. المسالة ليست فى الحوار .. المسألة مع من تتحاور .. ونحو ما سيفضى الحوار وهل رايت هنا حوارا مثمرا فى حق ذلك الوطن .. هذا شكل من أشكال المداهنة مع الذات .. واكمال غير واعى للالتفاف الكبير عن القضية .. وتحقيقا لأهداف الارزقية ..
هذا الوطن جدير ان نعادى من يعاديه يا محمد
Post: #27 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: كمال مبارك Date: 12-13-2011, 10:17 AM Parent: #18
Quote: أعلن الموقف التالى .. أننى ومطلقا لن أتداخل أو أتحاور أو أرد على أى عضو فى هذا المنبر, يكون عندى فى موضع يقين من انتماءه للنظام الشمولى الحاكم فى السودان .. إنتماء تنظيمى أو فكرى او حتى صاحب خط يدعم دولة الظلم والظالمين ..
أثنى ،، واشدد على ذلك ،،
لا مكان للون الرمادى ،،
تحياتنا
Post: #19 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 09:36 AM Parent: #16
ايمن ..
الحثالات مداس اللصوص وحراسهم ..
Quote: فرق بين من يناقش ويحاور عن قناعة ومبدأ ومن يهرطق ويزربط طلبا لرضا السلاطين وطمعا فى أن يكبر بعيون الأسياد...
Post: #20 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 09:43 AM Parent: #19
عبدالله الحبــيب
Quote: كـل من يكتب هنا مؤيدا ومساندا مجـرمي الإنقاذ هـو قطعا شـريك في جرائمهــــم بحـق الســـــــودان ومواطنيه. مقاطعـتهم هنا أقــل ما يمـكن أن نعـبر به عن رأينا فيهم ورفضنا لهم.
Post: #28 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: بدر الدين احمد موسى Date: 12-13-2011, 10:23 AM Parent: #20
محمد المشرف
تحيات وسلام
يا محمد, زمان كان معانا زميل في شمبات هو تجسيد لكلمة زميل تجده دائما حيث و حين تحتاجه. كانت لديه عادة غريبة, في البداية لم نفهمها الي ان ناقشناه و شرح لنا فلسفته, فتبنيناها اكاد اقول جميعنا الا قلة في شمبات. كان يحرص بعد فرز نتيجة اي انتخابات-في ايامنا للاسف غالبا ما كان يفوز الاتجاه الاسلامي- كان يعمد ان يذهب مباشرة الي حيث الكيزان, و هم يهتفون و يكبرون, و يهنئ كل و اي واحد منهم بالفوز! كانت فلسفته كالاتي: انه لا يجب ان نترك للاخر حق ان يرسم و يحدد سلوكنا, و ان ما يحدد سلوكنا هو مبادئنا و برنامجنا! فاذا كنا نريد الديمقراطية و الديمقراطية الياتها هي الانتخابات يجب ان نرتضي بالانتخابات و نتيجتها و لان ذلك يكسب الديمقراطية مصداقية بعد فترة وجدنا ان الكيزان يهربون من الموقف, لانهم ليسوا اهل ديمقراطية و الفوز لديهم لم يكن لخدمة كل الطلاب و انما خدمة اهداف الجبهة القومية الاسلامية. و التي كانت تعرف انها كما فطر العفن لن تنمو الا في اجواء الاختناق و الاحتقان.
فيا محمد المشرف, انت داع للديمقراطية و الديمقراطية هي التي يجب ان تحدد سلوكك! علينا ان نحاور الكيزان ليس لنقنعهم, بل لدحض دعاواهم, و شرح مواقفنا. و صدقني هم لا يحبذون ذلك و لا يحبونه و دونك هذا المنبر فانهم لا يشاركون في حوار, و انما يريدونه حوارا للطرشان وساحة للتطبيل و الهتافية الفارغة, لان ذلك هو ما يخدم مصالحهم. نحن ندعو للديمقراطية و الانفتاح, و من مصلحتنا شق اي حبن محتقن و فتحه للهواء الطلق بالحجة و المنطق, و اذا تخلفنا عن ذلك فاننا نخدم برنامج الكيزان اكثر من فكرتنا.
يا محمد المشرف, علينا ان نهاجمهم بالحوار و بالحق و الحجة و نفضحهم و نعري نظامهم!
Post: #29 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: هيثم طه Date: 12-13-2011, 10:25 AM Parent: #20
معذرة للتكرار --- او بدلها قول up !!
Post: #22 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 09:50 AM Parent: #19
عبدالرحمن الضو ..
وحنقالع ونقلع أحزابنا من دنس هذه الخطيئة الوطنية الكبري .. أو نكون شركاء فى المداهنة والدنس والدهنسة
حقا تحاورو ولا بجيك حقك تقاوى وتقلعو ..
Post: #21 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: بشير أحمد Date: 12-13-2011, 09:50 AM Parent: #12
فاقد (الديمقراطية) لا يعطيها....
الكيزان نجحوا نجاح باهر في تحييد اغلب الناس عن المعارضة السجم دي !!!
الاّ من بعض المرتزقة.
Post: #23 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: بشير أحمد Date: 12-13-2011, 10:00 AM Parent: #21
الكيزان عودهم راكب من الجهتين في الحكومة وفي المعارضة
(هل يابق الانسان من ملك ربه فيخرج من ارض له وسماء)
Post: #24 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: صبري طه Date: 12-13-2011, 10:08 AM Parent: #23
يا ود المشرف .. حبّيت أطمّم ليك بطنك بي كسّير التلج دة
Post: #26 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: بشير أحمد Date: 12-13-2011, 10:17 AM Parent: #24
Post: #30 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: هيثم طه Date: 12-13-2011, 10:40 AM Parent: #25
المشرف ايها الحيدر سلامات صباحية - سبحان ما بين صباح و صباح ! ان دام لصباحك لما اتت لمسائك دي رمية ساكت ! --- عزيزي المشرف بالطبع لك الحق في اتخاذ او تبني مثل هذا الرأي اوان تتخلي عنه في زمان آخر - فهذا في النهاية رأي و قد اقتنع به قبلك اخرون بهذا الرأي -و انت لم تكن مقتنعا - و في هذا الصباح انت اقتنعت او كونت هذا الرأي (حسب توقيت الاعلان !) لتوفر الظروف الموضوعية حسب رؤيتك في هذا التوقيت - و بالطبع قد لايقتنع آخرون الان او ربما يكوّنون هذا الرأي في توقيت آخر لاحق و قد لايكونون اصلا بالرغم من مشاركتهم لك نفس الموقف السياسي تجاه ذات الحكومة - ما أردت ان اقوله هو انه في أرض الواقع من السهل جدا تحديد من هي الحكومة و ما هي مدلولات و أهداف محاوري النظام - مثلما يفعل بعض القوي السياسية - و لكن في هذا الفضاء المدني الجديد و المعقد الذي اوجدته الاسافير و اصبح هو في حد ذاته ميدانا آخر للصراع بآليات قد تختلف عن مدلولاته في أرض الواقع - كيف يمكن لك -ناهيك عن الاخرين - يتبني مثل هذا الرأي - وأعني هل قبل اي مشاركة تذهب لتتأكد من جنسية المشارك - وهب انك حاورت أحدا و لم تكن تعرف انه ضمن تصنيفك المحدد - هل سوف تتوقف ومثال أخر اذا كنت تحاور او تدخل لشخص ضمن تصنيفك لتبيان مدي بطلان كلامه - ليس من اجل الحوار معه - و لكن من أجل آخرين قد يقتنعون بكلام جزاف يمثل الحكومة - أعني هل هذا يمكن اعتباره حوار لكي يمتنع عنه الناس -- بالطبع من السهل القول بان ما تبنيته هو رأيك و الاخرين احرار فيما يتخذونه من رأي- و لكن ايضا طرح رأي خاص في مجال عام له مدلولاته كي يقتنع به اخرون --- و لكن ما يعنيني أكثر ما أثر هذا النمط من التفكير في رمي أي آخر بانه كذا او كذا او الحكم عليهم و كمثال ردك علي متداخل سابق
و لي عودة حتي ذلك الحين كن بخير
Post: #31 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 10:41 AM Parent: #25
كمال المبارك ..
الثورة تعتمل فى النفس أولاً .. فى رفضها والنفاق والمنافقين .. فلنبدأ بأنفسناأولا ... لا وفاق مع النفاق ..
Post: #32 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: قيقراوي Date: 12-13-2011, 10:53 AM Parent: #25
اتفق مع بدرنا العالي قدرو .. و هيثم طه يا مشرف
تكتيك المقاطعة التامة اتجرب في بدايات التسعينات .. هل تم تقييم للتجربة دي؟ ما هي مآلاته؟ هل تعتقد/تسبعد انو ما نحن فيه دا، هو نتيجة .. ؤ مباشرة ليهو!؟ في تقديري -مع البحث عن حلول فردية- المقاطعة هي سبب الهجرات القسرية و الطوعية .. و ارتهانا للمنافي .. ما كانت النتيجة؟ .. تركنا الوطن نهب لاطماع تجار الدين!
عمر الحرد ما ادى غرض
(مثل من صكي .. نجرتو ليك خصيصاً )
التجربة التي لا تورث حكمتها تعيد ذاتها في شكل ملهاة غياب التقييم الواعي و الامين .. و المحاسبة و الشفافية هي الداء و معاك الثورة تبدا مننا .. فلنثور على واقعنا المعتل اولاً
و تستمر المفاهمة
Post: #33 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: أبو ساندرا Date: 12-13-2011, 11:37 AM Parent: #32
و غزلآ على منوال بدرالدين موسى وهيثم طه وقيقا عندما نحاورهم ، تكون عيوننا مصوبة نحو أخرين مهم جدآ ان يعرفوا رأينا وموقفنا بصرف النظر عن ردة فعل الكيزان وفي هذا السعي علينا ان ننتبه إلى محاولتهم لتطفيش الكورة وتشتيت التركيز ونرفع مصداقيتنا عااليآ ،، ونكون مقنعين في الدحض وهزيمتهم فكريآ
Post: #34 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: قلقو Date: 12-13-2011, 12:09 PM Parent: #33
الأخ ودالمشرف, لدى المصريين مثل بيقول اذا عندك عند ال ك ل ب حاجة قول ليه ياسيدى وعندما نسودن هذا المثل نقول ( اذا عندك عند ال ك ل ب حاجة اقلعا منو وقول ليه جر). والشعب السودانى ان شاء الله سوف يقتلع حقه من الكيزان ويقول ليهم جر .
Post: #40 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 02:38 PM Parent: #34
قلقو ..
بينا وبينهم ياهو الشارع .. وشارعنا فى ها المجال مقالعة .. والحق بين والظلم فادح ..
Post: #92 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: أمير فتحي Date: 12-15-2011, 10:24 AM Parent: #40
Quote: وهزيمتهم فكريآ
لقد كترت المحلبية أخي أباساندرا
Post: #35 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: عمر صديق Date: 12-13-2011, 12:40 PM Parent: #33
Post: #36 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: قيقراوي Date: 12-13-2011, 01:49 PM Parent: #35
Quote: عندما نحاورهم ، تكون عيوننا مصوبة نحو أخرين مهم جدآ ان يعرفوا رأينا وموقفنا بصرف النظر عن ردة فعل الكيزان
دا الزيت يا كبير
------
لكن صراحة صراحة كدا على المناضلين مراعاة فروق فقع المرارة .. ما تجيبوها معاكم هنا ياخ! ممنوع اصطحاب المرارة .. و كل زول مسئول عن لغاليغو ؤ مرارتو عاد عني شخصياً بخليها برة -ببطا مع حماري في وتد في خشم البورد- و بجي برا مرارة ذاتو! اما عن القرحة فالحمد لله - المتفرد بالثناء على المكاره- فقد بقت شق عديييل ما قرحة ساي!! جيت البورد بي قرحة اثنى عشر .. و اسي الحمد لله بقن كل ستة في حتة
هي صحي اثنى عشر شنو هي!؟
Post: #37 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 02:10 PM Parent: #35
تعالوا نخت أجندة حوار مباشر بيناتنا .. وجميعنا قادرون على ادارته وقادرون على ضبط المقارنات والبدائل .. ففى النهاية نحن نتكلم نفس اللغة وسنثمر أحاديثا جديده ..
الاجنده ؟.. مقترحاتكم .. أضبط الحوار يا قيقراوى
إقتراح جند أول ..
" الدعوة للمقاطعه كفعل سياسى , المشروعية والقدرة على ادارة عمل عام محدود ومتحرك لى قدام فى الضد من النظام الشمولى الحاكم "
1/ المشروعية ..
والمشروعية دى لازم تستند على /تشمل 1- أرضية أخلاقيه 2- هدف معلن تكتيكى 3- أهداف استراتيجيه
Post: #38 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 02:15 PM Parent: #37
يا صبري .. محجوب شريف قال .. أدونى شهادة فقدان وجدان وضمير إتوفى .. لو أنى كتبت قصيدة تتقطق اصابع حاكم زلفى ..
أها التزلف ده على بالايمان فى السودانيين ما وقع لى كويس الا بعد ما شفت الرابط بتاعك ده .. اكتشفت انو التزلف ده مسأله واطية جدا .. واطيه ..
Post: #39 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 02:26 PM Parent: #38
معاويه ..
مصدرك يا حبيب !! ومصدرى ومصدرك وفى فساد لا مافى فساد لانو مافى مصدر أو فى مصدر ومافى فساد أو فى فساد ومافى .... وهكذا .. تضيع القضيه ويتم التمويه ..
Post: #41 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: قيقراوي Date: 12-13-2011, 03:12 PM Parent: #39
Quote: إقتراح جند أول ..
" الدعوة للمقاطعه كفعل سياسى , المشروعية والقدرة على ادارة عمل عام محدود ومتحرك لى قدام فى الضد من النظام الشمولى الحاكم "
1/ المشروعية ..
والمشروعية دى لازم تستند على /تشمل 1- أرضية أخلاقيه 2- هدف معلن تكتيكى 3- أهداف استراتيجيه
في المشروعية ..
هو تكتيك مشروع .. و مجرب.. السؤال هو هو فعل سياسي مجدي!؟
هل بنسجم مع طبيعة و حركة الاشياء شخصياً انا شايف اخلانا لسة نكرر لحن غناء العزلة ضد العزلة هي العزلة عن الجماهير دي ذاااتا
كل الجهد (المعارض) في شقيه، و مذ هبت ريح الانقاذ السوداء .. عمل ابتر و فاقد القاعدة الجماهيرية للاسف كان التجار شطار.. ربحت تجارتهم .. فباعوا كل شئ
الديالكتيك و المحتوى الداخلي لحركة التقدم قايم على الصراع، و التدافع .. صوب الجماهير .. لوجه الوطن الجميل و الحشاش يملا شبكتو .. لو هم ضاقوا بالديموقراطية .. او حتى نجحوا ؤ امتطوها .. صدقني ما بتشيل حمولاتهم المرزئة كتير .. هي فينة من الدهر .. و تسقط ورقة التوت .. و يستبين قبحهم الشعب..
عما قريب بجي الهمبريب فصد لي ملامح يا حراز
Post: #42 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 03:25 PM Parent: #41
-
Post: #43 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 03:39 PM Parent: #42
في المشروعية .. هو تكتيك مشروع .. و مجرب. ___________________________________
اثنى يا قيقراوى .. مع التشديد على (تداعيات) المشروعية التى أقرها قيقراوى .. ومن تداعياتها المهمه جدا الكلام بتاع بدرالدين .. بتاع انو الناس دعاة ديمقراطيه وحقوق مدنيه الخ ..
فقيقراوى باقرارو المشروعيه الاخلاقيه للدعوه وأنا .. لا نرى تعارضا قيميا او أخلاقيا فى تبنى المقاطعه كفعل سياسي لداعية ديمقراطى .. لبدرالدين للافاده ..
قيقراوى .. التزم بالاجنده يا زميل .. عندنا جند أول ننتهى منو أول ..
Post: #44 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: لنا جعفر Date: 12-13-2011, 04:23 PM Parent: #39
محمد مساك خير ياحبيب داخل المعارضة في مدارس رومانسية جداً ....وزي كلام محمد الاشكال ما الحوار الاشكال انك بتحاور منو....ثم اني معترضة على حكاية في شخص الكيزان بخاطب الجماهير دي أنا يفترض اكون شخص مؤسس وقادر ومؤثر....تأثيري نهائياً مايفترض يجي عبر الكيزان.....انا مطالب انتج منفستو حوار حقي والمنفستو ده يكون شعبي وجماهيري ومنفتح وبيلعب على تناقضات الكائنات دي.....يعني انت ح تحاور زول خرب الاقتصاد كيف؟ح تقول ليهو سرقت ونهبت والادلة اكتر من انها تُحصى؟؟؟ح تحاور زول رش الناس بالطيارات ورشو للمواطنين موثق ومثبت وطلعت بيهو ادانة ولية عشان تقول ليهو شنو؟؟؟تحاور زول اغتصب شرف البلد ممثل في شرف الدارفوريات تقول ليهو شنو؟؟؟ تحاور ناس مارست تعذيب بشر في بيوت اشباح تقول ليهم شنو؟؟؟؟ الناس العذبت دي منهم الضار اللي نكر في لندن انه عذب استاذه في جامعة الخرطوم في بيوت الاشباح....ده يحاوروهو كيف وشهادة الدكتور وغيره موثقة؟؟ عايز تقول ليهم حرام؟؟؟؟هم عارفين انه ده حرام اكتر منك.....ده لو هم عندهم بالجد رب بيعبدوهو....ولو ماكان عندهم يبقو سابقننا ركعتين معرفة والحاد عايز تحاور زول اولادو راكبين عربية بي ميتين مليون ومعمولة ليهم منظمات بي اسماؤهم عشان تقول شنو؟؟؟عايز تناقش زول تقول ليهو انه حرامي وفاسد وهو شواهدو كلها بتأكد كلامك؟؟؟ عايز تناقش زول تقول ليهو انت اغتصبت صفية وانت معاك تقرير طبي بيثبت اغتصابها؟؟؟عايز تناقش زول تقول ليهو انت كتلت علي فضل ومعاك تقرير طبي بيثبت انه مات تحت وطأة التعذيب؟؟؟ عايز تقول لجهاز الامن انك كتلت منعم رحمة ود مدني وعندك مليون شاهد على الجريمة؟؟؟ عايو تناقش فساد بيّن وتحاور فاسدين؟؟؟عايز تحاور قتلة وطريدي محاكم دولية؟؟؟عايز تقول شنو؟؟؟ المسألة ماحوار وما اعتقد محمد حسن عالِم كان بيحاور في الضار.....الباشمهندس كان بيواجه الضار بتهم......يبقى لمن نحن واجهنا الضار بلستة جرايمو نجي للصغار الهنا ونحاورهم؟؟ خلينا نكون رومانسيين تجاه معاناة الفقارى الجياع ....وممكن ننجز برامج رومانسية تجاه الحياة البنحبها وعايزين نصنعها ......الرومانسية مع كائنات قاتلة بتورثك الهوان والخوار يبقى الناس محتاجة تمرر لبعض خطة للتعامل مع الكائنات المشار اليها وقطعا ما ح نخطط هنا أنا بضع قسمي معاك ياحقصة وزاهدة ومترفعة عن اني ادخل لزول منهم بوست وياناس انتو مامطالبين بي انتاج حدايث....انتو مطالبيت تتشو عين الضلام بالضو وبس وماثوار جيرانا العرب بأحسن منكم
------------ محبة عميقة ياحقصة وربنا يخليك يافارس
Post: #45 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: قيقراوي Date: 12-13-2011, 04:41 PM Parent: #44
يا زميلة التزمي بالاجندة لو سمحتي
------- يا لنا انت اكتر زول صرف عربي و حاور الكيزان في اليومين الفاتو ديل .. حيرتيني انا الشاعر الجاهلي بتاع المعلقات دا ذاااتو!!!
Post: #46 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 05:14 PM Parent: #45
لنا..
تتذكرى لمن تاج السر كتب انو التاريخ مرق خلى الكتب والمكتبات الخ.. أعتقد إنو كان بقصد ذاااات المثاليه السياسيه المتخيله أصلا حسب بعض افادات بعض المراجع الفلسفيه المترجمه .. عشان كده فكرت انو نبدأ من البداية وننتهى من مسألة الحاجز الاخلاقى الماموجود أصلا .. لانو بعد داك الجدوى من الحوار والى ما ذلك امرها هين ومن السهولة بمكان الوصول لنتيجة مفادها : لا جدوى لاسيما وكما ذكرت نحن نتحدث ذات اللغه وممكن ننتج حـــــــــــــوار.. أمبارح قريت ليك كلام عن طبيعة اللقاء / الندوه الطلابيه .. وأصلا عندى كلام كتييير عن أن أركان النقاش فى الجامعه أصدق كثيرا من الكتابه فى الحوار المتمدن أو المنبر الديمقراطى .. وإنو "الهتاف" أنبل من الاوراق والورش الفكريه .. الهتاف الواااحد ده .. وانو فشل النخبه ايتيولوجيا يمكن رؤيته كورم خبيث لخلايا اللغه خارج سياقاتنا الزمانيه وانو الطيب مصطفى ضبح التور الاسود ونحن منهمكون حوارا .. ومرتبكون حوارا .. ومنتهكون حوارا ومنهكون حوارا .. ومتهتكون حوارا.. ومنفعلون جدا بالرمز .. وكأنو قاعدين نخجل من دخول اللغه من باب الكلام العديل ومباشر .. وكأنو المباشره لا تليق بالنخبوى .. غايتو ..
راجع ليك
Post: #47 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: mustafa mudathir Date: 12-13-2011, 06:41 PM Parent: #46
Quote: أنا محمد حيدر المشرف .. أعلن الموقف التالى .. أننى ومطلقا لن أتداخل أو أتحاور أو أرد على أى عضو فى هذا المنبر, يكون عندى فى موضع يقين من انتماءه للنظام الشمولى الحاكم فى السودان .. إنتماء تنظيمى أو فكرى او حتى صاحب خط يدعم دولة الظلم والظالمين .. وشعارى فى ذلك يكون ( وأعادى الصديق اللى ما بهم بيك )
ح يقولو عليك حردان السوق! لكن بكلامك الفوق دا أدعوك لفتح سوق الحرد. ياخي أنتو بتحاوروا موظفين النظام والمتعاونين والمتعاونات بفلوس مع جهاز الأمن من الذين يهرعون للكتابة استجابة لاشارة أو تحفيز من الجهاز ونعرفهم بأسمائهم ونرصدهم! حكاية الحوار مع الآخر ما بتنفع مع زي ديل لأنهم بيدافعوا عن قتلة (نافع مثلاً) وسرقة (نافع والباقين). بيدافعوا عن جنايات وفيهم من يفاخر بأنه اتبع تكتيك معين ونجح فيه! أنا دايماً كنت بستغرب كيف تحاورون هؤلاء دون أن تنتبهوا لأن وظيفتهم هي استنزافكم وتنفير الناس من المعارضة ودي هسع دي في واحد فوق هنا بيفاخر بيها برضو! فتعالوا إلي سوق الحرد. طنشوهم ولا تحاورونهم أبداً!
Post: #48 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 07:21 PM Parent: #47
الغيبوبه يا مصطفى .. الغيبوبه !!
Quote: أنا دايماً كنت بستغرب كيف تحاورون هؤلاء دون أن تنتبهوا لأن وظيفتهم هي استنزافكم وتنفير الناس من المعارضة ودي
وإحتمال انو قيمة كلام محمد حسن العالم الحقيقيه انو صحى الناس .. سريان المزاج الثورى المصادم فى الدم مساله ما ساهله .. لا نوقفو .. ندفعو لى قدام
كمان التوقف عن الحوار بصوره PASSIVE.. ما زى الفعل الجماعى .. والفعل المعلن ..
تحياتنا يا استاذ ..
Post: #49 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-13-2011, 08:25 PM Parent: #48
أها يا لنا .. وعشان كده الربيع العربي لم يصنعه الساسه العريقون بصورتهم النمطيه .. لم تسعفهم مطايا خيالهم السياسي الرفيع فى الوصول لسفح الهتاف المباشر: الشعب يريد إسقاط النظام
Post: #50 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: DKEEN Date: 12-13-2011, 09:03 PM Parent: #49
في تسعينات الجامعة كان خيار المقاططعة الذي انتشر بين الديمقراطيين تجاه الطلبة الاسلاميين فعلا وناجعا برغم عتوهم تلك الايام..
ماكان في زول بفتح خشمو مع كوز ..وكانو كجرب معدي.. وكان الاثر ملحوظا في عذلتهم تلك الايام... ولايزال كيزان تلك الحقبة يستشعرون شيئا من الريبة - مردة اثر المقاطعة- تجاه خلق الله في الاسواق وفي قعدات الصوالين..
لطالما استفزتني مثلا الكتابة المشرمطة التي يسوقها صلاح غريبة مثلا او التسول اللفظي الذي يسوقه ود الباوقة هنا متسولا به الرضى والمصالح .. ولماذا نحاورهم وليس فيهم رشيد.. وجودهم هنا محض مهمة ماجورة مدفوعة الجهد من دم وجهد ورزق الغاليين من اهلنا.. وبالبرد نساهم في انجاح مهاهم وننساق ورا فخاخ ساذجة كتبها مأجور لفض انتباهنا المشترك نحو شي يجدي لهذه البلاد... اتفق معك ياصديق فتعال لنفعل اضعف الايمان لهذا الجرح الكبير..
لنحدد لستة متفق عليها من احذية النظام - على الاقل انا وانتا - ولنتفق على تجاهل خطواتهم المأجورة في هذا المكان..
Post: #51 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: يحي ابن عوف Date: 12-13-2011, 09:25 PM Parent: #50
Quote: نحنا ذاتنا غلطانين البنتحاور مع الأرزقيه
إي والله صدقت
Post: #52 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: حيدر حسن ميرغني Date: 12-13-2011, 09:40 PM Parent: #51
سلامات ود المشرف ليس بالضرورة ان تكون فائدة الحوار من عدمه محصورة فقط. بين المتحاورين هناك من يستفيد ويزيد وعيه من نتيجة الحوار نفسه سوا كان عضو او مجرد قارئ الزبد يذهب جفاء وما ينفع الناس يمكث في الأرض كامل احترامي وتقديري لجهودك في الحوار ولرأيك في هذا البوست بالتحديد
Post: #53 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: Elbagir Osman Date: 12-13-2011, 09:46 PM Parent: #51
الحوار ليس مع كل شخص
الحزار فقط مع من يستحق الحوار ويختلف فكريا
أولا
معنا بالبورد من هم أسوأ من الكيزان
أوليك الذين إنضموا للإنقاذ بعد أن اتضحت اخطاؤها
- وبعضهم سبق أن انتقدها -
فالمسألة بالنسبة لهؤلاء بزنس
يكتب بكل بجاحة أن الخطأ هو صواب
ويسارع لقبض الثمن
وصفهم بـ"ـالأرزقية" وصف صحيح
الكيزان أفضل من هؤلاء
لأن العديد من الكيزان ممن كانوا معروفين من زملائهم في المدارس والجامعات
كانت تروادهم أوهام الأيدولوجيا بإصلاح العالم
والآن يرى معظمهم فشل حكومتهم
بعضهم يخجل وبعضهم يكابر
أما هؤلاء الأرزقية ، فلم يكونوا كيزانا زمن الأحلام بل انضموا زمن الأخطاء البائنة
فهم قطعا أسوأ من الكيزان
ولا جدوى مطلقا من الحوار معهم
طبعا ذلك لا يمنع فضح مغالطاتهم وكشف أرزقيتهم
الباقر
Post: #54 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: باسط المكي Date: 12-13-2011, 10:11 PM Parent: #53
Quote: نوع المسمار الدقيهو فى نص راس على فضل .. ولا منعم رحمة ما مات بالملاريا ولا منعم الهسع ده من حقو يتحاكم ؟!!
يا نااااس .. يا ناااس
التحية لهم سلامات ياحبيب
Post: #55 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: طارق الجبلابى Date: 12-13-2011, 11:09 PM Parent: #54
اخى محمد ومن تبعه ...باحسان هذ هو الموقف الصحيح... لا للحوار....بل الرد بما يستحقون
Post: #56 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: معاوية الزبير Date: 12-13-2011, 11:29 PM Parent: #55
لنحدد لستة متفق عليها من احذية النظام - على الاقل انا وانتا - ولنتفق على تجاهل خطواتهم المأجورة في هذا المكان..
Post: #57 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: طه جعفر Date: 12-14-2011, 03:16 AM Parent: #56
يا المشرف انا متشرف كلام جميل الراحلة المقيمة عمتي سعيدة بت الخليفة طابت ذكراها و بقيت كلماتها
كانت تقول لمن يجلب الاخبار السعيدة الي مقامها" خشمك فيهو السكر" خشم الباقر موسي الرسام فيهو سكر و شكولاتة البوست مفرح و جميل وكلام الجميع ما عدا الكيزان جميل
الكيزان عندنا لهم المحاكم العادلة و هذا يعود لالتزامنا بمبادئنا لكننا باختصار نتمني لهم الموت المهين تبعتهم اللعنات اينما حلوا عليهم لعنات آلهة النهر المبجلة عليهم لعنات تراب البطانة عليهم لعنات رمال دارفور سهلها و الجبل عليهم لعنات جبال المابان و خضرة النيل الازرق عليهم لعنات الحجارة من جبال النوبا عليهم لعنات النهر عند السدود عليهم لعنات القاش فائضا و جاف لا حوار معهم لهم الشتم و السباب من كل فم جائع و كل قلب كسير بضياع مستقبل و كل خاطر مجروح اولاد الايه
طه جعفر
Post: #59 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: Afraa Sanad Date: 12-14-2011, 03:32 AM
والله يا مشرف ياخي أنا اقترح أنه نفك ليهم عمك ود الموج يديهم في راسهم كل ما يجي واحد ويستهين بالشعب السوداني نقول ليه وإن درت الكعب والشين أرح يا زول لكن نخليهم كدي بي شحمة كلاهم دي كتيرة
Post: #58 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: معاوية عبيد الصائم Date: 12-14-2011, 03:27 AM Parent: #53
Quote: أما هؤلاء الأرزقية ، فلم يكونوا كيزانا زمن الأحلام بل انضموا زمن الأخطاء البائنة
فهم قطعا أسوأ من الكيزان
ولا جدوى مطلقا من الحوار معهم
نعم استاذى الباقر فهولاء لا كرامة لهم البتة ولن تكون
انا قررت قرار لارجعة فيه مقاطعة .......هــــولاء الاذنـــــــــــــــــاب...عديمى النخوة والاحساس
ويستمر النضال
Post: #60 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: Sabri Elshareef Date: 12-14-2011, 04:22 AM Parent: #58
الكيزان عندنا لهم المحاكم العادلة و هذا يعود لالتزامنا بمبادئنا لكننا باختصار نتمني لهم الموت المهين تبعتهم اللعنات اينما حلوا عليهم لعنات آلهة النهر المبجلة عليهم لعنات تراب البطانة عليهم لعنات رمال دارفور سهلها و الجبل عليهم لعنات جبال المابان و خضرة النيل الازرق عليهم لعنات الحجارة من جبال النوبا عليهم لعنات النهر عند السدود عليهم لعنات القاش فائضا و جاف لا حوار معهم لهم الشتم و السباب من كل فم جائع و كل قلب كسير بضياع مستقبل و كل خاطر مجروح اولاد الايه
قولي قول ود جعفر ود الخليفة
بيننا ما صنعه الحداد مغتصبي السلطة قاتلي شعبنا عليهم اللعنة
Post: #61 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-14-2011, 06:35 AM Parent: #60
فى الأول من أمس .. وكنت ممتلئاً جدا بالمزاج الثورى الذى بثه محمد حسن عالم فى الجو الوطنى .. وكان رد الفعل عفويا حين كتبت بوستا بعنوان ..
" الجماعه فقدو المنطق .. وبى محمد حامد جمعه "
وزينت البوست "بوجه ضاحك" وكأسخف ما يكون .. ثم تداخلت تفسخا اسفيريا فى بوست أحدهم ويدعى عبود .. ثم انتبهت لولوغى فى الابتذال .. إبتذال الكلمه .. وابتذال المواقف ..
نجحوا تماما فى تسييجنا إسفيريا وفى تحييد بعضنا إسفيريا .. ونحن الغائبون أصلا عن الشوارع !!
ما هذا الهراء ؟!
هل يتم تفريغ ما بثه فينا محمد حسن عالم من مزاج ثورى فى السيدح ؟! فى صلاح غريبه وبشير أحمد وودالباوقه ومحمد فرح وعمر صديق وعبود والمكاشفى الخ ..
ماذا يمثل هؤلاء فى ذاكرة الوطن المنكوب والمنتهك ؟!.. ماذا يمثل هؤلاء مقابل الملايين من الشعب السودانى ؟!.. مقابل عشرات الالاف من القتلى فى دارفور .. كانت آلة القتل تعمل فيهم ونحن نتهتك بالوجوه الاسفيرية ونبتذل الكلام .. ثم .. وماذا نمثل نحن والذين هم منهمكون فى الحوار الاسفيري معهم ؟!.. وماذا يمثل هذا الحوار المبتذل ؟! هذا .. وغيرنا فى سجونهم - سجون المؤتمر الوطنى - يعذبون !!.. وبناتنا يغتصبن هناك .. يجردن من ملابسهن ويغتصبن .. يغتصبن .. يغتصبوهن !! ونبادلهم نحن الوجوه الضاحكه فى اعتيادية والفة .. ونتشدق فرحا بسماحة ومساحة الحوار الديمقراطى ؟!! تفوووووووو ..
Post: #62 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-14-2011, 07:02 AM Parent: #61
دكين .. خذ هذا الابتذال اليوماتى الممارس هنا, ووازيه بعهر المواقف السياسية لاحزابنا تجد أن ذاك العهر من هذا الابتذال .. الحزب السياسي يبدأ منك, منى, منا جميعا ويستوى فى ذلك أكنت منظما او لا .. فأنت منتظم بموجب عقد مواطنة فى الحراك ومنخرطا فى القضيه .. قضية بلد بتتبااااع .. هسع بتتباااع بالدولار.. والجميع يعرف ذلك .. أن تتبادل الوجوه الضاحكه تفسخا معهم .. ذلك يفسر الابتسامات التى يستقبل بها الطغاة فى دار الحزب الشيوعى ؟! الحزب الشيوعى يا دكين ؟!! الحزب الشيوعى ؟!!
أى رسالة نرسلها بذلك لارواح الشهداء ؟! على فضل ما كان يبادلهم ضحكه ضحكتين ويتبنى الحوار الديمقراطى المترف ده .. ما كان هسع شهيد لشعب بدون ذاكرة ومتسامح جدا وديمقراطى.. أو كان هسع يكون عضو فى سودانيزاونلاين بحاور محمد فرح !! او فى منبر الحوار الديمقراطى بمارس الالق النضييييف
تباً لنا تباً لنا
وهم شهداء علينا عند جرد الحساب الوطنى وهو قريب .. محمد عبدالسلام .. التايه .. سليم .. طارق .. منعم .. !!
Post: #64 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-14-2011, 07:16 AM Parent: #62
هيثم طه, بدرالدين, أباساندرا وقيقراوى نحنا عندنا نقاش مقترح .. عازين نسوقو لى مسألة أنو آلية الحوار لا تفيد المحاننه الشخصيه والتمييع زى ما قال هيثم وعبدالرحمن .. وانما هى فعل تصدى للافكار وتعريتها !!
انا بديت من أخلاقية الدعوه للمقاطعه عشان نصل للكلام ده ذاتو .. ايدينا سوا يا شباب .. بالاضافه لابى ساندرا بالطبع ..
يا هيثم طه .. فى حاجات بنصلها بالترتيب .. زى الارتباطات الزمنيه للافكار والقناعات والتصنيف وغيرها ..
تعالوا ..
Post: #65 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-14-2011, 07:51 AM Parent: #64
يحى بن عوف ..
فلننتبه جيدا .. الثورة التونسية اندلعت إثر فعل انسانى عنيف جدا كان ذروة الاحتشاد بالظلم .. وخرج الشعب التونسي يهتف : الشعب يريد إسقاط النظام ..
رجعنا نحن للمانوال الثورى وقلنا الحركه الجماهيريه دونما قيادة مؤسسيه مجلبة للهلاك .. وأن التجربه السياسيه للاحزاب التونسيه ضعيفه جدا .. وحيكون فى قاب كبير ..
أنجز الشعب ثورته .. ويمشي وباسلاميه الذى انتجتهم الانتخابات نحو الديمقراطيه ..
خرج الشعب المصري بذات الهتاف أثر فعل انسانى عنيف جدا كان ذروة الاحتشاد بالظلم .. الشعب يريد إسقاط النظام ...
رجعنا نحن لتعقيدات الوضع الاقليمى والدولى لمصر .. وقلنا قبل حسنى مبارك انو مصر ليست تونس .. ونجحت الثورة المصرية .. رجعنا تاااانى للذهن السياسي المعطوب بتاعنا .. وقلنا انو الحركه السياسيه فى مصر عريقه .. والمجتمع المدنى المصري اكثر قدرة على ادارة الثورة ..
فصادر السياسيون الثوره .. وخرج الهتاف الجديد من رحم الشارع
الشعب يريد حماية الربيع ..
الشعب لا الساسه يا يحى .. النضال ليس بالكتب المدرسية وفلسفات الفعل الثورى .. والثورة وبالتأكيد لن تنجزها الكتابات الفارهه ولا الحوارات البلا صالح الا التأكيد على الروح الديمقراطى المافى والتورط السلبي فى تمييع القضيه والقضيه هسع وطن ناقص ومنتهك وببيعو فيهو !!
Post: #63 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: أمير فتحي Date: 12-14-2011, 07:16 AM Parent: #61
ياخساره
Post: #66 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: أبو ساندرا Date: 12-14-2011, 07:53 AM Parent: #63
لنا جعفر :
Quote: عايز تحاور زول اولادو راكبين عربية بي ميتين مليون ومعمولة ليهم منظمات بي اسماؤهم عشان تقول شنو؟؟؟عايز تناقش زول تقول ليهو انه حرامي وفاسد وهو شواهدو كلها بتأكد كلامك؟؟؟
الكلام المكوت اعلاه ، كلام الجسور محمد حسن عالم ،، وهو في الأساس حوار في فضاء مفتوح وشهود ، الطرف المحاور هو نافع علي نافع والأطراف المستهدفة بالحوار هم الحضور ، ومن ثم الشارع السياسي الموجود هنا وفي الفيسبوك وفي سرادق العزاء و صيوانات الأفراح وحملته أسلاك الموبايلات وتداولنه النساء منتشيات ومفعمات بحيوية المواجهة وهن يختارن خضراهن ،، البحالهن ماهو داري
Post: #67 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-14-2011, 08:07 AM Parent: #66
Quote: والأطراف المستهدفة بالحوار هم الحضور
تعريف الحضور يا سعادتك ؟! تعريف المجال ؟! تعريف الكلام الجسور ؟! أخد كم دقيقه ؟!! وانجز شنو ؟!
خذ انجازى انا الشخصى فى هذا المنبر وتأثيرو على الجو الوطنى .. اكثر من 7 الف مداخله !!! فيها تفصيل ممل جدا لمسيرة الانقاذ من اليوم الاول .. وفيها تحليلات جيده للوضع السياسي السابق واللاحق والمافيش .. ناقشتها فيها ودالباوقه وبدرالدين اسحق لمن الله غفر لى ..
الفعل وتأثيرو ..
أوقفوا التعب البلا صالح .. رمزية المقاطعه والقدره على انجاز فعل جماعى بسيط جدا تساوى وطن .. والرأى ووسائل توصيلو متاحه للجميع وابلغ داخل اطار الفعل الجماعى المهين لازلام النظام .. الارزقيه والناس المو يا..
Post: #68 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-14-2011, 08:20 AM Parent: #67
استاذنا الباقر ..
Quote: فهم قطعا أسوأ من الكيزان
ولا جدوى مطلقا من الحوار معهم
طبعا ذلك لا يمنع فضح مغالطاتهم وكشف أرزقيتهم
مهم جدا - كما تفضلت - فهم ارضية الحوار ومع من يدار وأهداف الآخر المستهدف أصلا .. وأهداف المستهدف ومن هو وارضية الحوار أنتجتنا فى نهاية الامر كما تريد .. مسيجون داخل اطار اسفيري ومنهمكون جدا فى الحوار الديمقراطى .. نقوم ونقعد فيهو صباح مساء .. فلا وطنا بلغنا, ولا حوارا مثمرا انجزنا, ولم نكسب الا تفريغ حمولاتنا من الغبائن فى مكب للزباله وضعوه لنا عند مخرج هذا المنبر ونحن فى طريقنا للنوم سعداء بما انجزنا من حوار وطنى ممتع ونضال !!
وهذا هو أقصى ما أنجزنا من مصالح وطنيه ملحه !! ما هذا الغياب .. أى غيبوبة ناضلنا فى تفاصيلها نحو ثورة لن تكون !!
Post: #69 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: بشير أحمد Date: 12-14-2011, 08:39 AM Parent: #68
Quote: خذ انجازى انا الشخصى فى هذا المنبر وتأثيرو على الجو الوطنى .. اكثر من 7 الف مداخله !!!
Post: #71 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-14-2011, 09:26 AM Parent: #68
باسط مكى ..
نعم يا صديق .. كما ولا يليق القاء التحية على أؤلئك الشهداء الا وقوفا على ذات الأرضية التى وقفوا عليها .. أرضية البطولة والجسارة فى طلب الحق الوطنى المصادر .. لن نعادى أحدا فى شخصه .. نعادى من يعادى المعانى التى استشهدوا من أجلها ..
ثم .. ولن نمالى الارزقية بالحوار ..
عندها .. قد نستحق أن نلقى بالتحية على من مات جسارةً فى حضرة الوطن الكريم ..
Post: #70 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: بشير أحمد Date: 12-14-2011, 09:07 AM Parent: #61
Quote: نجحوا تماما فى تسييجنا إسفيريا وفى تحييد بعضنا إسفيريا .. ونحن الغائبون أصلا عن الشوارع !!
الشوارع موجودة ابقوا مارقيين بس
Quote: هل يتم تفريغ ما بثه فينا محمد حسن عالم من مزاج ثورى فى السيدح ؟! فى صلاح غريبه وبشير أحمد وودالباوقه ومحمد فرح وعمر صديق وعبود والمكاشفى الخ ..
هسع الشغل ده كلو عملوا الـ 7انفار ديل !!! مقابل جيش من المناضلين في المنبر ده!!! عفيت منهم تب. فئة قليلة فرّغت جيش متزمزغ.
Quote: وماذا نمثل نحن والذين هم منهمكون فى الحوار الاسفيري معهم ؟!.. وماذا يمثل هذا الحوار المبتذل ؟!
المُحصلة بق زيرو علي الشمال والشعب السوداني الفضل رمي طوبتكم .
Post: #72 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-14-2011, 10:34 AM Parent: #70
طارق الجبلابى ..
ياخى !! قبل يومين تلاته .. لم أجد سببا لحدتك الشديده مع واحد منهم ؟!
تصور ؟!!
Post: #73 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-14-2011, 10:54 AM Parent: #72
حيدر حسن ميرغنى
Quote: ليس بالضرورة ان تكون فائدة الحوار من عدمه محصورة فقط. بين المتحاورين هناك من يستفيد ويزيد وعيه من نتيجة الحوار نفسه سوا كان عضو او مجرد قارئ
هى ذات إشارة هيثم طه وقيقراوى وابوساندرا .. وده حوار قائم ومشروع جدا, فمرحب بيك تعال
ولنعود قليلا لاصل المسأله ... وأعنى آليات الحوار وعملية انتاج المعرفه أو الوعى من خلالها برسم الوصول للمجموع المستهدف.. ولا أدعى أبدا أن تلك الممارسه عديمة الجدوى ولكن بتحفظ .. عموما وحتى وبتجاوز التحفظ ذاتو .. وجود آليات وأنماط عمل عام من خلال المنبر تكون أكثر فاعلية من أخرى .. جديرة بأن نفكر فيها مليا .. لذلك أشرت لضرورة استيعاب الفكرة من منظور مقارن .. من منظور وجود البدائل .. من منظور الفاعليه .. من القدرة على توصيل الرأى/الفكرة ..
وأرى أن المقاطعة بداية صحيحة جدا لفعل جمعى داخل مجال محدود ممكن يتسع .. فيها تمرين عمل عام .. فيها رفض .. وهى آلية تعبير أخلاقية جدا ..
ثم ولا تحرم أحدا من فرصة الحوار المثمر .. على العكس تماما .. ستجعل الناس أكثر قدرة على إدارة حوارتم وسواقتها نحو الغايات الاساسيه من الحوار..
مودتى ..
Post: #74 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: esam gabralla Date: 12-14-2011, 11:27 AM Parent: #73
سلام للجميع نتفاهم ... المشرف عنده حق ... و الآراء المعترضه عليه - أمثله لا حصر قيقا,هيثم,بدرالدين,ابوساندرا, مصطفي - عندها حق, تبدو متناقضه عشان كده نشرح. ما هو الهدف المقدم و المهم الحالى؟ أعتقد أن هناك شبه إجماع من كل القوى السياسيه و المجموعات المختلفه و الأفراد - باستثناء منتسبي و داعمى النظام - هو إحداث تغيير في البلاد و أن هذا لن يحدث الا بازاحة النظام. اعتقد متفقين في دى. من ده اتفق مع جوهر دعوة المشرف كما فهمتها أو فسرتها أن لا حوار مع منتسبي و داعمى النظام بل حصار , فضح للمواقف, كشف للأكاذيب , كسر لاحتكار الساحه ... كل هذا بهدف قلب موازين القوى لصالح التغيير . فهمت جوهر دعوة المشرف أن شروط الحوار كما تتصوره كل الآراء الأخرى غير متوفره لا مع النظام و لا مع منتسبيه , ليس فقط معهم كأفراد هنا بل كنظام و التجارب ماثله , حصارهم و كشفهم و عدم ترك أية مساحه خاليه لهم و فضح زيف ادعاءاتهم حول "الحوار". حين تتوفر شروط الحوار الحر و الحقيقي في الواقع نتحاور حينها. الآن الواجب المقدم دك أسس الاستبداد القائم و دعاته و حماته في كل مكان و زمان. لا حوار مع من يضع السكين على رقاب البلاد و يحز بها على نصف سكانها ... الواجب إزاحة هذه السكين و كسر اليد التى تمسكها ... أيضآ بكسرها كلمه و رأى و كشف و فضح. و نتفاهم سلام
Post: #75 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: ود الباوقة Date: 12-14-2011, 11:47 AM Parent: #74
اخي المشرف
لا شك بانكم تكتسبون بعض قوتكم من الراي
المخالف لكم في هذه المساحة
فانتم كثر بعددكم قليلون بعتادكم
والدواس سنة من سنن الكون الى قيام الساعة
دا مصطلح حديث للتدافع الذي طوى الى الابد
صفحة الماركسية وفي طريقه لطي صفحة الليبرالية
والليبراليون طال الزمن ام قصر
حتى انا كنا نحن بعيدون عن هذا الموقع
لم اكن اتوقع ان تنهار دفاعاتكم بهذه السرعة
طالما انكم قد اتخذتم من الديمقراطية سلاحا لكم
اما عن وصفنا بالارزقية فهو بكل تاكيد قول مردود
لا يسنده دليل او حجة
بنفس المعادلة نحن ننطر الى البعض من الطرف الاخر بانهم
مرتهنون للاجنبي كل حسب كده واجتهاده
واقل العطايا هي السكن مع بعض من السندوتشات وتوابعها
وتتدرج المسالة حسب العطاء ودرجة الارتهان ..
شكرا اخي وقريبي المشرف ..
Post: #76 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: قيقراوي Date: 12-14-2011, 11:58 AM Parent: #74
Quote:
Quote: ليس بالضرورة ان تكون فائدة الحوار من عدمه محصورة فقط. بين المتحاورين هناك من يستفيد ويزيد وعيه من نتيجة الحوار نفسه سوا كان عضو او مجرد قارئ ح ح ميرغني
هى ذات إشارة هيثم طه وقيقراوى وابوساندرا .. وده حوار قائم ومشروع جدا, فمرحب بيك تعال
ولنعود قليلا لاصل المسأله ... وأعنى آليات الحوار وعملية انتاج المعرفه أو الوعى من خلالها برسم الوصول للمجموع المستهدف.. ولا أدعى أبدا أن تلك الممارسه عديمة الجدوى ولكن بتحفظ .. عموما وحتى وبتجاوز التحفظ ذاتو .. وجود آليات وأنماط عمل عام من خلال المنبر تكون أكثر فاعلية من أخرى .. جديرة بأن نفكر فيها مليا .. لذلك أشرت لضرورة استيعاب الفكرة من منظور مقارن .. من منظور وجود البدائل .. من منظور الفاعليه .. من القدرة على توصيل الرأى/الفكرة ..
وأرى أن المقاطعة بداية صحيحة جدا لفعل جمعى داخل مجال محدود ممكن يتسع .. فيها تمرين عمل عام .. فيها رفض .. وهى آلية تعبير أخلاقية جدا ..
ثم ولا تحرم أحدا من فرصة الحوار المثمر .. على العكس تماما .. ستجعل الناس أكثر قدرة على إدارة حوارتم وسواقتها نحو الغايات الاساسيه من الحوار..
م ح المشرف
يا مشرف اعتقد انو زاوية الشوف مختلفة شوية هنا لمسألة (الحوار الاسفيري) .. اختزال (الحوار الاسفيري) في محض (حوار) ما سليمة من ناحية منجية الحوار الاسفيري يلعب على محاور متعدد متشابكة و جدلية الكتابة/الاعلام/و (الحوار) سليقة ساي و فيه من خصائصها اجمعين
اشدت انت فوق بفاعلية ركن النقاش، لحيويته و تكثيف اللحظة الثورية .. لواقعيته لكن في غياب فضائية حرة، و حتى جريدة حرة. و هيمنة الآخر على الاعلام كله يبقى الحتة دي عاوزة وقفة و شوية تأمل .. لأنك بتضيع فرصة و لها تكلفة .. مهم في تقييم البدائل الانتباه لـ(تكلفة الفرصة البديل) و دا مصطلح محاسبي لو حبيتو بشرحو لمن اراد.
ثم ثانياً : و هي نقطتي الاساسية .. اجمل ما عجبني في جسارة الباشمهندس عالم قوله (ما معناه): نحن ما بنشيل سلاح .. و بنسقطكم من الشارع انا برضو ما بشيل سلاح .. و ملتزم بالمقاومة السلمية المدنية لتحقيق حياة كريمة على ظاهرها او (حياة) شريفة في باطنها ..
احدى شعارات الربيع العربي الاثيرة: سعداء على ظاهرها .. او شهداء في باطنها
السؤال البتوهط كل الذاكرة حالياً
ماهي ادواتك يا باشمهندس عالم .. و السؤال ليك يا قيقراوي و لكل المنطط عينيه و اتبعك يا عالم باحسان الى يوم الدين؟
شفت كيف؟
Post: #77 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-14-2011, 04:16 PM Parent: #76
معاوية الزبير ..
رسالة واحده عندى وعندك لهؤلاء .. أنت تناصر هذا النظام الفاسد .. أنت لا تستحق/ى الالتفات اليه .. أنت منبوذ/ه
فقط لاغير .. أنت منبوذ/ه
Post: #78 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: خدر Date: 12-14-2011, 04:34 PM Parent: #77
ده فراكشن ولا شنو يا زملاء ؟ :)
Post: #79 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: سعد مدني Date: 12-14-2011, 05:22 PM Parent: #78
هؤلاء الأرزقية.. ينتمون لمنظومة متكاملة تمارس الفساد و القتل و الإسفاف.. هم جزء من آلة التدمير الهوجاء التى حولت السودان الي جهنم أرضى... ما أندهش له.. هو مداخلاتهم التى فى بعض الاحيان التى تحاول..أن تنتقد الكذب و الفساد و عدم المصداقية.. و سجل التنظيم الإجرامى الذى ينتمون اليه.. فاض عن آخره بكل الموبقات والخَبَال و الغُثاء.. أنهم يمجدّون القتلة..و يسجدون للطاغية الذى أباد الالآف من بنى وطنى.. يرفعون من شأن قادتهم الذين يغتصبون الرجال و النساء.. و يتسترون علي كبار حرامية المال العام... نعم انهم أرزقية.. يقتاتون من مائدة اللئام الذين أذاقوا الشعب السودانى مرّ العذاب.. و ينفثون سم كلماتهم فى وجه الشرفاء...
Post: #80 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-14-2011, 06:42 PM Parent: #79
طه جعفر الخليفه ..
أدناه نص الوصية الأخيرة للشهيد على فضل .. لنعرف قيمة الحوار الديمقراطى عند من نحاورهم ..
(أنا علي فضل أحمد.. أسرتي حي الديوم الشرقية بالخرطوم.. ظللت أتعرض للتعذيب المتصل وأعتقد بأنني شارفت علي الموت.. لقد كان ذلك بسبب أفكار وطريق إخترته عن قناعة ولن أتراجع عنه.. وانني علي ثقة بأن هنالك من سيواصل بعدي علي هذا الدرب)
مودتى يا أستاذ ..
Post: #81 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: طارق الجبلابى Date: 12-14-2011, 07:33 PM Parent: #80
Quote: طارق الجبلابى ..
ياخى !! قبل يومين تلاته .. لم أجد سببا لحدتك الشديده مع واحد منهم ؟!
تصور ؟!!
تحياتى ودالمشرف
الحمدللة...اخى دعنا نريهم القول المستحق..فقد جبلوا على الغدر.. وتزكر كلمات البتراء لزياد...
Quote: ..ألم تكن منكُم نُهاةٌ تَمنع الغُواةَ عن دَلَج الليل وغارة النهار.....؟ قرّبتُم القَرابة، وباعدتم الدِّين، تعتذرون بغير العُذر، وتُغْضُون على المختلس.... ... أليْسَ كلُّ امرئٍ منكم يذُبُّ عن سفِيهه، صُنْعَ مَن لا يخافُ عاقبةً ولا يرجو مَعاداً......
واللة لن اتركهم فى حالهم...فما لنا غير الكتابة..
Post: #82 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: طارق الجبلابى Date: 12-14-2011, 10:30 PM Parent: #81
Quote: مشرف اعتقد انو زاوية الشوف مختلفة شوية هنا لمسألة (الحوار الاسفيري) .. اختزال (الحوار الاسفيري) في محض (حوار) ما سليمة من ناحية منجية الحوار الاسفيري يلعب على محاور متعدد متشابكة و جدلية الكتابة/الاعلام/و (الحوار) سليقة ساي و فيه من خصائصها اجمعين
كلماتك اعلاه...ليست لها من مقام هنا.. انها تداعيات فنتازيا...وسفسطائية فى منبر الحوار المتمدن وتامل فى قول الحق....
Quote: قد سمع الله قول التي تجادلك في زوجها وتشتكي إلى الله والله يسمع تحاوركما إن الله سميع بصير.
...
اترى تباعد بين الحوار والجدل.....؟ لغة...فلبس بينهما... ومفهوم فلسفى....قول آخر..
والامر بساطة....اختر انت ذواية الشوف...ولكن ليس لحوار اسفيري...او محضور.. فتلك فذلكة...حينها كنا نستظل اللبخ ونتكئ على الارائك. والتفكيك يا صديقى...مقامات ..وليس ذو حظ فى متاهة السفسطة...إإ ولكنى زعيم..بفككة الماتريدية والمعتزلة.. ان لهؤلاء الملأ ...رؤيةالاستعصام...والتمكين الالهى.. فدع الجدل....التقاء المتناقضين...لانتاج توحد قابلا للشوف بكل ذواياامكانية الوعى. هذا مفهوم فلسفى...
اما لغة...باتجاه ذاوية شوفك....فهى كما خطه كيبورك..
Quote:
ثم ثانياً : و هي نقطتي الاساسية .. اجمل ما عجبني في جسارة الباشمهندس عالم قوله (ما معناه): نحن ما بنشيل سلاح .. و بنسقطكم من الشارع انا برضو ما بشيل سلاح .. و ملتزم بالمقاومة السلمية المدنية لتحقيق حياة كريمة على ظاهرها او (حياة) شريفة في باطنها ..
وان امتدت الاجآل.....ساتتبع بقية ما أفاء اللة لك...بك .......
Post: #83 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: د.نجاة محمود Date: 12-15-2011, 02:00 AM Parent: #82
Quote: على فضل ما كان يبادلهم ضحكه ضحكتين ويتبنى الحوار الديمقراطى المترف ده .. ما كان هسع شهيد لشعب بدون ذاكرة ومتسامح جدا وديمقراطى.. أو كان هسع يكون عضو فى سودانيزاونلاين بحاور محمد فرح !! او فى منبر الحوار الديمقراطى بمارس الالق النضييييف
بالجد يا علي بقي اسمك في خشوم لاهية الله يرحمك ويحسن اليك بقدر احسانك للناس..
يا مشرف انت ما بتعرف على ما تكتب عنه المتخيل دا
على رجل فاره الانسانية ويحب الجميع والكل ولا يفرق بين الناس فكريا لعلي جيش من الاصدقاء من كل الاتجاهات والطبقات .. وهو متسامح وديمقراطي جدا ولو ما قتلته تلك اليد ألاثمة وشاء الله ان يكون كاتب في سوداينزاولاين
كان حيناقش ويحاور كل الكيزان وانصارالسنة والبعثين بكل ادب جم واحترام لحقهم في الاختلاف.. ولكن كرهكم للطيش لانه افقكم ضيق ومتعاليين بلا سبة ولا سبوبة
فتش عن الناس العرفته والفته حتقوليك نفس الكلام دا
على مات مرتين لما قتلوه الكيزان واستخدمه مناضلين الكيبورد في نشر حاجات على ضدها تماما الحاجة الوحيدة الكانت حتتغير لو علي كان حي انه كان حيكون اتبرأ من اي مناضل هنا..
وقرف وخلا الكتابة كغيره من الشيوعين المحترمين
اي دعوة مثل هذه دعوة ضيقة الافق وغير عادلة خاصة لو جيتوا عملتوا لينا القوائم العبيطة ديك اي زول زهجانين منو يبقى كوز.
ما تستاهلو الا يحكموكم الكيزان ديل تاني 50 سنة كدا
Post: #84 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: ابوعسل السيد احمد Date: 12-15-2011, 02:24 AM Parent: #1
سلامات يا د. محمد حيدر
المواقف الأصيلة ـ يا محمد أخوي ـ تُخلق مع الانسان وتجلوها التربية القويمة والنزوع إلى الحق والخير والفضيلة، وتتبدى عند الابتلاء. هي يا صديقي مثل الموهبة لا يمكن أن يكتسبها الانسان. ولذلك سيظل الأصيل أصيلا ولن يحتاج أبدا لكي يبرر مواقفه لأنه مفطور عليها، ومن ناحية أخرى سيظل الجانح إلى القبح منجدلا في أوحاله مختلقاً ذرائع باطلة لن تفلح أبدا في غسل الأوحال.
مثلك يا حكصة لا يخيب الظن أبدا.. تقبل محبتي واحترامي
ـــــــــــــــــــــــــــــــــــــــــــــــــــــــــــــــــــ ظللت على الدوام أقرأ ما تكتب هنا مستحضرا أياما من زعيمة وعطبرة وبحر الغزال والرهد ومتذاكرا أياها مع على الباشا ولقمان محمدين وعمر حميمة متى ما سنحت الفرصة.
Post: #85 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: Haitham Elsiddiq Date: 12-15-2011, 05:17 AM Parent: #84
سلامات يا أبوعسل ياخ...
بحر الغزال في الأول ياخ بعدين أبوزعيمة وعطبرة ولا شنو ياصاحب...
هناك بعض الناس...أو سمهم إناس...ينطلقون من إنسانيتهم في كل شئ....
الأنسانية هي منبع ضمائرهم...وضميرهم هو الفيصل في خياراتهم....لذا فخياراتهم دائما صعبة...
فلا يحكمها عقل ويتبناها منطق....ولاتؤثر عليها الحسابات والمصالح...
فالقصة يا رفيق خور عمر ما هي إلا قصة ضمير تحركة إنسانية...تملي علي صاحبنا المشرف ما يفعل وما يقول....
ولو نظر الجميع لذلك لكفونا هذا الجدل....
الإنسان المشرف لة إنسانية لو وزعت علي أهل البورد لقاطع الكيزان أنفسهم الحوار مع أنفسهم....
فاليقاطع المشرف من يشاء وليمتنع عمن يشاء...فلو تعلمون من أين يتخذ قرارة لقاطعتم جميعا...ولو إكتويتم بما يحمل من إنسانية و ضمير...لما دخل أحدكم بوستا لمسترزق...
دعوة لإنسانيتة يتعذب بها ويكتوي بنارها....فهي بلاء لو تعلمون عظيم....
Post: #86 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-15-2011, 07:07 AM Parent: #85
للسودانيين فى الدوحة مسجداً يؤمونه ما قدروا لصلاة الجمعة فيه .. يدعونه "مسجد شيخ كبدالكريم" وشيخ عبدالكريم هذا, زول صالح وتيراب صالحين .. يحج السودانيون للصلاة فى مسجده كل جمعة ومن كل صوب فى الدوحه يأتونه .. تجدهم بسمرتهم الداكنة, وجلاليبهم البيضاء, وعماماتهم البيضاء, وقلوبهم البيضاء بينما يكتفى بعضهم بشال مجدوع على الاكتاف .. وبعد الصلاة, وبعد السلام على شيخ عبدالكريم.. يتجمعون خارج المسجد لتحية بعضهم ..
يحكى - والعهدة على الراوى - أن مواطنا قطريا أشار لصاحبه هل رأى ملائكة فى حياته قط ؟! فأجابه بلا .. فقال لصاحبه, سأريكهم اليوم.. وأتى به مسجد شيخ كبد الكريم وبعد صلاة الجمعة مباشرة .. وقال لصاحبه أن أنظر لمن هم أشبه بالملائك !!.. وأشار نحو جموع السودانيين خارج المسجد وهم يحييون بعضهم عناقا وبشاشة وكأجمل ما يكون ..
وسواء صحت الرواية أو لم تصح وهى صحيحة .. فذلك مشهدٌ جليل, وجمعٌ كريم و.. إنسانى جدا وحميم !! وديل أنحنا !! وهذا مشهدنا الذى هو أشبه بالملائكة خارج مسجد شيخ عبدالكريم فى الدوحه..
ماذا حدث لهذا الشعب حتى يقتل بعضه بعضا وتسود الكراهية بين أبناءه .. الكراهية والحقد والمقت حد الاقتتال .. حد موت الاطفال والنساء والشيوخ .. حد الهزيمة الوطنية الماحقه ؟!
تشاد القصور ورياض الاطفال الفارهه فى الخرطوم وضواحيها المترفه .. ويبدأ الفقر ويتسع من عند أطرافها ونحو بقية الوطن المجزوء والممزق والناقص ..
يموت الناس من الفقر والعوز والمرض والحروب .. وينجز الفاسدون معاملاتهم المالية الكبري فى بنوك لندن ودبى والبحرين ..
يبتنون لآبائهم مساجد مليارية تقربا للملك العدل الرحمن الرحيم ويوزعون الظلم فى الطرقات ويزرعون فى قلوب الناس الكراهية ..
مشكلتنا ليست شخصية تجاه فلان وعلان .. مشكلتنا بلد عدموها التكتح .. حتى الالفة بين الناس ! حتى الأخلاق ..
لا نعاديهم فى شخوصهم ولكن .. نعادى ما يمثلون من قبح شديد ولا حوار مع القبح الانسانى والوطنى أبداً ..
Post: #88 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-15-2011, 09:03 AM Parent: #86
يااا بت سند عفراء ..
صديق الموج زول شريف جدا وسودانى .. زيك زى طه جعفر زى ابوعسل وزي ناس كتار ... حزبيين وغير مميزيين سياسيا .. بس بعرفو تفاصيل الوطن وداخل اطارو الاخلاقى .. وأؤلئك خارجون عن قانون المزاج السودان العديل وسمح ؟؟ وخارج تفاصيل هذا الوطن .. لذلك .. لا يمكن الوصول اليهم أو التواصل الا سقوطا وابتذالا للقضايا..
Quote: عليهم لعنات آلهة النهر المبجلة عليهم لعنات تراب البطانة عليهم لعنات رمال دارفور سهلها و الجبل عليهم لعنات جبال المابان و خضرة النيل الازرق عليهم لعنات الحجارة من جبال النوبا عليهم لعنات النهر عند السدود عليهم لعنات القاش فائضا و جاف لا حوار معهم
Post: #89 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: قيقراوي Date: 12-15-2011, 09:22 AM Parent: #86
Quote: فدع الجدل....التقاء المتناقضين...لانتاج توحد قابلا للشوف بكل ذواياامكانية الوعى. هذا مفهوم فلسفى...
بل هو مفهوم (علمي) و المحتوى الداخلي لحركة التطور ما بين السيرورة و الزوال
شفت ليك جنس سفسطة!؟
و هو البقول فيو انا ذاااتي، و قاله القرآن بـ(التدافع) لست معجب بالخوارج (المؤدلجين) في تطرفهم و حملهم السلاح ابداً كما لا يعجبني فكر الاعتزال نحو فكر عصري يؤمن بالتعددية الديموقراطية و حقوق الانسان نحو دولة مدنية حديثة و معاصرة نحو العصر .. بادوات العصر نحو فجر جديد
فلنمسك شباطين الصراع الفكري صاح بدون الديالكتيك اللاقي و الدجل المؤدلج
بنكون في الانتظار لباقي (السفسطة الاسفيرية الفاخرة ) دي
Post: #96 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: ابوعسل السيد احمد Date: 12-15-2011, 02:08 PM Parent: #85
هيثم.. يا أخي في الدم وتراب الوطن ( حقوقها للنبيل السني دفع الله أبو السهروردي ) طبعا بالتأكيد بحري ( في الأول ) في الأذين الأيمن كمان.. وكلو في الهم خور عمر.. صحي صحي إنت في بلد العظيم الراحل سامورا ماشيل؟ يا سلام ياخ على أمنا الانسانية العظيمة وقد أنجبت بنتها الكبرى أمنا افريقيا العظمى بشرا أسمى وأنبل مثل توماس سانكرا وباتريس لوممبا وسامورا ماشيل إخوة للأميركي العظيم التشي غيفارا..
وإذن ،يا صديق، فإنسانية المشرف وجمال روحه ليست محل تساؤل بالنسبة إلينا نحن الذين عرفناه يافعا وهنا في هذا الفضاء بحراكه الكثيف. وهاهي تتبدى للعيان في هكذا موقف، لأن الانسانيين الخلص هم بشر مثلهم مثل غيرهم يأكلون الطعام ويعيشون في المنافي وفي تراب الوطن، بيد أن قلوبهم تعمر بذلك الحب الذي وصفته في حديثك بأنه لو وزع في هذا الفضاء لكفى الجميع ومحق بؤس الأقبحين..
وللمشرف أن يحاور من يحاور وأن يمتنع إن عن له ذلك.. وحقيق بمن هم أمثال المشرف من الجميلين في هذا الموضع أن يدخروا جهد حوارهم للتفاكر مع هذا الفيض العريض من ناشدي الجمال والحق والفضيلة إثراءً للكفاح المشروع ضد القبح وسدنة العسافين.
لو فتشتا لي اسمي بالانجليزي في الفيس بوك بتلقاني حتى نتفاكر أكثر وندرك ما فاتنا من أخبار.. ونترك للمشرف مجاله المشرع هنا لما ينفع الناس أكثر ويمكث في فضاء الانسانية..
محبتي لكما معاً
Post: #87 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: فدياس نجم الدين Date: 12-15-2011, 08:47 AM Parent: #1
محمد حيدر المشرف
هسه راح تبني التصنيف على شنو؟ وعندك شخصي الضعيف الشايف انه ممكن يناقشك ويحاورك سواء في السياسه او الكوره او الغناء زاته راح تعتبرني من اللصوص؟ بعدين وين الديمقراطيه هنا ووين كلام اختلف معك في الراي لكني مستعد للموت من اجل ان تقول رايك
رجلك من الابنص شويه يا المشرف وخليك كوووول
Post: #90 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: Kabar Date: 12-15-2011, 10:18 AM Parent: #87
صديقي محمد حيدر المشرف..حبابك و حباب جميع الصديقات و الأصدقاء هنا.. و بعد.. دعني اثبت نقطة (قد يستغرب الجميع/دكتور بله موسى قال فكرة مقاربة ..و لكن لن تمنعهم من التمعن فيها)..قاعدة المنطق الذهبية تقول.. سلامة المقدمات تقود الى سلامة النتائج..و من مقدماتك استغربت للإحتفاء بموقف البعثي (البعثي دي خلي بالك منها شديد) محمد عالم..و مثلك كثيرون و كثيرات احتفوا بالواقعة..و لقد احزنني الإحتفاء.. لدرجة اني سالت نفسي هل هو اليأس.. أم الغيبوبة؟..
البعث يا محمد هو ود عم الجبهة الإسلامية لزم..و حينما اقول ذلك استصحب تجارب البعث في العراق..و سوريا..فمقولة (امة عربية واحدة ذات رسالة خالدة)..لا تفرق عندي عن اطروحة مثلث حمدي..و البعث الذي كان سبب مباشر في تدمير العراق (بعد بنائه)..لا يختلف عندي عن الجبهة الإسلامية التي دمرت السودان و جعلته مقسم الى دولتين..!!
في واحدة من كعات الإعتقال ايام الجامعة ناس الأمن قاعدين يبتزوننا بمقولة غريبة..و هي قولهم.. لو انتو بعثيين مافي نظام دعم البعث (يقصدون العراق) مثلما فعل نظامنا..! يبقى يا صديقي.. من يرفع عقيرته بانه بعثي و يقول ما قال لنافع على نافع.. فماذا انتظر منه؟..و هل تجارب البعث في الدول الأخرى لا تشكل درسا يمكن أن يعتبر منه الشعب السوداني؟.. الجبهة الإسلامية في السودان دعمت بعث صدام..و اليوم تدعم بعث الأسد..فهل البعثيين و البعثيات في السودان فاكرين الشعب السوداني ده ما عندو ذاكرة؟.. موقف عالم بالنسبة لي تمثيلية كبيرة للغاية..و هي مصممة لغرض معين..و ادت غرضها..و هو احراج المعارضة..و جعل منسوبيها منتشيين..و هذا الإنتشاء يمكن أن يفسر ياس العاجز الغريق الذي يتمسك بالقشة الرهيفة..! ده اول مطب يا صديقي..و متروك للجميع تأمله و التدبر في امره..
كبر
Post: #91 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: Kabar Date: 12-15-2011, 10:21 AM Parent: #90
المقاطعة مشروعة ديموقراطيا و شرعيا:
الجبهة الإسلامية في السودان ، وجودها فعل عقلاني مخطط له بدقة..و في يقيني لا يتم تجاوز ذلك الفعل الإ بفعل عقلاني اقوى و ابعد اثرا..! و هناك خيط رفيع بين المقاطعة (المشروعة ديموقراطيا) و الإقصاء (المرفوض ديموقراطيا)..الإقصاء يحدث أن يطالب احدهم بابعاد فرد من المنبر(الحرمان من حق التعبير)..و المقاطعة عزلة اجتماعية و تشكل موقف واضح من الحاجات..و استغرب للإبتزاز الذي مارسه البعض هنا بحجة اين الديموقراطية؟..و نقول ديموقراطية اكثر من السماح للناس تعبر عن رأيها بحرية؟..فهم رجالا و نساء لهم الحق في التعبير..ولكن لا يعني ذلك أن تقرأ لهم الناس كسر رقبة..فالجبهة الإسلامية نظامها الداخلي يقوم على عزل الأخرين و مقاطعتهم اجتماعيا و سياسيا و اخلاقيا..و هذه العزلة التي يمارسها التنظيم و اهله هي التي جعلته تنظيما محصنا و متماسكا..!
نفس الجبهة الإسلامية و اهلها هي التي تزعق و تجوعر بانها تمارس مقاطعة لإسرائيل..و هذه المقاطعة اصبحت سياسة دولة تمشي في القانون و التجارة و الدبلوماسية..و في فعلهم لتلك المقاطعة يعتقدون جزما بانهم يمارسون حقا مشروعا و له اثره..و لكن حينما ينادي فرد مثلك بفرض عزلة اجتماعية عليهم و مقاطعتهم..ينكشف نفاقهم..و يجوعروا ليك ما قلتو ديموقراطيين..والرأي الأخر مفيد ليكم..الخ..!
المعارضة اليوم كلها تسعى للعمل من اجل الإتنفاضة..و من الوسائل المقترحة.. العصيان المدني..و من ابواب العصيان المدني النافذة العزلة الإجتماعية على افراد تنظيم الديكتاتور و اصدقائهم و صديقاتهم..و سؤالنا لناس المعارضة: لماذا الدعوة للعصيان المدني..و رفض فرض العزلة الإجتماعية على اهل الجبهة الإسلامية؟ ليه..كاسرين عينكم في حاجة مثلا؟!!
الجبهة الإسلامية و اصدقائها و صديقاتها في هذا المنبر لم تأتي لحوار..و احدى عشر سنة في هذا المنبر لم ارى احدهم ابتدر حوار (ما عدا صديق محمد عثمان/مؤتمر شعبي)..و انما معظم نشاطهم يتركز في اختبار النشاط العام و اتجاه الكلام في المنبر ..يعني هم طوالي في حالة رد فعل و دفاع..و حينما تيسر الأمر اكثر.. ابتدعوا وسائل اخرى ..و هي وسائل تمييع الصراع و صرف الناس عن القضايا الجوهرية الملحة..مثلا تسعة ميزانيات منذ ان حضرت المنبر..و يوم واحد مافي زول من الجبهة الإسلامية جاء و قال الميزانية فيها كييت و كييت و هذه هي مميزاتها..و طوالي مستغلين استغفال الأخرين..عشان كده ما عندهم حوار ولا قدرة على الحوار..!
معظم نشاطهم يتركز في الأخبار.. يعني المعارضة جابت خبر.. يقوموا طوالي يجيبوا دحض أو رؤية تانية ..و الغرض دايما استهداف الرصيد الهامل (مثلما يرى ابو ساندرا)..و مثل هذا الإستهداف نجحوا فيه..و اصبح المنبر محيد تماما.. الإ قلة قليلة..!
الطيبة بتاعة السودانيين ملايكة و طيبين.. هذه اكبر اسطورة طلعت عيننا..و عليها قام حكم الجبهة الإسلامية..مشكلة أنو السودانيين كويسين و اولاد ناس.. هذا ما استغلته الجبهة الإسلامية اقصى استغلال..!
العزلة الإجتماعية.. يجب أن تذهب الى اقصى اشواطها (في هذا المنبر الإسفيري) و سوف يكون لها الأثر..حتى بوستات العزاء و المطايبة و السلام..يجب الأ يذهب اليها الناس..ان كانت فعلا تريد أن تفرض عزلة ناجحة..!
و العزلة ليس بالضرورة يفرضها و يؤديها اهل المعارضة الملتزمين..و انما يجب أن تذهب ابعد و تكون من قبل افراد اخرون يقتنعون بجدواها..يعني لمن سوداني يتواطأ مع جرائم الإبادة .. أو يتواطأ مع تقسيم السودان .. أو يتواطأ مع قمع الناس و فرض ظروف معيشية قاسية عليهم..فهل هذا يحتاج المطايبة؟..و اذا قمنا بالمطايبة ماذا نبغي؟..هل نريد أن نقول للناس نحنا كويسين و اولاد ناس؟..و افرض قلناها أو قالها غيرنا عنا.. فهل هذا سيوقف مشروع الجبهة من الإستمرار؟ أو هل سيجعلنا في خانة ضد المشروع؟..
ليه بعض بوستاتهم ناجحة؟..مش لأنو ليها قيمة..و انما فيها استغلال ذكي لخصلة في الشعب السوداني و هي خصلة العاطفية..يعني شوية استفزاز ممكن تجيب ليك الأمة كلها .. العميان شايل المكسر..اها الغلط وين؟ ..!
الموقف اليوم في السودان واضح: يا اما مع الجبهة الإسلامية و يا اما ضدها..ولا توجد منطقة وسطى ما بين الجنة و النار..! و اذا كان فرد يقف ضد الجبهة الإسلامية (بما فيها المؤتمر الشعبي).. عليه أن يخلق عزلة اجتماعية ضد افرادها و اصدقائها و صديقاتها في هذا المنبر و في المنابر الأخرى..!!
كبر
Post: #93 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: قيقراوي Date: 12-15-2011, 11:39 AM Parent: #91
سلامات صديقتاذنا كبر
Quote: صديقي محمد حيدر المشرف..حبابك و حباب جميع الصديقات و الأصدقاء هنا.. و بعد.. دعني اثبت نقطة (قد يستغرب الجميع/دكتور بله موسى قال فكرة مقاربة ..و لكن لن تمنعهم من التمعن فيها)..قاعدة المنطق الذهبية تقول.. سلامة المقدمات تقود الى سلامة النتائج..و من مقدماتك استغربت للإحتفاء بموقف البعثي (البعثي دي خلي بالك منها شديد) محمد عالم..و مثلك كثيرون و كثيرات احتفوا بالواقعة..و لقد احزنني الإحتفاء.. لدرجة اني سالت نفسي هل هو اليأس.. أم الغيبوبة؟..
البعث يا محمد هو ود عم الجبهة الإسلامية لزم..و حينما اقول ذلك استصحب تجارب البعث في العراق..و سوريا..فمقولة (امة عربية واحدة ذات رسالة خالدة)..لا تفرق عندي عن اطروحة مثلث حمدي..و البعث الذي كان سبب مباشر في تدمير العراق (بعد بنائه)..لا يختلف عندي عن الجبهة الإسلامية التي دمرت السودان و جعلته مقسم الى دولتين..!!
في واحدة من كعات الإعتقال ايام الجامعة ناس الأمن قاعدين يبتزوننا بمقولة غريبة..و هي قولهم.. لو انتو بعثيين مافي نظام دعم البعث (يقصدون العراق) مثلما فعل نظامنا..! يبقى يا صديقي.. من يرفع عقيرته بانه بعثي و يقول ما قال لنافع على نافع.. فماذا انتظر منه؟..و هل تجارب البعث في الدول الأخرى لا تشكل درسا يمكن أن يعتبر منه الشعب السوداني؟.. الجبهة الإسلامية في السودان دعمت بعث صدام..و اليوم تدعم بعث الأسد..فهل البعثيين و البعثيات في السودان فاكرين الشعب السوداني ده ما عندو ذاكرة؟.. موقف عالم بالنسبة لي تمثيلية كبيرة للغاية..و هي مصممة لغرض معين..و ادت غرضها..و هو احراج المعارضة..و جعل منسوبيها منتشيين..و هذا الإنتشاء يمكن أن يفسر ياس العاجز الغريق الذي يتمسك بالقشة الرهيفة..! ده اول مطب يا صديقي..و متروك للجميع تأمله و التدبر في امره..
كبر
تأسيساً على القاعدة [سلامة المقدمات تقود الى سلامة النتائج] كل كلامك اعلاه عرضة خارج رتم الحلقة
مسكت في معلومة هامشية عن ذات (المعارض) و خليت كل (الحدث)!؟ ياخ وين الباشمهندس عالم قال "امة عربية واحدة ذات رسالة خالدة"!؟ وين قال ان بعث الموت شيئاً مستطاع .. لكن موت البعث شيئاً مستحيل!!؟
الراجل تحدث عن معاناتو معاناتي و معاناتك .. عن خبزة قدر الاضان .. و بي 300 جنية عن رطل السكر عن ضياع امل بتاسيس حياة كريمة عن نهب مصلح عن عدم خجل و انهيار القيم و الاخلاق .. و ضياع الدين بالدنيا اتكلم عني تماماً
اتكلم عني .. و فتح نفاج و طاقة أمل في بكرة -ممكن- و جميل جداً رجع لي عشم نزول لشارع و نهوض العالم التحتاني و تاهبو لرمي (العارض) الفوقاني جوووة غيابة الجب
و الله لان اطلع موهوم و غبيان في ذلك لافضل مليون مرة من ان اظلم مظلوم سلفاً و فاعل قادر يسترد مظلمتو .. و جاهر .. و عاقر الكلام الصاح ياخ سابقنا بمليون ركعة حب في انتجاه وطن معافى فيهو الناس بتصل بكسبها (المشروع) و مباح و متاح .. و الحشاش يملأ شبكتو وطن مدني تعددي مش لو يبقى بعثي!؟ لو الشيطان ذاتو اقر الديموقراطية التعددية و حقوق الانسان و الدولة المدنية الحديثة سنفسح له فرقات بين صفوفنا في صلاة .. و نيمم وجوهنا صوب قبلة تسع صلواتنا جميعاً المافي شنو!؟
تحياتي
Post: #94 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: Kabar Date: 12-15-2011, 12:16 PM Parent: #93
Quote: وين قال ان بعث الموت شيئاً مستطاع .. لكن موت البعث شيئاً مستحيل!!؟
د ملام شنو يا قيقا؟..المافي شنو على قولك..نجيب الشريط مثلا؟.. اها بعد عبارة (هذا زمانك يا مهازل فامرحي) طوالي قال ليك (محمد حسن عالم ، حزب البعث العربي الإشتراكي ، خريج جامعة النيلين ، كلية الهندسة).. اه ده انقليزي يا مرسي؟!!.. لو انتا يا صديقي بتتخم بحكاية اكلتونا و اكلتو حقنا..و ضيعتونا ذاتو.. نحن لأ يا صديقي..ليه؟.. لأنو بنفهم كويس انو الجبهة الإسلامية دي شمولية ولا تقبل بالآخر..و كذا حزب البعث العربي الإشتراكي..(و الله يا قيقراوي.. البعثيين ديل لو ضبحوا البشير من الأضان للأضان ما ح يقنعوا زول انهم ح يكونوا فرق من البشير..!!)..! كده يا صديقي.. قدامك اتنين: يا اما في حالة يأس عارمة.. يا اما في حالة غيبوبة..و لك أن تختار.. مافي طريقة لسلفكة في النص نوهائي..!! البعث كايس نقاء العروبة..و مثلث حمدي اداهم عروبة و اسلام كمان..! بعد ده لو دايرين يقالعوا نظام المؤتمر الوطني الإ كن يكون من باب ) يا فيها يا افسيها)..!! اخير تسمع كلامي (و يعضدني دكتور بله موسى) الحكاية دي ما راكبة عدلة ياخي..!! ابدا يا قيقا دي ما جزئية عابرة.. دي بيت الكلاوي ذاتو.. عشان الداير يعارض الجبهة الإسلامية يعارض عدييل..و ما يتخم بالعاطفة..!!
كبر
Post: #95 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: قيقراوي Date: 12-15-2011, 12:28 PM Parent: #94
Quote: كده يا صديقي.. قدامك اتنين: يا اما في حالة يأس عارمة.. يا اما في حالة غيبوبة..و لك أن تختار.. مافي طريقة لسلفكة في النص نوهائي..!!
وانا فوق صرحت عديييل
ان اكون موهوم و غبيان خير مليون مرة من ان اظلم مظلوم
------
معليش
و انتو باقصاء الآخر -فكرياً- و تغييبو دا ما شايف لي فرق برضو! انا بحاسب (الافعال) و الاحداث ما النوايا و الافكار .. بحاسب البرامج لا تزر وازرة وزر اخرى .. و كلٌ بما كسب سياحسبه الشعب
و مؤمن تماماً بالتعددية .. و التعايش السلمي، في دولة مدنية تسع الجميع بقواعد الديموقراطية .. و المنافسة الحرة النزيهة
انتهى الموت الاضافي .. ابتدأ الزمن المخصص للنماء
Post: #97 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-16-2011, 01:46 AM Parent: #95
صحيت أمبارح الصبااااح .. وصادفونى اول ما صحيت أولاد خور عمر فى ها البوست .. الغريبه كانت الساعه 6 صباحا برضو !! فقمت شديت الملايه ومشيت الحمام .. وجانى مزاج غريب جدا انو اشرب شاى الصباح فى برطمانية مربي فاضية !!!
غايتو ..
Post: #98 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: doma Date: 12-16-2011, 10:13 AM Parent: #97
Quote: فيا محمد المشرف, انت داع للديمقراطية و الديمقراطية هي التي يجب ان تحدد سلوكك! علينا ان نحاور الكيزان ليس لنقنعهم, بل لدحض دعاواهم, و شرح مواقفنا. و صدقني هم لا يحبذون ذلك و لا يحبونه و دونك هذا المنبر فانهم لا يشاركون في حوار, و انما يريدونه حوارا للطرشان وساحة للتطبيل و الهتافية الفارغة, لان ذلك هو ما يخدم مصالحهم. نحن ندعو للديمقراطية و الانفتاح, و من مصلحتنا شق اي حبن محتقن و فتحه للهواء الطلق بالحجة و المنطق, و اذا تخلفنا عن ذلك فاننا نخدم برنامج الكيزان اكثر من فكرتنا.
يا محمد المشرف, علينا ان نهاجمهم بالحوار و بالحق و الحجة و نفضحهم و نعري نظامهم!
ود المشرف
Post: #99 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد على حسن Date: 12-16-2011, 12:15 PM Parent: #98
Quote: العزلة الإجتماعية.. يجب أن تذهب الى اقصى اشواطها (في هذا المنبر الإسفيري) و سوف يكون لها الأثر..حتى بوستات العزاء و المطايبة و السلام..يجب الأ يذهب اليها الناس..ان كانت فعلا تريد أن تفرض عزلة ناجحة..!
و العزلة ليس بالضرورة يفرضها و يؤديها اهل المعارضة الملتزمين..و انما يجب أن تذهب ابعد و تكون من قبل افراد اخرون يقتنعون بجدواها..يعني لمن سوداني يتواطأ مع جرائم الإبادة .. أو يتواطأ مع تقسيم السودان .. أو يتواطأ مع قمع الناس و فرض ظروف معيشية قاسية عليهم..فهل هذا يحتاج المطايبة؟..و اذا قمنا بالمطايبة ماذا نبغي؟..هل نريد أن نقول للناس نحنا كويسين و اولاد ناس؟..و افرض قلناها أو قالها غيرنا عنا.. فهل هذا سيوقف مشروع الجبهة من الإستمرار؟ أو هل سيجعلنا في خانة ضد المشروع؟..
ليه بعض بوستاتهم ناجحة؟..مش لأنو ليها قيمة..و انما فيها استغلال ذكي لخصلة في الشعب السوداني و هي خصلة العاطفية..يعني شوية استفزاز ممكن تجيب ليك الأمة كلها .. العميان شايل المكسر..اها الغلط وين؟ ..!
الموقف اليوم في السودان واضح: يا اما مع الجبهة الإسلامية و يا اما ضدها..ولا توجد منطقة وسطى ما بين الجنة و النار..! و اذا كان فرد يقف ضد الجبهة الإسلامية (بما فيها المؤتمر الشعبي).. عليه أن يخلق عزلة اجتماعية ضد افرادها و اصدقائها و صديقاتها في هذا المنبر و في المنابر الأخرى..!!
Post: #100 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: معتز القريش Date: 12-16-2011, 01:47 PM Parent: #99
Quote: نحنا ذاتنا غلطانين البنتحاور مع الأرزقيه فى هذا المنبر ..
انت بس قول الروووب بنعتقك هل نفذت اسلحتكم
اسمع كلام الناس الفوق ديل حاورنا وافضحنا ونحنا بنفضحكم من الشهيد الكان بتاع ود بدر الدين الأمير والى آخره والمشرحة والجنازة بتاعة أم بده وغيره
Post: #102 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: د.نجاة محمود Date: 12-16-2011, 04:45 PM Parent: #100
Quote: (أنا علي فضل أحمد.. أسرتي حي الديوم الشرقية بالخرطوم.. ظللت أتعرض للتعذيب المتصل وأعتقد بأنني شارفت علي الموت.. لقد كان ذلك بسبب أفكار وطريق إخترته عن قناعة ولن أتراجع عنه.. وانني علي ثقة بأن هنالك من سيواصل بعدي علي هذا الدرب)
الطريق الذي يقصده دكتور على هنا هو خدمة الناس ومساعدتهم عن طريق عمله النقابي وعمله كطبيب
والدرب الذي سيواصله من بعده هو درب الحق والعدل وحفظ الحقوق ولا اظنه ابدا دربه هذا يتقاطع مع اي مناضل في هذا البورد هذه الهرجلة والهتاويل لا تمت الى درب علي بصلة الذي دفع حياته من اجلها شن جاب لجاب
كفاية الاتجار يشهداء لا تعرفون عنهم الا الاسماء . انا متأكدة لو علي كان هنا كان اسع طلعتوه كوز من شدة قرفوا منكم ومن عمايلكم
Post: #103 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: بشير أحمد Date: 12-16-2011, 05:13 PM Parent: #102
قالوا :الغلبتوا الحكومة ؛أحسن يأدب كيزان المنبر!!!
والمثل ده انطبق عليك يادوكـ المشرّف والمناضلين.
إنتو قايلين الشتائم بتقلب ليها حلّة أم شِعيفة.
Post: #104 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: طارق الجبلابى Date: 12-16-2011, 06:01 PM Parent: #103
Quote: بل هو مفهوم (علمي) و المحتوى الداخلي لحركة التطور ما بين السيرورة و الزوال
شفت ليك جنس سفسطة!؟
و هو البقول فيو انا ذاااتي، و قاله القرآن بـ(التدافع) لست معجب بالخوارج (المؤدلجين) في تطرفهم و حملهم السلاح ابداً كما لا يعجبني فكر الاعتزال نحو فكر عصري يؤمن بالتعددية الديموقراطية و حقوق الانسان نحو دولة مدنية حديثة و معاصرة نحو العصر .. بادوات العصر نحو فجر جديد
فلنمسك شباطين الصراع الفكري صاح بدون الديالكتيك اللاقي و الدجل المؤدلج
بنكون في الانتظار لباقي (السفسطة الاسفيرية الفاخرة ) دي
اتعلم..؟ ما اهون تداخل لغة علم الزايرجة ...فى حواراتك الاسيفرية..إ السخف و تصنعه...عالم يتقمصك.. خمسة او...قل عشرة اسطر...ياتيك بها ذو علم الحرف والزايرجة ...فى كلمتين.. واستعجب وجوهك الباسمة...فى غير مكانها...إإ
ما هكذا...يستسهل تزيف.. وعرض ذاتك. فتلك مضحكة..اكبر ...
Post: #105 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: قيقراوي Date: 12-16-2011, 06:16 PM Parent: #104
Quote: \اتعلم..؟ ما اهون تداخل لغة علم الزايرجة ...فى حواراتك الاسيفرية..إ السخف و تصنعه...عالم يتقمصك.. خمسة او...قل عشرة اسطر...ياتيك بها ذو علم الحرف والزايرجة ...فى كلمتين.. واستعجب وجوهك الباسمة...فى غير مكانها...إإ
ما هكذا...يستسهل تزيف.. وعرض ذاتك. فتلك مضحكة..اكبر ...
نقطة سطر جديد --------
يا ود المشرف بالله عليك الاجدى مقاطعة من، و الاجدر بالمقاطعة من!؟ ما رايك في بوستات على شاكلة وداد طلبت الطلاق!؟
اها قلنا نبكيك بعد شبعتوا ضحك اعلاه المافي شنو!؟
Post: #106 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-16-2011, 07:36 PM Parent: #105
دحين خاتى ؟!!
المهم, نسبة لضيق إعترانى ونقص فى الزمن وكثرة فى الدوامات .. لم أستطع التواجد ..
كلام عصام وكبر وهيثم الصديق وابوعسل و .. ويا كبر ياخى مداخلتك الاولى غريبه جدا و التانيه قيافه.. تعرف ! فتشت أمبارح عن تصريح للناطق الرسمى لحزب النهضه فى تونس كنت سمعتو فى الاخبار قبل كم يوم وقلت اجيبو ليك وادهشك انو قربت اصفق ليهم لمن سمعت التصريح ! عموما الرسالة الخالدة كشعار ورد فى كلام محمد حسن .. لا ينفى ان الرغيفه بقت اصغر من اضانو ؟!!
تحياتى للجميع .. لا .. ليس الجميع بالتاكيد ليس الجميع .. لا سلام مع الازلام ..
Post: #107 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: قيقراوي Date: 12-16-2011, 07:58 PM Parent: #106
تم حذف المداخلة لتأكد لفح الكلام فيها مع صادق اعتذاري للصديق مشرف
--------
رسلت ليك عنواني راجع ايميلك
و الافضل انك تحذفو لو ما عندك بيو غرض هنا افضل
Post: #108 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-16-2011, 08:09 PM Parent: #107
" دحين خاتى " كجمله استهلالية لم يكن قيقراوى المعنى بها على الاطلاق .. مشكلة منبر بكرى انو اضافة تعليق لازم يكون رد على أحدهم ..
Post: #109 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: معاوية عبيد الصائم Date: 12-16-2011, 08:20 PM Parent: #105
Quote: ما رايك في بوستات على شاكلة وداد طلبت الطلاق!؟
فتح الرحمن سلامات ياخ ما اكان تسال هناك مش؟ وتخت رائك ..وعلاقة كلامك ده ببوست المشرف شنو؟ قصة غريبة والله
بعدين ده حديث مجالس الكيزان..
تحياتى يا مشرف ....
Post: #110 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: طارق الجبلابى Date: 12-16-2011, 08:39 PM Parent: #109
Quote: نقطة سطر جديد
الحمدللة... والخطاب السريالى الذى لا يعرف صاحبه ما يود قوله....إإ وكنت اتمنى السفسطة...الفارهة من جوانب...تتماهى مع ...زوايا الشوف...إ
هل يرضيك هذا...؟ احمدك...
Post: #111 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: قيقراوي Date: 12-16-2011, 08:42 PM Parent: #109
Quote: فتح الرحمن سلامات ياخ ما اكان تسال هناك مش؟ وتخت رائك ..وعلاقة كلامك ده ببوست المشرف شنو؟ قصة غريبة والله
انت ما شايف ربط و انا شايف المشكلة وين البتخليك تستغرب يا معاوية
ما انا برضو ما شايف انو اي كلام قابل للنشر و انت شايف انو اي كلام فاضي معقول يتنشر
اها في مشكلة هنا!؟
اما مسألة ليه ما كتبتو هناك لاني ما قدرت اصمد و اقرأ البوست لنهايتو و شايفك رديت على زول/ة(حذف مداخلتو) بانك ما محتاج للكلام دا!
اها اربط ليك بين البوست داك و الكلام اعلاه دي نوعية بوستات انا شايفا اجدر بالمقاطعة من كيزان المنبر .. لانها تخدم خطهم اكتر ممن تسمونهم (ارزقية) ديل و بتشوه العمل المعارض بما يفوق قدرات كوادرهم العاملة كلها و بتهبط بالسقف الاخلاقي للعمل المعارض و بتدمر اي أمل
دا من جهة شوفي طبعاً ما تتوقعني ابداً في بوستات من شاكلة بوستك داك انا هنا العن مقاطعتي ليها تماماً لن اقدم خدمة (مجانية) لخط الكيزان
Post: #112 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: معاوية عبيد الصائم Date: 12-16-2011, 09:09 PM Parent: #111
Quote: و بتشوه العمل المعارض بما يفوق قدرات كوادرهم العاملة كلها و بتهبط بالسقف الاخلاقي للعمل المعارض
الاخ قيقا من المهم جدا ان يدرك الناس اننا عندما نتناول زوجة الرئيس لم ننتناول شئ شخصي او نتهمها في عرضها حتي ياتينا المتشدقون بالقيم,ولهم ان يسالو لماذا لم ننتقد السيده فاطمه خالد والاجابه تحمل في طياتها توضيح ان السيده الزوجه الثانيه للرئيس دخلت العمل التجاري واصبحت من سيدات الاعمال وهذا يقرن بوضعها السابق حين كانت زوجه لابراهيم شمس الدين وبوادر الغناء الفاحش الذي ظهر عليها مما يجعلنا نتساءل عن مصدر هذه الاموال لانها زوجة رئيس حكومته الفساد لازمه اساسيه فيها باعتراف كتابهم الطيب مصطفي نموزجا,والشئ الاخر لماذا يغض المتشدقون هنا الطرف عن انتقاد ليلي الطرابلسي وسوزان مبارك وصفيه زوجة القذافي عندما تسلط الاضواء عليهم باعتبارهم جزء من منظومة الفساد في بلداهن,وبنفس المنطق فان زوجة الرئيس ليست مبرأه من النقد في الفساد المالي وهناك من الدلائل الواضحه والتي لا تحتاج لعناء,
وتحياتى
Post: #113 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد البشرى الخضر Date: 12-16-2011, 09:30 PM Parent: #112
يا معاوية النقد هنا مش لتناولك زوجة الرئيس او الرئيس او اي شخصية عامة بل لتناولك موضوع شخصي حتى لو كانت اطرافه شخصيات عامة حتى لو كتبت عن سوزان مبارك او الطرابلسي انهن طلبن الطلاق تاكد انك ستلقى نفس الاستنكار الفكرة يا معاوية ان سودانيزانلاين ما يبقى زيو وزي اي صحيفة تابلويد تكتب عن زواج وطلاق وعلاقات الشخصيات العامة واعضاؤه ما يبقو زي هيثم كابو او اي باباراتزي
يا ود المشرف اشكرك ياخي على حسن الظن لكن يبدو اني ما احسنت توصيل القصد من مداخلتي ما قصدته وانت تحدد من هم الارزقية على اي معايير استندت؟ هل هذا الفضاء الافتراضي و الذي يبدو فيه الكل على النحو الذي يريد ان يراه به الآخرين يكفي لتحديد من هو الارزقي من الشريف ؟ ثم عضو المؤتمر الوطني المقتنع بالفكرة وملتزم بالمنهج - اي كان - هل يستقيم وصفه بالارزقي؟
Post: #114 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: قيقراوي Date: 12-16-2011, 09:36 PM Parent: #112
يلا يا معاوية
بعيداً عن محتوى الكلام .. و قريباً من موضوع البوست هنا
ما جدوى المقاطعة اذاً؟ و كيفيتها في ظل بوستات زي بوستك-بغض النظر عن المحتوى- التكتيك/التكنيك شنو !؟ يعني لمن تفضح فسادهم، هل من حق الموالين الدفاع عن نفسهم و لّ حكمك نهائي!؟ و ماهي اصلاً الاسافير غير تفاعل!؟ لما يتم تعطيل اهم مزاياها ماذا بقي منه!؟
ثم لا ننسى انو الاسافير دي فضاء محصور جداً ، و تأثيرو محدود جداً
بعد اذن صديقنا الجيلي احمد خليني انقل من سودانيات :
Quote: المنتديات الأسفيرية تبقى صفوية جدآ ومحدودة التأثير على شرائح بعينها, وأى محاولة منا لمعالجة الواقع المرهق بتفاصيل فوق الخيال على اثر تلخيصات أسفيرية, سيكون عملآ لاتسنده الحكمة.. التلخيصات الأسفيرية (فى الواقع السودانى) تلخيصات تقتصر على حيزها الأسفيرى الصفوى فقط, وليس لها من وجود حقيقى فى الشارع والريف والهامش , فى دولة تعيش بكاملها حالة من التهميش فى مناحى التعليم والوعى والتطور .. الآراء التى تطرح هنا تطمح قبل كل شئ الى تطوير المجتمع الصفوى المحدود جدآ,وليس من أسئلة ضخمة تلقى هنا !! هنا نلخص مداعب تنا للأيام , مذكراتنا , تساؤلاتنا العابرة ,أغانينا , شعرنا ,أدبنا , ومايعن لنا من رأى فى السياسة ..... ولكن على مستوى صفوى , وحتى فى صفويته هو بالغ التخصيص .
فى مجتمع ذو علاقات اجتماعية وعرقية بالغة التخلف, لايمكنك البناء على فكرة هشة تعتمد على المجازفة,فهو حتمآ سيخزلك فى احدى الحلقات القريبة والضَيقة, ليس لأنه ينتقص لشئ, لا ,بل لأنه منفصل فى حيز يخصه تمامآ.. هذا الحديث فى مجمله لا يرمى ولو حتى بالتوهم الى التقليل من شأن التجربة الحالية, فهى تجربة حقيقة بالوقوف عندها , ولكن يجب مطالعة حجمها بتقدير عقلانى وقياسى بحت ..
Quote:
التوق الى التغيير, والرغبة الجامحة فى معالجة جبال التخلف والجهل فى حوجة الى خطوات أسرع وأكبر, الى صمت أعلى , وأفعال ملموسة , ودعنى أشدد هنا على أفعال , وحين أقول فعل فهو يشمل الرأى والصوت أيضآ , ولكن ليس الرأى والصوت الذين يلقيان فى بطن الصحراء ليرددهما الصدى , ولتلوك أطرافهما رغبة المجتمع الصفوى فى انتاج واعادة انتاج ذات الخطاب , ذات الحديث , ذات الحوار bla bla bla bla
المجتمع السودانى الراهن فى حوجة لأحد اثنين _عصا موسى _ أو الصمت أى والله الصمت الواحد دا ..!!!! شعب كامل قاعد ينق ليهو ميات السنين , وماقادر يكسح فى الحياة دى خطوة لى قدام , ناس مرهقين بالتخلف والقهر والجوع والنزوح والمجاعات والمزلة وحكم العسكر والاسلامويين,وماقادرين يمارسو الصمت ؟ ألسنهم زى الرصاص لو حدثوك عن كرة القدم وأشجار عائلاتهم وشبكات معارفهم وتجاربهم فى الحياة !! شعب يتوزع نصفه فى الكرة الأرضية, ونصفه الآخر نازح أو لاجئ , وجلهم مهمشين فى وعيهم ونظرتهم للكون وماقادرين يمشوا خطوة واحدة فى الحياة دى ؟
بلا بلا بلا شعب عشان تفرق بين الانسان الواعى فيهو والمتخلف, الا تركب ليك مكنة بتاعت كشف الذهب , بيب بيب بيب بييييييييييب وكلو فى النهاية بيب
مجتمع متطرف ومتخلف لن يجديه الحديث الممنطق فى شئ , هذا مجتمع فى حوجة لفعل, فهذا الكون فى كسحه نحو التطور لم يكن نتاجآ للأمانى الطيبة .. نحن فى حوجة لشئ ملموس كالصمت والفعل
Post: #115 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-16-2011, 11:08 PM Parent: #114
كنت اتمنى انو هيثم وحيدر يكونو معانا .. لانو يا ود البشري قالوا ذات كلامك ده بى طريقه أو بأخرى ..
منو الارزقيه ؟!!
بدرالدين ودوما .. يا أعز الناس .. تعالوا !!
منو الارزقيه ؟!
جبلابى هيثم صديق عصام جبرالله .. قيقراوى معاوية .. محمد النيل ود الصايم
منو الارزقيه ؟! ..
طيب لو لقينا إجابه .. العمل شنو ؟!
Post: #116 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-16-2011, 11:41 PM Parent: #115
شعارنا العالى بيرفع .. والعالم كلو بيسمع .. فلنأكل مما نزرع ولنلبس مما نصنع ..
الله أكبر
Post: #119 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-17-2011, 00:07 AM Parent: #118
هسع دولة شمال السودان ما ممكن وبسهوله شديده نقسم انسانها لثلاث ..
ارزقي .. ومواطن.. ومغترب؟!
التالت بحول للتانى والاول بسرق فيهم الاتنين !!
Post: #120 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: طارق الجبلابى Date: 12-17-2011, 00:13 AM Parent: #118
انى آتيك...صديقى امنحنى لحظة..
Post: #121 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: هيثم طه Date: 12-17-2011, 01:56 AM Parent: #118
Quote: لحرب مدوره ؟! العنصرية المتفشية ؟!النسيج الاجتماعى الممزق ؟!الفساد ؟!!الغلاء ؟!..الانهيار الاقتصادى .؟!.التفسخ الاخلاقى ؟!القوانين المقيده للحريات ؟!اعتقال الناس ؟!البلد المدورين فيها بيع ؟!الظلم ؟!المحسوبيه ؟!الذمم الفاسده ؟!الفجوه الغذائيه ؟!العزله الدوليه ؟!الجنائيه الدوليه ؟!القتل ؟!التعذيب ؟!التشريد للصالح العام ؟!الشموليه ؟!تزوير الانتخابات ؟!انعدام الخدمات الطبيه ؟!
و هناك ملايين السودانيين المريخاب لا يرون في السيد جمال الوالي غير انه رجل خلوق مهذب و يدعم المريخ ! و مشكلة ملايين السودانيين من الهلالاب معه فقط انه قد يدعم المريخ بسخاء ! و يهمني في هذه اللحظة ان في قريتنا الصغيرة و تبعد عن عاصمتكم مئات الكيلومترات مسجد بدعم من السعودية لجماعة ما - و يقيني بعد انه 3 اعوام سوف ينقسم نسيج الناس في الحلة - ! و سوف تدور احاديث طويلة في الحلة و نقاشات لم نعهدها من قبل ؟ مثل حكم المصافحة و غيرها -تخيل ! وسط هذه الاحاديث ستضيع لجنة الوابور و الجمعية التعاونية التي تعول أسرا كثيرة و هناك الاف المعسكرات في درافور يعيشون علي المنظمات الاجنبية (الدخيلة و الخائنة !!)و نحن في الخرطوم او في مدني لم نفكر بعد لنجعل يوما خاصا لافطار صائم في دارفور !
جاييك بكلام كتير لاختلافي الكبير في الدلالة السالبة لمفردة ( الأرزقية ) و اختزالها لتصوير صراع حقيقي دائري الي مجرد ثنائيات ! -- الي ذلك الحين تقبل اشواقنا الحارة !
------
----------- نسيت أسألك مالك شريتها كدة يا حبة ! ألديك متسع من القلب لتحمل كل هاتيك الاحزان !
Post: #122 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-17-2011, 02:31 AM Parent: #121
Quote: لا يرون في السيد جمال الوالي غير انه رجل خلوق مهذب و يدعم المريخ !
يمكن جدا رؤية ذلك يا هيثم .. ولا أخفيك سعادتى الغامره عند تسجيل وارغو يا صديقى !! الحاجه المهمه جدا فى الموضوع ده ؟! من هو جمال الوالى ؟!! وعلاقتو ب
Quote: لحرب مدوره ؟! العنصرية المتفشية ؟!النسيج الاجتماعى الممزق ؟!الفساد ؟!!الغلاء ؟!..الانهيار الاقتصادى .؟!.التفسخ الاخلاقى ؟!القوانين المقيده للحريات ؟!اعتقال الناس ؟!البلد المدورين فيها بيع ؟!الظلم ؟!المحسوبيه ؟!الذمم الفاسده ؟!الفجوه الغذائيه ؟!العزله الدوليه ؟!الجنائيه الدوليه ؟!القتل ؟!التعذيب ؟!التشريد للصالح العام ؟!الشموليه ؟!تزوير الانتخابات ؟!انعدام الخدمات الطبيه ؟!
تبقى الحقيقه انو الملايين دى ما شايفه ده كلو وشايفه الاعلام والجرايد والتلفزيون والرادى وقليل منهم سودانيزاونلاين وهلال مريخ والونسه والضحك والقرقريبه البى هنا ..
الفكرة الاساسيه فى المجال النحنا فوقو ده .. لو فى طريقه نشوف بشمول رؤية كبير .. ونركز جدا فى الهم الوطنى .. وننجز فعل رفض جماعى بسيط .. ونسوقو لى قدام .. رفض ماشي .. رفض بكبر .. رفض ماشى .. وهو والقون .. هو والقون .. وهكذا .. المافى شنو ؟!!!
Post: #123 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: د.نجاة محمود Date: 12-17-2011, 02:45 AM Parent: #122
كل مرة يضيق افق صاحب البوست الى ان انغلق تماما واصبح نظره لا يرى ابعد من ارنبة انفه
بالجد ما احلى نضال الكيبورد الما بكبب دم ولا ب###### يد
السودان ما ضاع من شوية قال ما نحاور الارزقية قال
Post: #124 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: بدر الدين احمد موسى Date: 12-17-2011, 02:45 AM Parent: #116
ود المشرف المشرف تحايا يا صديق
ههههههه انت دقست يا المشرف, و الله العظيم كنت عايز اطلب منك ايميلك لاستشارة في الصيدلة,اها براك كتبته, فتوقع ايميل مني, وبالله اسهب في الرد!
ود المشرف, طبعا انا متابع البوست, لكني كنت ممسوك بهناك مع دينق و الباقر, و مشاكل الدنيا. لكني برضو جريت لمكتبتي اشوف الناس قالوا شنو في الموضوع!
كتيب صغيروني باسم ضخم جدا:IN DEFENCE OF POLITICS كاتبه برنارد كرك BERNARD CRICK اطلعت عليه قبل فترة, فيه كلام جميل يا المشرف, عن السياسة. سانقل بعض الفقرات التي تناقش موضوع البوست و بعدين برجع اترجم و اعلق.
كرك نظر في كتاب ارسطو "السياسة" وقال: "At one point in the second book of his Politcs, where he examines and criticize schemes for ideal states, he says that Plato in his Republic makes the mistake of trying to reduce everything in the polis (or the political type of state) to a unity; rather it is the case that:"there is a point at which a polis, by advancing in unity, will cease to be a polis: there is another point, short of that, at which it may still remain a polis, but will none the less come near to losing its essence, and will thus be a worse polis. It is as if you were to turn harmony into unison, or to reduce a theme to a single beat. The truth is that the polis is an aggregate of many memebrs." Politis arises, according to great Aristotle, in organized states which recognize themselves to be an aggregate of many members, not a single tribe, religion, interest, or tradition. Politics arises from accepting the fact of the simultaneous existence of different groups, hence different interests and different traditions, within a territorial unit under a common rule." صفحة 17
ويذهب ليقول في صفحة 18 "But the establishing of political order is not just any order at all; it marks the birth, or recognition, of freedom. For politics represents at least some tolerance of differing truths, some recognition that government is possible, indeed best conducted, amid the open canvassing of rival interests. Politics are public actions of free men."
و يواصل فيقول: "For politics, as Aristotle points out, is only one possible solution to the problem of order. It is by no means the most usual. Tyranny is the most obvious alternative-the rule of one strong man in his own interest; an oligarchy is the next most obvious alternative-the rule of one group in their own interest. The method of rule of the tyrannt and the oligarch is quite simply to clobber, coerce, or overawe all or most of these other groups in the ineterst of their own. The political method of rule is to listen to these other groups so as to conciliate them as far as possible, and to give them a legal postion, a sense of security, some clear and reasonably safe means of articulation, by which these other groups can and will speak freely. Ideally politics draws all these groups into each other so that they each and together can make a positive contribution toward the general business of government, the maintaining of order ."
و يواصل فيقول page 21: "Politics, then, can be simply defined as the activity by which differing interests within a given unit of rule are conciliated by giving them a share in power in proportion to their importance to the welfare and the survival of the whole community. And, to complete the formal definition, a political system is that type of government where politics proves successful in ensuring reasonable stability and order..................In deed, he remarks (he refers to Aristotle) that the man who can live outside the polis is either a beast or a god. God is the only possible being who does not need to consult, having no fellows; God is the only possible being whose command is identical with law and justice.......................................Politics are, as it were, the market place and the price mechanism of all social demands-though there is no guarantee that a just price will be struck; and ther is nothing spontaneous about politics-it depends on deliberate and continuous individual activity. page 23
and he says in page 24, ,Now it is ofetn thought that for this "master science i.e politics" to function 'there must be already in existence some shared ideas of a 'common good', some 'consensus or 'consensus juris. But this common good is itself the process of practical reconcilaiation of the interests of the various 'science', aggregates, or groups which compose a state. it is not some external and intangible spiritual adhesive, or some allegedly objective 'general will' or 'public interest'. These are misleading and pretentious explanations of how a community holds together; worse, they can even be justifications for the sudden destruction of some elements in the community in favour of others -there is no right to obstruct the general will, it is said. But diverse groups hold together, firstly, because they have common interest in sheer survival and, secondly, because they practice politics-not because they agree about 'fundamentals', or some such concept too vague, too personal, or too devine ever to do the job of politics for it. The moral consensus of a free state is not something mysteriously prior to or above politics; it is the activity (the civilizing activity) of politics itself."
and he continues in page 25 to say: "Politics is, then, an activity-and this platitude must be brought to life: it is not a thing, like a natural object or a work of art, which could exist if individuals did not continue to act upon it. And it is a complex activity; it is not simply the grasping for an ideal, for then the ideals of others may be threatend ; but it is not pure self interest either, simply because the more realistically one construes self-interest the more one is involved in relations with others, and because, after all, some men in most part, most men in some parts, have certain standars of conducts which do not always fit circumstances too exactly. The more one is involved in relationships with others, the more conflicts of interest, or of charcter and circumstance, will arise. These conflicts, when personal, create the activity we call 'ethics' (or else that type of action, as arbitrary as it is irresponsible, called 'selfish') and such conflicts, when public, create political activity ( or else some type of rule in the selfish interest of a single group)s"
and in page 26 he says: " to renounce or destroy politics is to destroy the very thing which gives order to the pluralism and variety of civilized society, the thing which enables us to enjoy variety without suffering either anarchy or the tyranny of single truth, which becomes the desperate salvation from anarchy."
and in page 28 he says "So if politics, to be stable and possible method of rule, requires some settled order, as well as tolerance and diversity"
and he says in page 31 " Political rule, then, because it arises from the problem of diversity, and does not try to reduce things to a single unity, necessarily creates or allows some freedom"
finally he concludes in page 33: " Some freedom, at least, must exist wherever there is political rule. For politics is a process of discussion, and discussion demands, in the original Creek sense, dialectic. For discussion to be genuine and fruitful when something is maintained, the opposite or some contrary case must be considered-better-maintained by someone who believes it."
معليش اقتباس طويل جدا, لكنه مهم جدا لتأسيس-او كما يقول الكيزان تأصيل-موقع مبدأ الحوار في فكرنا كديمقراطيين و نسعى لاقامة ديمقراطية في السودان. فالحوار, هو المكون الاساسي في اي نظام ديمقراطي, و ما دمنا نسعى للديمقراطية, فيجب ان نكون الاكثر حرصا على الحوار و العمل المستمر لاقناع الاخر بضرورته و فائدته, فالحوار يا المشرف هو سلاحنا الاكثر مضاء!
--- سارجع للترجمة لاحقا عشان قيقراوي ما يشيل حالي! هههههههه
---
Post: #125 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-17-2011, 10:20 PM Parent: #124
الحقنا كلنا بالترجمة يا بدر الدين .. انجليزى ده يا مرسي .. هههههه ..
عندى فكرة يا ريت اللغة تسعفنى فيها ..
Quote: The moral consensus of a free state is not something mysteriously prior to or above politics; it is the activity (the civilizing activity) of politics itself."
اللغة يا بدرالدين ذات طبيعه فوقيه بالضرورة, وهى بذلك تكون مضلله جدا أو حمالة وجوه عديده على أقل تقدير .. إحتمال كبير أن يعود ذلك فى المقام الأول لنزاهة الكلمه.. لا شيء يمكن أن يكون نزيها كالكلمه .. أى كلمة .. هى وبالضروره نزيهة جدا .. والنزاهه صفة لا تتمتع بالمناعة الكافية ولعلها تعانى من حالة نقص مناعة مزمنة تجعلها أكثر تعرضا للعطب بفعل الجراثيم البشريه .. وأعنى تلك الكائنات التى لا تتمتع بالنزاهة الكافية للدخول فى إعلان مباديء أخلاقى الا من باب المراوغه ..
لا نتحدث عن الطبيعة الذاتية للاختلاف ولا ضرورة ممارسته حوارا فوق أرضية أخلاقية ما , فى مكان ما , فى زمان ما .. ولعلك ستعجب إن علمت تفضيلى لمفردة "تدافع" أكثر من مفردة "حوار " .. فالتدافع سنة بشرية ماضيه فى الناس .. ولعلها أصدق تعبير عما اردت أنت توصيفه هنا كما فهمت وأرجو ذلك ..
فى إطار هذا التدافع, يقترب المستوى اللغوى كثيرا من الطبيعة البشرية, ولعلها كرامة قرآنيه وهى كذلك , ما اعنيه هنا, أننا لن نعتمد على جوهر أخلاقى لممارسة التدافع بينما تحتم علينا المراجع والكتب الفلسفية ذلك .. إنظر فقط للتأكيد فى الافتباس أعلاه .. " civilizing activity " لضمان وجود الجوهر الاخلاقى لممارسة السياسة ..
عموما لا احد يمانع أى صيغة إجماع أخلاقية لممارسة الحوار .. بيد ان الامر ليس كذلك ؟!
Post: #126 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: طارق الجبلابى Date: 12-18-2011, 03:39 AM Parent: #125
الحوار كثيمة اخلاقية وفلسفية ..حتى كفطرة الهية لا يتنازع فيها متنازع.. وله تأسيس و...وابداعات ترتقى مسارالوعى وحركة التاريخ والصيرورة..... وموانعه والتدافع فيه لوازم كثر.. الزمان والمكان ...والفوارق فى الثقافات والنشأة.. وكثير يتداخل ...كعوامل مؤثرة كالقوة...وغيرها. واحلال الانسان ...وتسخيره كإله فى ملكوت اللة..الارضى كان توالى حوار مستمر...مع الملائكة..والشيطان.. ويستمر الحوار..فى اتساق محكم..سرمدى .. لا ينقطع.....ولا حين تزف الازفة.... الكون ..كناموس قهرى..الا فى كتب من قبل ان نبرأها...وخلق جدىد وتلك سنة اللة فى خلقه.... وبينة لمستزيد... فى حوارات الفلاسفة ..ومناجاة ذو السبق فى...خلوة وجلوة من اهل الاصطفاء فى مقامات الكدح والتدرج...
والموقف هنا...فى المنبر ..شأن آخر... فليس الحوار...مثوى يتفيائه ..من هم الا صدى الارتزاق ...إإإ
تحاور...من؟ ود الباوقة...علاء..وراق.. السيدح...ومثلهم من من لايخفون ولاؤهم...؟ هم ارزقية فى تجلى الضوء...فلندعهم فى حالهم... تحاور...من؟ من تركوا قول اللة فى كتابه...افلا يتفكرون...الا يتتدبرون... الا يتفقهون...وامثالها كثيرة.. وارتهونوا..عقولهم..وريقات ورثت حقبا..يجترونها...إإ
ومروا بقول الرسول....انتم ادرى بشئون دنياكم... الحق ضالة المؤمن...دون تفكير..
من احاور....؟..هذا المنشد لامامه...قال فعل ..ترك؟
من منهم يالمشرف..احاور..؟
الحوار مقوماته واضحة وجهيرة.... من لا يملك انسانية...ليقول.....
عربة واحدة...تبنى مستوصفا ..فصلا..ملجأ .. مبنى يستلقى فيه اهل الحظوة...بمسبح .. قمينة ....بنشأة جيلا يرى...اوضح
ولكن رغم كل هذا... اننا هنا فى المننبر...الا اشتات.. يتنازعناالهوى...واحن المنافى.. وكل نفس ..بما اوغلت فى وعثاء الحياة. وبقايا وطن...عهرت براءة اطفاله...وعرين نسائه.. وتبددت سماحة اللقيا.. واليقين فى سويداء..العشيرة ولاسرة الجامعة..
الا بذكر اللة...وحى لاطمئنان... صار وجعا يتنازعه الارزقية ..
من احاور....؟ وفى اي شئ احاور..هؤلاء..؟ هم الا غثاء....امتلأت دواخلهم بالافك ومفارقة...عزة وصفاء النفس... كل شئ صار..... لوجه اللة... الموبقات...والاثام..يقرؤنها..فى مواضع الرياء.. فى المساجدالضرار الموشاة...بالفسيفساء من عرق وبكاء الكدحى...فى هوامش مدن الملح... وما بدلوا...تبديلا.. احاور...من ايها المشرف..؟ لكى اقتطع...متر من الكفن..؟ ذراع....من ثرى ... ابث فيه حزنى....للة...إإإ؟ كلمات اللة ما عادت....تمس فيهم ...عرقا.. قصر مشيد وبئر...معطلة...إإ وكنوز الفضة وكواء الظهور...حديث لغو.. وتزين حب الشهوات....الافلاك..ذوات الدفع... وحدائق...والحرث..فى عدة مواضع...اتوا حرثكم انى شئتم..إإ
احاور ودالباوقة...الذى يعرف من اين توكل الدراهم..؟ ام ذلك قصير السروال....الناسخ اللاصق من بطون الحواشى...والمتون...إإإ؟
احاور فى ماذا...؟ وذلك..بانهم بغوا وتجبروا.... او اتسول...حقى؟ بان يتقاسموا معى...مما افاء اللة لهم من التمكين..؟ او ان يعطوا الاجير ...حقه؟
اريد ان ..يضئ عتمة بصرى وبصيرتى من يدعون الى حوار...إإ
انمق الصحائف...بان ذلك ليس عدل....ولا حرية ان امنع من اطلاق عقيرتى...شاكيا اللة امام ..وريث الانبياء يعظنى بالصبر...على ولاة الامر..والصلاة..... ويحملنى....تبعات فسقى وتجرؤى على الارباب......بانى عاص..إإ عاق للة...فى زمن التمحيص...والابتلاءات...إإ وانى جاحدبنعم الخالق...بتفويض الاتقياء..اولى النهى..إإ
احاور من يا بن المشرف.... من يقول انه لا يحاور الا من حمل..السلاح...إإ من يقول....لا حوار بعد الدوحة....إإ
وتابعى الاراذل...من الارزقية..يريدون حوارا...إإإ معهم ام اولياء شئونهم....؟
....ساعود
Post: #127 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: طارق الجبلابى Date: 12-18-2011, 04:01 AM Parent: #126
وحين..تهدأ ضجة النفس... ساقول الى ...من هم فى جيابة البئر.. آل...المنطقة الاوسطى.... باهتوا الخلق ...والضمير.. مثقوبى ..النفس.. المتداخلون...فى سمت العذارى..فى استحياء الجنس الثالث.. والحق...يقول...ولم يقل
الا تتلون الكتاب...؟ ...
Post: #128 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-18-2011, 04:54 AM Parent: #127
ويشتهون أن نداعر وعيهم المخصي حوارا صفيقا .. يا جبلابى .. ويودونه هكذا .. حلوا وفى تمام المجون الوطنى ..
* يا حليلك آ موسي عباس .. مستفز جدا وقوفك وامتدادك فى الصهيل .. وتلك كلماته بشيء من التصرف !
Post: #129 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-18-2011, 05:17 AM Parent: #128
أولاد خور عمر .. هيثم وابوعسل و"عمر ابراهيم حميمة" بالمودة .. أما وقد شارفتم عمر النبوة فأعلموا .. ما زلت نائب رئيس داخلية الرهد وكابتنها فى عدد من المناشط كما وكابتن المدرسة .. لذا كان حضوركم واجبا يدخل فى باب " إنصر أخاك بالحق ليس الا " إزيكم وكيف الحال !!
لو لم أعبر من خلال خور عمر لهذا الوطن .. لكفرت به !! الفكرة إنو الوطن داك ممكن جدا وجميل الاحتمال .. زى تفاصيل العلاقة بين الرهد وابوزعيمة وفى أتم العافية والاختلاف عادل محمد صالح وزاهر محمد الامين وزاهر عثمان الطاهر والوليد عبدالرحمن نمر ودياب سيد أحمد وابراهيم حسن خطاب .. وبالضرورة وكذلك أحمد دهب من برام !! تقول لى استقطاب جهوى !
Post: #130 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-18-2011, 05:50 AM Parent: #129
والمتداخلون فى سمت العذارى يا جبلابى .. ناتج ضرورى للفشل !!
هل كنا نحن التمثيل الامثل ؟!
Post: #131 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: طارق الجبلابى Date: 12-18-2011, 06:39 AM Parent: #130
نعم المشرف...
على قدر اهل العزم..نأتى. فخيركم من قالها...
........وتيقن
وما اصابك الا ما...اصاب القوم قرح ....
Post: #132 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: معاوية عبيد الصائم Date: 12-18-2011, 06:44 AM Parent: #131
هنا ..راسى مرات كتيرة بيضرب ...وللا اكون كبرت وللا اغير الفهامة حقتى.... ود المشرف ينوبك ثواب تشوف فهامة ...وتتصرف فى جمغ قيمة الفهامة..من الشباب ..
الفى شنو ؟...
طارق سلامات لى
Post: #133 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: طارق الجبلابى Date: 12-18-2011, 07:03 AM Parent: #132
Quote:
طارق سلامات لى
سلام ود العبيد...
لك صادق اعتزازى..
Post: #134 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: د.نجاة محمود Date: 12-18-2011, 07:41 AM Parent: #133
Quote: تحاور...من؟ ود الباوقة...علاء..وراق.. السيدح...ومثلهم من من لايخفون ولاؤهم...؟ هم ارزقية فى تجلى الضوء...فلندعهم فى حالهم... تحاور...من؟ من تركوا قول اللة فى كتابه...افلا يتفكرون...الا يتتدبرون... الا يتفقهون...وامثالها كثيرة.. وارتهونوا..عقولهم..وريقات ورثت حقبا..يجترونها...إإ
ومروا بقول الرسول....انتم ادرى بشئون دنياكم... الحق ضالة المؤمن...دون تفكير..
من احاور....؟..هذا المنشد لامامه...قال فعل ..ترك؟
من منهم يالمشرف..احاور..؟
الحوار مقوماته واضحة وجهيرة.... من لا يملك انسانية...ليقول.....
عربة واحدة...تبنى مستوصفا ..فصلا..ملجأ .. مبنى يستلقى فيه اهل الحظوة...بمسبح .. قمينة ....بنشأة جيلا يرى...اوضح
ولكن رغم كل هذا... اننا هنا فى المننبر...الا اشتات.. يتنازعناالهوى...واحن المنافى.. وكل نفس ..بما اوغلت فى وعثاء الحياة. وبقايا وطن...عهرت براءة اطفاله...وعرين نسائه.. وتبددت سماحة اللقيا.. واليقين فى سويداء..العشيرة ولاسرة الجامعة..
الا بذكر اللة...وحى لاطمئنان... صار وجعا يتنازعه الارزقية ..
من احاور....؟ وفى اي شئ احاور..هؤلاء..؟ هم الا غثاء....امتلأت دواخلهم بالافك ومفارقة...عزة وصفاء النفس... كل شئ صار..... لوجه اللة... الموبقات...والاثام..يقرؤنها..فى مواضع الرياء.. فى المساجدالضرار الموشاة...بالفسيفساء من عرق وبكاء الكدحى...فى هوامش مدن الملح... وما بدلوا...تبديلا.. احاور...من ايها المشرف..؟ لكى اقتطع...متر من الكفن..؟ ذراع....من ثرى ... ابث فيه حزنى....للة...إإإ؟ كلمات اللة ما عادت....تمس فيهم ...عرقا.. قصر مشيد وبئر...معطلة...إإ وكنوز الفضة وكواء الظهور...حديث لغو.. وتزين حب الشهوات....الافلاك..ذوات الدفع... وحدائق...والحرث..فى عدة مواضع...اتوا حرثكم انى شئتم..إإ
احاور ودالباوقة...الذى يعرف من اين توكل الدراهم..؟ ام ذلك قصير السروال....الناسخ اللاصق من بطون الحواشى...والمتون...إإإ؟
احاور فى ماذا...؟ وذلك..بانهم بغوا وتجبروا.... او اتسول...حقى؟ بان يتقاسموا معى...مما افاء اللة لهم من التمكين..؟ او ان يعطوا الاجير ...حقه؟
اريد ان ..يضئ عتمة بصرى وبصيرتى من يدعون الى حوار...إإ
انمق الصحائف...بان ذلك ليس عدل....ولا حرية ان امنع من اطلاق عقيرتى...شاكيا اللة امام ..وريث الانبياء يعظنى بالصبر...على ولاة الامر..والصلاة..... ويحملنى....تبعات فسقى وتجرؤى على الارباب......بانى عاص..إإ عاق للة...فى زمن التمحيص...والابتلاءات...إإ وانى جاحدبنعم الخالق...بتفويض الاتقياء..اولى النهى..إإ
احاور من يا بن المشرف.... من يقول انه لا يحاور الا من حمل..السلاح...إإ من يقول....لا حوار بعد الدوحة....إإ
وتابعى الاراذل...من الارزقية..يريدون حوارا...إإإ معهم ام اولياء شئونهم....؟
....ساعود
مبالغة مبالغة ومبالغة!!!!!!!!! نديك لقب " النقيب"* يونس بتاع المعارضة تيمنا بيونس الكان بجي يشتم ناس المعارضة وما يخلي ليهم صفحة بخطب طنانة ورنانة كل صباح في الراديو. سنة كاملة مجبرة اخاكمما بطل بسمع هه الخطب في الحافلة واعجب بالمفردات والشتائم بالنحوي
بالجد ازول دا مشى وين اسع ولا مات في الجنوب؟
__________ * ما مذكرة اسمو باكامل ولا الرتبة حقتو.
Post: #135 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: بدر الدين احمد موسى Date: 12-18-2011, 12:35 PM Parent: #134
المشرف
تحياتي
ياخ بالغت يا المشرف! انت عارف انت جبت فرمالتي في الموضوع دا كلو! الكلام دا:"The moral consensus of a free state is not something mysteriously prior to or above politics; it is the activity (the civilizing activity) of politics itself" هو زي ما بقولو الخواجات الكروكس crux بتاع الكتاب, وتقول لي منتظر مني ترجمة?
بس زي ما بقول الامام الصادق المهدي, تمرين, ساكت حا اترجم الكلام الانا نقلتو اها كرك قال: "في نقطة من كتابه السياسة حيث كان يناقش و ينتقد مشاريع الدولة المثالية فانه يقول-يقصد ارسطو-ان افلاطون في كتابه الجمهورية وقع في الخطا عندما حاول جعل كل شئ في المدينة او في الدولة السياسية شيئا واحدا موحدا, بالعكس فانه الواقع ان "هناك نقطة عندها فان عندما تتوحد, فانها تفقد صفتها كمدينة, و هناك نقطة اخرى بدرجة اقل من ذلك, حيث تظل المدينة مدينة لكنها تصل لمرحلة تقترب فيها من فقدان جوهرها, و بذلك تكون اسوا من المدينة. ان ذلك يشبه حال تحويلك التناغم-الهارموني-الي صوت واحد, او عندما تختزل الثيمة الي ايقاع واحد رتيب. الحقيقية هي ان المدينة تتكون من مجموعة من اعضاء مختلفون, ليس قبيلة واحدة فحسب, و لا دين, و لا مصلحة, و لا تقليد واحد احد, السياسة تنشا من قبول حقيقة الوجود في نفس الوقت-المتزامن-لمجموعات مختلفة ولذلك توجد مصالح مختلفة و تقاليد مختلفة في وحدة جغرافية تحكم بقانون عام واحد (صفحة 17)
ويقول في صفحة 18 "لكن انشاء نظام سياسي, ليس فقط اي نظام, فان ذلك يرسم ميلاد او الاعتراف بالحرية. لان السياسة على الاقل تفترض تحمل وجود اوجه مختلفة للحقيقة, و بعض اعتراف بامكانية و جود حكومة. و بالفعل تمارس كاحسن ما يكون وسط التدافع المفتوح للمصالح المتنافسة. السياسة هي نشاط الانسان الحر في المجال العام"
ويواصل فيقول: "لان السياسة كما اشار ارسطو هي حل واحدممكن -ضمن حلول اخرى- لمشكلة النظام, لكنها بالتاكيد ليست الحل الاكثر شيوعا. الطغيان-الديكتاتورية-هي ااكثر بدائل السياسة ظهورا-حكم فرد واحد قوي لخدمة مصالحه الذاتية- و الاوليجاركية هي البديل الثاني الاكثر شيوعا-وهي حكم مجموعة واحدة لخدمة مصالحهم نظام حكم الطاغية و الاوليغارك هو ببساطة قهر و غصب او التغلب على جميع الاخرين, او اغلب المجموعات الاخرى, من اجل تحقيق مصلحة ذاتية. النظام السياسي للحكم يستوجب ان تصغي للمجموعات الاخرى لتتوافق معهم بقدر الامكان, وان تعطيهم مكانة قانونية, و حس بالامان, وبعض مساحة واضحة و مؤمنة للتعبير ليتمكن اولئك الغير للتحدث بحرية. السياسة المثلي تجمع كل المجموعات المختلفة مع بعضها لتتمكن كل مجموعة و جميع المجموعات من الاسهام الايجابي في اعمال الحكومة, التي هي المحافظة على النظام"
ويواصل فيقول في صفحة 21 "يمكن تعريف السياسة لذلك بانها: النشاط الذي يسمح لمصالح مختلفة داخل منظومة حكم محددة للتوافق باعطائهم نصيب في السلطة بما يناسب ثقلها و تاثيرها في صحة و سلامة المجتمع ككل. و لاكمال التعريف الرسمي فان النظام السياسي هو ذلك الشكل من الحكم حيث تثبت السياسة نجاحها في ضمان حد معقول من الاستقرار و النظام. فعلا فانه-اي ارسطو-يشير الي ان اي انسان يستطيع العيش خارج المدينة فانه اما ان يكون وحشا او الها. الاله هو الوحيد الذي لا يحتاج لاستشارة بما انه ليس له اكفاء. الاله هو الوحيد الذي تكون احكامه نهائية و متماشية مع القانون و العدالة. السياسية هي سوق و الية تحديد قيمة كل المطالب الاجتماعية, مع ذلك لا توجد ضمانات للوصول لقيمة/سعر عادلة, و لا يوجد اي شئ عفوي في السياسة, السياسة تعتمد على مشاركة الفرد المقصودة و المستدامة" ص 23
ويقول في صفحة 24 "غالبا ما يظن ان العلم الرئيس-اي السياسة-لتعمل, فانه يجب ان يوجد مسبقا اراء مشتركة عن "الصالح العام" بعض اتفاق, لكن هذا الصالح العام انما هو في نفسه عملية التوفيق العملي لمصالح العلوم/المعارف المختلفة, و الجماعات و المجموعات التي تكون الدولة. انه ليس لاصقا روحيا غير ملموس ولا من خارج المجتمع, و لا هو ارادة عامة او مصلحة عامة موضوعية مدعاة, الاسواء ان تلك التبريرات قد تكون مسوغا لتدميربعض عناصر المجتمع لمصلحة عناصر اخرى-يقولون لا يوجد هناك داع لتعويق الارادة العامة! لكن المجموعات المختلفة تتماسك مع بعضها اولا, لان هناك مصلحة للجميع في البقاء, و ثانيا, لانهم يمارسون السياسة- وليس لانهم يتفقون حول مبادئ او مفهوم غارق في الهلامية, غارق في الشخصانية, او مقدس بحيث لا يستطيع اداء عمل السياسة لنفسها. الاجماع المعنوي/الاخلاقي للدولة الحرة, ليس شيئا غامضا يوجد قبل او فوق السياسة انما هو نشاط (النشاط التمديني) للسياسة نفسها"
و يستمر في صفحة 25 ليقول " السياسة اذن هي نشاط-هذه الفكرة ينبغي ان تظل حية في اذهاننا, انها-اي السياسة-ليست شيئا كأن تكون جسما طبيعيا او عمل فني يستطيع ان يتواجد حتى حين يتوقف الفرد عن العمل عليه, وهي-اي السياسة-نشاط معقد. انها ليست ببساطة ان ترنو لوضع مثالي, لانه حينها سيتم تهديد مثاليات الاخرين, كما انها هي ليست مجرد مصلحة ذاتية, ببساطة لانه كلما حاول المرء تحقيق مصالحه الذاتية كلما ارتبط ذلك الفرد بالاخرين, و بسبب انه بعد كل ذلك, بعض الناس في اغلب المواضع, و اغلب الناس في بعض المواضع, لهم مقاييس للتصرف قد لا تتماشى دائما مع الظروف والوقائع ضبطا و بصفة كلية. كلما زاد دخول الفرد في معاملات مع الاخرين, كلما زاد اختلاف المصالح او اختلاف الصفات الشخصية و الظروف. عندما تكون تلك الخلافات شخصية و ذاتية فان ذلك يخلق ما نسميه "الاخلاق" (او ذاك النوع من الفعل كما يسمي تجاوزا و بلا مسئولية "الانانية") و عندما تكون تلك الخلافات في الشان العام فانها تنتج النشاط السياسي (او شكل حكم من اجل المصالح الانانية لمجموعة منفردة)
وفي صفحة 26 يقول: "نبذ و رفض الساسة هو تدمير ذات الشئ الذي يوفر منظومة و اطار لتعدد وتنوع المجتمع المتمدن, الشئ الذي يمكننا من الاستمتاع بالتنوع من غير ان نقاسي الفوضوية او طغيان الحقيقة الواحدة, و التي هي الخلاص الجزع من الفوضى"
ويقول في صفحة 28 "لذلك لكي تكون السياسة مستقرة و ممكنة كشكل للحكم, فانها تتطلب نظام راسخ و ايضا تتطلب تحمل التنوع"
و في صفحة 31 يقول "النطام السياس و لانه ينشأ لحل مشاكل التنوع, و لانه لا يحاول اختزال الاشياء لتصبح شيئا واحدا, فانه بالضرورة يخلق و يسمح ببعض الحرية"
وفي صفحة 33 يقول: "ليكون هناك نظام سياسي, يجب السماح ببعض حرية, على الاقل لان الساسة هي عملية حوارية. و الحوار يتطلب في الحس الاغريقي الاصلي, الديالكتيك. لكي يكون الحوار اصيلا و مثمرا, يجب وضع اعتبار للاخر او الوضع المضاد, و الاحسن, عندما تتم رعاية ذلك بمن يؤمن به."
الرووووب, الحكاية طويلة خلاص و العربي بدا يروح مني عديل, بقيت ياخ افتش على الكلام تفتيش بالعربي!
لان القصد من كل ذلك فتح نقاش لتأصيل مبدا الحوار لدينا كديمقراطين, ارجو ممن يرى تحسين الترجمة ان يقوم بذلك و ايضا سارجع للتحسين و الاضافة كلما وجدت تعبير اكثر مناسبة.
يبقى التعليق!
Post: #136 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: Haitham Elsiddiq Date: 12-18-2011, 03:12 PM Parent: #135
ود المشرف ياصديق...
كدي خليني آ خد راحتي شوية وأفكك ليك بوستيك حسب فهمي وأختها ليك علي بلاطة...
أولا المشرف يؤمن بالنقاش والحوار والضد...مهما كان البعد الخلافي...شيوعي مع إسلامي ...رأسمالي مع إشتراكي...ميريخابي مع هلالابي...ودة السبب الرئسي الخلانا نجي هنا دة....لكن لازم أدوات الحوار تكون متوفرة وألارضية المشتركة موجودة ومتفق عليها....يعني مامكن الهيلالابي يقول يانغلب ياندقككم ونتناقش معاهو...ولا ألإسلامي يكفر الشيوعي ويحل دمو ويتناقشو...يتناقشو فييييييي شنو....
هسي ود الباوقة بتاع هع كرع ولا علاء المسؤل عن الإعلام الإلكتروني وغيرهم ديل تناقشهم كيف وفي شنو....ديل حسمو موضوعم زمان....ولو ألإنقاذ إغتصبت ولا قتلت والجنية ضرب الدلجة..والناس ماتت من الجوع عديل كدة دة..هم مع الإنقاذ...
يعني حسي نجاة قالت علي فضل لو حي كان بقي ضد المعارضة...زول مات بعزبو فيهو ناس الإنقاذ ونجاة بتفتكر إنو لو كان حي كان يكون ضد المعارضة....زولة شايفة إنة المعارضة دايما غلط وهي ضدها...تسألها هي المعارضة دي شنو عرفيها لي ماتطلع بي إجابة...لكن الغريبة هي ضد الحكومة....هسي زي نجاة تقول ليها شنو بس....وتناقشها كيف....
فالموضوع يبقي واضح...في فايدة من النقاش مع الناس ديل...هل نضيع زمنا ولا نطرح قضايا الوطن للنقاش المفيد
Post: #137 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: د.نجاة محمود Date: 12-18-2011, 04:27 PM Parent: #136
Quote: Ï يعني حسي نجاة قالت علي فضل لو حي كان بقي ضد المعارضة...زول مات بعزبو فيهو ناس الإنقاذ ونجاة بتفتكر إنو لو كان حي كان يكون ضد المعارضة....زولة شايفة إنة المعارضة دايما غلط وهي ضدها...تسألها هي المعارضة دي شنو عرفيها لي ماتطلع بي إجابة...لكن الغريبة هي ضد الحكومة....هسي زي نجاة تقول ليها شنو بس....وتناقشها كيف..
انت ما بتعرف على فضل عشان كدا مستغرب من الكلام دا عذبوه الناس دي وكتلوه وقدم حياته العزيزة المفيدة لاجل ما يؤمن به يبقى هو بؤمن بشنو؟ هو بامن بالعدالة والحرية والديمقراطية و قبول الاخر واحترام حقه دا علي فضل وما يمثله الناس البتاجر باسمو ديل هو براء منهم..
لمااقوليك كان حيكون ضد المعارضة لا يعني انه يحكون مع الانقاذ برضو حيكون ضد الانقاذ وحيكون رايوا انه الاثنين وجهان لعملة واحدة معارضة سجم وحكومة سجم
انا ذاتي ما عايزاك تناقشني لكن جني وجن ال self-righteous الحيمين لينا في البورد دا يعملو في القوائم ويطلعو الناس المختلفين عنهم من جنة النقاش وسقطها وماهم الا وهمات ممكن عادي تقول لزول يايابا شن طعمك
السودان دا ما ضاع من شوية
Post: #138 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-18-2011, 05:36 PM Parent: #137
فى غناء العزلة ضد العزلة يا هيثم الصديق .. زماااان .. الصادق الرضى قال : حدِّق جيداً إخترْ مكانك وأحترق حيثُ إنتهيتْ أنت منسوبُ الدمِ الآن وأنت الإشتعال ـ النارُ مجمرةُ الغضب أنت إذن ضياءُ اللحظةِ الآتى أنا ــ أنت : نحنُ والناسُ والشارعُ والعواميدُ التى تمتدُ بالأسفلتِ صوتى ــ صوتك المشروخُ فى صدإِ المقاعدِ وإنهيارُ البرلمان لم أقل أن الفضيحةَ قد تراءت فى تلافيف العُمامة وأمتدادُ اللحية ـ الزيف لماذا لم تقل أن العمارات إستطالت .. أفرغت أطفالك الجوعى .. على وســــــخ الرصيف أنت تعرف أنهم .. يقفون ضدك ــ ضدنا ــ ضدى وأعرفُ أننى سأظلُ ضد السلطة ـ اللاّ وعى نحن الآن فى عُمقِ القضيةِ مركز النارِ وبالهامشِ .. تبقى سلطة اللغةِ الخفيفة كى تُعلَقَ فى الفراغ
Post: #139 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-18-2011, 06:15 PM Parent: #138
جرفتنى الرغبة بالامس نحو ترشيحك يا بدرالدين قى بوست د. أمبده فى الحته بتاعت الفكر والسياسه .. المهم..
وددت أن أتفق معك .. أن توافر الحد الاخلاقى الادنى كأرضية للحوار ضرورى جدا .. ولا أخفيك سرا ..لى أصدقاء وأهل ومعارف , وبعضهم كانوا قيادات مرموقه جدا فى الاتجاه الاسلامى الزمان .. وكنت أعرف عنهم توافر هذا الحد الاخلاقى الادنى للحوار .. بحيث لا يعوزنا التهاتر .. وقد ألهانا التهاتر فى هذا المنبر .. ألهونا بالتهاتر .. والسؤال أين الحوار ليمارس وفق الضابط الاخلاقى الادنى ؟! أين الضابط الاخلاقى الادنى عند هؤلاء وفى هذا المجال ..؟!
Post: #140 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: هيثم طه Date: 12-19-2011, 03:55 AM Parent: #139
Quote: هسي ود الباوقة بتاع هع كرع ولا علاء المسؤل عن الإعلام الإلكتروني وغيرهم ديل تناقشهم كيف وفي شنو....ديل حسمو موضوعم زمان....ولو ألإنقاذ إغتصبت ولا قتلت والجنية ضرب الدلجة..والناس ماتت من الجوع عديل كدة دة..هم مع الإنقاذ...
يعني حسي نجاة قالت علي فضل لو حي كان بقي ضد المعارضة...زول مات بعزبو فيهو ناس الإنقاذ ونجاة بتفتكر إنو لو كان حي كان يكون ضد المعارضة....زولة شايفة إنة المعارضة دايما غلط وهي ضدها...تسألها هي المعارضة دي شنو عرفيها لي ماتطلع بي إجابة...لكن الغريبة هي ضد الحكومة....هسي زي نجاة تقول ليها شنو بس....وتناقشها كيف....
سلامات هيثم الصديق -و الناس المعاك هنا استمرارلكلامك و ليس تعقيبا -أقول : بالرغم من انو الموضوع مطروح في سياق الناس تتحاور وألاّ ما تتحاور مع انصار النظام - لكن المشكلة -فيما يبدو لي- ليست مشكلة حوار و لكن الموضوع انو في ناس استلمت السلطة في الارض و بصارعوا لاستلام السلطة ايضا في السماء (الاسفير !) -يعني في منظوري الشايفو الموضوع هو صراع سياسي (حول امتلاك السلطة حول الفضاء الجديد -) اكثر من كونو هل الحوار يجدي وألاّ ما يجدي - و كم واحد مثلا في خلال العشرة سنين الفاتت من انصار الحكومة بقي ضدها نتيحة الحوارات او النقاشات الدائرة في سودانيزاونلاين ! يعني الصراع في أصلو سياسي و احيانا ايديولوجي - وفي معظم الحالات -ان لم تكن كلها - ---لامن نجي هنا عشان نتحاور ما بنكون شايلين -ببساطة- أراءنا- عشان نتناقش فيها ! زي ايهما افضل البارسا ام ريال مدريد ! و انما أراء مصفحة بمصالح (نفسية -مادية-ايديولوجية و غيرها) -يعني حسع لو المشرف قعد يتحاور مع واحد موتمرجي لمدة عشرة سنين هنا في البوست دا ما اظن حيحصل شئ جديد ! ببساطة لانو ما أتي لحوار ! -حتي لو أعلن ذلك !- و انما كآلة للممارسة او استعادة سلطة السماء --- المتمنعة من الانقياد التام ! طيب المشكلة وين -!؟ المشرف في بداية البوست- اصلا احتجاجو لعدم جدوي الحوار مع انصار النظام -و مدخلو كان اقرب لمدخل اخلاقي اقرب من سياسي - يعني ليه نتحاور مع قتلة علي فضل - و المشرف في قرارة نفسه يؤمن بالحوار ! و قام مثلا اكتشف انو الحاصل دا ما حوار ! طيب و ما العمل ! و في نفس الوقت -الفضاء الاسفيري- فضاء مدني و حتي ناس الحكومة زاتم ما بقدروا يمارسوا نوع السلطة و التقتيل البمارسوا علي ارض الواقع ! يعني واحد من انصار الحكومة لامن يقول انو داير يتحاور ! ما معناه انو هو قال لانو بيؤمن بالحوار !(اصلو لو كان بيؤمن بالحوار كانوا ما بقوا في السلطة ) حصل سمعت ليك من ما الله خلق الاسافير دي في موتمر وطني فتح بوست و قال :التجاهل التجاهل للمعارضة !! و انما لانو الطريقة الوحيدة عشان يجد موقع قدم او سلطة في الاسفير هو الحوار او النقاش ! -- يعني مثلا ما بقدروا يكمموا افواه الناس ! و ممكن يكونوا مستغربين ليه ما اخترعوا لحد حسع وسيلة لتكميم الاسفير !! (اذن هم يعانون-- و لا يشعرون بالتميز كما الارض !! لان الاسلحة هنا متكافئة )- كلنا في الهوا سوا يا مان ! يعني بالعربي كدة :في الاسفير لو قلت لانصار الحكومة ما دايرين حوار -يقول ليك : انت ما ديمقراطي و ما قادر تقارع الحجة بالحجة لكن لو قلت ليهم في الارض انك داير تتكلم ساي يجيبوا اجلك ! و تلحس كوعك بس ! و يقولوا ليك الديمقراطية ضيعت البلد !! شفت كيف الحنك سنين ! انت قايلهم حاكمين البلد عشرين سنة من ساي !
طيب ليه المشرف بجي تاني يصطدم بشعارو ! لانو ببساطة الاسفير معقد و في نفس الوقت الرغبة الاخلاقية و السياسية للمشرف لاحداث تغيير اكبر من امكانيات الاسفير ! و لانه محاصر بضيق الاسفير و تعقيداته -- ----------- النوع الاخر : معارضي المعارضة - و هم انواع كتار ! لكن اكتر نوع ممكن يكون صعب المراس - هو النوع البتماهي لدرجة ما مع ايدلوجية النظام(الدين) و في نفس الوقت ضد سياسات الحكومة الما عندها علاقة بالايدلوجيا (الدين) - طيب -النوع دا بيعاني جدا جدا ولازم يلقي هوية عشان ازمة الهوية البعاني منها ! و لازم يعارض الحكومة مثلا في بعض السياسات -و تعارض المعارضة ككل في اي شئ ! و لانو الفضاء دا ممكن المعارضين يكون اكتر من الحكومة يعني عشان نشاط المعارضة اكبر من الحكومة لازم اخطاء المعارضة مثلا تكون اكتر من الحكومة علي مستوي المنبر مثلا - يلا دي فرصة كبيرة لنوعنا دا لاثبات هويتو ! مثلا لو في معارض جاب خبر مقتل شهيد و طلع ما صحيح -لكن الحكومة قتلت 100000 شخص في دارفور - الطامة الكبري ح تبقي علي المعارضة و فقدان المصداقية ! لكن المائة الف ديك ما مشلكة لانو المصداقية مرفوعة عن الحكومة ! و لانو مثلا لو في معارض اخطأ في المنبر دا ممكن يكون حدث لمعارضي المعارضة و لكن لو اخطأت الحكومة باكثر من هذا الخطأ الف مرة ممكن ما يجيبوا سيرتها ! لانو داك بعيد شوية - و يمسكوا في الحاجة القريبة و بتخص ناس المنبر !
Post: #141 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-19-2011, 04:56 AM Parent: #140
الهيثمان رتبوا الموضوع تمام التمام .. بعدين فى مسالة مهمة جدا .. تمرين الفعل الجماعى يا هيثم طه .. إعلان الرفض .. تسييج اعوان الشمولية بالعزلة .. وحتى يعلم كل من نتركه أنه منتن .. فاتركوهم/ن
ملاحظة مهمه جدا .. بدرالدين يا هيثم أكثرنا انسنة فى هذا المجال .. بحيث ممكن تكون دى مشكلتو معاى !!
Post: #142 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: Haitham Elsiddiq Date: 12-19-2011, 05:48 AM Parent: #140
ياهيثم ياخي سلام...
معاك مية في المية مع تحليلك...
منطقي وواضح...اللة يديك العافية....
بالذات الحتة بتاعة معارضي المعارضة....وضحتها أمن غلط ياخ.....ريحتني في روحي...
المشرف....سلام تاني ياخ....
Post: #143 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: محمد حيدر المشرف Date: 12-19-2011, 06:06 AM Parent: #142
Quote: .وضحتها أمن غلط ياخ
والله اخوك قعد يضحك لمن بانت والمورده والعباسية والهاشماب !!
Post: #144 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: هيثم طه Date: 12-19-2011, 11:36 PM Parent: #143
الهيثم بن الصديق ازيك-- مواصلة لكلام معارضي المعارضة ! و بعدين ما تضمن دا ممكن يروح ليك الرييحة ديك ! و عشان الوصل الهاشماب دا يرجع تاني بانت ! --- مواصلة لازمة الهوية السياسية للناس البتتماهي بشكل ما مع ايدلوجية النظام و في نفس الوقت ما راضين بشكل ما من سياسات الحكومة - لكن في النهاية ممكن اشواق الايدلوجية تغطي عليهم او تعميهم من اخطاء الحكومة 0اضافة لعدم اتفاقهم مع ايدلوجيات المعارضة المختلفة ! دا (كاتيقوري ) ممكن يكون واسع و عريض ! يلا المشكلة -بالنسبة لي - ما انو بس الناس حقو تحاول تحل للناس ديل مشكلتهم بتاعت الهوية السياسية ! لا لا --- المشكلة -في نظري - انو في ناس- محسوبين علي المعارضة - ممكن ببساطة يتهموهم انهم كيزان و ارزقية ! و كلامي مع المشرف انو مصطلح (الارزقية) ممكن تبسط المسألة - و بل في رأيي (الارزقية ) كمفردة غالبا جاية من الادب اليساري(ذو التفكير الثنائي فقط !) في السودان او ما جاوره ! موضوع المفردة دا كلام كتير و نؤجلو ليوم تاني ! نرجع لاصحابنا بتاعن ازمة الهوية السياسية ! يلا مثلا زولة دكتورة نجاة - في تقديري الشخصي - ما مؤتمر وطني و لا يحزنون ! - و اتهامها بانو هي كذلك -في رأيي - ظلم كبير و اجحاف ! طبعا دا ما دفاع عنها -لكن محاولة لفهم السياقات بس ليس الاّ ! ياخي تهمة انو الواحد كوز دي -تهمة كبيرة لا يغفر لها التاريخ و الحضارة !!لوووول طبعا في كلام كتير ممكن يتقال عشان الناس تلصق تهم جزافية لناس زي ديل -- مثلا انو هي او غيرها كلامهم كلو بخدم خط الكيزان و انهم ما بنقدوا الحكومة زي الناس ! لكن انا شايف انو دا معيار مطاطي ! لانو ببساطة هي ذاتها ممكن تشوف طريقة المعارضة الحالية في النهاية بتخدم الكيزان ! و دي مغالطة ما عندها حد - و اي زول ممكن يتهم التاني بانو يخدم الكيزان ممكن يحشد كمية من المبررات و كلها ممكن تكون منطقية ! عموما المعيارية في خدمة اي خطاب لخط الكيزان دا خطاب صعب و اي زول ممكن يستخدم في صراع سياسي لاسكات الاخر - و عموما نفس الكلام دا و جزافية الاتهامات الزي دي ممكن تطال ناس كتار في المنبر و اشهرهم اخونا في الله ملاسي ! و اصبح المطلح الشهير معارضة كــلـــب السرة ! لعزيزنا طيفور - هو السلاح الموجه لاي زول ظلما و اجحافا! كما أري و يمكن ببساطة يوم ن الايام حتي طيفور نفسه يقع في شر او خير عمله هذا ! لووول - طيب الحل شنو للكاتيقوري دا !! الحل -فيما أري- انو بما انو مافي زول عندو دليل لاي اتهام - حقو الناس تنقد خطابات بعض دون توجيه اتهام جزافي و حتي نقد خطاباتهم او الدخول معاهم في حوار لو صعب زي ما انت تساءلت - قاطعهم او ما تحاورهم -المهم اي زول ممكن يتخذ الموقفو الشايفو مناسب دون اللجوء لحتة الاتهام ! يعني ما مجرد كلام ملاسي في حتة بشبه او بخدم خط الكيزان -طوالي الناس تقول انو دا كدة و كدة ! و مهما تكن كلفة اي خطاب علي المعارضة لكن حكاية التهم دي لو دورت :سوف لن ينجو منها احد ! و من المعروف انو غالبا اي خطاب سياسي بيستصعب الدخول في نقد جادي ! لكن شيل المصطلحات و لصيقها دا عملية ساهلة و مريحة ! و النوع الجديد و ربما الاخطر هم من يسمون بمعارضي المعارضة -هم الكتاب الجايين من ارضية معرفية صلبة من أمثال الكاتب و الاستاذ محمد عثمان ابراهيم و البطل و دا حنجيهو بالتفصيل في الحلقة القادمة ! ----- الكلام عن معارضي المعارضة انا شايفو-في نظري - مهم عشان نقدر نفهم تداعيات اقتراح عزيزنا المشرف قدس الله صباحاته !
مودتي للجميع
و معذرة للدكتورة نجاة لاقحامها دون وجود حوار مباشر معها
Post: #145 Title: Re: نحنا ذاتنا غلطانين البنتحاور مع الأرزقيه فى هذا المنبر .. Author: ابوعسل السيد احمد Date: 12-23-2011, 05:46 AM Parent: #144
Quote: أولاد خور عمر .. هيثم وابوعسل و"عمر ابراهيم حميمة" بالمودة .. أما وقد شارفتم عمر النبوة فأعلموا .. ما زلت نائب رئيس داخلية الرهد وكابتنها فى عدد من المناشط كما وكابتن المدرسة .. لذا كان حضوركم واجبا يدخل فى باب " إنصر أخاك بالحق ليس الا " إزيكم وكيف الحال !!
لو لم أعبر من خلال خور عمر لهذا الوطن .. لكفرت به !! الفكرة إنو الوطن داك ممكن جدا وجميل الاحتمال .. زى تفاصيل العلاقة بين الرهد وابوزعيمة وفى أتم العافية والاختلاف عادل محمد صالح وزاهر محمد الامين وزاهر عثمان الطاهر والوليد عبدالرحمن نمر ودياب سيد أحمد وابراهيم حسن خطاب .. وبالضرورة وكذلك أحمد دهب من برام !! تقول لى استقطاب جهوى !
يا سلام يا حكصة..
عادل أب فقرة ومجتبى نيكيتا والطيب فرح ومحمد الفاتح كريزي ومجتبى صلاح اليسع وطارق عربي وعبد القادر خليفة ونصر الدين دليل ومحمد الطيب زهران وهيثم قنديل وجمال اسحق وجيسي أنجلو وجيمس مناسا والصاوي وابراهيم خطاب ومحمد عبالحليم وطلعت وزلفو وعبد الله الضو تفرقت بنا وبهم الأوطان شمالا وجنوبا وتخطفتنا المنافي البعيدة يحالفها المتأسلمون الأرزقية في غول أطماعهم وفي صهدها وزمهريرها..
بلغنا يا صديقي من العمر عتيا وجاوزتنا أزمنة النبوءات في غيابة الاعتساف يرهق الوطن وعبثا يحاول طمس تلك الأزمنة التي كان الوطن فيها أوحدا ببحر غزاله ورهده وزعيمته وعطبرته. ما كانت لنا سحنات أو لون إهاب أو جهة في الوطن غير الوطن.. نعم، يا أخي، لوننا كان الوطن، سمتنا كان هو، جهتنا كانت هو، إقليمنا كان هو.. وها هو اليوم يتسرب من بين أيدينا وعيوننا.. فقط يبقى مقيما أبدا في القلب. وهأنتم تبعثونه في الروح مواقف ناصعة لا يخطئها كل أمين محب. سلامي لك ولهم ولهيثم الصديق وأقباس الوطن وشموسه وأقماره الناس
)