عاجل جدا .. هل هـو صديقنا عاصم الطيب قرشي ..؟

الصديق الفنان عاصم الطيب قرشي باستراليا ..
ارجو ان يكون واسرته بخير ..

وصلتني رسالة بالبريد الالكتروني .. وقد ادخلتني في شك من الامر .. حيث انها اشبه ببعض الرسائل التي يرسلها بعض الذين يستولون على حسابات المستخدمين ..





ملحوظة:
ساحاول الكتابة بايجاز لانني لمشكلة تقنية لا استطيع التداخل في البوستات او حتى ارسال عدد من السطور

الرسالة وصلتني عبر البريد في الـ Gmail .. اشبه بتلك الرسالة التي سبق وان عرضها الريس ابوجهينة .. عن طلبه لاموال لترسل له في المملكة المتحدة وحدث ذلك بعد سرقة بريده الالكتروني ..
الرسالة وردتني Spam .. وهذا ما جعلني في شك من امري ..

انقطعت اتصالاتي مع العزيز عاصم الطيب من فترة ..
قبل قليل وجدت على (الشـات ) الخاص بالبريد من يدعي انه عاصم الطيب .. وسالني بالحرف الواحد هل تلقيت رسالتي ..؟
مع تزامن الحيرة من الرسالة .. ظهر الشخص وبدا في إدارة حوار ..
سالته عن هل نعرف بعض .. رد : إذا ما بعرفك كيف اقوليك يا علاء الدين منصور ..؟
سألته من شئ مهم مشترك اعرفه ويعرفه عاصم .. لم يجبني ..
حاولت ان استخلص منه بعض المعلومات السريعة .. لم افلح ..

الحوار كان باللغة الانقليزية وهذا ما زاد في حيرتي

العزيز علاء
تحياتي ...
من شكل الرسالة وأسلوبها، أظن أنها من نوع الايميلات التي يرسلها عادة نصابون محترفون ، وقد حدثت معي أن تلقيت مرات عديدة رسائل مشابهة من بريد خاص بأصدقاء أو معارف بعد أن تمكن هاكرز محترفون من إختراق إيميلاتهم والإرسال لكل القائمة.. وأبو جهينة كما أشرت حدثت له قصة مشابهة.
والله أعلم

Quote: من شكل الرسالة وأسلوبها، أظن أنها من نوع الايميلات التي يرسلها عادة نصابون محترفون

بالضبط يا ايمن .. صياغة الرسالة بتقول كدا ..
لكن المسالة زي ما قلت لي سعد تعدت مسالة بريد عادي يعني المحترف دا كان معاي في الشات .. وربما يكون استولى على بيانات مهمة من عاصم في واحد من الايميلات .. وزي ما شايف اشار لي اسم الزوجـة .. وما معروف تاني الحاصل شنو ..
عاصم الطيب شخص خلاف شهرته هو صديق للعديد من الاخوان هنـا ..
ولو كانت لي وسيلة اتصال كنت تحققت من الامر بنفسي .. لكن كل الارقام التي بحوزتي لا تعمل ..

الفترة الاخيرة يا ايمن تعددت طرق ووسائل الاحتيال الشبكي وللاسف معظم المستخدمين يتركون بيانات مهمة لارقام حساباتهم ومتعلقاتهم الشخصية على حساباتهم الغير آمنـه .. وهنا بيت القصيد

سلام يا تامبا،
الله لا كسب الخلعوك، اظن أن الأمر spam كما اسلفت
لو قدرت تسحب الفيلم ده يكون طيب

تحياتي

Quote: الله لا كسب الخلعوك، اظن أن الأمر spam كما اسلفت لو قدرت تسحب الفيلم ده يكون طيب

لو Spam بس يا سعد كان حذفتها وما اشتغلته بالموضوع ..
لكن الزول دا كان لفترة معاي في الشـات حق البريد .. وكان بتكلم معاي .. في محاولة لي انو يقنعني انو عاصم ..
حتى لو المسالة Spam حبيت انبه الناس .. وعاصم نفسو .. بالشي الحاصل لانو المسالة فيها ما فيها ..
ومسالة سرقة الايميل يا استنساخ ايميل منو مسالة ما هينة ..

سلامات يا تمبس,,,

الآن,,, الحمد لله عاصم وكل أسرته بخير بسلم عليك كتير السلام ..


دا إيميل مضروب..

تحياتى

جاني نفس الايميل يا تمبس،
يبدو انه رسلهم لكل اصدقاء عاصم!!

علاء يا صاحب..

ياخ إنت زول نحسبك من الناس الفاهمين في أمور النت والبريد غير المرغوب فيه


القصة دي شكلها فعلاً زي ما تفضلت.. مضروبة .. الحقيقة إنه قبل كدا مرت علينا

يعني زول صاحبنا شغال في منظمات الأمم المتحدة دي..وزول كثير السفر في أفريقيا

أها ..يوم لقيت منه رسالة "مشابهة" طبعاً..إنه أنا كنت في رحلة العمل الفلانية..

ونزلت في الفندق الفلاني..وانسرقت حاجاتي كلها بما فيها جواز السفر والتذكرة..

وأنا هسي مدين للفندق الفلاني..وعاجلاً عايز تحويل المبلغ الفلاني ..

بس قمت طوااااااااالي ..دقيت ليك على التلفون.. :

- يا زول إنت كويس؟؟

- أووووووو...كيفك يا عربي؟؟

- حمداً لله على السلامة ..أوع يكون اتعوقتا ولا كدا..أها وهسي ح تتصرف كيف؟

- أتصرف في شنو يا مان؟؟ الإيميل جاك إنت برضو؟؟ كاااااااك..ههههههههههههاي..

بس..وانتهت المكالمة بإني أحذف الرسالة..وأتعوض الله في حرق أعصابي بالفاضي ساي..

فشنو..أحذفها وأدعي لي..

سأقوم بالاتصال بالصديق الفنان الجميل عاصم الطيب..وأجيك بالنجيضة..

محبتي..

..

Quote: علاء يا صاحب.. ياخ إنت زول نحسبك من الناس الفاهمين في أمور النت والبريد غير المرغوب فيه القصة دي شكلها فعلاً زي ما تفضلت.. مضروبة

..

Quote: بس قمت طوااااااااالي ..دقيت ليك على التلفون.. :

والله يا درش اصلو ما عندي اي اعتراض في انو المسالة دي ومن طريقة الصياغة .. فيها ما فيها ..
وزي ما قلت لي سعد كان حذفت الايميل الجاني وكسرت في اضاني ايقونـة .. لكن غاظني الزول البحاول يقنع فيني انو عاصم دا وقاعد حارس الشات في نفس المكان الكنت بتكلم فيهو مع عاصم الطيب يعني حبكه لي حبكة شديدة جدا ..
حاولت اعمل زيك كدا .. هبشت كل الرقم العندي لي عاصم .. ما اداني حتى جرس ساكت ..
قلت اكتب الكلام دا .. وانا ما بين مصدق لي انو البريد دا حنك ساكت .. وما بين الزول دا عينو قوية القاعد في الشات وبيحنك فيني دا ..
وفي نفس الوقت انبه الناس الما عارفه تتعامل مع المسالة دي ..
ومن ناحية تانية اي واحد من الاخوان في استراليا قريب لي عاصم .. يديهو لكـزة عشان ينتبه للحاصل

Quote: سلامات يا تمبس,,, الآن,,, الحمد لله عاصم وكل أسرته بخير بسلم عليك كتير السلام .. دا إيميل مضروب.. تحياتى

الحمد لله يا ايمن .. تحياتي الشديدة ليهو للاسرة .. وقوليهو اللحق الزول القاعد حارس الشات حــق .. الـ Gmail ومادي قرعتو دا ..

لكن ممكن تحول لى أنا ال4500 يورو والله أخوك محتاج ليهم شديد وينوبك ثواب برضو ياخ!!


وأقرب فرصة برجعو ليك إن شاء الله,,
لولا العشم ما كان سألتك والله,,

Quote: والله أخوك محتاج ليهم شديد وينوبك ثواب برضو ياخ!!

عاين زي دا عليك الله ..
والله انا اعتقد اني مفتح اكتر من كدا .. مفتح لي درجـة (تنــج) عدييل . .
اخوك شنو ومحتاج ليها شنـو ..؟ حسع دي لو عديل كبيت زيت هنا انا برسل ليك قرش احمر واحد ..؟
كدي شوف بقية الاخوان .. احكي ليهم حنكك دا .. وبعداك شوفنا معاك نحن زاتو قلبنا واقف اليومين دي

الله يقطعوا و يقطع وشو
ياخ قطع قلبنا على صاحبنا .

امسح الزفت مسحو بلى .




سلام يا علاء و سلام لعاصم

اخي علاء سلام
الموسيقار عاصم انسان مشهور وانت ايضا لاتقل عنه شهرة عبر السايبر، وهذه الشخوص الميته لاتمسك الا بتلابيب المشاهير.

احتسب وامسح بس

Quote: اخي علاء سلام الموسيقار عاصم انسان مشهور وانت ايضا لاتقل عنه شهرة عبر السايبر، وهذه الشخوص الميته لاتمسك الا بتلابيب المشاهير. احتسب وامسح بس

العزيز كمال ادريس .. تشكر يا سيدي .. وفعلا الشهرة متاعب .. وعاصم زول طيب وعلي نياتو واخو اخوان ورجل انسان شديد وزي ما بقولو علي نياتو .. وحرام يتعمل فيهو كدا .. واعتقد لو اي زول ما ليهو علاقة بي معرفة الاساليب المطبوخة بي عناية دي .. عادي جدا كان ممكن يقلق ويكون الأمر بالنسبة ليهو مزعج جدا .. وفي النهاية ايضا الخوف علي ممتلكات عاصم الخاصة واعتقد انو ما عارف الحاصل واللا كان قام بي تعميم زي ما بيعمل كتير من الناس ..


والله يا كمال بي صراحـة .. الحتة بتاعت شهرتي دي ريحتني
انا ح اعمل لي كم نسخة من المداخلة دي .. لو سمحته لي واوديها البيت معاي ..
زميلة البورد قالت انا ما مشهور .. بالاضافة لي كم واحد من الزملاء هنـا متضامنين معاها ..

Quote: الله يقطعوا و يقطع وشو ياخ قطع قلبنا على صاحبنا .

سلالام يا سيكـا ..
والله كمان انا غايظني قوة العين .. ياخ قاعد يحنك فيني في ماسينجري ..
عرفنا الجوابات البتترسل والايميلات .. كمان جابت ليها حنك وشابكني انا بعرفك ..؟
عارف لما زعلني وزهجني .. ختيته ليهو واضحة قلت ليهو انا امي اسمه منو .. ؟ كبر اللفـة وتاني جاني راجع ...

بحاول ارسل لي بكري يشيل العدة دي .. يا كمان الواحد يستفيد منها .. يرش فيها بتاعين ريال مدريد ديل

قطعاً ليس هو صديقك عاصم الطيب قرشي

نفس الرسالة أتتني قبل فترة من عنوان خالي المقيم في فيرجينيا
ورغم أنني كنت أتحدث معه في اليوم السابق لوصول الرسالة وهو ( ولاياته المتحدة الأمريكية ) ، والرسالة تقول أنه فقد أمواله وأوراقه هو في لندن رغم ذلك ( إتخضيت ) زى خضتك دي
تااااح رحت متصل بيهو
لقيتو حامد شاكر في بيتو
عملت نفسي نسيت حاجة من مكالمة الأمس



__________

تحياتي وسلامات عزيزي تمبس

غايتو أخونا عاصم بختو
عندو صديق ( في الزمن العجيب دا ) بتخضا ليهو قدر دا

Quote: With so much tears in my eyes i am writing for your immediate assistance. i travelled to england for Manal my wifes surgery. She was suppose to have an appointment with the doctors here today. As we got a taxi to the hospital we got mugged at gun point, my bag and containing all my documents, wallet, and even my travelling documents were taken away. I have ordered for a pin block of my credit card and hers. The police are looking into it. Our luggage are still at the hotel we lodged. i need to get back to the hotel immediately so i can clear my bills with the management and pick my luggage. i want you to get to the nearest western union money oulet and wire me a soft loan of 4500GBP so i can pay her operation deposit fee pending when my credit card will be rectified.i promise to refund it as soon as i get back home. let me know soonest as i should be meeting with the doctor tomorow. Regards Asim -- Today is the tomorrow you worried about yesterday

جانا كلنا يا تمبس وكفشنا النيجيرى النصاب من قولة تيت
الا الحاجه الحيرتنى اكتر الجمله الاخيره بتاعة الليله هو يوم بكره الكنت مهموم عليهو امبارح ولا شنوما عارف, دى حقت عاصم ولا النصاب؟


وبالله يا اصدقاء كل واحد يحافظ على عدتو ما تجهجهونا من الصباح

شكرا تمبس وأيمن
الرسالة مشت لأى زول فى لستتو ..
ويبدوا انو المحتالين ديل زادو خبرة وحرفنة
يا شباب الناس حقوا تجتهد شوية وتعقّد الباسوورد
فى البورد، فى الميل وأى شئ خصوصاً البنوكة

Quote: شكرا تمبس وأيمن الرسالة مشت لأى زول فى لستتو .. ويبدوا انو المحتالين ديل زادو خبرة وحرفنة يا شباب الناس حقوا تجتهد شوية وتعقّد الباسوورد فى البورد، فى الميل وأى شئ خصوصاً البنوكة

.. سلام يا شوف يا شمتاقين ياخ ..
اللستة براها ما كانت كافية للزول دا .. قلت ليك شافني دخلت علي الايميل كدا .. جا يغني لي عشان ارسل ليهو بسرعة .. يعني خلاص اقنعني انو عاصم ..
..

كلما اتعقد الباص وورد يا منعم بيصعب من المهمة .. لكن المشكلة الكبيرة جدا .. انو كل البيحصل دا عبر البريد .. في الرسائل الملغومــة .. وفي الرسائل المكتوبة بي طرق سايكلوجية جدا بتخاطب حتات جوووه خالص .. وتسوقك وتجبرك انك تنفذ ليهم طلباتهم بي كل سهولة بالرغم من انو جواك شي من حتى ..

Quote: الا الحاجه الحيرتنى اكتر الجمله الاخيره بتاعة الليله هو يوم بكره الكنت مهموم عليهو امبارح ولا شنوما عارف, دى حقت عاصم ولا النصاب؟

..
عارف يا محمد .. الزول دا شكلو بعدما شال الايميل دا صاط ليك الرسائل كلها .. وعمل منها شربات ..
عليك الله عاين زي دي

Quote: i travelled to england for Manal my wifes surgery. She was suppose to have an appointment with the doctors here today

ضف لذلك .. لما جاني داخل في الماسينجر ... اول حاجة جداعه لي قالي
Salam
بي نفس الطريقة بتاعت عاصم .. البرسل بيها وبعداك قعد يخستك بي ..
اها لما لقيتو حنكو بتاع نمل ما بيعضي .. جدعته ليهو بالونة اختبار صغيرة قلته يعفصه .. ونشوف بعداك البيحصل شنو وهو زاتو ود ناس منو وجاي من ووين .. حرن تــب وعمل فيها رايح

الناس مش تحافظ بس يا زكريـا .. الناس اول حاجة تتحقق من اي حاجة في البريد قبلما تفتحه .. تتحقق من اي بيانات طالباها منك اي جهة .. تتحقق من اي حتة بيطلبو منك تضغط عليها .. لانو بي صراحة مسالة انتي فايروس والخ دي بقت ما جايبه تمنه ..
الواحد بقى ينشلك ويقعد يونسك في الشــات

Quote: تحياتي وسلامات عزيزي تمبس غايتو أخونا عاصم بختو عندو صديق ( في الزمن العجيب دا ) بتخضا ليهو قدر دا

سلامات يا باشمهندس ..
تبا للتقنية البقت بتتحسب علي الواحد وبدل ما تسهل ليهو الدنيا بقت تدخلو في حتات ضيقه جدا ..
ياخ الواحد بقى قبلما يفتح ليهو ايميل يا يقلب ليهو صفحة يكون يدينو في هارديسكو وقلبو في الرامـات ..
لذلك ..
ارجو انك تكون جمعته يا باشمهندس .. والله الخبر وصلني لكن بعدما الفاس وقعت في الراس لكن دعيت ليك بالثبات
تاني يا باشمهندس الواحد يخلي بالو زي ما قال عادل امام من لغاليغووو .. شكلها بعد كدا ح تجيب ليها قلع عديل

4500X 5.9145 = 26615

ستة وعشرين ألف ريال يا تمبس تمن كورلا نضيفة!
الزول ده شكلو قال ياخ لو جاتني إن شاء خمسة ألف من تمبس ده برضو ما بطالة :)

المال تلتو ولا كتلتو





إزاى الحال

Quote: الزول ده شكلو قال ياخ لو جاتني إن شاء خمسة ألف من تمبس ده برضو ما بطالة :)

تخيل يا وليد بعدما كتبت البوست دا رجعت تاني دخلته الشــات لانو قلبي اكلني ..
لكن ود اللذينا ما لقيتو .. عارف كان لقيتو .. كان اسوا الفروض طلعت لي منو بي حق كوريلا .. وجبت ليك مازدا قليلة الدخــان

قلت لي قاليك روح بي دخــانك

مشتاقين والله يا ولس ..

الاخ علاء تحياتي
وصلتني نفس الرسالة الا انني لم اعرها انتباها لسبب ان عاصم و الذي لم التقية لفترة طويلة
كان في زيارة لنا بسيدني و منها توجة الي كانبيرا
والصور ادناه التقطت تقريبا قبل اقل من ساعتين ونحن نقضي وقتا جميلا باحد الحدائق العامة بليفربول



صدح لنا عاصم بما تيسر




منال تبدو بصحة جيدة و لا عملية بعد الشر و لا يحزنون

كل الامنيات لعاصم واسرتة بدوام الصحة والعافية ...

وشكرا ياتمبس بانك زكرتنا بمحاولة المواصلة مع عاصم جاتنى الرسالة

وحمدالله فتحتها بعد بوستك حاولت الاتصال علية من اخر هاتف قريب معى ولم يرد شككت أكثر

على العموم برسل ليك الهاتف فى الخاص

Hi folks. Asim 's email has been hacked and we are ok here in SYdney. Please dont respond to any email from the hacker. Thanks

سلامات يا علاء واخبارك انشاءالله تمام الاخ الصديق عاصم الطيب بخير وصحة وحسب ما اوضحت زوجته الاخت منال فى الفيس بوك ان ايميل عاصم تم تهكيره فلا داعي للازعاج

خالص ودى

تميس
انت ما ناقش انجليزي بوركينا فاسو
قطعت نفسنا ,,,

Quote: مفتح لي درجـة (تنــج) عدييل .

كويس,,,

الفيك إتعرفت,,


بس أختا المسنجرات يا (تنــج) عديل كدا إنت بتوديك الررررج!!!



ررج بتاء هكومة بتاء وزارة سهه بتاء إنتا,,


سلامات يا زول..

Quote: How you doing I am writing this letter for you to know the situation of things right now am in Spain, and i have a little problem at hand and you are the only one that can help me, i promise i will pay back as soon as i get back home.Please i want you to lend me 1,500 Euros i really need it to sort out things here.Please i want you to send me the money through western union money transfer.Here is the details to send me the money. Receivers Name: ihsan fagiri Address: Paseo de la Castellana, 220 Zip Code: 28046 City: Madrid Country: Spain Please as soon as you are done with the transfer please email me the Money Transfer Control Number (MTCN) or please just scan the receipt give to you by western union.Please i will be waiting for your help. God bless you fagiri

كيفك ياتمبس لعلك والاولاد بخير ..


اها كمان الليلة يا تمبس دكتورة احسان فقيري سافرت اسبانيا ورسلت لي الرسالة دي هههههههههههههه

ضربت ليها ضحكت قالت لي بالله بس رسلوهم لي لكن هنا قبلي وقالت لي انتي من الصباح اظن الزول الثالث يضرب

قصة غريبة شديد ..