Post: #1
Title: الثورة انطلقت
Author: الشامي الحبر عبدالوهاب
Date: 12-12-2011, 04:34 PM
Parent: #0
الفات كلو كوم وكلام الشاب الجرئ في جامعة الخرطوم كوم تاني
|
Post: #2
Title: Re: الثورة انطلقت
Author: الشامي الحبر عبدالوهاب
Date: 12-12-2011, 04:36 PM
Parent: #1
لقد ازاح هذا الشاب نهائيا ما يعرف بحاجز الخوف
|
Post: #3
Title: Re: الثورة انطلقت
Author: الشامي الحبر عبدالوهاب
Date: 12-12-2011, 04:45 PM
Parent: #2
الان يمكن القول ان الربيع الحقيقي انبت نبتته في السودان
|
Post: #4
Title: Re: الثورة انطلقت
Author: معاوية عوض الكريم
Date: 12-12-2011, 04:51 PM
Parent: #3
كيف ؟
|
Post: #5
Title: Re: الثورة انطلقت
Author: الشامي الحبر عبدالوهاب
Date: 12-12-2011, 05:05 PM
Parent: #4
الكلمات والتصرفات التي تعبر عن الاحساس بالظلم هي دائما الوقود الحيوي للثورات
فالنار التي اشتعلت في جسد بوعزيز التونسي احرقت كراس السلطان في اكثر من بلد
والكلمات التي خرجت من هذا الشاب سيكون لها اثرها في التعبئة
تحياتي اخي معاوية
|
Post: #6
Title: Re: الثورة انطلقت
Author: ود الباوقة
Date: 12-12-2011, 05:10 PM
Parent: #4
انطلقت وين ؟؟؟
|
Post: #7
Title: Re: الثورة انطلقت
Author: mustafa mudathir
Date: 12-12-2011, 05:20 PM
Parent: #6
شوف الزبانية وكت تبدا الهضربة:
كيف؟
انطلقت وين؟
|
Post: #9
Title: Re: الثورة انطلقت
Author: محمد حيدر المشرف
Date: 12-12-2011, 05:23 PM
Parent: #7
لكلمات والتصرفات التي تعبر عن الاحساس بالظلم هي دائما الوقود الحيوي للثورات
فالنار التي اشتعلت في جسد بوعزيز التونسي احرقت كراس السلطان في اكثر من بلد
|
Post: #8
Title: Re: الثورة انطلقت
Author: الشامي الحبر عبدالوهاب
Date: 12-12-2011, 05:22 PM
Parent: #6
تسال منها وين لامن تجيك في تولا
|
Post: #10
Title: Re: الثورة انطلقت
Author: ود الباوقة
Date: 12-12-2011, 05:28 PM
Parent: #8
يا شباب ادونا معاكم فرصة
المسالة اخذ ورد
|
Post: #11
Title: Re: الثورة انطلقت
Author: Hassan Senada
Date: 12-12-2011, 05:41 PM
Parent: #10
بالجد برافو محمد حسن عالم
تحياتى الشامى
|
Post: #12
Title: Re: الثورة انطلقت
Author: مريم بنت الحسين
Date: 12-12-2011, 06:01 PM
Parent: #11
على الرغم من اعجابي وغبطتي الشديدة بالفيديو، لكن يا جماعة مافي داعي للاستعجال... عشان ما تبقى القصة مكاواة والسواي ما حدّاث.. والثورة لما تقوم ظااااهره... المصريين خلونا نتسمّر قدام التلفويون اسابيع وكل يوم اعدادهم تزيد.. ما نفرح بالقليل.. احنا عايزين زي الشاب الشجاع ده على الاقل الفين تاني... عشان نحرك الشعب الادمن الفشل والانهزام ده... ولازم نقدم بديل قوي، عشان الالفين ديل يمرقوا معاهم تاني 200 ألف...
الله يعين بس، وتنطلق..
|
Post: #13
Title: Re: الثورة انطلقت
Author: الشامي الحبر عبدالوهاب
Date: 12-12-2011, 09:24 PM
Parent: #12
شكرا لكم جميعا ولمروركم الكريم
وانقل لكم النص كاملا لحديث الشاب الجرئ من بوست الاخ خدر
- ( .. )من الخوف ..د. نافع ده مكتبو ما كان بدى للاسلاميين عشان يجتمعو فيهو .. خوااااف .. وبعد ما جا السلطه .. الكلام بقى تلحسوا كوعكم وما عارف شنو .. وكلمات كتيره جدا جدا جدا .. ده تأريخ .. وهذا زمانك يا مهازل فامرحى .. محمد حسن عالم , حزب البعث العربي الاشتراكي خريج جامعة النيلين كلية الهندسة .. اول حاجة في مجموعة من الحاجات الاتكلم عنها دكتور نافع و المقامات محفوظة ,, الدرجة العلمية دي لو كانت اخدها في زمن الانقاذ ما كان قلناهو ليهو ذاتو لانو في زمن النقاذ ياما اخد الناس درجات عليمة في الوضو و ما عارف شنو , انحنا الشعب السوزداني ليهو فضل انو انت قريت علي حساب الشعب السوداني و اكلت علي حساب الشعب السوداني في الداخليات و اخدت درجة الدكتورارة من جامعة الخرطوم علي حساب الشعب السوداني الانت حرمتو ابسط حقو و التحية للشهيد محمد عبدالسلام الـ عشان المرتبة جريتوهو من داخلية النصر و الزول الكتلو اسه معتمد في الدولة الاسمها السودان بتقيموهو و بترقوهو , اللي جر محمد عبدالسلام من الطابق الرابع بي راسو لحدي الواطة و كتلتوهو و بتتكلموا عن الاخلاق و الاسلام ؟ والله الاسلام برئ منكم براءة الذئب من دم ابن يعقوب . ما عندي اي علاقة بيهو (محمد عبدالسلام) لكن بنقول إذا الشعب يوما اراد الحياة فلابد ان يستجيب القدر.
البنعمل فيهو انحنا ده كلو في تقديري كلام فارغ, مسألة انو نخش ليك و نناقشك و نثبت ليك انو انت كعب , و المصحف الشريف انت مقتنع بي جوه نفسك انك اسواء من وطئت قدماهو الثري .. اسواء من وطئت قدماهو الثري ( تصفيق ) و اكتر انسان ضيع الحقوق في البلد دي لكن الكلام ما مفيد .. النهاية و الفيصل بيننا و بينك الشارع السوداني ده.
الفيصل بيننا الشارع وسلاح ما بنرفعو ...........واذا انت لهتك السلطة والعمارات الشاهقة ا الشارهة تقريبا ...في بري عن انك تقرأ التاريخ جيدا ....انا كنت اتمنى ان انو نافع على نافع البتكلم لينا هنا عن الاجندة الخارجية انت ما قاعد مع الناس في همشكوريب وفي دنقو المحس الناس بتعاني زيتا طالع الناس ما لاقية اتكلم لينا عن لقمة العيش الليلة الكليو بتاع السكر بي 53 جنيه في بلد فيها 200 مليون فدان صالحة للزراعة اتكلم لينا عن العيشة البقت عاملة زي الاضان وبي 300 جنيه نحن جعانين تجي انت تقيف لينا هنا وتقول شنو وبتاع يا شيخنا الشعب الجعان دا هو الحا يسقطك ... انت الليلة ما عايش اي معاناة انت اولادك الاثنين اللي قرو جامعة الخرطوم لي الليلة قرو قبول خاص ... ما بتخجل ......
ما بتخجل اولادك بقرو قبول خاص والشعب السوداني 90 في المئة منو ما لاقين اقرو وانت اولادك بقرو قبول خاص من قروش الشعب السوداني وين الاخلاق ولدك محمد نافع اتخرج من الجامعة وراكب عربية بي 200 مليون انا هسي مهندس كهرباء خريج جامعة النيلين عاطل ما لاقي شغل ومؤهل اكتر من ولدك ولد مربت تلاتة سنين في كلية الهندسة هنا وبعد دا كلو حا يتخرج ويتعين ولدك عملو ليهو منظمة خاصة عشانو محمد نافع وانا من اكفأ خرجيجين الهندسة قاعد عاطل .... انتهي
............
الحقوق محفوظة للاخ خدر والاخ عمر فضل المولي الذين فرغا النص كاملا بهناك
|
Post: #14
Title: Re: الثورة انطلقت
Author: عمر دفع الله
Date: 12-12-2011, 10:50 PM
اخونا الشامى الحبيب البائس
انا جيت جنبك .
في ناس كدا ما تكلف نفسك الرد عليهم .
انا عندى رد من نوع تعانى .
اكتب زى ما يعجبك
وتنقد الرهيفة انشالله ما تتلتق .
ولو ما إنقدت ! .... بقدها بالريشة .
|
Post: #16
Title: Re: الثورة انطلقت
Author: صلاح جادات
Date: 12-13-2011, 07:31 PM
Parent: #15
لقد انتشر الشريط بين رواد النت ( كل المنابر + فيس بوك + صحف الكترونية + وغيرها )
فكيف يصل لعامة الشعب فتنطلق الثورة ؟
|
Post: #17
Title: Re: الثورة انطلقت
Author: صلاح جادات
Date: 12-13-2011, 10:52 PM
Parent: #16
علي الحركة الطلابية الضرب علي الحديد وهو ساخن
ترويج ونشر الشريط وسط عامة الناس هو ما يجب ان يكون
|
|