Post: #7 Title: Re: الساعة 10م .. سهرة بقناة امدرمان، الليلة الاحد .. ما بتتفوت! Author: بشير أحمد Date: 12-11-2011, 07:06 PM Parent: #6
UP ______
تحياتي يا فتحي.
Post: #8 Title: Re: الساعة 10م .. سهرة بقناة امدرمان، الليلة الاحد .. ما بتتفوت! Author: الامين موسى البشاري Date: 12-11-2011, 07:21 PM Parent: #7
يا قيقا
قطعته قلبنا يااااخ بالجري ..... على النعمة من قريت عنوان البوست رفعته ليك جلابيتي وعضيتها بسنوني وهاك يا جري قلت الليلة في طربانه كااااااربة وحسس شديد شدة الحرامي .. ..
سلامات يا ابوبكر انشاءالله بعد ان نستلم النسخة الالكترونية للحلقة سنقوم بتنزيلها هنا او وضع اللينك الخاص بها
ابشرك ان سودانيزاون لاين بقيادة بكرى ستقوم بنقل الاحتفال مباشر اتمنى من القادرين على التوثيق بمتابعته و توثيقة حتى بستطيع الكل مشاهدتة لاحقا اذا لم يتمكنوا من المتابعة المباشرة
الحلقة كانت جميلة جدا لم تكن مباشرة ولم اكن احد المستضافين فى البرنامج المرة دى يا ابا ذر على مجتبى أتى الدور فكان لها تماما عمر عشارى وهيام عثمان كانو خير من يمثل مؤسساستهم حاضرى الذهن خفيفى الروح و الظل لم ينمقو الكلام امل عزالدين -الفائزة الاولى السنه الماضية- كانت قادرة على التعبير عن نفسها اما الابن العزيز محمد المصطفى طارق مع اعتذارى للجميع فقد كان نجم اللقاء قمة التلقائية واستخدامه للامثلة كان رائع ..بإختصار كان مدهش كحاله دائما ربنا يحفظهم لاهلهم ويحفظهم من كل شر يا رب يا رب يارب
كنا معنا يا اباذر فى رفع بوستات الجائزة عايزين الحضور المرة يدهشنا اكتر واكتر
يا كل من بالمهجر ارسلوا من ينوب عنكم للحضور اهلكم جيرانكم جيران جيرانكم اصحابكم واصحاب اصحابكم
Post: #17 Title: Re: الساعة 10م .. سهرة بقناة امدرمان، الليلة الاحد .. ما بتتفوت! Author: قيقراوي Date: 12-12-2011, 08:56 AM Parent: #16
اللمين العريس
Quote: رفعته ليك جلابيتي وعضيتها بسنوني وهاك يا جري قلت الليلة في طربانه كااااااربة وحسس شديد شدة الحرامي
يبدو لي انو الواحد (قيقا) سمعتو بايظة بجاي
صدق انا ماحضرتها بعد دا!؟ كنت عندي ارتباط اكاديمي لا فكاك منه..
اها بنكون خلف الباشمهندس ابا ذر عمر عدد واحد متظاهر مطالب بالتوثيق اليوتيوبي و لّ ح نسقط ليكم النظام يا سهام
Quote: ياقيقا امدرمان دى حلفت ماتجى معاى التردد 11595 و 11585 مابشتغلو معاى لو عندك تردد تانى مدنى بيهو
تصدقي انا ذاتي ما قدرت اظبطا عندي! ياخ ما كنت متخيل انو بجي يوم احتاجا ليها! و الله صحي
رحم الله غادة و بشبش الطوبة التحت راسها
اها خليك في الصف غايتو .. انتظري معانا انا و اخوي الهندسة ابو ذر .. ننتظر التوثيق عاد ..
و من كان له فضل علم في شان التكنولجيا فليعد به علينا بالله ..
------
ذكرتيني قصة حصلت في البلد .. بلدنا اسمها "كريعات" ريفي تمبول ريفي رفاعة لو سمعتي بيها اها جا سكن معانا شيخ بابكر، زول من ناس الله .. العارفين مرة في مرا جاتو قالت ليو غنمايتا راحت منها .. اها قعدا، قليها لمن اخلص من الطلبة و الحيران ديل لمن افرنقع الجميع، لفح توبو و اتوكا عصاتو قال ليها قوماكي .. ارح نفتش سوا انا حماري من امس ما عارف محلو! المرا حواجبينا عملن تمانية و تمنين .. كانت عقديتا فيو قوية!! قايلاو فاتحة ساي بجيبا ليا!!
Post: #26 Title: Re: الساعة 10م .. سهرة بقناة امدرمان، الليلة الاحد .. ما بتتفوت! Author: عوض عبدالله طه Date: 12-13-2011, 02:54 AM Parent: #25
شكراً أباذر وشكراً للصديق عبد الوهاب سمبتيكو الفنان فقد وثق للحلقة الجميلة وكفاني عناء قتال اليوتيوب خاصة أنه يملك رتبة (شريك يوتيوب) وهو من يحق له رفع مقاطع فيديو طويل جداً بعكس العنقالة الزينا الذين يضطرون لتقطيع الفيديو بطريقة لا تفرق كثيراً عن كيمان الكمونية غايتو الحمد لله وشكراً يا مجتبى إبداء حسن الظن
بالرغم من شماتة أبلة قيقا في
...
Post: #27 Title: Re: الساعة 10م .. سهرة بقناة امدرمان، الليلة الاحد .. ما بتتفوت! Author: قيقراوي Date: 12-13-2011, 09:12 AM Parent: #26
حبيبنا عمران سلام
Quote: عشرات الكلمات كتبتها وكلها لقيتة ما قالت شي . رغم أن الصدفة ساقتني للحضور لكني أجزم بأن متعتي بالحلقة كانت مختلفة ومؤثرة
الكلام هو المُشاركة الفعَالة في مشروع الجمعية حتى تصير شيئاً له القيمة لسماحة الفكرة والتنفيذ
"في البدء كان (الكلمة)"
-----------
اتمنى نحن في المنافي نتحرك لي جهة المساهمة الفاعلة في مكتبة غادة .. ممكن نتشاور في الطريقة .. طبعاً نحن اغلبية في جدة .. جني و (المهندس) احمد تجاني .. اللخ اللخ (اللخ اللخ دي تشمل اللخ (اسئس) فيما تشمل
دا تلفوني 0557348436
Post: #28 Title: Re: الساعة 10م .. سهرة بقناة امدرمان، الليلة الاحد .. ما بتتفوت! Author: بله محمد الفاضل Date: 12-13-2011, 09:21 AM Parent: #27
معكم طبعاً دون أي تباطؤ يا قيقا أو التفات
بس راح علينا نشوف ونسمع
تحياتي واحترامي للجميع
Post: #29 Title: Re: الساعة 10م .. سهرة بقناة امدرمان، الليلة الاحد .. ما بتتفوت! Author: قيقراوي Date: 12-13-2011, 10:25 AM Parent: #28
Quote: وشكراً يا مجتبى إبداء حسن الظن
يا زوول!؟
انت لسة مصرّ انو مجتبى اتى من هنا!؟
------
ما عارف لو كلكم بظهر ليكم الفيديو و لّ زي كدا في ظلمات الـITــيباب تعمهون؟
المهم ..
ارجو يا دكتور انك تتولى المسائل (الفنية) دي لضمان كوالتي يليق ..
همام طه المجمر يبتسم رغم الحر الحارق .. فقد أتى من صعيق كندا مباشرة الينا يلفه الحنين والصديق الجميل عصام عبدالحفيظ يبل الشوق بلقاء صديق قديم هكذا تجمعوا بكل الحب ليحفزوا هؤلاء الشباب المتوثب للتألق والابداع الشباب المدهش حقا
و أنت، شيراز و ود المشرف شرف لى 91، تمنيت مساهمة محمد هنا و هناك..
شكراً على الإحراج بالبارد، يعنى عشان الفيديو بتاعى بائس يعنى!!
طيب فكو لينا سر تنزيل اليوتيوب، زمان كان بيظبط معاى، أسى ما عارف بقى مجلى شوية!! مرات بحس أنو بكرى ما داير الناس كلها تنزل عشان الباندوث ( مجرد إحساس ياخ!!!)..
بالمناسبة أيدكم معانا فى موضوع ( المسئولية الاجتماعية) ده، و على ضمانتى الموضوع ده خيره كتير، معظم الشركات عندها الرغبة فى المساهمة و المشاركة
و فى إنتظار المبادرات. كذلك نود أن نرى المسئولية الاجتماعية ثقافة تنتظم الوطن!!
أمنيات ياخ، و الحمد لله التمنى ما بقروش. كلو فى، بس أنت قول لى المافى شنو؟؟
Post: #34 Title: Re: الساعة 10م .. سهرة بقناة امدرمان، الليلة الاحد .. ما بتتفوت! Author: قيقراوي Date: 12-14-2011, 01:39 AM
سلامات يا هندسة
لتصحيح [شفرة التضمين] للفيديو من اليوتيوب انقر بزر الماوس اليمين .. و اضغط على نفس العبارة اعلاه بين المعقوفتين.. و تعال ابهلا هنا خالي مسئولية و الله صحي
-----
غايتو بكري بلمها حسنات ساااي من سوء ظننا بيو دا! الصباح بجيك بهناك
Quote: همام طه المجمر يبتسم رغم الحر الحارق .. فقد أتى من صعيق كندا مباشرة الينا يلفه الحنين والصديق الجميل عصام عبدالحفيظ يبل الشوق بلقاء صديق قديم هكذا تجمعوا بكل الحب ليحفزوا هؤلاء الشباب المتوثب للتألق والابداع الشباب المدهش حقا
شكراً يا مجتبى على اشراكنا في الجمال دا
-------
يا د.عوض هدي كتابة أ. مجتبى الخطو مكعوجك ديك سهام .. داخلة بحساب مجتبى ياخ! و الله صحي!
